Table of contents for July 2020 in Weg!

Sowat een of twee keer elke jaar sit ek op ’n verhoog saam met ander tydskrifredakteurs van Media24 se Leefstylafdeling en ons gesels met ’n saal vol adverteerders en sakevennote oor toekomstendense in reis, skoonheid, mode, gesondheid en dekor. Die insig van my kollegas verstom my elke keer, want soos die Amerikaanse bofballegende Yogi Berra op ’n keer gesê het: “Dis moeilik om voorspellings te maak, veral oor die toekoms.” Yogi was berug vir sy malapropismes; taalflaters wat mense laat lag. Hy het ook gesê: “As jy ’n vurk in die pad bereik, moet jy dit vat,” en “Dis déjà-vu van voor af!” Sy bekendste flater is mooier in Engels: “It ain’t over ’till it’s over.” Dis egter sy “die toekoms is nie meer wat dit was nie,” wat in…

MARIEKE VAN DER VYVER van Albertinia skryf: Ek het dié spinnekop wat ’n by vang, in my tuin afgeneem en moes mooi kyk om die besonderse oomblik vas te vang. Die insekkenner DUNCAN MACFADYEN antwoord: Dis ’n krapspinnekop (Thomisus daradioides). Die naam is afkomstig van hulle krapagtige manier van beweeg. Hulle lig – nes ’n krap – hulle voorbene as iets hulle bedreig. Die spinnekoppe het dikwels treffende kleure wat wissel tussen wit, geel en pienk. Hulle kan oor ’n paar dae van kleur verander om met hulle omgewing saam te smelt. Hulle is hinderlaagjagters wat sit en wag vir prooi. Hulle gif werk vinnig in insekte, wat maak dat hulle ’n heelwat groter prooi soos dié by kan vang. Hulle steek gaatjies in hulle prooi en suig die liggaamsvloeistowwe…

GELD Die meeste van die blyplekke se pryse is in pula. Randkoste kan dus afhang van die wisselkoers. Tussen Maun en Kasane is daar nie winkelsentrums nie, maar bring genoeg kontant saam vir parktariewe en ander dinge. Die man wat hout langs die pad verkoop, het nie ’n kaartmasjien nie. Teen druktyd was P1 = R1,50. HOUT Gepraat van hout; pak genoeg hout op jou dakrak voordat jy ’n park binnery. Sommige van die kampplekke binne die parke sal hout te koop hê, maar jy gaan tot vier keer meer betaal. Jy mag nie hout in die veld optel nie. BRANDSTOF Moenie dat dorpies soos Khwai, Mababe en Kavimba op ’n kaart jou flous nie; die eerste vulstasie nadat jy uit Maun ry, is die Puma-vulstasie naby Muchenje. Vat vier…

Sterkspruit is in die voue van die Malotiberg, in wat eens ’n skerf van die voormalige tuisland Transkei was. Dié gebied word begrens deur die Oranjerivier na die noordweste, Lesotho na die noordooste, en Lady Grey suid daarvan. Sterkspruit is ’n warboel van ’n dorp, die strate verdring met voetgangers, afgeleefde bakkies en minibustaxi’s. Ek onthou hoe ek jare gelede die eerste keer van dié dorp gehoor het. Ek was in die Wes-Kaap in die Koue-Bokkeveld naby Ceres, waar ek met vrugteplukkers gesels het – álmal in die boord was van Sterkspruit. Hulle was seisoenwerkers en is met pluktyd in busse Ceres toe gebring. Tuis in Sterkspruit is werk glo bitterskaars. ’n Mens kan sê Sterkspruit is deel van ’n agtergeblewe deel van die Oos-Kaap. Waar toegang tot goeie skole…

HOEKOM? Ons plaas elke maand ’n keur van lesersfoto’s. Moenie skaam wees nie – krap ’n bietjie daai foto’s uit wat jy op jou rekenaar opgaar en stuur hulle vir ons! WAT? Ons hou van omtrent énigiets: natuurlewe, landskappe, portrette, vakansiefoto’s of goggas en blomme in jou tuin. HOE? Stuur jou beste foto’s na menseselense@weg.co.za Moenie lêers stuur wat groter as 4 MB is nie – as ons ’n groter weergawe soek, sal ons daarvoor vra. Gee die fotograaf se naam, van, tuisdorp en kontaknommer. Stuur ook inligting oor waar en hoe die foto geneem is en watter toerusting gebruik is. As jy die foto op enige manier gemanipuleer het, vertel ons wat jy gedoen het. DIE FYNSKRIF Ons behou die reg voor om jou foto’s elders in die tydskrif, op…

Semonkong hoog in die Drakensberg is dalk klein, maar dis die middelpunt van handel en toerisme in Sentraal-Lesotho. Die naam beteken “plek van rook” en is afkomstig van die missproei wat van die 192 m hoë Maletsunyanewaterval ’n entjie van daar af opstyg. Die Britse fotograaf Thom Pierce se portretreeks beeld ruiters, veewagters en pendelaars uit wat tussen Semonkong en ander afgeleë dorpies en opstalle in die berg rondtrek. Toegang tot paaie is beperk; dus is perde die algemeenste vervoermiddel. “Ek het al die mense afgeneem waar ek hulle teëgekom het – op hulle daaglikse roete werk toe, om voorrade te koop of om by familie en vriende te kuier,” vertel Pierce, wat sedert 2009 in Suid-Afrika woon. Teen 2 275 m bo seespieël kan die wind snerpend en genadeloos…

TRANS-BOTSWANA 11 dae/10 nagte (tent verblyf) Beginpunt Lethlakane, Botswana Eindpunt Kasane, Botswana DATUM EN KOSTE 2-12 Oktober 2020 R15 950 per volwassene; halfprys vir kinders jonger as 10 INGESLUIT • Die dienste van ’n ervare veldgids • Tweerigtingradio’s in alle voertuie • Alle kamptariewe, toegangstariewe en geadverteerde aktiwiteite • Alle tente en kamptoerusting, asook breekgoed en eetgerei • Drie maaltye per dag, en koffie en tee elke dag WAT MOET EK BRING? • Jou eie voertuig en brandstof • Slaapsak, matras, kampstoele en ’n kamptafel • Padkos en drankies • Reisversekering en versekering vir noodontruiming (verplig) • Jy is verantwoordelik vir grenspostariewe en padbelasting BESPREEK NOU! 044 535 9033 bookings@bhejane.com; bhejane.com…

Wilbur en Masadie Karolus Visfabriekwerkers, Laaiplek “Die beste visplek op die dorp is Doepie’s. Hulle kos is varser en lekkerder, of dit nou die hake-en-tjips is of die hoender of die ontbyte. Al ons werkers kom eet hier; lunch-tyd is die plek stampvol!” Marina Clunie Kunstenaar, Bokkomlaan “Ons het ’n mooi stuk strand tussen Laaiplek en Dwarskersbos. Jy kan gaan stap, mossels soek of ’n skemerkelkie drink. In die winter sit ek graag by die riviermonding, veral op ’n woeste dag om die stormweer dop te hou.” Danté de Villiers Eienaar van Columbine Co. “Die ding van Velddrif is dat jy later die sogenaamde kleinbruggiesindroom kry. As jy aan die rustigheid gewoond is, dan wil jy nie sommer oor die brug gaan nie! Ek kom min in die stad en…

Saam met wie het jy gereis? Bhejane 4x4 Adventures bied volgende jaar ’n toer aan deur die Moremi-wildreservaat en Chobe- nasionale park in samewerking met Swampland Safaris. Ek het saam met die gidse Douwe Vlok en Phil van Wyk ’n reccetoer gedoen om te kyk hoe die kampplekke en paaie lyk. Wat is jou gunstelingkampplek? Hier’s g’n tekort aan puik kampplekke langs die roete nie. Xaxanaxa en Savuti is van die bekendste en mooiste kampplekke in Suider-Afrika. In Botswana kan ’n mens nie enige plek in die veld jou tent opslaan nie. Op die toer het ons kamp gemaak langs die Khwairivier – daar was níks. Swampland Safaris bou tans ’n behoorlike kampplek hier. Louis Milne, die eienaar, hoop dinge is gereed wanneer die landsgrense weer oop is. Hou swampland-safari.com dop.…

’n Boom vir jou geboortedag Teen dié tyd het oupa Jan al genoeg sokkies en klein Janneman is een Lego-stel weg van ’n bedorwe brokkie. Die nieregeringsorganisasie GreenPop bied ’n vars oplossing: Pleks van ’n stel sakdoeke of slaailepels kan jy vir ’n geliefde ’n boom borg op hulle spesiale dag. Daar is tans twee plekke waar jy vir hulle ’n boom (teen R120) kan laat plant: Die Platboswoud-reservaat naby Gansbaai in die Wes-Kaap of Sons of Thunder, ’n gemeenskapsboerdery in Livingstone, Zambië. ’n Mens kan op Greenpop se webwerf ’n pasgemaakte sertifikaat kies. Die GPS-koördinate van jou geborgde boompie verskyn op die sertifikaat. Laai die sertifikaat af of stuur ’n elektroniese weergawe na jou suster in Dubai. Borg ’n boom donation.greenpop.org/trees – Kyra Tarr Gaan na greenpop.org vir inligting oor…

VOLMAAN 5 JULIE SPRINGGETY: 5 JULIE HOOGGETY: 3.12VM. & 3.45NM. LAASTE KWARTIER 13 JULIE DOOIEGETY: 14 JULIE HOOGGETY: 10.25VM. & 10.52 NM. NUWEMAAN 20 JULIE SPRINGGETY: 22 JULIE HOOGGETY: 4.17VM. & 4.41NM. EERSTE KWARTIER 27 JULIE DOOIEGETY: 29 JULIE HOOGGETY: 11.07VM. & 11.25 NM. Hierdie is die hoogwatertye vir Kaapstad. Vir ander plekke tel jy minute by of trek dit af. (Let wel, hierdie is benaderde tye): Saldanha: +5; Hermanus: -4; Port Elizabeth: +19; Durban: +26 Gety-inligting met die vergunning van die Hidrograaf, SA Vloot. Die Hidrograaf is nie verantwoordelik vir enige transkripsiefoute nie.sanho.co.za SONOP & SONONDER (16 JULIE) Kaapstad 7.49 vm. en 5.44 nm. Bloemfontein 7.07 vm.en 5.36 nm. Johannesburg 6.54 vm.en 5.34 nm. Durban 6.50 vm. en 5.15 nm. Bron saao.ac.za…

Ons was so opgewonde soos vyf skoolmeisies toe die vliegtuig op 14 Desember verlede jaar by Uganda se Entebbe- internasionale lughawe land. Dié opwinding word egter effens gedemp deur die lughawe se Wi-Fi wat nie werk nie en ons hotel se bussie wat nêrens te sien is nie... Uiteindelik by die hotel hoor ons ons moet laat weet wanneer ons wil stort, want die geiser moet ’n uur voor die tyd aangeskakel word. Almal was egter vriendelik en die volgende oggend smul ons aan vars vrugte, effe soet brood en lekker plaaslike tee. (Laasgenoemde word gou ’n gunsteling – en ons familielede sou dié Kersfees almal ’n boksie Ugandese tee onder die boom kry!) Ons besluit om openbare vervoer te vermy (die busdiens se webwerf is in 2009 laas bygewerk…

Jy kan volgende maand ’n Weg- kamerasak ter waarde van R520 wen! Enige fotograaf wat sy sout werd is, sorg dat sy toerusting beskerm word. Jy kan jou kamera en lense veilig hou in hierdie sak van seil met ’n sagte binnevoering. Een gelukkige Weg-leser kan volgende maand só ’n sak wen. Hoe? Stuur eenvoudig jou beste reis- en natuurfoto’s na menseselense@weg.co.za – ons kies die wenner, wat dan in “Mense se lense” gepubliseer word. Dié produk is beskikbaar by winkel.weg.co.za…

Hawermout-enklapperblokkies Maak ± 18 blokkies Bereidingstyd 10 minute Baktyd 25 minute Jy benodig • 125 g botter plus ’n ekstra klont om te smeer • 1 eetlepel heuning • 1 teelepel koeksoda • 2 koppies hawermout • 1 koppie koekmeel • 1 koppie klapper • 1 koppie bruinsuiker • ’n knippie sout • 1 ekstragroot eier • 1 pakkie Smarties (opsioneel) Só maak jy 1 Voorverhit die oond tot 180 ºC. Smelt die botter en heuning saam. Roer die koeksoda by, gevolg deur die res van die bestanddele (behalwe die Smarties). Knie die deeg tot dit goed gemeng is. 2 Smeer ’n reghoekige oondpan met botter. Druk die deeg stewig en eweredig daarin vas – maak seker dit is tot in die hoekies ewe dik. Druk die Smarties oraloor in die deeg vas en bak dit vir 25 minute of…

Ons gewaar ’n sebra, ’n rooipensskilpad, ’n bontebok en ’n rooiborsjakkalsvoël skaars 3 km binne die Kaap van Goeie Hoop-deel van die Tafelberg- nasionale park. Dis nou nie die Groot Vyf nie, maar die park grens aan een van Suid-Afrika se grootste stede en dié deel (Kaappunt genoem in die volksmond) beslaan net 77 km². Ek en my twee dogters, Emilie (8) en Bella (5), is op pad na die Olifantsbosstrand langs die westelike kus van die Skiereiland om die Skeepswrakroete te stap. Kaappunt is ’n verbasend “wilde” plek en ons voel gou soos skipbreukelinge langs ’n vreemde kus. Dít is om twee redes. Eerstens lyk die stuk kuslyn waarlik ongerep: Die blou Atlantiese Oseaan grens aan leë strande, wat jy met ’n paar bobbejane en hadidas deel, en ’n…

Brasilië is die vyfde grootste land ter wêreld – dit kan byna sewe Suid-Afrikas insluk. Die mees suidelike punt, aan die ooskus langs Uruguay, is min of meer op dieselfde breedtegraad as Kaapstad, terwyl die land se mees noordelike punt ’n breedtegraad deel met Ethiopië! Ons het ’n maand lank deur die suide van Brasilië getoer. Dit was egter nie lank genoeg nie – ons wou meer van die land sien! Sowat ’n jaar later, in Junie 2019, staan ons weer langs ons Landie wat ons op ’n plaas in Uruguay gelos het – dié keer sou ons drie maande lank toer, en ook dit was nie lank genoeg nie! Ons mik dadelik noorde toe, na die smal vinger van Argentinië tussen Paraguay en Brasilië. Dié deel van Suid-Amerika word…

Lisensie, asseblief ’n Padblokkade is nooit lekker nie, tensy jy deur ses leeus op die Tlou-roete in die Pilanesbergwildreservaat voorgekeer word! Dié twee jong mannetjies en vier wyfies het reguit op my voertuig afgepyl toe ek die reservaat vroeg in Maart besoek het. Dis nie elke dag dat ’n mens ’n trop leeus só in ’n ry sien loop nie... KARIN VAN ZYL, Brits Hoekom so baie satelliete in ’n ry? Ek en my vrou, Antoinette, het onlangs in een van die Eagle’s Nesthuisies by Klein-Aus Vista in Namibië gebly. Ek het my kamera om 8 nm. begin regstel om foto’s van die Melkweg te neem en toe ek opkyk, sien ek ’n satelliet verbykom. Ek het my vrou geroep om te kom kyk. “Dis te oulik,” het sy gesê,…

1,7 Die geskatte aantal kere wat die Suid-Afrikaanse bevolking (ongeveer 58,8 miljoen) die aarde kan omring as almal skouer aan skouer staan. Die omtrek van die aarde by die ewenaar is 40 075 km, en ons som veronderstel die gemiddelde menslike skouerwydte is 41 cm. 2255 Dis die totale afstand van die N2 in kilometer tussen Kaapstad en Ermelo. As jy nege keer van die Kaap na Ermelo en terugry, sal jy een keer om die aarde gereis het. 163533 Dit is die gesamentlike lengte in kilometer van ál die belangrikste riviere en hulle sytakke in Suid-Afrika. As jy hulle aanmekaar las, sal hulle die aarde vier keer omring! Bronne: statssa.gov.za; nra.co.za; healthline.com…

Televisieprogramme is tog te lief vir sensasie. Nou die dag kyk ek ’n slangdokumentêr waarin hulle aanvoer jong slange is gevaarliker as volwasse slange. Die jonges is glo onervare en het nog nie geleer hoe om hulle gifkliere te beheer nie. Dis beslis nie waar nie; jong slange word nie deur hulle ouers touwys gemaak nie. Hulle reageer op instink van die oomblik wanneer hulle uitbroei. Hulle weet dadelik waar om te skuil, wat om te vreet en hoe om te oorleef. Sodra hulle gebore is, seil hulle vinnig van hulle nes af weg – hulle is ’n maklike prooi vir volwasse slange wat dikwels jong slangetjies vreet, selfs dié van dieselfde spesie. Wat van hulle gif? Baie slange se gif word bepaal deur watter prooi hulle in daardie stadium…

ONTMOET DIE SKRYWER Alex van den Heever en Renias Mhlongo is ’n formidabele span. Hulle is wêreldbekende spoorsnyers en gewilde motiveringsprekers. Alex het Changing a Leopard’s Spots – The Adventures of Two Wildlife Trackers saam met Renias geskryf. Dis ’n roerende en by tye aksiebelaaide vertelling van intense ervarings in die wildernis en ’n wonderlike vriendskap en kameraderie. Alex vertel meer. Wat het jou belangstelling in die natuur geprikkel? Kingsland, ’n familieplaas in die destydse Oos-Transvaal, het ’n groot rol gespeel in my liefde vir die Bosveld. Die plaas was langs die Krokodilrivier wat gegrens het aan die suidekant van die Krugerwildtuin. Vir ’n seun was Kingsland wild; ’n plek waar leeus soms die rivier oorgesteek en kom beeste jag het op die plaas. Ek onthou nie spesifieke gebeurtenisse nie…

DUIKPLEKKE VIR BEGINNERS LONG BEACH, SIMONSTAD Wanneer die suidooster Valsbaai wiks, is Long Beach gewoonlik beskut, en die water helder. Daar lê ’n klein skeepswrak 20 m van die strand af – hier is baie vissies om te sien, asook groot anemone. Kyk fyn: Jy sien dalk ook ’n paar elegante seeslakke. WINDMILL BEACH, SIMONSTAD Dis maklik om by hierdie duikplek uit te kom van die strand af, en dis vlak. Dit het iets van als: kelpwoud, riwwe, oorhange en oop sandkolle. Jy sien dalk ’n rooi roman, seekat, langsnoet-pypvis, streephaai, jellievis, seeslak, inkvis en dalk ’n rob of twee. As jy gelukkig is, selfs ’n pylstert of otter. WATER’S EDGE, SIMONSTAD Dis nie so beskut soos Windmill nie; dus moet jy die see verstaan. Hier is dieper water, met…

RENIER LE ROUX Nikon D750 Nikon 70-200 mm-lens RENIER SKRYF: Ek het hierdie trekduikers in Januarie by die Strand afgeneem. Gewoonlik neem ek net landskapfoto’s; dus was die kameraverstellings vir my vreemd. Ek het wel geweet ek moet ’n vinnige sluiterspoed gebruik – in dié geval is ’n 2 000ste van ’n sekonde gebruik. Die enigste lensopening wat daarby gewerk het, was f4 (teen ISO 100). Ek het agterna besef dit sou makliker wees as ek eerder op “Aperture Priority” as “Manual” geskiet het. Ek weet ook nie of die foto’s skerper sou wees met ’n driepoot nie, want die voëls was die hele tyd aan ’t vroetel. TOAST SÊ: ’n Driepoot sou nie die foto skerper gemaak het nie – die vinnige sluiterspoed is jou vriend hier. Dis ’n…

Ons lewe in ’n tyd waar alles nóú moet gebeur. Jy wil dadelik ’n foto van jou kamera met Wi-Fi na jou foon stuur, dit summier met ’n slim app redigeer en dit sekondes later op Instagram laai. Vir die meeste mense (behalwe ’n paar bittereinders) is die tyd van foto’s op film neem, dit laat ontwikkel, ’n paar dae (’n week!) wag en dán eers sien of jy toe wel die regte beligting toegepas het, lankal verby. Maar tog... tog hunker ’n mens soms na iets tasbaars, iets waaraan jy kan vat. ’n Foto wat jy teen die yskas kan vassit met ’n magneet. ’n Kiekie van jou kinders teen jou rekenaar by die werk. Of van daai slag toe jy en jou vriende saam na die Springbokke gaan…

Citizen Eco-Drive BM7390-14E GEWIG 67g KASSIEGROOTTE 42mm Dié klassieke vlieënier-styl kwartshorlosie werk met sonkrag en het nooit ’n nuwe battery nodig nie. Dis akkuraat, uitstekend gemaak en kan ses maande lank werk indien die son nooit skyn nie. Die kassie word gemaak van vlekvrye staal en die bandjie van nylon. Albei is liggewig, duursaam, pas gemaklik, en is waterwerend tot ’n diepte van 100 m. Dié horlosie is mooi genoeg vir ’n formele dinee, maar kan elke dag se stampe en stote hanteer. R3000 citizenwatchshop.co.za Apple Watch Series 4 GEWIG 40 g KASSIEGROOTTE 40/44 mm Die vyfde inkarnasie van die Apple-horlosie is tans beskikbaar, maar die vierde reeks is R3 000 goedkoper en bied beter waarde vir geld. Albei het ’n goeie verskeidenheid apps, is veeldoelig en alles werk seepglad.…

Verken die Okavangodelta, die groot riviere van die Caprivistrook en die magtige Victoriawaterval. Ons kundige gidse sal seker maak dat jy ten alle tye veilig, gevoed en gemaklik is. Hierdie selfrytoer is van die gewildste toere wat Bhejane aanbied. Die rede is eenvoudig: Jy ervaar ’n ware Afrika-avontuur teen ’n redelike prys, en jy het geen spesiale ryvaardighede nodig nie. Saam reis ons van die uitgestrekte Makgadikgadipanne om die Okavangodelta en op teen die pypsteel. Ons vertoef by die geheimsinnige Tsodilokoppies, ’n wêreldbekende rotskunskol. Dan ry ons oos deur die Caprivi in Namibië en terug na Botswana oor die indrukwekkende Victoriawaterval in Zimbabwe. Die toer eindig met ’n bootreis op die Choberivier, waar jy ’n skemerkelkie geniet terwyl die olifante bad. Bhejane voorsien al die kamptoerusting, en slaan self kamp…

’N KNAAGDIER SE NAGMERRIE Een van die grendeltydgruwels is dat ’n mens traag raak vir werk. Jy dink allerlei verskonings uit om nié by jou lessenaar te sit nie en só was hierdie rubriek byna laat vir sy spertyd. Maar die woorde sou hulle nie self skryf nie, en dit was tyd om my in die kantoor neer te plak en dit af te handel. Die pad na my rekenaar het egter intussen in ’n hindernisbaan ontaard: stapels boeke, hope papiere, leë koffiebekers en selfs ’n opgestopte nonnetjiesuil. Soos baie van hulle oorkom, het dié arme uil ook voor ’n motor beland. Ná sy dood het hy egter ’n nuwe lewe gekry in opvoedkundige uitstallings en as model vir illustrasiewerk. Hy het selfs al ’n paar kameeverskynings in YouTubevideo’s gemaak!…

Hoeveel kos dit per dag? Brasilië was duurder as die meeste ander Suid-Amerikaanse lande wat ons besoek het. Ons gemiddelde daaglikse begroting was R1 500 per dag en dit sluit kos, blyplek vir twee, diesel én motordienste in. En as ek nie my eie ryding het nie? Ons het drie maande deur Brasilië getoer en 22 000 km gery, maar daar is nog soveel plekke waarby ons nie kon uitkom nie. Jy moet baie tyd tot jou beskikking hê vir ’n selfrytoer. Indien tyd ’n luukse is, vlieg eerder tussen bestemmings en gebruik openbare vervoer of huur ’n voertuig om ’n spesifieke omgewing te verken. Kamp Dis nie so gewild in Brasilië soos in Suid-Afrika nie – daar was wel ’n paar kampplekke langs die kus. Op ander plekke moes…