Huisgenoot

1 GESOUTE AANKLAER VIR DICKASON-VERHOOR Die Nieu-Seelander Andrew McCrae, wat die saak teen Lauren Dickason lei ná die dood van haar drie dogters in 2021 in Timaru, is ervare in strafsake Dit bly hartverskeurend. Dis maklik om klippe te gooi. ’n Mens neem soms verkeerde besluite. Ongelukkig het dit soms ernstige gevolge. Hartseer gevolge waarmee dié twee ouers nou elke dag sal moet saamleef. NICOLENE Laat ons wat begrip het vir mense met major depressie, en haar omstandighede, vir haar bid. Geen mens sal my oortuig dat sy in ’n normale (toerekeningsvatbare) geestestoestand was toe sy dit gedoen het nie. ENA Mense floreer op haar swaarkry. Wie ken haar hart, wie weet wat sy ervaar het of wat die omstandighede was? Ek en jy het geen reg om te oordeel nie. God alleen kan oordeel en…

DRIE jaar ná daardie dag betrap hy hom steeds dat hy soms wag dat die foon lui of biep met ’n teksboodskap of een van die foto’s wat hulle so graag met mekaar gedeel het. Want Leon Brits, die vermoorde sakeman en boer van Pofadder, was sy vertroueling en steunpilaar, al was hy twee jaar jonger as sy ouboet, Tokkie. “Luister, ons het seker elke dag drie, vier keer met mekaar gesels. Ons het mekaar elke dag die goed gestuur,” vertel Tokkie oor sy vermoorde broer. Maar toe sy foon op 7 Oktober 2020 lui, was dit sy skoonsuster, Suretha, se stem aan die ander kant. “Hulle het Leon vermoor,” moes Tokkie by Suretha hoor. Sy broer is in sy eie huis op die vreedsame dorpie Pofadder verwurg en met ’n mes gesteek. Vir sy…

DIE nuus om sewe is nie juis die plek waarheen jy gaan vir ’n bietjie humor nie. Veral nie deesdae nie, want as dit nie Eskom is wat aankondig nog ’n kragstasie het ingegee nie, is die agenda gewoonlik gelaai met misdaad, korrupsie en wanhoop. Dit was daarom soos ’n vars bries toe die insetsel van Cynthia de Villiers wat 102 jaar oud geword het onlangs in ’n kykNET-bulletin uitgesaai is. Cynthia het vertel haar geheim vir ’n goeie lewe is haar geloof en om haar medemens met goedheid en meelewing te behandel. “Wees eerlik en moenie slegte dinge doen nie,” was haar raad. “Elke aand wanneer ek gaan slaap, sê ek my gebede, en ek probeer altyd om ander te help.” Die liewe tannie het kykers se hartsnare geroer, maar die eintlike…

AANDAG alle vroue van in die 20: Is jy oulik, spontaan en vriendelik? Dan is jy dalk net die vrou wat die hart van Willem Visser (28) kan kom sag maak – en sommer help om die man op koers te hou. En die bonus? ’n Skoonma met ’n grap kan vat. Want Esta van Niekerk (55), wat die afgelope tyd kliphard op sosiale media “adverteer” vir ’n maat vir haar jongste seun, is glad nie vol dinge nie, al lyk dit dalk asof sy ’n lysie vereistes vir haar aanstaande skoondogter het. Soos dat die ideale kandidaat tussen 23 en 28 jaar oud moet wees. En dat sy vir Willem in toom moet kan hou. Haar jongste seun is darem nie só moeilik nie, vertel Esta toe Huisgenoot by haar en Willem kom inloer…

SY LÊ snoesig in haar ma se arms. Dis nie lank voor haar grysblou ogies toeval en sy weer rustig aan die slaap raak nie. Die Binnelanders akteur Hykie Berg (44) glimlag breed en leun oor om liefdevol oor sy eersteling te koer. Hykie en sy vrou, Gerridene (33), hou ná jare se seerkry eindelik hul “wonderwerkbaba” in hul arms – en elke oomblik is kosbaar. Leméh – die woord “hemel” agterstevoor geskryf – slaap, salig onbewus van watter groot wonderwerk sy vir haar ouers is. Vandag kry Huisgenoot die eerste kans om Leméh te ontmoet in haar ouerhuis in Randburg. “Ja, ’n mens kan nie dink dat jy so lief kan raak vir iets nie,” sê Hykie, wat duidelik bars van die trots. “Tye by die werk… Ek wil net huis toe kom,…

AS IEMAND op ’n dieet jou vertel hulle “eet niks”, oordryf hulle. Hulle bedoel hulle eet net baie min. Maar wanneer Francois de Ridder jou vertel hy “eet niks”, bedoel hy dit letterlik. Hy eet régtig niks. Toe hy ’n ruk terug die skaal op ’n stewige 238,8 kg laat bewe het, het hy besef hy word deur die dood in die gesig gestaar. Een oggend in Oktober 2021 het hy ’n rolstoel in sy woonkamer sien staan. En dié? het hy verbaas vir sy vrou gevra. Dit is vir jou, het sy geantwoord. “Want jy is op pad uit.” In daardie stadium kon hy reeds sewe jaar lank net met die hulp van krukke oor die weg kom. Sy bene kon lankal nie meer sy gewig dra nie. Toe besluit Francois (56) om van 8 Augustus…