Sommaire pour Rhifyn Haf 2018 (338) de Barddas

Fel sy’n digwydd yn ddireidus o aml ar drothwy’r Brifwyl, bu farw gwron arall o Gymro, sef y bardd a’r golygydd Meic Stephens o Drefforest. Canai yn ddwys ac yn ddifyr am bob mathau o bethau, ond bob amser yn y Wenhwyseg. Y fo hefyd oedd Charon y Cymry, yn hebrwng enwogion y genedl dros yr Afon yn y wasg Saesneg. Bydd teyrnged iddo fyntau yn y Barddas nesa’. Ond yn y rhifyn Caerdyddgar hwn mae Llŷr Gwyn Lewis yn mynd ar gefn ei gythraul (os gellir defnyddio’r fath ymadrodd yn achos un mor addfwyn) wrth ymateb i sylwadau hen gingroen blin o brifardd yn ystod Gŵyl Gerallt ym Mehefin. Cadeirio trafodaeth am feirdd yn y ddinas a beirdd yn y wlad roedd hwnnw. Agorodd y seiat a nifer o…

Gan bwyll bach – ac ar hast yng Nghaerdydd eleni, debyg iawn – mae’r bwlch rhwng yr Eisteddfod Genedlaethol a’r eisteddfodau ‘bychain’ yn lledu. Lle bu’r brifwyl unwaith yn fersiwn fwy o’r eisteddfodau lleol hynny, mae honno wedi hen droi’n ddigwyddiad sy’n cwmpasu cymaint mwy na dim ond cyfres o gystadlaethau diwylliannol. Yn wir, mae’r Eisteddfod Genedlaethol wedi hen gydnabod pwysigrwydd cynnig adloniant a chyfleoedd masnachol, a’r cyfan yn enw plesio’r punters (a’r noddwyr), wrth gwrs. Ac, am wn i, nid gwneud y Steddfod yn fwy atyniadol i’r sawl nad ydyn’ nhw’n steddfodwyr yw’r flaenoriaeth anysgrifenedig. (Sydd, wrth gwrs, yr un mor hyfryd o eironig a’r modd y mae, dyweder, yr ECB yn ceisio gwneud gemau criced yn achlysuron mwy atyniadol i’r sawl nad ydyn’ nhw’n hoffi criced… Neu’r modd…

Wedi ymgolli dan freichiau praff y dderwen dawel,pedair dalen o gerddi i’r gwynta’r gro cynnes yn goflaid;bydd y lleuad lawn yn ein denu ’to tua’r hen dref a’i waliau cerrigcaerog, a chwarddwnym mrwysgni’r noson ddofnam fod bod fel hyn yr awr hon mewn rhuthr o liwiau a lleisiauyn fwy tragwyddol na chartheny ser yn taenu drosoma’u henwau persain sy’n danwydd synfyfyrion yn y parc hanner-fforddadref, a’r eirth yn ffagluyn yr ehangder, a’r dawnswyrar y ffordd wybrennol tua chalon y goleuni a’r duwch.Yr oriau hyn nid ydymdan wyliadwraeth y cloc mwyach,dim ond yr awel ynni sy’n ein clymu ynghyd a’r strydoeddllawn lledrithfeydd a chariad.…

Dysgwr Drwy niwloedd draw’r anelaf - drwy’r mwrllwchI hyfrydwch rhodiaf,O niwl nos i’r heulwen af,A rhyw heddiw, cyrhaeddaf. W. LLOYD GRIFFITH Diolch i Damien Walford Davies (ar ei ymddeoliad o gadeiryddiaeth Llenyddiaeth Cymru) Athrylith ar reoli - diwylliantO’i allu I gynghoriYn ddi-fraw, a bardd o friDi-ail i’n hysbrydoli. Wedyn Mae’r gweiriach yn tresmasuA phelydrau’r haul yn drwm,Un sioncyn gwair yn tarfuAr lonyddwch buarth llwm. Mae pryfyn wedi ei rwydoYng ngwe’r gwyliwr yn gaeth,O wal y sied ger rhesalA’i hasennau’n foel ddi-faeth. Lledu wna’r craciau concrid A’r heulwen fel peiriant durYn pwnio, pwnio’r meddwlGan ddyfal gynyddu’r cur. Mae’r aerwy’n crymu’n iselDdydd o dduwch bnawn o AwstYn cynrychioli’r fuchesO dan bwtyn o raff o’r trawst. HUW ROBERTS I April Wiggins (ar ei hymddeoliad fel Pennaeth Ysgol Gymraeg y Fenni)Chwimed yr awch am…

Ryw ddydd, dechreuaf gerdded,gan gadw hen addewid i mi fy hun,fel pe bawn yn rhydd unwaith eto,ac yn ifanc drachefn,yn rhedeg i ffwrdd am byth. Ryw ddydd, dechreuaf gerdded,heibio lle mae’r cyfarwydd yn troi’n ddieithr. Ac ymlaen. Sgrechian plant o’r cae chwarae, rhu’r traffig ar y lon,a llais y gwynt drwy’r gwrych ar hyd y ffordd. Ymlaen. Heb neb i weld fy eisiau. Heb neb i ofyn pam. Dyna beth yw rhyddid: heb neb i dy adnabod,neb i dy anghofio, neb i dy alw ’nol. Heb ddifaru. Heb ddychwelyd. Ond sut mae byw felly?Ai dyna’r cwestiwn?Onid gwell yw gofyn pam? Achos ni ddaw datguddiad i’r cysurus fyth;nid yw’n galw heibio – dyna wers fy mywyd oll. Felly, ryw ddydd, dechreuaf gerdded,heb ddisgwyl cyrraedd. Dechreuaf gerdded o’r dref hon ryw ddydd,…

‘Mynnai R. Williams Parry mai byr yw gwynt yr Awen Gymreig, gan alw sylw at ragoriaeth aml delyneg ac englyn, a’n hemynau, a thlodi’r pryddestau a’r awdlau hir, yn arbennig yn y bedwaredd ganrif ar bymtheg.’ Dyna a ddywedodd R. Gwilym Hughes yn ei golofn farddol yn Y Goleuad, 22 Hydref 1982. A dyna Mathonwy Hughes, wedyn, yn ei lyfr Perlau R. Williams Parry (1981), yn dyfynnu’r sylw hwn o ddarlith gan Williams Parry: ‘Y mesur byr oedd llwyddiant y [bedwaredd ganrif ar bymtheg], yr emyn, y delyneg, a’r englyn.’ (t.36). Nid yn ddamweiniol, mae’n siŵr, y gosodwyd yr emyn ar ben y rhestr, oherwydd hwnnw yn ddiau oedd y pennaf o’r tri ym marn Robert Williams Parry. Gwrandawer arno’n traethu ar y mater yn 1912: Pe tynnid ymaith holl…

Y dasg ar gyfer y rhifyn hwn oedd llunio englyn (unrhyw fesur) ar y testun ‘Gwahaniaeth’. Englynion unodl union yn unig a gafwyd er y cyfle i amrywio’r mesur – 16 cynnig – ac mi welwch fod y safon gyffredinol yn bur uchel. Cafwyd cystadleuaeth dda. BREUDDWYD Pawb o bart yn gyfartal. Menywod Yn mwynhau yn normal Difai gyfnod dihafal, Falle un da felly’n dal. Rwy’n dyfalu bod y 5 englyn cyntaf y tro hwn yn waith yr un bardd, oherwydd ei lawysgrifen, ac i rai ddod gyda’i gilydd. Diolch yn fawr am gefnogi’r gystadleuaeth mor dda unwaith eto. Gwahaniaethu ar sail rhyw sydd gan Breuddwyd, ac mae’n adeiladu’r englyn yn gywir ac addawol. Gair da yn ei le ydy ‘normal’. Y llinell olaf sy’n colli’r ffordd braidd – un…

Mi fyddai hi’n ddiddorol gweld sut y cyflwynwyd 7 Llais fel pryddest pan ddaeth hi’n agos at gipio Coron Eisteddfod fwdlyd Mon y llynedd, oherwydd cerdd i’w chlywed yw hon, ac roedd y dewis i’w chyflwyno wedyn ar ffurf CD yn un doeth a llwyddiannus. Mae Karen Owen, wrth son am berfformio’i cherddi, yn arddel y term dweud, yn hytrach na datgan, llefaru neu adrodd. Sail hyn yw bod cerdd dda yn ffeindio’i ffordd ei hun yn ddigon naturiol, heb fod yn rhaid gorfodi’r elfen berfformiadol. Mae symudiad a rhythm naturiol y gerdd yn ymwthio i’r wyneb wrth iddi gael ei dweud. Dweud y cerddi mae’r saith llais amrywiol ar y record; eu dweud nhw’n blaen a di-ffrils gan adael i’r farddoniaeth gerdded yn naturiol. Tydi’r llinellau unigol ddim wastad…

breuddwyd chwyldroadolsy’n chwyrlio yn fy mhenfe ddaeth o’r bron i’m cyfarchgan esbonio be’ ’di’r drefnbreuddwyd chwydroadola’r rhagrithwyr yn ein mysgyn dawnsio efo’r lladrona du yw lliw eu gwisg breuddwyd chwyldroadolym mol y bae mawr halltyno mae y goron ddraina’r chwain sy’n treiddio’r gwalltlol y lleill di-bolitigcawn eto Gymru ryddbe’ wnawn ni o’r budreddisy’n anwesu ni bob dydd breuddwyd chwyldroadolbellach ’sneb yn gallmae’r ffiol wedi’i gwagiopwy sy’n trin pob gwall?alcemi! wel, dyna hieto mae o’n ffaithmae o’n gwestiwn difyri’r rhai sydd ar y daith.canu mae y Cymryyn y gwyllt mewn ghetto o fyd breuddwyd chwyldroadolmilwyr yn y gwercrefu cariad cwantwmdifa mae y serpurdeb y pregethusy’n taro’r dorf i gydawn i’r frwydyr foryer mwyn cael newid byd y bolsiefigiaid yn un haida’r naid-mawr-’mlaen sy’n hwb i’n plaidtherapi braw sy’n tyfu gerllawtren y…

Wedi blwyddyn o deithio ar hyd a lled y wlad yn gwisgo het Bardd Plant Cymru (het sydd bellach yn ddeunaw oed!), dyma gyfle i gnoi cil ar y flwyddyn a fu, cyn edrych ymlaen at yr hyn sydd i ddod yn 2018/2019. Mae hi wedi bod yn flwyddyn brysur iawn, a hynny am sawl rheswm. Yn ogystal a chychwyn ar fy swydd newydd fel Bardd Plant Cymru roeddwn i hefyd yn dychwelyd i fy swydd yn Oxfam Cymru fel Swyddog y Wasg a’r Cyfryngau (yn rhan amser, er mwyn gallu Bardd Plantio!), a hynny ar ol naw mis o gyfnod mamolaeth. Felly roeddwn i’n reit nerfus rhwng pob dim! Ond erbyn hyn yr unig bethau sy’n fy mhoeni pan dw i ar fy ffordd i ymweld ag ysgol ydi…

Hon yw’r drydedd gyfrol yng Nghyfres Llenorion Cymru Barddas sy’n cynnig cyfle i lenorion Cymraeg drafod eu gwaith eu hunain ac i son am y dylanwadau a fu arnynt yn llenyddol ac fel arall. Yn fardd a arloesodd mewn cynifer o ffyrdd, bu cyfraniad Menna Elfyn i lenyddiaeth Gymraeg yr hanner can mlynedd diwethaf yn aruthrol. Ar ol darllen y gyfrol hon, teimlwn – fel y teimlaf wrth ystyried gwaith ei chyfaill, John Rowlands, ym maes beirniadaeth lenyddol – mai go wahanol, a thlotach o lawer, fyddai llenyddiaeth Gymraeg y presennol heb y cyfraniad hwnnw. Yr un a John Rowlands fu ehofndra Menna Elfyn hithau wrth ymagor i ddylanwadau newydd, i arloesi, ac i fentro o ran arddull a syniadaeth, gan ymlynu trwy’r cyfan at Gymru a’r Gymraeg. Yn ogystal…

1 ‘Du yw’r Ysblot dros y blaid: / Diweniaith, da i weiniaid’: cwpled o farwnad Wiliam Bawdrem o’r Sblot. Pa frodor o blwyf Llangeinwyr (a oedd yn ei flodau yn ail hanner yr unfed ganrif ar bymthegfed) piau’r gerdd? 2 Elevens yw enw bar Gareth Bale gyferbyn a’r castell. Ond beth oedd ei enw sfferaidd pan oedd yn gyrchfan i Iolo Morganwg ac Iaco Twrbil yn y ddeunawfed ganrif? 3 Yn wyth mlwydd oed aeth y bardd hwn dan ddaear i weithio mewn pwll glo. Yn ei ugeiniau enillai ei damaid yn nociau Caerdydd. Bu hefyd yn archdderwydd am un mlynedd ar hugain. Pwy ydoedd? 4 Bu R. Williams Parry yn llunio llythyrau caru pan fu’n lletya ar y stryd hon. Yn 1976 rhoes yr un stryd ei henw i…

Faint ohonoch chi sydd wedi derbyn yr alwad i gyfieithu can? Mae cystadlaethau unawd allan o sioe gerdd a chaneuon poblogaidd mewn bri, a galw cynyddol, felly, am gyfieithiadau. Ond mae cantorion clasurol hefyd yn canu arias a chaneuon nad ydynt wedi’u cyfieithu o’r blaen, ac, efallai’n bwysicach, yn cwestiynu teilyngdod yr hen gyfieithiadau. Mae’n deg dweud bod y cyfieithiadau a ddefnyddir gan yr Eisteddfod Genedlaethol, er enghraifft, yn amrywiol o ran safon. Ond sut mae mesur safon? Beth yw hanfodion y grefft o gyfieithu caneuon? I mi, mae dwy elfen sylfaenol: i) Mydryddiaeth. Yn amlwg, mae’r bardd gwreiddiol wedi penderfynu ar fydryddiaeth, ac mae hyn wedi llunio strwythur y gerddoriaeth. Nid ar chwarae bach mae ymyrryd a hyn. Dyw dileu nac ychwanegu sillafau ddim yn dderbyniol heblaw mewn achosion…

Dw i wedi bod yn galifantio eto! Er ddim mor bell ag India tro ’ma. Ond hyd yn oed gyda chwch melyn Colin a’i ddwy injan bwerus mae teithio dros y Swnt i Enlli’n teimlo fel teithio i le pell. Hwn, mwyaf cywilydd i mi, oedd fy ymweliad cyntaf a’r ynys, ac roeddwn wedi cael y cyfle i fod yno am bythefnos ar encil greadigol ryngwladol a oedd yn cael ei chefnogi gan Ymddireidolaeth Ynys Enlli a Kultivera, corff celfyddydol o Sweden. Gyda mi, yn aros yn T? Capel, roedd Mel Perry, bardd di-Gymraeg o Lansteffan; Sam Hinton, sgwennwr a gwneuthurwr ffilmiau ifanc o Abertawe a Marcus Gyllborg, ffotograffydd o Sweden. Nid oedd yna unrhyw bwysau arnom i greu rhywbeth penodol yn ystod y pythefnos, dim ond y disgwyliad y…

@llionj #Eira Mawrth Pan glyw’r byd yn d’wedyd ‘Dos’, dyn eira nid yw’n aros. 18 Mawrth 2018 16:16 #Toiledau Ganllwyd Gwinllan yw toiled Ganllwyd a’i wawl hardd ar noson lwyd, yn y gwyll i’r bledren gaeth ei adwy sy’n dreftadaeth, yn drysor ar y gorwel, sedd oer i’r oesoedd a ddel. 1 Ebrill 2018 20:36 #Dafydd Llewelyn @50 Wyt ddyn sy’n hogyn o hyd, hanner cant, hanner call wyt hefyd, chwarae’r plentyn bob munud ac eto’n galon i gyd. 9 Ebrill 2018 08:14 #Fuel Level Low When fuel level is low on my dash, my day fills with sorrow, in low gear I guess I’ll go and wheel away to wallow. 20 Ebrill 2018 07:59 #Ar yr Empire Windrush O’u hol roedd traethau melyn a heulwen eu hil, hwythau’n canlyn…

Y Gwcw a’r Twtwod Kerlouan, Llydaw Roedd ffrydiau trydar a chlochdar y radioyn gor y wig o ymfalchiofod y gwcw wedi cyrraedd, ond sadiownes innau er trio a thrioyn ofer i’w chlywed ym Mhontyberem.Hedfanodd Mai, glaniodd Mehefindi-gwcw yn ei sgil, a lle’r arferemei chlywed, dierth oedd cynefin. Fel cwcw es, a Mehefin ar dan,i Lydaw i drigo mewn nyth dros droa chlywais a’r bore cynta’r hen gana’r nodau yn wyau yn nyth y co’. Ond daeth y pnawn yn gyrff pedwar titw,llwydodd melynlas pob corffyn pitw. Chwarae (Er cof am Gwyn Griffiths) Cors Caron. Dagrau’n cronni’nddi-oed yw ei dyfroedd hi.Ond a’r adar i oedi’u miwsig hardd. Ym Maes y Coed*ni leisir chwarae glasoedyn filwyr hy fel erioed. Yn Rosko* nid yw’r Sioni’ngalw i win gael ei weiniers i’r llais fud-groesi’r…

Emyr Oernant Tir ar yr iet a’r arad’ sy’n ei gan,sŵn ei gae yn drawiad;un heb radd, glei, ond bardd gwlado bencerdd ymhob winciad. ANEIRIN KARADOG Galar (mewn cydymdeimlad a Gŵyl Fawr Aberteifi, 2018) Emyr Oernant, mae’r oerni’n wahanolheno’n Aberteifi’nnhalwrn ei chler; ni chlyw hidy adloniant eleni. JIM PARC NEST Gwaddol Emyr Oernant Er inni golli’r wyneb - llawn heulwenllawn hwyl, ei wreiddioldebddeil yno, na wado neb,a thywynnu’i ffraethineb. EMYR LEWIS…

Barddoniaeth: Beirniad: KAREN OWEN, Penygroes 1. Cerdd hir neu ddilyniant o gerddi yn y mesurau caeth neu rydd heb fod dros 100 linell. Testun: Cyrraedd. Gwobr: Model o Gadair a £75 Dalier sylw: Cynhelir defod y Cadeirio yn ystod cyfarfod nos Wener, Tachwedd 16eg yn Neuadd Ogwen, Bethesda.2. Englyn. Testun: Ynys. Gwobr: £15.3. Englyn ysgafn. Testun: Camgymeriad. Gwobr: £15. Rhyddiaith: Beirniad: KAREN OWEN, Penygroes 1. Y Fedal Ryddiaith. Darn o ryddiaith heb fod dros 2000 o eiriau. Thema: Trobwynt. Gwobr: Medal Ysgol Dyffryn Ogwen a £75. Dalier sylw: Cynhelir defod anrhydeddu’r buddugol yn ystod cyfarfod nos Wener, Tachwedd 16eg yn Neuadd Ogwen, Bethesda.2. Stori Fer. Testun: Dihangfa. Gwobr: £15.3. Erthygl neu ysgrif. Testun: Ar y Ffordd. Gwobr: £15.4. Sgets ddigrif wreiddiol yn addas i’w pherfformio gan Gwmni Drama’r Llechen Las,…

Daeth pump i’r ornest. Gresynu am ddiflaniad Bae Teigr Caerdydd yn sgil codi’r morglawdd i gronni dŵr afonydd Taf ac Elai y mae Rhys Epynt. Pennill hyfryd yw’r un sy’n enwi’r llongau a arferai hwylio i bedwar ban byd. Ond dylid ceisio creu clo mwy trawiadol. Canodd Sarn Fidfoel er cof am y fam-gu a roes ‘faeth y wlad / I’r crwt dinesig… ’ sef ei thafodiaith. Byddai cynnwys enghreifftiau o’r dafodiaith honno’n cyfoethogi’r gerdd. Atgof am ymweld unwaith a Chaerdydd mewn rali brotest a geir yn soned Gamallt. Byddai’r gerdd yn elwa ar gryfhau’r cyffro a ddylai berthyn i rali brotest. Mae Lleityn yn ceisio datrys cymhlethdod byw yng Nghaerdydd. Mae clo’r gerdd yn hyfryd o bositif – ‘Gwyddom taw fan hyn mae Cymru.’ Ond ofnaf fod y mynegiant…

Mae’r tymor pysgota bellach yn ei anterth, a’r tywydd o’r diwedd yn ffafriol i sgota nos yn llynnoedd mynyddig bro Ffestiniog. Braf ydi cael mynd a’r mab ieuengaf efo fi, a brafiach byth ydi ei weld o’n dal. Mae o bellach wedi cael y clwy a fydd dim stopio arno o hyn ymlaen. Ac o’r dechrau un, mae o wedi profi’r diwylliant arbennig sydd ynghlwm a physgota; yr antur a’r cyffro, yr hwyl a’r troeon trwstan – popeth pwysig mewn bywyd. Bro llawn pysgotwrs fu Stiniog erioed. Mae’n bosib mai’r gymuned chwarelyddol sydd i gyfri am hyn, a’r ffaith fod yma gymaint o lynnoedd yn llechu ym mryniau a mynyddoedd y fro. Roedd hi’n hawdd gan yr hogiau gydio yn eu genweiriau ar ddiwedd diwrnod o waith a brasgamu (neu…

Roeddwn i wedi bod yn Rhydychen unwaith o’r blaen, ddeng mlynedd yn ol, yn hebrwng Guto, fy mrawd, i’r coleg. Yn anffodus roedd gen i glamp o ddolur gwddw ar y pryd, felly wnes i fawr ddim y diwrnod hwnnw ond cysgu ar set gefn y car tra oedd fy chwaer a’m rhieni yn ei helpu o i setlo, ac er gwaetha’r ffaith fod y ddinas yn llawn llefydd o ddiddordeb hanesyddol a diwylliannol enfawr, Debenhams ydi’r unig le dw i’n cofio ymweld ag o. Fe adawodd Guto’r coleg ar ol tymor, a minnau’n dal yn bymtheg oed, ac felly’n dal braidd yn rhy ifanc i fynd draw ato fo am benwythnos o yfed dan oed. Felly, er mai yno y bu ’mrawd ar ol mynd o dre, enw’n unig…

A sydd am Anobaith yn gyflawn fel tiwmor B yw’r Bwlch a adewir ar ei ol ond a thoreth natur eisoes yn drwch drwyddo.Gwell peidio ag ymdroi’n ormodol yn ei wal. C yw’r Cantata, y Cor, y Curiad,Carlam Cerddorfa’n un rhuthr drwy’r corff. Ch yw Chwerthin cwbl reddfolyr hen fwnci soffistigedig yn dangos ei wen. Mae Dygymod weithiau’n gwmwl i’r gorwelond gall Dyfalbarhad godi eto gyda’r haul. Ddoe ni ddaw’n ol. Nid yw’n fendith nac yn felltithE sydd am Eliffant. Mae pawb yn gwybod hynny! Mi lyncodd yr Afal a tharannu drwy’r gerdd! Fi sydd bia F. Mae’n Feranda arsylwi ar gynnwrf y byd a dychlamu fy nghalon. Fy eiddo i. Ff yw’r Ffenics yn ailgodi o’r lludw.a’n hen Ffydd lychlyd mewn syniadau o’r fath. Gwybod! Gwybod! O am wybodtrefn…

Tebyg i lanio ar ynys yw’r profiad o gyrraedd oed yr addewid, yn ol tystiolaeth Alan Llwyd yn ei gyfrol ddiweddaraf, Cyrraedd a Cherddi Eraill. Y mae tri chwarter y gyfrol hardd glawr-caled hon wedi ei neilltuo ar gyfer cyfres o ryw drigain o gerddi dan yr uwch-deitl ‘Cyrraedd,’ a grynhoir o fewn fframwaith trosiadol eang lle y mae’r bardd yn ymgymryd a mordaith, yn glanio ar ynys, ac yn cael ei osod yno am flwyddyn wrth i’w griw hwylio ymaith, gan ei adael ar ei ben ei hun i hel meddyliau am y gorffennol. Nid syndod i neb fyddai’r canlyniad a geir o alltudio Alan Llwyd ar ynys bellennig am flwyddyn – sef toreth enfawr o farddoniaeth. Er nad paradwys yw’r ‘ynys yr henoed’ hon o bell ffordd –…

Yn y Babell Lên Llun 6: 1.30 y p’nawn: Stafell Fy Haul - Y Prifardd Manon Rhys yn trafod ei chyfrol newydd gyda’r Prifardd Christine James. Llun 6: 2.15 y p’nawn: Rhwng Pladur A Blaguryn - Cofio Tony Bianchi yng nghmwni’r Prifardd T. James Jones a Jon Gower. Mercher 8: 12.45 y p’nawn: Cennad - Catrin Beard yn holi Menna Elfyn am ei Llên Gofiant. Iau 9: 4.15 y p’nawn: Beirdd Y Bragdy: Dathlu Cyfrol Bragdy’r Beirdd. Mawrth - Gwener: 2.15 y p’nawn: YMRYSONAU BARDDAS Yn y Llannerch Gudd Llun 6: 12 y p’nawn: Lansio Barddas yng nghwmni’r Golygydd, Twm Morys Gwener 10: 12 y p’nawn: Beirdd y Bragdy: Dathlu cyfrol Bragdy’r Beirdd. 10 o’r gloch bob bore - Dewch i Gynganeddu! Llun: Yr Acen - Iwan Rhys, Cerdd Dafod…