Sommaire pour 16 April 2026 de Landbouweekblad

Dieregesondheid Proewe met ’n nuwe entstof teen snotsiekte lewer tans belowende resultate, het dr. Dario Cremona van die Pietersburgdierekliniek op die AgriHX Expo in Limpopo gesê. Dit bly een van die mees problematiese siektes vir beesboere, veral waar kontak met wildebeeste is. Meer vleisbeeste het waarskynlik die afgelope jaar in Limpopo aan dié siekte gevrek as aan bek-en-klouseer. Hy het beklemtoon dat die impak van die siekte dikwels onderskat word, juis omdat uitbrekings onvoorspelbaar is en van jaar tot jaar kan wissel. Volgens Cremona is ’n eksperimentele entstof van Disease Control Africa reeds op verskeie plase getoets. “Ons het ingeënt en geen vrektes gehad nie, maar die vraag bly of dit die entstof is wat werk en of dit bloot ’n jaar sonder uitbrekings was.”…

Die Ou Garde, soos hulle bekend gestaan het, was ’n elitekorps geharde veterane in die Franse keiser Napoleon Bonaparte se seëvierende Grande Armée. Die leër wat in ’n stadium byna die helfte van Europa verower het. Dit was manne wat van die begin af Napoleon se veldtogte saam met hom meegemaak het — van die vroeë dae in Egipte tot die katastrofiese inval van Rusland en die uiteindelike oorgawe tydens die laaste veldslag van Waterloo. Manne wat al die ergste beproewinge beleef en oorleef het. Wat geweet hoe sleg dinge kan raak, maar ook hoe gou dit kan verbeter. Soldate met ’n diepte van ervaring wat altyd ’n groot kalmte tot enige desperate veldslag kon bring. Soos in oorlog, só ook in die landbou. Of dit nou ’n wegholveldbrand, ’n…

PRIVATE aankopers van grootmaatdiesel wil weet hoekom van die verskaffers skielik ’n bybetaling van R2-R5/liter diesel vir bestellings vir April vra. Die prys van diesel het op 1 April met R7,37/liter vir diesel met 0,05% swael en R7,51/liter vir diesel met 0,005% swael gestyg. Die prys van alle grade petrol het met R3,06/liter gestyg. Die boer Pierre van Eeden, wat ook ’n FEULit-brandstofstasie by Kroonstad besit, sê sy verskaffer het op 31 Maart aangedui daar is ’n bybetaling van R3,30/liter diesel wat hy bestel. FEULit koop diesel by ’n verskaffer, wat diesel by groot maatskappye soos Shell, BP, Engen en Astron aankoop. Dié maatskappye het gewoonlik ’n groot hoeveelheid diesel, en diesel op groot maat word dus teen ’n korting aan depots en ander private verkopers, soos landboukoöperasies, verkoop. Dié…

VOLGENS Dries van Coller, jagondernemer en Safari Club International se hoof van teenstroping en bewaring in Afrika, is daar min tot geen tekens dat oorsese jagters hul planne weens BKS kanselleer. “Ek het nog nie van een beroepsjagter gehoor wat kansellasies of selfs navrae oor BKS gehad het nie.” Stygende brandstofpryse en duurder vlugte is tans groter struikelblokke vir die bedryf. Hy sê die hantering van BKS op jagplase is nie nuut nie en word al dekades in die sogenoemde rooilyn-gebiede langs die Krugerwildtuin toegepas. “Ons ontsmet voertuie by aankoms en vertrek, en jagters stap deur voetbaddens. Dit is standaardpraktyk in gebiede waar die siekte voorkom.” Hoewel jag dus nie ’n groot risiko vir verspreiding inhou nie, waarsku kenners dat die hantering van produkte en beweging tussen plase wel risiko’s…

DIE trae en stadige verswakking van die La Niña-verskynsel veroorsaak dat reën oor die somerreëngebied langer duur as wat voorspellings aanvanklik getoon het. Gevolglik was neerslae, ten spyte van gunstige voorspellings, die afgelope twee maande swak wanneer kouefronte oor die winterreëngebied inbeweeg het. Die meeste langertermynvoorspellings dui op ondergemiddelde reënval tot minstens Junie oor die grootste deel van die winterreëngebied, hoewel beter toestande oor die Suid-Kaap moontlik is, sê Johan van den Berg, onafhanklike landbouweerkundige. Daar is kommer oor wintergrane wat in die volgende ses tot agt weke aangeplant moet word. In teenstellling met vorige seisoene is baie min grondvog beskikbaar omdat min winteren lentereën van Augustus tot Oktober 2025 geval het. Daarbenewens het min reën in die somer geval, terwyl die winterreëngebied een van sy warmste somers gehad het.…

MIKROPLASTIEK in die filmbedekkings waarmee saad behandel word, is ’n ernstige, maar onsigbare bedreiging vir menslike gesondheid en die omgewing. Só het Stefano Martinuzzi, streekverkoopbestuurder vir Afrika suid van die Sahara by die saadmaatskappy Incotec, gewaarsku tydens die vereniging van saadhandel in Afrika (Afsta se konferensie in Kaapstad. Mikroplastiek word internasionaal algemeen gebruik in filmbedekkings vir saad. Die afgelope sewe tot agt jaar het Europa die leiding geneem om dit uit te faseer. Wetgewing is aanvaar wat alle saadmaatskappye in Europa verbied om van begin 2028 af mikroplastiek in hul saadbedekkings te hê. Volgens Martinuzzi word soortgelyke wetgewing in Suid-Afrika beoog. Hy het gesê Incotec wil die kwessie as ’n geleentheid vir innovasie aanpak en die leiding neem met die verskaffing van mikroplastiek-vrye saadbedekkings. Die saadbedryf verteenwoordig net 1% van…

Tydens die onlangse Graan SA-kongres is daar weer voorspraak gemaak vir ’n beleidsaanpassing sodat Suid-Afrika ’n biobrandstofbedryf aan die gang kry. Wêreldwyd is dié bedryf aan die groei (teen sowat 10% per jaar saamgestelde groei) en dit gee veral die landbou in die platteland ’n ekonomiese inspuiting. Die huidige probleme met brandstofvoorsiening wat die oorlog teen Iran kan meebring, beklemtoon weer hoe strategies energievoorsiening vir ’n land is. Amerika is tans energie-onafhanklik danksy doelbewuste beleidsbesluite, waaronder ’n verpligting dat biobrandstof deel van die gewone brandstofaanbod moet wees. In Suid-Afrika het die staat toegelaat dat die land se raffinaderye tot stilstand kom en die land tans meestal brandstof invoer. Die verwagte dieselprysverhoging van R8-9 per liter in April is ’n nekslag vir baie saaiboere, veral as dié soort prys vir ’n…

Wandile Sihlobo, hoofekonoom van Agbiz en besoekende dosent in landbou-ekonomie aan die Universiteit Stellenbosch, is onlangs deur pres. Cyril Ramaphosa aangestel as sy gesant oor die landbou en grondhervorming. Landbouweekblad het met hom gesels. Waar het jy grootgeword en hoe het jou belangstelling in die landbou en landbou-ekonomie ontstaan? Ek het in die Oos-Kaap grootgeword en my familie is verspreid oor dié provinsie, maar dit was nie asof ek in ’n stadium geweet het ek sal wil gaan boer nie. Ek het aanvanklik vir ’n graad in rekeningkunde by die Fort Hare-Universiteit ingeskryf. Van my familielede was meestal in rekeningkunde, asook verpleging en een is ’n mediese dokter. Rekeningkunde was ook aanloklik omdat die departement van wetenskap en tegnologie in daardie stadium beurse vir rekeningkunde-studies toegeken het, en baie van…

Suid-Afrika se wisselvallige klimaat met sy gereelde droogtes stel groot eise aan ekstensiewe boerderye, want daar is nie altyd genoeg weiding nie, veral in die winter wanneer die veldgras se voedingswaarde skraps is. Aan die ander kant is daar gewoonlik groot geleenthede vir die uitvoer van rooivleis, veral bokvleis, wat deur veeboere benut kan word. Bokvleis is baie gesond, bevat minder cholesterol as hoendervleis, en is net so smaaklik soos lamsvleis. Die geleenthede word egter deur die wisselvallige voorsiening van rooivleis gekniehalter. Vandat die eerste ryp voorkom totdat dit weer begin reën, is die veldtoestande nie na wens nie en die diere se groei is swak. Tussen die somer en winter is daar gevolglik hoogte- en laagtepunte met die verskaffing van slagdiere. Oorsese markte soek deurlopende lewering en gehalte, en…

In die rubriek “Roes rus nooit” (LBW, 5 Februarie 2026; tinyurl.com/5esk74v7) het ek breedvoerig gesels oor die roesswamme en plantsiektes wat hulle veroorsaak. Soos in die geval van roes word die term “brand” ook baie maklik gebruik vir verskillende brandswamme, en simptome by verskillende gewasse. Brand dui waarskynlik meer op ’n skroei-effek op blare of dan soms die swart spore in galle, meestal in die reproduktiewe strukture van die plante. In dieselfde Bybelvers waarin na roes verwys word, word brand ook genoem as ’n belangrike siekte by veral kleingrane. In Deuteronomium 28:22 staan: “Die Here sal jou tref met tering, inflammasie en koorssiekte, met oorlog, brandkoring en roes. Dit sal by jou bly totdat jy omkom.” ’n Siekte soos blaasbrand by mielies is interessant in die opsig dat dit soms…

Die sleutel lê dikwels in hoe gevestigde beginsels konsekwent en doelgerig toegepas word. Dít was die kernboodskap van Nico Barnard, landboukundige by Pannar Saad, tydens die maatskappy se onlangse Val Extravaganza. Volgens hom berus moderne mielie- en sojaboonproduksie nie meer net op insette nie, maar op die geïntegreerde toepassing van genetiese potensiaal, presisieboerdery en deeglike risikobestuur. Die Suid-Afrikaanse graanprodusent boer vandag in ’n omgewing waar elke besluit ’n groter impak op die eindresultaat het as ooit tevore. Klimaatsonsekerheid, hoë insetkoste en wisselvallige marktoestande plaas produsente onder druk, maar volgens Nico lê die antwoord nie noodwendig in meer insette nie. “Teelmateriaal stel die plafon, maar bestuur bepaal hoe naby jy daaraan kom.” Hy het beklemtoon dat moderne kultivars oor merkwaardige genetiese potensiaal beskik, maar dat dit slegs ontsluit word wanneer dit…

In Suid Afrika kan enige persoon van 16 jaar en ouer per testament beskik oor hoe en aan wie sy of haar bates ná dood verdeel moet word – bekend as testeervryheid. Die Wet op Testamente (Wet 7 van 1953) bepaal dat ’n eksekuteur aangestel moet word om jou boedel te beredder. Die eksekuteur word gewoonlik volgens jou keuse in jou testament genomineer en kan ’n prokureur, ouditeur, trustmaatskappy of ’n ander bevoegde persoon wees. Die eksekuteur het geen diskresie in die verdeling van jou bates nie en sien bloot toe dat jou wense ingevolge die bepalings van die testament uitgevoer word. In baie gevalle dring die erfgename, gewoonlik die kinders van die oorledene, daarop aan om by die eksekuteur te verneem wat die volgende stap in die proses is,…

Skep-twee-keerhoenderspaghetti Saterdagmiddae het my ma altyd vir ons pasta gemaak, een van die min dae dat sy van boerekos afgewyk het. Sy het hierdie resep by haar een suster gekry (wat ook ’n huis vol tieners se mae moes vol kry). Ek maak dit deesdae vir my kinders en dit proe nog steeds vir my soos huis. 1 groot heel hoender  Paar peperkorrels  1 hoenderaftrekselblokkie  1 lourierblaar  2 heel naeltjies  1 pak (500 g) spaghetti  30 g botter  1 pak (250 g) spekvleis, gesnipper  2 uie, gekap  30 ml gekapte vars pietersielie  375 ml gerasperde kaas  250 ml melk  6 ekstragroot eiers Kook die hoender in genoeg water om dit te bedek saam met die aftrekselblokkie, peperkorrels, lourierblaar en naeltjies tot sag. Laat afkoel en vlok die hoender. Giet die…

Vertel van die begindae van Karoo Meats and Deli. Hier was al die jare ’n slaghuisie op Richmond, maar sowat tien jaar gelede het my ouers, Michael en Rosa van den Hever, Karoo Meats and Deli se deure oopgemaak. Hier was ’n groot behoefte aan so iets, want hoe werk ’n dorp dan nou sonder ’n behoorlike slaghuis? Hulle het dit drie jaar lank saam met ’n klein spannetjie bedryf, tot ek later kom hand bysit het. Ongelukkig is albei nou oorlede en ek bedryf dit nou heeltyds. My filosofie is dat baie mense by ’n punt kom waar hulle beter wil eet. Ons probeer om die heel beste gehalte te verskaf en ek probeer boonop om dit bekostigbaar te hou, al beteken dit sekere van my lyne is nie…

Die TABEL gee ’n oorsig van grondtransaksies groter as 10 ha in die Vrystaat vir die 12 maande tot Desember 2025. Gedurende hierdie tydperk is 677 transaksies in 42 distrikte gesluit, en altesaam 293 210 ha is verhandel teen ’n gesamentlike waarde van R5,071 miljard. Transaksies kleiner as 50 ha het effens gestyg tot 9% (8% in die vorige 12 maande). Grondverkope van 50 ha tot 150 ha was dieselfde op 13% (13%), en verkope van 150 ha tot 300 ha het gestyg tot 26% (24%). Grondverkope van 300 ha tot 450 ha het gedaal tot 17% (19%), en verkope van 450 ha tot 600 ha was dieselfde op 13% (13%). Grondverkope groter as 600 ha het gedaal tot 21% (24%). Altesaam 61% van die distrikte toon ’n gunstige prysneiging…

GAUTENG CARLETONVILLE WONDERFONTEIN (103) 50 ha, aan E. Nanni en S. Nanni, van H.J. Neveling, R1 050 000. NIGEL BOSMANSKOP (293) 214 ha, aan J.H. Botha, van Brookfield Beef (Edms.) Bpk., R10 000 000. PRETORIA BOEKENHOUTSKLOOF (284) 21 ha, aan TSU Capital Inv (Edms.) Bpk., van Tojomi (Edms.) Bpk., R2 530 000. HONINGNESTKRANS (269) 22 ha, aan J.M. Sambo, van Struwe-familietrust, R650000. KLIPDRIFT (90) 24 ha, aan Rosslyn Prop Holdings (Edms.) Bpk., van A.A.M. Pretorius, R1800000. KWAZULU-NATAL HELPMEKAAR GIRVIN (2408) 31 ha, GROVE (9011) 156 ha, en LINDISFARNE (4263) 174 ha, aan Zaloprox (Edms.) Bpk., van J.F.G. Botes, R5000000. NEWCASTLE BALLENGEICH (3299) 158 ha, aan NCCA (Edms.) Bpk., van Silicon Technology (Edms.) Bpk., R40 000 000. LISBETHDALE (4255) 671 ha, aan Fit ‘N Proper Trading 01 BK, van Ml Trust,…

Besoek landbou.com/veilings vir die jongste veilingsnuus. AFRINO Reën stuit nie die geesdrif op nasionale Afrino-veiling Uiters goeie veldaangepaste ramme het op die nasionale Afrino-veiling onder die hamer gekom. Altesaam 50 ramme en 100 ooie is op die plaas Klein Zuurfontein van Abrie Griesel by Bethulie aangebied. Die ramme het almal die jaarlikse veldramprojek op Martiens le Roux se plaas, Môreson, by Bethulie deurloop. Hy bied dié projek al 28 jaar aan. Hy sê hy is tevrede met die veiling wat te midde van deurdringende reën oor dele van die Vrystaat gehou is. Le Roux het die duurste ram teen R17 000 aan De Ridder van Wyk van Van Kracht Afrino, Bloemfontein, verkoop. BKB Cradock het die veiling aangebied. Die afslaer was JP Marais. — JOHAN NORVAL VEILING VAN DIE WEEK…

BYEENKOMSTE 21 APRIL: Agri Wes-Kaap se streekkongres op Clanwilliam/Agter-Pakhuis. Navrae: 021 860 3806. 22-23 APRIL: Landbouweekblad se herlewingslandboukonferensie op Ottosdal. E-pos: events@landbou.com. Kaartjies op: quicket.co.za 21 MEI: 66ste jaarlikse Fertasakongres. Blaauwberg Beach Hotel, Kaapstad. Navrae: Hermien Wouda, 012 349 1450, e-pos: hermien@fertasa.co.za 25-29 MEI: Hortgro- tegniese simposium met kern- en steenvrugvelddae. Lord Charles-hotel, Somerset-Wes. Navrae: Lindy Sigonyela, e-pos: lindy@hortgro.co.za 3-5 JUNIE: Agbiz-kongres. Boardwalk- internasionale konvensiesentrum, Gqeberha. Navrae: Liesel Esterhuizen, 012 807 6686, e-pos: liezl@agbiz.co.za 8-10 JUNIE: Ruvasa-kongres. Champagne Sports Resort, Drakensberg, KwaZulu-Natal. Besonderhede op: vetlink.co.za/ruvasa-congress-2026/ FEESTE 24-27 APRIL: Clarens-kunstefees. Meer inligting en navrae: info@clarensartsfestival.co.za 25-26 APRIL: Pick n Pay-wyn-envoedselfees. Claremont-krieketklub, Constantia. E-pos: info@pnpwineandfoodfestival.co.za. Web:pnpwineandfoodfestival.co.za 29 APRIL-3 MEI: Suidoosterfees. Kaapstad. Meer inligting en navrae: 021 406 2058, e-pos: suidoosterfees@media24.com 1 MEI: Woester-braaifees, in park agter die Mountain Mill-winkelsentrum, Worcester. Navrae: 082 828…

Klimaat Die internasionale klimaatsverslag van die Wêreld- Meteorologiese Organisasie (WMO) toon dat die aarde se klimaat tans meer ongebalanseerd as in enige tyd in die aangetekende geskiedenis is. Die afgelope 11 jaar was die warmste nóg. Die WMO se jongste verslag dui aan dat die aarde se energie-wanbalans sedert waarnemings in 1960 toegeneem het. Dit het ’n hoogtepunt in 2025 bereik. “Menslike aktiwiteite versteur toenemend die natuurlike ewewig. Op ’n daaglikse grondslag het ons weerstoestande meer uitermatig geword,” sê Celeste Saulo, sekretaris-generaal van die WMO. In 2025 het hittegolwe, veldbrande, droogtes, siklone, storms en vloede derduisende sterftes veroorsaak, miljoene mense geraak en miljarde aan ekonomiese verliese veroorsaak.…

DIE departement van landbou se triomfantelike aankondiging dat hy die hofsaak oor beken-klouseer (BKS) “afgeweer” het en dat die hof die staat se alleenmandaat bevestig het, strook nie met wat werklik op 24 Maart in die hooggeregshof in Pretoria gebeur het nie. Dokumente en hofstukke wys dat die staat op die nippertjie ’n nuwe, onvoltooide inentingskema aan die hof voorgehou het in ’n skuif wat die regter gedwing het om die saak eerder uit te stel as om ’n uitspraak oor die meriete te lewer. Die saak is gevolglik bloot tot 28 April uitgestel en die minister is beveel om ’n formele skema teen 17 April af te kondig. Die staat is boonop gelas om die applikante se koste te betaal. Regter C.J. van der Westhuizen het dit duidelik gestel…

TYDIGE toegang tot saad is van deurslaggewende belang vir boere. Terselfdertyd is dit noodsaaklik om landboubedrywe te beskerm teen siektes en plae wat deur besmette saad versprei word. Die balans waarmee owerhede stoei, is hoe om landboubedrywe teen skade te beskerm sonder om saadhandel met onnodige rompslomp te belemmer. Prosesse is aan die gang om die elektroniese sertifisering van fitosanitêre goedkeurings in Afrika te versnel om van dié probleme uit te skakel, het kongresgangers onlangs in Kaapstad gehoor tydens die kongres van die vereniging van saadhandel in Afrika (Afsta). Volgens dr. Rose Souza Richards, bestuurder vir fitosanitêre sake by die internasionale saadfederasie, is 20 Afrikalande, waaronder Suid-Afrika, vanjaar deel van die fitosanitêre program vir Afrika. Die program probeer fitosanitêre monitering in lyn bring sodat daar minder tegniese en administratiewe struikelblokke…

ISRAELIESE navorsers het ’n nuwe biologiese sensor uit bakterieë ontwikkel wat gloei wanneer dit aan asynsuur, ’n belangrike chemiese teken dat wyn besig is om te bederf, blootgestel word. Deur bederf in ’n vroeë stadium op te spoor, kan dié ontwerp deur Yulia Melnik-Kesler, ’n PhD-student aan die Hebreeuse Universiteit in Jerusalem wat onder prof. Yael Helman se leiding werk, help om duur gehalteverliese te voorkom. Dit bied ook ’n eenvoudiger, goedkoper alternatief vir laboratoriumtoetse. Die sensor werk intyds, selfs in toestande met hoë alkoholvlakke (tot 14,5%). Kelders kan dus enige probleme opspoor voor die geur en gehalte van die wyn geknou word. Asynsuur is dikwels die oorsaak van wynbederf en kan lei tot asynagtige reuke en suur geure. Wanneer asynsuurvlakke styg, kan dit die gistingsproses stopsit en die wyn…

Vir tien maande van die jaar laat Albert Koekemoer (43) sy vrou, Adele (43), en twee kinders, CP (11) en Anje (8), op Hopetown in die Noord-Kaap agter om in Amerika te gaan werk. Vanjaar is die sewende jaar dat hy dié reis ter wille van ’n beter lewe vir sy gesin aangepak het. “Ek is ’n rowwe Noord-Kaapse boertjie, maar dit is nie maklik om sonder my mense hier te wees nie.” Albert meen hy het nie ’n ander keuse nie aangesien die werksmark vir die deursnee-salaristrekker in Suid-Afrika ál kleiner word. “Daar is jaarliks sowat 25 000 Suid-Afrikaners wat deur middel van die H2A-program in Amerika kom werk, want dit maak net nie finansieel sin om tuis op werk te bly wag nie. Jy kan nie die pyp…

Ek het ’n probleem met die grootraambeeste waarmee ek boer. Soms kry ek kalwers wat lank klein bly voor hulle regtig begin groei. En dit lyk of daar altyd ’n dwergie tussen hulle is. Dit is nie elke jaar dieselfde koei nie. Niemand kon my nog help om te sê wat dit kan wees nie. ’n Virus lei dikwels tot dié verskynsel. Hoewel ek nie ’n veearts is nie, klink dit soos bees-pleuropneumonie. Praat met jou veearts en ent jou koeie voor kalftyd in Daardeur word immuniteit na die fetus en die pasgebore kalf oorgedra. Daar was al baie gevalle waar “vreemde” kalwers in vleisbeeskuddes gebore word en niemand weet waarom nie. Die bloutongvirus is ook bekend as ’n bydraende faktor vir dié verskynsel. John Boulle (foto) is ’n dierewetenskaplike,…

Die Bloemskou het gedurende sy bestaan van byna ’n eeu en ’n half al heelwat struikelblokke oorkom – van die Tweede Wêreldoorlog tot die covid-19-pandemie. Ten spyte daarvan bly dié skou ’n hoogtepunt op Suid-Afrika se landboukalender wat vir boere, landbouondernemings en stedelinge ’n gebeurtenis propvol inligting en vermaak skep. Die Bloemskou is ’n plek waar die landbou, handel, tegnologie en leefstyl bymekaarkom. Dit is waar kennis uitgeruil en netwerke versterk word. Vir baie gesinne is ’n besoek aan die skou ook tradisie omdat ontspanning, vermaak en die landbou daar hand aan hand gaan. Vanjaar vind die skou van 23 April tot 2 Mei in Bloemfontein plaas. Sowat 100 000 besoekers word oor dié tien dae verwag. Meer as 300 uitstallers en sowat 60 kosstalletjies vorm deel van die aanbieding.…

Hoe het jou besigheid begin? Ek het sowat tien jaar gelede vir my man, Pieter, gesê ek is nou moeg vir die hoendervleis van swak gehalte in die winkels. Ek bewerk al die wild en vleis op ons plaas buite Britstown self, en Pieter het toe voorgestel ek moet ’n paar braaihoenders koop. Ek het honderd gekoop en gedink as ek vyftig vir myself kan hou en kan vries, het ons vir ’n rukkie genoeg hoender. Die res wou ek verkoop om my koste te dek, maar toe koop al die koshuisma’s en my vriendinne só hoenders dat daar uiteindelik net ses in my vrieskas oorbly. Toe koop ek maar weer hoenders . . . Dit was tydens ’n droogte en ons het boerderyskuld gehad, dus moes ek regtig baie…

Die pad wat jy loop en wat uiteindelik sukses of mislukking vir jou gaan bepaal, begin met ’n deur wat voor jou geplaas word. Hierdie deur — of deure — staan oop en bring jou voor die keuse om binne te gaan of buite te bly. Prakties kom dit daarop neer dat dit insluit of uitsluit. Hierdie waarheid word treffend bevestig deur die gelykenis van die tien maagde, waarvan vyf verstandig was en vyf dwaas. Vir die verstandiges het die oop deur tot insluiting gelei, maar vir die dwase meisies is die deur gesluit. Onverbiddelike uitsluiting was die gevolg. Die les wat hieruit te leer is, het sedert die begin van die skepping van die mens nie verander nie. Dit staan steeds as ’n onweerlegbare feit dat die lewe ons…

GRAAN SA het reeds in die tweede week van Maart met diensverskaffers begin skakel oor die kwessie van hoër pryse aan produsente. ’n Brief is onder meer aan die kunsmisvereniging van Suider-Afrika (Fertasa) gestuur om te vra dat sy lede nié die situasie uitbuit nie. Dit volg nadat verneem is van kunsmisverskaffers in die Wes-Kaap wat skielik die pryse van hul produkte, wat blykbaar reeds in Suid-Afrika was of reeds op see was toe die oorlog uitgebreek het, opgestoot het. Corné Louw, hoof van toegepaste ekonomie en lededienste van Graan SA, sê hulle het ook met brandstofmaatskappye geskakel en gevra die maatskappye moet verseker hulle het genoeg brandstof vir die landbousektor beskikbaar, aangesien plant- en oestyd in verskeie dele van Suid-Afrika op hande is. Graan SA het met die samewerking…

VERLEDE jaar moes die sitrusbedryf planne beraam vir die invoertariewe van pres. Donald Trump van Amerika. Vanjaar kan sitrusuitvoer met van 3% tot 5% toeneem, mits struikelblokke weens die oorlog in Iran omseil kan word. Die Suider-Afrikaanse Sitruskwekersvereniging (SKV) sê in sy vooruitskatting vir die jongste sitrusseisoen dat die bedryf na verwagting van 210 miljoen tot 215 miljoen kartonhouers (15 kg elk) sitrus gaan uitvoer. Dr. Boitshoko Ntshabele, uitvoerende hoof van die SKV, sê hulle is deeglik bewus van die onsekerheid wat die oorlog in Iran veroorsaak, veral wat betref die impak op vraag, verskeping, die beskikbaarheid van brandstof en insetkoste. “Indien alles moontlik gedoen word om die impak van dié faktore te beperk, is bestendige groei en nog ’n rekord-uitvoerseisoen moontlik.” Volgens hom het die SKV noemenswaardig belê in…

SAAD is van die insette met ’n meer stabiele prysdinamika as ander dinge, soos brandstof en kunsmis. Kenners in die saadbedryf is dus nog onseker oor hoe die huidige Midde-Oosterse konflik wat energiepryse die hoogte laat inskiet het, mettertyd na saadpryse sal deursyfer. Hendrik van Staden, hoof van sade by Syngenta in Afrika suid van die Sahara, sê saadpryse word gewoonlik jaarliks voor die planttyd vasgemaak, en vanjaar se saad is meestal reeds bestel en afgelewer. Anders as oliepryse wat daagliks reageer op gedurig veranderende markfaktore, soos vraag en aanbod, is saadpryse meer stabiel omdat dit vooruit geproduseer word. Hy sê saadpryse vir die volgende jaar kan wel styg op grond van die energiekoste wat toeneem. Volgens die jongste inligting van Graan SA het mieliesaadpryse die afgelope jaar matig gestyg…

DIE Brandstofbedryfsvereniging van Suid-Afrika se jongste jaarverslag toon dat Suid-Afrika die meeste van sy ruolie van lande buite die Midde-Ooste kry. In 2024 is die meeste ruolie van Amerika, Ghana en Nigerië ingevoer. Met net twee olieraffinaderye oor in Suid-Afrika is daar druk op die invoer van voltooide produkte, soos diesel, petrol en vliegtuigbrandstof. Vir dieselinvoer was Suid-Afrika in 2024 grootliks aangewese op die Midde-Ooste, wat juis tans deur die oorlog geraak word. Die grootste verskaffers was Oman (26%), Indië (24%) en die Verenigde Arabiese Emirate (19%). As Indië buite rekening gelaat word, kom 67% van Suid-Afrika se diesel van vyf Midde-Oosterse lande. ’n Kenner meen Suid-Afrikaanse brandstofhandelaars kan waarskynlik hul aankope van die reuse-raffinaderye in Indië vergroot of brandstof van Nigerië se groot nuwe Dangote-raffinadery probeer koop. Die probleem…

Die stormagtige tye gedurende die 1980’s en 1990’s toe daar soveel tweespalt oor veral die wolpoelstelsel en die afskaffing van die landboubemarkingsrade in Suid-Afrika was, het Japie Celliers in staat gestel om as voorsitter van die Nasionale Wolkwekersvereniging (NWKV) koers aan te dui en oplossings te bewerkstellig. Die woelinge gedurende die 1980’s rondom die wolpoelstelsel – met sommige wolboere daarvoor en ander daarteen – het soms vir stormagtige landboupolitiek gesorg. Toe breek die 1990’s aan en weer het Japie die NWKV suksesvol deur die afskaffing van die bemarkingsrade gelei. Dit is geen wonder nie dat die NWKV sy hoogste eerbewys, die Goue Ram-toekenning, met Japie se uittrede aan hom toegeken het. Dit spreek boekdele van die ontsag en waardering vir hierdie leier van die wolbedryf; ’n man uit een stuk…

Boerdery het ’n indrukwekkende evolusie ondergaan namate die een geslag by die ander oorgeneem het, totdat Clan Leslie Estates vandag kan verklaar: “Ons het goed gedoen om só te boer dat ons nie langer die natuurlike hulpbronne in al sy vorme skaad nie, maar herlewingspraktyke toepas en middels aanwend om verantwoordelik teenoor die grond te boer sodat ons en ons nageslag ’n toekoms in die landbou het.” Mike Leslie, lid van Clan Leslie wat op Heritage Farm tussen Harrismith en Warden in die Oos-Vrystaat met gesaaides, appels, vee en wild boer, was een van die boere wat onlangs op Landbouweekblad se herlewingslandboukonferensie op Reitz aan honderde boere vertel het hoe hulle die pad gestap het om as ware herlewingsboere bestempel te kan word. Hy verteenwoordig die vyfde geslag van die…

Onlangs was ek deel van ’n strategiesessie van ’n baie suksesvolle familielandboubesigheid. Oor bietjie meer as 40 jaar het oom Piet* ’n geïntegreerde en winsgewende landboubesigheid opgebou wat die verbouing, verwerking en bemarking van landbouprodukte insluit. Oom Piet het drie kinders wat direk by die daaglikse bestuur van die besigheid betrokke is. Al drie – vroulik en manlik – is ewe belangrik in die familiebesigheid. Die lojaliteit aan die familiebesigheid en die bewondering vir wat oom Piet reggekry het, is merkwaardig, en die familie besef dat oom Piet almal se lewe en lewensreis baie ryker en geriefliker gemaak het. Die uiteindelike eienaar van die aandele in hierdie familiebesigheid is ’n familietrust waarvan die drie kinders en hul afstammelinge die begunstigdes is. Hoewel die kinders die begunstigdes is, is dit ’n…

Meet toestande in grond akkuraat met dié sensors Die grondgehalte-monitorstelsel van ErgoAgri samel deurlopend betroubare en presiese intydse data oor grond- en groeitoestande in en ontleed dit sodat boere ingeligte besluite kan neem om hul grond volhoubaar te bestuur. Die sonkragaangedrewe grondsensors kan oral op die plaas in gewasse se wortelsone geplaas word. Hul ononderbroke kragtoevoer verseker lesings oor onder meer die stikstof-, fosfor- en kaliumvlak, asook oor die grondvog, -suurheid en -temperatuur. Al die data gaan na ’n versamelpunt waar elke lesing gebêre word. Dit toon neigings en lig probleemareas uit. Pasgemaakte waarskuwings help die boer om betyds en toepaslik op te tree voordat probleme handuit ruk. Die data word in die wolk gebêre en gemagtigde persone het toegang daartoe met enige internetgekoppelde toestel van enige plek af. Die…

Wen - Wen - Wen! Vandeesweek kan 1 leser ‘n Boereplaas Bordspeletjie wen. Leidraad: ’n Inheemse eetbare vetplant Lees op bl. 94 hoe dit werk. WEN BOEREPLAAS-BORDSPELETJIE! Een leser kan 'n Boereplaas Bordspeletjie wen. NEEM SÓ DEEL: Vul die blokraai korrek in en gebruik die letters in die kleurblokke om die antwoord op die vraag op bl. 95 te ontrafel. SMS die woord LBW, gevolg deur jou antwoord, naam, van en dorp/stad na 33677. Deelnemers kan soveel keer SMS as wat hulle wil. Elke SMS kos R1,50. Net mense binne SA grense kan deelneem Die wenners sal die oorspronklike, voltooide blokraai en hul besonderhede moet verskaf. Geen werknemers of hul gesinne van Media24 en sy reklamemaatskappye mag deelneem nie. Die sluitingsdatum is 30 April 2026. Geen posstukke word meer as…