Sommaire pour November 2018 de Weg!

Met 25 jaar se boswa-ervaring is Conqueror Suid-Afrika se markleier wat betref die vervaardiging en uitvoer van boswaens. Én vir naverkoopdiens. Conqueror is bekend vir sy innoverende ontwerpe, genadelose veldtoetse en unieke vervaardigingsprosesse. Afrika is beslis nie vir sissies nie, en Conqueror-waens word nie net sterk genoeg vir die Afrika-boendoes gebou nie, maar is ewe tuis op die moeilike paaie in die res van die wêreld. ’n Mens sleep ’n Conqueror met absolute gemoedsrus, en danksy die luukses in die wa kamp jy ook soos ’n koning. Conqueror het hom aanvanklik toegespits op die bou van militêre produkte en in die vroeë 1990’s besef hierdie kundigheid is ook waardevol as jy ’n taai boswa wil bou. Die eerste Conqueror-waens is by die Nampo-oesfees bekend gestel... en binne ses maande was…

Weet jy wat om te doen as een van jou gesinslede of stapmaats deur ’n slang gebyt word en julle ver is van hulp af? Nou kan jy ’n noodhulpgids in jou broeksak saamdra – pak net jou slimfoon in! Die African Snakebite Institute het onlangs ’n nuwe app bekend gestel met noodhulp-inligting, hulp om slange uit te ken en inligting oor hoe om slange te laat verwyder. Die app is gratis en beskikbaar vir iOS- en Android-toestelle – laai dit af deur in jou appwinkel te soek vir “ASI Snakes”. Jy het ’n internetverbinding nodig vir die eerste aflaai, maar kan daarna die inligting lees sonder ’n verbinding. Nog inligting africansnakebitinstitute.com…

Die Internasionale Ruimtestasie doen vandeesmaand weer ’n paar oorvlugte oor Suid-Afrika wat dit die moeite werd maak om jou lyf satellietjagter te hou. Terwyl jy dit geluidloos sien oorvlieg, dink daaraan dat daar ses mense in daai ligkolletjie is. Dié span help met navorsing en instandhouding van die ruimtestasie. Hulle vlieg teen ’n spoed van byna 28 000 km/h – dit beteken hulle vlieg elke 90 minute reg om die Aarde en beleef elke dag 15 sonsondergange en 15 sonsopkomste! Die tye en sigbaarheid verskil nogal baie van waar in die land jy jou bevind. Soos dit enige goeie satellietjagter betaam, sal jy dus jou eie voorspellings moet doen van waar en wanneer dit oor jou dorp of stad gaan vlieg. Moet jou egter nie laat afskrik nie; deesdae is…

Ski saam in Brits-Columbië, ry fiets deur 43 lande en vlieg deur die lug op ’n 600 m hoë kabelgly... sonder om sélf ’n vinger te verroer. Dís van die stories wat deel is van vanjaar se BANFF Mountain-filmfees. Dié jaarlikse internasionale filmfees vir avontuur- en natuurliefhebbers word vanjaar vir die 13de keer in Suid-Afrika ook aangebied. Elf avontuurflieks (altesame 109 minute lank) word deur Cape Union Mart by ses Ster-Kinekorteaters reg oor die land vertoon. Waar? Die fees word by die volgende teaters aangebied – let daarop dat die datums verskil: Kaapstad: Cavendish- en Tygervallei-sentrum (26 Oktober-4 November); Johannesburg: Sandton (26 Oktober-4 November); Pretoria: Brooklyn-sentrum (26 Oktober-4 November); Umhlanga: Gateway-sentrum (3-4 November); Port Elizabeth: Baywest-sentrum (4 November). Koste Dieselfde as ’n gewone fliekkaartjie by Ster-Kinekor Kaartjies Bespreek aanlyn by…

Daar is motorvervaardigers wat soos Usain Bolt op een of dalk twee dinge in die lewe fokus. Hy hardloop die 100 m, dalk die 200 m en so af en toe die aflos, maar sy doelwit is duidelik: Hy wil oor ’n kort afstand so vinnig as moontlik hardloop. Hy’s die Ferrari van die atletiekbaan. En dan kry jy ’n ou soos Kevin Mayer, ’n Fransman wat ook in die Olimpiese Spele die 100 m gehardloop het en tans ’n wêreldkampioen is. Maar hoekom het jy nog nooit van hom gehoor nie? Dalk omdat hy ook aan gewigstoot, hoogspring, diskusgooi, paalspring, 1 500 m en nog ’n paar ander nommers moes deelneem om sy medalje te kry. Ja, hy’s ’n tienkampatleet wat baie dinge baie goed doen – die Nissan…

Geniet ’n gesinswegbreek waar jy nie ’n vinger hoef te verroer nie – jy kan net ontspan en die omgewing rondom jou indrink. Jy bly in ’n beskutte luukse tent in ’n oeroue woud. Die kos wat jy eet, kom uit die omgewing en word langs die rivier gemaak en bedien. Stap, roei, ry fiets en kyk voëls saam met ’n gids of ontspan net en herlaai jou batterye in hierdie mooi hoekie van ons land. DIE VOLGENDE AKTIWITEITE IS INGESLUIT BY DIE KOSTE* • Twee gesonde etes per dag, voorberei deur ons boskokke • ’n Begeleide kusstap • ’n Begeleide uitstappie na die Knysnawoud in ’n konsessiegebied van die Tuinroete- nasionale park • Die kamp het sy eie bergfietse en kajakke vir gaste om te gebruik. • Hier is ’n voëlskuiling naby die…

DUIWELSPIEKROETE, KAAPSTAD Van Duiwelspiek af kyk ’n mens uit oor Kaapstad, Tafelberg, Leeukop en die Atlantiese Oseaan én jy kry glimpse van die suidelike voorstede. Van bo af besef jy opnuut dat die wêreld ’n groot en mooi plek is. Daar’s verskeie redes hoekom ek ná meer as 20 jaar in die Kaap nog nooit bo-op hierdie bekende piek gestaan het nie. Iemand het dit eens as angswekkend beskryf – ek het voor my geestesoog gesien hoe ek op ’n smal rotslys verbyskuur en blindelings rondtas in Van Hunks se rookbollings. En dan was daar die onrusbarende naam... Maar toe ’n vriendin voorstel ons pak dié “monster” op ’n Saterdagoggend, was dit hoog tyd dat vrese besweer word. ’n Bordjie dui die begin van die roete aan op die Tafelberg-kontoerpad.…

DIE LUGRUIM IS ONS WONING ’n Ma en haar seuntjie gee my ’n skewe kyk en stap vinnig verby. Hulle wonder seker wie dié man is wat so in die lug op staar. En ek kan hulle nie kwalik neem nie – normale mense kyk mos voor hulle. Maar wat het ek daar bo gesien? Windswaels. Die meeste voëls skiet vinnig verby, of vlieg van boom tot boom. Maar windswaels lééf in vlug – hulle kan weke, maande, jare vlieg sonder om te land. Windswaels is die meesters van ons planeet se troposfeer. Hulle eet, drink, speel, paar en slaap in vlug. Nadat hulle hulle neste die eerste keer verlaat, bly jong Europese windswaels vir tot drie jaar in die lug sonder om te land! Een Europese windswael in Switserland…

Van nou af reis ons lig Ek is bevoorreg om 38 jaar lank getroud te wees met my vrou, Kitty, wat ook baie lief is vir avontuur. Ons het mekaar op die dorp Oshakati in Namibië ontmoet. Ons eerste groot avontuur was ons wittebroodsreis op ’n Yamaha XT500 deur die Khomas Hochland en die Namibwoestyn. Ons is nou in die sestig en het deur die jare verskeie kere deur Afrika gereis: eers met ’n Kombi, toe ’n 4x4-dubbelkajuit, ’n daktent, ’n woonwa, ’n boswa... Ons het onlangs ons uitdagendste en ook bevredigendste toer onderneem: ’n bergfiets-ekspedisie om die Richtersveld: van Vioolsdrif deur die berge en verby Eksteenfontein, Kuboes, Sendelingsdrift en Aussenkehr, altesame sowat 380 km. Ons het in rivierlope geslaap, tot daar waar ons bene ons kon bring. Agt dae…

Van die wêreld se voorste natuurfotograwe kom weer in Desember in Kaapstad byeen vir die Wild Shots-konferensie. Almal is welkom om te kom luister en leer – selfs amateurfotograwe en mense wat bloot lief is vir die natuur. Fotograwe soos Hannes Lochner, Peter en Beverly Pickford en Marcus Jooste is van die sprekers en die hoofspreker is Brent Stirton, wat laasjaar aangewys is as Natuurfotograaf van die Jaar. Die dagprogram sluit in: 12 sessies, middagete en versnaperinge en word afgesluit met ’n kaas-en-wyn-geselligheid. Waar? Nedbank-ouditorium, V&A Waterfront, Kaapstad Wanneer? 1 Desember; 9 vm.-5 nm. Koste R950 Nog inligting en registrasie info@wildshotsevent.com ; wildshotsevent.com…

Van waar die liefde vir die natuur en bewaring? Dis van kleins af reeds daar: Ek is nog altyd lief vir diere, dié wat reg oor die wêreld voorkom, maar veral ons eie vasteland s’n. Ons is bevoorreg om van die wêreld se ongelooflikste diere hier in Suid-Afrika te hê, en dis hartseer dat diere soos renosters in sulke groot moeilikheid is. Dis ook nie net renosters nie! Ons olifante, leeus, ietermago’s, wildehonde, jagluiperds en kameelperde se getalle neem ook af. Hoekom wou jy geld insamel vir renosterrehabilitasie en -bewaring? Ek het in 2015 gehoor van Osita, ’n babarenostertjie wat wees gelaat is by die Aquila- private wildreservaat. Ek het geweet hy sal sonder hulp vrek en het die storie op sosiale media dopgehou. Hy het so koud en alleen…

Hierdie lewe is ’n besige affêre. Daar’s net nie meer genoeg ure in die dag of kortpaaie op die roete nie. Ons is gedurig laat vir iets of moet dinge agterweë laat. (Gewoonlik onsself, fluister my ouer, wyser self.) Dít dink ek anderdag toe ’n N1-spoedkamera langs die Kaapse hawe my wéér teen 80 km/h betrap in ’n 60 km/hsone. Buiten my senuwees van al die gejaag is my sakgeldjie ook nou daarmee heen. En vir wat? Dit is ook maar goed ek is eersdaags op pad Namibië toe. Daar dwing die paaie jou om dinge rustiger te vat. Hel, dit klink darem belowend wanneer jou ryding se bande so van die eentonige teer afsuis na die meer melodieuse geknars van ’n grondpad se loopvlak wat kort-kort met ’n klink…

Die walvis doem uit die donkerblou skaduwees voor ons op. Geruisloos kom sy aan. Ons hang in die water net onder die oppervlak en kyk. Met vasberade hale van haar stert en vinne pyl sy op ons af. Sy is bewus van ons, maar ons teenwoordigheid skeel haar nie en eweneens voel ons nie bedreig nie. Ons bespeur geen vyandigheid nie. Nee, dis iets anders. Nuuskierigheid? Of is dit ’n uitnodiging? Kom swem saam, sê sy dalk. Rondom ons en die suidelike noorkapperwalvis dartel honderde stompneus dolfyne in die eindelose blou water. Hulle talm asof hulle loer wat gaan gebeur. Dan is sy óp ons. Stomgeslaan bewonder ek die reus hier voor my – ek moet my bene optrek sodat my paddavoete nie aan haar raak nie. Sy wyk nie…

Skubaduikers, sporthengelaars en natuurfotograwe is geneig om te dink jy moet ’n leeftyd lank spaar vir ’n peperduur bestemming vér anderkant die waters... en dit terwyl ’n stukkie ongerepte paradys ’n kort vliegtuigrit van Suid-Afrika af is: Welkom in Nosy Be, Madagaskar! Met meer as 20 duikplekke, spieëlgladde water en sigbaarheid van 30 tot 50 m, is Nosy Be die plek om te wees as jy wil skubaduik. Gryp die geleentheid aan om besonderse koraalformasies te sien en skouers met 1 000 verskillende visspesies te skuur. Tussen September en November kan besoekers ook saam met die walvishaaie duik. Pak die kamera én die GoPro in! Nosy Be is nie net die hoofstad van onderwaterfotografie nie, maar met die kleurryke markte op die dorp, die kokosneutbome, die honderde plekkies waar jy…

DÍS WAT JY KAN VERWAG Het jy al gewonder hoe dit voel om diep in die bos se geilgroen ondeurdringbaarheid te wees? Die wêreld van Dalene Matthee se stories, reuse-geelhoutbome en geil mosse, varings en houtkappers... Wel, jy kan. Sanparke het Bhejane 4x4 Adventures die eksklusiewe reg gegee om begeleide dagtoere deur Knysna se besonderse boswêreld aan te bied. Op dié daguitstappie kan jy enorme geelhout- en stinkhoutbome, varings, ligene, mosse, blouduikers, bosbokke en loeries met jou eie oë sien. En wie weet, dalk selfs ’n Knysna-olifant.. Maar dis nie net ’n ry-en-kyk-toer dié nie. Jy sal ook leer oor die bos se eiesoortige fauna en flora, die ontberinge van Italiaanse nedersetters en houtkappers, en ook van verlore reisigers. Ons kry mekaar by die Sasol-vulstasie in Harkerville, langs die N2…

SOEK DIERE Mabalingwe-wildreservaat Om in dié kontrei te sê jy moet op ’n wildrit gaan, is soos om die Groot Gat in Kimberley aan te beveel. Dis mos lánkal op jou doenlys. Bokke, wildebeeste, sebras en kameelperde is volop. By Mabalingwe kan jy vier van die Groot Vyf sien (mnr. Maanhaar ontbreek). En die kampplek, warm swembad en kroeg sorg vir ’n lekker naweek. Toe ek my vuurtjie op die eerste aand aansteek, kom wys my buurman, Joe du Toit, ’n selfoonfoto van ’n badsel seekoeie wat op ’n damwal staan. Hy en Annetjie, sy vrou, kamp al jare hier en het die seekoeie nog nooit so in die oopte buite die water gewaar nie. Die volgende oggend spring ek vroeg weg om te kyk of die spulletjie nog op…

IN DIE TUIN VAN LEWE EN DOOD Ek het verlede jaar ’n rukkie lank in die Kaap gebly en baie tyd in my tuin deurgebring. Gewapen met my Pentax K5 en 100 mm-makrolens het ek gereeld na iets interessants gesoek om af te neem. Een oggend kom ek af op ’n stomp met ’n papie daarop – ek het dadelik ’n foto geneem 1 . My nuuskierigheid het die oorhand gekry en ek het die stomp in my huis gedra sodat ek die papie elke dag kon afneem. Ek het immers nog nooit gesien hoe ’n vlinder “gebore” word nie. Ek sien toe daar is ook ’n bidsprinkaannes in ’n holte in die stomp – dit was vol sand en blare en het verwaarloos gelyk. ’n Paar dae later sien…

Sutherland is bekend vir sy meestal wolkose nagte en daarom is dit ’n gewilde plek om sterre te kyk. Maar gestel die weer steek op mooitjies die naweek wat julle daar is – wat doen ’n mens dan? Jy gaan kyk planete by Sutherland se nuwe planetarium. Wel, eintlik kyk jy ’n kortfliek oor die buitenste ruim wat deur vier projektors teen ’n koepeldak vertoon word. Die planetarium het sitplek vir 30 mense. Die stoele kantel agteroor sodat jy gemaklik op jou rug kan lê en die hele koepelskerm ordentlik kan sien. ’n Vertoning duur maar sowat 45 minute en daar is verskeie flieks waaruit ’n mens kan kies, soos een oor die ontwikkeling van die teleskoop oor die eeue, hoe die sterrekonstellasies in antieke mitologie verewig is, die jongste…

Het jy die Planet Earth II-episode oor die Moembai-luiperds gesien? Die kameraspan het ’n luiperd afgeneem wat in dié Indiese stad se agterbuurte jag en ’n varkie vang en doodmaak. Luiperds in dié stad het ook al mense aangeval. Dis ’n ander prentjie as die een waarvan baie wildkykers droom: Om dié pragtige dier (verkieslik ’n ma met ’n welpie of twee!) in die natuur te sien. ’n Luiperd het hom ’n rukkie tuisgemaak aan die buitewyke van Phalaborwa, my buurdorp, en jag gemaak op die plaaslike honde. Sover ek kon agterkom, het die dier ’n goeie lewe onder die radar gelei totdat hy ontdek en uiteindelik gevang is. Hy is toe na ’n nabygeleë wildrehabilitasiesentrum geneem. Dis fassinerend om te sien hoe dié dier aangepas het by die stadslewe.…

Dié mark het in Junie die lig gesien nadat die sakeman Roger Orpen ’n ou appelpakhuis langs ’n spoorlyn met die hulp van ’n ontwerper in ’n interessante ruimte in onder meer ’n art deco-styl omskep het. Koop iets te ete by een van vele kosstalletjies (enigiets van kerrie, ribbetjies en pizza tot pasteie, schwarmas en souttert) en ’n vars vrugtesap by Splashh Smoothies of boetiekjenewer by L-Gin. En vir poeding? Hoe klink fudge, roomys of ’n wafel-op-’n-stokkie? Hier is ook klimrame en rondomtalies om die kinders besig te hou en die mark het heelnaweek iemand wat musiek maak. Wanneer? Vrydae 4 nm.-8 nm.; Saterdae 9 vm.-6 nm.; Sondae 9 vm.-5 nm. Waar? Oaklaan, Elgin Nog inligting 021 204 1158; elginrailwaymarket.co.za Wat nog? Jy kan ook per trein…

Dis moeilik om te sê waar presies begin en eindig die Groot-Karoo. Begin dit by Touwsrivier of eers by Laingsburg? En waar is die laaste dorp? Pofadder, Colesberg, Cradock? “Man, dis alles behalwe die Klein-Karoo,” het iemand eenkeer gesê. Hoe dit ook al sy, die Groot-Karoo is ’n gróót plek. Tog, behalwe vir die SALT-teleskoop en Matjiesfontein is hier nie veel tipiese toeriste-attraksies nie. Dikwels is ’n reis deur die Karoo ’n reis na binne. ’n Mens ry daar rond op soek na die plaas waar jou oumagrootjie gebly het of om te kyk of die skooltjie nog staan waarheen jou pa kaalvoet gestap het... Baie Suid-Afrikaners het iewers langs die pad ’n verbintenis met dié gestroopte landskap en sy gasvrye mense. Hier is ’n 11 dae lange reisplan om…

MARYKE SCHEUN Nikon D7200 Tamron 150-600 mm-lens MARYKE SKRYF: Ek het dié foto by die Ngotso-Noord-watergat in die Krugerwildtuin geneem terwyl sewe hiënas in die water rondplas. Die toneel het my daaraan herinner dat dié gesoute jagters ook ’n spelerige kant het. Dit was vroegoggend en ek het gesukkel om die foto te belig omdat die son agter die diere was. Agterna het ek die witbalans in Adobe Lightroom verstel om die lig ’n bietjie warmer te maak en die goue gloed te beklemtoon. Ek het ook die skaduwees ligter gemaak om meer detail op die hiëna se gesig te wys. SHELLEY SÊ: Wat ’n besonderse oomblik! ’n Mens sien hiënas gewoonlik ná donker of naby ’n vangs met die son wat fel brand. Hierdie vroegoggendtoneel is inderdaad ’n bonus.…

Ons het al die geskinder gehoor… “National Luna is agter die tyd. Hulle is vasgevang in die verlede. National Luna gebruik ou tegnologie.” Daar is dalk ’n bietjie waarheid in dié stellings, maar daar steek meer agter die storie as wat jy dalk dink… HOEKOM ONS BY DIE GETROUE OU SOLENOÏED GEBLY HET Die begin van dié storie lê sowat 21 jaar gelede, toe ons intelligente solenoïedstelsel die eerste keer op die mark verskyn het. Voor dit het 4x4-voertuie ’n handskakelaar gebruik om die hulpbattery van hulle voertuig se aansitbattery te isoleer. Iewers in 1997 het ons die geleentheid gesien om hierdie proses te outomatiseer deur die twee batterye te isoleer met ’n taai, uiters betroubare intelligente solenoïedskakelaar. Ons was een van die eerste maatskappye wat ’n dubbelbattery-oplossing gebied het…

TOERINLIGTING 2019-datums: 28 Junie-8 Julie 2019; 6-16 Augustus 2019; 15-25 September 2019 Hoe lank is die toer? 11 dae, 10 nagte. Van waar vertrek die toer? Nata, Botswana. Eindpunt? Kasane, Botswana. Waar slaap ons? Formele verblyf. Hoeveel kos dit? R25 650 p.p. (30% bybetaling vir enkelpersone). DIE TOERPRYS SLUIT IN • Beddegoed en handdoeke • Drie etes per dag • Alle verblyf • Alle parkgeld • Tweerigtingradio’s • ’n Toerleier en veldgids WAARVOOR SORG EK? • Jouself en jou gesin • Julle paspoorte • Enige 4x2 met ’n goeie grondvryhoogte • Brandstof • Stoele • Drankies en snoepgoed • Persoonlike toerusting • Grenspostariewe DIE TOER IN ’N NEUTEDOP Dag 1 Ons ontmoet by die Nata Lodge en geniet die sonsondergang by die Makgadikgadipanne. Dag 2 Die groep verken Maun en omgewing met ’n opsionele vlug oor die delta. Dag 3 Van naby Sepupa neem…

ZINGELA, TUGELARIVIERVALLEI, KWAZULU-NATAL Dis maklik om te sê ’n plek is in die “middel van nêrens,” maar Zingela Safari & River Company is regtig diep in die Tugelariviervallei versteek. Soos die kraai vlieg, is dit sowat 20 km noord van Weenen en omtrent dieselfde afstand oos van Colenso, maar jy is nie ’n kraai nie. Jy gaan van Colenso af omtrent 24 km op die R74 in die rigting van Weenen ry. Sowat 5 km voor die dorp kry jy die afdraai na Zingela. Nou’s jy op die 27 km lange “Zingela Freeway”, die enigste (rowwe) grondpad in en uit. Mark en Linda Calverley het 35 jaar gelede begin bou aan dié kamp op die oewer van die Tugela. Deesdae kan hier meer as 60 mense bly in van netjiese…