Inhaltsverzeichnis für 23 April 2026 in Kuier

Dit voel of ’n mens die afgelope ruk met die een skokkende nuusberig ná die ander en tragiese gebeure gebombardeer word. Scroll jy aanlyn op nuus-apps of maak jy social media oop, dan's dit doom en gloom: Die petrolprys bly skiet die hoogte in, ’n Derde Wêreldoorlog wink, dis moord en doodslag … Selfs my daaglikse app vir ontvlugting, TikTok, bly nie gespaar nie. Daar was onlangs een nuusstorie wat my erg geruk het: Dié van Constance Scholtz, ’n 79-jarige ma en ouma van Bellville-Suid in die Kaap wat na bewering deur haar eie suster vermoor is. Constance is “onthoof”, het die nuusopskrifte dit uitgebasuin, en van haar ledemate is afgekap … Dit is byna ondenkbaar. Hoe is dit moontlik dat jou eie bloed na bewering so iets aan jou…

Ses-en-veertig is haar lewensjaar van absolute eienaarskap en soewereiniteit, sê die bekende aktrise Jolene Martin. Die woord “soewereiniteit” val dan juis so lekker op die tong. “Ek is mal oor dié woord. En 46 is ’n groot ding vir ons as bruin vroue. Tradisioneel word ons mos geleer jy's hier teen 50 naby die einde, veral in my bedryf, waar jou voorkoms baie belangrik geag word. Dis die dinge wat ons gevoer word. “Daarmee saam kom ook al die paranoia dat jou 50ste lewensjaar naby is en amper in ’n mate doom voorspel. En as jy mooi daaroor nadink, is 50 darem ook mos lankal nie meer wat dit was nie. Dis allermins oud.” Sy staar haar egter nie blind daarteen dat sy wel soms die ouderdom hier en daar…

Tydens die covid 19-pandemie het sy haar werk as ’n boekhouer in Roodepoort opgegee, haar 10-jarige dogter in die motor gelaai, en die pad Kaap toe gevat Tom ’n “bloedsuster” te word. Die 39-jarige enkelma Alice Fouché het'n franchise van die bekende Bloedsusters Crime Scene Cleanup in die Kaap begin en vanuit Gordonsbaai begin werk. Haar dagtaak behels onder meer die skoonmaak van tonele waarvan die meeste mense eerder sou wegskram. Bloedsusters, die skoonmakers van misdaad- en trauma-tonele, is in 2000 gestig. Dis daardie mense wat stilweg hul ding doen ná ’n gewelddadige voorval, sterftes of ongelukke, om alles weer veilig en leefbaar te maak. Hulle fokus as ’n span op die verwydering van bloed, liggaamsvloeistowwe en ander gevaarlike stowwe ná trauma. Alice gesels met Kuier by ’n gewilde koffiewinkel-kwekery…

Verushka Singh is innig dankbaar vir die geleentheid om die Mev. Suid-Afrika 2026-kroon te kon dra. Toe dié 39-jarige ma in November laas jaar gekroon is, was sy boonop die eerste Indiër wat al dié titel verower het. Nie net het sy in die maande daarna waardevolle vriendskappe gemaak, bande gesmee en skouers geskuur met die wie's-wie van die skoonheidsbedryf nie, maar iets veel groter het gebeur: Sy het diep innerlike groei beleef, en vir haar is dít die eerste prys. Is sy spyt dat sy nie meer die kroon dra nie? Nie eens ‘n bietjie nie, sê dié slimkop sonder huiwering. Verushka, ’n chemiese ingenieur en stigter van die konsultasiemaatskappy Climate Axis, het in April, net vyf maande ná sy gekroon is, amptelik uit haar titel as Mev. Suid-Afrika…

Hy het eers gedink dis ’n grap. Hy was immers al voorheen benoem vir die toekenning en het nie toe gewen nie, so toe sy bestuurder vir hom sê hy moet ‘n dankie-sê-boodskap voorberei, het hy gedink dié trek sy been. Met soveel sterspelers in die groep, hoekom sou hý die een wees wat wen? het Shilton van Wyk (26) gewonder. Maar dit was geen grap nie. Shilton is aangewys as die Springbok Sewes se Manspeler van die Jaar by die onlangse SA Rugbytoekennings – en omdat hy oorsee met die span was, moes hy sy toespraak opneem. Dis toe by die groot aand voorgelees. “Ek was geskok, maar superbly toe ek hoor ek het gewen,” sê dié talentvolle en veelsydige speler, wat die ding op die rugbyveld laat ruk…

Vraag PROSTAATPROBLEME Hi Dok. Ek is 65 en kom al ’n geruime tydjie agter dat ek ’n ‘lui’ prostaat het. Dis ’n gesukkel om te urineer en dan is die straaltjie vuurhoutjiedun. Ek staan tot drie keer snags op om my blaas te ledig, en daar is tans geen pyn of ongemak nie. ’n Bloedtoets vir prostaatkanker was ook negatief. Ek het nie erektiele probleme nie, maar die sperm kom nie meer spontaan uit nie – dit moet amper “gemelk” word. Watter medikasie kan ek gebruik? SAMUEL Antwoord BESTE SAMUEL Dit klink asof jy benign prostatic hyperplasia (BPH) het, of soos die volk sê: “Lui” of vergrote prostaat (nie-kankeragtig). Die prostaatklier lê onder die blaas, en die uretra (die buis wat urine uit die blaas deur die penis na buite…

■ Leefstylveranderinge is ’n goeie beginpunt om buierigheid onder beheer te kry. “Drink minder alkohol en kafeïen, beperk jou suikerinname en oefen meer, ” sê Rushdah. “Ruim ook doelbewus tyd in vir ontspanning. ” ■ Enigiets wat jou stres kan verlig, is goed. Dit sluit in meditasie, joga, om ’n joernaal te hou of vir ’n massering te gaan. ■ Prioritiseer ook (ononderbroke) slaap van goeie gehalte. ■ Hormoonvervangingsterapie kan help met buierigheid, prikkelbaarheid en slaapprobleme. “Daar is bewyse dat hormoonterapie kan help met buierigheid wat deur perimenopouse of menopouse veroorsaak word, ” sê Rushdah. ■ Jy kan ook nie-hormonale behandelings oorweeg. Antidepressante, kognitiewe gedragsterapie, mindfulness en nie-hormonale medikasie vir warm gloede kan dalk help om jou bui te verbeter. ■ Om ’n berader te gaan sien en te praat…

Die skokselfdoodsyfers onder jong kinders en tieners die afgelope paar jaar is genoeg om enige ouer wat hul bloedjies uitstuur in die wêreld, te laat wakker lê. Hoe kan jy seker maak jou invloed strek dieper as dié van'n wêreld met viral video's, druk van hul portuurgroep, boeliegedrag en al die ander uitdagings wat oor hul pad kom? As jy oor dié dinge wroeg, is daar gerusstellende navorsing wat toon die mag is in jou hande om jou kind te vorm, en dis boonop met doendinge en tradisies wat jy onder jou dak kan vestig – sonder dat dit jou'n plaas se geld kos. Jy kan waardes en eienskappe in jou kind vaslê in doodgewone oomblikke wat eendag die veilige hawe kan word waarheen hulle terugkeer in uitdagende tye. Van…

VRAAG: Wat is die volle naam van die mega-superster-K-popgroep wat onlangs herenig en ’n wêreldtoer afgeskop het? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 13 Mei 2026. SMS/R1,50. Die oplossing verskyn in die uitgawe van 4 Junie 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 13 MEI 2026. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Vertel ons oor jou oudisie in November. Ek sou nie gaan nie, want daai dag het ek ’n finale teater-en-produksie-eksamen by Wits gehad as deel van my eerstejaarstudies in theatre and perfomance, en repetisies kort daarna. My suster, Alicia Garcia (40), het gesê: “Dit sal nie skade doen om te probeer nie, ” en ek het besef ek het niks om te verloor nie, so hoekom nie? Waar was jy toe jy hoor jy't die rol gekry? Ek het Peaky Blinders op my bed gekyk toe ek ’n oproep van die rolverdelingsregisseur kry. Ek was só in ongeloof dat ek vir seker 30 minute net probeer sin maak het van hoe één oproep my lewe in sekondes verander het. Toe bel ek my suster. Dit voel steeds surreal om my…

Jy hoef nie dwelms te gebruik nie. Ek weet hoekom ek só sê. Maak nie saak wát jou omstandighede is nie, dwelms behoort nie in jou liggaam nie. Maak nie saak wie het wát aan jou gedoen nie. Dis nie nodig nie. Kom ek vertel julle gou hierdie storie. Op 12 jaar oud gaan kuier ek by familie in Komaggas in Namakwaland en daar ontmoet ek ’n bra, baie ouer as ek. Hy laat my glo dat dagga die ding is wat jou alles sal laat verstaan. Die stories wat hy my vertel en die “wysheid” wat hy met my deel, laat my verstom. Een van die goed wat hy altyd gesê het, is: “Jah guide and provide.” Ek het geglo alles sal orraait wees. Terug by die huis vertel…

“Ek wens my ma kon dit sien”, 9 April Sterkte met jou rugbyloopbaan, Dylan Maart. Bly nederig en gefokus en weet jou moeder is jou guardian angel. SHARENE “Mekylin maak moves”, 9 April Go, go, onse eie Malmesbury girl, Mekylin Engelbrecht! Voorspoed met alles wat jy aanpak. ROSI “Liana lei met empatie”, 26 Maart Dr. Liana Volkwyn, ek het dieselfde borskanker gehad op 27, en ook ’n dubbele mastektomie gehad. Dit was die beste besluit ooit. Die Here is goed. NDONIYAMANZI Ek het ook BRCA2+ positief getoets en besluit om ’n voorkomende mastektomie te ondergaan. Dis maar emosioneel ’n moeilike paadjie om te stap, maar sekerlik beter as die alternatief. JOAN “Onstuitbare Ayse-Lee droom groot”, 26 Maart Ek is nou so bemoedig deur Ayse-Lee Pieterse (6) se storie. Hallelujah! Dankie,…

Dit was ’n moord wat die gemeenskap van Bellville-Suid in die Kaap én die land in afgryse vervul en die Rose- en Scholtzfamilie in ’n donker dal van hartseer en verlies gedompel het. Op Donderdag 19 Maart is die lewelose liggaam van die 79-jarige Constance (Connie) Scholtz, toegevou in ’n kombers, op die grondverdieping van ’n woonstel in Davidstraat deur haar eie seun, Menno Rose (55), en die polisie ontdek. Toe kom dié skok: Connie se kop is onder ’n emmer in die groengeverfde stort ontdek en haar hande en agt vingers in ’n houer. Die enigste een wat glo met haar in die huis was, was haar langverlore suster, Aletta Rose (63), wat by haar kom oorbly het vir hul broer se begrafnis daai Saterdag. Aletta het glo verdag…

Hy smile van oor tot oor as sy fans na hom verwys as die “Luther Vandross van ’ie Kaap”. Dis immers ’n reusekompliment wat die sanger Fagrie Isaacs (45) elke dag sal vat met tonne liefde en waardering in sy hart. “Dis ’n groot eer vir my. Luther was een van die beste sangers ooit, en my all-time favourite. Om op sy level erken te word is vir my ’n big deal,” vertel hy. Sy musiekstorie kom self al jare lank aan. Aan die begin van 1987 was hy ’n lid van Strandfontein Primêr se skoolkoor, en daar is die saadjie grond toe. “Ek kan nie ’n dag onthou wat daar nie musiek in my lewe was nie. Ek was nog altyd honger vir musiek. ” Motown-klanke, die fusion van…

WENK As jy meer guacamole en salsa vir doopsous wil hê, verdubbel die bestanddele. ONTBYTNACHOS Genoeg vir 3-4 mense BESTANDDELE ½ teelepel olyfolie 100 g gesnyde of gekapte chorizo, Russians of bacon 2 eetlepels botter 4 eiers, geklits 250 g tortilla/nacho chips 100 g sagte bokmelkkaas (Chevin), in skyfies geskei, of suurroom 2 eetlepels gesnyde swart olywe (opsioneel) 1 jalapeño, in skyfies gesny vars dhanya vir garnering sout en vars swartpeper, gemaal, na smaak Guacamole 1 avokado ¼ rooi ui, fyngekap 1 eetlepel suurlemoensap sout en vars swartpeper, gemaal, na smaak Salsa ½ rooi ui, fyngekap ½ tamatie, pitte en pulp verwyder, fyngekap ½ handvol vars dhanya, grof gekap 2 teelepels rooiwynasyn of witasyn sout en vars swartpeper, gemaal, na smaak METODE Guacamole 1 Maak eers die guacamole. Skep die…

Laat hulle self kies Gee hulle vir een dag die geleentheid om van die huishoudelike keuses te maak, soos wat geëet word of watter musiek kan speel. Hulle gaan miskien cupcakes vir aandete kies, maar dit leer hulle dat hul stem saakmaak, en dat jy hulle vertrou. En daai vertroue in hulle word later vertroue in hulself. Die gesin se mantra Kies ’n sêding wat julle gesin opsom. Dit kan enigiets wees wat julle hardop vir mekaar kan sê in moeilike tye, of vir mekaar kan fluister op groot dae wanneer die senuwees knaag. Dit word mettertyd die kompas wat hulle saam met hul dra. Voorbeelde: “Moeilike dinge maak ons sterker”, “Ons kan dit saam uitpluis” of “Die avontuur is belangriker as om dit perfek te doen.” Boet of sus…

Ons het deur gemeenskaplike vriende ontmoet. Hy was ’n bietjie ouer as ek, en ek het gedink miskien is dít wat ek nodig het – iemand met meer volwassenheid en lewenservaring. Aan die begin was dit ’n sprokie: komplimente wat my laat gloei het, lekkernye wat hy werk toe aangedra het, klein gebare wat my regtig spesiaal laat voel het. Ná my vorige mislukte verhouding het ek geglo dat ek uiteindelik weer ’n veilige hawe gevind het – ’n plek waar ek kon herstel en weer glo in die liefde. Maar skielik het die aandag ’n “werk” geword. Ek moes fyn dophou hoe ek aantrek, wie ek groet, en moes selfs my glimlaggies net vir hom hou. Die komplimente het plek gemaak vir kritiek. Eers subtiel, later kras en seer.…

Hy is gebore en getoë in Manenberg op die Kaapse Vlakte waar uitdagings en drome hand aan hand stap. Maar deur dit als het hy sy kreatiewe gees en sagte hart behou. En vandag staan Germaine Leonard (34) sy plek vol as ’n musikant, rolmodel, opvoeder en gemeenskapsleier. Germaine se storie begin in ’n nederige huis waar familie en geloof sy fondasie as mens gelê het. In sy hoërskooljare het sy gesin 400 km van Manenberg na George aan die Tuinroete verhuis, waar hy matriek voltooi het aan George Sekondêr. Dié einste skool sou later sy werkplek word, en waar hy sy roeping sou uitleef. Germaine was van kleins af lief vir sport, en sokker en krieket het sy dae gevul. Maar hy het ook ’n liefde gehad om dinge…

Die 2025-verslag “Suid-Afrika se Jeug in die Arbeidsmark: ‘n Dekade in Oorsig”, deur Statistiek Suid-Afrika, dui hierop: ■ Meer as die helfte potensiële werkers in die land is 15-35-jariges (20,9 miljoen). ■ In 2015 was 36,9% van jonges werkloos, en in 2025 was dit 46,1%. ■ Dis erger op die platteland. ■ Meer meisies of vroue is nie in werk, skool of opleiding nie. Onder 15-24-jariges was dit 37,5% (36,7% vir mans), en onder 15-34-jariges, 48,1% van vroue (en 42,2% mans). ■ Ongeveer 1,9 miljoen 15-34-jariges was “moedeloos” – hulle soek nie meer werk nie. ■ Van die 4,8 miljoen werklose jonges het 58,7% nog nooit gewerk nie. ■ Jeugwerkloses sonder matriek: 51.6%. ■ Met matriek: 47,6%. ■ Met tegniese opleiding: 37,3%. ■ Met ‘n universiteitsgraad: 23,9% (beduidend minder werkloses).…

’n Mens kan maar sê sy hou daarvan om mense te laat lag. En as sy nie kan nie, probeer sy hulle inspireer om altyd hul drome na te jaag. Só vertel Chanley Wong (32), wat onlangs ná sewe jaar weer haar terugkeer na TV gemaak het as een van die aanbieders van die ontbytprogram Expresso op SABC 3. Dié boorling van Benoni aan die OosRand is die spreekwoordelike “full package”. Sy's ’n TikTok queen en aanlyn bekend as die Chinese meisie wat so lekke’ Afrikaans praat – trouens, sy kry tot haar Chinese pa sover om ’n paar Afrikaanse woorde te gooi! – en dan reis sy ook die wêreld vol as ‘n inhoudskepper. Vra jy dié donkerkop hoe dit tans met haar gaan, sê sy borrelend: “Dit gaan…

1 BELT DIT! Verander oorgroot rokke, hemde of baadjies in ’n vleiende pasvorm deur ’n belt by te voeg – soos die Russiese inhoudskepper Ksenia Putintseva hier wys. Dit skep onmiddellik vorm en glans. Jy kan selfs ’n serp oor ’n baadjie inwerk om ’n ou item ’n nuwe spin te gee. Nog twee maniere om dit te dra: Die influencer Fadela Mecheri van Parys, Frankryk, dra ’n belt om haar oorgroot baadjie en rond dit af met ’n swart broek en mules. Die inhoudskepper Katrina Santiago wys hoe jy ook ’n serp as belt kan inspan oor jou baadjie vir ’n stylvolle afronding. 2 ROL DIT OP Is jou nuwe jeans te lank? Hier's ’n oulike truuk! Vou die soom een keer op, ongeveer 5 cm (afhangend van hoe…

Vraag LEEF EN LY MET ’N NARSIS Ek's ’n 66-jarige vrou in ’n 20 jaar-plusverhouding. Vandat ek nie meer werk nie, is daar so baie probleme tussen ons. Hy is katterig, beledig my en is sarkasties. Ek hoor nou ek is soos sy eks. Ná elke argument moet ek hoor: “Jy moet f—f. ” Hy't nooit met my getrou nie. Ek's bly daaroor, want nou kan ek my goed vat en loop. Kan iemand wat so lank met jou is, só word? Niks wat ek doen, is reg nie. Selfs die kos is ’n probleem. As ek vir hom sê dis lelik om só te praat, sê hy ek is sensitief. Moet ek dan vir enigiets wat hy sê lag of dit ignoreer? Ek hoor aaneen hoe stupid ek is.…

Menopouse vind amptelik plaas wanneer jy vir 12 maande ophou menstrueer. Perimenopouse beteken weer “rondom menopouse”. Dit staan ook bekend as die menopouse-oorgangsfase, en dit gebeur voor menopouse. ■ Tydens perimenopouse: Wisselende hormoonvlakke veroorsaak onvoorspelbare buierigheid en verhoogde angs. ■ Tydens menopouse: Hormoonvlakke bly laag; simptome kan bedaar, maar lae gemoed of angs kan steeds voorkom. Menopouse en jou brein Vir eeue het vroue ’n beperkte prentjie van menopouse gekry – soos dat dit net 12 maande ná hul laaste menstruasie duur en meestal warm gloede behels, en nagsweet. Volgens dr. Louise Newson, ’n Britse menopouse-spesialis, is dít egter ’n onvolledige beskrywing. In ’n peiling onder 6 000 vroue het die algemeenste simptome nie warm gloede of ’n gesweet ingesluit nie, maar eerder simptome wat die brein en senuweestelsel raak.…

Toe haar laerskoolonderwyser in haar gr. 7-jaar ’n vaardigheidskool aanbeveel nadat sy twee grade moes herhaal, wou Victoria van Wyk (18) net mooi Tniks daarvan weet nie. Net die blote gedagte dat sy haar hoofstroomskool vir ’n vaardigheidskool moes verruil, het haar eintlik laat skaamkry. Mense sien dan juis neer op vaardigheidskoolkinders – dis al waaraan Victoria kon dink. Om nie eens te praat van die gekoggel wat sy geweet het haar voorland sou wees nie. Op die Laerskool Paulus Joubert in Paarl het sy reeds gr. 2 en later ook gr. 4 herhaal. En daai dag toe die onderwyser die vaardigheidskool voorstel, was haar antwoord dadelik nee. Victoria was vasbeslote dat sy nooit anders oortuig sou kon word nie. Sy het glad nie kans gesien vir ’n geterg nie.…

NR. 216 saailing saboteur saffraan sago sagtebal sagteware sakebrief sakrament salamander salami salaris saldo salfie salm salvo sambok sambreel samelewing sameswering samoesa sampioenroomsop sanitasie sanksie sardiensblik sarkasme satelliet satyn sedan seeman seerplek seewier segment seilboot seisoen sekretaresse sekuriteit seldery selfhelpwinkel selfie selonsroos sement semester silinder silwer simbaal simbool sindikaat sukkelaar suurknol sykous Oplossing verskyn in die uitgawe van 7 mei 2026. soek vir die speletjienommer.…

AANLYN Nuwe kykstof vir jou kyklys 1 THE TESTAMENTS Die trefferreeks The Handmaid's Tale se opvolgreeks is hier en dis net so doom en gloom soos die oorspronklike reeks! Die show speel af 15 jaar ná die gebeure in die gelyknamige boek deur Margaret Atwood, waarop dit gegrond is, en die fokus verskuif na die handmaids se opvolgers: die jong vroue wat voorberei word vir huwelike met die heersende klas, die Commanders. Aunt Lydia, wat hulle in lyn hou, word weer vertolk deur Ann Dowd. Die 10 episodes fokus grootliks op die tieners Agnes (Chase Infiniti) en Daisy (Lucy Halliday). Sy moet vir Agnes touwys maak oor die lewe in Gilead. En so terloops, Agnes is eintlik Luke en June se dogter! Dis ’n moet-sien. BESKIKBAAR OP DISNEY+ 2 THE 'BURBS Dié…