Sommaire pour May 2015 de SARIE

ONS VERSTAAN NIE ALTYD ONS WÊRELD NIE. Waarom ons dink soos ons dink en doen soos ons doen. Maar dan kom ’n kenner of twee en haak dinge soomloos aanmekaar en alles is klokhelder. Kyk maar na Marsala, die kleur van die jaar. Toe ons nog wonder vanwaar dié bruinrooi, begin dit sy plek volstaan – handsakke, skoene, syhemde, lipstiffie, naellak, bakkies, borde, stoele, verf. So pas het model Naomi Campbell onder applous met ’n manjifieke Marsalakleurige aandrok op die loopplank in Parys verskyn. Ryk, luuks soos verouderde wyn. Waarom juis dié skakering? Dit het gravitas, sê dié wat weet, en wys wat die mensdom nou soek – vastigheid in ’n wêreld wat ons dikwels as onderstebo ervaar. En so verskaf die kenner van wêreldtendense Li Edelkoort onlangs nóg ’n…

In 1999 het die fliek Notting Hill verskyn met Julia Roberts en Hugh Grant in die hoofrolle.’n Beroemde Amerikaanse aktrise besoek Londen en ontmoet die eienaar van ’n sukkelende boekwinkel, ’n baie mooi maar voorspelbare liefdesverhaal speel af, die tipiese moderne sprokie. Ek kan nie onthou wanneer ek dit die eerste keer te sien gekry het nie, maar dit moes ’n jaar of twee later gewees het, heeltemal toevallig en op televisie. Dit was nie die beste of mees asemrowende poging ooit op film nie, dit is ook eerder ’n romantiese komedie as ’n hartverskeurende drama, maar ek het gehuil soos ’n baba sonder ’n speelding. En so begin die verhaal van Notting Hill en ek. Dis orals en sonder einde, dit volg my van skerm tot skerm, van my…

'n Keisteenpaadjie kronkel deur Stellenbosch se wingerde na ’n plaashuis waar drie honde beskermend blaf. Vicky Davis vir wie ons as Tessa in 7de Laan en as veldaanbieder van Pasella op SABC2 leer ken het, sluit die hek oop. Aan haar slanke lyf is geen teken dat sy ’n paar maande gelede ma geword het nie. Hier woon sy saam met haar man, Schalk Joubert, die ewe bekende en bekroonde baskitaarspeler. Die knus huis aan die oewer van ’n reuse-plaasdam lyk ingeleef, maar netjies. Sagte jazz speel in die sitkamer. Al teken van ’n baba is die stootwaentjie. Klein Lira Victoria slaap nog elders. Die naam Lira is so liries sê Schalk. “Dit beteken .” Dis ook so eenvoudig, sy sal dit vroeg reeds self kan skryf. “Dan sal sy…

Kalahari Summer ROBERT GROGAN (STRUIK NATURE, R270) Die Amerikaanse skilder en fotograaf Robert Grogan en sy vrou het in 1974 die Kalahari vir die eerste keer besoek. Sedertdien woon hulle ’n deel van die jaar in Idaho, VSA, en die res van die jaar in Franschhoek, SA. Vir hom lê die wonder van die Kalahari-somers in hoe die landskap binne oomblikke drasties kan verander van rustige idille na dramatiese stormtoneel. Dit vang hy vas in sy skilderye, terwyl hy met sy kamera die diere dokumenteer. ’n Inspirerende boek waarin Grogan die stories agter die skilderye en foto’s vertel. Phyllis Green SO SÊ HULLE OP SARIE.COM Deon Lamprecht, skrywer van Tannie Pompie se oorlog: In die driehoek van die dood (Tafelberg, R185) vertel hoe hy skryf Ek’s…

Sy’s Hollywood op sy beste: talentvol, slim, mooi. Sy’t ’n graad in sielkunde aan Harvard voltooi en is beloon met ’n Oscar en Golden Globe vir haar rol as ballerina in die riller Black Swan waarvoor sy maande lank tot 8 uur ’n dag geoefen het. Bo alles is sy ’n vurige vegter vir vroue- en kinderregte, ook in Afrika. Natalie, sedert 2010 ’n gesig van Dior, se styl is sjiek en tydloos, met die fokus dikwels op haar besonderse ontwerperrokke en helder lippe. ’n Vrou wat net bly inspireer! *Sien bl. 78 vir ons Moedersdag-ontbyt saam met Dior. Maak winter jou gunstelingseisoen met ’n voorkoms wat sê wie jý is. Die 70’s-modestyl is joune as nostalgie jou hartsding is, die boswêreld as die natuur jou…

PARFUUM!  ’n Heeljaargeur met note soos magnolia en lemoenbloeisel – Nuxe Prodigieux Le Parfum (R595 vir 50 ml EDP) by uitsoekwinkels van TRUWORTHS…

MIDIROMP As jy die lengte moeilik vind, dra dit saam met ’n hoë hak om jou bene langer te laat lyk. Geplooide midiromp met leer-voorkoms (R1 299), Mango. Rooi-en-swart trui met ruitpatroon (R799), EXPRESS by uitsoektakke van Edgars. Swart kouse (R80), Cameo by Burhose. Roomkleur leer-hofskoene (R1 699), Sergio Puccini by Via Veneto. Vlekvryestaal-armband oorgeblaas met goud van 18 karaat (R899), Georgini van Treger Brands. Serp van katoen (R120), Babette. GROOTTES Trui: XS – XL Romp: XS – XL MOTORFIETSRAADJIE Egte leer of kunsleer – maak nie saak nie – dié baadjie sal enige uitrusting die ekstra oemf gee vir ’n moderne voorkoms. Swart leerbaadjie (R3 999), Polo. Katoenbloes met blompatroon (R499,95), All About Eve by South to South. Ligpienk potloodromp van maasstof (R379), Forever 21. Goue fraiing-oorbelle (R160), Lovisa.…

BLY IN VERBINDING Ons is gaande oor die leerhandsak met selfoon-entabletlaaier (R799) van Take Charge. Dit is perfek vir die vrou wat altyd aan die beweeg is en sal sorg dat sy nooit met ’n pap battery iewers gestrand raak nie. Vir meer inligting, besoek www.take-charge.co.za Ene ore Dis tyd om jou oorbel-woordeskat uit te brei. Die hoepel en die knoppie (stud) is nie meer genoeg nie. Die gróót nuwe trend is die oor-boordjie (ear cuff). Jong sterre soos Jennifer Lawrence, Cara Delevingne en Miley Cyrus dra dit oral, van die rooi tapyt tot informeel. Wat ook al die geleentheid, daar is een vir jou. ‘Wanneer jy parfuum dra, is dit belangrik dat jou maat jou geur wil inasem, aan jou wil raak en na aan jou wil…

kwepers Dié wintervrug laat jou warm en gekoester voel. Heerlik gestowe by bredies, gerooster by pannekoek of heel gebak saam met wildsvleis. sitrus Die skil is propvol smaak en die sap maak die verskillende geure in kos wakker. kaneel Dis die seisoen vir pannekoek met kaneel – ’n spesery afkomstig van die bas van verskeie bome wat deel is van een plantfamilie (Cinnamomum). Die dun stokkies wat lyk of dit gerol is, word by ons verkoop as kaneelstokkies, en die harder, ongerolde stokkies staan bekend as kassia. Dié soet spesery is ook ’n goeie pasmaat vir neutmuskaat. KANEEL-EN-SJOKOLADEPANNEKOEK In die strate van Parys, Frankryk, stap jy gereeld verby stalletjies wat crêpes braai en dit met sjokoladesmeer vul. Gee dit ’n SA geur met kaneel. genoeg vir 12 500 ml…

KOFFIEGANACHE Dié maklike ganache is heerlik as versiersel. Maak so: Bring 125 ml room saam met 30 ml kitskoffie tot kookpunt. Voeg daarby 80 g Beaconmelksjokolade (R10,49 landwyd) wat gekap is en roer tot gladde mengsel. Laat stol in yskas vir 30 minute en smeer op jou gunsteling-gebak. Nuut op die mark Die koffiewinkel Mugg & Bean het onlangs hul eie reeks koffiekapsules bekend gestel. Dit pas in die meeste kapsulemasjiene en is in 4 geure beskikbaar: hul House Blend, Mocca Java, Single Origin en Espresso Blend. Pryse vanaf R52,99 vir 10 Bederf jou gaste As jy soos George Clooney van jou koffie hou, dan kan jy maar hierdie oranje U-Milk Nespresso-masjien aanskaf. Dié intreevlakmodel maak heerlike koffie keer op keer. Koop dit aanlyn by www.buynespresso.com/za  teen R2…

VERMINDER BLOOTSTELLING SÓ Volg ’n gebalanseerde dieet met baie natuurlike, onverwerkte kosse. Was vrugte en groente deeglik. Vermy vleis van diere wat groeihormone kry. ’n Hoë inname van dierproteïen (vleis) by meisies van 3 – 7 jaar word geassosieer met vroeë puberteit. Beperk die inname van kosse met soja as basis, dit bevat natuurlike estrogene. Vermy vloeibare “antibakteriese” seep en tandepasta met triklosaan ( triclosan ). Vermy plastiek gemerk met die herwinningskode (’n driehoek met syfer daarbinne) #3 omdat dit PVC bevat. PVC-plastiek bevat die chemikalieë ftalate ( phthalates ) wat dit meer buigbaar maak. Kom voor in onder meer speelgoed, kosverpakkings, stortgordyne, skoonmaakmiddels, sjampoe en reënjasse. Ftalate word geassosieer met vroeë borsontwikkeling by meisies. Vermy plastiek gemerk met die herwinningskode #7. Dit kan potensieel Bisphenol…

Slaaploos snags? Jy is nie alleen nie. Insomnia is ’n groot probleem in ons land en die hoë vlakke van stres dra sekerlik daartoe by, sê dr. Hilda Landman van Stellenbosch, slaapkenner en mediese dokter wat in holistiese geneeskunde spesialiseer. Stres (weens werk, geldelike of persoonlike probleme) en die gevolglike afskeiding van streshormone kan met jou wakker-slaap-siklus inmeng. Jy kan dus snags wakker word en bedags sukkel om wakker te bly. Gebeur dit ’n paar keer, kan jy aan insomnia begin ly, volgens SASSM (The South African Society of Sleep Medicine). As jy dikwels sukkel om te slaap, probeer self-hipnose met die hulp van ’n slaap-CD. Rustige agtergrondmusiek en ’n gerusstellende stem lei jou as’t ware om te ontspan, terwyl geluide wat jou dalk mag hinder, geblokkeer word. Probeer die…

15 MINUTE Dis hoe lank die griepvirus op jou hande bly leef nadat jy aan ’n besmette oppervlak soos ’n metaal-handreling gevat het. Daarom verminder jou kanse om griep te kry as jy gereeld jou hande was in die griepseisoen. Bron: nytimes.com Nie net vir flikkers gooi Lang en digte wimpers is sedert Cleopatra se tyd mode, daarom vergeet ons maklik dat ooghare eintlik ’n heel praktiese doel het. Dis onder meer daar om ons oë te beskerm teen dinge soos stof en uitdroging. Nou het navorsers vasgestel presies hóé lank jou wimpers moet wees om jou oë goed vogtig te hou: ’n derde van die oog se wydte. Korter of langer as dit werk nie heeltemal so goed nie. Bron: www.nbcnews.com Borsel reg Hou ’n…

A All About Eve by South to South 021 674 1030 Aldo 011 884 4141, 021 421 5674 www.aldoshoes.com/za American Swiss 021 421 1776, 011 333 0419 www.americanswiss.co.za Angles & Earth Terrariums www.anglesandearth.co.za Ash Ceramics www.ashceramics.co.za Art in the Forest 021 794 0291 www.artintheforest.com B Babette 021 424 4457 www.babetteclothing.co.za Billabong 011 656 5105 www.billabong.com/za Bronx Woman 021 590 7000 www.bronxwoman.com C Cameo by Burhouse 021 980 1004 www.burhouse.co.za CJR Gift Sales 011 257 6000 www.cjr.co.za colette by colette hayman 087 808 0080 Cotton On 021 552 0726, 011 784 2418 www.cottonon.com D De Steyl 044 878 0480 www.desteyl.co.za E Edgars 011 495 6000, 0860 692 274 www.edgars.co.za F Falke 021 951 2137 www.falke.co.za Forever 21 021 555 3324 Forever New 011 465 1829, 012 997 0575, 021 419 4552…

FRANS Ek kan so ’n bietjie Frans praat. Dit was ’n skoolvak en ek het dit in my eerste jaar aan die Universiteit Stellenbosch ook geneem. MONTMARTRE Ek het ’n spesiale band met Parys. Die Montmartredistrik is een van my gunsteling-plekke in die stad. Ek was in standerd 9 (graad 11) ’n uitruilstudent na Frankryk. KOS In Thailand het ek en my man, Clyde, Thaise kos leer eet. Ek eet graag vis en groente met geure soos suurlemoengras en gemmer. SKOENE Ek is versot op leerskoene en dra ’n paar tot dit uitmekaarval, en dan probeer ek dit nog regmaak ook! Dié paar is in Portugal gemaak, maar ek het dit in Suid-Afrika gekoop. Hulle word net mooier hoe meer ek hulle dra. GEUR The Body Shop se Vanilla Body…

Lika Berning vlei haar wilgerlatlyf in die stoel by ’n Johannesburgse koffiewinkel neer en wink dadelik die kelner nader. “Ek is só honger. Ek wil net heeltyd eet!” maak sy verskoning. Jy wil-wil dan vra of daar dalk ’n klein Berningkie op pad is, maar elke vrou weet om nóóit vir ’n ander vrou te vra of sy swanger is nie ... Maar dan bel haar tannie en die geheim is uit. “Ja, tannie, ek’s heeltyd naar ... Ag, dankie, ons is baie opgewonde ... ja, so drie maande.” “Ek is swanger,” sê sy dan wanneer sy die foon neersit, met so ’n skamerige glimlaggie. Die nuwe kleinding kom in September, presies vier jaar ná haar en haar akteur-man Clyde (Berning) se eersteling, Hugo. Dié keer is sy meer ontspanne,…

Moenie dink ’n vrou se lyflike instandhouding is klaar wanneer sy klaar gebad het nie. Nadat sy haarself afgedroog het, haar hare effens droog gevryf het, die handdoek om haar kop gedraai soos êrens in die Ooste, smeer sy haar lyf in met welriekende rome, met spesiale aandag aan haar voete. Daar is buisies, botteltjies en potjies op ’n ry. Party het sy self gekoop, die meeste het sy present gekry van jou en van mense wat dit ook present gekry het. Onthou, daar’s aparte rome vir haar lyf en hande. Dis hoekom hulle die een lyfroom noem en die ander handeroom, dis eenvoudig. Jy kon nog nooit die verskil agterkom nie, maar jy aanvaar dit so. (Ha! Dis net ’n slim truuk van die roomvervaardigers – nou moet sy…

Jy was al soveel keer Liewe Heksie, soos pas weer by die KKNK met die hip verwerking Liewe Heksie: Flower Power .* Klim sy nie soms in jou kop nie? Ek vertolk dié geliefde karaktertjie al sedert die vroeë negentigs, net nadat ek my studies aan die Universiteit Stellenbosch voltooi het. My kop skakel nooit af nie en ek loop in my slaap. Eenkeer was ek Levinia in so drie shows per dag. My man, Jurg [Human], skrik een nag wakker en ek staan by die kamermuur. Hy vra: “Wat maak jy?” En ek sê hard en duidelik in Levinia se stem: “Haai oe, kyk net al die blomme teen die mure.” Sou Verna Vels, Heksie se skepper, van jou vertolking gehou het?…

’nGeur maak jou verleideliker, aantrekliker – as jy dit dra, moet jou maat jou heeldag wil ruik, aan jou wil raak, en naby jou wil wees . . . Só het Loris Azzaro, die Frans-Italiaanse ontwerper en stigter van die modehuis Azzaro, geglo. Die nuwe vrouegeur uit dié handelsmerk se stal, Azzaro Pour Elle, bou voort op dié filosofie. Dis vir die vrou vol waagmoed wat weet wat sy wil hê. Note van blomme, hout en amber sorg vir ’n kombinasie van elegansie en onweerstaanbare sensualiteit. Nadat die modehuis se eerste parfuum, Azzaro, ’n verrassende chypre-geur vir vroue, in 1975 die lig gesien het, is dit in 1978 opgevolg deur Azzaro Pour Homme. Dié mansgeur het sedertdien ikoniese status verwerf met sy kenmerkende neus van varing en hout. Vandag is…

As boeke jou opgewonde maak, sal ons nuwe boekklub jou tone laat omkrul van plesier. Veral omdat dit aanlyn is, so jy hoef nie ’n voet uit die huis te versit om ingelig te bly oor al die nuutste boeke, opwindende kompetisies en fantastiese gebeure waar jy skrywers kan ontmoet nie. En het ons genoem dat dit gratis is? Ons skop dit af met mening – een gelukkige leser kan ’n boek geskenkpak ter waarde van R5000 wen! Registreer aanlyn voor 30 Junie 2015 om ’n kans te staan om te wen en om boonop deel te word van hierdie eksklusiewe groep. Besoek penguinbookclub.co.za en maak jouself reg om jou volgende gunsteling boek te ontmoet... Bepalings & voorwaardes geld Waarna jy alles kan uitsien… ’n Nuwe roman deur Harper Lee,…

VIR DIE KANTOOR  Speel met patrone om aan ’n eenvoudige snit impak te gee ETE SAAM MET VRIENDE  Die sigaret-styl broek van die 60’s is net so gepas vir die kantoor soos vir ’n aand uit EDGARS BIED JOU ’N GROOT VERSKEIDENHEID TRUIE Vir meer inligting, skakel 0860 692 274 of besoek www.edgars.co.za…

DEUR AMARIA CARSTENS & CHARIS VAN DEN HEEVER “Ek kies gewoonlik aardse kleure vir my oë saam met ’n helder lipstiffie, maar ek eksperimenteer nou met pers oogskadu -skakerings. Dis die perfekte kleur vir my bruin oë.” – Stephanie Bouic, publisiteitskoördineerder van African Sales Company “Natuurlik is die kleur van die jaar, Marsala, op my lys. Dié donker wynrooi skakering met sy sterk bruin ondertoon dra ek reeds op my naels en lippe.” – Charis van den Heever, SARIE se skoonheidsredakteur “Die trench-styl jas is ’n staatmaker en altyd my belangrikste beleggingskopie. Dié ligte kameelkleurige jas met sy effe oorgroot en manlike vorm pas goed in by my versameling klerekas-items wat ek heeljaar kan dra. Sjiek met ’n belt, of los oor die skouers, dit maak nie saak nie –…

DEUR MONICA PIENAAR @monxsterr op Twitter VIR JOU HARE Gebruik ’n haarolie nadat jy jou hare gewas het om dit te voed en te bevog indien jy voel jou kroon het ekstra sorg nodig. Probeer dit ook só 1. Masseer soms olie in jou hare voordat jy gaan slaap en los dit oornag aan vir ’n intense bevogtigende behandeling. 2. As jou hare geneig is om in die winter baie droog te wees, gooi ’n paar druppels olie by jou opknapper vir ekstra vog. 3. Smeer sowat drie spuitjies olie aan jou haarpunte voordat jy dit met ’n haardroër of -yster stileer. Dit seël die kutikels (die buitenste deel van jou hare) en voorkom só dat jou hare vog verloor en bros raak. 4. Gebruik ’n droë olie (’n olie…

Mielie-sop genoeg vir 6 Die spek gee lekker smaak. 40 g (45 ml) botter 45 ml olyfolie 1 ui, fyngekap 2 knoffelhuisies, fyngekap 1 x 250 g-pak spek, grofgesny 1 x 500 g-sak bevrore mieliepitte 500 ml hoenderaftreksel sout en varsgemaalde swartpeper 250 ml room 1 rooi brandrissie, fyngekap Verhit botter en olie tot warm in middelslag-pot. Voeg ui en knoffel by en roerbraai 3 – 5 minute of tot ui begin verbruin. Voeg spek by en braai nog 5 – 8 minute of tot bros. Voeg mielies by en braai nog 5 – 8 minute. Gooi aftreksel by en bring tot kookpunt. Geur goed met sout en peper. Laat kook 5 – 8 minute of tot mielies sag en gaar is. Gooi room by en kook nog 5 minute.…

ek was kleintyd gelukkig genoeg om twee oumas te ken. My pa se ma was spierwitgrys met ’n sagte ronde maag en ’n hekelpen in die hand. Ek het nou die dag met ’n skok besef dat sy nog nie eens vyftig was nie toe sy al so spierwitgrys was. En so aanmekaar gehekel het. Maar dis hoe oumas in daardie dae was. Hulle het nie beroepe gehad of motors bestuur of rondgereis nie. Hulle was oumas en klaar. My ma se ma het nooit grys geword nie. Maar moenie dink haar swart haarkleur het uit ’n botteltjie gekom nie! Om haar hare te kleur sou vir hierdie ouma so ondenkbaar gewees het soos om ’n langbroek te dra. En selfs met haar swart hare was sy onmiskenbaar, wel, ouma-agtig,…

Ek het opgehou werk toe ons kinders gebore is. Noudat my kinders speelskooltjie en grootskool toe gaan (hulle is 4 en 7), doen ek soms vryskutvertaalwerk, maar my dae is oorvol met die kinders se aktiwiteite. Die kleintjie is al weer twaalfuur tuis, en ek moet ook die huis netjies hou, kosmaak en rekeninge betaal. Ek is bly ek is daar vir my kinders, maar dit maak my ongelukkig as my man saans op die bank neerval en verwag dat ek alles moet doen. Hy werk baie hard en ek verstaan hy is moeg, maar ek het geen tyd vir myself nie. Naweke doen ons wat hy wil. Hy reken ek kan nie kla nie omdat ek heeldag “vry” is. Ek is lus en gaan werk voltyds, want dan kan…

HOE ROOIER ... ROOI smokkel met jou kop en emosies, want jou liggaam reageer wanneer jy dit sien. Jou adrenalienvlakke, bloedsirkulasie en liggaamstemperatuur styg, jou hartklop versnel en jy haal vinniger asem. Dis dié fisieke respons wat die kleur so aggressief, energiek, passievol en prikkelend maak en jou aandag boei. SIMBOLIEK VAN KLEUR Donker = professioneel, betroubaar, deeglik (vlootblou, swart) Helder = energiek, jeugdig (geel, rooi) Lig = delikaat, rustig (ligpienk) Gedemp = gesofistikeerd, kalmerend (grys, hemelsblou) PILLE SOOS SMARTIES Jy reageer die beste op ’n pil as die kleur ooreenstem met die bedoelde uitwerking daarvan. Soos blou (rustig) vir ’n goeie nagrus en rooi (energie) as jy vinnig beter wil voel. Die teenoorgestelde is ook waar: Helderrooi tablette is minder doeltreffend vir sooibrand. Ook lemmetjiegroen. Die meeste mense assosieer…

Francien Koen is die bestuurder van menslike hulpbronne in ’n vername maatskappy met groot glasvensters, donker leer, ou hout, hoë plafonne en breë gange met marmervloere. Sy sit haar pokergesig op en loer streng soos die aanbieder van ’n TV-vasvraprogram oor haar leesbril na die applikant aan die ander kant van die lessenaar. Haar moed sak in haar hofskoene. Die bloedjie is nog nat agter die ore en o, so hoopvol. “Wat laat jou dink jy is die regte persoon vir die pos?” wil sy koel weet. Een, twee, drie, vier, vyf tellings. Die applikant bloos, verander stadig in ’n pienk koi-vis, hap na lug, hakkel. Francien se vingers soek versigtig na ’n Rennie in haar laai. Sy weet waarvan sy praat. Sy ken hierdie maatskappy soos die kamers van…

Wen parfuum vir jou én vir hom (bl. 73) Intekenaanbod (bl. 167) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Clarins en CODP as ’n diens vir haar lesers aan. Clarins en CODP voorsien en is verantwoordelik vir die pryse. 5. Werknemers en hul gesinne van Media24 (SARIE se moedermaatskappy), Clarins, CODP en hul reklamemaatskappye mag nie aan die wedstryde deelneem nie. 6. Media24, Clarins en CODP word gevrywaar teen alle…

my vriend, kom ons noem hom Pieter, woon in ’n spogwoonbuurt. Dis die laat negentigs, en hy is jonk, maar reeds ’n suksesvolle eiendomsontwikkelaar. Om een of ander rede ry hy hierdie Vrydagoggend ’n roete na sy kantoor toe wat hy voorheen nog nie gery het nie. Dan sien hy dit, ’n huis wat selfs vir die duur woonbuurt waarin hy woon buitengewoon luuks en smaakvol is. En ’n tuin wat net as perfek beskryf kan word. Dis vroegoggend, maar in die tuin is ’n tuinwerker reeds besig. Hy wil eers verby ry. ’n Tuinwerker wat só ’n tuin kon skep, sal sekerlik nie ’n oop dag per week hê nie. Maar wie weet. Hy hou tog maar stil. Pieter praat beleefd met die swart werker. ’n Rassis is een…

BELOFTE AAN JOUSELF ’n Paar dae voor ek my Desember-bonus kry, maak ek ’n lysie hoe ek dit gaan gebruik: spaar ’n gedeelte, ’n Kersgeskenk vir my kleindogter (2), ’n elektriese klitser vir myself (alles kontant), betaal silwer kredietkaart en knip dit op, en ’n belofte aan myself: geen skuld! So staan ek in Januarie met my kruideniersmandjie in die ry. Toe dit by die betaalslag kom, haal ek my goue kredietkaart uit. Net voor ek dit aan die kassiere oorhandig, onthou ek my belofte om nie skuld te maak nie. Ek is so trots op myself toe ek kontant uit my beursie (nog van my bonus) haal en daarvoor betaal. Komaan mense, beloon julself met hierdie belofte. Dit maak ’n groot verskil. Beverley Gabrielsen, Windhoek Susan Muller van Mosselbaai…

Sondagmiddag.’n Karaktervolle ou peperboom op Philadelphia. Kort duskant Malmesbury van Kaapstad af kruip die klein oase in die laatsomer-songestroopte landskap weg. Anna Davel se “versteekte juweel”. Mense groet haar op die naam, want sy kom gereeld hier. Dis byna soos haar dorp. Wanneer sy in die Kaap is, maklik twee keer per maand, bly sy hier in vriende se tuinwoonstel. En voel net so tuis as by haar eie plek in Pretoria. Net haar kat, Gino (vernoem na die roomys Gino Ginelli), kort. “Hier is ek op my gelukkigste, net hier onder die peperboom met sy knolle en knoppe. ’n Oupa-boom. Ek het ook so ’n plekkie in Pretoria, ’n yslike wilgerboom by ’n gholfbaan, waar ek gaan sit en werk as die huis my begin druk.” Sy het ’n…

Hoe beland iemand wat self erken sy kon glad nie kosmaak nie, onder die laaste vier deelnemers in ’n TV-werklikheidsreeks waar jy moet . . . kook? Die omelet wat ek vir die oudisie moes maak, kan enige ma mos doen. Genade, ses weke voor ons begin skiet, hoor ek ek is ’n finalis. Toe is dit net kos ... kos ... kos, dag en nag. Ek was soos ’n spons. Ek wou nie ’n gek van myself maak nie, wou nie eerste huis toe gestuur word nie. Die vervaardigers het ons ook vir ’n vyf dae lange blitskursus gestuur sodat ons nie ons vingers afsny nie. Wanneer het jy besef jy gaan dalk nie so vinnig huis toe nie? Ons moes vir die vierde episode ’n pastei (ook die…

WOON JY OORSEE? ons Stuur e-pos na pgreen@media24.co.za of kontak haar op Twitter: @PhyllisGreen Waar woon julle en waarom daar? In Bussum in die Noord-Hollandprovinsie in Nederland. Ek en my man, Richard, is oorspronklik van Port Elizabeth. Ons was albei lede van die SAPD voordat hy by ’n sekerheidsfirma begin werk het. Hy het later vir Nike gaan werk en het aansoek gedoen om ’n pos in Nederland. Ons het op 31 Januarie 2009 hier aangekom en hy beklee nou die posisie direkteur: handelsmerkbeskerming in die Midde-Ooste en Afrika. Bussum is sentraal geleë vir Richard, wat op die buurdorp Hilversum (10 km) werk, en ons dogter, Meg, wat toe 16 was en elke dag 35 minute per trein na die Internasionale skool in Amsterdam-Suid moes reis. Wat het jou die…

PARFUUM!  Die amberkleurige Clinique Aromatics Elixir bekoor vroue al sedert die 70’s. ’n Nuwe weergawe, Clinique Aromatics in White (R1 135 vir 100 ml EDP), bevat viooltjie-blaar, roos, patsjoelie en muskus…

1 Die kórt bob Verlede jaar was dit die informele lang bob (lob) se jaar, maar in 2015 neem die kort bob sy plek in die kollig in. In dié styl word hare tot net onder jou kakebeen gesny. Omdat die hare meestal een lengte gesny is, is dit meer stylvol as die lob, sê Natalie van Heerden, bemarkingsbestuurder van Schwarzkopf. “Die snit lyk die beste by steil hare en werk fantasties vir iemand met fyn hare, want dit gee ekstra volume. En dis so maklik om te stileer. Jy kan net vinnig ’n haaryster deur jou hare trek of dit sommer met jou vingers droogblaas. Jy kan ook ’n paar golwe met jou haaryster skep. Maar vermy dié styl as jou hare baie dik en krullerig of grof is,…

’n Nuwe, ligter weergawe van die gewilde parfuum Sì is nou te kry. Dis gevul met verskeie vars vrugtenote soos swartbessie, peer, sitroen, nartjie en lemoenbloeisel-olie. Saam met roos en freesia is dit ’n geur vir elke dag. Verbloem donker vlekke en rooiheid met dié nuwe onderlaag. Al het die langdurende formule ’n mat-afwerking, straal jou vel steeds danksy bestanddele wat lig weerkaats. Dit seël ook vog in jou vel sodat dit soepel lyk. Donker vlekke (pigmentasie) is wêreldwyd een van vroue se grootste velbekommernisse. Dit word nou getakel met die nuwe Enlighten-produkte. Snags verminder die serum skade wat omgewingsfaktore soos UV-strale, besoedeling en vrye radikale deur die dag veroorsaak (wat lei tot donker vlekke), terwyl die room jou vel dag en nag bevog en kalmeer. Die ideale onderlaag vir…

Bring ’n ontwerpelement in jou huis met ’n veeldoelige bêresak van lap. ’n Plastiekvoering maak dit selfs geskik as potplanthouer (R500), aanlyn te koop by www.lovemilo.com…

Hoender-en-bone-sop Die kerrie in die tamaties maak die sop ekstra geurig. genoeg vir 4 – 6 Verhit olyfolie tot warm in middelslag-pot. Voeg ui en knoffel by en roerbraai tot begin verbruin. Voeg hoender by en braai nog 5 minute of tot bruin. Voeg tamatie en aftreksel by en geur goed met sout en peper. Roer deur en verlaag hitte. Laat stadig prut vir 20 minute of tot hoender sag en gaar is. Voeg bone en koljander by en meng deur. Sit warm voor. Lam-en-eiervrug-kebabs op bruinrys Jy kan die kebabs ook in die oond halfgaar maak en dan verder bruin braai oor warm kole. genoeg vir 4 – 6…

Dis in die middel van die nag en jy skrik wakker. Jy weet nou al: Jy kan maar net nie heelnag deurslaap nie. Genoeg slaap is een van ons mees basiese behoeftes. Kenners se voorskrif is 6 – 8 uur per nag, daarom wonder mense dikwels of hulle aan slaaploosheid, angs of ander gesondheidsprobleme ly as hulle nie so lank aaneen kan slaap nie. Dalk is jy verras om te hoor dié wakkerword-fase snags is baie natuurlik. Dit pas jou liggaam moontlik beter om in twee korter fases te slaap, eerder as lank aaneen. SÓ HET ONS EEUE GELEDE GESLAAP Deesdae is ’n gebrek aan slaap ’n algemene probleem. En slaapkenners wêreldwyd soek maniere om ons te help om ’n goeie nagrus te kry. In ’n poging om ’n oplossing…

GINKGO BILOBA verhoog die risiko van bloeding. Jy moet dit twee weke voor ’n operasie staak, selfs al is dit net ’n klein operasie. Dis veral gevaarlik vir mense wat aspirien, ibuprofeen of warfarien (’n bloedverdunner) gebruik. SINT JANSKRUID, wat vir matige depressie gebruik word, kan die Pil minder doeltreffend maak en boonop ongereelde bloeding veroorsaak. Dit verhoog ook die metabolisme (en verlaag só die konsentrasie daarvan in die liggaam) van sekere medikasie soos slaappille, bloedverdunners (waaronder warfarien) en voorgeskrewe middels vir maagsere, asma en hoë bloeddruk. “Sint Janskruid is die natuurlike produk met die grootste invloed op ander medikasie. Wees baie versigtig wanneer jy dié kruid gebruik,” waarsku dr. Wiese. GINSENG werk ook in op medikasie. Dit verminder die doeltreffendheid van waterpille, terwyl dit die konsentrasie van ander medisyne,…

5 gelukkige SARIE-lesers kan elk Ilse de Korte se boek Die jaar toe Emma begin kook het (Tafelberg, R185) wen. Sjef Emma probeer om haar vurige humeur te beteuel, maar ná die bruilof-fiasko met die hoenderpastei in die Upingtonse somerhitte verloor sy kop en gooi haar baas rakelings met ’n mes mis. Haar reputasie is aan skerwe. Gelukkig kry Emma die kans om oor te begin op Hermanus by die Chantilly-restaurant. Die personeel word haar nuwe familie, en sy raak betrokke by allerhande gekonkel op dié kusdorpie. Net toe dinge op dreef kom, keer Chantilly se eienaar na die restaurant terug. Greg van Heerden is dalk aantreklik en hy het ’n sensuele stem, maar sy beneuktheid laat Emma se bloed kook. Wat skuil agter die man…