Sommaire pour Aug 2025 de Tuis

Jare gelede is ek op reis in Griekeland en ontmoet ek ’n wonderlike Suid-Afrikaanse egpaar wat al jare lank in Australië woon. Ons raak aan die gesels by ’n etenstafel en kort voor lank blyk dit ons deel nie net ’n liefde vir Griekeland nie, maar ook vir Thailand. Hulle vertel geesdriftig dat hulle via Bangkok terugvlieg huis toe en ook bietjie in dié land gaan vertoef. ’n Paar weke later kry ek ’n boodskap op Facebook Messenger dat hulle die ontmoeting en aandete geniet het en dat die Thaise kos – soos ons die aand breedvoerig bespreek het – weer ’n hoogtepunt was. En toe, uit die bloute, die volgende sin: “En ons het die lekkerste seeks gehad!” Ek was, om die minste te sê, uit die veld geslaan…

Sirkels en boë Toe die keramiekkunstenaar Kate Malan die perfekte pienk skakering vir haar leefvertrek gekies het, is sy geïnspireer deur die fynbos om die Gqeberha-huis wat sy met haar man, Craig, en hul seuns, Ben en Gabriel, deel. “Ek wou ’n aardse, natuurlike pienk vir die mure hê en het besluit om ’n muurskildery as gesprekspunt by te voeg,” verduidelik Kate. “Die kleurryke keramiekbord (bo die deur links) met sy organiese vorms het as inspirasie gedien en ek het ’n soortgelyke swart-en-wit sirkelontwerp aanlyn gesien. Die konsep het hieruit gegroei.” Kate het ’n blou sirkel geverf met oorskiet van ’n vorige projek en ’n onderstebo boog in die aangrensende hoek. “Vir die boë het ek wit met die oorspronklike pienk gemeng totdat ek tevrede was met die skakering.” Ek…

WIE WOON HIER? Annie en Henry Howard, hulle kinders, Olivia (15), Toby (13) en Imogen (11), asook die miniatuurschnauzers Biggles, Jackson en PabloWAAR PlettenbergbaaiGROOTTE 1 000 m2 Dit was net te veel,” sê Annie oor die dag dat sy en haar man, Henry, die eerste keer na dié huis op Plettenbergbaai gaan kyk het. Hulle het in 2022 op dié dorp nesgeskop nadat hulle die Johannesburgse stadslewe gegroet het. “Die interieur was ’n doolhof van ongerieflike trappe en gange wat uit eienaardige hoeke na ’n magdom slaapkamers lei waar blommotiewe en geruite patrone mekaar iewers in die jare tagtig gevind het.” Die enorme opknapprojek wat dit sou verg om harmonie tussen die huis se drie vlakke te skep, om nie te praat van die outydse afwerking te vervang nie, het…

Wat jy nodig het INKOPIELYS • Mixx Bio Clean• Mixx Neutral Binder• Mixx Cement Powder (ons het die kleur White Linen uit die Designer Wallreeks gekies)• Mixx Supreme Seal• Mixx Silly Seal• Blondie-verfkwas (75 mm) GEREEDSKAP • emmers• skropborsel• ou tandeborsel• skraper• skuurpapier (100-, 120-en 200-grint)• skuurblokkie• pluisvrye lap• bokhaarroller en verfbak• troffel• maskeerband BEGIN DEUR DIE MUURTEËLS DEEGLIK SKOON TE MAAK 1 Meng die Mixx Bio Clean met water in ’n emmer (1 deel Bio Clean : 20 dele water); roer goed. Doop ’n skropborsel in die Bio Clean-mengsel en skrop die bestaande teëls om enige vuiligheid of seperige aanpaksels daarop te verwyder. Skrop ook die voegbrylyne deeglik skoon met ’n ou tandeborsel. Wenk Indien daar enige tekens van muf is, skrop dit skoon met die borsel en onverdunde…

Stuur tuininligting en -vrae na tuine@tuis.co.za. Augustus is dit tyd vir voorberei, beplan en plant. Met die lente net om die draai is dit nou tyd om ekstra aandag aan jou tuin te gee. Of jy nou saad saai, jou grasperk bietjie onder hande neem of bome met ’n sekere doel kies, hier is jou doenlys vir die besige dae wat wag. NEEM DEEL AAN BOOMPLANTWEEK Boomplantweek begin op 1 September, wat Augustus die ideale tyd maak om jou plantgate voor te berei en jou bome te kies. Inheemse bome is die beste keuse – hulle lok diere en insekte, gebruik minder water en is aangepas by ons klimaat. Hier is ons topkeuses: • Huilboerboon (Schotia brachypetala) ’n Skaduryke, spreidende boom wat sy blare afgooi net voor nektarryke blomme in…

Genoeg vir 12 porsiesBereiding: 15 minuteOondtemperatuur: 220 ºCBaktyd: sowat 40 minute 1 vanieljepeul of 5 ml vanieljegeursel 1 Voorverhit die oond. Voer ’n 20 cm-koekpan uit met twee lae bakpapier. Ek sit twee vierkante wat net groter as die pan is, oorkruis opmekaar sodat dit soos ’n ster lyk. (Spuit die papier met kleefwerende kossproei voor jy dit in die pan sit.) Dit moet effens bo die rand van die pan uitsteek aangesien die koek rys voor dit terugsak. 2 Maak seker die bestanddele is kamertemperatuur; jy wil nie klonte koue roomkaas in jou kaaskoekbeslag hê nie. As jy ’n vanieljepeul gebruik, sny die peul met die punt van ’n skerp messie in die lengte deur en skraap die fyn saadjies uit met die lem van die messie. 3 Klits…

My goeie hond was onlangs toe ons by die rivier agter die huis gaan stap, net-net te laat om ’n moord te keer. Sy’t ’n verdagte beweging deur die lang wintergras gewaar en dadelik daarop afgestorm. Maar, helaas, te laat. Die eekhoring wat daar op die sagte oewersand gelê het, was reeds dood. En die moordenaar, ’n reuse-huiskat, het in ’n boom daarnaas gesit. Die hond het teen die boom opgespring en gefrustreerd geblaf, maar die kat het ongestoord en kil-hovaardig sy pote sit en lek. Terug by die eekhoring het die hond vir oulaas ’n bietjie lewe uit die dooie diertjie probeer wek deur dit met die neus te woel – nié uit jammerte nie, hoor. In haar drome is sy Canis Artemis, hondegodin van die jag, verdelger van…

WENBRIEF Tuis onder ’n kameeldoring Ina Coetzee van Rooi-Els skryf Vir my verjaardag vra ek om onder ’n kameeldoringboom in die Kgalagadi te kan verjaar. Daardie oggend gee my man vir my ’n Tuis met ’n rooi lintjie om as geskenk. Hoe wonderlik om weer ’n papierweergawe tussen my vingers te voel na ’n lang tyd van dit op die internet lees! Ek ruik die papier en drukkersink, hoor hoe die bladsye liggies kraak as ek dit oopmaak en sien die pragtige foto’s helder en naby. By die watergat verlustig ek my in my Tuis en lees van links bo op die voorblad tot regs onder op die agterblad elke woord. Dankie, Tuis, vir al die wonderlike ure van genot. ’n Klein vabond-dief Janine Adams van Kaapstad skryf Ek het…

1 TYDLOOS KLASSIEK Daar’s darem net iets aan ’n wit badkamer… En nee, ’n wit badkamer hoef nie klinies en koud te wees nie. In Klara McClunan se badkamer in Nuweland, Kaapstad, is daar niks onpersoonliks nie, want tekstuurryke teëls, koperkrane en houtelemente skep ’n skoon, vars voorkoms. “Ons hou van die idee van ’n minimalistiese badkamer – ’n skoon skilderdoek,” sê Klara. “Die ruimte kry lewe met teksture en die koper bring iets ekstra in met ’n gevoel van sofistikasie.” 2 PLATFORMPLAN Die platform onder die losstaande bad is die oplossing vir onooglike pype (oorblyfsels van die stort wat tevore hier was). Dit inkorporeer ook ’n versteekte LED-strook in die skadulyn van die trappie wat saans ’n sagte gloed gee. Die subtiele kleurvariasies en tekstuur van die klein, wit…

E-pos jou vrae na kenners@tuis.co.za. Ontmoet die ontwerper Mooi materiaal As kind was Melissa Kerkhoff van Lula Fabrics al gefassineer deur materiaal en het sy as tiener haar eie klere begin maak van ou tafeldoeke, gordyne, vadoeke en selfs beddegoed. “Interessante en vrolike patrone was my gunsteling!” sê sy. Melissa het tekstielontwerp aan die Ruth Prowse Kunsskool in Kaapstad studeer waar sy geleer het om skermdrukwerk te doen, haar eie skerms te maak en kleure te meng. “Ek was mal oor die skeppende proses,” sê sy. “Ek is passievol daaroor om interieurstowwe te maak wat vreugde bring wanneer dit in ’n vertrek gesien word.” Melissa het vir verskeie materiaalhandelaars gewerk voordat sy uitgespring het om Lula Fabrics in 2007 te begin. “Die naam is geïnspireer deur my dogter, Erin, wat…

VERSKAFFERS Dans in die Reën dansindiereen.com Fire Empire fireempire.co.za India Ink indiaink.co.za Keter za.keter.com Mr Price Home mrphome.com Patio Warehouse patiowarehouse.co.za Poetry poetrystores.co.za Yuppiechef yuppiechef.com…

WIE WOON HIER? Hannes en Carol-Ann van JaarsveldWAAR Val de Vie Evergreen-aftreeoord, Val de Vie-Landgoed, PaarlGROOTTE VAN STEEG 48 m²GRONDTIPE Kleigrond, deels met goeie bogrond vervangLIGGING Oos met baie son, veral in die warm somermaande Die grondvoorbereiding, die bome en die paadjie vorm die ruggraat van die stegie. – Petro Die Van Jaarsvelds het in Junie 2024 van ’n groot eiendom met ’n pragtige tuin in Graaff-Reinet verhuis na die Evergreen-aftree-oord buite die Paarl. Hul behoefte was om die veel kleiner tuin te verfraai en elke hoek en draai daarvan so goed moontlik te benut. Petro Jacobs van Petro Landscaping het hulle hiermee gehelp. Die probleem Een van die uitdagings was die warm steeg aan die oostekant van die huis. Dit loop van die voorkant van die huis tot in…

Marmite-hoender Onder R130 • Genoeg vir 4 • Voorbereiding: 15 minute Gaarmaaktyd: 45 minute • Oondtemperatuur: 200 °C • 15 ml Marmite (of na smaak)• 30 ml sagte botter• 3 takkies tiemie, blaartjies gestroop en behou• 4 hoenderkwarte (boud-en-dystukke)• 1 groot ui, in skywe gesny• 500 g baba-aartappeltjies (kleiner is beter of halveer)• 15 ml meel 1 Voorverhit die oond. Meng die Marmite, botter en tiemie. Lig die vel van elke hoenderstuk versigtig en smeer ’n kwart van die bottermengsel onder die vel van elk. Maak seker jy druk van die geurige smeersel tot op die boudjie se vlees ook. 2 Rangskik die uie in ’n laag in ’n oondbak met ’n deksel. Sit die aartappels op die uie en strooi die meel oor. Sit die hoender bo-op, geur met…

Kies mooi krane Die nuwe Tivoli Amarareeks mengkrane vir badkamers spog met ergonomiese ontwerp, kontemporêre lyne, stylvolle afwerkings en waterwys tegnologie. Ons hou van die Tivoli Amara van vlekvrye staal (R2 299, italtile.co.za). STOOK DIE STOFIE Die nuwe Forge Fires-reeks deur Beauty Fires, wat in Kaapstad ontwerp en gemaak word, vul die gaping tussen peperduur Europese invoerprodukte en goedkoper alternatiewe. Dié reeks bied smeulstofies van topklas-staal wat uitblink wat werkverrigting, duursaamheid en ontwerp betref – teen mededingende pryse. Besoek beautyfires.com. Fyn teksture Die Britse handelsmerk ILIV se nuwe Verini-materiaalreeks word plaaslik eksklusief versprei deur St Leger & Viney. Verkyk jou aan ’n harmonieuse vermenging van delikate borduurwerk, fyn weefwerk en tekstuurryke patrone, net reg vir mense wat goeie vakmanskap en blywende styl waardeer. Besoek stleger.co.za. Block & Chisel se nuwe…

WIE WOON HIER? Jeandri en Hanré Streicher WAAR De Zalze-landgoed, Stellenbosch GROOTTE 600 m² Vyftien jaar en daarna nog 18 maande is hoe lank dit geneem het voor Jeandri die “effens lelike eendjie” wat sy al rondom 2007 vanweë sy andersheid raakgesien het, huis kon noem. “Die huis het my destyds opgeval omdat dit my aan ’n skuur herinner het en bietjie anders was as die ander huise op dié gholflandgoed,” vertel Jeandri, ons gereelde tuinfotograaf. “’n Vriend het gesê dis nie die soort huis wat vir ewig behoort te bly staan nie. Die interieur was ’n mengelmoes van style in al die kleure van die reënboog.” Toe die huis in 2022 die Streichers s’n word, sou dit 18 maande se omvattende opknapwerk verg voor ’n skoon skilderdoek hulle uiteindelik…

WIE WOON HIER? Lanie van Reenen WAAR Stanford, Overberg GROOTTE 350 m² E-pos jou opknap na kenners@tuis.co.za. STOEP Die ruim agterstoep is waar Lanie soggens Stanford se stilte oor ’n beker koffie inadem. Die geverfde sementvloer was tydens die vorige opknapprojek so ’n sukses dat sy dit weer met Duram Roofkote laat verf het. Ná al die draaie wat die lewe geloop het en jy gedink het jy gaan nooit weer jou eie huis kan hê nie, voel hierdie huis na ’n groter wonderwerk as ’n Franse château,” het Lanie vertel toe ek vir die Desember 2022 | Januarie 2023-uitgawe van Tuis met haar gesels het oor haar pas opgeknapte huis op Stanford. Vir my was dit een van die lekkerste goedvoelstories wat ek al geskryf het. Lanie, toe reeds…

WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science waar kundige winkel-assistente jou sal help om die regte keuse te maak. Bederf jou dieremaat met ’n happie uit die groot verskeidenheid versnaperinge wat by Petshop Science beskikbaar is. Ons lekkernye is vol geur en bevat noukeurig uitgesoekte bestanddele, wat dit perfek maak vir opleiding of lekkernye. Crunchy Kit Cat Cranberry Crisps (R19.99) met bosbessie-aftreksel help om die risiko van urinêre probleme te verminder, wat jou kat se algehele welstand ondersteun. Montego se Bags O’ Wags Chippies (R9.99) is ’n gesonde snoephappie en is ’n minsout-opsie wat geskik is vir alle honderasse. Heerlike Treats Pet Peanut Butter (R49.99) is ideaal…

Kits-karringmelkbrood Die gedroogde bosbessies se sweempie soetsuur is ’n heerlike verrassing as jy dit raakhap, maar jy kan ook eksperimenteer met gedroogde olywe vir ’n sout broodjie, of die ekstra byvoegings uitlaat. Genoeg vir 1 broodVoorbereiding: 15 minuteBaktyd: 40 minuteOondtemperatuur: 200 °C • 4 x 250 ml witbroodmeel• 10 ml sout• 15 ml suiker• 5 ml koeksoda• 125 ml gedroogde bosbessies• 1 ekstra groot eier• 400 ml karringmelk• 30 ml gesmelte botter 1 Voorverhit die oond. Meng die droë bestanddele saam in ’n groot mengbak. Maak ’n holte in die middel en voeg die eier, karringmelk en botter by. Roer tot die deeg bymekaarkom. Keer uit en knie liggies op ’n meelbestrooide oppervlak tot die deeg glad is. Gebruik ’n bietjie ekstra meel soos nodig as die deeg te klewerig…

20 jaar van smulkos Tashas is 20 jaar oud, en vier die winter met hul klassieke spyskaart, wat by al 15 Tashasrestaurante in Suid-Afrika beskikbaar is – soos altyd, pure gehalte en varsheid. Die B.L.T Sarmie, Spanakopita Scramble, Butternut Sage Pasta en Waldorf Salad is net ’n paar van die hoogtepunte. Kyk by tashasgroup.com waar jou naaste tak is. ’N WINTERWENNER The Good Stuff deur Karl Tessendorf (R420, Penguin Random House) vier die toorkuns van trooskos en bied 80 stewige resepte vir mense wat lief is vir eet, drink en vrolik wees. Die verskeidenheid liplekker pastas, soppe, vleisgeregte, pasteie en gebak sal jou lus maak om ’n feesmaal te berei vir jou familie en vriende. VAN VUUR TOT VURK Mill St Bistro in Stellenbosch, die nuut gekroonde Bistro van die…