Sommaire pour Nov 2025 de Tuis

Onlangs laat ek my huis verf, en dis ’n ontwrigting. My projekbestuurder is nie ’n man wat kortpaaie kies nie en toe ek op die dag wat hulle begin werk, uitglip vir ’n paar admin-draaie en laatmiddag tuiskom, is losgoed in bokse weggepak, al die kuns in borrelplastiek toegedraai en die kaste – ook my klerekaste – met dik swart plastiek toegeplak as voorsorgmaatreël teen stof. Want, sê Adriaan (sien sy selfdoenprojek op bl. 98), as mens verf, moet jy ook onderhoud doen – daarom word krake reggemaak en op die koop toe kry die sponserige houtvloer in die leefkamer ook aandag. Uiteindelik, na 12 jaar in my huis, staan die TV-kas nie meer skeef nie. Goeie goed gebeur mettertyd, reg? Na ’n week of drie lyk die huis sommer…

Stuur dekor- en leefstylnuus na johane.neilson@tuis.co.za. Kies klassiek Die tweede hoofstuk van Cole & Son se Classics Collection-plakpapier vir sy 150ste verjaardagviering fokus op die ontwerpfirma se erfenis van “lewende kuns en lewende geskiedenis”. Sewe ontwerpe uit die argief is nou beskikbaar in nuwe palette. Ons hou baie van Iris, wat hier gewys word in die Violet on Citrinekleurskema. Die reeks is beskikbaar by St Leger & Viney; gaan kyk by stleger.co.za. Goeie nuus! Cara Saven, wat bekend is vir haar mooi plakpapier, het nou ook ’n materiaalreeks. Dit bestaan uit meer as 3 000 ontwerpe en is beskikbaar as gordyn- en stoffeermateriaal – alles op die skaal en in die kleur van jou keuse. Ons hou baie van die Olivetta-muurbehangsel (links) en die kussings in Pink Plaid en Calidez…

WIE WOON HIER? Twee vriendinne, Dahla Hulme en Karin SchiesserWAAR StanfordGROOTTE 238 m² Dis nie aldag dat ’n mens ’n huis binnestap en omtrent niks aan die struktuur wil verander nie. Maar hier was dit die geval, want alles omtrent dié pragplek op Stanford in die Overstrand was in sy eenvoud eksieperfeksie vir Dahla Hulme en Karin Schiesser. Hoewel die huis eers in 2002 gebou is, skep die boustyl ’n fassinerende prentjie van ’n ouwêreldse tuiste, amper soos ’n tipiese huis doer op die Karoo-vlaktes. Trouens, Dahla wou die huis uit pure begeesterdheid sommer daar en dan met haar arms omvou en dit een reusedruk gee as sy kon. Begin dié Namibies gebore kunstenaar eers praat, laat loop sy oor haar hartstog vir ontwerp en dekor. ’n Huis waarop jy…

Moeg van jou afgeleefde kombuis, die gesukkel met ’n beknopte, onpraktiese badkamer, jaloers op jou buurman se stoep of net klaar met werk by die eetkamertafel? Ruk dit reg! Met flair – en Gelmar… Gelmar is een van Suid-Afrika se voorste huisverbeteringswinkels. Hulle bied ’n wye reeks topgehalte-produkte wat funksionaliteit en ontwerp kombineer om jou praktiese oplossings te gee vir jou huisopknap. Die beste van alles? Die afwerkings is indrukwekkend en die pryse bekostigbaar. Of jy ’n huiseienaar is wat ’n naweekprojek wil aanpak of ’n professionele kontrakteur wat groot restourasies doen, kies Gelmar. Met meer as 90 jaar ervaring, ’n toewyding aan gehalte en ’n passie om klante te help met hul huisverbeteringsdrome, is Gelmar meer as net ’n winkel – dis ’n vennoot op jou pad na transformasie.…

E-pos jou vrae na troeteldiere@tuis.co.za. Pootuit! Nala skep asem. – Lu-Mari van Schalkwyk, Riviersonderend Pasop vir jou Die katjie laat nie met haar mors nie! – Savannah Scheepers, Knysna Ondeund verby! Lienkie hou van speel. – Vida de Wit, Groot-Brakrivier Grrrr Moenie mors met Wallace se geliefde Springbokke nie. – Jess van Kerkhof, Johannesburg ‘Hensop’ Dora, die sonaanbidder. – Marise Boessenkool, Roodepoort Deur ’n mik geskrik Nie Gucci die koelkat nie. – Francois Hugo, Rawsonville WEN! Die eienaars van die diere op die foto’s wen elk ’n geskenkbewys van R500 van Petshop Science (petshopscience.co.za). Kry alles wat jou troeteldiere nodig het onder een dak in hulle winkels waar kundige assistente jou sal help om die regte produkte te kies. Speel is noodsaaklik vir jou harige maat se welstand, of dit…

Hoender-en-komkommer-pitas Onder R145 • Genoeg vir 4 • Voorbereiding: 20 minute Gaarmaaktyd: 10 minute halwe komkommer, ontpit en in blokkies gesny 400 g mini-hoenderfilette (of 2 hoenderborsfilette in repe gesny) 30 ml olyfolie 5 ml elk komyn, paprika en droë oreganum 1 blik (400 g) kekerertjies, gespoel 200 ml dubbelroomjogurt 45 ml romerige mayonnaise 125 ml sagte kruie (pietersielie, ment en dille), gekap 30 ml fyngekapte rooi ui 1 suurlemoen se sap en skil 4 pitabrode, gehalveer en gerooster 125 ml ontpitte swart olywe 150 g kersietamaties, gesny (opsioneel) 1 Geur die komkommer met sout en laat dreineer in ’n vergiettes. 2 Meng die hoender met die olyfolie en speserye. Panbraai tot mooi goudbruin en gaar. Onthou sout en peper na smaak. Meng vir die laaste 2 minute die kekerertjies…

WENBRIEF Tuis in my bed Linda Fourie van Hermanus skryf Op 42 breek ek nie net grense nie, ek skeur my kruisligamente én meniskus. Ek’s ’n ma van twee en nou sê die dokter streng: Kom van jou voete af, rus, operasie wag oor ’n week. My huis is deurmekaar, want Ma lê voete omhoog. Maar weet jy wat? Ek kies om by alles verby te kyk en my te berus in hierdie seisoen van gedwonge rus. Ek gryp toe sommer my gunsteling – Tuis, natuurlik – en skrop nes met warm sjokolade. Of kom ek sê, die bietjie wat nog in die koppie oor is na my 10-jarige seuntjie dit vir my gemaak het. Ek lees elke artikel van voor tot agter. Dis my klein stukkie vrede, inspirasie en…

WIE WOON HIER? Francois en Chantal Haasbroek en hul kinders, Emile (15) en Ado (14)WAAR GreytonGROOTTE 498 m² BUITEMURE Die Haasbroeks hou nie van pleister nie en het drie natuurliker muurafwerkings vir die huis ingespan. Buite is voegbry gemeng met bindmiddel gebruik en net een laag is met ’n spatkwas aangewend. “Ek hou daarvan as die reën dit so effens afwas sodat ’n mens meer van die stene kan sien,’’ sê Francois. Vir natuurmense soos die Haasbroeks was skilderagtige dorpies nog altyd net die regte doepa vir die hart en siel. Elf jaar gelede toe die stad se gewoel op die Hoëveld te veel word, het hulle afgesit na die Wes-Kaap, heeltemal verlei deur die bekoring van Greyton in die Overberg. Eers het hulle elders gehuur, maar drie jaar gelede…

#1 WIE Willeen le Roux en Craig FergusonWAAR Zwaanswyk, Kaapstad LÊ LANGBEEN Subtiele terracotta, pienk en groen is steeds groot nuus dié somer; hier skep dit ’n kontemporêre palet vir die swembadarea. Ligte staalmeubels (beskikbaar in ’n oorvloed kleure) bied ’n maklike manier om nuwerwetse kleure buite te gebruik. ’n Groot kaktus in ’n terracotta-pot skep ’n skulpturele fokuspunt teen die sagter plantegroei op die agtergrond. Staal-lêstoele van Hay LOCAL IS LEKKER Die huiseienaars is groot aanhangers van die ikoniese Suid-Afrikaanse ontwerpers Haldane Martin en James Mudge en het kontemporêre meubels in nuwerwetse kleure vir die buite-areas gebruik. “Dit is die kleure waarvan ons op die oomblik hou – ons wil soveel visuele trefkrag skep as moontlik.” Muurkuns geskep met bakstene Willeen le Roux en Craig Ferguson se huis, wat…

PROJEKNOTA Nie alle rou bakstene is geskik vir ’n saksmeerafwerking nie. Hoe gladder die baksteen se voorkant, hoe makliker is jou projek, en hoe beter gaan die eindresultaat wees. WAT JY NODIG HET INKOPIELYS bindvloeistof pleistersement bousand onderlaag verf in die kleur van jou keuse GEREEDSKAP maskeerband klouhamer spatkwas (of staalborsel) skerppunt- en pleistertroffel spons emmer bokhaarroller 50 mm-kwas SÓ MAAK JY: 1 Indien die rou muur direk langs ’n gepleisterde of geverfde oppervlak is, maskeer die area waar jy gaan werk om die omringende dele te beskerm. 2 Verwyder alle skroewe of spykers wat in die muur mag wees. 3 Vee alle stof of los sement af met ’n skoon, droë spatkwas of ’n staalborsel. Let wel: As jou mure bros is, werk ’n spatkwas beter. 4 Maak bindvloeistof…

Stuur tuininligting en -vrae na tuine@tuis.co.za. Blomme maak ’n wesenlike deel van ’n biodiverse eetbare tuin uit, en om blomme vir die vaas te pluk kan net so bevredigend wees as om kruie en groente vir die pot te oes. Kies blomme met baie stuifmeel of nektar, wat bestuiwers sowel as ander voordelige insekte na jou tuin sal lok. Kirchhoffs se nuwe saadreeks vir plukblomme sluit hersiene en verbeterde weergawes van erfenisplante soos Ammi visnaga, Moluccella laevis, Achillea millefolium, Gomphrena haageana en Craspedia globosa in. Die plante is maklik om te kweek en sal hoogte, tekstuur en kleur in jou blomtuin verskaf. Hul groottes wissel van hoog (1-1,2 m), medium tot hoog (60-90 cm) en kompak (45-50 cm). HOOG Dié plante is ideaal om agterlangs in ’n bedding te plant.…

Tamaties VOORGEREGTE Gazpacho-sopies Dié koue tamatiesop smaak na suiwer somer en kan voorgesit word as verwelkomingsdrankie (met of sonder ’n knertsie tequila)! Genoeg vir 1 literVoorbereiding: 20 minute plus marineertyd oornag 1 klein rooi ui, fyngekap 45 ml rooiwynasyn ’n bossie vars basilie of koljander, stingels en blare apart 6 groot pruimtamaties, in blokkies gesny 1 groot rooi soetrissie, in blokkies gesny 1 knoffeltoontjie, gekap (opsioneel) 1 klein komkommer, geskil, pitte uitgesny en in blokkies gesny 30 ml olyfolie, plus ekstra vir garnering 10 ml ligbruin suiker 1 Meng die gekapte ui met die asyn en laat staan vir ’n paar minute terwyl jy die res van die bestanddele bymekaarkry. Dit temper die rou smaak. 2 Kap die kruiestingels en meng saam met die tamatie, soetrissie, knoffel, komkommer en olyfolie…

GOOI BORRELS BY! Robertson Winery Mimosa Berry Infused Sparkling Spritzer gee die klassieke sitrusformule ’n lekker kinkel met bessies by, terwyl die Mimosa Non-Alcoholic Orange Flavoured Sparkling Spritzer sprankel sonder alkohol (R100 elk, robertsonwinery.co.za). DIE GOUE UUR Geniet die sonnige middae en soel aande by Ocaso, ’n nuwe Mexikaans geïnspireerde skemerkelkie-en eetplek in Oxford Parks, Johannesburg. As Corona se eerste vlagskip-venue in Suid-Afrika is dit ontwerp om te pas by die handelsmerk se liefde vir die goue uur wat gaste verlei om langer te bly. Bekyk die spyskaart en bespreek ’n tafel by ocaso.co.za Bobaas vir bakkers Die begeerlike Nordic Ware-koekpanne van gegote aluminium is nou by Woolworths beskikbaar – en jy sal almal wil hê! Ons hou van die Brilliance Bundt- en Classic Flutedpanne (R1 499 elk, woolworths.co.za). PIENK…

Dit was ’n gure wintersdag toe ek die laaste keer deur Calvinia is. Daar was so ’n bitsige skuinswind doenig, een wat die koue astrant onder jou jaskraag ingevryf het. Die mooi ou klipperige kamme van die Hantamberge was byna onsigbaar agter ’n staalgrys wolkkombers wat gramstorig laag oor die skrapse bossielandskap bly hang het. Ek was egter knus en snoes voor ’n houtstofie saam met ’n paar vriendinne in een van die mooi gerestoureerde dorpshuise van die Hantamhuis-kompleks, besig met lang bekers tee en plaasbeskuit. Netnoumaar, sê ons vir mekaar, as die wind sy lê kry en die son welwillend weer sy kop uitsteek, gaan ons stoep toe. Want dis waar die genade van ’n winterse Karoo-dag lê. Dié dorp roep sterk herinneringe van die gulheid sowel as die…

VUURFOKUS Sihan het van die kaggel in die eetkamer ’n fokuspunt gemaak met blou KitKat-teëls wat vertikaal van vloer tot plafon gelê is. Klompiestene by die basis vorm ’n trappie en beskerm die houtvloer. ’n Steeninsetsel gee definisie. IN HARMONIE ’n Gasstofie is ingebou in die niefunksionele kaggel in die leefvertrek. Dit is kunstig versier met geel KitKat-teëls op die muur bo en onder met kleurryke driehoekige teëls. “Die geweefde hangligte eggo die skakerings van die teëls en skep só ’n visuele skakel. Die deurdagte spel met kleur gee energie en persoonlikheid aan die vertrek en verseker ook dat die verskillende elemente – meubels, afwerkings en dekor – ’n mooi geheelbeeld skep,” verduidelik Sihan. BETER VLOEI Die sitkamer was aanvanklik by die voordeur wat ’n ongemaklike vloei veroorsaak het en…

Lig op sigself is ’n boumateriaal – iets wat gevorm, gefilter en gevier kan word. Met dié uitgangspunt het ’n interieurargitek en haar destydse argitekdosent saam-saam ’n 1960’s-huis in die Pretoria- regionalistiese styl met ’n modernistiese invloed tot sy voormalige glorie opgeknap en gemoderniseer. “Natuurlike lig was ’n kernbeginsel van ons visie vir die projek,” verduidelik Janien Kluge van Wonen+ Studio. “Die argitek Chris Wilkinson is ’n meester as dit by lig kom en sedert my studentejare is hy vir my ’n bron van kreatiewe energie. Hy skilder as’t ware met lig.” Hoewel Janien as argitek gekwalifiseer het, verkies sy om met interieurs te werk. “’n Argitek en ’n interieurargitek kyk na dieselfde ruimte, maar deur twee verskillende lense: Die een fokus op struktuur, vloei en proporsie, die ander op…

E-pos jou vrae na kenners@tuis.co.za. Ontmoet die ontwerper ’n Speelse perspektief Ons is verlief op die ongewone kleure en trendy produkte van Roxanne Ferreira en haar span by Arrange Studio. Die maatskappy, wat in 2016 gestig is, is bekend vir sy beeldskone Paradise-lamp – dis boaan die wenslys van baie dekorliefhebbers! Behalwe ontwerper-tafellampe en muurligte maak Roxanne ook ongewone banke en geronde matte in kleure van jou keuse – nog iets vir jou wenslys! V&A MET ROXANNE 1 Wat is dit wat kleure na ’n interieur bring? Dit gee diepte en rykheid waar ’n vertrek andersins as “plat” ervaar sou kon word. Ek praat nie net van helder kleure nie, maar ook van sagte en neutrale skakerings. Dis belangrik om die regte een vir die regte ruimte te kies: Dink…

Genoeg vir 4 • Voorbereiding: 40 minute, plus marineertyd • Gaarmaaktyd: 10 minute per sarsie Ons vlek die rou boudjies om te verseker dat die vleis oraloor gegeur is en dat dit tot op die been gaar word. Al wat jy nodig het vir dié kinkel is ’n skerp messie. 8-10 hoenderboudjies 300 ml karringmelk ’n ruim skeut brandrissiesous (opsioneel) 5 ml worcestersous 1 knoffeltoontjie, fyngerasper 5 ml braaisout (jou gunsteling-mengsel) ’n knippie paprika ’n paar takkies vars tiemie en roosmaryn (opsioneel) 250 ml bruismeel 60 ml mielieblom ’n knippie gerookte paprika 5 ml droë kruie canola-olie vir diepbraai 1 Maak ’n insnyding tot op die been van elke boudjie, verkieslik aan die onderkant. Skraap die vleis effens weg van die beentjie om sodoende die boudjie oop te vlek, maar…