SARIE的November 2016目录

Dis in ons gene! Daardie lus vir avontuur is net so deel van ons soos ons behoefte aan die bekende en alledaagse, sê studies. Die groot avonturiers weet ons van, want hulle is die nuusmakers. Kyk maar vir Riaan Manser wat sukkel om vir ’n avontuur nee dankie te sê, al beteken dit by tye moegheid, alleenheid, onsekerheid. Hy’s al op ’n fiets om Afrika, in ’n kano om Madagaskar en Ysland. En toe kies hy ’n vrou wat sy liefde vir avontuur deel. So pas het Riaan en sy Vasti wittebrood gehou deur in ’n boot van San Francisco tot by Hawaii te roei! Tog, wanneer ek maandeliks die stories vir SARIE deurlees en afteken voordat die tydskrif gedruk word, besef ek hoe avontuurlustig báie mense is. Hoe roetine…

JAMIE’S NOU IN JOBURG Jamie Oliver-aanhangers is in ekstase oor die eerste Jamie’s Italian wat vandeesmaand* in Melrose Arch, Johannesburg, open. Daar is reeds meer as 40 van dié gewilde restaurante wêreldwyd. Jamie beskryf dit as “’n groot eer om ’n eetplek in Johannesburg – ’n ongelooflike stad met ’n gevestigde kostoneel – te kan oopmaak”. Sjef Shane Smit, wat onder meer ’n jaar lank in Jamie’s Italian in Oxford, Engeland, gewerk en gekook het, is die man wat dié Britse kosfenomeen in sy Suid-Afrikaanse kombuis gaan verteenwoordig. *Presiese datum nog onbekend. ALS WAT GLINSTER Roosgoud bly gewild. Dis nie net ’n groot dekor-trend nie, maar word as detail op mode-items soos skoene en handsakke gebruik. En dis treffend in juweliersware met wit- of geelgoud gekombineer. Met die ekstra sprankel…

Twee keer of drie keer per jaar, wanneer ek terugkeer uit Frankryk, raak ek siek, bedlêend-ek-kan-nie-eet-nie-moenie-met-my-praatnie-my-lewe-is-verby-siek. En dis nie net omdat ek my familie mis of omdat dit asemrowend mooi is of omdat jy daar nooit na ’n winkelsentrum hoef te gaan of omdat almal verkeersreëls gehoorsaam of omdat ek nie daar die koerante verstaan of omdat hulle glutenvrye brood ongelooflik lekker is nie, daar moet nog ’n rede wees hoekom my terugkeer so traumaties en ondraaglik is. Ek het gaan sit en ’n lys gemaak van alles wat ek daar doen en nie hier nie. Ek eet gesonder daar, dis tien tree tot by die organiese winkel, ek kan al my gunsteling-restaurante te voet bereik, ek kan snags deur die stad loop, dis veilig, as ek iets kort, kan…

Jy’s eintlik meer laag as hoog in ’n atletiekloopbaan . . . Maar daar skop altyd iets in wat my motiveerSunette Met ’n allemintige 64,92 m het sy die spiesgooi-silwermedalje vir Suid-Afrika gewen by vanjaar se Olimpiese Spele, en die hele land het saamgejuig. Sunette Viljoen is al jare ’n ster op die atletiekbaan, maar sy het vanjaar ’n heldin geword. Oornag. Almal ken nou vir Sunette, en sy groet almal asof hulle jare lange vriende is. Sy beantwoord elke boodskap wat sy kry en bedank iedereen wat haar gelukwens met ’n groot glimlag. Soos sy deur die Johannesburgse landgoed stap waar sy en haar lewensmaat, die nuusleser LiMari Louw, woon, wil almal eers ’n geselsie aanknoop – van die opsigter tot die tuinier en haar “buurvroutjie”: “Geluk, Sunette!”, “Jissie,…

Hoekom sou iemand drama wou studeer? het ek myself as student gevra. Om raakgesien te word, om iemand te wees, was my eerlike antwoord. Hoekom? Is daar dalk ’n verband tussen traumatiese kinderjare en die hunkering na aandag en “liefde”, oftewel ’n gehoor wat hande klap, dalk selfs vir jou opstaan? In ons eerste jaar was daar aanvanklik 16 dramastudente. Dit het my opgeval dat net twee of drie nie tragiese kinderjare gehad het nie. ’n Hele paar se ouers is jonk geskei. Een student was ’n onbeplande baba, wat “veroorsaak het” dat haar ouers “moes” trou. My oorlede pa was ’n alkoholis (later gerehabiliteer), ’n ander dramastudent se pa het haar aangerand en twee se ouers het hulle verwerp omdat hulle gay is. As kind wat op die een…

Waar woon jy en waarom? Ek is sedert 2013 in Moskou om ruimtevaart-ingenieurswese aan die Moskou-lugvaartinstituut te studeer. Voor dit het ek twee en ’n half jaar meganiese ingenieurswese by Tukkies studeer. Maar om my droom te verwesenlik om ’n ruimtevaarder te word moes ek my studies voortsit in ’n land wat dié kursus aanbied. Ek wil in die toekoms op die Internasionale Ruimtestasie werk. Was dit moeilik om aan die weer gewoond te raak? Baie moeilik! Ek het vinnig verstaan hoekom die Russe so vinnig loop . . . Om uit die koue te kom! Die eerste winter was ek gedurig siek, maar jy leer vinnig hoe om na jouself om te sien. Die beste raad het ek van my Russiese vriende gekry, want hulle word van kleins af…

DIEP V-NEK UITSNY-DITAIL SONDER BANDJIES STREPE HOË NEKLYN VALLE SANDALE Die perfekte pasmaat vir langs die strand of die swembad Wenk Koop liewer ’n styl wat jou goed pas en vlei as een wat in die mode is…

Spogkroon Dis somer en uitnodigings na sosiale geleenthede neem toe. Vir hare wat net so keurig en stylvol soos jou uitrusting is, deel Stoffel van Wyk, skeppende direkteur en eienaar van die Foil Styling-haarsalon in Johannesburg, sy wenke vir somergereed hare van binne én buite. Van binne Proteïenryke kos. Jou hare bestaan hoofsaaklik uit keratien, ’n soort proteïen. Voorkom bros en yl hare deur proteïenryke kos soos eiers, lensies, Griekse jogurt en peulgroente by jou dieet in te sluit. Spinasie. Dié blare is propvol antioksidante soos vitamien A, B, C en E, asook minerale soos kalsium, yster en kalium. Dit beskerm onder meer jou hare teen buitefaktore. Sade. Vlas- en chiasade bevat essensiële vetsure soos omega 3. Buiten dat dié olies jou hare bevog, stimuleer dit ook die bloedsirkulasie na…

NUUT! Roos, vanielje en swartbessie is die kroonbestanddele van die oorspronklike Sìparfuum van Giorgio Armani. Die nuutste weergawe, Giorgio Armani Sì Le Parfum (R1 905 vir 40 ml parfuum), is swaarder en ryker danksy die toevoeging van amber. Aktrise Cate Blanchett is ook weer die toonbeeld van elegansie en sensualiteit in die advertensieveldtog vir dié luukse geur (sien ook bl. 69). Beskikbaar vanaf 17 Oktober. Vir aanhangers van die Franse mode- en skoonheidshuis Yves Saint Laurent is daar goeie nuus: Hul grimering is nou by die eksklusiewe YSL Beauté Boutique in Sandton City in Johannesburg beskikbaar. Kies uit produkte soos hul ikoniese Touche Éclat (R600), ’n verbloemer en verligter in een, of iets nuuts soos Babydoll Kiss & Blush (R590, foto), ’n produk wat kleur aan jou lippe én wange…

Teen vyfuur in die middag soek almal nog ’n plek wat ontbyt voorsit, want dié ete is ’n teken dat die dag pas begin het en dat goeie dinge nog kan gebeur. Middagete is soos handdoek ingooi . . .Jonathan Goldstein, Kanadees-Amerikaanse skrywer SJOKOLADEKAASKOEK MET MUESLI-KORS My inspirasie vir die resep kom van die Australiese sjef Bill Granger. Ek gee dit ’n ontbytgeur met muesli in die kors. genoeg vir 8 STAP VIR STAP STAP 1 Meng koekies, muesli en botter tot klam mengsel. Voer 25 cm-losboompan uit met die koekiemengsel – dit hoef nie perfek te wees nie. Plaas kors in yskas. STAP 2 Bring suiker en water tot kookpunt oor hoë hitte. Laat…

MUSSIE VIR EIERS Maak jou ontbyttafel ekstra mooi met hierdie maklike eiermussies. Jy benodig: penne van 3,75 mm en dubbelbreidraad. Brei só: Heg aan 28 steke en brei 4 rye dubbelrif (= 2 regs, 2 aweregs). Brei reguit vir 14 rye in koussteek. Brei dan in die volgende rye die steke twee-twee saam totdat daar slegs een steek oor is. Maak vir elke mussie ’n klein pompon en werk dit bo-aan vas. Werk synate toe. SÓ KOOK JY EIERS Plaas eiers in ’n kastrol en bedek met koue water. Moenie ’n deksel opsit nie. Sit die kastrol op ’n stoofplaat wat op matige hitte gestel is en bring tot kookpunt. Die kooktyd sal afhang van hoe hard die eiers moet wees (sien onder). Hou tyd van die oomblik dat die…

Vir eers is dit nou die sagte ontbondeling van ’n lewe saam wat moet plaasvind “Niks berei jou voor vir die oomblik dat jou ouers besluit hul huwelik is verby nie. Veral nie as jy ’n volwassene is nie. Maar na dese glo ek daar bestaan iets soos ’n volwasse kind. Want die een plek waar jy nog ’n kind was, was jou ouerhuis. En nou is daardie beeld, daardie idee van ’n huis, nie meer heel nie. Ek glo verbete in albei my ouers se goedheid. Ek weet hulle was lief vir mekaar. Ek weet hulle was goed vir my en my suster. Ek weet niks gee hulle meer vreugde as hul kleinkinders nie. Vir skool en kerk en vriende en familie was hul harte en hande oop. Êrens…

Die sogenaamde Sirt-kosse is boonop supergesondMariza van Zyl Adele, die Grammywenner en Britse sangsensasie, was nog altyd pragtig met haar gloeiende vel en gesonde rondings. Toe sy vroeër vanjaar by die Billboard-musiektoekennings in Las Vegas stof in teenstanders se oë skop (sy het in vyf afdelings geseëvier), was kritici met kwets-aanmerkings oor haar gewig ook sommer stil. Sy het duidelik baie gewig afgeskud. Hoewel sy steeds op die regte plekke kurwes het, het sy sigbaar minder vatplek en haar gesig is byna gebeiteld. Hallo, het die internet gegons, wat het sy gedóén? Haar maer “gene” ontdek, het die Britse Daily Mail verkondig. Stapel sogenaamde Sirtkosse op jou bord en jy kan tot 3 kg (7 pond) binne ’n week verloor. Dís die gemiddelde gewigsverlies in ’n voorlopige Britse studie met…

5 gelukkige SARIElesers kan elk die boek Een nag en ’n bietjie deur Hester Kruger (Human & Rousseau, R200) wen. Daar was die dag voor die gebeure, en die dag daarná. En dan was daar die nag tydens. Nooit weer sal Margaretha se lewe dieselfde wees nie. Een gewone weeksaand is sy en haar man in hul plaaswoning tussen Middelburg en Groblersdal aangeval en beroof. En wonder bo wonder het hulle albei die nag oorleef. Een nag en ’n bietjie herinner die leser hoe dit is om mens te wees in hierdie land. Dit is ’n hartverskeurende boek, en aangrypend. En bowenal leesstof wat jou laat jubel jy woon hier, in hierdie verraderlike, verrassende en onvoorspelbare land. Nog 5 gelukkige SARIElesers kan elk Melk…

Intekenaanbod (bl. 137) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens L’Oreal Luxe SA as ’n diens vir haar lesers aan. L’Oreal Luxe SA voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy) en L’Oreal Luxe SA en hul reklamemaatskappye mag nie aan die…

Alleen. Net ek en twee klein bondeltjies wat my soos skaduwees volg. Ek kan sien Pablo en Picasso, ons Yorkies, weet nie wat aan die gang is nie. Hoe kon sy hulle sommer net hier los, en dit vir vier volle dae? Hulle staar verlangend oor die balkon na die oprit, sy is sekerlik op pad. Maar vir dae is dit net ek en hulle twee, CNN, BBC en elke ander nuuskanaal waaroor ek so dikwels verwyt word. Sy is in die Kaap by ons seun en dogter en die kuier is duidelik baie spesiaal. Kalkbaai toe met die trein. Antiekwinkels. Klim Leeukop uit. Sy laat haarself die luukse toe van ’n paar ure onder die hande van ’n bekwame haarstilis. Trouens, die rekening oortuig my dat dit sekerlik ’n…

Die jaar staan einde se kant toe en die vakansieseisoen kom nader. Die langer somerdae bring nuwe energie waarmee ons alles kan afhandel wat nog dié jaar moet gebeur. Ons sê dinge verloop #klopdisselboom. Dit beteken alles gaan baie goed. Dié woord kom uit die tyd van ’n kar en perde, volgens dr. W.F. Botha van die WAT. As die perde op ’n stywe, egalige draf die kar trek, mooi in gelid, dan klop die disselboom ritmies teen die draaghout. Nog Afrikaanse woorde in dié uitgawe waarvan ons hou, is avontuurlustig, laslappieskombers, hortjiesvensters, piepklein, baljaar, hupstoot en pasmaat. Ons hoop die res van jou jaar verloop ook #klopdisselboom. #nartjie is die woord van die maand in die nuwe SARIE KOS. Wees op die uitkyk vir die Okt/Nov-uitgawe wat nou op…

As lappieskomberse kon praat! My vriendinne is vir my soos ’n laslappieskombers. Elkeen is ’n lappie wat met sorg uitgesoek is. Die een vriendin is die helderrooi lappie wat uitstaan. Selfversekerd en in beheer. Die sagpienk lappie is my vroulike vriendin – minsaam en beskeie. Sy staan haar plek vol in my kombers. Nog een is die bontblommetjie-lappie. Altyd vrolik en borrelend. My ander vriendin, die gestreepte lappie in bruin en room, is altyd korrek. Sy hou van herfskleure en wil nie graag in die kollig wees nie. Die heldergroen lappie weerspieël my vriendin wat altyd kalm en rustig voorkom, met baie geduld. Die rooi-en-wit kolletjieslap is my vriendin wat altyd sprankel, maar tog so onvoorspelbaar is. My bloublommetjielapvriendin is die een wat altyd raad gee sonder om oorheersend te…

Nie een van ons kan glo kykers wil na die twee bles ooms kyk nieErik D it sal in die Nantesannale aangeteken word as die Inval van die Kaalkoppe. Driestuks. As hulle straat afstap, los winkeleienaars alles, hortjiesvensters swaai oop en kantgordyne roer. Nie die mafia nie. In plaas van gewere dra hulle Dolce & Gabbana-sonbrille en Lanvin-skoene. Kinders besaai die straat met blomme. Want die manne kan kóóp en blomme veral is mos vir hulle belangrik. Op die agtergrond is ’n orreluitvoering van Marcel Dupré. (Goed, vergeet die orrel en kinders met blomme. As jy met Nataniël te doen het, hol jou verbeelding soms ’n bietjie weg.) Nataniël en Kie. Sy broer, Erik le Roux. Oftewel Erik van Nantes. En Nicolaas Swart, Nataniël se bestuurder. Die enigste mense in…

Sy loop deur die huis op soek na . . . wasgoed. “Het jy nog enige wasgoed?” Hoe sal jy nou enige wasgoed hê? Jy weet mos teen hierdie tyd die wasgoed kom in die wasgoedmandjie in die waskamer. Nie op die vloer in die badkamer of enige ander vloer nie. Dis een van die heel eerste goed wat jy in jou hele volwasse lewe geleer het. Die les was eenvoudig: “En wie dink jy miskien gaan daardie klere van die vloer af optel?” Nou’t sy klaar die wasgoedmandjie in die waskamer geplunder, maar dis nie genoeg nie. “Daai T-hemp,” wys sy na die T-hemp wat jy aanhet. “Moet hy nie gewas word nie?” “Ek het hom vanoggend skoon aangetrek.” Sy bespeur ’n stofkolletjie op daardie T-hemp se skouer en…

Oscar Pistorius (die Paralimpiese atleet wat skuldig bevind is aan die moord op sy meisie, Reeva Steenkamp) is ’n “boelie” en “ ’n self-obsessiewe narsis wat net belanggestel het in Oscar”, het Gerrie Nel, die aanklaer, gesê. Dit het ons laat vra: Ís Oscar Pistorius ’n narsis? In EK! EK! EK! haal Riette Rust aan uit die boek Van sprokie tot tragedie (Penguin Books, 2014) waarin die skrywer Ilse Salzwedel die mening ingewin het van kliniese sielkundige Nellie Prinsloo, wat as deskundige getuie in hofsake ingespan word. Hoewel sy gesê het dat sy versigtig is om ’n persoonlikheidsteuring van enige aard by iemand te diagnoseer sonder om hom persoonlik te evalueer, het sy tog Pistorius se eienskappe aan die hand van narsisme bekyk. Haar bevindinge kom daarop neer dat daar…

As dit by toekennings en eerbewyse kom, kan min akteurs kers vashou by Cate Blanchett. Noem dit op, sy het dit gewen: Golden Globe-, Screen Actors Guild-, British Academy-toekennings, en vele meer. Boonop is sy die enigste Australiese aktrise tot dusver met twee Oscar-beeldjies op haar rak. Op 47 is Cate ’n ikoon wat harte steel voor die kamera én op die verhoog. Oor haar rol in 2009 as Blanche DuBois in die verhoogstuk A Streetcar Named Desire , het die bekroonde aktrise Meryl Streep gesê: “Ek het gedink ek ken die dialoog van die verhoogstuk omdat ek dit al so baie gesien het, maar ek het dit eers waarlik gesien toe ek haar [Cate se] toneelspel beleef het.” Sterk, maar ook weerloos, diepdenkend, kompleks, natuurlik, elegant…

Gesonde vel Van buite ’n Gesonde vel begin by goeie reiniging. “Was jou gesig soggens en saans vir minstens twee minute om dit goed skoon te maak. Jy kan ook ’n gesigborsel gebruik. Dit ‘lig’ oortollige olie en vuilheid uit die vel,” sê Sonette Donker, velsorgkenner van die velsorgkliniek Skin ID in Johannesburg. ’n Vogroom met antioksidante werk vry radikale teen en beskerm jou vel teen die aanslae van die omgewing. As jy ouer is, gebruik ’n serum vir jou spesifieke velsorgkwessie soos droogheid, donker vlekke of fyn lyntjies. Met ons sonnige weer is dit belangrik om daagliks ’n sonskerm te gebruik om jou vel teen sonskade te beskerm. Kies een wat nie jou porieë verstop nie (non-comedogenic), is Colleen Serebro, velsorgkenner en eienaar van die skoonheidsalon Beauty Professionals in…

Al hoe meer naellakreekse bied nou formules wat die langdurige kleur en glans van ’n jelmanikuur beloof, sonder dat ’n draai by die skoonheidsalon nodig is. Dié reeks van Essie spog met 21 pragskakerings en ’n jel-bolaag wat sorg vir splintervrye kleur met meer glans. ’n Unieke spiraalvormige aanwendingsborsel help boonop dat die formule meer egalig by die borsel afloop sodat dit makliker is om die kleur eweredig en netjies aan te wend. ’n Nuwe reeks lyfsorgprodukte van die velsorghuis Johnson’s bevat lyfwasse, lyfsepe en ligte lyfrome in verleidelike geure, wat elk met ’n vrugte- of blombestanddeel verryk is. Kies tussen druiwepitolie, rooswater, papaja-, framboos- en granaatblom-ekstrak. Danksy galambotter in die lyfroom voel jou vel heeldag sag en bevog. As jy soms lui is om jou gesig te was, gebruik…

Sampioen-ontbytburger genoeg vir 6 SOUS • 4 vars DENNY®- bruin sampioene, fyngekap • 250 ml room • 35 ml korrelmosterd • sout en varsgemaalde swartpeper BURGERS • olie vir vlakbraai • 1 x 320 g-boksie DENNY®-sampioenburgers in krummels • 60 ml wit asyn • 6 eiers • 6 broodjies, gehalveer • 125 ml mayonnaise • 3 tamaties, ringe gesny • 1 hand vol koljander • 6 skywe mozzarella-kaas Sous Plaas sampioene, room en mosterd in middelslag-pot en bring tot kookpunt. Kook vir 5 – 8 minute of tot romerige sous vorm. Geur goed met sout en swartpeper. Hou eenkant. Burgers Verhit olie in pan vir vlakbraai tot matig warm – sowat 1 cm olie. Vlakbraai patties vir sowat 3 – 5 minute per kant of tot goudbruin en bros. Dreineer op kombuispapier. Bring pot met water tot kookpunt en voeg asyn by. Breek…

Dis ’n storie oor ware liefde dié. Die soort wat (amper) alles verdra en vergewe. Want jy moet rêrig lief wees vir jou man as hy jou kan oorreed om saam met die hele gesin te gaan kampeer, terwyl jy eintlik nie van kampeer hou nie. Maar jy weet ook julle kan eintlik nie ’n ander soort vakansie bekostig nie. En jy moet éérs lief wees vir hom as julle ná ’n lang dag se ry in ’n bedompige kar vol klaende kinders oplaas by die kampeerplek opdaag, en jy ontdek dat hy die boks met al die kooktoerusting by die huis vergeet het, en jy kry dit reg om hom nie met ’n tentpen teen die kop te gooi nie. Want soos die meeste mans dring hy daarop aan…

Ek moes baklei daarteen om nie verpletter te voel nie “My storie is nie ’n nuwe een nie, maar soms voel dit asof dít waardeur ek moet worstel een of ander kosmiese grap is. Dis onwerklik. As gekwalifiseerde maatskaplike werker is ek in 1998 opgelei in Imago-verhoudingsterapie, ’n spesialiteitsveld van verhoudings. Ek het vir die grootste gedeelte van my professionele loopbaan ’n vervullende deeltydse praktyk van die huis af bedryf. Maar ma-wees was my hoogste roeping, en vir baie jare was dit eintlik my enigste identiteit. Iewers het my identiteit as ma met dié van menswees verstrengel geraak. Met die gevolg, toe ek myself in ’n ‘leë nes’ bevind, het ek ’n diep emosionele krisis beleef. As jou kinders die huis verlaat, is dit nie jou kinders op sigself wat…

Die wêreld is vol onsekerhede. Maar op een ding kon jy nog altyd staatmaak: Vlos en jou tande sal geseën wees! Dis immers ’n universele gesondheidsaanbeveling. En daar staan swart op wit op die Suid-Afrikaanse Tandheelkundige Vereniging se webblad (www.sada.co.za): Daaglikse mondhigiëne moet borsel en vlos insluit om tandprobleme te voorkom. En later: Vlos minstens een keer per dag. Toe dít: Daar is bitter min wetenskaplike bewyse dat dit belangrik is om plaak te verminder! As jy jou tandarts se aanbeveling getrou gevolg het, het jy verlede jaar sowat 730 minute – of meer as ’n halwe dag – daaraan bestee om ’n wastoutjie tussen jou tande rond te beweeg, volgens die nuustydskrif Time se webtuiste (time.com). Als ’n mors van tyd? Die aanbeveling om te vlos was lank vervat…

A @home livingspace 0860 576 576 www.home.co.za Accessorize 021 447 7718 www.accessorize.co.za Aldo 011 884 4141, 021 421 5674 www.aldoshoes.com/za B Billabong 011 656 5105 www.billabong.com/za C Cartier 011 666 2800 www.cartier.com D Dulux 0860 330 111 www.dulux.co.za Dune 021 529 1970, 011 685 7055, 011 214 7782 F Foschini 021 938 1911 www.foschini.co.za Forever 21 021 555 3324 G Green Cross 0860 009 855 www.green-cross.co.za H H&M 0860 690 707 www.hm.com/za Havaianas 021 511 1182 www.havaianas.com Hertex Fabrics 0860 437 839 www.hertex.co.za I Indigi Designs 021 447 0165 www.indigidesigns.co.za J Jets 021 442 8900 www.showcasegroup.co.za M Maison Mara 021 418 1600 www.maisonmara.co.za Mango 011 783 7907, 021 418 0916 www.shop.mango.com/za Miladys 0800 310 290, 031 313 5500 www.miladys.co.za Mimco 0860 022 002 www.woolworths.co.za Mr Price 0800 212 535 www.mrp.com…

Die manier waarop jy jou geld bestuur gaan voortaan verander. nav» van FNB is ’n nuttige nuwe hulpmiddel wat ontwerp is om jou in die regte rigting te lei as dit kom by besluite wat jou geld raak. Dis soos ’n finansiële GPS wat die weg aandui waar jy dit die meeste nodig het. Om ’n nuwe huis te koop kan ’n ingewikkelde reis wees, maar met nav» Home kan jy die pad vinniger en makliker navigeer. Laai net die FNB toep af, maak nav» Home oop en kry dadelik toegang tot ’n omvattende reeks funksies en oplossings, enige plek, enige tyd. Het jy byvoorbeeld enige idee wat jou huis werd is? ’n Gratis waardeskatting van jou eiendom is baie bruikbaar aan die begin van jou huiskooprit. Jy kan dit…

     Om die dinamika tussen die aktrise Nadia Beukes en die sakeman David de Villiers dop te hou, is verbysterend. As hulle sê hulle moet om 10:40 loop, spring hulle op die kop om 10:40 op en begin woeker. “Ek moet iets eet voor my vergadering, maar ek moet ook daai papiere inhandig,” sê David gejaagd. “Doen jy dit, ek kry vir ons kos by Woolies. ’n Hoendertoebroodjie?” staan Nadia dadelik reg. “Ja, sien jou by die kar.” Dis soos ’n sakespan wat al jare saam ’n besigheid bedryf, ’n goed geoliede masjien. Maar tot 10:39 het hulle vir mekaar sit en ogies maak op ’n rusbank in die voorportaal van die Atterbury-teater in Pretoria, waar ons ’n paar dae voor hul troue – op Wakkerstroom in Mpumalanga – ontmoet.…

Om te blog klink na die ideale manier om ’n bestaan te maak, veral as jy vaardig is met woorde. Skryf net oor jou passie en die res sal volg . . . Maar die werklikheid is: min mense staan een oggend op, besluit om ’n blog te skryf en maak summier ’n sukses daarvan. Suksesvolle bloggers doen tot ’n jaar lank navorsing voor hulle begin. Volgens die Suid-Afrikaans gebore Australiër Jessica Sepel, een van die wêreld se suksesvolste gesondheidsbloggers en skrywer van The Healthy Life (Pan MacMillan, 2016), ’n boek na aanleiding van haar blogs, sê dis belangrik dat jou blog uitstaan bo die res. Jy moet ’n kragtige boodskap oordra en seker wees hoekom jy dit wil doen. “My doel was om vroue te leer hoe om ’n…

Maak jou vriendelikheid goedkoop en hou jou vriendskap duurC.J. Langenhoven Sacred Nature JONATHAN & ANGELA SCOTT (HPH PUBLISHING, R980) Vir mense wat omgee vir die wonderwêreld van die natuur, is dié boek soos balsem vir die siel. Die twee fotograwe woon in Kenia en bring die meeste van hul tyd in die wildernisgebied van die Mara-Serengeti deur. Daar neem hulle pragfoto’s van olifante, kameelperde, leeus, luiperds, krokodille en al die inwoners van die gebied. Hulle is bekommerd oor die impak wat bevolkingsgroei op die aarde se ongerepte natuur het en met dié boek wil hulle mense inspireer om weer die heiligheid (sacredness) van die natuur te ontdek. Die foto’s word gekombineer met filosofiese uitdrukkings en gedigte, en die teks verskaf ook waardevolle inligting oor die diere en gebied self.…

WIGHAKK Iets aan hakskoene laat ’n vrou net goed voel. Is dit die ekstra lengte, of dalk die houding wat haar liggaam inneem? ’n Hak wat jou dié somer vlerke gaan gee, is die espadrille-wighak. GROOTTES Eenstuk: 6 – 18 Romp: XS – XL SONBRIL MET DONKER LENSE Selfs al skyn die son nie, is dit die één item waarsonder jy nie die huis kan verlaat nie. Dit beskerm jou oë én is jou masker as jy een soek. Kyk uit vir ’n groot bril met swart lense. GROOTTES Bloes: XS – XL MAKSIROK Die sensualiteit van ’n rok gee jou ’n hupstoot wanneer jy een nodig het. Lang rokke is weer mode, met ’n keuse wat wissel van noupassende snitte tot ’n boheemse gevoel. GROOTTES Rok: 32 EKSOTIESE HANDSAK…

1. Bros naels met gesplete punte. As jy skielik met gesplete naelpunte sukkel, kan dit weens ’n dieetverandering of nuwe medikasie wees. Soos ons ouer word, vervaardig ons lyf minder olie, wat ook tot bros naels kan lei. 2. Groefies op jou naels. As jy skielik growwe horisontale groefies op die meeste van jou naels sien, maak ’n afspraak by ’n dokter. Dit is dalk ’n teken van ’n vitamientekort of ’n gesondheidsprobleem. As jy groefies op net een of twee van jou naels sien, soos jou groottone, kan dit wees dat skoene wat te hard op jou naels druk dit beseer het. 3. Wit vlekkies op jou naels. Dit word hoofsaaklik veroorsaak wanneer jou naelwortel beseer word as jy byvoorbeeld jou nael stamp. Die naelwortel kan ook beseer word…

WORD ’N SKOONHEIDSTERAPEUT! Vir skoonheidsliefhebbers wat nie die tyd en/of geld het om ’n jaar of twee aan ’n heeltydse skoonheidskursus af te staan nie, bied die Imbalie Training Academy nou verskeie kortkursusse. Buiten die teorie wat jy aanlyn doen, kry jy ook praktiese ondervinding en help hulle jou om jou werksoekvaardighede te verbeter. Die kursusse sluit in permanente grimering, masserings, gesigbehandelings, wenkbroue, vals wimpers en meer. Besoek www. imbalietrainingacademy.co.za Kultusproduk NOU IN PIENK-EN-ROOI In 1930 het die Kanadees Elizabeth Arden ’n room ontwikkel wat vandag in menige skoonheidsredakteur en grimeerkunstenaar se handsak is. Dié veelsydige produk het glo sy naam gekry toe ’n vriendin van Elizabeth Arden die room op haar seun se stukkende knie gesmeer het en dit binne agt uur beter was. Vanaf…

Rys-frittata met kruie en aspersies genoeg vir 6 Verhit oond tot 180 °C. Verhit olyfolie en botter tot warm in groot oondvaste pan. Voeg uie en spek by en roerbraai vir 5 – 8 minute of tot spek geurig en bros is. Voeg rys by en roerbraai nog 2 minute. Voeg aspersies by en roerbraai 1 minuut. Geur goed met sout en peper. Maak rysmengsel gelyk in pan met agterkant van lepel. Gooi eier oor en plaas pan in oond. Bak vir 10 – 12 minute of tot eier gestol en gaar is. Keer uit op opdienbord en krummel feta oor. Sit voor. Om te weet Maak seker jy kyk Inspirasiekos met SARIE op Via (kanaal 147)…