Tuis的May 2025目录

Hygend hert. Toe ek in 2023 planne indien vir parkering op my werf, sou ek in my wildste drome nie kon dink dat ek, soos ek hier sit en tik in die jaar 2025, steeds onder die stof sou wees nie. Maar ek is, en hoewel ’n bouery my gewoonlik groot vreugde gee, was ek net ’n week gelede besonder iesegrimmig. Want ’n huis uit 1908 het altyd ’n paar verrassings, dit weet ek nou al … Gelukkig het ek ’n baie goeie bouer. Adriaan ken van kommunikeer en sy hande staan vir niks verkeerd nie. Boonop is sy span werkers stiptelik, vriendelik en bedagsaam, en saans word selfs die kruiwaens gewas! Om hulle op die perseel te hê is werklik ’n plesier. Hier staan wel ’n JoJo-tenk in my…

Stoepstories Die bloemis Emma Hudson en haar man, Simon, het ’n stoep reg rondom hul huis in Constantia, Kaapstad, laat bou. Emma het gevra die bouer moet ’n blok teëls in die wit sementvloer lê om die visuele gewig van die tafel “uit te balanseer” in dié lang ruimte. “Ek wou die idee van ’n mat by die voordeur skep. Die diamantvormige uitleg eggo die patroon op die teëls,” sê Emma. “Ek het die teëls onlangs oorgeverf met ’n klein kwassie en ’n blikkie groen oorskietverf van die ysterwarewinkel. Nadat ons die Franse deure laat insit het, is die suidekant van die huis baie aantrekliker. Die tafel is ideaal vir vergaderings, blomme rangskik en teedrink.” Binnenshuise raktuin Die stilis Luanne Toms het dié rakeenheid gekoop om haar gunsteling-dekoritems en groeiende…

WIE WOON HIER? Carli en Hendrik Pfaff, hulle kinders, Gregor (27), Miné (26) en Calina (21), asook Oakley die retriever WAAR? Mostertsdrift, StellenboschGROOTTE sowat 700 m2 Die huis lyk so half skugter, asof hy wegkruip agter die welige Boston-klimop wat die ganse fasade in groen tooi. Binne wag daar net so ’n verrassende vars palet waar vrolike appelgroen en sagte stofpienk teen kalmerende blou en donkergrys afgespeel word. Dis ’n regte, egte gesinshuis waar die Pfaffs in 2006 kom nesskop het nadat hulle uit Londen teruggekeer het. En as mens Carli oor die interessante en stylvolle kombinasie van ou en nuwer meubels en dekor uitvra, is dit net om te hoor dit kom al ’n dekade of twee saam met die gesin. “Ek hou van tydlose styl waar ek nie…

AFGEROND MET TEËLS Patroonteëls bly gewild – en nou is hulle ook groot nuus in slaapkamers! In dié rustige ruimte illustreer ’n kombinasie van verskillende teëls in ’n pastel palet hoe hulle met merkwaardige sukses gebruik kan word in ’n area waar matte of hout gewoonlik gebruik word. ’n Tartan-ontwerp verskaf detail terwyl sagte pienk en blou die geheelprentjie gedemp laat lyk en voel. ’n Klassieke ingeboude platformbed met ’n kopstuk spog met ’n teël met ’n geometriese ontwerp in ’n helderder skakering en skep só ’n fokuspunt wanneer jy by die slaapkamer instap. 2 MUURPAPIER-"SKILDERY" Die maklikste manier om ’n aandagtrekker te skep? Muurpapier! Die ontwerpe en kleure is eindeloos. Met ongelooflike uitsigte op Tafelberg as inspirasie het Mikaela Bairamis en Nicholas Blatch van Co-Curate die slaapkamer in dié…

E-pos jou vrae na kenners@tuis.co.za. Stilis se wenke Só maak jy met bruin Van karamel en klei tot donker koffie, met skakerings van roes en terracotta tussenin het bruin weer subtiel begin verskyn in ons interieurs – en nou is dit met mening terug! Nie verniet is Mocha Mousse Pantone se Kleur van die Jaar nie. Ons kreatiewe redakteur, Marian van Wyk, deel haar wenke hoe jy met dié palet wondere kan verrig . (As jy in die 70’s grootgeword het, gee Marian jou toestemming om weg te kyk!) Watter vertrekke? As ’n warm, aardse kleur, is bruin die nuwe keuse as jy die intieme kokongevoel wil skep wat mens veral soek in jou slaapkamers en leefvertrek. Balans en kontras Bruin is ’n “swaar” kleur, dus moet jy ligter elemente…

WIE WOON HIER? Lourens en Anneliza DiedericksWAAR George GROOTTE VAN STEEG 13 x 3,1 mGRONDTIPE Kleigrond DIE PROBLEEM ’n Lang, smal steeg in Lourens en Anneliza Diedericks se tuin in ’n sekuriteitskompleks in George het hulle laat kopkrap. Anneliza hou van ’n tuin met ’n Franse voorkoms en wou graag ’n sitarea hier hê. Tuis het vir Kobie en Braam Jacobs van The Cutting Edge Landscaping gevra om hulle met ’n ontwerp vir die onbenutte steeg te help. DIE OPLOSSING “So ’n steeg tussen hoë mure kan donker en klam wees, wat dit moeilik maak om in ’n bruikbare tuinkamer te omskep,” vertel Kobie. “Gelukkig is dié steeg aan die noordwestekant van hul huis. In die somer kry dit sowat sewe uur en in die wintermaande vier uur son per…

WIE WOON HIER? Wilf en Sharon Walker, en hul kat, NoddyWAAR Spitskop, BloemfonteinGROOTTE VAN EIENDOM 2,1 ha (tuin: 2 000 m²)OUDERDOM VAN TUIN 25 jaarGRONDTIPE Rooi sandgrond "My tuin het nog altyd my siel gevoed en my laat glimlag, ongeag watter vorm dit die afgelope 25 jaar aangeneem het,” vertel die landskapontwerper Sharon Walker. En voorwaar, die Walkers se tuin het oor die jare al verskeie veranderings ondergaan. Toe hulle hier op die kleinhoewe ingetrek het, was dit geensins die apploustrekker wat dit vandag is nie. “Die tuin het destyds grootliks bestaan uit ’n kikoejoegrasperk, verskillende vrugtebome hier en daar en enkele gevestigde bome, meestal witstinkhout,” onthou Sharon. “En dit was omtrent al.” Een geluk was dat die tuin taamlik gelyk was, maar die grootste bates op die eiendom in…

Reënboog-rysslaai Onder R90 • Genoeg vir 4 as ligte eteVoorbereiding: 30 minute • Gaarmaaktyd: 20 minute • 2 soetpatats, geskrop en in 1 cm-vingers gesny• 15 ml olyfolie• 2 ml elk fyn komyn, koljander en paprika• 500 ml gaar rys• 150 ml romerige mayonnaise (jou gunsteling)• 30 ml gekapte koljander• 3 ryp tamaties, dun gesny• 2 hande vol babaspinasie• 100 g olywe, ontpit• 2 ryp avokado’s, in skyfies gesny en met suurlemoensap besprinkel• 200 g fetakaas• 125 ml geroosterde pampoenpitte 1 Meng die patatvingers met die olyfolie en geur goed met die speserye, sout en peper. Lugbraai teen 180 °C vir 20 minute of tot goudbruin en gaar. Roer halfpad deur die gaarmaaktyd. 2 Meng die rys met die mayonnaise en koljander. 3 Rangskik die rys, tamatie, spinasie, olywe en…

Dit was in die chaotiese doolhowe van ’n duisendjaar-oue basaar in Marrakesj dat ek onlangs weer teruggedink het aan die dag dat ek ’n brommer heel ingesluk het. Dit was nie soseer die roesemoes van die ou mark – met sy frenetiese mensemenigtes en amperse geweld van geur en kleur en klank en stank – wat my daaraan herinner het nie. Dit was die gemeenskaplike uitdrukking van ingehoue irritasie op die gesigte van my flink medereisigers. Veral as hulle na my gekyk het. Ek was naamlik die stadigste lid van ’n piepklein groepie amateurfotograwe op ’n slypskool vir straat- en landskapfotografie in dié antieke land van sand en spys en galmende minarette. Ons “meneer” is ’n wêreldklas-fotograaf met ’n borrelende gees en bitter lang bene. En wat sy storie ken…

WENBRIEF ’n Man met ’n plan Marnus Hattingh van Pringlebaai skryf Ek het ’n vreemde hoek in my kombuis waar die kaste eindig – dit het ’n stomp, wit kol in die vertrek gelaat. Hieraan moes ek iets doen! Ek het begin deur die wit kas met ’n onderlaag te verf, en toe ’n donkerblou bo-oor. Hierna het ek vyf rakkies met ’n amperse driehoek-ontwerp uit oorskiet-melamienblaaie gesaag, die afgesaagde rande met stopverf gladgesmeer, en toe liggrys geverf as aksentkleur. Ek het rakstutte gekoop, swart geverf en teen die melamienkas vasgeskroef. Toe volg ’n bietjie wiskunde om die rakkies reg te spasieer! Alles was die moeite werd, want die hele dooie kol is nou opgekikker met mooi rakke en aksentkleure. ’n Kwilt vir my yskas Anna Dicks van Graskop skryf…

E-pos jou projek na kenners@tuis.co.za. Dié Johannesburgse egpaar dink soos baie professionele mense al aan hul aftreeplanne sedert hulle 30 jaar gelede hul eiendom van 1 807 m² gekoop het. “Ons het altyd gedroom van nog ’n blyplek in die tuin wat ’n ekstra inkomste kan inbring wanneer ons die dag ophou werk,” vertel hulle. Hulle het oor die jare rondgespeel met allerhande planne, maar nooit sover gekom om te begin bou nie. Die projek het eers momentum gekry toe hulle hoor hul dogter, wat in Kaapstad studeer het, kom werk in Johannesburg. “Ons het besef sy’s net die mens om die kothuis vir ons uit te toets, dus het ons aan die werk gespring.” ’n Lang, smal deel van die erf is opsygesit vir die voorgenome bouprojek en was…

E-pos jou vrae na troeteldiere@tuis.co.za. Ou slaapkous Teddy is nog nie reg vir opstaan nie.– Gia Costella, Johannesburg Trap die petrol! As die wiele draai, is Bella en Billy daar.– Tracy Francis, Kaapstad Kompos-kietie Frodo hou van vroetel in die tuin.– Candice Dock, Kaapstad Joga 101 Oliver strek soos net ’n kat kan.– Luco Crispin, Bloemfontein Pasop vir jou! Vlooi laat haar nie verjaag van haar plek op die patiotafel nie.– Yolande Roslee, Wonderboom Deur die blare Chewie-Bacca pas by die seisoen.– Claudine Jordaan, Potchefstroom WEN! Die eienaars van die diere op die foto’s wen elk ’n R500-koopbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science, waar kundige winkelassistente jou sal help om die regte keuse te maak. Laat jou huis…

WIE WOON HIER? Wicus PretoriusWAAR Tamboerskloof, KaapstadGROOTTE 50 m²GRONDTIPE Arm sandgrond DIE PROBLEEM Die voortuin van Wicus se huis het ingrypende werk nodig gehad. Die huis is in 1908 gebou. Vorige eienaars het aan die straatkant ’n betonblad gelê sonder behoorlike kompaktering, wat daartoe gelei het dat die blad gekraak en die stoep begin insak het. Wicus, wat nog altyd gedroom het van parkeerplek uit die straat, het die geleentheid aangegryp om bouplanne in te dien wat voorsiening maak vir ’n parkeerplek saam met die herstelwerk wat nodig was. Ná 14 maande was Stad Kaapstad tevrede, maar uitgrawings was nodig om genoeg diepte te skep dat sy motor se neus onder die stoep kan inpas. DIE OPLOSSING Omdat die huis erfenisstatus het, moes Erfenis Wes-Kaap toestemming gee vir die veranderings…

Geurige gestoomde vis Dié stoomtegniek is verspot maklik – jy kan enige diep skottel of wok gebruik, solank dit ’n deksel het. Die lemmetjie-en-knoffelsous is my matige weergawe van die Thai-Australiese sjef Marion Grasby se Thaise wenner met minder brandrissie en vissous. As die vurige geure nie na jou smaak is nie, kan jy die brandrissie nog meer verminder of uitlos. Genoeg vir 4 • Voorbereiding: 20 minute • Gaarmaaktyd: 10 minute • 4 x 200 g ferm witvis-filette (koningklip is uitstekend)• gestoomde jasmynrys vir opdiening• 45 ml geroosterde sout grondboontjies, gekap LEMMETJIE-EN-KNOFFELSOUS 5 ml ligbruin suiker 1 Los die suiker in die hoenderaftreksel op. Verhit indien nodig. Meng die res van die sousbestanddele by en hou eenkant. 2 Geur die vis oraloor met sout en sit in ’n vlak…

LYK NET SOOS HOUT Die indrukwekkende presisiegesnyde teëls in Italtile se Yorkwood-reeks lyk kompleet soos eikehout. Dis te danke aan Sant’Agostino se merkwaardige gebruik van Carve3D. Met dié proses word glasure aangewend wat lyk asof dit in groewe wegsink om die “beweging” en 3D-tekstuur van regte hout na te boots. Ons hou baie van Yorkwood Classic 02 wat ’n sagte, neutrale houtkleur met travertyn kombineer. Besoek ’n Italtiletoonlokaal of gaan kyk by italtile.co.za. Colourway, ’n roterende uitstalling van skilderye deur Lauren Shantall in samewerking met Sarah Ord, is te sien by St. Leger & Viney in Wynberg, Kaapstad. Die kunswerke is geïnspireer deur die deurdrenkte skakerings van nuwe materiale in die Modern Velvet- en Vintage Linenreekse en die eeue-oue tradisie van stillewes. Vir die skildery hierbo is Lauren geïnspireer deur…

VERSKAFFERS Block & Chisel blockandchisel.co.za Calico Ceramics calicoceramics.com Douglas & Douglas douglasanddouglas.co.za Incanda incanda.co.za K.Light klight.co.za Mr Price Home mrphome.com Rialheim rialheim.co.za Volpes volpes.co.za Woolworths woolworths.co.za Yuppiechef yuppiechef.com…

VERSKAFFERS @home bash.com Be Stiil bestiil.co.za Block & Chisel blockandchisel.co.za Dokter and Misses dokterandmisses.com Douglas & Douglas douglasanddouglas.co.za Eurolux eurolux.co.za Italtile italtile.co.za Patio Warehouse patiowarehouse.co.za Skinny laMinx skinnylaminx.com…

Wat jy nodig het INKOPIELYS • hardebord as basis, groot genoeg vir jou spatpaneel• krytverf in die kleur van jou keuse• Mod Podge• tydskrifprente en/of versierde papierservette van jou keuse GEREEDSKAP • 2 x 25 mmverfkwaste• maatband• potlood• skêr• stewige karton PROJEKNOTAS • Alani het die hele muur agter haar stoof met hardebord bedek, dit geverf en net die spatgedeelte met découpage bedek. ’n Basisplank is egter nie altyd nodig nie – jy kan die projek op teëls of direk op die muur doen. • Die verseëlde oppervlak is ten volle wasbaar. • Mod Podge, wat as kleefmiddel en verseëlaar gebruik word, word baie vinnig droog. Moet dus nie die hele agtergrond daarmee bedek voor jy begin plak nie. Só maak jy: 1 Sorg dat die basis vir jou découpage…

Stuur tuininligting en -vrae na tuine@tuis.co.za. Dis heerlike herfs! Die herfs word dalk nie met soveel fanfare aangekondig as die lente nie, maar dié seisoen is propvol wonderlike doendinge vir tuiniers. Die planttoestande is ideaal met sy warm grond en matige temperatuur. Die seisoen se sterre Bolle en saailinge As jy nou bolle soos affodille, ranonkels en anemone plant, is jy verseker van ’n kleurespel in die winter en lente. Spasieer die bolle naby mekaar vir ’n treffende skouspel en plant dit in komposryke grond. Saai of plant nou eenjariges soos gesiggies, petunias en Namakwalandse madeliefies op ’n sonnige plek of plant ’n massa feetjieprimulas en Cinerarias op skaduryke plekke. Bome en struike Die herfs se warm grond bevorder wortelgroei. Kies klein, veelsydige bome soos suurlemoene en olywe, of treffende…

Genoeg vir sowat 400 ml • Voorbereiding: 30 minute • Gaarmaaktyd: 5 minute • 30 g (sowat 1 koppie) droë brandrissies (groter is beter)• 5 ml Sichuan-peperkorrels, grofgestamp (opsioneel)• 3 heel stukke steranys• 4 groen kardemompeule, gekneus• 15 ml gerasperde vars gemmer• 10 ml bruinsuiker• 5 ml seesoutvlokkies• 1 hoenderaftrekselblokkie, gekrummel• 50 ml bros uievlokkies (gekoopte “crispy onion sprinkles”)• 60 ml geroosterde sout grondboontjies, grofgekap• 15 ml sesamsaadjies• 300 ml canola- of grondboontjieolie• 3 knoffelhuisies, dungesny 1 Sny die rissies oop en skud die meeste van die saadjies en are uit. Ek vind dit is die beste manier om te keer dat die rissiesprinkel (in Engels bekend as “chilli crisp”) te veel brand. Kap die res fyn met ’n skerp mes of gebruik ’n voedselverwerker. 2 Meng die fyngekapte rissievlees…

KOS IS PLESIERIG! Daar’s een ding wat die Durban-gebore sjef Oliver Swart nie maklik doen nie en dis om reëls te gehoorsaam. Ollie, soos mense hom graag noem, kook intuïtief; hy hou daarvan om die konvensionele te bevraagteken en om nuwe dinge te probeer. Ervaar sy lewenslus en kookkuns in Freestyle Cooking with Chef Ollie (R450, Penguin Random House). Die resepte wissel van Proper Durban Lamb Curry tot soetgoed soos Rooibos Honey Basque Cheesecake – en hy gee ook allerhande inspirasie vir lekker skemerdrankies. Speel jou gunsteling-musiek, skink ’n drankie en geniet ’n proe-avontuur. PERFEK VIR BINNE OF BUITE Die Alva Piccolo-minibutaanstofie (R1 199, capeunionmart.co.za) is kompak en draagbaar – en beskikbaar in funky oranje of pers! Padkos gepak Die nuwe On The Go-reeks van Le Creuset is funksioneel en…