Weg!的Weg! Botswana 2025目录

’N BOL VUUR Ons het ure lank oor die gelyktes rondgery in die hoop om ’n bultjie te kry waar ’n blouwildebees dalk ’n silhoeët teen die son sou vorm. Kort voordat die son sou sak, het ek hierdie foto geneem. Die reuk van die gras en die geluid van dawerende hoewe en voëlsang het ’n Afrika-oomblik perfek saamgesnoer. Hierna het ons in die skemerte verder gery met ’n tweede wens: Om ’n erdvark en ’n bruinhiëna te sien. TOERUSTING Sony a7R Mk. III; Sony 100-400 mm-lens (teen 260 mm) VERSTELLINGS Sluiterspoed 1/1 250ste van ’n sekonde; lensopening f5.6; ISO 400 KOP OMLAAG Indien dit die somer goed gereën het, sak flaminke toe op die Makgadikgadi se vlak waters in hulle soeke na varswatergarnale en ander skaaldiere. In hierdie laatmiddaglig…

GHANZI & TSHOOTSHA Ghanzi in die weste van Sentraal-Botswana is die middelpunt van ’n groot boerderygemeenskap – die gawe gasteplase gaan jou gou oortuig om langer te kuier. Dit bied unieke Kalaharilandskappe en ervarings wat jy nie elders in Botswana kry nie. Tshootsha, voorheen Kalkfontein, is ’n klein dorpie langs die A2-pad in die Ghanzi-distrik. Jy sal dalk hier rond moet oorslaap indien jy van Botswana na Namibië wil ry (of andersom). Kalahari Arms Hotel Dié hotel is in Ghanzi en het ’n restaurant en swembad. Hier is dubbelkamers en chalets met slaapplek vir 2 volwassenes en 2 kinders. Kontak die hotel vir die nuutste tariewe. ✆ 00 267 659 6298🖰 reservations@kalahariarms.co.bw🖰 kalahariarms.co.bw Sympõnia Guest House & Camping Hierdie netjiese plek is 7 km noord van Ghanzi langs die A3.…

Dit begin reeds vroegaand reën; deurdringende reën, soos hulle op die weervoorspelling sou sê. Ek en my vriend Tom Dreyer lê in ons tent en wonder eers stilweg, maar dan hardop: Hoe deurdringend moet dit reën voordat ’n mens se tent begin lek? Die antwoord is gelukkig dat ons nuwe Falkson-tent sy man teen die elemente staan, en ons die volgende oggend droog wakker word. Ons is by die Sharwimbo River Camp teen die oewer van die Kwandorivier in Namibië se Zambesistreek, wat die grootste deel beslaan van wat voorheen bekend was as die Caprivistrook. Ontbyt is koffie en beskuit, en dan stap ons van die kampterrein (weggesteek tussen digte bome ’n kort ent weg van die rivier) na die hoofgebou. Ben Vermaak, die eienaar van Sharwimbo, en sy seun,…

My hart klop dadelik vinniger wanneer ons met die motorbootjie van die kaai af wegzoem. Hier by die Mambovastroomversnelling naby die Zambesirivier se samevloeiing met die Choberivier, vertak die gewoonlik besadigde Zambesi en kry ’n skielike huppel in sy stap. Die water druis en die riete en papirus flits sommer naby verby. Odark Siamuyuma, my gids, bestuur die bootjie met geveinsde verveeldheid, komkommerkoel agter sy donkerbril. Hy ken hierdie waters soos jy jou eentonige pad na jou werkplek in die stad ken. Sekoma Island Lodge lê net stroomaf en oorkant van sy susterslodge, Ilombe Island Lodge. By Sekoma ontmoet ek die konsessiebestuurders, Glynn en Laura Crowther, asook die lodgebestuurder, Kelvin Sikanda, voordat ek my sakke in die netjiese tenteenheid gaan neersit. Dan draf ek terug na die bootjie, want ek…

GRENSTARIEWE Botswana Betaalbaar in pula – jy kan gewoonlik met ’n kaart betaal. Voertuig vanaf P280 (R364). Sleepding: P110 (R143). Hierdie tarief sluit die heffing van die National Road Safety Fund, voertuigversekering en ’n padvervoerpermit in. As jy tydens jou vakansie beplan om Botswana te verlaat, deur Namibië te ry en dan weer Botswana binne te kom, kan jy vra vir ’n “Double Entry”-permit sodat jy nie elke keer die volle tarief hoef te betaal nie. Dit kos dan P340 (R442). Namibië Jy kan in rand betaal (kontant of kaart). Voertuig (insluitend dubbelkajuitbakkies en kombi’s) R445; waentjie R283. Zambië Van die tariewe moet in Amerikaanse dollar (US$) betaal word, en ander in kwacha (K). Ruil rand vir dollar of kwacha by die grens indien nodig – jy kan deesdae meer…

HOOGTEPUNTE KHAMA RHINO SANCTUARY MAKGADIKGADIPANNENASIONALE PARK BOTETIRIVIER MAUN Die meeste mense se Botswana-vakansie fokus op die noorde, met bestemmings soos die Okavangodelta en die Moremi-wildreservaat wat daar vir jou wag. Sprei ’n kaart voor jou oop en jy sien basies twee roetes waarmee jy tot op Maun – die toegangsdorp tot die delta en Moremi – kan ry. Heel wes lê die teerpad wat jou oor dorpe soos Kanye, Kang en Ghanzi tot op Maun lei. Dis waarskynlik die roete wat jy sal volg indien jy uit die Noord-Kaap, Wes-Kaap of Oos-Kaap na Maun ry, want dis die mees direkte een. Indien jy uit Limpopo, Mpumalanga, Gauteng of KwaZulu-Natal ry, maak dit dikwels meer sin om die sentrale roete te volg – jy gebruik die Groblersbrug-grenspos (of dalk die kleiner…

SUID-AFRIKA NOORD-KAAP Die Middelputs- en McCarthysrus-grenspos, noordwes van Kuruman, is albei klein en maklik om deur te glip. Indien jy Botswana deur die Kgalagadi-oorgrenspark wil binnegaan, moet jy die Two Rivers-grenspos by Twee Rivieren gebruik. Vanzylsrus Hotel In Vanzylsrus, sowat 40 km van die Middelputs-grenspos af. ’n Kunstige plek met groot kamers, ’n restaurant, gesellige kroeg en swembad. 2025-tariewe: En suite-kamers is vanaf R820 p.p. wat deel, met ontbyt. Adres Olivierstraat 27 ✆ 082 777 2301 🖰 vanzylsrushotel.com Kgalagadi-oorgrenspark Die Suid-Afrikaanse kant van die park is meer toeganklik as die Botswana-kant, en jy kan die meeste van die wildkykroetes met ’n 4x2 ry. Die paaie kan erg sinkplaat gery wees; maak seker jou voertuig het ’n goeie grondvryhoogte en onthou om jou motorbande genoegsaam af te blaas. Die park bied…

OKAVANGOPYPSTEEL, TSODILO-HEUWELS & SERONGA Die Okavangopypsteel is maklik bereikbaar synde ’n (slegte) teerpad daarlangs loop – jy kan dit met ’n 4x2 ry. Die pypsteel is die bekostigbaarste plek waar jy die Okavango kan proe – die meeste lodges en kampe bied sonsondergangvaarte, mokororitte, voëlkykuitstappies op die rivier en visvang. ’n Besoek aan die nabygeleë Tsodilo-heuwels (’n wêrelderfenisgebied) is ’n moet. Seronga is op die noordelike rand van die Okavangodelta. Die nuwe brug by Mohembo (wat oor die Okavangorivier span) maak Seronga en hierdie deel van die pypsteel en delta veel meer bereikbaar vir selfrytoeriste. Gaan kyk! Shakawe River Lodge Sowat 10 km van die dorpie Shakawe. Hierdie gewilde lodge is onder groot bome op die oewer van die Okavangorivier. Kamp kos P283 (R368) p.p. Visvanghuisies P810 (R1 053) per…

KAVANGORIVIER Divundu is ’n besige dorpie op die oewer van die Kavangorivier – hier is brandstof, winkels en OTM’s. Camp Ndurukoro Dis sowat 55 km wes van Divundu. Goeie waarde vir geld. Die kampterrein het krag, ’n rivieruitsig, dekke en ablusiegeriewe. Kamp kos R190 p.p. Rivierchalet: R1 000 p.n. vir 2 mense. Gesinseenheid (met slaapplek vir 2 tot 4 mense) vanaf R900 p.n. Hier is ’n swembad, braaigeriewe en ’n kroeg. Wi-Fi kos R50 per dag. Dis selfsorg, maar jy kan burgers, geroosterde toebroodjies en tjips bestel. Hengeluitstappies en sonsondergangvaarte. ✆ 00 264 81 124 1051 (Leon, WhatsApp/SMS) Mobola Island Lodge Sowat 30 km noordwes van Divundu af. 2025-tariewe: Kamp kos R200 p.p. ’n Selfsorgbungalow of luukse safaritent vir 2 vanaf R1 800 p.n. en ’n bungalow vir 4 mense…

Die temperatuurlesing van die Mahindrabakkie waarin ek sit, sê dis 38 °C. Dis wárm hier in die Zambesiriviervallei. Ek het al die pad uit die Wes-Kaap na Zambië gery om – onder meer – die Onder-Zambesi- nasionale park te besoek. Maar my tydsberekening was sleg, want dit is nou vroeg in Maart en onlangse donderbuie wat hier in die ruwe, beboste berge geval het, beteken dat die Chungwerivier nog sterk vloei. ’n Mens moet déúr die Chungwe om die park binne te gaan. Ek is nie lus vir kanse vat nie. Sit ek hier vas – of kry die Mahindra skade – sal dit vir seker lei tot vertragings op my toerprogram, newwermaaind die “verleë oproep” (soos oudredakteur Bun Booyens altyd geskerts het) wat ek sou moes maak om Mahindra…

TARIEWE Die akkommodasielyste in die gids is ’n aanduiding van die soort beskikbare verblyf, sowel as die prysklas. Hoewel alle tariewe ten tyde van publikasie korrek was, kan dit onverwags verander. Raadpleeg blyplekke liefs vooraf om seker te maak of pryse nie dalk gestyg het nie. Van die pryse in die gids sluit “versteekte” tariewe soos bedbelasting en toerismetariewe in; ander sluit dit uit – vra altyd wanneer jy bespreek. VRA VIR AFSLAG Noem dat jy ’n Suid-Afrikaner is wanneer jy bespreek – die burgers van 16 SAOG-lande insluitend Suid-Afrika, Namibië, Zimbabwe, Angola en Mosambiek kry dikwels afslag. (Van die pryse in die gids sluit reeds dié afslag in.) Ons het nie die tariewe vir kinders ingesluit nie. By die meeste blyplekke geld die helfte van die tarief vir kinders…

Wanneer jy jou droom as soogdiernavorser volg, beteken dit moontlik dat jy blouwalvisse vir olifante moet verruil. Dís die pad wat dr. Tempe Adams gevolg het nadat sy eers navorsing gedoen het oor blouwalvisse aan die Australiese kus en daarna haar in die Botswana-boendoes gevestig het om op olifante te fokus. Adams het suid van die stad Sydney op ’n plaas grootgeword en dis waar haar liefde vir diere vandaan kom. “Ons het met beeste, skape en bokke geboer,” vertel Adams. Maar haar eerste liefde was perde. “My pa was ’n uitstekende ruiter, ’n beroepspolospeler en perdehanteerder en dus het ek al van kindsbeen af begin perdry. “Ek dink dat as jou familie almal so na aan die grond leef, kyk ’n mens anders na jou omgewing, en al daardie…

KGALAGADIOORGRENSPARK Dié park, wat die gewilde Mabuasehube-deel insluit, is ’n bestemming vir 4x4entoesiaste. Jy moet volkome selfversorgend wees. Wees versigtig vir leeus en luiperds wat hier deur jou kampterrein kan stap. Moenie waterbakke vir voëls uitsit nie – dit kan roofdiere lok en tot onnodige konflik tussen mens en dier lei. Kampplekke in die Kgalagadi-oorgrenspark Soos in ander Botswana-parke word verskillende kampplekke deur verskillende instansies bestuur. Die meeste van die kampplekke is in die oostelike deel, Mabuasehube. Die kampplekke genaamd Mabuasehube en Mpayathutlwa (albei in Mabua) word deur die Inter-Tourism Group bestuur. Die res is openbare kampe en word bestuur deur die DWNP (Botswana se departement van wildlewe en nasionale parke): Entrance Gate, Bosobogolo, Monamodi, Lesholoago, Khiding, Matopi, Sizatswe, Thupapedi, Kaa, Swartpan, Gnus Gnus, Polentswa, Rooiputs en Two Rivers. Drie…

Elke plek het sy ritme. Senyati Safari Camp se ritme begin homself openbaar waar jy afdraai van die A33-teerpad, waar bordjies jou waarsku dat jy nou gaan sandpaadjie ry vir 1,5 km – slegs vir confident drivers. Dis natuurlik nie regtig so erg nie, maar nou ja, party ouens sit vas. Tydens my besoek in die laatsomer van 2025 is die sand g’n probleem, want dit reën amper elke dag en die sand is klam en vasgetrap, nie diep en los nie. Die paadjie lei jou teen ’n bult af na die Lesomavallei, ’n wilde stuk veld – al is dit nie binne die grense van enige nasionale park nie – wat tot teen die grens van Zimbabwe loop. By Senyati se elektriese hek stop ek, klim uit, en druk…

Boomkruiper, rooiwangwoudsysie, breëbek, Oostelike saadbrekertjie... Vir jare reeds kyk ek met verlangende oë na hierdie skaars Zimbabwiese voëlspesies in my gidsboek. Eendag, het ek myself belowe, sal ek hulle gaan soek. My ouers het hegte vriende met van hulle voëlklublede geword, en ek was ’n paar jaar gelede saam met dié groep op ’n toer na Botswana en Nambië. Toe hulle aan ’n drie weke lange toer na die Gonarezhou- nasionale park en Zimbabwe se Oostelike Hooglande begin beplan, het ek dadelik verlof ingesit. In Julie 2024 het die tyd aangebreek. Die toer het my stoutste verwagtinge oortref – die natuurskoon en voëls is uitsonderlik. Maar dit was veral die mense van Zimbabwe wat my hart met hulle vriendelikheid gesteel het. Hier is ons toerplan en van my gunstelingstaaltjies. Mag…