Landbouweekblad 19 May 2022

DIE NYL KOM AF! Daar was groot opgewondenheid onder inwoners van Bela-Bela, Modimolle, Mookgophong en Mokopane in die Waterbergstreek in Limpopo vroeg vandeesmaand toe die Nylrivier vir die eerste keer sedert 2014 afgekom het. Die rivier ontspring in die Waterberg naby Bela-Bela en vloei noord tot by Mokopane, waar dit die Mogalakwenarivier word. Op die plaas Moorddrift hou me. Tersia Smit getrou boek van die Nylrivier se vloede waar dit oor die familieplaas vloei. Die afgelope 20 jaar was die rivier in vloed in 2014, 2010, 2009, 2004 en 2000. Ander jare is dit net ’n grasvlakte op swaar kleigrond. Die Nyl is só gedoop deur ’n groep diep godsdienstige trekboere wat, toe hulle in die 1860’s op dié breë rivier met sy groot vloedvlakte afgekom het, geglo het dit…

PWC se jongste ekonomiese vooruitskouing vir Suid-Afrika voorspel dat wydverspreide vloedskade sal bydra tot stadiger ekonomiese groei, stygende inflasie en arbeidskoste, en hoër werkloosheidsvlakke. PwC voorsien ook dat voorraadbeperkings sal bydra tot voedselprysinflasie, wat reeds aan die styg was ná covid-19-ontwrigtings en die oorlog in Oekraïne. “Terw yl daar in hierdie stadium sekerlik geen kommer oor nasionale voedselsekerheid is nie, sal daar waarskynlik op kort termyn ’n nadelige impak wees op die voorraad van voedselprodukte, en dus hoër pryse.” Die verslag wys op die verwoesting van pad- en spoorinfrastruktuur, asook fabrieke en ander geboue, in ’n provinsie wat ’n belangrike gebied vir landbouproduksie is. Die Durbanhawe, ’n belangrike toegangspunt vir voedselinvoer, sukkel om ’n reuse-agterstand uit te wis. PwC verwag dat plaaslike ekonomiese groei sal afneem van 4,9% verlede jaar tot 1,8%…

‘Probleme en bottelnekke met die uitvoer van landbouprodukte is nie altyd plaaslike hawens se skuld nie. Daar is te min skepe en te min vraghouers beskikbaar.’ MNR. ANDREAS SNYMAN, hoof van internasionale bemarking van GWK, oor logistieke probleme wat uitvoerbedrywe teister. Bl. 20 ‘Die werk wat Hardy en sy medewerkers gedoen het, het gehelp dat die Swartland ’n ekonomies volhoubare koringverbouingstreek in ’n halfwoestyngebied kan wees.’ MNR. ANDRIES THERON, voorsitter van die Proteïennavorsingstigting, oor dr. Mark Hardy se bydrae tot navorsing op wintergewasse. Bl. 24 ‘Daardie plaaslike vervaardigers wat in euro onderdele en werktuie invoer, gaan beslis die voordeel van ’n sterker rand hê.’ MNR. KAREL MUNNIK, voorsitter van die Suid-Afrikaanse Landboumasjinerie-assosiasie, oor die rand wat sterker teen die euro verhandel. Bl. 25 ‘Dit het die staat vanjaar reeds R80 miljoen gekos.’ DR. IGSHAAN SAMUELS, ekoloog by…

GEMERK Me. Nandi Ndalane, Limpopo se LUR vir landbou en landelike ontwikkeling, het op 4 Mei die Shakadza- kommunale diptenk in die Vhembe-distrik besoek waar voorkomende inentings deur die direktoraat dieregesondheid gedoen word om die verdere verspreiding van bek-en-klouseer te keer. Sy het selfs hand bygesit met die brandmerke. Lees meer oor dié veldtog op bl. 19. STRYD OOR KRAG Talle regsgedinge broei oor onafhanklike kragverskaffers se planne om elektrisiteit te verskaf aan gemeenskappe wat onvoldoende diens van Eskom kry, berig Moneyweb. In Linbropark in Johannesburg doen die maatskappy Greenstone Energy by die nasionale energiereguleerder (Nersa) aansoek om krag te verskaf aan ’n buurt wat die afgelope 12 maande buiten beurtkrag nóg 1 594 ure (66 dae) sonder krag was. Nersa sê dit was “net” 29 dae. Mnr. Tommy Garner, voorsitter van die…

266 km/h Windsnelhede van tot 266 km/h is gemeet in ’n tornado op 29 April oor Wichita, Kansas, Amerika. Skade is oor ’n gebied van 21 km gemeet, met 1 000 geboue wat beskadig is in die voorstad Andover, wat aan landbouproduksiegebiede aan die oostekant van die stad grens. Die tornado was 21 minute lank op die grond, volgens die nasionale weerdiens. Andover herstel nou nog van ’n tornado uit 1991. — Associated Press 4,5 miljoen ton Nagenoeg 4,5 miljoen ton graan was teen 1 Mei vasgekeer in hawens en op skepe in Oekraïnse hawens, volgens mnr. Martin Frick, direkteur van die Wêreldvoedselprogram in Duitsland. Sedert die Russiese inval in dié land het die Verenigde Nasies voedselhulp aan sowat 2,5 miljoen Oekraïners verskaf. Verder is daar ’n reusevraag na Oekraïnse uitvoergraan in talle…

Vir dinge om te werk, moet daar reëls wees. Maar reëls beteken net mooi niks as daar nie daarby gehou word nie. En gewoonlik moet dit op teësinnige mense afgedwing word word deur instellings van die staat, soos die polisie en howe, of deur algemene druk vanuit die samelewing. Die onlangse onluste op Kirkwood is ’n voorbeeld van wat gebeur as reëls nie meer geld nie. Die voorspelbare gevolg is chaos. In die geval van Kirkwood kom die chaos teen die baie duidelik koste van R170 miljoen — R70 miljoen se skade aan eiendom, infrastruktuur en pakhuise, en nog R100 miljoen se uitvoervrugte wat vernietig is. Dit is om van te huil, veral in ’n jaar dat boere reeds gebuk gaan onder die finansiële druk van verskepingskoste wat amper verdubbel het, insetkoste…