Sommaire pour January/February2023 de Idees

Dit was drieuur die middag toe ek met ’n onlangse besoek aan Italië ’n cappuccino bestel. Kliphard nogal. Skandaal! Die mense se nekke ruk omtrent af soos hulle wil sien hoe lyk so ’n oningeligte, kultuurlose straniera (uitlander). Koffie met melk is vir ontbyt, verkieslik saam met iets soets of ’n cornetto, hulle weergawe van ’n croissant, net met minder botter. Want hulle glo ook nie botter maak alles beter nie. Inteendeel, jy sal dit nie sommer daar op ’n tafel aantref nie. Die dorpie is klein, maar daar is drie winkels met heerlike, meestal plaaslike produkte en ’n stoep vol vrugte en groente. Vars koop en self kook is net ’n leefstyl daar. En die kwessie rondom geskikte tye vir melk laat my dalk lag, maar daar word jy…

INGEMAAKTE SUURLEMOENE Wanneer vars bestanddele in seisoen is, moet ’n mens die meeste daarvan probeer maak. Een manier is om dit in te maak sodat jy dit later kan gebruik, regdeur die jaar. Dié suurlemoene is verspotmaklik om te maak en ’n groot gunsteling in vele Mediterreense geregte. Dit sorg vir ’n lekker geur met byt wat jou marinades, slaaisouse, seekos-of hoendergeregte, slaaie, kerrie-en tagine-geregte sal opkikker. Maak: 1 groot fles Bereidingstyd: 15 minute plus 1 maand staantyd ♥ 8 groot suurlemoene ♥ ongeveer 125 ml growwe sout ♥ 6 vars lourierblare ♥ sap van 4 suurlemoene 1 Was die suurlemoene en sny die bokant van elkeen af. Sny die vrugte dan in die lengte middeldeur. Sny elke helfte weer middeldeur, maar sonder om regdeur te sny. 2 Gooi ’n lepel…

VEROUDERDE EFFEK MET STENSILWERK JY BENODIG terracottapot krytverf in die kleure van jou keuse (ons het Tjhoko in Da’vid, Olivia’s Pale en Asgat gebruik) stensil van jou keuse (Tjhoko het baie mooies) handwerkkwas spons maskeerband fyn skuurpapier kleurlose krytverfseëlaar (ons het Tjhoko Clear Glaze gebruik) SO MAAK JY 1 Verf jou pot eers met ’n basiskleur ‒ ons het Tjhoko Da’vid hiervoor gebruik ‒ en laat dit heeltemal droog word. 2 Besluit waar jy die stensilwerk wil aanbring en plak die stensil met maskeerband op sy plek vas. Neem jou kwas en vee ’n klein bietjie van jou tweede kleur verf ‒ Olivia’s Pale in ons geval ‒ oor die spons. Druk die spons liggies oraloor die stensil om die ontwerp op die pot aan te bring. Laat dit droog…

GIPS 1 Meng die gips in ’n gipskoppie, beskikbaar by ysterwarewinkels (of gebruik ’n roomhouertjie). 2 Moet nooit gipspoeier inasem nie. Dra ’n stofmasker om dit te meng en werk verkieslik buite. 3 Gooi heel eerste ’n bietjie water in die houer. Voeg die gipspoeier dan stadig by totdat dit nie meer sink nie. Wag vir omtrent een minuut (terwyl die poeier die water absorbeer) totdat ’n vloeibare ‘deeg’ vorm, amper soos pannekoekbeslag. 4 Roer die mengsel versigtig tot glad, verkieslik sonder dat dit enige lugborreltjies vorm. Giet dit dan in die gietstuk ‒ die gipslaag moenie te dun wees nie (ongeveer 1-3 cm). 5 Die gips sal binne 20-30 minute hard word. As daar ’n skynsel op die gips gevorm het, kan jy dit met ’n spons onder lopende…

OKKERNEUT-EN-SONNEBLOMSAAD-CRUNCHIES Hierdie crunchies is die perfekte plaasvervanger vir daardie energiestafie propvol suiker wat so maklik in die kosblik beland. As jy die koekies glutenvry wil maak, kan jy die koringmeel met ’n glutenvrye meelmengsel vervang ‒ onthou om ook glutenvrye hawermout te gebruik. Maak: omtrent 24 vierkante Bereidingstyd: 15 minute Baktyd: 18-20 minute Oondtemperatuur: 180 ºC ♥ 200 g hawermout ♥ 100 g koekmeel ♥ 15 ml bakpoeier ♥ 100 g klappersuiker (of rou bruinsuiker) ♥ 100 g gekapte okkerneute ♥ 50 g sonneblomsaad ♥ 2,5 ml sout ♥ 150 g onversoete grondboontjiebotter ♥ 100 g klapperolie, gesmelt ♥ 100 g heuning ♥ 2 groot eiers 1 Verhit die oond en voer ’n bakpan van 20 x 30 cm met bakpapier uit. Jy kan ook ’n bakplaat vir dunner vierkante…

MOEILIKHEIDSGRAAD: gemiddeld TYD: 3 weke JY BENODIG Vinnis Colours Nikkim DK in 50 g-bolle: ‒ 1 bol elk in Avocado (530), Sunshine (535) en Raspberry (559) ‒ 2 bolle elk in Baby Blue (534) en Navy (589) ‒ 3 bolle elk in Blue Bell (533), Peach (558) en Natural (500) ‒ 4 bolle elk in Pink (521) en Ballet Pink (522) 4 mm-hekelpen (hoofdeel en rand) 5 mm-hekelpen (las) steekmerkers tapisserienaald skêrtjie GROOTTE Omtrent 1,1 x 1,1 m. AFKORTINGS begtr ‒ begintrossie do ‒ draad oor gls ‒ glipsteek her ‒ herhaal hlb ‒ halwe langbeen kb ‒ kortbeen kb2tes ‒ kortbeen 2 tesame ks ‒ kettingsteek lb ‒ langbeen lb2tes ‒ langbeen 2 tesame lb3tes ‒ langbeen 3 tesame (trossie) rdte ‒ rondte sm ‒ steekmerker sp(s) ‒ spasie(s)…

KOLJOERNALE Ek kan eenvoudig nie ’n mooi notaboek weerstaan nie. So het ek al verskeie kere op ’n oorsese lughawe met loodswaar tasse in die hand gehoop en gebid hulle laat my bagasie op die vlug toe sonder om my ’n klein fortuin aan ekstra gewig te vra. Hier een uit ’n mark in Florence, daar een uit ’n afdelingswinkel in Berlyn, nog hope uit al wat die naaste skryfbehoeftewinkel is. Pragtig maar doelloos het hulle jare lank in my kas opgehoop, totdat ek die nut en vreugde van ’n koljoernaal, oftewel bullet journal, ontdek het. Ja, in die joernaalwêreld is dít my keuse. Voor dit was ek ’n persoon met lysies oral, geel plakkertjies net waar jy kyk én ’n dagboek om my lewe te beplan. Nou het ek…

VIR ’N JAARLIKSE INTEKENING VAN R484,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN idees@onthedot.co.za (OF AAN ideas@onthedot.co.za VIR DIE ENGELSE UITGAWE).** * WHATSAPP JOU BESONDERHEDE NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R420 OF KOOP ’N ENKELE DIGITALE EKSEMPLAAR TEEN R75: * GAAN NA ZINIO BY www.zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (sien hier oorkant). BEPALINGS EN VOORWAARDES * Jou intekengeld is vooruitbetaalbaar. • Die aanbod geld slegs tot 16 Februarie 2023 en is…

KREATIEWE PATRONE Melly Williams is ’n selfopgeleide tekstielpatroonontwerper van Kaapstad wat veral graag met waterverf, gouache en digitale media werk. Onlangs het sy met Caversham Textiles in KwaZulu-Natal saamgespan om ’n reeks dekormateriale bekend te stel. Daar is ses ontwerpe om uit te kies. Die reeks is aanlyn beskikbaar by mellystudio.com. VARS EN SOMERSE DRANKIE Ons almal ken en geniet ’n G&T, maar nou kan jy ook ’n P&T probeer ‒ Suid-Afrika se eerste port-en-tonikumdrankie. Dié natuurlik soet en voorafvermengde vonkeldrankie met ’n alkoholinhoud van 6% word vervaardig deur De Krans Wines, wat bekend is vir hulle portstyl wyne. Die vars vrugtegeure word gebalanseer deur die bitterheid van die tonikum op die tong. Dis landwyd by uitgesoekte drankwinkels teen R35 per botteltjie beskikbaar. EET ALFRESCO Nadat hulle in 2020 weens…

Navorsers noem blou sones die agtste wêreld-wonder. Daar is vyf van hulle ‒ hierdie wonderbaarlike streke op die aardbol waar mense volgens statistieke die langste leef: die eiland Sardinië in Italië, die Okinawa-eilande van Japan, die Nicoya-skiereiland in Costa Rica, die eiland Ikaria in Griekeland, en Loma Linda, Kalifornië, VSA. Al hierdie streke is relatief warm dwarsdeur die jaar, taamlik klein en afgeleë, en naby die see. Maar afgesien van ligging, lê die geheim van langlewendheid ‒ waar mense minstens 90 jaar en dikwels ouer as 100 word (met ’n merkwaardig lae voorkoms van kanker, hartsiekte en demensie) ‒ in ’n veel meer omvattende, holistiese resep. Dit sluit in matigheid, vreedsame naasbestaan en volhoubare goeie gewoontes. Volgens die skrywer en avonturier Dan Buettner, wat die blou sones eerste geïdentifiseer het…

LANGWERPIGE STOKKIES JY BENODIG polimeerklei in die kleure van jou keuse (Mont Marte het ’n goeie produk) koekroller handwerkmes en snymat staalliniaal meelblom SO MAAK JY 1 Kry eers jou werkoppervlak gereed deur ’n gladde oppervlak soos ’n kombuistoonbank ligweg met meelblom te besprinkel sodat die klei nie daaraan sal vassit nie. 2 Neem so twee stukkies klei en rol dit tussen jou hande in ’n dik worsvorm. Rol die worsie met jou koekroller tot omtrent 3-4 mm dik uit. Werk op ’n snymat en gebruik jou handwerkmes en staalliniaal om die uitgerolde klei in stroke van so 1,5 cm breed te sny. Sny elke strook bo gelyk en onder in ’n skerp punt sodat dit maklik in die grond kan gly. Plaas die kleistokkies op ’n bakplaat wat met…

Bedek jou werkoppervlak met foelie. Rol die klei mooi glad uit tot net-net groter as jou raam. Om ’n goeie reliëf te kry moet die plantdele gedeeltelik taamlik diep ingedruk word. Daarom is dit belangrik om nie die klei te dun uit te rol nie (2-3 cm is die beste). Om die rande en grootte van jou kunswerk te bepaal, sit die houtraam (of ander raam van jou keuse) op die klei en merk die buitelyne. Haal die raam af. Rangskik die plantspesie(s). Gebruik ’n rolstok en druk al die plantdele diep in die klei. Maak seker die blare en blomme is mooi uitgewaaier ‒ en kyk dat daar geen kinkels is nie. Wees versigtig om nie die plante déúr die klei te druk nie. Verwyder al die plantdele die…

Dis dalk ’n huurhuis, maar toe die babakamer ingerig moes word, was daar geen twyfel nie ‒ die mure moes oorgeverf word. Met ’n dekortema van llamas, kaktusse en reënboë het Anelle en haar man, Riaan, weggeval met die verf van die vertrek wat eers die studeerkamer was, met Riaan se fietse teen die muur, om ’n rustige hawe vir baba Mila te word. Dit was egter net die laaste stap. Vooraf het Anelle haar hele swangerskap gewy aan die maak van ’n pragtige (tydrowende) bewertjie, ’n gehekelde kombers, geborduurde ringe en handgeverfde kussings vir die nuwe aankomeling. Naweke het sy haar ma, Elaine, betrek om miniatuur-reenboë, klein llamas en die prettige kussings vir die kamer aan mekaar te werk. Die laaste ding wat sy gedoen het voordat sy haarself…

Maak hierdie notaboekies betyds vir die nuwe jaar sodat jy altyd ’n plek het waar jy jou idees en planne kan neerskryf. Ons het 12 ‒ een vir elke maand van die jaar ‒ gemaak. Elkeen is genommer sodat jy hulle maklik uiteen kan ken en later in die jaar daarna kan verwys om jou jaar in oënskou te neem. MOEILIKHEIDSGRAAD: maklik tot gemiddeld TYD: ’n paar uur (droogtyd ingesluit) JY BENODIG karton (nie dikker as 225 gsm nie) vir die omslag velle papier (enige afvalpapier is geskik) uitgedrukte nommers beenvoustokkie houtlym klein handwerkkwas met stywe hare handwerkmes en snymat staalliniaal en potlood klamp afvalstukkies materiaal Sny die karton vir die omslag met jou handwerkmes in die grootte van jou keuse. Stapel die velle papier netjies opmekaar en plaas dit op…

Toe die antiekversamelaar, dekorwinkeleienaar, binnehuisversierder en vintageliefhebber Lynda Gardner die eerste keer deur die deure van ’n ou matrasfabriek in North Fitzroy, ’n ‘grinterige’ middestadbuurt van Melbourne, stap, was dit ’n nare gesig wat haar begroet het. Drade het uit die dak gehang, emmers was nodig om die lekkende water op te vang uit die dak wat gedeeltelik meegegee het, gebarste ou sementvloere was vol olievlekke ná ’n vorige lewe as ’n motorherstelplek, en die agterkant van die gebou was ’n toiletblok. ‘Ek kon dit nie wáág om na die agterkant te gaan kyk nie,’ bieg sy. Maar omdat sy voorheen net langsaan gewoon het, het Lynda heimlik die plek jare lank begeer. ‘Ek het van ons boonste vensters gespioeneer en gedroom oor wat ek kan doen, en ek was…

ONTHOU HIERDIE WENKE WANNEER JY DIE MEDITERREENSE DIEET VOLG: Kies vrugte, groente en kruie wat in die seisoen is. Maak die groente die hoofdeel van jou maal en eet maer hoendervleis en seekos (veral olierige vis) eerder as rooivleis. Gebruik olyf-of avokado-olie eerder as botter. Voeg heel grane en peulgewasse by jou dieet en vermy verfynde bestanddele. Sluit sade en neute in. Vermy suiker en te veel alkohol. GEBLIKTE/GEBOTTELDE GROENTE EN PEULGEWASSE Bone Kekerertjies Lensies Tamaties Tamatiepasta Geroosterde soetrissies Artisjokharte Wingerdblare GEBLIKTE VIS Ansjovis Sardientjies Tuna Salm GRANE EN PEULGEWASSE Pastanoedels Rys Couscous Bulgurkoring Gort Quinoa Polenta Neute Sade GEDROOGDE KRUIE EN SPESERYE Basiliekruid Origanum Ment Roosmaryn Tiemie Salie Lourierblare Vinkelsaad Brandrissievlokkies Komyn Kaneel Kruienaeltjies Saffraan Dukkah Harissaspeserymengsel of-smeer INGELEGDE PRODUKTE Ingemaakte suurlemoene Eiervrug-of ander groentepiekels Olywe Olyftapenade Pesto Gemarineerde…

VOËLHUISIE-PLANTBOKS JY BENODIG afvalhout wit waterbasisverf verfkwas saag en sirkelsaag hamer en spykers maatband SO MAAK JY 1 Besluit self hoe groot jy die huisie wil hê en saag eers ’n voor-en agterkant van dieselfde grootte en vorm uit jou afvalstukke hout. Saag vir elkeen ’n gewelvorm uit die bokant. Jy kan speel met die vorm van die gewel, soos ons een ‘skewe’ huisie s’n, solank die vooren agterkant dieselfde is. Sny met jou sirkelsaag ’n opening uit die voorkant. 2 Saag nou die twee sykante en ’n onderkant volgens die mates van die voor-en agterkant. Vir ons skewe huisie het ons ook een dakpaneel gesaag en vir die simmetriese huisie twee dakbalkies uit plat stukkies hout. 3 Sit al die huisiedele met spykers aanmekaar. As jy mooi ou vloerlysplanke…

Om iets met jou eie hande te maak… min dinge kan daardie gevoel klop. Om die sagte klei te knie en ’n plat oppervlak daarvan te maak voordat jy vars plante en blomme daarop rangskik, is nie net ’n sensuele ervaring nie, maar ook ’n bewustelike proses. Om die spore van die blaarare in die klei te sien en voel, die kurwes en kronkels van die rankies op die uiteindelike reliëf te sien, die piepklein meeldrade in hulle perfeksie ‒ alles miniatuur ‒ hoe manjifiek is die natuur nie tot in die fynste detail nie! Die goeie ding is jy het nie die wêreld se geduld nodig nie; kort voor lank hou jy jou eie kunswerk in jou hande vas. Want gips is altyd haastig; dit probeer elke fatsoen en detail…

Met ’n kreatiewe kop en vlytige hande kan jy jou stokperdjie omskep in ’n besigheid. En jy hoef dit nie vanuit ’n winkel te bedryf nie. Verkoop jou produkte op ’n mark. Daar’s geen beter manier om jou kliënte te leer ken as om daagliks, terwyl jy jou ware aan hulle verkoop, met hulle te gesels nie. Dit gee jou ’n baie beter idee van wie hulle is as om byvoorbeeld te loer na hul kommentaar op sosiale media. Tendenskenners meen markte is so gewild omdat mense hou van die ervaring. Dit gaan om soveel meer as net koop. Dink maar daaraan: Markgangers kan hulle verkyk aan ’n magdom unieke produkte, gesels met die interessante skeppers daarvan en, geïnspireer deur die uitstallings, smul aan ’n verskeidenheid varsbereide eet-en drinkgoed. Volgens…

JY BENODIG 50 g 4-draadbreidraad of Cataniakatoenbreidraad in jou hoofkleur 20 g Kidsilk (opsioneel, gebruik ’n draad om ’n donsige effek te gee) roomkleurige 4-draadbreidraad of Catania-katoenbreidraad vir naels 2,5 mm-hekelpen steekmerker (merk die eerste st van elke rdte) poliësterspeelgoedstopsel stopnaald skêrtjie 2 x 6 mm-speelgoedoë AFKORTINGS HA ‒ heg af Kb ‒ kortbeen Rdte ‒ rondte SAL ‒ slegs agterlus St(e) ‒ steek(steke) Vermeer ‒ vermeerder Vermin ‒ onsigbare vermindering WR ‒ wonderring * * ‒ herhaal tussen sterretjies KOP (Stop op soos jy hekel) Rdte 1: WR, 6 kb, 6. Rdte 2: *1 vermeer* x 6, 12. Rdte 3: *1 kb, 1 vermeer* x 6, 18. Rdte 4: *2 kb, 1 vermeer* x 6, 24. Rdte 5: *3 kb, 1 vermeer*, x 6, 30. Rdte 6-13: 30 kb…

INSPIRASIE TERENA: Ek het in 2022 ’n jare lange droom vir myself waar gemaak deur ’n blyplek in ’n klein bergdorpie in Italië te koop. Ek wou graag my eerste besoek aan my huis onthou deur die pragtige kerk, die uitsig uit my bed op die vallei, en die groot kwas wat die hele woonstel witgewas het. DALA: Ons het onlangs Swellendam toe verhuis en ek het op my Victoriaanse huis verlief geraak, my Britse man se geliefde Queen is oorlede, die kerslig brand sterk met Eskom se kragonderbrekings, en ek is besig met die boek Frida: Style Icon, oor die kunstenaar Frida Kahlo. Sy bly maar ’n inspirasie vir my. ELIZABETH: Tee en roosterbrood is trooskos en maak álles beter. Bridget, ons geliefde kat, is onlangs oorlede, en die…

WENBRIEF HOOP VIR KERSFEES Vir die hoeveelste keer blaai ek deur die nuutste Idees. Ek is Engels, maar koop die Afrikaanse tydskrif as ek nie ’n Engelse een kan kry nie. Ek is mos tweetalig. Dit sal die tweede Kersfees sonder my man wees. Hy is in Januarie 2021 weens Covid-komplikasies oorlede en verlede jaar was ek, my dogter en kleinseuns by my seun en sy familie op Montagu. Vanjaar is ons tuis. Ek was nie regtig lus om enigiets moois te maak of op te sit nie, maar toe begin ek van agter af deur die Kersuitgawe blaai. My eerste stop was bladsy 127 en die vakansieleesboeke. Ek dog by myself, ‘Ek gaan weer begin lees.’ Die boeke het my teruggevoer na ’n plek waarvan ek al vergeet het.…