Sommaire pour Tuis Opknap 2023 de Tuis

Nou die dag begin die ys-/vrieskas roggel – die ys-/vrieskas waarrondom die hele kombuis beplan is, met ingeboude kaste links, regs en bo. (Eendag as ek groot is, sal ek geld uitgee op ’n geïntegreerde toestel, maar ek kon myself nog nooit so ver kry om duurder te betaal vir iets wat halfklaar is nie. Dink bietjie – jy betaal meer vir die ys-/vrieskas of skottelgoedwasser oor hy nie ’n netjiese deur het nie. Maak mos nie sin nie!) Maar terug by die ou ys-/vrieskas. Eers is dit ’n sagte roggel, maar later raak dit ’n simbaal-slag elke keer as die kompressor aangaan om die temperatuur te reguleer. Dit weerklink in die nanag deur die huis; die honde kom keer op keer versteurd orent. Ek moes geweet het dis die…

Tarien vertel dat hulle alles so goed moontlik vooraf beplan het. “Mens moet onthou dat goedere vooraf bestel moet word, anders plaas dit druk op die boutydperk en begroting. “Soek vroegtydig rond vir die beste pryse. Jy wil nie iets onvoorsiens nodig kry en dit dan vinnig ten duurste koop nie,” sê sy. “Spertye moet goed bestuur word, want die bouers se tyd is nie altyd dieselfde as jou eie nie.” Met goeie beplanning kan jy onaangename verrassings vermy. “Die bouer het byvoorbeeld die elektriese hooftoevoerkabel onder die tweede badkamer se stort ontdek – iets waaroor ons nooit vooraf gedink het nie,” vertel Tarien. “Ons moes dit noodgedwonge vervang en herbedraad, wat ekstra onkoste meegebring het. Daarom moes ons die opknap van die voortuin en die babakamer uitstel.” Daardie babakamer…

Nagmaalhuisies soos dié is deel van ons besonderse Karoo-erfenis. Die verskynsel dateer uit die 19de eeu toe boere maklik ’n dagrit te perd of verder van die kerk gewoon het. Vir die Nagmaal het hulle met ’n perdekar dorp toe gekom en die naweek in hulle eie nagmaalhuisie oorgebly. Hierdie nederige huisies is oorkant of naby die kerk gebou met twee vertrekke en ’n buitetoilet. Mrs Blackie het vermoedelik oorspronklik uit die twee voorste slaapkamers bestaan, asook die gang en sitkamer, wat ’n soort kombuis sou insluit. Die voorstoep, huidige kombuis, sonkamer en badkamer is later aangebou. Pieter kon gelukkig ’n argitektoniese gids uit die 1980’s oor Carnarvon opspoor wat van onskatbare waarde is om sy opknapprojekte histories korrek aan te pak.…

Wat was jul duurste verrassing, en watter raad het jy vir ander huiseienaars? Die bouers het aanvanklik die venster by die trap te laag geïnstalleer. Dit was teen die treetjies, pleks van hoër op in die muur. Hulle moes dit uithaal en skuif, en ons moes vir die verandering betaal. My raad is dat eienaars soveel tyd moontlik op die terrein van ’n opknap deurbring sodat jy foute kan oplet voor dit ’n probleem raak. Watter besluit het julle die meeste geld bespaar? Om Supawood vir al die houtwerk te gebruik. In die kombuis het ons baie bespaar deur ook die werkblaaie van Supawood te maak en dit eenvoudig te verf. Die verf tjip wel, maar dis maklik genoeg om reg te stel – jy gee dit net ’n vars…

“Wanneer jy ’n gasgeiser vir waterverhitting in jou huis oorweeg, is daar ’n paar dinge wat jy in ag moet neem, want almal is nie geskik vir dieselfde funksie nie,” sê Wayne Howard van Gasco in Bloemfontein. Hy verduidelik meer oor die tipes geisers wat beskikbaar is en hoe jy een kies: Daar’s vier tipes gasgeisers: • Tipe A-geisers is geskik vir gebruik binnenshuis en het geen uitlaatpyp vir die verbrandingsprodukte (gasse) nodig nie. Dit is gewoonlik klein modelle wat by handwasbakke gebruik word. • Tipe B-geisers kan binnenshuis gebruik word mits dit ’n uitlaatstelsel na buite het; andersins moet dit buite geïnstalleer word. • Tipe C-geisers kom met ’n uitlaatstelsel wat geheel en al verseël is vir gebruik binne die huis, maar met ’n uitlaatstelsel na buite. • Tipe…

KATEGORIE: O, SO MOOI DIE EIENAARS Jacques en An-Mari Coetzee WAAR Oudtshoorn-distrik GROOTTE 122 m² ‘Ek het vroeg al geleer om self te verf, boor, kap en saag – allerhande sulke selfdoentake. Want dan is jy nie afhanklik van diensverskaffers of enigiemand nie en hoef jy nie ekstra te betaal vir ’n ‘eenvoudige’ taak nie.” So gesels An-Mari Coetzee oor hul opknapprojek hier op Kandriftboerdery buite Oudtshoorn. Verskeie idiomatiese uitdrukkings soos “haar hande staan vir niks verkeerd nie” pas by dié Gautengse skooljuffrou wat boervrou geword het op ’n volstruisplaas in die Klein-Karoo, waar sy ’n ou werkershuisie wou omskep in gasteverblyf. “My ma, Hettie Janse van Rensburg, het my van jongs af geleer om met min klaar te kom; ook dat jy uit niks iets moois kan maak en…

Wat was die duurste verrassing en watter raad het julle vir ander huiseienaars? Die huis het die mooiste oorspronklike Kaapse kleiteëlvloere, maar toe ons dit opgeknap het, is dit nie professioneel skoongemaak voor dit verseël is nie. Die ou vuilis is dus ingeseël en ons sal dit een of ander tyd moet oordoen. Moenie kortpaaie vat as jy ’n oorspronklike vloer het nie! Waarop het julle die meeste gespaar? Deur klaar te kom met wat ons het. Ek het voorheen omvattende opknapwerk bestuur, wat meestal behels het dat alles wat oud was met nuwe goed vervang is. Dié keer het ek besef dis onnodig. Daar’s soveel wat ’n mens kan hergebruik – jy moet net jou ingesteldheid verander. Wat sou julle volgende keer anders doen? Ek kan regtig aan niks…

Rick Sharland, Luke se pa en eienaar van ’n boukontrakteursaak, sê dis belangrik om die oppervlakte van die ruimte wat jy wil verf, te bereken – moenie net raai nie, want dit kan jou hele begroting beduiwel… “Werk van bo na onder. As die oppervlak van die plafon 20m2 en dié van die mure 100 m2 is, werk uit hoeveel verf jy gaan nodig hê om alles te bedek. Dit moet ’n onderlaag en minstens twee bolae insluit, afhangend van hoe na die nuwe kleur aan die oorspronklike een is. As jy wit verf oor ’n donkerder kleur aanwend, kan tot drie lae nodig wees. ’n Mens gebruik minstens 1 liter verf vir 5 m2.” Rick beveel ook aan dat huiseienaars verskeie produkvervaardigers raadpleeg voor hulle ’n begroting begin uitwerk.…

Wat was die duurste verrassing? Ons het ’n jaar nadat ek die huisie voltooi het ’n veiligheidshek by die voordeur en die skuifdeur laat installeer. Dit was een van min dinge wat ek nie self kon doen nie. Dit was die grootste uitgawe, en selfs duurder as die deure self. Maar dit was vir ons belangrik dat ons huurder veilig voel. Wat was jou grootste besparing? Deur die struktuur met Shutterply-laaghout te bou eerder as bakstene en sement, het heelwat bespaar. Enige ander boumetode sou duur gewees het en die mure te dik gemaak het. Die “boksmetode” wat ek gebruik het is ongelooflik lig en sterk, en ek is dol daaroor dat ons hierdie huisie kan inpak en saamneem as ons ooit sou verhuis. Wat sal jy volgende keer anders…

KATEGORIE: SELF GEDOEN DIE EIENAARS Drikus en Amber Viviers WAAR Durbanville GROOTTE 40 m2 Hoewel die oorspronklike buitegebou op die groot werf van 2000m² nie juis as ’n woonstel beskryf kon word nie, was Drikus en Amber Viviers tog opgewonde oor die moontlikheid van ’n huurinkomste toe hulle die eiendom in 2017 gekoop het. “Dit was eerder ’n afdak met ’n pottetafel, waskamer, badkamer en ’n sinkplaathokkie bo-op aangebou,” verduidelik Amber. “Die vorige eienaar was 90 jaar oud toe hy die huis aan ons verkoop het en het destyds dié boonste gedeelte ingerig as skilderplek vir sy vrou. Hulle het langer as 50 jaar hier gewoon voor sy oorlede is.” Toe Drikus en Amber ’n volskaalse opknapprojek vir die hoofhuis aanpak, het hulle terselfdertyd die woonstel bygedam. “Ons het ons…

KATEGORIE: O, SO MOOI WIE WOON HIER? Dieter en Ronel Grundlingh, hul kinders, Divan (22), Christiaan (18) en Marelie (15), en die honde Pepsi en Ace WAAR Lyttleton Manor, Gauteng GROOTTE 44 m² “Gewoonte-opknappers” sou nogal ’n gepaste manier wees om Dieter en Ronel Grundlingh te beskryf. Want in die 15 jaar sedert hulle hier ingetrek het, het hulle ’n hoofslaapkamer en suite en nog ’n slaapkamer aangebou, ’n oopplan-kombuis/eet/leefvertrek geskep, sitplek buite bygevoeg en ’n tuinwoonstel vir Ronel se ma gebou. “Een van die redes hoekom ons hierdie eiendom gekoop het, was die baie ruimte vir aanbou,” onthou Ronel, ’n tuisbly-ma. “Vir my was die groot, onberispelik versorgde tuin met ’n groot avokadoboom die trekpleister,” sê Dieter, eienaar van ’n bandewinkel. Met ’n groter wordende gesin moes bogenoemde vernuwings voorrang…

KATEGORIE: O, SO MOOI WIE WOON HIER? Andrew Goodwin en Carin Smith en hul “lucky packet”-hondekind, Thandi GROOTTE VAN STOEP 9m² WAAR Observatory, Kaapstad Hul skeppende siele is gereeld op soek na nuwe projekte. En wat is beter as ’n skoon skilderdoek om na hartelus te maak nes hulle smaak? Die argitek Andrew Goodwin en sy vrou, Carin Smith, ’n ontwerphoof en stilis, se monde het begin water toe hulle drie jaar gelede die voorhek oopstoot van hul nuwe (ou) blyplek wat Carin die “witboks-bungalow’’ noem. Die lus om nuwe planne te bedink, hande vuil te maak en mooi te maak was groot nadat hulle hul vorige huis tydens die pandemie ontgroei het – daar was in elk geval niks meer oor om te verfraai nie. “Die huis was en…

KATEGORIE: SELF GEDOEN DIE EIENAAR Bernie Diedericks WAAR Villiersdorp, Wes-Kaap GROOTTE 240 m² (stoepe ingesluit) Lees oor Bernie se vorige projek op netwerk24.com. Bernie Diedericks se huis in Villiersdorp vertel van hierdie opknapper van formaat se liefde vir ou huise vol stories, versamelstukke en eenvoud. Dis hoe ons hom ken, dis immers nie die eerste projek van Bernie wat ons wys nie – sy vorige projek, “’n Man met ’n plan” (Tuis, Junie 2020), het ons reeds omgeboul en hierdie een – sy nuutste – wys opnuut sy fyn oog en aanvoeling om dit wat ander as afgeleef beskou, mooi, funksioneel en leefbaar te maak. Bernie se styl is eiesoortig en eklekties, maar het ook kontemporêre elemente wat die huis se geskiedenis en ou karakter na vore bring. Dit wys iets…

WIE WOON HIER? Darryn en Elize van der Walt en hul seun, Elliott (20 maande) WAAR Kaapstad Die badkamer voel nou twee keer so groot soos tevore. – Darryn Met die geboorte van hul seun, Elliott, in 2022, het Darryn en Elize gou besef hulle sou hul klein stortkamer moet opgradeer en ’n bad insit, wat veiliger vir die kleinding sou wees as die stort. “Ons het verskillende uitlegte oorweeg om ’n stort en bad in dieselfde ruimte in te pas,” verduidelik Darryn. Behalwe dat daar geen bad was nie, het die dekor, met verskillende tipes wit teëls teen die mure en op die vloer, ook gesmeek om vernuwing. “ ’n Soliede muur tussen die toilet en die stort het laasgenoemde donker gemaak; daar was ook ’n lastige trappie. Maar…

WIE WOON HIER? Yolandi en Ian Dippenaar WAAR Paarl Slim planne! • Die mengkraan is by die ingang van die stort geplaas, pleks van direk onder die stortkop, sodat jy nie dadelik nat word wanneer jy die kraan oopdraai nie. • ’n Nis in die stortmuur hou toiletware byderhand en lyk netjies. Toe Ian en Yolandi hul huis in die mooie Paarl in die Boland gekoop het, was hulle deeglik bewus dat daar vir hulle ’n algehele vernuwing voorlê. Hulle het begin deur enkele binnemure uit te breek met die doel om die vloei deur die huis te verbeter, en toe die hoofbadkamer en aparte toilet opgeknap. “Behalwe dat die badkamer en toilet oudmodies was, met oranjerooi patroonteëls, was die uitleg ook onprakties en die ruimte nie ten beste benut…

WIE WOON HIER? Graham en Danielle Weakley en hul dogters, Sienna (18) en Pia (15) WAAR Kaapstad Ná die eerste sowat agt jaar in hul huis het Danielle en Graham uiteindelik die moed bymekaargeskraap om ’n badkameropknap aan te pak. “Dit het nog altyd na ’n taamlik intimiderende stap gelyk, daarom het ons dit aanhou uitstel,” sê Danielle. “Ons het besluit om die kleiner gastetoilet met ’n stort eerste op te knap; dan sou ons darem toegang hê tot ’n funksionele badkamer terwyl ons die gesinsbadkamer van bo tot onder vernuwe.” Danielle, Graham en hul twee tienerdogters deel die gesinsbadkamer. “Daar was te veel elemente in die vertrek wat nie ten volle benut is nie en die vertrek nog kleiner laat voel het,” verduidelik Danielle. “Als was oud en afgeleef.…

WIE WOON HIER? Andrew en Debra Maritz WAAR Mowbray, Kaapstad Wat oorspronklik deel was van die voorstoep by ’n bekoorlike Victoriaanse huis in Kaapstad se suidelike voorstede, is omskep in ’n sjiek badkamer met skoon lyne en kontemporêre afwerking. Hoe dit vandag lyk, is die resultaat van ’n projek wat reeds in 2010 begin het … “Ons woon al sedert 2004 hier en het die stortvertrek ingerig toe ons die stoep toegebou en die voordeur geskuif het,” verduidelik Andrew, Tuis se ontwerpredakteur. Die Maritze het destyds ’n betonblad gegiet om die oorspronklike vloer te vervang, terwyl die venster en latei wat moes plek maak vir die nuwe voordeur, weer nut in die badkamer gekry het. Nog ’n venster is geïnstalleer, asook die nodige loodgieterspype en sanitêre ware. Als goed en wel…

WIE WOON HIER? Charles en Candice Nortje WAAR Knysna “Die oorspronklike badkamer was vaal en vervelig – ons het dit die ‘50 Shades of Beige’-badkamer genoem!” spot Candice, ’n vorige wenner van ons Rookie Stylist-kompetisie in vennootskap met Mr Price Home. “Hier was donker houtwerk, weinig natuurlike lig en outydse bouersgraad-toebehore. Wat ek my voorgestel het, was ’n vredige spa-tipe ruimte wat ná ’n bedrywige dag as ’n toevlug kon dien – perfek vir bederf en ontspan. My mikpunt was om balans te skep tussen funksie, estetika en aandag aan detail.” Die Nortje’s het in 2022 na Thesen-eiland verhuis en hul nuwe blyplek met sy oudmodiese afwerking, veral in die kombuis en badkamer, van voor tot agter vernuwe. “Vir die badkamer het ek ’n dromerige palet van mistige gryse, seeskuim-groen…

WIE WOON HIER? Charles en Candice Nortje WAAR Knysna Candice Nortje was die wenner van ons Rookie Stylist-kompetisie in vennootskap met Mr Price Home in 2020. Kyk hoe haar vorige huis gelyk het by netwerk24.com/tuis. Met Candice en Charles se verhuising aan die begin van 2022 van Kaapstad na Thesen-eiland in Knysna, het hul nuwe tuiste nie die kalm en ontspanne stemming van ’n “eilandbestaan” weerspieël nie. “Al is ons nuwe huis lieflik geleë, reg teen die water, was die afronding en toebehore bietjie outyds,” sê Candice. “Veral die kombuis was nogal neerdrukkend met grys mure, donker granietblaaie en beige teëls net waar jy kyk. Dit was ’n vaal, futlose ruimte met proporsies wat nie by die skaal van die res van die huis gepas het nie. Die ontwerp was…

WIE WOON HIER? Sue en Jerome Putter WAAR Walmer, Gqeberha Jerome en Sue was dol oor hul ou plaaskombuis met sy oorspronklike vuurherd en antieke tafel en stoele in die kothuisstyl. Tog was hulle reeds vandat hulle 33 jaar gelede hier ingetrek het, van plan om dit eendag te vernuwe. Met die hulp van hul argitek-dogter, Donné Putter van Space + Field, het hulle vandag ’n vars en byderwetse landelike ruimte wat hulde bring aan die eiendom se geskiedenis as een van die oorspronklike plaashuise in dié deel van die stad. “Elke oggend as ek by my nuwe kombuis instap, waardeer ek watter lieflike plek Donné hier geskep het,” sê Sue. “Sy het ’n spesiale talent om ongemaklike klein ruimtes in pragtige, praktiese vertrekke te omtower. Ons nuwe kombuis is…

WIE WOON HIER? Willemien Krüger WAAR Bloemfontein As interieurontwerper en -argitek gebruik Willemien Krüger van Niche Design Studio gewoonlik nie baie kleur in haar eie huis nie – juis omdat sy ’n kalm en ontspanne ruimte verkies vir asem skep tussen projekte. “Maar wit was net te skoon vir my plaaskind-hart en al die ‘skakerings van grys’ het my verveel,” vertel Willemien met ’n knipoog. “Toe probeer ek ’n nuwe groenerige kleur, en die resultaat is fantasties! Omdat dit byna neutraal is, skep dit baie dieselfde gevoel as grys, maar sonder om vervelig te wees.” Willemien het groot verwagtings vir haar kombuis gehad: Dit moes nie te klinies wees nie en daar moes genoeg aandag aan detail wees. Terselfdertyd wou sy nie hê dit moet die fokuspunt in hierdie oopplanruimte…

WIE WOON HIER? Sally en André Cronjé WAAR Vishoek Ek is mal oor hoe die sierlike mideeuse venster teen die swart muur afsteek as huldeblyk aan ons huis se argitektuur. – Sally Ons geniet hierdie ordelike lekkerleefruimte met sy lieflike namiddagson. – André Die skeepsuitleg van die Cronjé’s se kombuis aan die agterkant van hul huis het beteken dit sou nooit juis maklik wees om te vernuwe nie, veral omdat strukturele veranderinge buite die kwessie was. “Dit moes die oorspronklike stoep gewees het toe die huis in 1945 gebou is,” verduidelik Sally. “Dit was ’n ongemaklike ruimte, lank en smal, en daar was nie veel plek vir ’n ys-en ’n vrieskas nie!” “Die ouderdom van die huis, sy erfenis, en omdat ons nie wou oorkapitaliseer nie, het ons laat besluit…

“As jy ’n stelling sonder moeite in ’n ruimte wil maak, kies swart mure of dekoraksente,” sê Palesa Ramaisa, kleurkenner by Dulux. “Swart bly gewild, en elemente soos mat swart mengkrane kry al hoe meer aftrek.” Hier is haar topwenke: • Dit is maklik om swart in enige ruimte te gebruik. Dit skep dadelik atmosfeer en ’n element van sofistikasie; dit skakel ook goed in by verskeie ander kleure. • Maak seker dat daar genoeg natuurlike lig by die vertrek inkom. • Mense dink maklik “swart is swart”, maar die kleur het talle ondertone. Afhangende van die vertrek en hoeveel natuurlike lig dit kry, kan jy ’n inkblou-swart soos Dulux Newspaper Ink probeeer. Dié skakering bring ’n verrassingselement mee en kan ’n eenvoudige ruimte omskep in ’n treffende binne-óf buite-area.…

Dit is taamlik maklik om houtstroke in die Shaker-styl op bestaande kasdeure aan te bring. Tuis se selfdoenghoeroe, Deon de Goede, vertel hoe jy dit eiehandig kan doen: • Haal die deurhandvatsels af en vul die skroefgate met houtvuller. • Meet die lengte van die deure en saag die nodige aantal stroke daarvolgens. Ek sal jou aanraai om 10 x 44mm-dennehoutplanke te gebruik. • Heg die vertikale planke aan die deure met Alcolin Acrylic Sealant as kleefmiddel en skiet dit dan stewig vas met ’n druklug-spykergeweer en paneelspykers. • Sodra die vertikale stroke vas is, meet en saag die horisontale planke – doen dit een vir een en maak deurgaans seker van die mate. Heg die boonste en onderste planke netjies met dieselfde middel soos hierbo. By hoë deure, waar…

San-Maré van Zyl en haar lewensmaat Garth Pennacchini woon op Paternoster en pendel stad toe. Hul nuut geboude huis het ’n Mediterreense gevoel. “Toe die huis klaar gebou en alles wit geverf is, het ek eendag so gestaan en kyk, en gedink: iets kort,” vertel sy. “Daar en dan het ek die bouer gevra om vir ons ’n boogvormige nis te bou en water aan te lê vir ’n buitestort.” Die inspirasie vir die gekleurde teëls en koperkraan het eers later gekom. “My oorspronklike idee was ’n kombinasie van blou en wit, maar toe ontdek ek De Kleipot op Facebook; die eienaar, Petro van Zyl, het gehelp om die patroon en kleure te vervolmaak.” Die geelkoperkrane en -stortkop is nou al vaal en groen aangeslaan van die seelug. “Nes ek…

KATEGORIE: O, SO MOOI WIE WOON HIER? Tarien en Pierre Engelbrecht WAAR Lynnwood Manor, Pretoria GROOTTE 150 m² Sy was aanvanklik skepties oor die ou, donker huis in Pretoria, en het taamlik halfhartig gaan kyk. Maar Tarien Engelbrecht was skaars in die voorportaal, toe weet sy al: “Hier gaan ek bly.” Vir haar man, Pierre, het sy dadelik gesê: “Ek hoef nie verder te kyk nie, hierdie is ons huis.” Dié kunsjuffrou het visioene gehad van kleur en lig, ruim vertrekke wat oopmaak na die tuin en die Mediterreense sjarme van ’n fonteintjie in die binnehof. Sy was veral verlief op die huis se tradisionele Spaanse boustyl met sy afgewitte bakstene. “Ons wou dié styl behou,’’ vertel sy. Dat die huis duidelik uit die sewentigerjare dateer, het hulle nie afgeskrik nie.…

Wat was jul grootste uitgawe en hoekom? “Die kombuis, wat ons grootste prioriteit was,” sê Tarien. “Dis heeltemal herontwerp en doelgemaak vir die ruimte. Ons is baie lief vir kosmaak, en wou ’n funksionele kombuis hê wat perfek volgens ons behoeftes is. Dis die hart van ons huis.” Wat was julle grootste besparing? “Dit was ’n groot besparing op ’n duur idee: Ons wou blokkiesvloere hê en was gelukkig genoeg om tweedehandse blokkies goedkoop te kry by mense wat dit by hul huis uitgehaal het.” Wat was jul grootste fout, of wat sal julle volgende keer anders doen? “Ons het nie dadelik die terrazzo-vloer in die badkamer verseël ná dit gelê is nie. Toe die blokkiesvloer in die hoofslaapkamer geskuur word, het die houtstof op die badkamer se vloer gaan…

Wat was jou grootste uitgawe en hoekom? “Die sonkamer se ou dak was ’n spul gelapte deursigtige dakplate, en moes heeltemal verwyder word. My bouspan moes nuwe dakbalke en sinkplate installeer. ’n Geweldige uitdaging van so ’n omvattende opknapprojek op Carnarvon is die afstand na groot sentrums. Wat kos dit, en hoe kry ek dit hier. Dís my grootste probleem.” Wat was jou grootste besparing? “Ek het rondgekyk vir die sementdele van ’n kaggel soos die een wat ons in die sitkamer gebou het, maar dit sou digby R30 000 gaan draai, en hoe sou ek dit op Carnarvon kry? Toe ek so ’n foto met my bouspan deel op ons WhatsApp-groep, het hulle dit perfek gebou, wat die koste afgebring het na die prys van ’n paar sakke sement,…

• Die trap hier is teen die agterkant van die huis gebou om ruimte ten beste te benut. Dit loop uit op die verste punt van die solder, wat ook beter vloei bo verseker het – as dit enige plek elders in die huis was, sou dit die algehele vloei belemmer het. • Op die soldervlak moes kopspasie bo die trap geskep word; daarom is van die muur-tot-muur-dakbalke korter gesaag en nuwe dwarsbalke so breed soos die trap bygevoeg. ’n Stutpaal is ingesit om die nuwe balke te ondersteun. • Sekere reëls en regulasies is van toepassing op die bou van ’n trap. Minimum-diepte vir treetjies is 250mm (280mm as dit oop is) en die hoogte van stygstukke minstens 200mm. Die trapbreedte is minstens 700mm. • Handrelings by trappe moet…

Toekomsplanne Elsje en haar ma het reeds ’n tweede berghuisie met sy eie warm bad voltooi – hulle noem dit Sink Shack omdat dit letterlik ’n sinkhuisie was voor hulle dit opgeknap het. Ma Elsje het ook verskeie wandelpaaie uitgelê en hulle is besig om ’n inligtingsboek saam te stel oor die unieke fauna en flora in die omgewing. Hulle het eers onlangs verneem van ’n verkleurmannetjie wat endemies aan die omgewing is en net snags te sien is.…

Wat was jul duurste verrassing en watter raad het julle vir ander? Loodgieters! Hulle het ons oorspronklik ’n bedrag gekwoteer en met verloop van tyd het daar gedurig ekstra klein kostes bygekom soos vir nog materiaal en ditjies en datjies wat ons deurentyd self moes aanskaf. My raad aan ander is dat iemand met kennis heeltyd op die bouterrein moet wees om seker te maak dit wat hulle doen, is reg en wérk! Na die tyd was daar foute en lekke wat veroorsaak het dat ons nie dadelik gaste kon ontvang nie. Boonop het al daardie ekstra aankope en foute baie duurder uitgewerk as waarvoor ons begroot het. Wat was julle beste oplossing vir ’n duur idee? Beslis die kombuis-en wasbakkassies en stortmuurtjies wat ons self gebou het. Dit lyk…

Conor O’Sullivan, direkteur by die internet-onderneming Orca Technologies, verduidelik hoe jy draadlose internetverbinding op die platteland kan bekom: • Indien daar nie veselkabels in jou omgewing is nie, moet jy ’n draadlose internet-diensverskaffer (“WISP”) nader. Hulle sal dan ’n groot kommersiële veselkonneksie in ’n stad of dorp kies en draadloos versend na ’n spesiaal geboude toring op ’n hoë punt, byvoorbeeld ’n berg of ’n heuwel, van waar dit weer versend word na waar die kliënt dit verlang. • Die huis sal draadloos met die toring verbind, baie soos jou selfoon met byvoorbeeld ’n Vodacom-toring. Die grootste verskil is dat die draadlose verbinding op ’n bepaalde ligging ingestel is, wat beteken dit beweeg nie rond nie. Die voordeel hiervan is dat die spoed en stabiliteit van die verbinding baie sterker…

Wat was jul duurste verrassing, en watter raad het julle vir ander opknappers? Om van die vogtigheid ontslae te raak! Ons het gedink ons kan net die vloer vervang, maar die loodgieterswerk was in so ’n skokkende toestand dat ons dit eers moes herstel en daarna waterdig maak. As jy klammigheid vermoed, soek die bron daarvan. Moenie kortpaaie vat nie, want dit gaan jou op die lang duur net meer kos. Waarmee het julle die meeste bespaar? Die gebruik van melamien in die kombuis. Ons wou oorspronklik hout-werkblaaie en saliegroen kaste gehad het, maar die verf en hout sou te veel kos; daarom het ons melamien vir alles gekies. Wat sal julle volgende keer anders doen? Ek sal ’n vullisstortbak huur en voorbereid wees vir die pyn om al die…

“Die tendens om in kleiner ruimtes te woon kom van ’n pragmatiese benadering tot huise. Mense is ook meer bewus van die impak wat ‘groot leef’ op die omgewing het,” sê die onafhanklike tendensvoorspeller-en-skrywer Chris Reid. “Die ekonomiese werklikheid is dat millenniër-huiseienaars meer met minder moet uitrig weens stygende lewenskoste. Sommige kies om langer alleen te woon, en moet daarom hulle begroting dienooreekomstig aanpas. Aan die ander kant gee ouer huiseienaars ruimte prys in ruil vir laer instandhoudingskoste sodat hulle hul geld eerder aan ervarings en reise kan bestee. “Ons het die ideaal van kleiner leef aanvanklik moontlik te ver gevoer en meer in sulke plekkies probeer inpak as wat regtig moontlik was. Maar namate die mikrohuisie-trend sy wasdom bereik het, het die beplanning van klein ruimtes meer realisties geraak.”…

Wat was julle duurste verrassing? Beslis die kwotasie vir die trap. Dit het ons laat besluit om dit sommer self te sweis en te bou teen ’n fraksie van die prys. Waarmee het julle die meeste bespaar? Om dieselfde fondament en buitemure te behou het die bouwerk vergemaklik en die koste laag gehou. Ook om ’n muur met die hoofhuis te deel. Wat sal julle volgende keer anders doen? Hoewel die drie vensters onder die dak argitektonies treffend is en lig inlaat, kan ’n mens van die straat af tot in die slaapkamer sien. Daarom moes ons agterna spesiale rolblindings laat maak. Ons moes dalk aan ander oplossings vir die vensters gedink het.…

Charles Groenewald van Multifire Fireplace Specialists in Centurion het die volgende raad vir die ontwerp van ’n binnebraai: • As jy plek beplan vir ’n roosterrak en potjiehaak, moet die oppervlak naastenby so hoog soos enige werkblad wees (sowat 900 mm). Dit gee jou toegang sonder dat jy hoef te buk en sodat jy dinge daar kan neersit en afhaal sonder spanning op jou rug. • Die aanbevole diepte vir ’n binnebraaikaggel is sowat 500-600 mm, wat genoeg braairuimte en plek vir groter potte bied. Vir doeltreffende ventilasie en om rook te onttrek moet die opening liefs nie hoër as 800mm wees nie. • Die skoorsteen of rookpyp se wydte moet eweredig wees met die opening van die braaikaggel om te keer dat rook die vertrek vul. Die algemene reël…

Wat was jou duurste verrassing en wat sal jy ander huiseienaars aanraai om te vermy? Die badkamers en die opwasarea en waskamer het baie duurder gekos as wat ek aanvanklik beplan het. Met loodgieterswerk is daar altyd verskuilde koste wat nie dadelik ooglopend is nie. Begroot altyd ekstra vir hierdie areas. Wat was jou grootste kostebesparingsidee? ’n Mens moet met die beste kontrakteurs moontlik werk. Dit help nie jy gebruik goedkoper kontrakteurs en die werk moet daarna oorgedoen word nie. Baie van die werk wat deur kontrakteurs begin is, het ek op die ou end self klaargemaak. Wat is een ding wat jy volgende keer anders sal doen en hoekom? Dalk moet ek ’n slag iets van nuuts af bou……

“Die gewoonte om ’n stort in jou huis te hê het eers in die 1960’s posgevat; voorheen was ’n lang warm bad een van die beste maniere om ná ’n bedrywige dag te ontspan,” vertel die binneontwerper Cailin Wandrag van Studio Cailin. “Met ons hedendaagse besige, gejaagde lewens is die klem op ’n stortruimte waar jy steeds kan ontspan, maar met al die luukses van hedendaagse stortontwerpe en -kenmerke.” Sy vertel hoe jy dit kan regkry: • Raamlose instapstorte bly baie gewild. Jy hoef nie meer in ’n beknopte hokkie of met ’n muwwe stortgordyn vir privaatheid te sukkel nie. Oop storte help dat ’n ruimte groter voel terwyl dit ook meer lig in die badkamer laat inkom. • Hoewel swart rame rondom die stortglas steeds aftrek kry, is daar…

Wat was jul grootste uitgawe en watter raad het julle vir ander huiseienaars? Sanitêre ware is duur, daarom is dit belangrik dat jy rondkyk vir die beste pryse. Besluit vooraf waarop jy bereid is om meer uit te gee, soos ’n interessante wasbakkas wat as fokuspunt kan dien. Wat was jul grootste besparing? ’n Mens hoef nie die duurste handelsmerke te koop as jy ’n droombadkamer wil skep nie. Ek wou al lankal ’n losstaande bad hê, maar die koste het my afgeskrik. Toe kom ek agter dat ’n handelaar se eie handelsmerk net so mooi sou lyk as dié met die groot name. Só het ons duisende rande gespaar! Is daar enigiets wat julle volgende keer anders sou doen? Hoewel ons grootliks tevrede is, kon ek meer aandag gegee…

Wat was vir julle die duurste verrassing en hoe het julle dit hanteer? Ons sou graag die waterpype wou skuif, maar dit sou baie meer kostedoeltreffend wees om met die bestaande uitleg te werk. Daarom het ons die nuwe voorkoms ontwerp volgens die oorspronklike aansluitingspunte. Wat was jul beste kopie? Die reuse-marmerteëls was ’n wenner. Hul grootte skep die illusie van meer ruimte. Wat sal julle volgende keer anders wou doen? Ek sal nie so lank uitstel nie! Die proses was glad nie so pynlik as wat ek verwag het nie – ek weet nie hoekom ek so lank ’n badkamer verduur het wat nóg prakties, nóg mooi was nie!…

“Wanneer ’n mens die spa-voorkoms wil skep, speel teëls ’n belangrike rol,” sê Eden Marais, inhoudskepper by Stiles. Kies teëls wat elegansie en sofistikasie uitstraal en daardeur ’n harmonieuse agtergrond vir jou persoonlike spa-ervaring bied. Sy stel die volgende voor: • Marmerteëls is ’n tydlose keuse waarmee jy ’n weelderige voorkoms kan skep. Hul natuurlike aarpatrone het ’n unieke skoonheid en visuele trefkrag. • Teëls wat soos natuurlike klip lyk, dra ’n aardse gevoel oor. Hul besonderse kleure en teksture skep diepte en ’n gevoel van oorvloed. • Kies teëls in ’n groot formaat vir ’n ruim en naatlose voorkoms. Dié teëls het papierdun voegbrylyne, wat jou badkamer skoon en gesofistikeerd sal laat lyk. • Sagte, neutrale kleure soos beige, room of liggrys kan ’n rustige atmosfeer skep. • Bring…

“ ’n Badkamer is waar jy jou dag begin nadat jy wakker geword het en die dag afsluit voor jy bed toe gaan; daarom is dit belangrik om die regte luim in dié vertrek te skep,” sê Wouter le Roux, interieurargitek by Hello Charlie Design. Hier volg ’n paar van sy voorstelle: PLAKPAPIER Bring gerus patroon en tekstuur in met plakpapier; maak net seker die basis is nie papier nie maar viniel, wat bestand is teen die vogtigheid en stoom. Waag met iets wat persoonlikheid uitbasuin vir besonderse trefkrag. PATROONTEËLS is altyd ’n goeie opsie as jy graag indruk in ’n badkamer wil maak – ook hier kan jy waaghalsig en kreatief wees. Omdat dit gewoonlik ’n klein ruimte is, sal ’n besige teël dadelik trefkrag hê. Een van ons…

Wat was jul duurste verrassing? Al onverwagte uitgawe wat ons ná die tyd gehad het, was om ’n spesiale UV-vinielfilter oor die daklig aan te bring wat die hitte en skerpte reguleer sonder om liggehalte in te boet. Eintlik moes ons die glas vooraf met die UV-film bedek het, maar die installasie agterna was nie moeilik nie en dit het dadelik die gewenste uitwerking gehad. Dit het darem ook nie ’n plaas se geld gekos nie. Wat is jul beste raad vir ander opknappers? Gebruik die internet! Baie van die dinge wat ons nodig gehad het, kon ek daar vind of deur Amazon koop (dalk nie meer so ’n goeie idee met die huidige wisselkoers nie). Pinterest, Instagram, TikTok en YouTube is elkeen ’n skatkis vol planne waarmee jy ontwerperstyl…

Wat was jul duurste verrassing? Ons het ’n yslike gat in die ou houtvloer onder een van die oorspronklike ingeboude kaste ontdek. Toe moes ons vinnig besluit of ons dit sou herstel, al die hout vervang of ’n nuwe betonblad giet. Dit sou ekstra onkoste meebring en die proses aansienlik vertraag, maar uiteindelik het ons besluit om die vloer met ’n nuwe betonblad en afwerking te vervang. Dié opsie het spesiale ventilasiepype na die hangvloer in aangrensende vertrekke genoodsaak vir vars lug. Dis raadsaam om ’n ekstra 10-15% by jou begroting te voeg vir onvoorsiene uitgawes, veral as jy aan ’n ouer gebou werk. Enige slim oplossing wat in die ruimte werk? Ons kasbouers het met die oulike idee vorendag gekom om tradisionele kuikendraad aan die voorkant van ons groentelaaie…

Wat was vir jou die duurste verrassing? Ons moes die elektriese verdeelbord skuif. Gelukkig kon ons dit net aan die ander kant van dieselfde muur in die motorhuis installeer, wat ’n effense besparing was aangesien die drade lank genoeg was om steeds daar by te kom. Dit was duur, maar tog die geld werd, omdat dié seeroog die hele ontwerp en uitleg sou bederf. Enige slim oplossings wat goed werk hier? Ek het patroonteëls teen die spatpaneel gebruik. Elkeen is 300 x 300mm groot, maar lyk soos vier kleiner teëls. Dit het installasie versnel en was goedkoper as mosaïekteëls. Die teëls is eerste gelê, waarna die boonste kaste daarbo geïnstalleer is. Gevolglik was dit nie nodig om enige teëls te sny sodat dit tussen die bo-en onderkaste kan pas nie.…

Wat was die duurste verrassing vir julle? Daar’s altyd verrassings in ’n ou huis! Ons moes enkele kragpunte skuif, nuwes insit en baie van die bedrading vernuwe, wat duur was! Enige slim planne wat goed werk in die ruimte? ’n Opwashoekie langs die kombuis is ons “enjinkamer”; hier is die skottelgoedwasser, wasmasjien, tuimeldroër en ’n smal besemkas. Twee bouersemmers dien as houers vir herwinning en wasgoed. André het self die sweefrakke vir die kombuis gemaak en geïnstalleer – hulle is vir ons baie mooi en het hulself al bewys as uiters duursaam. Is daar enigiets wat julle volgende keer anders sal doen? Ek sal dalk ’n ander spoelbak kies wat beter pas by die hoofwasbak in die opwasdeel, maar ons hou van die ronde vorm van die een wat ons…

WIE WOON HIER? Joe en Shaun Strydom-Oosthuizen WAAR Johannesburg Terwyl hy na teëls vir die gastebadkamer in hul nuwe huis gesoek het, het Shaun Strydom-Oosthuizen treffende smaraggroen metro-teëls raakgesien, en geweet dis presies wat die kombuis gekort het. Maar dit het heelwat oorreding gekos om Joe oor te haal. “Ja, ek was eers nie seker nie, maar ek het Shaun se visie vertrou!” sê Joe. “Ek het gehou van die idee van ons geelkoper-potkraan teen die smaraggroen teëls.” Die kombuis is sowat twee jaar voor hulle die huis gekoop het opgeknap en was in ’n goeie toestand, maar hulle wou ’n paar veranderinge maak voor hulle intrek. “Die grys kammahout-laminaat op die kasdeure pas nie regtig by ons estetika nie,” verduidelik Joe. “Daar was heelwat vermorste vloerspasie in die middel…

Wat was vir julle die duurste verrassing? Ons was verstom oor wat ’n afgevlakte vloer kos en hoeveel sement daarvoor nodig was. Ek sal mense aanraai om na alternatiewe te kyk, soos ’n afvlaklaag wat self gelyk lê en oor teëls aangewend kan word. Waarop het julle die meeste gespaar? Deur dit self te doen! Om nuwe Shaker-deure te laat maak en die ou laailopers te vervang sou omtrent net soveel soos ’n hele nuwe kombuis gekos het. Is daar enigiets wat julle volgende keer anders sal doen? Ons sal ons opwashoekie beter wegsteek.…

Verf is ’n maklike oplossing om aan ougoed nuwe lewe of aan nuwe hout kleur te gee. Siebert van der Spuy van SJ Designs het al die houtwerk in die Engelbrechts se huis met Duco gespuitverf. “Ek het Duco se mat verf laat meng in ’n kleur wat hulle van ’n gewone verfkleurkaart gekies het,” sê hy. “Die afgelope tien jaar gebruik ek net Duco.” Hy vertel hoekom: • Duco gee ’n gladde afwerking, verbleik nie en is uiters hard. • As motorverf is dit geredelik beskikbaar en dit kan in enige kleur gemeng word. • Dit lyk professioneel en enige skade daaraan kan maklik reggedokter word. • Dis maklik om skoon te hou. Hy glo al is dit duurder as ander verf, werk dit op die lang duur goedkoper…

KATEGORIE: VOLHOUBAARHEID WIE WOON HIER? Pieter Hoffman GROOTTE 163 m² WAAR Carnarvon, Noord-Kaap Riviere bruis briesendbruin en driffies wat gewoonlik droog is, dwing ons telkens tot stilstand toe ek en die fotograaf Greg Cox die grondpad vat van Beaufort-Wes se kant na Carnarvon. Teen die tyd dat die dorp se NG kerktoring vir ons die pad aanwys na Kerkstraat, tel ons ons seëninge. Die dorp lyk plek-plek bra hartseer, maar Kerkstraat is anders. Fier en regop wag Pieter Hoffman se vyf nagmaalhuisies met hulle betekenisvolle name ons in. Op linkerhand sien mens eerste vir Ouma Alie, dan Svenskbo (2022 se Regruk met Flair-wenner in die kategorie “O, so mooi”), en amper reg oorkant loer Miss Poley trots deur die boustof, waar Pieter se voltydse bouspan gestalte gee aan sy prentjies en…

Wat was jul duurste verrassing en watter raad het julle vir ander? Brandstof en vervoer om dinge teen die berg op te ry. En ’n kragopwekker vir wanneer jy elektrisiteit nodig het vir werk. Ons moes ook ’n masjiengraaf inkry om ’n gat vir die riool te grawe. Goeie beplanning is noodsaaklik Wat was julle beste oplossing vir ’n duur idee? Ons het besluit om gewone sementvloere te laat lê pleks van teëls. Dit maak maklik skoon en wys nie sommer vuilheid nie. Ons het ook klip uit die omgewing gebruik wat gepas het by die voorkoms van die huis – en dit was natuurlik verniet. Noem een ding wat julle volgende keer anders sal doen: Ek sal eerder nuwe vensters en deure koop, want die oues het baie werk…

KATEGORIE: SELF GEDOEN DIE EIENAARS Dirk Pieters en sy vrou, Cornelle Ellis WAAR Pinelands, Kaapstad GROOTTE 20m2 1972. Parktown, Johannesburg. Die tienjarige Dirk Pieters se ma laai hom af by ene mnr. De Wit, die werkswinkelbestuurder van die destydse Johannesburg-kinderhospitaal (nou die Nelson Mandela-kinderhospitaal) waar sy as verpleegkundige werk. Dié houtwerklesse sou oor die volgende twee jaar Dirk se Saterdagoggendroetine word en ’n saadjie plant vir die groot verskeidenheid selfdoenvaardighede soos sweis-en metaalwerk wat hy onder mnr. De Wit se wakende oog opgedoen het. 2020. Pinelands, Kaapstad. Toe die Covid-19-bom in Maart bars en die wêreld toeklap, het Dirk, ’n fotograaf, skielik baie tyd, en vingers wat jeuk. Hy volg al geruime tyd die mikrohuisbeweging en oorweeg dit om die tuinskuur – wat hy self gebou het – in ’n…

DIE TUINSKUUR Toe Dirk hierdie tuinskuur ’n paar jaar gelede gebou het, het hy bloot ’n “boks” van OSB-bord gemaak en dit op ’n houtraam gemonteer. “Ek kon dit in ’n mikrohuisie omskep deur bloot ’n tweede ‘boks’ by te voeg.” 4DE LAAG: SISALATION Die vierde laag in die mure is weerkaatsende Sisalation-foelie (regs van die skuifdeur bo), waarin die hele huisie toegedraai is vir puik isolering. VENSTERS EN DEURE Dirk het Kenzo-aluminiumdeure en -vensters van Swartland geïnstalleer. Die badkamer-(bo) en kombuisvenster het bokse van Nutec-veselsementpanele. DIE RAAMWERK Die skuur se struktuur was baie stewig; Dirk moes net ’n gedeelte aanbou om plek te maak vir ’n badkamer, ’n ingangsportaal en ’n groter slaapgedeelte. 5DE LAAG: PLEISTER Die pleisteraar Emidio Faustino het die mure gepleister met 3 mm-CreteStone wat hy…

“Volgens bouregulasies moet ’n hoogte van minstens 2,1 m tussen die vloer en die plafon van ’n tussenvlak gelaat word,” sê Drikus, wat sy eie tussenvlak gebou het. “Omdat die woonstel ’n skuins dak het, is die hoogte by een symuur laer as 2,1 m; daarom is die klerekaste asook die geiser in ’n toe kas hier geplaas.” Die badkamer se geboude muur dien as dramuur vir die vloer terwyl houtbalke van muur tot muur verdere steun verskaf. Hoewel ’n leertrap aanvanklik oorweeg is, voldoen dit nie aan bouregulasies nie en beperk dit ook jou huurmark – dink aan iemand wat nie maklik ’n leer na bo kan klim nie. ’n L-vormige trap was meer prakties en dit voldoen aan die regulasies. Relings bied ekstra veiligheid bo en by die…

Wat was jul duurste verrassing? Ons het glad nie verwag dat Dieter se aanvanklike berekenings vir die verhouding tussen kaggelopening en skoorsteenvolume die vertrek met rook sou laat vul elke keer as ons vuurmaak nie. Nadat ons navorsing gedoen en raad by vriende gekry het, het ons die opening effens kleiner gemaak deur ’n dwarslêer bo in te sit. Ons moes ook die skoorsteen langer maak en ’n draaikap bo-op sit (sien kennersraad oorkant). Wat was jul grootste besparing? Dit kan duur uitwerk om meubels vir so ’n ruimte te koop. Mens het mos ’n idee van wat jy wil hê, maar die winkelpryse is dikwels bo jou begroting. Ons werk gewoonlik spaarsamig en baie van ons vondste kom van kattebakverkopings, tweedehandswinkels en sosialemedia-groepe soos Facebook Marketplace. Ons kon ook…

Kleistene van verskillende groottes het die afgelope paar jaar weer gewild geword. Julian de la Hunt van Claytile vertel meer oor dié boumateriaal en hoe dit gebruik word: Klompiestene is ’n tradisionele soort kleibaksteen wat glad nie met afvalmateriaal gemeng word nie. Hierdie stene word gemaak van verskillende soorte klei wat in plaaslike grond voorkom. Dit word dan met water gemeng, in die verlangde vorm uitgedruk en gelos om droog te word, of dit word in oonde gebak tot hard. Wat kenmerkend is van hierdie stene is hul oneffe, rustieke voorkoms vanweë die feit dat dit met die hand gevorm of uitgedruk word en die klei gebak word sonder moderne vervaardigingstegnieke. Die stene word dikwels gebruik in die bewaring en herstel van historiese strukture, veral ou Kaaps-Hollandse huise. Hul duursaamheid…

Bernie het regdeur sy huis geverfde vloere – hy wou ’n skoon skilderdoek vir sy meubels en versamelstukke en ’n galerygevoel skep. Die verf van houtvloere is ’n vinnige en praktiese manier om ou houtvloere ’n nuwe, moderne voorkoms te gee. Dis boonop kostedoeltreffend, vinnig, prakties en werk in enige dekorstyl. Karin Cronjé van Hands On Creative Building & Management gee raad: • Die voorbereiding is belangrik. Die oppervlak moet deeglik met industriële masjiene afgeskuur word om dit egalig te maak voordat verf aangewend word. • Die soort houtvloer speel ’n rol. ’n Soliede houtvloer kan vyf tot ses keer afgeskuur en geverf word. Gelamineerde houtvloere kan twee tot drie keer geskuur word voor vervanging nodig is, afhangende van die dikte van die laminering – ’n gelamineerde vloer met ’n…

Wat was jul duurste verrassing en wat sou jy ander huiseienaars aanraai? Ons moes ’n onverwagte dakinstallasie laat doen as gevolg van ’n lekplek, maar het uiteindelik tog onder ons begroting uitgekom omdat ons ander items teen billike pryse kon kry. Ons beste raad is dat huiseienaars baie deeglik begroot! Wat was jul grootste besparing? Die bad was uiteindelik die groot artikel wat die minste gekos het. Ons het die pryse van baie handelaars vergelyk en ’n slag geslaan met aanlyn kopies by Leroy Merlin. Selfs ná die afleweringskoste van Johannesburg af was dit minder as die helfte van waarvoor ons begroot het: Ons het verwag om R12 000 te betaal, en uiteindelik was dit sowat R6 000. Is daar enigiets wat julle volgende keer anders sou doen? My vrou,…

“In ons bedrywige lewens is ’n huis met ’n natuurlike voorkoms hemel op aarde, jou eie klein kalm toevlug,” sê Melanie Ewing van Chapters Interiors, namens Italtile. “Daar’s verskeie voorkomste wat as natuurlik bestempel word, soos die kontrei-styl met sy plaashuissjarme, die rustieke styl met rou afwerkings, kusstyl met ’n strandhuisvoorkoms, asook Skandi, wat ’n strelende, organiese gevoel oordra. Al dié style bring ’n sensasie van welbehae en welstand mee.” Die volgende elemente sal daartoe bydra: • Hout, klip en natuurlike geweefde tekstiele soos linne, goiing en wol vul ’n vertrek met organiese tekstuur en ’n natuurlike warmte wat geen sintetiese stof soos plastiek kan doen nie. • Natuurlike lig, en baie daarvan! • Bring groenigheid in met ’n verskeidenheid huisplante. • Voeg heerlike aromas by met behulp van geurverspreiders.…

“Wasbakke bo-op ’n blad is gewild weens die talle stylvolle ontwerpe en groottes waarin dit te kry is; dit gee ’n tikkie sofistikasie aan ’n badkamer,” sê Maryka Holliday van Victoria + Albert SA. Sy deel haar top-wenke: • Die gewildste en mees praktiese grootte is 55 cm lank, verkieslik saam met nog een langsaan in ’n “syne-en-hare”-opset. Indien dit op ’n sweefkas geïnstalleer is, het jy meer vloerspasie asook bêreplek. • In ’n gastetoilet of -badkamer vorm ’n 48 cm-wasbak op ’n sweefrak ’n klein dog sterk fokuspunt wat weer eens bêreplek en ekstra vloerspasie skep. • Mat swart is steeds ’n gewilde kleur in ’n badkamer, maar ons sien al hoe meer dat helder kleure hul weg na hierdie ruimtes vind. • Wanneer jy ’n wasbak uitsoek, dink…

Het julle enige onvoorsiene probleme ondervind? Ná die opknap het ons besluit om die hele gang deur die res van die huis ook te bedek met dieselfde teëls as in die stortvertrek. Ongelukkig was dit uit voorraad, daarom moes ons tevrede wees met iets soortgelyks, maar effens groter. Dit het die teëlproses bemoeilik waar die gang by die stortvertrek aansluit, maar ons teëlaar kon die deel waar die verskillende teëls nie in lyn is nie, netjies verbloem. Enige raad om binne ’n begroting te bly? Herwin, hergebruik en kyk uit vir winskopies. Ons het die oorspronklike stoepvensterrame gebruik om ’n kosyn te maak vir die deure wat ons tweedehands gekoop het; en ons het die stortglas so te sê verniet op Gumtree gekry. Hou ’n oog oor die opknapproses; die…

Wat was jul grootste uitgawe en watter raad het julle vir ander huiseienaars? Deeglike navorsing en beplanning rondom elke detail, tesame met begrotingvriendelike aankope, het gehelp dat ons duur verrassings kon vermy. Wat was jul grootste besparing? Beslis Nutec-veselsementplanke pleks van hout vir die paneelwerk! Omdat dit waterdig en mufbestand is, was dit die ideale materiaal vir paneelwerk in die badkamer, veral omdat ons dit ook in die stortdeel gebruik het. Ons het dit met antimikrobiese verf (UniShield van Universal Paints) geverf om skimmel te beperk – iets wat maklik in ’n omgewing met hoë humiditeit kan voorkom. Ter wille van ’n samehangende geheel het ons die paneelwerk ook in die alkoof bo die bad herhaal. Is daar enigiets wat julle volgende keer anders sal doen? Ek sal die ingang…

In die meeste gevalle word ’n daklig ontwerp as ’n funksionele argitektoniese element wat meer natuurlike lig in ’n ruimte bring, sê die argitek Laura-Anne Fox van CMAI Architects. So ’n daklig bied ook ’n visuele skakel met die buite-omgewing, wat andersins beperk sou wees. • In Suid-Afrika moet geboue voldoen aan nasionale standaarde met bepaalde vereistes vir dinge soos verhitting weens die son wat deur openinge – insluitend ’n daklig – by ’n gebou in-of uitkom. Kry liefs professionele leiding deur so ’n proses. • Dit was redelik eenvoudig om die daklig in Candice se huis te installeer: Ons het die dakbedekking oor hierdie deel van die kombuis verwyder en nuwe hout-dakkappe met ’n kleiner helling ingesit; ’n stuk glas is toe bo-oor geplaas. In wese het ons ’n…

Die argitek Donné Putter van Space + Field deel haar topwenke oor wat jy in gedagte moet hou wanneer jy ’n kombuisopknap aanpak: • Put inspirasie uit mooigoed wat reeds in jou ruimte is. Identifiseer waarvan jy hou en oorweeg maniere om dit by jou opknap in te sluit. In dié kombuis was die oorspronklike herd en skuifvensters beslissend vir die uitleg, terwyl ’n mooi keramiekversameling, antieke meubels en koperelemente die styl bepaal het. • Laat lei jou deur jou gesin se gewoontes. Dink aan wie die ruimte gaan gebruik, hoe hulle hul tyd daar spandeer en wat vir hulle van waarde is. Sue en Jerome eet elke aandete by die tafel en maak graag saam kos. Die ontwerp moes dus prakties wees, met genoeg plek vir kosbereiding, asook mooi…

“Jy gaan waarskynlik net een keer in jou lewe ’n kombuis opknap – maak dus seker dit is tydloos,” sê die argitek en binne-ontwerper Willemien Krüger. • Wit werkblaaie is pragtig, maar kerrie en rooiwyn kan dit vlek. As jy baie tyd in die kombuis deurbring, vermy kleure wat te lig is. • Moenie al die mure met kaste bedek nie – laat die ruimte asemhaal. • Sorg vir voldoende ventilasie terwyl jy kosmaak sodat dit nie lyk asof die huis aan die brand is nie! • Vermy glas-hangligte bo die stoof. Weens die stoom wat opstyg sal jy elke dag die glas moet skoonmaak! KONTAK nicheds.co.za…