Sommaire pour Weg Botswana kaartgids 2020 de Weg!

Dis dalk ’n vreemde vraag, maar kom ons vra dit: Watter deel van Suid-Afrika is die mééste soos Botswana? Nee, gits, ’n Okavangodelta het ons nie, dis vir seker, en al is die Krugerwildtuin vol van dieselfde diere het ons eenvoudig nêrens waar ons op ’n boot kan sit en grootwild kyk soos die Choberivier nie. Maar as die coronavirus in 2021 ’n stok in die speke van jou Botswana-planne bly steek, waarheen sou jy wyk vir ’n smakie van iets soortgelyks? Teen die Limpoporivier is ’n goeie plek, want daar voel jy darem die teenwoordigheid van ’n ordentlike Afrika-rivier, en jy kry enorme oewerbome soos jakkalsbessies waaronder jy kan kamp. Enige plek in die Limpopoprovinsie met ’n kremetartboom begin ook nogal op Botswana trek… Ons ander provinsies wat teen…

In Januarie 2019 vertrek ons uit Kaapstad op ’n ses maande lange reis deur Suider-Afrika. Die sakewêreld waarin ons ons jare lank begewe het, het in die truspieëltjie van ons Landie vervaag. Ek is ’n digitale bemarker en my man, Joubert, ’n siviele ingenieur. Ons wou ’n slag die reset-knoppie druk en ons kon aan geen beter plek dink as die Kgalagadioorgrenspark om dié nuwe hoofstuk in ons lewe te begin nie. Ons het 28 dae in die park bespreek: Twee weke aan die SA-kant, en twee aan die wilder Botswana-kant – waar ons nog nooit voorheen was nie. Van Kaapstad af ry ons eers na die Sederberg, waar ons oornag, en daarna na Upington. Op dag drie bereik ons Twee Rivieren. Daar is onmiddellik ’n gevoel van vryheid in…

DIE GROOT TREKPLEISTERS Chobe-nasionale park, Moremi-wildreservaat, Okavangodelta, Okavangopypsteel, Tsodilo-koppies en Nxaipan-nasionale park PROMINENTE DORPE Kasane, Maun, Shakawe, Sehithwa en Pandamatenga NOORD-BOTSWANA BESLAAN DIE VOLGENDE AMPTELIKE DISTRIKTE Ngamiland en Chobe In Noord-Botswana is jy nooit ver van ’n wilde dier af nie. Die Chobe-nasionale park en Moremi-wildreservaat is nie omhein nie, daarom kan jy maklik ’n olifant iewers op die la-a-a-ang teerpad tussen Kasane en Nata teëkom. Die res van Botswana is gewoonlik droog, maar in die noorde sorg twee standhoudende riviere – die Okavango en die Chobe – dat die ekostelsel die hele jaar gevoed word met kosbare water wat habitat aan seekoeie, krokodille en waterwildsbokke soos lechwe verskaf. Wees altyd lugtig vir krokodille rondom oop water in Botswana – hou veral jou kinders weg van rivieroewers. Die noorde se…

OKAVANGOPYPSTEEL Dis maklik bereikbaar synde ’n (vrotterige) teerpad verby al dié plekke loop. Die pypsteel is die bekostigbaarste plek (maar jy’ t ook luukse opsies) waar jy ’n proesel van die Okavango kan kry. 62 Xaro Lodge Hierdie luukse tentlodge is naby Shakawe, en ’n puik voëlkykbestemming. Pryse begin by US$305 (R5 031) per nag (2 mense), met ontbyt. Jy word per boot soontoe geneem. 00 267 72 807 476; xaro-lodge.com 63 Shakawe River Lodge Hierdie gewilde lodge en kampplek is naby die dorpie Shakawe. Omdat die kampterrein op die oewer van die rivier is, is daar ’n draad tussen jou en die water om seekoeie en krokodille uit te hou. Stroomop is 10 chalets in die oewerwoud. Die lodge bied bootvaarte (P360 / R520 per uur, brandstofkoste uitgesluit) aan…

Mosi oa Tunya het in 2020 beslis sy naam gestand gedoen. In Meimaand was die Zambesi in vloed en die “waterrook” van Victoriawaterval inderdaad donderend. Volgens die Zambesi River Authority was die watervlak 281% meer in vergelyking met die vorige jaar (4 153 m³/sek. op 15 Mei 2020 teenoor 1 089 m³/sek. op 15 Mei 2019). Dis algemeen dat die water aan die Zambiese kant min raak gedurende die jaarlikse siklus. Maar moenie daai mense op Facebook glo wat sê die waterval het “opgedroog” nie. Die waterval is 1 700 m breed; dus terwyl die Zambiese kant net ’n dun straaltjie het in die droë seisoen, is daar altyd hope water aan die Zim-kant. Van sy oorsprong af tot hier is die Zambesi ’n gematigde rivier, maar wanneer dit in…

NOORD-KAAP Middelputs-en McCarthysrusgrenspos, noordwes van Kuruman, is albei klein en maklik om deur te glip. Indien jy Botswana wil binnegaan deur die Kgalagadi-oorgrenspark moet jy die Two Rivers-grenspos by Twee Rivieren gebruik. 1 Cullinan-gasteplaas Dis langs die R380, 17 km van die McCarthysrus-grenspos af. Drie staanplekke met krag: R120 p.p.p.n. Hier is vier netjiese chalets (R300 p.p.p.n.) met plek vir altesame 10 mense. Die chalets deel ’n gemeenskaplike kombuis en kuierplek, asook ’n badkamer. Sakke met hout te koop vir R50. GPS S26.33888 E22.61430 082 491 6432 (Wilma-lé); “Cullinan Guest Farm” op Facebook 2 Vanzylsrushotel Dis sowat 40 km van die Middelputs-grenspos af. ’n Netjiese plek met groot kamers en ’n goeie restaurant. Kamers kos vanaf R590 p.p. wat deel, met ontbyt (of R490 sonder ontbyt). Skoolkinders tot matriek: R200…

DIE GROOT TREKPLEISTERS Tuliblok, Khama Rhino Sanctuary, Makgadikgadipanne-nasionale park, Kubu-eiland, Botetirivier, Sentraal-Kalahari-wildreservaat, Khutsewildreservaat en gasteplase in die Ghanzi-distrik PROMINENTE DORPE Serowe, Palapye, Francistown, Letlhakane, Nata, Gweta en Ghanzi SENTRAAL-BOTSWANA BESLAAN DIE VOLGENDE AMPTELIKE DISTRIKTE Sentraal, Noordoos en Ghanzi In Sentraal-Botswana begin die horisonne behóórlik wyd lê: Die Makgadikgadipanne is een van die land se besonderse plekke. Die panne strek vir byna 200 km van oos na wes, en 100 km van noord na suid. Groot dele daarvan is ontoeganklik, behalwe vir 4x4’s, en verkieslik met die begeleiding van ’n ervare gids. Die oostelike deel van die pannelandskap staan bekend as Suapan, en naby Nata kan jy maklik ry tot teen die rand van Sua-pan by die Nata Bird Sanctuary. Nata is ’n gewilde oornagplek op ’n vakansie na die noorde…

Jy het waarskynlik ook al gedagdroom wanneer jy iewers in die natuur op vakansie is. “Hoekom kan ek nie ook permanent kakie dra en in die bos werk nie? Dit kan mos nie só moeilik wees om ’n lodge te bestuur of om toeriste rond te ry en leeus te soek nie?” My gunstelingbosfantasie is om ’n navorser te word. Dalk kan ek luiperds bestudeer, en hulle elke dag in die veld agtervolg met een van daai antennatjies. Of dalk kan ek fokus op iets meer obskuurs, soos die broeigedrag van bromvoëls… Wanneer ek in ’n reservaat rondry en ek sien ’n navorser se voertuig (agterop staan gewoonlik “Do Not Follow: Research Vehicle”), raak ek behoorlik groen van jaloesie – hulle mag mos altyd enige plek in die park ry,…

DIE GROOT TREKPLEISTERS Kavangorivier, BwaBwata-nasionale park, Mudumu-nasionale park, Nkasa Rupara-nasionale park, Kwandorivier, Zambesirivier en Victoriawaterval PROMINENTE DORPE Divundu, Kongola, Katima Mulilo, Livingstone en Victoria Falls Behalwe vir die netelige oponthoud van die burokrasie by grensposte kan jy amper die noorde van Botswana en die aangrensende dele van Namibië, Zambië en Zimbabwe as één bestemming sien. Ongelukkig gaan jy vrede moet maak met gereeld in ’n (gewoonlik darem kort) ry staan by ’n grenspos. Maar moenie laat dit jou ontmoedig nie! Hierdie deel van Afrika is uniek en as Suid-Afrikaners is ons bevoorreg om sulke wêreldklasbestemmings binne trefafstand van ons voordeur te hê. Ja, dis ver om te ry. Ry jy uit Gauteng moet jy minstens twee dae opsysit net om te ry tot in Namibië se Zambesistreek (voorheen bekend as…

KAVANGORIVIER Die hoofdorpe hier (met brandstof, winkels en OTM’s) is Divundu en Rundu. 121 Shamvura Camp Die eienaars, Mark en Charlie Paxton, is passievol oor bewaring en ken die Kavango-Oos-streek goed. Mark bied ook voëlkyktoere aan indien jy die streek se skaars spesies wil afmerk. Kamp: R200 p.p., R230 p.p. (1 privaatstaanplek) of R250 p.p. (1 privaatstaanplek met kombuisie). Die 4 selfsorgtente kos R480 p.p. (2 eenhede het slaapplek vir 2; 2 het slaapplek vir 4). Die Tree Top Cottage is toegerus vir selfsorg (slaapplek vir 4): R580 p.p. GPS S18.03507 E20.86079 00 264 81 241 7473; shamvura.of-africa.com Camp Ndurokoro Dis sowat 55 km wes van Divundu af. Leon Nederlof het van sy “aftyd”in 2020 gebruik gemaak en byna al die geriewe opgeknap. Kamp (5 staanplekke, krag): R120 p.p. (dit…

’n Verkeersknoop in die Chobe-nasionale park lyk anders as een in spitsverkeer in Adderleystraat, Kaapstad. Die Weg-joernalis François Haasbroek het hierdie buffel afgeneem net suid van die Savutiruskamp. In die voorgrond wag Phil van Wyk geduldig in sy Land Cruiser… Wanneer ’n buffelbul suip, wag jy tot hy klaar is!. HOE? Nikon D610; Nikon 18-200 mm-lens; sluiterspoed 1/320ste van ’n sekonde; lensopening f5; ISO 100 TOER SAAM François was in die Chobe saam met die gidse Douwe Vlok en Phil van Wyk van Bhejane 4x4 Adventures. Die volgende nege dae lange selfrytoer deur dié gebied vertrek op 21 Februarie 2021 en kos R19 450 p.p.…

DIE GROOT TREKPLEISTERS Die Kgalagadi-oorgrenspark se Mabuasehube-en Kaa-gedeeltes, en die aangrensende konsessiegebiede rondom plekke soos Zutshwa, Kaa en Khawa PROMINENTE DORPE EN STEDE Gaborone, Lobatse, Mochudi, Ramatlabama, Kanye, Molepolole, Jwaneng, Kang, Hukuntsi, Werda en Tshabong SUID-BOTSWANA BESLAAN DIE VOLGENDE AMPTELIKE DISTRIKTE Kgalagadi, Kweneng, Suid, Suidoos en Kgatleng Om toegang tot ’n superpark soos die Kgalagadioorgrenspark te hê is ’n seldsame voorreg. Die idee van ’n oorgrenspark is niks nuuts nie, maar daar is min van hulle wat so goed in praktyk werk as wat dit op papier lyk. Die Kgalagadioorgrenspark is ’n uitsondering. Indien jy hou van geriewe soos omheinde ruskampe met restaurante en winkels waar jy wraggies ’n roomys kan koop, dan is die SA-kant vir jou – veral as jy ’n 4x2 ry. Die Botswana-kant vereis ’n 4x4,…

KGALAGADIOORGRENSPARK Hierdie park, wat die gewilde Mabuasehube-deel insluit, is ’n bestemming vir 4x4-entoesiaste. Jy moet volkome selfversorgend wees: Vat alles saam, van kos en drinkwater tot ekstra brandstof en noodtoerusting. 10 Kampplekke in die Kgalagadi-oorgrenspark Soos in ander Botswana-parke word verskillende kampplekke deur verskillende instansies bestuur. Die meeste van die kampplekke is in die oostelike deel, bekend as Mabuasehube. Die kampplekke genaamd Mabuasehube en Mpayathuthlwa (albei in Mabuasehube) word bestuur deur die Inter Tourism Group. Die res is openbare kampe en word bestuur deur die DWNP (Botswana se departement van wildlewe en nasionale parke). Dit sluit kampe in die Mabuaén die Kaa-gedeelte (in die noordwestelike hoek) van die park in: Entrance Gate, Bosobogolo, Monamodi, Lesholoago, Khiding, Motopi, Sesatswe, Kaa, Swartpan, Gnus Gnus, Lang Rambuka, Polentswa en Rooiputs. Jy kan die…

Met drie voertuie toegerus met elke katoeter denkbaar, is ons gereed vir ons reis na die Sentraal-Kalahari-wildreservaat. Saam met ons is Steph se ouers, Jill en Phil wat uit Australië gevlieg het om tyd saam met ons deur te bring; dis hulle eerste keer in Afrika en hulle opwinding tasbaar. Die Perrins het in die Krugerwildtuin by ons aangesluit, saam met my oom, Vic Ives sr., wat uit Kaapstad gery het. Ek en Steph ry in ons geliefde 1999 Toyota Land Cruiser 4500 EFI (die dorstige een); teen hierdie tyd van ons reis was dit ons tweede huis. Ek is steeds ’n Suid-Afrikaanse burger, maar Steph is ’n Australiër en ons werk in Australië en Nieu-Seeland om geld te spaar vir reis. Dié besoek aan die Sentraal-Kalahari is deel van…

GHANZI Hierdie Kalaharidorp in die weste van Sentraal-Botswana is die middelpunt van ’n groot boerderygemeenskap. Jy sal dalk hier rond moet oorslaap indien jy van Botswana na Namibië wil ry (of andersom), maar die gawe gasteplase gaan jou dalk oortuig om langer te kuier. Dit bied unieke ervarings wat jy nie elders in Botswana kry nie. 23 Kalahari Arms-hotel Dié hotel is op die dorp en het ’n restaurant en swembad. Kamers kos vanaf P1 815 (R2 602) p.n. vir 2 volwassenes en 2 kinders (jonger as 12) wat deel, met ontbyt. Vir 4 volwassenes wat deel: P2 275 (R3 262) p.n., met ontbyt. GPS S21.69332 E21.64899 00 267 659 6298; reservations@kalahariarms. co.bw 24 Thakadu-boskamp Die afdraai van die A3 is 3 km suid van Ghanzi, dan is dit nog…

Van die hoofgruispad wat deur die Mahangosektor van die BwaBwata-nasionale park loop, draai ’n mens af op ’n smaller pad. Baie gou bereik dié pad die vloedvlakte van die Kavangorivier wat nog nie sigbaar is nie. Tog is hier ’n vlak pannetjie water. Jy hou stil, draai die ruit af en bekyk die omgewing deur jou verkyker. Nie dat jy ’n verkyker nodig het om die grootvoete te sien nie… daar staan hulle lewensgroot. In die agtergrond steek ’n kameelperd se nek uit tussen die bome. Sy kop wieg heen en weer soos hy die sappigste takkies uitsoek om aan te peusel. Die motorenjin is afgeskakel en jy raak bewus van bosgeluide. ’n Luide gesnork, en dan ’n groep rooibokke wat skielik uitmekaarspat. Maar daar is nie die gevaar van…

Die avontuur begin in die Punda Maria-ruskamp in die Kruger en eindig by die Giriyondogrenspos noord van Letaba. Ons reis oos uit die park, oor die Limpoporivier, oor savannes en woude na die tropiese kuslyn by Inhassoro, ’n klein visvanggemeenskap oorkant die noordelikste punt van die Bazaruto-eilandgroep. Daar gaan ons op die strand lê, in die warm water speel en op daguitstappies na ander eilande gaan. Bazaruto het vele endemiese vlinders, krokodille, samangoape en wildsbokke. Die beskermde riwwe is die tuiste van dolfyne, die bedreigde doegong, wildvis, seeskilpaaie en van die grootste vis in die wêreld, die walvishaai. Voëls sluit in die bosloerie, groenvleiloerie en die kleinflamink. Bly Inhassoro slaap ons in en suitechalets by die oord Star of Mozambique. By elkeen van die oornagplekke sorg die personeel vir tente.…