SARIE KOS Oct/Dec 2020

Die vraag, waar kom jou liefde vir kosmaak vandaan, is een wat dikwels oor my pad kom. Om dit akkuraat te beantwoord moet ek seker begin by die begin. Ek het grootgeword op Upington in die Kalahari. My vakansies het meestal gewissel tussen die see by Hartenbos, winters op die plaas in Namibië en die tuisbly-tye wanneer my ma se kombuis my uitspanplek was. Deel van my kinderjare was tipiese Suid-Afrikaanse kos: mosbolletjies, bredies, lamsrib oor die kole, soetmosterd (soms met kondensmelk gemaak!), trifles wat net netjies lyk totdat iemand skep, en samesyn. Wat my bybly uit daardie dae, is die tye wat die Engelse familie kom kuier het. Hulle was grênd mense wat T-hemde met slagspreuke gedra het en jeans vol gate. Nou dra ek dit self, maar toe was dit…

Ford se Mustang is ’n perd van ’n ander kleur as dit by sportmotors kom! Dis ook nie een wat jy elke dag opsaal nie, want dit kan wild raak . .. Die Mustang geniet immers ikoonstatus onder motorentoesiaste omdat dit ’n volbloed Amerikaanse hings is. Verlede jaar het Ford die Mustang, wat in 2016 vir die eerste keer in Suid-Afrika bekend gestel is, opgekikker, en dit spog nou met ’n nóg aggressiewer voorkoms terwyl die binneruim ook opgeknap is. Boonop het hy ekstra perdekrag gekry en die 5.0-liter-V8-weergawe wat SARIE KOS bestuur het, skop 331 kW se krag en 529 Nm se wringkrag uit. Die grootste verandering is ’n nuwe tienspoed- outomatiese ratkas met gladde ratwisseling, wat maak dat die Mustang ’n droom is om te bestuur. Veiligheid is…

•ALLES WAT JY WIL WEET •ALLES WAT JY WIL EET •ALMAL WAT JY WIL L KEN MOOISTE BORD As jy ook jou kos op sulke mooi borde wil voorsit soos ons op bl. 104, besoek yuppiechef.com. Die borde in Jars se Wabi-reeks het organiese vryvorms en geeneen lyk dieselfde nie. R559 (36 cm) BILTONG EN PARMESAAN TROU As jy jou pastageregte nuwe lewe wil gee, probeer Funky Ouma se parmesaan-en-biltongsout. Dit word slegs van natuurlike bestanddele gemaak en bevat geen kunsmatige kleur- of geurmiddels nie. R83 vir ’n 325 ml-meul by funky-ouma.co.za VAN OUMA SE PLAAS TOT SUSSIE SE ‘FLAT’ Die tweede uitgawe van die resepteboek Trouvrou is nou beskikbaar met al die resepte van die eerste uitgawe, plus 35 ekstra. Buiten ’n nuwe uitleg, bevat dit ook ’n paar ander verrassings. Die boek het drie afdelings: “Ouma…

KAMPIOEN Amorim Cork, die Portugese kurkmaatskappy met noue bande in die SA wynbedryf, kondig jaarliks die land se beste natuurlik gefermenteerde vonkelwyn, oftewel Méthode Cap Classique-wyn, tydens hul Amorim Cap Classique-uitdaging aan. Verlede jaar het die kroon gegaan aan die Boschendal Jean le Long Prestige Cuvée 2008, ’n uitmuntende MCC met ’n klassieke brioche-karakter en ragfyn borrels. R699 beskikbaar by Takealot FRANS VAN FRANSCHHOEK Die Colmant-wynlandgoed buite Franschhoek is ten volle gewy aan die produksie van vonkelwyn, ’n kenmerk van ons beste Cap Classiquewyne. Die Colmant-reeks het ’n kenmerkende verfyndheid en delikate karakter byna soos dié van Franse sjampanje. Die voortreflike Colmant Cap Classiques kos vanaf R179 per bottel direk van die landgoed BESSIES, DAN BLOEISELS Vonkelwyn leen hom tot mooi verpakking en dié van die Spier Secret Sparkling Wine is besonders. Die perskekleur wyn…

WAT ’N KABAAL! Selfs diere wat gewoonlik nie skaam is nie, kan te midde van die Kersopwinding verbouereerd raak. Sorg dat hy ’n veilige plekkie het om van die geroesemoes te ontsnap, soos ’n hok, krat, krappaalrak of ander wegkruipplek. As hy maklik stres of temperamenteel is, oorweeg om hom in ’n ander vertrek met speelgoed en ’n gemaklike bed te sit. Eksotiese diere (soos ’n slang, iguana, haas of marmot) laat sommige mense gril en kan tydens groot samekomste benoud raak. Hou hulle dus weg van die feesvieringe. MOENIE MY NET LOS NIE, MA Ja, jou hond gaan jou mis terwyl jy met vakansie is, maar gaan dit beter hanteer as hy in goeie hande gelaat word. ’n Groot hartseer is mense wat hul troeteldiere alleen tuis los. Of van die veearts verwag…

ROLENE STRAUSS Mej. Wêreld 2014 Spreker, skrywer en sakevrou. Tans is sy besig met haar meestersgraad in filosofie en lewensafrigting, én sy het ’n splinternuwe aanlyn kursus, Rediscover Your Self-Confidence, begin om vroue te help om hul selfvertroue te bou en hul drome vreesloos na te jaag Jy is ’n ma van twee klein seuntjies. Geniet jy hulle? Ag, verskriklik baie. Ek dink ek het twee harte, want al twee is my hart se punt. Ek is dolverlief op hulle en hulle is so goed vir my siel. ’n Deel van my selfvertroue-reis is juis my kinders wat lief is vir my net soos ek is. Ek is hul alles en hulle is my alles. Jy is besig met jou meestersgraad in filosofie en lewensafrigting . . . Ja, dis ’n lekker nuwe uitdaging. Ek en…