SARIE KOS Jan/Mar 2022

Nou hier is iets oor my wat julle nie geweet het nie, ’n geheim: Ek is mal oor gewone witbrood uit ’n supermark – goewermentbrood, met baie botter bo-op, goudgeel alledaagse cheddarkaas en tamatie! Ek bou my broodjie en dan gee ek hom twee draaie in die mikrogolfoond sodat die kaas smelt en die brood so sag stoom en die botter wegsmelt in die brood. Dan maak ek tee, soet tee. Soms gooi ek selfs kondensmelk in as daar ’n oop blik in die yskas is. Dan gaan soek ’n sonkol in die tuin . . . Net ek, my tee en my warm broodjie. Dis my oomblik van niksdoen en stilraak. Só ’n broodjie troos my en laat my verlang. Geen dieet of intense dissipline om reg te eet…

Toyota se nuwe Corolla Cross tik al die regte kassies om ’n sportnuts-treffer te wees. Dié nuweling skuif onder die RAV4 in en in sy visier is die VW T-Cross. Boonop is die Corolla Cross die eerste hibriede voertuig wat in Suid-Afrika vervaardig word. Daar is twee enjinkeuses beskikbaar: ’n normale 1.8-liter-petrol, of ’n hibriede weergawe wat deur dieselfde enjin, maar met die ondersteuning van elektriese motors, aangedryf word. In hibried-gedaante is die brandstofverbruik indrukwekkend en is die gemiddelde syfer 4,3 liter per 100 km. Al die Corolla Cross-modelle is goed toegerus en die bougehalte is uitstekend. Die pryse is baie mededingend en soos dit ’n Toyota betaam, beloof ook die Corolla Cross om getroue diens te lewer. Pryse is vanaf R349 900.…

MOENIE MY VERKEERD OPVRYF NIE Funky Ouma se African Rub word van natuurlike bestanddele gemaak en is ’n lekker geurmiddel vir steak, hoender of skaaptjops. Dit word verpak in ’n mooi blikkie wat dit die ideale bederf vir enige tuiskok maak. Vanaf R89 vir ’n 185 g-blikkie by funky-ouma.co.za TROTS SA Van Tafelberg en proteas tot die Wêreldbekerrugbytrofee is op dié Sodastream-bottels te sien. Elke bottel het ’n leeftyd van drie jaar, daarna moet dit vervang word. R299 vir ’n pak met drie bottels. Beskikbaar by Yuppiechef. TOTSIENS, PLASTIEK Hierdie oortreksels met die lieflike protea-ontwerpe van Spaza Store is van 100%-katoen en omgewingsvriendelik. Dit word plaaslik met die hand gemaak en pas op verskillende groottes bakke en bekers. Jy kan dit oor en oor gebruik om kos te bedek. R459 vir ’n stel van 4…

44% Die persentasie mense wat eerder met hul troeteldier as hul lewensmaat sal lepellê, volgens ’n peiling waaraan 2 000 troeteldierouers deelgeneem het. Sowat 3 uit 10 glo boonop hul troeteldier is ’n beter luisteraar! PAMPOEN VIR SKILLIE Skilpaaie hou van groente soos murgpampoentjies. Skillie is ook lief vir gesiggies, vuurblomme (hibiskus) en rooi vrugte soos aarbeie, maar gee hom net klein groente- en vrugte-peuselhappies. Hy moet egter genoeg vesel (soos gras en blaarryke bossies) inkry om probleme met sy spysverteringstelsel te vermy, volgens dr. Ingrid de Wet, veearts by die EberVet Country-dierekliniek op Somerset-Wes. MY HOND IS ’N DIABEET Diabetes by troeteldiere neem wêreldwyd toe. Dis egter nie ’n doodsvonnis vir jou vierbeenvriend nie, volgens Tarryn Dent, diagnostiese en tegniese bestuurder by Zoetis Suid-Afrika, ’n internasionale dieregesondheidsmaatskappy. “’n Gebrek aan bewustheid kan beteken…

Voorbladresep Tuisbedryfvlakoek My ma het haar eie tuisbedryf gehad en niemand se vlakoek was lekkerder as Susan Lensing s’n nie. Hierdie is haar geheime resep en hy smaak nog beter op dag twee. genoeg vir een 20 cm-koek KOEK 240 g (430 ml) koekmeel80 g (142 ml) mielieblom10 ml bakpoeier2 ml sout10 eiers, geskei420 g (500 ml) strooisuiker200 ml yswater VULSEL 500 ml melk40 g vlapoeier1 ml sout125 g (135 ml) sagte botter210 g (250 ml) strooisuiker5 ml vanieljegeurselvanieljekoekiekrummels Koek Verhit oond tot 180 °C en spuit twee ronde koekpanne met ’n deursnee van 20 cm goed met kleefwerende kossproei. Sif meel, mielieblom, bakpoeier en sout saam in ’n groot mengbak. Klits eiergele en strooisuiker in ’n aparte mengbak tot romerig. Klits dan die yswater geleidelik by. Vou droë bestanddele versigtig met ’n groot metaallepel by eiergeelmengsel in.…

Beste wortelkoek As daar nou een resep is waarop jy kan staatmaak om jou gaste keer op keer te beïndruk, is dit hierdie wortelkoek. genoeg vir een 22 cm-koek KOEK 250 ml pekanneute400 g (500 ml) suiker280 g (500 ml) koekmeel, gesif10 ml bakpoeier5 ml sout5 ml kaneel4 eiergele375 ml kanola-olie500 ml gerasperde wortels4 eierwitte, styfgeklits VERSIERSEL 250 g (480 ml) versiersuiker45 ml botter5 ml vanieljegeursel250 g sagte roomkaasekstra pekanneute vir versiering Koek Verhit oond tot 180 °C. Voer twee 22 cm-koekpanne met GLAD Bake & Cooking Paper (foto 1) uit. Plaas neute in ’n GLAD Zip Seal-sakkie en slaan met ’n koekroller fyn (foto 2). Sif droë bestanddele saam. Voeg eiergele, olie, wortels en neute by en meng. Vou styfgeklitste eierwitte by mengsel in en verdeel beslag tussen die koekpanne. Bak vir 30-35 minute of…