SARIE KOS Jul - Sep 2022

Onlangs kry ek vir die eerste keer in drie jaar die kans om weer my voete in Europa te sit. Parys, Frankryk, om spesifiek te wees. Kinderlik opgewonde soos toe ek die heel eerste keer oorsee gereis het. Voor ek vertrek, vertel ek vir vriende dat ek met my hele wese hoop dat “die stad van liefde” en sy mense nog lyk soos ek onthou. Ek spot selfs en sê ek gee nie eens om as die Franse nors en onbeskof met my is oor ek nie Frans praat nie. Trouens, ek wens hulle is so ’n bietjie mislik met my, want dan weet ek dat dit nie ’n droom is nie. Dan weet ek, ek reis. Maar helaas het Parys en sy mense nes die res van die wêreld verander.…

MET ’N KNIPPIE SOUT Die plaas Babylonstoren naby die Paarl se blom-appel-en-sitrussout is ’n smaaklike toevoeging tot enige kombuiskas. Die sout word met boegoe, lemoen, gedroogde rooi appel en hibiskus gegeur. Voeg ’n knippie by jou skemerkelkie of sprinkel dit oor vars buffelsmelk-mozzarella. R70 vir ’n potjie VIR SPEK(BOOM) EN BOONTJIES Al van spekboomblatjang gehoor? The Spekboom Co spog met heerlike spekboomprodukte soos konfyt en piekels, maar dis veral die soet, pittige blatjang met ’n tikkie rissie wat ons harte steel. Sit voor op ’n kaasbord, met kouevleis, brood en beskuitjies. R65 vir ’n 125 ml-potjie by thespekboomco.co.za BOTTER TOT GNOCCHI Maak jou eie botter tuis met hierdie stel botterspane van KitchenCraft. Die duursame spane het ’n gegroefde oppervlak wat karringmelk dreineer en jou blok botter ’n mooi vorm en tekstuur gee. Jy kan die…

ALMAL SE VRIEND Robertson Winery se Pinotage kan sy plek op enige wintertafel inneem. Die druifvariëteit is in 1952 die eerste keer in die tuin van die wetenskaplike Abraham Perold ontwikkel en vandag een van ons trotse uitvoerprodukte. Sowat R79 vir ’n 750 ml-bottel landwyd, of besoek robertsonwinery.co.za vir meer. VOL GEUR Komplementeer jou wintergeregte met die heerlike aromas van Diemersdal Shiraz. Op die neus is bessie- en pruimgeure, met die geure van swartpeper, granaat en naeltjies in die mond. Geniet die wyn teen ’n bekostigbare R120 per bottel by drankwinkels landwyd. ROOIWYNSOUT Gee bredies en sop nuwe lewe met sout wat met rooiwyn gegeur is. Wees op die uitkyk vir Masterstock se Cape Red Wine Salt by deli’s landwyd teen sowat R55 vir ’n 57 g-potjie, of besoek masterstock.co.za vir nog van hul heerlike…

VIR DIE KAT MET ’N SENSITIEWE SIEL Ons moet minder vleis eet, vir beter gesondheid en die omgewing. Maar wat van Kiets, wat vleis moet inkry om hups en gesond te bly? ’n Klein Amerikaanse maatskappy het die antwoord. Gekweekte . . . h’m .. .muisvleis. Harmless Hunt Mouse Cookies vir katte is die wêreld se eerste laboratoriumvleis, gekweek van stamselle, vir troeteldiere. En ook die eerste kathappie wat Kiets se natuurlike proteïenbron insluit – muise. Sonder dat ’n enkele muis met sy lewe moet boet. Dit word gemeng met ander voedsame bestanddele, soos tempeh (’n sojaproduk), miso, pampoenpuree en vlassaad. Dis ’n alte lekker katbederfie, volgens becauseanimals.com. Wat sal Garfield daarvan sê? * 8 Augustus is Internasionale Katdag 34% Deelnemers in ’n studie wat aangedui het hulle was hul hande ná hulle…

OP DIE SPYSKAART Potbrood met tuisgemaakte botter Gevulde eiers met spekkrummels Ontbeende varknekrol Ricotta-en-murgpampoentjie-gebak 3-bone-slaai Regte melktert met ’n sjokoladekinkel WENKE VIR TAFELDEK BAIE KERSE Laat kerslig die atmosfeer skep vir jou kuier. Groepeer houtblakers van verskillende hoogtes in die middel van die tafel. Gewone wit kerse van jou supermark lyk net so mooi soos duur kerse. TAFELDOEK MET TEKSTUUR Gebruik ’n groot stuk fluweelmateriaal in ’n diep purper as tafeldoek. Die tekstuur sal dadelik ’n luukse gevoel aan jou tafel gee. SPESIALE STOELE Laat jou gaste ekstra spesiaal voel deur bosse droë loof wat dieselfde kleur as die tafeldoek gekleur is, aan elkeen se stoel vas te bind. Jy kan sommer ook ’n groot kombuislap aan elke stoel vasbind as ’n geskenk om huis toe te vat. BONKIG IS BETER Speel met tekstuur soos die sagte fluweeltafeldoek en growwe, bonkige servette.…

One vergeet ons is EINTLIK net van hier BERTUS “Hy moet net nie . . .” sê die deelnemers vooraf effens benoud. En . . . “ek hoop nie hy . . .” Nee, hy gaan nie. Daardie kosbare foto van ’n afgestorwe familielid teen die muur. Daardie gereg waarop jy jou eie stempel afgedruk het. Dit gaan vir seker bly. Want dis wat jou eetplek uniek maak, jóú storie, die hart . . . Bertus Basson, aanbieder van In die sop: Restaurant-evolusie op kykNET, loop met sý hart op sy mou. Elkeen van sy rare tatoes vat ’n herinnering vas: Mareli, sy vrou, se vingerafdruk. Die klankgolwe van sy kinders, Elizabeth (2) en Theodore (5), se hartklop soos die eerste keer op ’n sonar gewaar. Pootafdrukke van sy honde en katte,…