Weg!

In die somermaande hou ek van vroeg opstaan; nog voor die son sy kop bo die berge uitsteek. Die lug is vars en koel, die voëlgeluide helder in die oggendstilte en die dag lê propvol belofte voor jou uitgestrek. Die eerste maand of twee van ’n nuwe jaar voel ook effens só. Die batterye is mos volgelaai ná ’n luilekker vakansie waarin ons (hopelik) die tyd gebruik het om die belangrikste ding op die jaarlikse agenda te beplan: Waarheen reis ons volgende! Hier by Weg werk ons gewoonlik meer as ’n jaar vooruit. Ons weet reeds waarheen 2023 – en selfs ’n stukkie van 2024 – ons gaan neem. Buiten wye draaie deur ons eie land, ons buurlande en selfs Antarktika, wag ’n rits spesiale reisgidse soos ons nuwe Wilde Plekke, Namibië,…

Wat het jou laat trek? Ons wou ons gidsonderneming, Itchyfeet SA (itchyfeetsa.co.za), se aanbod vergroot. Ons is reeds gevestig in stapkringe en onder rotsklimmers en witwaterroeiers... bossafari’s was ’n logiese toevoeging tot die portefeulje. Wat maak Hoedspruit vir jou lekker? Die leefstyl is ontspanne, die gemeenskap vriendelik en die wild loop sommer in die dorp rond. Jy sien maklik byna elke dag rooibokke, vlakvarke, njalas en dwergmuishonde. Is daar enigiets wat pla? Omdat die dorp se gewildheid toeneem, is huurtariewe en die prys van eiendom nogal hoog. Hoedspruit lê ook ver van die hoofpaaie af; dis duur en tydrowend om by enige ander plek in die land uit te kom. Wat is jou gunsteling-kuierplek? As ek nie saam met vriende langs ’n swembad braai nie, sal jy my by die Thirsty Giraffe Pub…

Raar maar waar Ek deel graag hierdie spesiale oomblik met julle: Ek het in Oktober 2022 dié Madagaskarkoekoek in Kranspoort, ’n vakansiedorp in Mpumalanga, afgeneem. Hierdie spesie word selde in Suid-Afrika gesien en die opsigter van die dorp het mense toegelaat om te kom kyk. Ek móés net die geleentheid aangryp toe ek daarvan hoor. Daar was bespiegelinge onder voëlkykers dat dit dalk ’n jong Piet-my-vrou is, maar kenners het na ’n video van die voël gekyk en kon sy roep uitken as dié van ’n Madagaskarkoekoek. RIAN BOSHOFF, Middelburg SKRYF AAN ONS EN WEN! Rian wen ’n stel Zartek ZA-723-tweerigtingradio’s ter waarde van R1 760. Hierdie jongste model maak kommunikasie maklik – dit het helder, duidelike klank met ’n reikwydte van tot 6 km buite afhangend van die terrein. Dis reeds geprogrammeer met 16 kanale…

Hoeveel weeg mev. en mnr. Pikkewyn? Die derde grootste kolonie brilpikkewyne in Suid-Afrika bly op Voëleiland in Algoabaai. Maar sedert 2015 het die bevolking met byna 70 % afgeneem (’n landwye tendens)! Waarom raak die pikkewyne so min? ’n Groep NRO’s, navorsers en bewaringsgesindes het oorgegaan tot aksie en ’n geoutomatiseerde pikkewynmonitor op Voëleiland geïnstalleer. Hoe help die monitor die pikkewyne se saak? Dit weeg die pikkewyne. Pikkewyne broei gewoonlik elke jaar tussen Februarie en Augustus. Gedurende dié tyd swem hulle nooit verder as 30 km van die nes af nie omdat hulle kort-kort moet terugkeer vir ’n nesbeurt of om kuikens te voer. ’n Pikkewyn se gewig voordat en nadat hy see toe is, is ’n goeie aanwyser van hoe ryk die seelewe in die omliggende oseaan is. In ’n gesonde ekostelsel sal pikkewyne groot…

Die B8-teerpad van Grootfontein noordooswaarts na Rundu is ’n 258 km-marathon met bittermin afleiding. Daarom vang Die Pienk Karavaan ’n mens nogal onkant – ’n bietjie soos ’n erdvark wat helder oordag rég voor jou oor die pad draf. Die Pienk Karavaan is poeierpienk eerder as skelpienk en as jy 120 km/h gery het, sal jy moet omdraai, want jy sal verby wees voor jy besef wat so skielik uit die vaal bosse verskyn het. Dis een van daai ou padskraper-woonwaens wat as ’n padstal dien. Toe ek een laatmiddag daar stilhou, is dit al amper toemaaktyd. Maar as jy my ken, sal jy weet dat ek nie sommer verby bordjies ry wat biltong en droëwors adverteer nie... Omdat Die Pienk Karavaan staan waar die C44 (wat ooswaarts loop na Tsumkwe) by die…

Wat is die Corridor? ’n Grondpadnetwerk van alternatiewe paaie tot die R62-teerpad geskik vir bergfietse, motorfietse en sportnutsvoertuie. Hoe het dit ontstaan? Ek is al jare lank ’n kranige fietsryer en het ’n effense obsessie met roetekaarte. Vandat ek hier woon, bring ek ure op agterpaaie deur. Die eienaars van plaaslike gasteplase vra my gereeld oor roetes wat hulle gaste kan ry – toe besluit ek om ’n paar kaarte saam te stel. Sowat twee jaar gelede het ’n idee by my begin posvat: Wat van ’n kaart met ál die bergfietspaaie in die omgewing... ’n Soort Camino vir fietsryers. ’n Pelgrimstog wat ’n mens teen jou eie pas kan aandurf en self besluit by watter gasteplase jy oornag. Ek het die Montagu-Ashton-toerismevereniging genader, en hulle was dadelik gretig om te help. Die…