SARIE的January 2016目录

Op’n nuwe jaar! Niks sê nuwe jaar soos kurkproppe wat uit sjampanjebottels bars nie! Kurk van kurkeik-bome wat tot 300 jaar oud word. Dis einste kurk waarmee 2 SA entrepreneurs toor. ’n Vorige Mev. SA, Lynné de Jager, het onlangs haar unieke LDJ Collection van ontwerperhandsakke tot -grimeersakkies van kurk, leer en geelkoper bekend gestel. En pas is die Kaapse ontwerper Laurie Wiid van Heerden vir die soveelste keer bekroon – dié keer met die 2015 ImpACTtoekenning vir ontwerp. Die wêreld se grootste kurk-lampskerm vir ’n staanlamp (2,8 m hoog) tel onder sy skeppings. Volgens kenners is kurk van die mees volhoubare, ekovriendelike stowwe. En dit kry ons stempel van goedkeuring! PARFUUM? JA! In 2015 was Barbie die Italiaanse modehuis Moschino se inspirasie. Nou is dit dié oulike beertjie, wat…

SARIE bied spesiaal vir lesers ’n eksklusiewe vertoning van die nuwe romantiese film Vir Altyd aan! En jy kan deel wees van die glans. Koop nóú jou kaartjie en kyk op vlug SARIE3101 saam met Donnalee en Ivan, wat albei daar sal wees, na Vir Altyd in eersteklas-styl . . . Datum: Sondag, 31 Januarie 2016, 18:00 Drag: Eersteklas-glans Waar: Atterbury-teater, Lynnwood Bridge, Pretoria Prys: R150 (sluit eersteklas-bederf in) Koop kaartjies by Computicket…

’n Cliché is ’n onaangename ding en dis elke keer ’n teleurstelling om te ontdek ’n geykte uitdrukking of wysheid is wel die waarheid. En hierdie is die waarheid: Soos ’n mens ouer word, so verdwyn sekere vrese en verander prioriteite. Vandag is ’n warm dag, dis somer, die lig is skerp en die son is sowel genadeloos as aanloklik. Duisende baljaar op strande, om of in swembaddens, plas in poeletjies, poseer op handdoeke, blink van die olie, vertoon goudbruin soos pannekoeke en loer met afkeer na die blekes. Ander kuier onder sambrele of priële, skink drankies in kortbroeke en T-hemde of drentel hand aan hand met geliefdes, almal geklee in bont driekwartbroeke, frokkies, los rokkies en plakkies of ander insteekskeppings wat tone en hakke ontbloot. Ek is op pad…

Kwart voor vier skril die wekker – die eerste keer. Agtien minute later maak dit weer stem dik. En weer, en weer en weer. Vyf keer. Die laaste keer twintig voor vyf. Ivor Price is dan gewoonlik reeds in RSG se Monitor- ateljee. Uitgevat in een van sy kenmerkende helderkleurige hemde, ’n halfuur vroeër as wat van hom verwag word. Gefokus. “Ek wil rustig wees wanneer ek sesuur vir die volk môresê.” Nie dat hy ooit laat is nie, hy is bloot bang daarvoor. “Wanneer die alarm die tweede keer afgaan, woel daar ’n paar vrae deur my kop: Wat is daardie geluid? Hoekom het ek juis dit as ringtone gekies? Watter dag is dit dan? O ja, vyfuur moet ek by die werk wees.” Blinkoog sit hy daar met…

’n Man se hemp is ’n hemp is ’n hemp. Nie vir ’n vrou nie. Vroue het ’n ding oor hemde. Manshemde. Bygesê: Móói manshemde. “’n Mooi hemp doen darem net iets vir ’n man,” kweel sy. “Kyk, ek kon jou sommer sién in hierdie hemp. Én dis jou nommer, toe koop ek hom. Die materiaal voel ook so lekker. Voel.” Ons weet al, mans koop nie hul eie klere nie, vroue koop dit. Hulle besluit ook waarvan jy sal hou (nadat hulle self eers daarvan gehou het). “Hier, pas aan.” Dit sal nie help jy sê jy’s nie nou lus nie, jy het mos reeds ’n hemp aan. Dan pas die nuwe hemp sowaar, hy sit ook reg oor die skouers en sy sê: “Perfek, ek moes sommer twee…

Denemarke het een van die laagste geboortesyfers in Europa, en dit neem af. (In 2013 was daar tien geboortes per 1 000 mense). Die staat moedig mense nou aan om jonk te trou, berig die Britse The Guardian, want sy skole is besig om leeg te loop. Verskeie sakeondernemings bied selfs kompetisies aan om dié veldtog te ondersteun. Ysland het ’n gemiddelde trououderdom van 27. Volgens die tydskrif The New Yorker gee die staat vir die ma én pa altesame nege maande ten volle betaalde kraamverlof, wat hulle tussen hulle kan verdeel. Die pa kan dus ook tyd afneem rondom die baba se geboorte. Die land se egskeidingsyfer is egter die hoogste ter wêreld. Duitsland het die wêreld se laagste geboortesyfer (net oor die agt kinders per 1 000 mense),…

Don’t Let’s Go to the Dogs Tonight , Alexandra Fuller (Random House Trade Paperbacks) Fuller skryf oor haar disfunksionele familie wat in Afrika bly. Die boek is ryk aan teenstrydighede, soos hoe jy so verwyderd kan wees van jou omgewing en die mense daarin, maar tog ook so verknog daaraan. Sy skryf sonder skroom oor wit-wees in Afrika, die effek van kolonialisme, en oor haar familie se ervarings in ’n land wat hulle hartstogtelik liefhet. Moerbeibos , Dalene Matthee (Tafelberg) Ná Kringe in ’n bos as voorgeskrewe boek in matriek wou ek al Matthee se boeke lees. Ek het matriek geskryf in Durban, waar Engels baas is. Moerbeibos was alles wat ek gehoop het Afrikaans, nes Engels, kan wees: soepel, ryk en esoteries. Indemnity Only , Sara…

OPPERVLAKONTWERP Detail is belangrik, soos laslap-effek en deurstikwerk. Wit T-hemp (R349) en kuitlengte-jeans met deurstikwerk (R899), Mango. Leersandale met versiering (R999), Witchery. GROOTTES T-hemp: 30 – 40 Jeans: 26 – 40 DENIM OP DENIM Vergeet die reëls – dra denim saam met denim. Die geheim is om lig en donker te meng. Denimhemp met klinknaels (R799,95), Sass van South to South. Potloodromp van uitgewaste denim (R420), Inwear by TRUWORTHS. Kunspêrel-ring (R199), Miglio. GROOTTES Hemp: 8 – 14 Romp: 28 – 42 ONAFGEWERK Kyk ook by klassieke items uit vir detail soos die rafels op dié rok. Gee dit glans met moderne pêreljuwele. Denim-slooprok (R349), Cotton On. Goue armband met kunspêrels (R299), Jo Borkett. GROOTTES Rok: XS – XL A-LYN-ROMP MET KNOPE Vir ’n tikkie 70’s is dié romp ’n moet.…

Herwinde plastiek in denim. Twee groot handelsmerke, Levi’s en G-Star, het elk ’n denimreeks wat gedeeltelik van herwinde plastiek gemaak word. Die denim van items in Levis’s se Waste<Less-reeks bevat sowat 20% herwinde plastiek. Die Nederlandse G-Star se RAW-jeans word gemaak van materiaal wat herwinde plastiek uit die see bevat. 1 500 liter water is nodig om genoeg katoen te kweek vir een denimbroek. Die fokus in die Sweedse klerewinkelgroep H&M se jeans in hul Conscious-reeks is om water te bespaar. Met dié reeks word sowat 300 miljoen liter water per jaar in die produksieproses bespaar.…

Baie beroemde en beeldskone vroue het in die verlede al juweliersware van die ikoniese Italiaanse handelsmerk Bulgari gedra. Audrey Hepburn, Elizabeth Taylor, Marilyn Monroe, Sophia Loren ... Ook die Suid-Afrikaanse aktrise Charlize Theron is in Bulgari gesien – soos in 2012 by die Londense wêreldpremière van die fliek Prometheus. Maar dit was veral in 2008 op die rooi tapyt by die Venesiese Filmfees waar sy die asems weggeslaan het. Die juweliersware wat sy daardie aand gedra het, is vandag deel van ’n unieke versameling, die “Heritage Collection”, bestaande uit sowat 600 geskiedkundige stukke wat Bulgari deur die dekades geskep het. Dit word uitgestal in ’n spesiale galery in hul pronkwinkel in Via Condotti in Rome. Baie van die juweliersware in die versameling is teruggekoop (of geleen) van hul eienaars om…

JONGER OË Vandeesmaand brei die skoonheidshuis Estée Lauder hul Re-Nutriv Ultimate Diamond-reeks uit met ’n oogroom. Nes die serum en vogroom bevat Estée Lauder Re-Nutriv Ultimate Diamond Transformative Energy Eye Creme (R2 300) skaars swartdiamant-truffel, wat help om die vel rondom jou oë glad en ferm te hou. NUWE VOLUME VIR JOU VEL In die wêreld van skoonheid is volume op almal se lippe. Het jou vel volume, lyk dit jonk en gesond; sonder volume is dit ingesonke en minder ferm. Kollageen is ’n proteïen wat onder meer in jou vel voorkom en dit plomp en ferm hou. Maar met ouderdom vervaardig jou vel al hoe minder – iets wat niemand van ons wil hê nie! Daarom beloof al hoe meer rome om kollageen oor tyd te stimuleer vir ’n…

BLOUBESSIEROOM Dis nou die tyd om bloubessies te eet! Maak dié maklike jogurtpoeding – met net 4 bestanddele: Kook 500 ml vanieljejogurt en 60 g suiker tot suiker opgelos is. Week 3 velle gelatien in yswater vir 5 minute en dreineer. Gooi by warm jogurt en meng tot gesmelt. Verdeel in 4 glashouers van jou keuse en laat stol oornag in yskas. Sit voor met vars bloubessies. SJOKOLADESPRINGMIELIES Springmielies is deesdae te kry in al wat geur en kleur is. Kees Beyers het nou ook ’n karamelspringmieliesjokolade. R17,95 vir ’n 80 g-blok by supermarkte landwyd. VIR JOU PIEKNIEK Plastiekborde is lankal nie meer vaal en stylloos soos vroeër nie. Dié borde met hul mooi blou patrone is landwyd te koop by Game teen R35,99 elk. Game is ook ’n borg…

Ek is maar ’n skrikkerige soort vrou. Nie die soort wat snags rillers lees of bedags aan dodelik gevaarlike sport sal deelneem nie. Die alledaagse lewe maak my heeltemal bang genoeg, dankie. Maar as dit by kos kom, skrik ek nie sommer vir koue pampoen nie. Of warm of lou pampoen of eintlik enigiets wat ek kan eet nie. ’n Reis na ’n vreemde streek is vir my altyd ook ’n kulinêre ontdekkingsreis. Ek kan nie verstaan hoekom toeriste in eksotiese lande dieselfde kos as by die huis sou wou eet nie. Dan kon hulle mos maar by die huis gebly het? Dis om hierdie passie vir die geure en kleure en teksture van streekskos te deel dat ek jaarliks ’n Proe Provence-toertjie vir ’n groep Suid-Afrikaanse proe(f )konyne aanbied.…

WAATLEMOENMOJITO 1/2 k waatlemoen-blokkies 1 e heuning 1/3 k vars lemmetjiesap paar kruisementblare 30 ml tequila (opsioneel) Meng alles in menger tot die kruisement gekneus en geurig is. Sit voor met fyngemaalde ysblokkies of sneeu-ys. Dit bevat min kilojoules en is verfrissend op warm somerdae. SJOKOLADEMENGELDRANKIE 1 k kokosneutmelk of amandelmelk 1/2 k Griekse-styl volroomjogurt 3 e kakao 1 t Xylitol 1/2 k sneeu-ys 30 ml sjokoladelikeur (opsioneel) fyngemaalde neute van jou keuse(opsioneel) Meng alles buiten die neute met ’n staafmenger, gooi in ’n glas en sprinkel neute oor. Kakao is ’n goeie bron van minerale soos magnesium, kalium, koper en yster. VERFRISSENDE AARBEI-DRANKIE 1 k bevrore aarbeie1 t Xylitol2 e lemmetjiesap1 k sneeu-ys30 ml rum (opsioneel) Meng met ’n staafmenger en sit voor in ’n verkoelde glas. Aarbeie is…

Wen Vir Altyd-vakansie vir 2 (bl. 48) Wen 10 CD’s (bl. 73) Intekenaanbod (bl. 139) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryde namens World Leisure Holidays, Ian Bredenkamp Media en RVB as ’n diens vir haar lesers aan. World Leisure Holidays, Ian Bredenkamp Media en RVB voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde…

Jy kon die storie van haar klein lewetjie sommer op die eerste dag lees. Op haar gesiggie. Die bang oë. Die skurwe hande. Klere wat lank reeds dit geword het waarvoor selfs vierjariges skaam begin kry. Ander ouers by my sussie se kleuterskool bring die kinders tot by die deur. Kom ons noem haar Emmie. Emmie moet maar by die hek uitklim. Sy is al gewoond daaraan dat niemand haar drukkies en soentjies gee nie. Gewoond dat niemand gaan verlang nie. Gewoond om alleen te wees. En bang. Emmie kyk grond toe. Grootmense se oë maak haar bang. Want waar sy vandaan kom, is grootmense se oë kwaai. Waar sy vandaan kom, is grootmense se oë bloedbelope. Sy kruip weg vir die soort kyk wat haar nie wil raaksien nie.…

Oral om, om my heen, is dit blou . . . sê André Swiegers se liedjie “Blou”. Elke tyd het sy kleur en 2016 gaan blóú wees, deel die kenners. Sê maar blou soos jou gunsteling-denims – die paar wat ná al die jare se getroue dra vanjaar stylvol en vol in die modekol sal wees. Of, met die grootste sportskouspel op aarde, die Olimpiese Spele, net maande weg voor dit afskop in die karnaval- en kusstad Rio de Janeiro, diepblou soos ’n groot, wye oseaan. Of dalk persblou, soos die hemele in ons noorde wat langverwagte somerreëns bring en ons warm, dors aarde paai. I bless the rains down in Africa, het die popgroep Toto destyds gesing. Die einste liedjie wat vir Suid-Afrika veral met Wêreldbekerrugby-toernooie ’n weklied…

Drie aanhalings op verskillende tye van haar lewe: op skool, ná skool en onlangs, sal sy altyd onthou. “Sy kan nie juis toneelspeel nie, maar sing so graag. En sy geniét die rol van Gouelokkies . . .” “As jy dit in dié bedryf wil maak, hoop ek jy groei uit jou sproete, laat werk aan jou skewe tande en doen iets aan die letsels op jou gesig waar die hond jou kleintyd gebyt het.’’ En dan, meer onlangs, een van die tegniese ouens op die stel van Shushh: “Christia, jy is die beste met wie ek nóg gewerk het. En die laaste een was Charlize Theron.” Christia vertolk die rol van Tess, ’n sekswerker, in dié rolprent. Sy trek haar asem so effens in. “Ek het gewonder of ek…

Drie maande lank het hy die diamantring in die regtersak van sy jeans gedra . . . “Ek wag altyd vir die régte oomblik, dinge moet perfek wees,” erken hy. In Madagaskar, op die eiland Nosy Be, besluit hy toe op 22 Augustus verlede jaar dis nóú sulke tyd. En só, reken Riaan Manser, begin een van sy grootste avonture nog. “Ek het die hele oggend in die geheim met die ring in my hand gespeel. Toe begin ek en Vasti oor iets simpels stry en ek dog, wel, miskien is vandag nie die dag nie.” Maar dié man, met tonne testosteroon, se sagte hart het ingegee. Vasti vertel: “Ons het nog grappies gemaak. Ek het gelag, kop agteroor, oë toe, en toe ek my oë oopmaak, is hy op…

Kry nóú jou kaartjie vir ’n fees van smaaklike kos, lieflike celebs, lewende V&A-sessies met kenners, wenke & truuks vir dekor en selfdoen uit die binnekring, en die kans vir lekker gesels met die spanne agter jou gunsteling-tydskrifte. En – natuurlik – heerlike vonkelwyn en wyn van Graham Beck! 11 top-celebs Anele Mdoda Bobby van Jaarsveld Karlien van Jaarsveld Cass Abrahams Marc Lottering Pete Goffe Wood Rebecca Malope Shaleen Surtie Richards Suzelle DIY Tracey Lange Vuyo Dabula die program • 9 kook-, dekor-&-selfdoendemonstrasies per sessie deur jou gunsteling-kosredakteurs en celebs • Ontmoet die redakteurs en spanne agter jou 12 gunstelingtydskrifte in hul leser-sitkamers • Koop na hartelus by Idees se Trommelskou en 16 ander opwip-winkels • Smul aan fynproewer-kos by een van die 13 kostrokke • Vul jou voorraad LKHV-produkte…

Haar grootste droom was om vir die Olimpiese Spele in Rio de Janeiro, Brasilië, later vanjaar te kwalifiseer. Sy het nog ’n bitter smaak in die mond gehad omdat sy nie in 2012 vir die Suid-Afrikaanse Olimpiese padfietsryspan gekies is nie. “Allerlei politiek, jy weet . . .” In ’n koffieplek op Stellenbosch, vars in ’n groen bloes en donker broek, met pêrel-oorkrabbers en hare informeel vasgesteek op die kop, sê Cherise Stander met ’n groot glimlag: “Maar ek sal doodgelukkig wees as ek net vanjaar die Argus-fietswedren [nou die Kaapstad-wedren] op 6 Maart kan voltooi. En ek gaan nie jaag nie!” So praat dié voormalige professionele fietsryer deesdae. Want sy is swanger. Die nuwe baba sal teen 15 Mei sy/haar aardse reis begin, vertel sy. “Fietsry kom nou tweede…

Chantelle en Bennie Kruger was 23 toe hulle verlede jaar getroud is. Chantelle, ’n onderwyseres van Johannesburg, en Bennie, ’n makelaar, het as studente ontmoet. Chantelle sê hulle is nie die uitsondering in hul vriendekring nie. “Een van my vriendinne het op 21 getrou en verlede jaar was ons ook by vier ander vriende se troue. Ek weet nie of dit toevallig is en of dit mode is om vroeg te trou nie, maar onder my vriende is liefde ’n prioriteit,” sê sy. Sy en Bennie was drie jaar saam voor hulle getrou het. “My oudste broer se vriende is meestal in hul 30’s en van hulle het grappies gemaak daaroor en gevra of ek swanger is. Maar ons is beste vriende en het vroeg al geweet ons wil altyd…

Baie mense assosieer die woord “geluk” met “luck” – iets van buite af. Vir ander het dit meer te doen met “vreugde”, iets innerliks (wat in baie tale “vrug” beteken). In ’n groot internasionale opname onlangs is gekyk na gewone mense se beskrywings van gelukkig wees ( happiness ): Dit het meestal geblyk harmonie te wees. Innerlike harmonie (tussen wat jy dink, voel en doen); en interpersoonlike harmonie (tussen mense, en ook mens en omgewing). Ander navorsing het ook getoon goeie interpersoonlike verhoudings en ondersteuning speel ’n belangrike rol in fisieke en geestesgesondheid (waarvan geluk of vreugde ’n onderdeel is). Bron: Prof. Marié Wissing van die Noordwes-Universiteit…

Love in the Time of Contempt , Joanne Fedler (Jacana, R225) ’n Absolute leesplesier wat jou sal laat lag en soms wrang laat saamstem. Die boek is vol humor en kwinkslae. ’n Lewenswyse, toegewyde en intelligente ma se ervarings en uitkyk gedurende haar kinders se tienerjare word weergegee, en daar is raad en wenke wat vir enige ouer van waarde sal wees. Sy is ’n Joodse ma, hulle is skynbaar welgestelde mense en haar seun en dogter klink so half bedorwe. Die boek is met eerlikheid, insig en erkenning van dié ma se eie tekortkominge in die opvoedingsproses geskryf. Die titel sê alles: Love in the Time of Joy Irritation Confusion Contempt. Consolations for Parents of Teenagers. Hoe hanteer ’n ouer kinders met hul eie menings, voorkeure en veral…

KÊRELSNIT-JEANS Vir ’n sjiek voorkoms, rol die pype op en dra hoëhakskoene daarby. NOUPASSENDE JEANS Ons almal kan maar net nie genoeg kry van die verslankende noupassende jeans nie. SKOUERBROEK ( DUNGAREE ) Die skouerbroek is terug en almal dra dit. Bekendes soos Kendall Jenner, Taylor Swift, Sarah Jessica Parker, Emma Stone en Diane Kruger word gereeld in een gesien. DENIMBAADJIE Klassiek, tydloos en perfek vir daardie tussenin-weer. ROCK-KONSERT Oujaarsdag-uitrusting – gemaklik en stylvol. KOFFIE-AFSPRAAK Denim saam met denim, of beter bekend as die “Kanadese tuxedo”, is die perfekte informele voorkoms. RAFEL UIT Uitgerafelde - is perfek vir informele naweekgemak. > Skoenmaats wat pas Blokhakke is dié hak van die seisoen. Dis gemaklik, modieus en kan by ’n formele of informele geleentheid gedra word. Lees tyd in styl…

In 2009 het Bulgari hulle verbind tot die Save the Children-veldtog om die lewe en opvoeding van kinders te verbeter. ’n Deel van die verkope van die spesiaal ontwerpte B.zero1-ring en ’n -hangertjie word aan die veldtog geskenk. Die Italiaanse fotograaf Fabrizio Ferri het sy tyd en talent gegee vir die projek en het oor die jare sowat 200 glanspersoonlikhede afgeneem met die ring en hangertjie. Die akteurs Ben Stiller, Isabella Ferrari, Eric Bana, Dita Von Teese en Adrien Brody is ambassadeurs van die veldtog. Bulgari het reeds 35 miljoen dollar bygedra tot die projek, wat ’n beduidende verskil in die lewe van 700 000 kinders wêreldwyd gemaak het.…

Bederf by nuwe skoonheidsalon Om in ons moderne wêreld tyd in jou besige skedule te maak vir ’n gesig- of lyfbehandeling is lankal nie meer ’n luukse nie, maar ’n noodsaaklikheid. Dít is wyse woorde van die Fransman dr. Olivier Courtin-Clarins, besturende direkteur van Clarins. Dié skoonheidshuis se storie het juis net meer as 60 jaar gelede begin toe die Franse fisioterapeut Jacques Courtin-Clarins ’n salon in Parys oopgemaak het waar vroue lyf- en gesigbehandelings kon kry. Vandag is dít steeds een van die skoonheidshuis se belangrikste pilare. Die nuwe Clarins Beauty Salon in Illovo, Johannesburg, bly getrou aan die DNS van Clarins en bied ’n wye reeks behandelings vir jou lyf, gesig, hande en voete. Ek is bederf met die Relaxing Massage (R650 vir 60 minute). Die terapeut het…

Gebruik altyd goeie bestanddele na die seisoen as jy met min bestanddele kook, vir die varsste en beste smaak 3 BEETSMAKE Sout beet Verhit oond tot 180 °C. Plaas heel bete op oondroosterplaat en bedek heeltemal met growwe sout. Bak vir 2 uur. Breek sout oop, haal beet uit en skil. Plaas geskilde beet op slaaibord en sprinkel olyfolie, swartpeper en 100 g parmesaan-skaafsels oor. Sit voor. Asyn-beet Kook 12 bete tot gaar, skil en rasper grof. Bring 500 ml wit asyn, 400 g (500 ml) suiker, 500 ml water en 20 ml heel komyn tot kookpunt en gooi gerasperde beet by. Laat kook vir 5 minute. Skep beet in skoon glasflesse en vul tot bo met vuurwarm asynmengsel. Seël met deksel en laat afkoel. Jy kan dit tot 2…

Verhit oond tot 180 °C. Plaas maalvleis, 75 g mayonnaise, ui, sout, peper, koekmeel en pietersielie in mengbak en meng goed. Verdeel die mengsel in 6 balle. Plaas een bal in jou hand en druk met jou duim ’n gat groot genoeg vir die kaas in die middel. Druk kaasblokkie in die gaatjie en maak weer netjies toe. Druk die bal effens plat tot dit soos ’n hamburger-patty lyk. Doen dieselfde met die res van die balle. Verhit pan tot warm. Gooi olyfolie in pan en braai vleiskoekies sowat 1 minuut of tot goudbruin aan elke kant. Plaas op bakplaat in warm oond vir sowat 10 minute. Sny broodjies in helfte deur en verdeel tamatie, rooi-uie…

Jy groet nie sommer tjoef-tjaf ’n suksesvolle beroep en gly sierlik ’n nuwe lewensbaan binne nie. Veral nie as jy boonop die onderneming opgebou het tot ’n groot sukses nie. Maar dit is nie onmoontlik om sonder spyt weg te stap nie. Hiervan kan Amelia van Zyl , leefstylafrigter van Stellenbosch, en Naomi Herselman , eienaar van die restaurant Searle’s Trading Post op Greyton, getuig. Amelia, wat eienaar en uitvoerende hoof was van KAMERS vol geskenke, die opwindende jaarlikse mark vir handgemaakte dekor, het begin 2015 die besigheid verkoop. En Naomi was vroeër ’n uitgewer en een van die stigter-aandeelhouers van New Media Publishing (NMP) in Kaapstad. Sy het die skuif na die Overbergse dorp in 2011 gemaak. Albei was, om verskeie redes, lus vir ’n nuwe uitdaging. Baie mense…

5 gelukkige SARIElesers kan elk die boek Ondersoek my hart deur Ilze Beukes (Tafelberg, R99,95) wen. Sedert die dood van haar ma aan kanker, toe Madelie Botma nog maar ’n kind was, het sy ’n vrees vir dokters en hospitale. Toe dokter Ian Duvenhage by haar klaskamer inbars om sy broerskind, Handré, te ondersoek, is juffrou Botma dus hewig ontsteld. Dit blyk dat Handré tydelik by sy oom bly omdat daar komplikasies met sy ma se swangerskap is, maar die man weet duidelik minder as niks van kinders en Madelie moet teensinnig ingryp. Sal die aantreklike Ian haar skanse kan afbreek en haar help om haar vrese te oorkom? Daar is immers weer ’n kankerpasiëntjie in haar lewe, haar kunsstudent Sanet, wat Madelie se bystand nodig…

“Die vroue het hom die eerste gewaar. Ek weet nie waarom hierdie woorde uit Raka by my opgekom het toe ek die Vrydagaand hoor wat in Parys aan die gang is nie. Miskien net omdat my 15-jarige dogter die nuus aan my oorgedra het. Of dalk omdat my kop heeldag gevul was met eggo’s van groot Afrikaanse gedigte. Dieselfde dag het ek verneem dat die Universiteit Stellenbosch moontlik Afrikaans as voertaal gaan afskaf. Ek was aan die treur oor iets wat in my geboorteland gebeur – en skielik moes ek ook treur oor wat in my aangenome land gebeur. Of miskien het ek aan NP van Wyk Louw se woorde gedink omdat my eie woorde nie genoeg lig kan verskaf in hierdie donkerte nie. Ons was letterlik in die donker,…

IN ONS WÊRELD IS DINGE KREATIEF, KLEURRYK, BESIG EN GEMOEDELIK – INSPIRASIE VAN A TOT Z. Dís wat jy kan verwag wanneer jy in Maart saam met SARIE by die Gallaghar-konferensiesentrum in Midrand kom fees hou! Al ooit gewonder wat inspireer die tydskrif om te doen wat ons doen, of hoe ons kosredakteurs, Barbara en Herman, gedurig met nuwe smake vorendag kom, en hoe ons dekorredakteurs, Anita en Lounette, elke keer verstom met mooi en slim idees? Jy hoef nie meer te wonder nie, want ons gaan jou vertel en sommer wys ook. Jy gaan letterlik voel jy stap deur die bladsye van SARIE, SARIE KOS en SARIE WOON. Ons kan nie wag om jou te ontvang nie; dit is immers ook jóú wêreld. Tot ons mekaar in die nuwe…

‘Aan die einde van ’n hospitaalgang lê hy, vrolike ou middelpunt, aan die korswel met almal wat ’n draai maak. Grys hare op die kussing. Gesig die kleur van siekte.” Dis hoe ek vier jaar gelede vir Lucas Maree in die hospitaal aangetref het. Lucas, in sy laaste dae voor sy dood, met die onvermydelike wete daarvan, in ’n vertrek waar hy agtergekom het (het hy vertel) hoe ruim en groot die wêreld se hart rêrig is. Dis asof sy kamer so helder en lig was aan die einde van daardie hospitaalgang. Daar was gelag en gekorswel en gehuil. Hy het die dialisemasjien Maans gedoop, wat sy “ou niertjies”, Dolla en Marthinus, moes uitsorteer. Dit was sy oupa en ouma se name, sodat hulle ook daar by hom in die…

Mense sien met groot afwagting uit na Vir Altyd . Hoe het die verfilming verloop? Die storie het my geraak, want ek is op ’n plek in my lewe waar ek daarmee kan identifiseer. Die fliek vra: Wat presies behels dit om die één te vind? Dit was ’n baie ambisieuse projek, want ons het deels op Mauritius geskiet. Dit was warm en moeilik en daar was min produksiemense op stel. Maar dit was ’n voorreg om weer saam met Ivan Botha en Donnalee Roberts te werk, asook akteurs soos Elize Cawood en vervaardiger Danie Bester. Ons het ook in die Paarl geskiet, waar ek grootgeword het. My ou straat waarin ek as kind gewoon het, is daarin, en my herinneringe. Ek het emosioneel daarin belê en…

Absolutely Awesome South Africa DERRYN CAMPBELL (AWESOME SA PUBLISHERS, R358) Campbell is gek oor Suid-Afrika en haar doel met die boek is om Suid-Afrikaners te herinner aan hoe ver ons as land gekom het, die ongelooflike skoonheid van ons land en hoe opwindend die lewe hier kan wees. Sy spog met alles wat eie aan Suid-Afrika is en deel uitsonderlike prestasies waarop ons trots kan wees. Jy kan net lag oor ons tipiese humorsin waaroor sy ook skryf. Die inligting word baie visueel en vermaaklik aangebied. Soos jy blaai, ontdek keer keer ’n “ek het dit nie nie”-brokkie. ’n Heerlike geskenk vir al jou kennisse! “Wie jy môre is, begin met wat jy vandag doen”Tim Fargo, Amerikaanse skrywer…

Dié 20-jarige is besig om die modewêreld te oorrompel. Sy het nou vir die eerste keer as Victoria’s Secret-model die loopplank in New York gedeel met ander topmodelle soos Behati Prinsloo van Namibië, Candice Swanepoel van SA en een van haar beste vriendinne, Kendall Jenner. Ook ’n gunsteling onder die mode- en skoonheidshuise het sy al in veldtogte verskyn vir Max Mara, Guess, Sisley, Tom Ford, Seafolly, Balmain (in SA te kry by H&M) en Topshop, en begin 2015 is sy as handelsmerkambassadeur vir Maybelline aangewys. Gigi se regte naam is Jelena Noura Hadid, en gene tel beslis in haar guns: Haar Nederlandse ma, Yolanda Foster, was ook ’n model en is nou te sien in die werklikheidsreeks The Real Housewives of Beverly Hills. Gigi self het ook al ’n…

MOET JY JOU JEANS WAS OF NIE? Die modeontwerper Tommy Hilfiger het al gesê hy was nie sy jeans so gereeld nie. Selfs vir maande nie. Ook Levi’s se grootbaas, Chip Bergh, het by die Fortune Brainstorm Greenkonferensie in 2014 erken die jeans wat hy toe gedra het, het ’n jaar laas seep en water gesien! Grillerig? Dalk nie. Die meeste mense was hul jeans om higiëniese redes. Die nuutste is: Plaas jou jeans in ’n verseëlbare sakkie in die vrieskas vir 24 uur om bakterieë dood te maak. Op dié manier spaar jy water en dra by tot volhoubaarheid – hulpbronne raak nie uitgeput nie en ekologiese skade word nie aangerig nie. Dis hoeka nie so ’n slegte idee met die waterkrisis in land nie ‘Ek stem saam dat…

Paul Mitchell Marula Oil Rare Oil Replenishing Shampoo (R375) en Conditioner (R395) – elk 222 ml ’n Trotse Afrika-bestanddeel, maroela-olie, word in ’n nuwe reeks haarprodukte vir droë, beskadigde en growwe hare gebruik. Dié olie is vol antioksidante, voedingstowwe en minerale wat jou hare bevog en herstel. Kies uit ’n sjampoe, opknapper, masker en twee tipes haarolies in Paul Mitchell se Marula Oil-reeks. Jy kan selfs die haarolies op jou lyf gebruik! By uitsoeksalonne Clinique Smart Treatment Oil (R695) Vitamien E en C in dié nuwe produk help beveg die skade van vry radikale. Die veelsydige olie help ook om jou velwand te versterk sodat vog behoue bly. Jy kan dit op een van drie maniere gebruik: Tik ’n paar druppels op jou vel ná reiniging. As jy minder olie…

Tydlose elegansie vir die perfekte erfstuk. Dié roosgoud-en-vlekvryestaalhorlosie met sy swart krokodilleer-bandjie, die Star Classique Date Automatic (prys op aanvraag) van Montblanc, is suiwer gehalte en styl. Tydens die Kers- en vakansieseisoen is die glansryke J’adore Eau de Parfum van die skoonheidshuis Dior in ’n groter bottel beskikbaar. Dié ligte blomgeur is al vir meer as 15 jaar ’n gunsteling onder baie vroue en die unieke bottel, met sy fyn goue nek, bly een van die mooiste ontwerpe in die parfuumwêreld. Sowaar ’n reuse-bederf! Dior J’adore (R2 420 vir 150 ml EDP) Melanosiete is selle in die epidermis van jou kopvel wat jou hare se kleurpigment vervaardig. Weens eksterne faktore en veroudering raak dié selle minder doeltreffend totdat dit later geen kleurpigment meer vervaardig nie en jou hare grys word.…

OM ’N BRAAIVLEISVUUR OF ’N KAMPVUUR. ’n Bord kos. Goeie geselskap. Met ’n paar glasies heerlike wyn wat die geselskap en die kos aanvul. Dís die resep vir lekker kuier. Met die wynreeks van Du Toitskloof Wyne is daar iets vir almal se smaak. Nes die geval met ’n pan stomende warm paella, een van hul kombuis se gewildste geregte. ’n Groot pan vol rys, stukke seekos, hoender en geurige chorizo-worsies, als saamgeprut. En saam met dié veelsydige gereg ’n verskeidenheid wyne van Du Toitskloof Wyne om die opwindende smake aan te vul. Dink net hoe heerlik gaan die Du Toitskloof Sauvignon Blanc, ’n vol witwyn met delikate sitrusgeure, fris en koel, saam met daardie geurige stuk hoender wees. En by die speseryagtige chorizo-wors kan die wyn maar net Du…

Jenewer en suurlemoen, op my manier By die Woodstock Gin Company in die Kaap maak Simon von Witt sy eie jenewer en geur dit met unieke SA geure. Net die bestanddeel vir dié resep. genoeg vir 8 – 10 24 suurlemoene, gehalveer200 g (250 ml) suiker250 ml topgehalte-jenewer ( gin )1 kg gebreekte ys1,5 liter sodawater Plaas die suurlemoene in ’n groot bak en gooi die suiker oor. Laat staan vir 30 minute. Gebruik jou hande en masseer die suurlemoene met die suiker tot al die sap en pulp daaruit kom – die growwe suikerkristalle help dat die selle in die suurlemoene oopbars. Gooi die mengsel deur ’n sif en gooi die skille weg. Voeg die jenewer by en klits met ’n draadklitser tot die suiker opgelos is.…

Kollageen is ’n jellieagtige proteïen wat in jou bene, spiere en tendons (weefsel wat ’n spier aan die been heg) voorkom. Ook in jou vel, hare en naels. Dis deel van die vel se bindweefsel wat dit plomp en jeugdig laat lyk, is noodsaaklik vir vel-elastisiteit en dryf ook die vernuwing van velselle. Sowat 20% van jou liggaamsmassa bestaan uit proteïen. Sowat 30% daarvan is kollageen. Daar is minstens 16 soorte kollageen, maar 80 – 90% van die liggaam s’n is tipe 1, 2 en 3. Tipe 1-kollageen-fibrille (’n klein veseltjie of onderdeel van ’n vesel) is sterker as staal (gram vir gram). Die woord kollageen kom van die Grieks “kolla”, wat gom beteken. Dit gee die vel sy sterkte en struktuur, maar speel ook ’n rol in die vervanging…

A Aldo 011 884 4141, 021 421 5674 www.aldoshoessa.co.za Architects of Time 011 669 0790 www.picotandmoss.co.za/architects-of-time Arthur Kaplan 011 669 5600 www.arthurkaplan.co.za B Block & Chisel 011 442 0809, 010 593 9308, 021 712 5193 www.blockandchisel.co.za C Cartier 011 66 2800 www.cartier.com Ceramic Factory 021 839 2301 www.ceramicfactory.co.za Country Road 0860 022 002 www.woolworths.co.za Cotton On 011 268 3700 www.cottonon.co.za E Edgars 011 495 6000, 0860 692 274 www.edgars.co.za F Forever 21 021 555 3324 Forever New 011 465 1829, 012 997 0575, 021 419 4552 Foschini 021 938 1911 www.foschini.co.za Fossil Accessories South Africa 021 418 0045 www.fossilgroup.com G G.Couture 011 444 2682, 021 447 3280 www.gcoutureshop.co.za Green Cross 0860 473 369 www.green-cross.co.za Guess 011 883 8391, 021 421 0110 www.guess.com H H&M 021 826 7451 www.hm.com/za Havaianas 021…

Mariaan gooi die skouersak oor haar arm. Dis handbagasie, maar die swaarste goed het sy daarin gepak. Boeke en bottels Amarula as geskenke. Iets waamee sy haar moet versoen, is dat sy nie meer sommer so maklik ’n 23 kg-tas teen steil trappies kan uitdra nie. Dis agt jaar gelede dat sy in die Lae Lande was. Toe was sy 46. Hoe is dit dat 46 so ver weg klink van vandag se in-dievyftigs? Wanneer sy soggens die slaap uit haar oë vryf en haar tande voor die spieël borsel, sien sy ’n troebel beeld van die vrou van vroeër. Op die somerkursus oor Kuns, Voorkoms en Ekspressie waarvoor sy haar impulsief ingeskryf het, het sy haar aan die dosent sit en verwonder. Die spierwit kop, die blou oë onder…