Rapport 2/2/2020

Terwyl kragverbruikers moet vrede maak met die idee van permanente beurtkrag wat tot twee jaar kan duur, heronderhandel Eskom tans die langtermynkontrak met sy grootste kliënt – aan wie die kragverskaffer reeds dekades lank elektrisiteit teen ’n reuseverlies verkoop. Maar eerder as om dié afslag – wat sommige jare tot 75% onder kosprys gedaal het – uit te wis, vrees energiekenners dat Eskom sal voortgaan om groot verliese op dié verkope te ly. Volgens die onafhanklike ontleder Ryk de Klerk het Eskom sedert 2013 reeds ’n verlies van R30 miljard gely uit sy kragverkope aan die Hillside-aluminiumsmeltery in Richardsbaai en Mozal in Mosambiek. (Dit verteenwoordig amper 7% van Eskom se totale skuld van R454 miljard.) Die twee smelterye is verreweg Eskom se grootste kliënte en gebruik saam sowat 10% van Eskom se huidige…

Suid-Afrikaners het geen rede tot paniek oor die koronavirus nie, sê ’n spesialis. Prof. Wolfgang Preiser, hoof van die departement virologie en patologie aan die Universiteit Stellenbosch, sê huidige navorsing dui daarop dat net 2% van mense wat die virus opdoen, daaraan doodgaan. Dit kan selfs minder wees. Hy het Deon Meyer raad gegee oor sy 2016-boek Koors wat oor die “dodelike koronavirus” handel, maar sê die virus in die boek is fiktief en kan glad nie met die ware jakob vergelyk word nie. Teen gister is meer as 250 mense reeds dood aan die koronavirus, wat begin Januarie in Wuhan, China, uitgebreek het. Dis ook by meer as 11 000 mense wêreldwyd gediagnoseer, maar die Nasionale Instituut vir Oordraagbare Siektes (Nios) het Vrydag gesê geen gevalle is in Suid-Afrika bevestig nie. Die Wêreldgesondheidsorganisasie…

Dis eenvoudig verbysterend dat Eskom dit kan oorweeg om sy elektrisiteitskontrakte vir die Hillside-aluminiumsmelter te hernu. Dit is geen geheim nie dat Eskom al jare elektrisiteit teen reuse-afslag aan dié smeltery lewer. Trouens, dié kontrak het die elektrisiteitsvoorsiener die afgelope dekade waarskynlik miljarde rande gekos. Wat wel heel gerieflik vir Hillside en Eskom geheim is, is die inhoud van die nuwe kontrak wat hulle pas met mekaar gesluit het. Soos dit altyd met sulke kontrakte gaan, kan ons – die mense wie se belasting moet betaal vir die reddingsboeie om Eskom se ligte aan te hou – nie weet wat die besonderhede van die nuwe ooreenkoms is nie ter wille van kommersiële vertroulikheid. Maar dis onwaarskynlik dat Eskom dié keer ’n redelike prys sou beding het. Teen heersende kragtariewe en die prys waarteen Eskom…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682. alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus-en-sakeredakteur: Erika de Beer 011 713 9633 of nuus@rapport.co.za Sportredakteur: Albert Weideman 011 713 9671 of albert.weideman@rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za Skakel 087 353 1300 om in te teken op Rapport…

Hlophe dring aan op ’n Britse advokaat. Die regterlike dienstekommissie (RDK) het ’n dwarsklap gegee vir diegene wat hom “ongevraagde leiding” wil gee oor hoe om teen die Wes-Kaapse regterpresident, John Hlophe, op te tree. In ’n oënskynlike verwysing na die Prokureursorde van Suid-Afrika, die Kaapse Balie, die prokureursvereniging Nadel en Freedom Under Law (FUL), het die RDK die afgelope week gesê hulle moet “selfbeheersing” aan die dag lê en die RDK die geleentheid gun om hul werk te doen. Byna al dié organisasies het die RDK gevra om Hlophe tydelik uit sy pos te verwyder terwyl ernstige klagtes van wangedrag ondersoek word. Die RDK sê die saak word ondersoek deur die regterlike gedragstribunaal onder leiding van adjunkhoofregter Raymond Zondo. Die tribunaal sal dit “so vinnig as wat redelik prakties” moontlik is, ondersoek. Die einste…

Dit lyk nou na ’n uitgemaakte saak dat pres. Donald Trump Woensdag sal seëvier wanneer die Amerikaanse senaat stem oor of hy in sy amp moet aanbly. ’n Mosie dat getuienis teen Trump in sy verhoor in die senaat aangehoor word, is Vrydag met net twee stemme verslaan. Dit was nadat ’n handjievol Republikeinse senatore wat nog getwyfel het, besluit het om daarteen te stem om ’n uitgerekte verhoor in ’n verkiesingsjaar te keer, berig Bloomberg. Een van die hoofgetuies wat die Demokrate wou roep, is Trump se voormalige veiligheidsadviseur John Bolton. Dié beweer volgens The New York Times meer as twee maande voordat Trump sy Oekraïense eweknie gevra het om sy politieke teen-standers te ondersoek, het hy reeds probeer om inligting by Oekraïense amptenare te kry wat Demokrate in ’n slegte…