Rapport 2/16/2020

’NFamilieonderneming in Kempton Park wat luukse Belgiese sjokolade maak, is deur die departement van arbeid uitgetrap omdat hulle te veel swart vroue in diens het en opdrag gegee om meer swart mans aan te stel. Beyers Chocolates het meer as 400 werknemers, driekwart van hulle swart vroue, in diens. Dié beslote korporasie maak nie net sjokolade onder sy eie naam nie, maar vervaardig en verpak ook sjokolade vir lugdienste, hotelle en groot winkelgroepe onder ander handelsmerke. Baie van dié vroue werk in die verpakkingsafdeling, waar hulle delikate handewerk verrig soos die toedraai van sjokolade en die strik van linte. Ná ’n onlangse besoek van ’n arbeidsinspekteur is hulle egter gewaarsku dat swart vroue in hul fabriek “oorverteenwoordig” is en moet verminder in ooreenstemming met die provinsiale demografie in Gauteng, waar net 36,2% van…

Kees Beyers, die vervaardiger van uitsoek- Belgiese sjokolade, is op die oog af ’n goeie werkgewer – soos blyk daaruit dat heelwat van sy werkers al vir hom werk vandat hy sy fabriek 30 jaar gelede geopen het. Hy is ook suksesvol. Vandat hy op 20-jarige ouderdom begin sjokolade maak het in ’n fabriekie skaars groter as ’n dubbelmotorhuis, is sy vloerruimte 175 keer meer en gee hy werk aan 438 mense. Sy passie vir die bedryf blyk ook uit sy vennootskap met die Johannesburg Culinary & Pastry School, wat bekostigbare spyseniersopleiding aan die jong sjefs en chocolatiers van môre verskaf. Kees Beyers het egter een fout gemaak. Hy het té suksesvol geword in ’n land waar sukses ’n misdaad is. Omdat hy meer as 150 mense in diens het, moet hy voldoen…

Swart ekonomiese bemagtiging (SEB) maak swart mense armer – en daarom, sê John Steenhuisen, moet dit afgeskaf word. Steenhuisen, tussentydse leier van die DA, het gister sy veldtog om permanente leier van die party te word in Mouillepunt, Kaapstad, afgeskop. “SEB bevoordeel slegs ’n klein elite,” sê Steenhuisen. “Die feite spreek vanself. Onder die ANC se SEB-beleide het swart huishoudings oor die laaste dekade 10% armer geword. Die land se armoedekoers het ook vermeerder, met 30 miljoen Suid-Afrikaners wat nou op minder as R991 per maand lewe. Van die 30 miljoen mense wat in armoede leef, is 99,8% swart, bruin en Indiër. “Ek glo dit is tyd om ons bemagtigingspogings op arm en benadeelde Suid-Afrikaners te fokus – waarvan 99% swart is. Ons moet ophou om dieselfde mense weer mag te gee.” Steenhuisen sê hy…

‘Dit was meer as net leë woorde.’ ’n Foto van Thandi Modise, speaker van die Nasionale Vergadering (NV), wat vir oudpres. FW de Klerk ’n soen op die wang gee, is gister op sosiale media gebruik in ’n reeks aanvalle op die ANC, wat Donderdagaand die EFF se eis verwerp het dat De Klerk uit die parlement verwyder word. Die ANC het Donderdag soos een man agter De Klerk gestaan toe die EFF sê hy is ’n “apartheidsapologeet” wat nie in ’n demokratiese parlement hoort nie. Zizi Kodwa, adjunkminister van staatsveiligheid, het op die trappe van die parlement gesê die ANC sou eerder EFF-LP’s “een vir een” laat verwyder indien hulle aanhou om die parlement se reëls te oortree, maar dat De Klerk nie verwyder sou word nie. Die ANC se woordvoerder, Pule Mabe,…

Durf ons hoop dat pres. Cyril Ramaphosa vanjaar die moeilike besluite sal neem om Suid-Afrika se uitdagings te takel? Ramaphosa sê hy het ’n plan, maar is dit die regte een en kan hierdie regering dit implementeer? Waldimar Pelser, redakteur van Rapport en aanbieder van Verslag in gesprek op kykNET, lei ’n reeks gesprekke met politieke en ekonomiese ontleders oor die president se prestasiegeskiedenis en wat die staats- en begrotingsrede vir ons inhou. Op Vrydagoggend 28 Februarie is Pelser by die Brooklyn-teater in Pretoria saam met Theo Venter, ’n politieke kenner van die Noordwes-Universiteit (NWU), prof. Raymond Parsons, ’n ekonomiese ontleder van die NWU se sakeskool, en Ebrahim Fakir, politieke ontleder en programdirekteur by die Auwal Sosio-ekonomiese Navorsingsinstituut (Asri). Die gesprek word Dinsdagoggend 3 Maart om 09:00 vir 09:30 in die George Arts Theatre…

Die weduwee van die vermoorde Stellenbosse wynboer Stefan Smit sê ’n ruim polis word nie aan haar uitbetaal nie omdat die polisie nog nie op ’n vorm van die versekeraar aangedui het of enige verdagte geïdentifiseer is nie. Zurenah Smit (54) voer dít aan in ’n hofstryd met haar man se dogters. Sy sê ook omdat ’n eksekuteur nog nie vir sy boedel aangestel is nie, kan sy geen uitbetalings kry om haar lopende koste te betaal nie en het haar lewenstyl “onmeetbaar agteruitgegaan”. Boonop is haar skaaphond, Shiraz, sonder haar medewete verwyder van die plaas Louiesenhof, waar sy steeds woon, lui haar beëdigde verklaring. Die 62-jarige Smit is op 2 Junie verlede jaar in sy huis op Louiesenhof doodgeskiet. Hy, Zurenah en ’n gas het pas aandete geëet toe drie aanvallers met mombakkies…