Rapport 4/12/2020

’NTekort aan Covid-19-toetsstelle en die land se onvermoë om meer mense te toets ry die land se pogings om die virus te bestry in die wiele. Terwyl die land gevra word om nóg twee weke van inperking te verduur, het die waarnemende direkteur-generaal van gesondheid, dr. An-ban Pillay, Vrydagaand teenoor parlementariërs erken dat die land nie genoeg toetse doen om ’n ware prentjie van die pandemie te kry nie. Boonop het die Nasionale Gesondheidslaboratoriumdiens (NHLS) gister teenoor Rapport erken dat die toetse wat hulle drie weke gelede al uit die VSA bestel het, steeds nie in Suid-Afrika aangekom het nie. Hierdie toetsstelle moet Suid-Afrika se toetsvermoë per dag van 5 000 na meer as 30 000 teen einde April verhoog. Die NHLS het egter nie geantwoord op vrae oor hoeveel toetsstelle uit Amerika…

Suid-Afrikaners kan teen die einde van die maand ’n geleidelike uitfasering van die inperkingsmaatreëls verwag soos wat die regering poog om die balans te bewaar tussen die gesondheid van die nasie en die behoefte om ’n reeds brose ekonomie te beskerm. So ’n uitfasering kan insluit ’n tydperk van “vrywillige inperking” waar individue en ondernemings aangemoedig word om so min as moontlik rond te beweeg, en geteikende inperking waar net hoërisikogebiede ingeperk word. Volgens die regering se jongste vooruitskattings gaan infeksies eers hul hoogtepunt in September, 21 weke van nou af, bereik. Dit is ’n direkte gevolg van die inperking, het die waarnemende direkteur-generaal van gesondheid, dr. Anban Pillay, Vrydag gesê. Daarsonder sou die pandemie in Junie sy hoogtepunt bereik het, wat veel meer siekes oor ’n korter tyd sou beteken. Pogings om…

Pres. Cyril Ramaphosa se hantering van die Covid-19-krisis geniet selfs in die sakesektor en opposisiebanke steun. Die kabinet het vroeg al maatreëls ingestel om tyd te koop in ’n land waar net vier uit tien mense toegang het tot private mediese sorg. Inperking het begin op die dag waarop die eerste mens hier aan die virus gesterf het. Kenners is dit eens dat ’n vorm van inperking nog vir ’n ruk sin-vol is. Ramaphosa wys boonop in toesprake hy verstaan ’n breë spektrum Suid-Afrikaners se vrese oor die toekoms. Dit is egter net die eerste 100 m. Groot toetse vir die regering (en elk van ons) lê voor namate ons gewoond raak aan die idee dat die wedloop teen die koronavirus ’n marathon is: Die meeste van ons sal dit weldra…

Kebby Maphatsoe, een van oudpres. Jacob Zuma se naaste vertrouelinge, het gekeer dat ’n spesiale parlementêre komiteevergadering oor wangedrag deur polisielede in townships verlede week gehou word. Die vergadering sou plaasvind nadat 38 klagte van beweerde misdrywe in die eerste week van die Covid-19-inperking by die onafhanklike polisieondersoekdirektoraat (Opod) ingedien is. Ses mense is onder meer in polisieoptrede dood en nog twee in polisieaanhouding. Klagtes oor polisie-optrede tydens inperking het intussen toegeneem “tot meer as 70”, het Sontaga Seisa, mediawoordvoerder van Opod, Vrydag aan Rapport gesê. Seisa wou geen ander besonderhede oor die aard van die beweerde misdade bekend maak nie. Andrew Whitfield, DA-woordvoerder oor polisie, het die voorsitter van die portefeuljekomitee oor polisie, Tina Joemat-Pettersson, Maandag gevra om dringend ’n vergadering oor die klagtes te belê. Dit was nadat die adjunkspeaker, Lechesa Tsenoli, verlede Saterdag…

Die staat van inperking teen die koronavirus het ’n Pretoriase regsman se verbeelding vrye teuels gegee om oor Covid-19 in sy sketse en strokiesprente te spot. As senior advokaat en ouderling in die Gereformeerde Kerk is Alwyn Rossouw (62) meestal besig met ernstige sake. Maar wanneer hy sy kwas of potlood in sy “mansgrot” by die huis opneem, steek hy die draak met enigiets van rugby tot regsterme. In sy strokiesprentreeks Junior-&-Se--nior gesels twee advokate op straat oor Covid-19 ná ’n dag in die hof. “Senior, hoe vind u al die nuutste Covid-19-grappies?” vra die jong regsgeleerde. “Lekker aansteeklik,” antwoord die kaalkop-senior. “Senior, hoekom dink u die virus het klaar versprei?” vra hy weer. “Want dis op almal se lippe,” antwoord sy meester. Van Rossouw se sketse is lekker “stout”. Ander is ’n “inside joke” wat op…

Al drie Covid-19-sterftes in die Vrystaat kan teruggespoor word na die Jerusalem Prayer Breakfast (JPB)-gebedsbyeenkoms in Maart. Dr. Willem van Tonder (76), ’n narkotiseur van Bloemfontein, was Dinsdag die derde Covid-19-slagoffer in die Vrystaat. Hy was twee weke in die Mediclinic Bloemfontein. Past. John Hlangeni (85) en ’n 54-jarige motorbestuurder van die Anta Boga-boetiekhotel in Bloemfontein is vroeër aan Covid-19 dood. Hlangeni het sessies van die byeenkoms bygewoon en die motorbestuurder het oorsese gaste, wat later positief getoets het, rondgery. Die Vrystaatse departement van gesondheid wou nie sê hoeveel van die provinsie se 94 Covid-19-pasiënte teruggespoor kan word na die gebedsbyeenkoms nie, maar Rapport verneem 70 mense wat daar was, het die siekte opgedoen. Van die Noord-Kaap se 15 gevalle kan minstens sewe ook teruggespoor word na die JPB-byeenkoms, volgens Montseng Tsiu, Vrystaatse LUR vir…