Rapport 5/31/2020

Suid-Afrikaners leef in vrees vir die koronavirus en, selfs al word die inperking môre heeltemal opgeskort, sal hulle voortgaan om alles moontlik te doen om te keer dat hulle siek word. Dit is een van die belangrikste bevindings van Rapport en City Press se tweede Covid-19-peiling wat pas afgehandel is. Dié bevinding behoort goeie nuus te wees vir wetenskaplikes wat waarsku dat “nie-farmaseutiese ingrypings” – soos hande was en sosiale distansiëring – die enigste manier is om die virus te stuit. (Lees die onderhoud met prof. Glenda Gray op bl. 10). Dis egter slegte nuus vir dié sektore van die ekonomie waar sosiale distansiëring baie moeilik of onmoontlik is – soos haarkappers, restaurante en die vermaaklikheidsbedryf. Ekonome vrees dat dit nog etlike maande kan duur voordat hierdie sektore van die skok kan herstel. In…

Die vrees vir Covid-19 kou aan die ouers van byna twee miljoen kinders wat moet teruggaan skool toe. En aan die onderwysers. En aan die derduisende werkendes wat ná twee maande van inperking weer by die winkel of kantoor of fabriek moet aanmeld ingevolge die vlak 3-regulasies. Die meeste mense wat deelgeneem het aan Rapport en City Press se tweede Covid-peiling sê hulle is te bang om hul hare te laat sny of om vriende en familie te besoek. Hulle sal dit nie doen nie, selfs al was daar geen inperking nie. Om bang te wees om Covid-19 op te doen, of om dit aan jou geliefdes oor te dra, is geen irrasionele vrees nie. Ons het immers almal gesien hoe die virus die gesondheidstelsel in welaf lande en stede soos Spanje…

Teken in: 087 353 1300. SMS “Rapport” na 31069. Intekenare-navrae: 087 353 1300. (Maandag tot Vrydag: 07:00-16:30. Saterdae, Sondae en openbare vakansiedae: 07:00-11:00.) SMS “diens” na 31069. E-pos: intekenare@media24.com WhatsApp: 087 353 1333 Waar kry ek Rapport? 087 741 3137 Nuuswenke: 011 713 9633 of 021 406 3228 E-pos: nuus@rapport.co.za Klagtes oor stories: Alet Wichmann 011 713 9682.alet@media24.com Redakteur: Waldimar Pelser 011 713 9633 of 021 406 3228 waldimar.pelser@rapport.co.za Nuus- en Sakeredakteur: Erika de Beer 011 713 9633 of nuus@rapport.co.za Sportredakteur: Albert Weideman 011 713 9671 of albert.weideman@rapport.co.za Beleef: Alet Wichmann 011 713 9682 of alet@media24.com Weekliks en briewe: Pieter Malan 021 406 3514 of pmalan@rapport.co.za…

Dit gaan onmoontlik wees om vanjaar die eiendomsklousule in die Grondwet te wysig en vir onteiening sonder vergoeding voorsiening te maak. Die ad hoc-komitee wat die wysiging moet opstel, het Vrydag amptelik ontbind sonder dat hy sy werk kon klaarmaak. Die komitee, onder voorsitterskap van dr. Mathole Motshekga, moes voor einde Mei ’n nuwe voorgestelde weergawe van art. 25 van die Grondwet aan die parlement voorlê, maar kon dit weens die Covid-19-krisis nie doen nie. En met sprake dat die munisipale verkiesing wat aanstaande jaar moet plaasvind, dalk ook uitgestel sal moet word weens die pandemie, het die dringendheid van die wysiging soos mis voor die son verdwyn. ‘Die hele proses was ’n verkiesingsfoefie.’ Die komitee sou Woensdag op die eerste virtuele sitting van die Nasionale Vergadering vra dat sy leeftyd verleng word, maar die…

Betogings, in baie gevalle gewelddadig, het in ten minste 20 Amerikaanse stede uitgebreek nadat ’n wit polisieman aangekla is van moord op ’n ongewapende swart man wat Maandag in Minneapolis in hegtenis geneem is. In Detroit het iemand Vrydagaand tot teen die skare gery en op hulle geskiet voordat hy weggejaag het. ’n 19-jarige betoger is dood. In Washington is die Withuis tydelik gesluit nadat betogers oor die mu-re probeer klim het. Die polisie het George Floyd (46), wat as ’n veiligheidswag by ’n nagklub gewerk het, Maandagaand in hegtenis geneem toe hy glo vervalste geld gebruik het om sigarette te koop. Die grafiese selfoonvideo van die arrestasie, wat wys hoe die polisieman Derek Chauvin (44) met sy knie op Floyd se nek hurk. Daar kan duidelik in die video gehoor word hoe…

Die regering sê net omdat die inperkingsregulasies “ongerieflik” is, beteken dit nie dis ’n dringende saak wat deur ’n hof oorweeg moet word nie. Boonop, sê die departement van dr. Nkosazana Dlamini-Zuma in hofstukke, is die red van lewens belangriker as enige vryheid van beweging en vryheid om ’n inkomste te kan verdien. “Die swaarkry is tydelik en word verdra deur die samelewing in die algemeen. Die voordele van die inperking oortref die ongemak en swaarkry,” het Avril Williamson, direkteur-generaal in Dlamini-Zuma se departement, die afgelope week in die hooggeregshof in Pretoria aangevoer. Die spreekwoordelike Dawid het Goliat getakel toe die Liberty Fighters Network (LFN) ’n hofaansoek ingedien het om al die inperkingsregulasies tersyde te stel. Die betoë is Donderdag aangehoor en die hof sal na verwagting dié week uitspraak lewer. Die LFN wil…