Rapport 8/2/2020

Francois Pienaar se knieval om solidariteit te toon met die Black Lives Matter-beweging voor die onlangse Solidarity Cup-krieketwedstryd in Centurion het tot groot ongelukkigheid onder lede van die Springbokke se seëvierende Wêreldbekerspan van 1995 gelei. Rapport verstaan dat daar ’n hewige bekgeveg daaroor op die ’95-Bokke se WhatsApp-groepie losgebars het – tot so ’n mate dat hul kaptein van destyds uiteindelik die groep verlaat het. Van sy oudspanmaats het Pienaar gekritiseer en is skynbaar vies omdat hulle voel dat hulle, deur Pienaar se optrede, nou ook met die BLM-beweging geassosieer word. Hulle het dit skynbaar duidelik gemaak dat hy dit sonder hul goedkeuring doen. Pienaar was by dié krieketwedstryd as aandeelhouer in die maatskappy wat die regte van die nuwe drie-spanaan-’n-kant-formaat besit en het daarom saam met die spelers voor die wedstryd gekniel. Die krieketspelers…

As jy die afgelope jaar oorleef het sonder dat jy of een van jou naastes die teiken van geweldsmisdaad was, ag jouself gelukkig. Dalk het jy grootgeword of kon jy bekostig om te trek na ’n polisiedistrik soos Brooklyn in Pretoria, waar net vier moorde in die jaar tot einde Maart aangeteken is, of Seepunt in die Kaap, met net een. Feitlik alle ander kategorieë van misdaad is in dié plekke laag as jy dit teen Suid-Afrikaanse standaarde meet, maar steeds hoog teenoor die meeste ander lande. Aan die ander kant is jy dalk deur omstandighede verdoem om jou jare te slyt in ’n plek soos Nyanga op die Kaapse Vlakte, met ’n moord elke tweede dag (185 in die jaar) en 11 voorvalle van gewelddadige aanranding elke week (593 in die jaar).…

Suid-Afrika sal sy staatsamptenare se salarisrekening in bedwang moet bring as hy die beloftes wil nakom wat verlede week aan die Internasionale Monetêre Fonds (IMF) gemaak is om ’n lening van $4,3 miljard (R71 miljard) te kry. Die lening, wat Maandagaand goedgekeur is, is nodig vir die staat se veldtog teen Covid-19. Die regering se vermoë om sy salarisrekening in te kort, hang in sy geheel af van die staatsdiensvakbonde se hofsaak om hom te verplig om hul lede vanjaar verhogings van 5,5% en 5% te gee. Dit gaan nie goed met die regering in dié saak nie. Die hoofargument in die verklarings deur Tito Mboweni, minister van finansies, en Dondo Mogajane, sy direkteur-generaal, is dat die amptenaar wat die driejaar-loonooreenkoms in November 2017 onderteken het waarvolgens die verhogings toegestaan word, nie magtiging daarvoor…

Norma Gigaba, die vrou van die pierewaaier- voormalige minister van finansies Malusi Gigaba, is gistermiddag op borgtog van R5 000 vrygelaat nadat sy die nag in die polisieselle deurgebring het. Die Valke het haar Vrydag in hegtenis geneem op aanklagte van aanranding en kwaadwillige saakbeskadiging. Sy het glo vir Gigaba aangerand en ’n vriend van hom se duur Mercedes beskadig. Die Valke se betrokkenheid by haar inhegtenisneming het baie kritiek ontlok omdat dit op die oog af eintlik maar huismoles is. Norma se inhegtenisneming volg kort nadat ’n brief gelek is waarin Luthuli-huis vir David Masondo, adjunkminister van finansies, aanspreek omdat hy die Valke “misbruik” het in ’n familiegeskil en “voorgestel” het dat hy weens dié misstap as adjunkminister bedank. In ’n WhatsApp-boodskap, oënskynlik deur ’n polisieman geskryf, wat gister die ronde gedoen het,…

Die regsman, taal- en kultuuraktivis dr. Danny Titus (63) was gister in ’n kritieke toestand in die hospitaal nadat komplikasies ingetree het ná ’n operasie die afgelope Dinsdag om ’n katarak en bloeding van sy oë te verwyder. Sy hart het ná die operasie in die herstelkamer gaan staan. Sy familie het gister op sosiale media gevra dat mense vir hom bid nadat sy toestand ernstig verswak het. Sy dogter Daléne sê in ’n boodskap aan familie en vriende dokters het omtrent ’n halfuur gesukkel om hom by te bring. Sy hart het ’n paar keer weer begin klop en dan weer gestop. Hy is sedertdien in ’n koma in die waakeenheid van die hospitaal. ’n Skandering het getoon dat hy breinskade opgedoen het, maar die omvang daarvan is nog onseker. Dit sal eers bepaal…

Ben Otto het soggens op kantoor die dag met skriflesing en gebed vir sy werkers begin. Sy onderneming, RSA Search, het miljoene rande se beleggers gewerf en die beleggers is met buitengewoon hoë rente vergoed. Maar toe raak sy geld op en nou vrees sy honderde beleggers dat hulle hul miljoene kwyt is. Die Valke ondersoek strafregtelike klagte teen Otto. Twee bronne na aan die ondersoek sê RSA Search lyk soos niks anders as ’n Ponzi-skema nie. ‘Ag man, ons moenie worrie nie.’ Otto (67), ’n oudonderwyser, het sy onderneming sedert 2014 op RSG, die streekradiostasies Overvaal Stereo en OFM, en op Die groot ontbyt op kykNET geadverteer as ’n beleggingskema met gewaarborgde, groot winste en min finansiële risiko. Sy advertensies is meestal soggens uitgesaai en was veral gemik op pensioentrekkers. Volgens Otto het toeristebestemmings…