Weg! Platteland Somer 2021

Vloog Theron. Enigiemand wat in die jare sewentig en tagtig al verstand gehad het, sal dié naam onthou. Veral diegene wat ’n vinnige geldjie wou maak… ’n Mens kan dink van Vloog wat jy wil en hom noem hom wat jy wil, maar hy was ’n boeiende karakter. Die dinge wat hy aangevang het, het die ganse wêreld aan die gons gehad. ’n Flambojante man met ’n lewensreis soos min. Iets wat nooit hoofnuus was nie, is die feit dat hy as kind op ’n piepklein dorpie in die Swartland beland het waar hy ’n sorgvrye lewe gehad het, maar ook groot swaarkry geken het. Ons praat natuurlik van Koringberg, die einste dorpie waar ons die afgelope 15 jaar wortel geskiet het en waar Platteland aanmekaargeslaan word. (Lees meer oor dié en ander…

Aftree verg ’n kopskuif Ek het nooit gedink die aanpassing sou so maklik wees nie: Skielik raak aftrede spesiaal en ’n soort rustigheid raak die filosofie van my verwagtinge. Niks, nie eens die Covid-19-pandemie, kan dit verander nie. Aftrede was nooit deel van my woordeskat nie. Maar helaas word dit ’n nuwe lewe, ’n nuwe begin. Ek voel vry! Ek is nie meer vasgevang in die gejaag na geld of status nie, en flitsende ligte, taxitoeters en sirenes is slegs ’n vae herinnering, die vyfuurverkeer bloot skimme uit my verlede. Die malende stadsmassas is behoorlik vasgeroes in hulle eie lewenspatrone. Die platteland gee jou ’n blitskursus in die benutting van gehaltetyd. Ek is betower deur my keuse – kom ons noem dit bosbetower – want ek is nou ’n “boskind”, en daarmee saam…

My Sweet Life – A Simple Masterclass in Home Baking deur Faaiza Omar Sit liefs ’n borslap aan voor jy dit waag om dié lieflike hardebandboek boordens toe vol koeke, kaaskoeke, terte, soet happies, roomys en nageregte deur te blaai. Die skrywer het haarself leer bak en gee maklike én meer gevorderde resepte en tegnieke. Hou die Herfs 2021-uitgawe dop vir ’n uittreksel. R450 Human & Rousseau nb.co.za WEN 2: Sweet Braaibroodjies en burgers deur Jan Braai Hier by Platteland wil ons skrouend die berge inhardloop as iemand “braaibroodjie” en “kinkel” in dieselfde sin gebruik, want net mooi niks klop ’n gewone braaibroodjie met kaas, tamatie en uie nie. Maar in dié nuwe boek deur Suid-Afrika se flinkste vleisbraaier ondergaan die braaibroodjie én burger ’n gedaanteverwisseling. Hier is nuwe vleis-, vegetariese én veganistiese opsies (en selfs…

Tuisgebakte walviskoekies R35 elk Coffee on Clarence (Bettysbaai) CoffeeOnClarence 073 289 0093 Handgemaakte teehouers van herwonne hout R280 elk Hennep-en-menttee 15 teesakkies van organiese Japannese katoen R100 Reclaim Design reclaimdesign.org Plakkies R280 per paar Veldskoen veldskoen.shoes Omkeerbare laphoede (omtrek 60 cm, 9 cm diep, rand 5 cm) R420 elk Skinny laMinx skinnylaminx.com My Favourite Colour-skouersak deur Frances White R180 Fabricate fabricatecapetown.co.za Abstinence-alkohol-en suikervrye jenewer in die geure Cape Fynbos en Cape Citrus (750 ml) R249 elk Abstinence abstinencespirits.com (ook by Pick n Pay) Handgemaakte terracottapotte met glasuurwerk wat vogverlies verminder (druppierings ingesluit) R260 elk Kleipots Ceramic Studio kleipotsza 083 303 6025 Opblaasdrankiehouers vir die swembad (33 x 25 cm) R80 (pak met 3) Pick n Pay pnp.co.za Houtfoonstaander (11 x 11 x 3 cm) R120 Gepetto gepetto.co.za O2 to go-vlekvryestaalwaterbottels (500 ml) met dubbelwand wat 10 uur koud of 6 uur warm hou R189 elk Pick n Pay pnp.co.za Buddy Vintage-rugsak van oorskotbuitelugtekstiel…

As ’n mens van Gauteng af Laeveld toe mik, kan jy net duskant Machadodorp twee roetes kies: Óf jy draai regs op die N4 na Waterval-Boven (deesdae Emgwenya) en ry die Elandsvallei binne deur die historiese tonnel van die Nederlandsche Zuid-Afrikaansche Spoorwegmaatschappij (NZASM), óf jy hou links op die R36 na Schoemanskloof. In hierdie wêreld praat die mense sommer van “die Kloof”, maar daar is in werklikheid ’n Bo-Kloof én ’n Onder-Kloof. Die skeidslyn is Patatanek, ongeveer 12 km hoër op van Viva af en omtrent 2 km van die geverfde Old Joeklip af. Dit vorm terselfdertyd ook die grens tussen die Mbombela-en Emakhazeni-munisipaliteit. Van Gauteng se kant af begin die Kloof amptelik by die De Beersnekpas, reg by die Bambi Country-lodge oorkant die afdraai op die R36 Lydenburg toe, en dit…

Brumilde & Mariette Joubert Joubert & Seuns-padstal “My skoonpa het in 1966 hier grond gekoop,” vertel Mariette Joubert. Haar dogter, Brumilde, kom sit langs haar in die Joubert & Seuns-padstal teen die N4. “Dit was ongerep hier, en die pad nog smal.” Joubert & Seuns is ’n bekende sitrusprodusent in die Laeveld, maar hulle vervaardig ook meubels en doen uitgrawingswerk vir landbou- en ander doeleindes. “My skoonpa het alles gedoen. Hier was selfs ’n slaghuis op die plaas – die Belladonna-slaghuis in Nelspruit gebruik tot vandag toe sy worsresep.” Mariette se skoonma het vier padstalle in die Kloof bestuur en aanvanklik is vrugte aangeplant vir dié stalletjies. “My skoonma het vrugterolle gemaak en die kinders moes staan en vlieë wegwaai. Op Kersdag is daar waatlemoene geoes terwyl ander families aansit vir Kersete.” Hoewel daar steeds…