Huisgenoot 05 May 2022

1 ‘GENOEG IS GENOEG’ Die aanbieder Minki van der Westhuizen se ma, Carien, het uitgevaar teen kuberboelies wat haar dogter afkraak Ek sal ook my mooi dogter wil beskerm teen mense wat uit pure afguns sit en kwaad bedink. Mooi mense soos julle is vir hierdie mense, weens hul eie verwronge selfbeeld, ’n teiken. Staan vas, ons love Minki en waardeer jou as ma. SUSAN Liewe ma van Minki, mense is ongelooflik jaloers op jou dogter. Sy is so briljant, ek en baie ander vroue begeer eintlik om soos sy te wees. Jaloesie is ’n nare siekte, en die boelies het ’n selfbeeldprobleem. Minki, jy is pragtig. MAGDA Ek hou vakansie op Haroldsbaai en Minki se groot advertensiebord staan by die afdraai. Elke keer as ons daar draai, groet ons haar: “Hallo Minki, jou mooi ding!”…

IN DIE drie jaar dat hy die Krugersdorp-reeksmoorde ondersoek het, het die ondersoekbeampte in die saak elke aand gebid: “Here, laat my sien; help my om geregtigheid te laat geskied.” Later het hy 47 keer die drie swaar kratte vol dossiere en bewysstukke op en af in die hooggeregshof in Johannesburg karwei voor al die lede van die Wes-Randse moordkliek tronk toe is. Nou het kapt. Ben Booysen – of “Bliksem” soos hy ook bekendstaan – ’n boek vol dramatiese onthullings geskryf oor sy werk aan die ysingwekkende moordsaak waarop die Showmax-dokkie Devilsdorp fokus. In dié boek vertel hy hoe hy die bloedspoor van 11 moorde tussen 2012 en 2016 moes volg om die sekte se berugte “hoofheks”, Cecilia Steyn, en haar trawante, Zak Valentine, John Barnard, Marinda Steyn en haar kinders, Le…

‘HERE, SPAAR ONS; MOENIE DAT ONS IN DIE MODDER STERF NIE’ SELFS in haar onrustige slaap bly Lottie de Beer vanaand bewus van die huilende wind wat die bome buite grondwaarts buig, en die reën wat nou al dae lank onophoudelik neerkletter. Maar dis die skril “pieng!” van haar selfoon wat haar vervaard in haar bed laat regop sit. Dis skuins ná 01:00 op Dinsdag 11 April. Die bejaarde De Beer-egpaar van Westville, Durban, weet dit nog nie, maar op hul drumpel dreig een van die ergste natuurrampe wat Suid-Afrika in dekades getref het … Terwyl Lottie half beneweld op die gloeiende skermpie probeer fokus, raak sy bewus van ’n vreemde gerammel en geruis wat ál nader kom. Dan is sy eensklaps wawyd wakker, want die boodskap van hul bure lees: “Daar was…

AS JY haar ’n paar jaar gelede gevra het, sou sy allermins voorspel het dít gaan haar eerste geskenk op haar 50ste verjaardag wees. Maar daar sit haar lewensmaat toe langs haar in die bed – om 02:10 die oggend – met ’n verloofring in die hand. “Ek het hom gevra om die lig aan te sit sodat ek ten minste kan sien hoe die ring lyk!” vertel die aktrise Lee-Ann van Rooi nou met ’n laggie. Reg van die begin van hul verhouding het die televisieskrywer en digter Ricardo Arendse dit duidelik gemaak wat sy bedoelings was: dat hy haar sy vrou wil maak. En toe hy haar op haar verjaardag op 13 April die jawoord vra, het sy geen oomblik getwyfel nie. Ná haar egskeiding ’n paar jaar gelede is Ricardo…

WANNEER hy hier agter die kospotte inskuif, is hy op sy gelukkigste. Natuurlik ook op ander plekke – agter enige pot of pan voel hy immers tuis – maar veral hier. Want die televisiesjef en kosredakteur Herman Lensing se kombuis is die hart van sy huis, die spil waarom alles draai. En hier, tussen die rits kookboeke, helderkleurige potte en bloedrooi kombuistoestelle wat oral uitgestal is, word uitbundig gelag, trane gestort, behoorlik gekuier, en kos gemaak, natuurlik! Sy huis in die Kaapse voorstad Welgemoed is juis rondom hierdie vertrek ontwerp, en wanneer familie en vriende kom kuier, sit hulle selde om die lang houttafel in die eetkamer en dikwels eerder in die kombuis. “Ek het die lewe deur my ma se voorskoot leer ken,” vertel Herman (34) oor sy grootwordjare op Upington in…

WARM AARTAPPELSLAAI Geen braai in Suid-Afrika is volmaak sonder braaibroodjies en aartappelslaai nie. In die Kalahari, waar ek grootgeword het, het ons winter en somer in die reën of wind gebraai – daar was altyd iewers ’n braaivleisvuur aan die gang. My ma het dié slaai gemaak vir koue aande se braai. Jy kan dit ook koud voorsit, indien verkies. GENOEG VIR 6-8 MENSE GAARMAAK: 35 MIN. ◗ 1,4 kg baba-aartappels◗ 250 ml (1 k) olyfolie die sap en skil van 3 suurlemoene◗ 60 ml (¼ k) heuning◗ 60 ml (¼ k) heelkorrelmosterd◗ ’n hand vol platblaarpietersielie, fyngekap◗ 250 g repiespek, fyngesny◗ sout en vars gemaalde swartpeper VIR VOORSIT slaaiblare van jou keuse 1 Plaas die baba-aartappels ongeskil in ’n groot kastrol en bedek met koue water. (Sit knolgroente altyd in koue water op.) 2 Bring tot kookpunt…