Huisgenoot 30 June 2022

1 DIE LAWWE LOUIS LAAT SOSIALE MEDIA GONS Verveeld? Nee, Louis het pret gehad, sê William en Kate oor hul jongste kind se manewales tydens koningin Elizabeth se jubileumvieringe Kinders bly maar kinders, maar dissipline is ook belangrik. Hy was verveeld, en ek neem hom nie kwalik nie. Hy sou veel eerder tuis wou wees met sy speelgoed. Hy is miskien ’n prins, maar kind is hy ook. MARIANA Ek het ’n kind wat twee jaar oud is. En hoor vir my, dis soms nie maklik nie. Of jy nou ’n beroemde in die kollig is of nie, mense hou jou heeltyd dop om jou te kritiseer oor hoe jy jou kind hanteer. Kate het al my simpatie. MARIETHA Hy hoef nie soos ’n pop daar te sit nie. Maar wanneer hy ’n bietjie handuit ruk,…

DIS ’n raaisel vol kleurryke karakters soos iets uit ’n speurroman. Maar vir die hoofkarakter, die oudrugbyspeler Derick Hougaard, is dié drama nie ’n sappige storie wat ’n mens vir ontspanning oorvertel nie. En dit bly aan hom vreet. Hy is vroeër vanjaar daarvan beskuldig dat hy sy meisie, die sangeres Nádine, met twee sekswerkers verkul het – en dié bewering, wat hy as vals afmaak, het hom erg omgekrap. “Derick is op aanbeveling van almal wat vir hom omgee Kaap toe, huis toe, om te rus – en Nádine ondersteun hom,” het ’n ingeligte bron vertel nadat die drama op die lappe gekom het. “Derick kon nadat die ding gebeur het glad nie meer slaap nie. Daardie man het op energiedrankies, koffie en sigarette geleef. Hy was bitterlik kwaad. Hy het vir…

TOE dit op 10 April begin reën, was hulle nie juis bekommerd nie. Die drieslaapkamerhuis was dan al byna 50 jaar oud en het al iets van alles deurstaan – woeste donderstorms, klipharde hael en die somer se Toe die reën teen die volgende dag steeds in Pinetown naby Durban neerstort, het Tia-Louise Talbot (25) en haar verloofde, Damian Stone (26), selfs buite in die reën gaan dans. En al het hul voete ingesink toe hulle op die gras loop, het hulle nie onraad vermoed nie en net gedink die grond is besonder nat. “Ons het na die ander kant van die huis gegaan, en terwyl ons daar gestaan het, kon ons voel hoe die grondwater onder ons voete stroom,” sê Tia. “Dit was ’n vreemde gevoel, maar ons het steeds nie…

IN DIE tuin voor die huis hang ’n vlieër in die boom. Dit het daar vasgehaak toe Sean Davison en sy kinders dit hier probeer vlieg het. “Dis beter op die strand. Hier is te veel bome,” sê die 12-jarige Finnian ernstig. Maar dít – of om die vlieër in enige park te gaan vlieg – was lank nie eens ’n opsie nie. Want drie jaar lank kon Sean sy gesin se huis in Pinelands in die suide van Kaapstad nét verlaat wanneer hy werk of dokter toe gaan. Enigiets anders, soos gesinsuitstappies strand toe, winkel toe gaan of selfs net ’n draai om die blok stap, was vir hom verbode. Sean, ’n professor in biotegnologie aan die Universiteit van Wes-Kaapland (UWK), is in Junie 2019 ná ’n pleitooreenkoms met die staat in…

‘BAIE DAE HET EK GEVOEL EK PRAAT MY EIE WOORDE EN NIE PETRA S’N NIE’ SY HET gelag toe sy die nuus hoor. Die aktrise Trix Vivier het ’n afspraak met die vervaardigers van Legacy gemaak om háár goeie nuus te deel. Sy was swanger, en sy wou hoor hoe dit haar rol as Petra Potgieter in M-Net se eerste telenovelle sal raak. Toemaar, ons beplan lankal ’n swangerskap-storielyn vir Petra, was hul reaksie. “Hulle het geen idee gehad wat ek daardie dag vir hulle sou sê nie,” sê Trix (34). Maar toe werk dit so uit en kon sy nog tot laat in haar swangerskap, wat sy uit die kollig gehou het, aan tonele vir die reeks verfilm. Dit was maar net een van vele raakpunte tussen haar en Petra. “Daar was baie dae…

‘AS JY BANG IS VIR IETS, SAL JY DIT NOOIT GE-DOEN KAN KRY NIE’ OP DIE ouderdom van 12 staan hy net 110 cm hoog in sy atletieksokkies, maar hy laat geen uitdaging in sy pad staan nie – ook nie op die sportveld nie. Op ses weke is ’n vorm van dwergisme by Tyrell Davis gediagnoseer, maar dit het hom nog nooit gekeer om hoog te mik nie. Soos menige tiener het hy later sy slag met verskeie sportsoorte probeer voor hy verlede jaar besluit het: ’n Driekampatleet is wat hy gaan wees. Verlede Junie begin hy toe oefen met die filosofie dat niks hom sal terughou nie – nie eens sy vrees vir water omdat hy nie kon swem nie. Net twee maande later neem hy toe deel aan die Zsports-tweekampreeks,…