Idees

Dit was drieuur die middag toe ek met ’n onlangse besoek aan Italië ’n cappuccino bestel. Kliphard nogal. Skandaal! Die mense se nekke ruk omtrent af soos hulle wil sien hoe lyk so ’n oningeligte, kultuurlose straniera (uitlander). Koffie met melk is vir ontbyt, verkieslik saam met iets soets of ’n cornetto, hulle weergawe van ’n croissant, net met minder botter. Want hulle glo ook nie botter maak alles beter nie. Inteendeel, jy sal dit nie sommer daar op ’n tafel aantref nie. Die dorpie is klein, maar daar is drie winkels met heerlike, meestal plaaslike produkte en ’n stoep vol vrugte en groente. Vars koop en self kook is net ’n leefstyl daar. En die kwessie rondom geskikte tye vir melk laat my dalk lag, maar daar word jy grootgemaak…

KREATIEWE PATRONE Melly Williams is ’n selfopgeleide tekstielpatroonontwerper van Kaapstad wat veral graag met waterverf, gouache en digitale media werk. Onlangs het sy met Caversham Textiles in KwaZulu-Natal saamgespan om ’n reeks dekormateriale bekend te stel. Daar is ses ontwerpe om uit te kies. Die reeks is aanlyn beskikbaar by mellystudio.com. VARS EN SOMERSE DRANKIE Ons almal ken en geniet ’n G&T, maar nou kan jy ook ’n P&T probeer ‒ Suid-Afrika se eerste port-en-tonikumdrankie. Dié natuurlik soet en voorafvermengde vonkeldrankie met ’n alkoholinhoud van 6% word vervaardig deur De Krans Wines, wat bekend is vir hulle portstyl wyne. Die vars vrugtegeure word gebalanseer deur die bitterheid van die tonikum op die tong. Dis landwyd by uitgesoekte drankwinkels teen R35 per botteltjie beskikbaar. EET ALFRESCO Nadat hulle in 2020 weens Covid-19 hul deure moes sluit,…

Toe die antiekversamelaar, dekorwinkeleienaar, binnehuisversierder en vintageliefhebber Lynda Gardner die eerste keer deur die deure van ’n ou matrasfabriek in North Fitzroy, ’n ‘grinterige’ middestadbuurt van Melbourne, stap, was dit ’n nare gesig wat haar begroet het. Drade het uit die dak gehang, emmers was nodig om die lekkende water op te vang uit die dak wat gedeeltelik meegegee het, gebarste ou sementvloere was vol olievlekke ná ’n vorige lewe as ’n motorherstelplek, en die agterkant van die gebou was ’n toiletblok. ‘Ek kon dit nie wáág om na die agterkant te gaan kyk nie,’ bieg sy. Maar omdat sy voorheen net langsaan gewoon het, het Lynda heimlik die plek jare lank begeer. ‘Ek het van ons boonste vensters gespioeneer en gedroom oor wat ek kan doen, en ek was vreesbevange…

HANDGEMAAKTE TEËLS VIR JOU KOMBUIS Verpersoonlik jou kombuis met muurteëls wat jy self gemaak het, of vra ’n keramiekkunstenaar om dit vir jou te maak. Die onafgewerkte voorkoms van die teëls wys dis handgemaak, en dis juis wat dit so spesiaal maak. Lees ons artikel op bladsy 62 om jou eie gipsteëls te maak, maar seël dit met ’n kleurlose seëlaar om dit teen spatsels te beskerm. Jy kan selfs lugdroogklei gebruik, maar jy sal dit goed moet seël en nie naby water gebruik nie. Gee die muur bokant die teëls ’n sementafwerking met ’n verftegniek: Kies twee of drie skakerings van grys, verf dit rofweg teen die muur en gebruik opgefrommelde koerantpapier om dit ’n growwe afwerking te gee. SJIEK IN SWART EN WIT Hierdie klein kombuis is ’n wonderlike voorbeeld van…

Navorsers noem blou sones die agtste wêreld-wonder. Daar is vyf van hulle ‒ hierdie wonderbaarlike streke op die aardbol waar mense volgens statistieke die langste leef: die eiland Sardinië in Italië, die Okinawa-eilande van Japan, die Nicoya-skiereiland in Costa Rica, die eiland Ikaria in Griekeland, en Loma Linda, Kalifornië, VSA. Al hierdie streke is relatief warm dwarsdeur die jaar, taamlik klein en afgeleë, en naby die see. Maar afgesien van ligging, lê die geheim van langlewendheid ‒ waar mense minstens 90 jaar en dikwels ouer as 100 word (met ’n merkwaardig lae voorkoms van kanker, hartsiekte en demensie) ‒ in ’n veel meer omvattende, holistiese resep. Dit sluit in matigheid, vreedsame naasbestaan en volhoubare goeie gewoontes. Volgens die skrywer en avonturier Dan Buettner, wat die blou sones eerste geïdentifiseer het en die term geskep…

ONTHOU HIERDIE WENKE WANNEER JY DIE MEDITERREENSE DIEET VOLG: ⁕ Kies vrugte, groente en kruie wat in die seisoen is. ⁕ Maak die groente die hoofdeel van jou maal en eet maer hoendervleis en seekos (veral olierige vis) eerder as rooivleis. ⁕ Gebruik olyf-of avokado-olie eerder as botter. ⁕ Voeg heel grane en peulgewasse by jou dieet en vermy verfynde bestanddele. ⁕ Sluit sade en neute in. ⁕ Vermy suiker en te veel alkohol. GEBLIKTE/GEBOTTELDE GROENTE EN PEULGEWASSE □ Bone □ Kekerertjies □ Lensies □ Tamaties □ Tamatiepasta □ Geroosterde soetrissies □ Artisjokharte □ Wingerdblare GEBLIKTE VIS □ Ansjovis □ Sardientjies □ Tuna □ Salm GRANE EN PEULGEWASSE □ Pastanoedels □ Rys □ Couscous □ Bulgurkoring □ Gort □ Quinoa □ Polenta □ Neute □ Sade GEDROOGDE KRUIE EN SPESERYE □ Basiliekruid □ Origanum □ Ment □ Roosmaryn □…