Kuierの 26 February 2026 の目次

Dit gaan altyd gerook hier in Kuierland op deadline-dag wanneer ons fabriek toe gaan. Dit voel so of daar, nét as jy besig is om een storie se uitleg af te teken, ’n WhatsApp op jou foon flits, of iemand bel, óf'n dringende e-pos deurkom wat jou aandag kort . . . Hier op deadline-dag lui iemand my eers op Teams op my laptop, en toe ek dit mis, lui my selfoon sekondes later. Dis ons gebou se ontvangsdame op die grond-vloer. Daar is ’n leser wat dringend die mense van Kuier soek. Ons joernalis René Cloete het ’n oop hand en spring in die lift 20 vloere af. Kort daarna bel sy: ’n Vrou is hier. Haar ma is ’n groot Kuier-fan en het haar 2026 Kuier Kalender in…

Sy erken sy is stiller as gewoonlik omdat sy nog herstel van ’n onlangse operasie, maar jy sou dit nooit kon raai as jy na dié foto's kyk nie. Monique Rockman (38) is eenvoudig nie ’n vrou wat gaan lê nie. So as daar ge-pose moet word, ken sy haar storie. Hier op die stel van Kelders van Geheime, e.tv se gewilde daaglikse drama waarin sy die rol van Crystal speel, skitter sy en haar medester Boudine Ballem, oftewel Brenda, op dié laatsomersoggend op die prentjiemooi wynlandgoed Plaisir tussen Paarl en Franschhoek waar die reeks verfilm word. Monique vertel haar ma, Pamela (60), kuier tydens die shoot by haar huis in Eersterivier in die Kaap. Daar help sy met huistakies en om hand by te sit met haar kleinseun Axel…

Beskou alle beeldmateriaal as ongeverifieerd tot bevestig. Nomalanga beveel aan jy kyk of amptelike bronne die feite bevestig het, en soek vir die storie in meer as een betroubare bron. Ook om veral versigtig te wees met inhoud wat kinders behels. Gebruik hulpmiddels wat feite kan nagaan. Wendy verwys hier na gespesialiseerde platforms soos hivemoderation.com vir die ontleding van inhoud, en africacheck.org, nog ’n nuttige hulpmiddel om bewerings na te gaan. Kyk vir visuele rooivlaggies. Bronwyn stel voor dat jy kyk vir vreemde hande of vingers, vervaagde of vreemde teks, skaduwees wat nie eg lyk nie, herhaalde gesigte in ’n skare, of “perfek saamgestelde” gedenkbeelde wat voor enige amptelike aankondiging verskyn. Verstaan hoe algoritmes werk. Bronwyn sê jy sal meer van die inhoud sien wat jy like, op kommentaar lewer…

Die huis het nooit werklik stil geraak ná haar ma se dood nie, want daar was ’n pa en broers om na om te sien. Maar vir Elize Mathane (43) van Barkly-Wes, die eertydse diamantdorpie sowat 35 km vanaf Kimberley in die Noord-Kaap, het dit leeg gevoel. Net daar, op die drumpel van die grootmenswêreld, is sy skielik daarin gedompel. Borskanker het nie net haar ma, Theresa, weggevat nie, dit het drie jaar lank tussen die ouderdomme van 16 tot 19 ’n lewe aan haar oorhandig waarvoor sy nie gereed was nie. In dié drie jaar, terwyl haar ma teen dié siekte geveg het, het dit Elize, die jongste van vyf kinders, ’n “ma” gemaak nog voordat sy klaar was met dogter-wees. Elize se pa, Peter, het sy beste vriendin…

DADELBOLLETJIES Lewer 18 buns BESTANDDELE Deeg 3½ koppies koekmeel 1 pakkie (10 g) kitsgis 2 eetlepels suiker ¾ koppie gemengde melk en water (half-en-half), net meer as louwarm 1 teelepel sout 1 eier, geklop (opsioneel) 80 g gesmelte botter gemeng met 2 eetlepels sonneblomolie Vulsel 12 dadels, pitte verwyder ¼ koppie gedroogde klapper, roasted 2 eetlepels gesnipperde almonds, roasted 1 teelepel kardemompoeier 2 eetlepels gesmelte botter 3 eetlepels dadelstroop of kondensmelk Om aanmekaar te sit 3 eetlepels gesmelte botter gemeng met 3 eetlepels kondensmelk gesnipperde roasted almonds om te garneer METODE Deeg 1 Plaas ½ koppie van die meel in ’n beker, voeg dan die kitsgis en suiker by. 2 Voeg die louwarm melken-watermengsel by en meng goed. Laat dit vir 10 minute eenkant staan. 3 Sif die oorblywende 3…

Vraag SWAAR LAS My suster was in die nood. Toe vat ek haar in tot sy iewers ’n plek kon kry. Dis nou al amper ’n jaar wat ek nou opgeskeep is met ’n ekstra mens in my huis. As ek praat oor wanneer sy gaan uittrek, is ek die vark in die verhaal. Sy werk, maar sy betaal nie vir krag, kos of water nie. MOEDELOOS Antwoord BESTE MOEDELOOS Enige normale mens sal hul suster of broer inneem as hulle iewers ’n lelike afdraai in die lewe gevat het. Dan wag jy maar tot hulle weer op die regte pad kom. Soms is al wat hulle doen egter om jou goedheid te misbruik. Dit klink as jy haar verder gaan druk om uit te trek of ’n plek van…

Hy noem homself breëbors ’n “Belhar-boytjie”, al is hy die medestigter van ’n besigheid wat op sowat R4 miljard gewaardeer word, en boer hy op die wêreld se stock exchanges en techplatforms. En hy't g'n airs nie, al speel Eldrid Jordaan (48) van Belhar op die Kaapse Vlakte deesdae op die Luxemburgse aandelemark – daar waar maatskappye soos die een wat hy help stig het, Suppple, internasionaal genoteer word. Sy visie is juis om dié tegnologie-maatskappy een van Afrika se grootstes te maak . . . “Ek sê ek is ’n Belhar-boytjie met trots, want Belhar het my gevorm. Dit het my geleer om sterk te staan, vas te glo, my sin vir humor te behou, en vir my mense om te gee. Op die Kaapse Vlakte leer jy vroeg…

KOL-TOT-KOL Verbind al die kolletjies in die groot prent hier langsaan in die regte volgorde totdat dit soos die ingekleurde prenpie lyk. Wanneer jy klaar is kan jy joune inkleur nes jy wil! SUDOKU Watter prentjie hoort in elke sterretjie? SKADU-SPEL Watter skaduwee pas by elke musikant? LIEDJIE-RAAI Hoe goed ken jy jou hits? Watter liedjie behoort aan watter kunstenaar? A Golden B Chanel C Soda Pop D Lush Life E Daisies F Man I Need G IJustMight H Jump I Skit Jou Lyne J Big Guy NAME-RAAI Kies die korrekte naam vir elke instrument. A fluit B sintetiseerder C tromboon D saksofoon E harp F simbale G tamboeryn H xilofoon I tjello J viool…

NR. 212 agterdeur albaster antie atoomkrag badwater bakkopslang basaar beampte biologie chemie dankgebed detensie disa dwarsstraat elegansie emalje faktuur ferweelbroek gebergte geloof graat haasbek hengelaar impala judo kadetoffisier kassetopnemer kilometer krokodil laserstraal messteek miembar muskadel nudisme onderhoof ontbyt opmars parool plesierboot reservoir riffel rysmier sheriff skerpioen Talmoed toorgoed tutor uitsending ventilasie waterpokkies OPLOSSING VERSKYN IN DIE UITGAWE VAN 12 MAART 2026. SOEK VIR DIE SPELETJIENOMMER.…

Sy karakter Darren is slim, maar bevind hom soms in “verkeerde situasies”, soos kykers onlangs gesien het toe dié by die Willem Wolf-aanlyn groep betrek is – wat hom die verkeerde pad laat loop het. “Darren probeer steeds sy plek in die lewe vind, nes die meeste tieners, wat hom meer vatbaar maak vir invloede,” vertel Tarique. Sy eie kinderjare op die Kaapse Vlakte was nie maklik nie. “Ek't in plekke soos Lavender Hill, Steenberg, Retreat, Sun Valley en Ocean View gewoon. En ek's een van net 36 mense in die land wat met sistinose leef – ’n seldsame chroniese toestand waar die liggaam nie van ’n natuurlike stof ontslae kan raak nie. Dit bou dan as kristalle op in die organe en veroorsaak later probleme. “In 2015 het ek…

Ek is gebore en getoë in Pacaltsdorp in George. Dis ook waar my lewenspad die afgelope paar jaar onherroeplik verander het. My storie is nie een van glans of roem nie, maar van stille opoffering, diepe liefde en ’n geloof wat my deur een van my moeilikste lewenseisoene gedra het. Dit was vir my ’n groot voorreg om my 83-jarige ma te versorg tot ek haar twee maande gelede aan die dood moes afstaan ná ’n lang en uitmergelende stryd met demensie. Die seer is nog vars, die gemis is erg, en die huis voel leeg sonder haar. Ek verstaan nou dié vraag: “Wat is ’n huis sonder ’n moeder?” My ma was nie sommer net enige vrou nie, sy was ’n ware gemeenskapsmens – iemand wat altyd haar beste…

“Char oor Angie se hel”, 12 Feb. Char Carrie jy is ’n dapper, pragtige jong aktrise wat haar rol baie goed vertolk het. Respek. DALAURA Sy verdien ’n Oscar vir haar spel in Suidooster. Sy's een van die beste aktrises in dié sepie, onse Angie. FRANCOIS “Beroerte is g'n ‘oumenssiekte'”, 12 Feb. God laat ons deur iets gaan om ons stil te laat sit en dink oor ons lewe. Mag God saam met jou wees, Jaden Hoedemaker. SHEILA “Die singende paramedikus”, 29 Jan. Ronelle Joseph is ’n baie vriendelike mens. Mag God jou seën en jou altyd beskerm. Ek het dié pragtige dame laas jaar ontmoet toe sy en haar kollega my seun Tygerberg-hospitaal toe geneem het. Mag jy oorvloedig geseën word. ROWENA “Stygende lewenskostes, krimpende beursies”, 29 Jan. Ja,…

Dis 2025. In ’n wagkamer van die Christiaan Barnard-gedenkhospitaal in die Kaap sit Charlotte Visser (53) van Concordia in die Noord-Kaap. Haar lyf is geswel van vloeistof, haar energie gedreineer deur die vier uur lange dialise-sessies drie keer ’n week. Sy's uitgemergel en seer, maar innig dankbaar dat sy binnekort vir die tweede keer ’n orgaan gaan ontvang. Vyftien jaar gelede het sy vir 11 maande gewag op ’n gesonde hart, dié keer is dit vir die nier. Gelukkig het haar niggie, Raylene (30), selfloos haar eie aangebied. Charlotte, ’n munisipale raadslid, sê oorlewing definieer haar, want hoewel sy en haar tweelingsus, Charmaine van den Heever, tot die uiterste deur genetika en ’n wrede mediese lot getoets is, leef hulle nog. Al is hulle ál oorlewendes van hul ma, Brenda,…

Toe dié meester van martial arts nog ’n waaghalsige seuntjie van die Bo-Kaap was, het min mense kon raai dat hy eendag sy naam sou sien pryk langs dié van internasionale legendes soos Bruce Lee en Jackie Chan. Min mense, behalwe dalk sy pa . . . Dit was Muhammad Junaid Chafeker (42) se oorlede pa wat eerste raakgesien het wat ander bloot as ’n oormaat energie sou afmaak: sy spoed, sy ratsheid, sy buigsaamheid en sy natuurlike atletiese aanleg. En eerder as om dit te probeer onderdruk, het sjeik Abdullah Chafeker doelbewus sy seun se talent laat slyp deur ’n formele vegkunsskool op te spoor en hom daar in te skryf. “Ek het oor naweke begin oefen, Vrydae, Saterdae en Sondae,” vertel Muhammad. “Wat vir my besonders was, is…

Stres kan talle mediese toestande vererger. Het jy geweet dit kan selfs lei tot ’n groter en soms harde maag wat bekendstaan as ’n ‘stress belly’, oftewel ’n kortisolbuik? KORTISOLBUIK WAT ÍS DIT? Langdurige hoë vlakke van die streshormoon kortisol laat oortollige vet om die maag ophoop. Dis dikwels hardnekkig en verdwyn nie maklik deur dieet of oefening nie, en sluit vet onder die vel (subkutane vet) en om organe (viserale vet) in. MEER OOR KORTISOL Dié hormoon word deur die byniere vervaardig en help die liggaam om op stres te reageer, asook met die volgende: Dit ondersteun geheuevorming. Dit reguleer metabolisme. Dit verminder inflammasie. Dit reguleer bloedsuikervlakke. As dit egter by chroniese stres kom, bly die kortisolvlakke hoog. Dís waar probleme soos moegheid, angs en gewigstoename (veral om jou…

SMS OM IN TE SKRYF! VRAAG: Watter aktrise wat Sidney Prescott in die eerste Scream-fliek in 1996 gespeel het, is nou te sien in Scream 7? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 18 Maart 2026. SMS/R1,50. Die oplossing verskyn in die uitgawe van 9 April 2026. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 18 MAART 2026. GEEN WHATSAPP-BOODSKAPPE WORD MEER AS INSKRYWING AANVAAR NIE.…

Toe ek grootgeword het, het die grootmense altyd gesê: “. . . en iets sê vir my. . . ” – dis nou wanneer iets gebeur en hulle ’n voorgevoel daaroor gehad het. As ’n laaitie – en nou as volwassene – was ek maar skepties oor dié voorgevoel-besigheid. My een ouma was so ’n voorgevoelmens. Sy het byvoorbeeld nie die weervoorspelling op die draadloos geglo nie, want, “Wie was bo?” So, hoe het hulle geweet daar is reën op pad? Sy het maar na die tekens van die veld en die natuur gekyk om die weer te bepaal. Baie mense van my komvandaan het tekens in die veld gesien om sekere dinge te bepaal, omdat hulle in daardie stadium na-aan die veld gelewe het. Met ontwikkeling en modernisering het…

Deur alles wat sy al beleef het, staan een waarheid vandag vir Berenice Kogana (47) vas: Enkelmoederskap is nie ’n straf nie. Dis ’n bediening. Sy wéét, want Berenice is die stigter van The Myrtle Tree, ’n niewinsgedrewe organisasie (NPO) wat enkelma‘s in die Mosselbaai-area emosioneel, geestelik en prakties ondersteun. Dié roeping het nie vir haar begin met sekerheid of selfvertroue nie, maar met verlies, twyfel en diepe eensaamheid, sê Berenice. Want toe haar dogter, Jada (20), net twee jaar oud was, is sy geskei. Skielik moes sy ‘n onbekende pad stap. “Ek was baie onseker. Ek het nie geweet wat voor my wag nie en ek was oorweldig deur mense wat vir my gesê het ek moet nou ma én pa wees.” Berenice, vandag‘n pastoor, het grootgeword in ’n…

Pantone se kleur van 2026, Cloud Dancer, werk nie net lekker in jou klerekas nie, maar ook in jou mooimaakroetine. Dié sagte, ligte wit bied ’n maklike en moderne manier om jou grimeerstyl op te knap. Die kleur is maklik om te dra, pas by alle velkleure, en is verrassend veelsydig. Dit gaan oor ’n gloeiende vel, pêrelglans, melkagtige naels en deurskynende lipkleur wat lig weerkaats. Of jy ’n subtiele voorkoms of ’n netjiese monochroom styl kies, Cloud Dancer wys hoe eenvoudige skoonheid steeds ’n sterk indruk kan maak. GESIG Cloud Dancer gee ’n sagte, stralende glow aan jou vel, eerder as swaar bedekking of skerp kontoerlyne. Die regte basis begin by goeie velsorg. Moenie net op een moisturiser staatmaak nie – 2026 se vel-eerste-benadering gaan oor vog in lae,…

ANSA SÊ: ■ Wees bereid om jou ego agtergrond toe te skuif. ’n Nederige ingesteldheid bou wedersydse respek en versterk die verhouding. Die dae van “kinders word gesien en nie gehoor nie” is hopelik in die verlede. Natuurlik hoef ouers nie toe te laat dat kinders gesprekke oorneem nie, maar dis belangrik om te hoor wat hulle te sê het. ■ Lei hulle na verantwoordelikheid. Verskaf duidelike waardes en grense, maar laat ouderdomsgepaste keuses toe. Wanneer kinders self kan probeer, maar steeds weet ondersteuning is beskikbaar, ontwikkel hulle selfvertroue en ‘n verantwoordelikheidsin. ■ Luister om te verstaan. Jul meningsverskille kan belangrike leergeleenthede wees. Vra meer vrae om te verstaan, eerder as om verduidelikings te gee wat die gesprek net daar beëindig. ■ Om vir jou kind jammer te sê as…

Ons wys als wat jy moet weet oor die nuwe Afrikaanse show Paradys op SABC2 en loer in by Skemergrond se Darren! OP TV Is jy lus vir ’n lekker nuwe Afrikaanse show? Wel, SABC 2 brei sy Afrikaanse kykgenot uit met ‘n splinternuwe telenovela, Paradys, wat tans op weeksaande op dié kanaal te sien is. Al die drama speel af in ’n Johannesburgse gemeenskap, Paradys, waar die kerk die spil is waarom almal se lewens draai. Dit vertel die storie van twee gesinne, en jy kan jou regmaak vir al die geheime en brose verhoudings wat gaan sorg vir hope drama! 10 DINGE WAT JY OOR PARADYS MOET WEET: 1 Die hoofskrywer agter dié nuw e telenovela is Piet Matipa, wat ook die hoofskrywer van die gewilde sepie 7de…