Lééfの April 2016 の目次

Die Hennopsrivier vloei sterk en raak-raak aan die motorbrug se kante. Dis asof ’n mens die Jakarandastad se dankbaarheidsug bo die droogtekreet kan hoor. Jak en Jamie (6) se aandag is by hulle boublokkies. Môre is Jamie se eerste dag in gr.R – die eerste voëltjie wat die nes verlaat. “Ons het die kinders – Jamie, Mija (4) en Mika (8 maande) – belowe ons gaan vandag net lekker goed doen: fliek, uiteet, speel,” sê Jak wat dié oggend nog uit die Kaap teruggevlieg het waar hy die nuutste episode vir Reis na gister geskiet het. Hy maak koffie terwyl ek my verkyk aan sy en sy vrou en bestuurder, Michelle Roux, se kunswerke. Langs die kaggel staan ’n bondel skilderye in borrelpapier en wag om ’n gaatjie teen die…

‘Dis tyd om te besef wat God se definisie van ’n vrou is en om die leuens van die wêreld te vergeet! God ken die regte jy en het jou innig lief. Ken jy jouself? Het jy jouself lief? Kyk buite jouself. Maak jou los van die oppervlakkige, gryp die grootste avontuur aan en aanvaar die grootste liefde van jou lewe. Leer om in elke situasie ’n Goddelike karakter uit te straal en te weerspieël. Dan sal die wêreld regop sit en notisie neem van jou. Jy is beeldskoon in God se oë. Sien jouself soos Hy jou sien’LISA BEVERE…

‘Waar die mens net verlepte blare sien, sien God mooi blomme groei’Albert Lai-hton Uit die kruietuin Jo Malone The Herb Garden Cologne met ’n vars groen ondertoon wat herinner aan ’n kruiebedding in die agterplaas. Beskikbaar in Sorrel & Lemon Thyme, Wild Strawberry & Parsley, Nasturtium & Clover, Carrot Blossom & Fennel en Lavender & Coriander. R780 vir 30 ml. Bederfplek Van 1 April tot 31 Augustus 2016 kos ’n tweedag-besoek mét etes en verblyf by Bush-mans Kloof Wilderness Reserve & Wellness Retreat slegs R2635 per persoon wat deel. Meer inligting: www.bushmanskloof.co.za. Nuut op die rak 1 Estée Lauder Double Wear Waterproof All Day Extreme Wear Concealer steek donker kringe weg. R330. 2 Guinot Crème Eye Fresh Cream met kaviaar-ekstrak speel klaar met donker kringe en pofferigheid. R870. 3 Gatineau…

‘Dis ’n tyd wanneer ons as gesin stilraak en God ons Koning al die eer gee’ Die afgelope 19 jaar boer Madeleine en Philip du Toit op die plaas Mount Vernon digby Durbanville met olywe, Getshemane Olives, en wyn onder die etikette Mount Vernon en Three Peaks. En soos Madeleine sê: “Hier het ons die Here régtig leer ken en het ons verhouding met Abba gegroei tot ’n diepe liefde.” Die Du Toits, ouers van Philip jr. (16), Nicola (14), Annabelle (5) en Johann (2), is ’n gedugte span. Philip is verantwoordelik vir die verbouing van die olywe en Madeleine vir die inmaak-proses, navrae en aflewerings, én sy sien toe dat hulle kliënte gelukkig is. Die naam Gethsemane het gekom nadat Philip op een van die bekende evangelis Angus Buchan…

Maandag Hy is Koning! Lees weer Lukas 19:28-44 oor die intog in Jerusalem. Dink aan die skare wat palmtakke voor Christus se voete gegooi en Hom met “hosannas” toegejuig het. Pluk ’n palmtak vir jou huis en herinner jouself en jou gesin aan die simboliek daarvan. Wanneer jy “Hosanna” uitroep, moet jy dit bedoel. Dinsdag Verloën ek Hom dalk? Bid dat die Here jou sal wys op watter maniere jy Hom verloën. Dalk bly jy stil wanneer iemand in ’n geselskap Sy Naam ydelik gebruik. Dalk keur jy onreg stilswyend goed. Daardeur ontken jy dat jy Christus aanbid en liefhet. Vra Sy vergifnis. Vergewe ook ander wat verkeerd teenoor jou optree. Woensdag Eet en drink met Hom Dek ’n Paastafel vir jou gesin. Hou dit eenvoudig met brood, wyn en…

Hoe het ’n breë blootstelling aan al die kerke in Suid-Afrika jou geloof beïnvloed sedert jy destyds oor kerksake begin verslag doen het? Een van my vroeë indrukke as kerksakeverslaggewer by Beeld was hoe al die kerke gesê het hulle aanbid Jesus, maar hoe Jesus in elke kerk ’n bietjie anders lyk. Dit het my aangespoor tot ’n lewenslange poging om Jesus beter te verstaan. Dit het in 2014 gelei tot my boek Op soek na Jesus. Verder was my wye blootstelling aan kerke en hulle verskillende perspektiewe verskriklik verrykend. Elke kerk het sterk en swak punte. Ek kon by elkeen leer uit sy beste kant sonder om hulle swak punte myne te maak. Wat maak jou kinderlik opgewonde oor God? Die manier waarop Hy Sy reddende en genesende liefde…

Ons almal ken dit: Haweloses en hulpeloses wat by verkeersligte of inkopiesentrums meeding om ons aalmoese. Mense wat al hulle besittings in ’n lendelam inkopiewaentjie rondstoot, wat dalk in welgestelde buurte se vullisdromme krap op soek na iets om te verkoop. Dis nie lekker om te sien nie en ons word só daarmee gebombardeer dat dit gewoonlik makliker is om die kop weg te draai en die mens agter die ellende mis te kyk – met sy stories, behoeftes en bowenal sy drome. “Ek geniet dit om met hout te werk,” vertel Sibulele Mbebe van Khayelitsha. “Ek het na The Carpenter’s Shop begin kom om te stort, want ek was haweloos. Toe begin ek met ’n skrynwerkerskursus en nou kan ek werk. Ek wil van die strate af wegkom, geld…

Op ’n Saterdagoggend jare gelede het ek twee vriendinne oortuig om douvoordag saam met my na ’n buurdorp te ry. Ons bestemming was ’n rustieke meubelwinkeltjie waar ek die tafel van my drome raakgeloop het. ’n Hele paar kilometer en ’n koffiestop of twee later was die tafel by die huis. Mense wat ons ken, sal weet ek en my man is nie bang om in tafels te belê nie. Daar is ’n ronde tafel in ons kombuis met letsels wat vele gesinstories vertel. Dan is daar die ekstralang, ekstrabreë tafel in ons eetkamer, waar ons gesin van sewe met gemak kan aansit. Dit kan ook verleng word om net-net 16 mense te akkommodeer. In ons stoorkamer is daar nog twee eetkamertafels wat ek op die internet raakgeloop het. Gewoonlik…

Daar is vrede in die donkerkopvrou se oë waar sy by ’n koffieplek in Johannesburg haar storie deel. Vir Berné Grobler, vervaardiger van die Christen-geselsprogram Geloof, hoop en liefde op kykNET, was die voorafgaande maande ’n uitmergelende tyd. Dié program is Berné se passie en haar produksiemaatskappy, Take Heart, is ook verantwoordelik vir die oggendboodskappe en Sondagdienste op dié kanaal. Sy is bésig, en toe haar huwelik verlede jaar ná nege jaar van oor en oor probeer op die rotse beland, was daar nie tyd vir opkrul en wegkruip nie. “Daar is áltyd hoop,” sê Berné glimlaggend en neem ’n slukkie van haar swart rooibostee. “Dis hartseer dat my huwelik misluk het, maar die Here het my daardeur gedra. Ek móés eenvoudig aangaan – ek het my onderneming, mense wat…

My wens is dat elke kunstenaar soortgelyke oorvloed, vreugde, belewenisse en ontdekkings in die Woord kan ervaar ‘Ja, ek’s geseënd en nog baie aktief deur die genade van bo!” sê Joy Heyneke (72), soos haar naam suggereer ’n bol vreugdevolle energie en immer flink om haar kuns en joernale te wys. Sy woon in Queenswood, Pretoria, saam met haar man, Boet, wat meubels restoureer. “Van aftrede is daar nie sprake nie, ons werk albei baie hard. Die Here sorg getrou elke maand vir ons. Ons plaas die Koninkryk eerste deur soggens huisgodsdiens te hou en die verbondsmaal te gebruik.” As mentor fokus Joy op die kreatiewe ontwikkeling van ontluikende kunstenaars. “Mense is geneig om mooi prentjies te skilder sonder om die betekenis daarvan te oorweeg. Ek leer hulle om uit…

God waarom lyk die wêreld so? deur Adrio König “Dit was so bestem.” “God het dit met ’n doel toegelaat.” Vir die magdom mense wat al diep seergekry het, bied dié clichés lankal nie meer ’n troos nie, sê Adrio König. In God waarom lyk die wêreld so? help hy lesers om God se almag, goedheid en liefde te midde van al die “waaroms” te verstaan. Die boek kyk na vrae wat Christene gewoonlik te bang is om hardop te vra, soos: “Hoe moet ons verstaan dat God in beheer is as die wêreld só lyk?” Die eerste hoofstuk bevat verskeie ware verhale van mense wat van die grootste gruwels beleef het en bied ’n agtergrond waarteen die res van die boek gelees kan word. God waarom lyk die wêreld…

1 Gerhard en Anna-Marie Lindeque vanVanderbijlpark het hulle 39ste huweliksherdenking met die By Sy Voete-behandeling gevier. 2 Dorea du Plessis, ’n onderwyser van Randburg, se behandeling was ’n verjaardaggeskenk van haar vriendin. “Dis so rustig hier! Ek het dit baie nodig!” 3 Marcelle Prinsloo van Lichtenburg het haarself bederf met ’n massering. 4 Leanie Taljaard van Northcliff sê: “Wanneer ek hier uitstap, is ek weer kalm.” 5 Alta Steyn van Linden het weggebreek van die stad se geraas.…

In die jaar 2000 gaan stap ’n boer en sy vrou een laatmiddag in die Paastyd langs die see. Waar hulle normaalweg graag gesels, is hulle dié dag stil. Elkeen verdiep in sy eie gedagtes, daardie soort wat ’n gewigtigheid het waarmee jy nie jou maat wil belas nie omdat elkeen se graaf reeds te swaar is. Vroeër die dag het sy aan die werkers ’n boodskap gebring oor die betekenis van die Kruis, self probeer om opnuut die Verlossingsboodskap aan te gryp as ’n pad deur die wildernis waarin hulle hulle tans bevind. Dinge lyk lelik op die plaas. Hulle beleef die ergste droogte in veertig jaar. Die man het die vorige dag staan en kyk hoe ’n paling worstel om te oorleef in die laaste paar millimeter water…

‘Ek voel doodsbenoud. Bly hier en waak saam met My’MATTEUS 26:38 Die weg van die kruis, die Via Dolorosa, die Lydensweg, die stasies van die kruis… Jesus se laaste ure – van die oomblik dat Hy tot die dood veroordeel is tot en met Sy opstanding – word reeds eeue deur gelowiges gebruik om die boodskap van Paasfees te vier. Twaalf tot veertien stasies vorm gewoonlik die geheel van die Via Dolorosa, wat deur middel van simboliek struktuur gee aan Paasgebede en -meditasie. Vir die vroeë Christene was dit ’n praktiese manier om in Jerusalem in Jesus se voetspore te volg. Vir ons as moderne gelowiges bied die stasies van die kruis die kans om in ons eie leefwêreld ’n pelgrimstog te onderneem en in die gees die krag van…

Bly weg van kraag dra ’n Kraaghemp maak te veel toe en laat jou bonkig lyk, dit pas te los en is minder vroulik. Dra eerder ’n top met ’n vleiende halslyn wat bietjie meer vel wys! Moethê-skoene is ’n wighak, medium-of blokhak. ’n Intressante skoen het baie kleur of ’n mooi band oor die voet of selfs iets wat blink. Onthou, die swierigheid aan jou voete anker jou voorkoms en gee balans aan jou hele uitrusting. Groot, bonkige juwele Kies juweliersware wat ’n stelling maak, eerder blink en kleurryk as fyn. Verbloem daai bo-arms Soos met bene kan net ’n paar gelukkige vroue hulle bo-arms met sukses ten toon stel – dra liefs ’n medium- of lang mou. ’n Lang swart rok skep die perfekte silhoeët met ononderbroke lyne…

Waar jy nie by alle tipes kanker voorkomend kan optree nie, kan jy as’t ware optree om servikale kanker te voorkom Noem die groot K en mense skuif ongemaklik in hulle stoel rond. Want as jy nie self ’n kankerlyer was of is nie, ken jy gewoonlik iemand wat teen dié wrede siekte veg. Servikale kanker tas die weefsel van die serviks (baarmoedermond) aan en volgens dr. Wilmé Steenekamp, mediese praktisyn van Potchefstroom, kom dit onder een uit elke 42 vroue voor. Wêreldwyd is dit die tweede mees algemene kanker onder vroue – borskanker is in die eerste plek. Dít is die oorsaak Die algemeenste oorsaak van servikale kanker is infeksie deur die menslike papilloomvirus (MPV), ’n familie van meer as 100 verwante virusse waarvan 40 tipes seksueel oordaagbaar is.…

Getshemane-olywe het toevallig oor die Du Toits se pad gekom toe Dave Hooper, eienaar van Mount Vernon, vir Madeleine en Philip die geleentheid gegun het om hulle eie olyfbesigheid te ontwikkel. Hulle het dadelik met die kultivars kalamata, frantoio, leccino, coratina en noccellara begin boer. “Ons maak net die kalamatas in wat met knoffel en tiemie gegeur word,” vertel Madeleine. “La Bourgogne in Franschhoek pers vir ons die olie – ’n mengsel van die frantoio-, leccino- en coratina-olywe. “Ons is elke jaar so geseënd dat al ons olie en olywe uitverkoop,” sê Madeleine. “Benewens ’n enkele ATKV-oord en ’n franchise-koffiewinkel landwyd wat ons produkte verkoop, is dit slegs deur voete wat Jesus na ons deur stuur dat ons produkte verkoop word.” Wat Gethsemane-olywe besonders maak, is dat die gesin daaroor…

Jou onderwyser se snedige opmerking. Jou lewensmaat se ontrouheid. Hy verlaat jou en jy moet alleen saam met jou kinders kop bo water hou. Ouers skei. ’n Dogtertjie dink dis alles haar skuld. ’n Tiener is aan dwelms verslaaf. Ná twintig jaar by ’n maatskappy word ’n man uit die bloute afgedank. Hy spartel. Werk is skaars. Die wêreld is onseker – meer as ooit tevore. Waaraan klou jy verbete vas vir ’n bietjie vastigheid? Wil jy steeds ander beindruk, voorgee jy is in beheer? Net soos Satan die outeur van vrees is, is hy ook die outeur van onsekerheid. Daardie vrees dat ons nie goed genoeg is nie of dat ons verlate en weerloos is. Mense wat onseker is, ding heeltyd teen ander mee, is jaloers en wil hulleself…

Wees lief vir jou medemens, net soos jy vir jouself lief is. Doen wat reg is, kies genade, en stap jou pad in nederigheid “Vroeg die Sondagoggend is die Galilese vroue na Jesus se graf toe met al die speserye wat hulle bymekaargesit het. Maar toe hulle daar aankom, wag daar ’n groot skok op hulle: Die groot klip wat die graf verseël het, was weggerol en binne was daar geen teken van Jesus se liggaam nie” (Lukas 24:1-3). Het jy al so ’n “maar”-oomblik op jou geloofsreis ervaar? Vroeg in Januarie het ons predikant, Stefan, die gemeente genooi om saam te bid vir die volkome genesing van sy vrou, Liezel, by wie kanker in 2011 gediagnoseer is. Ons was almal saam met hulle dankbaar toe die siekte in remissie…

Wat beteken die Lydenstyd vir my? Ja, dit begin op Aswoensdag wanneer ons onthou dat Jesus Hom in die wildernis bevind het, en dit eindig op Paassondag wanneer ons Sy opstanding vier. Maar wat béteken dit? Ek loop al ’n hele ruk met dié vraag in my agterkop rond en het uiteindelik, so glo ek, ’n antwoord gekry. Op praktiese vlak is die Lydenstyd vir my gewoonlik ’n veertig dae lange dieet, ’n tyd om weg te bly van soetgoed – heimlik in die hoop dat ek ’n kilogram of wat sal afskud. Maar vanjaar, het ek besluit, gaan my doelwitte minder selfgesentreerd wees. Pleks van dit of dat prysgee om die vetjies af te skud, wil ek iets opgee wat my geestelik sal voed. Ter wille van skoonheid Ek…

1 Trek jou dagboek nader. Kies ’n dag of aand en hou dit oop om iemand na jou huis te nooi. En doen dit dan: Nooi iemand! 2 Belê in gasvryheid – letterlik. Het jy nog stoele of breekgoed nodig? Dalk mooi bekers? Spaar daarvoor. 3 Moenie flou verskonings gebruik om nie mense te nooi nie. As jy nie plek het nie, nooi jouself na ’n vriendin se huis en vat die ete! 4 Maak op ’n Saterdag ’n resep dubbel aan. Dek dan op ’n Sondag jou tafel vir meer mense as jou gesin en nooi nog gaste van die kerk.…

Ons het onvoorwaardelike liefde nodig om te kan groeiSergio Milandri Die waarde van jou dae Of jy nou reg is of nie, eendag sal alles soos jy dit ken tot ’n einde kom. Daar sal geen sonsopkomste, geen minute, geen ure en dae meer wees nie. Alles wat jy bymekaargemaak het – of jy dit nou koester of vergeet het – sal aanbeweeg na iemand anders toe. Jou welvaart, bekendheid en tydelike mag sal krimp tot irrelevansie. Wat jy besit het of wat aan jou verskuldig is, sal nie saak maak nie. Jou verwyte, frustrasies en renonse sal uiteindelik verdwyn. So ook jou hoop, drome, ambisies en moet-doen-lysies wat almal sal verstryk. Dít wat gewen en verloor is, wat eens so belangrik was, sal wegkwyn. Dit sal nie saak maak…

1 Hertex H2O-stoffeermateriaal word gemaak van wasbare weefstof en is in ’n lieflike verskeidenheid neutrale en aardse kleure beskikbaar. 2 Skakerings van blou. Wees op die uitkyk na Hertex se nuwe Moody Blues-reeks. www.hertex.co.za 3 Maak dié heerlike swartwoud-melkskommels met Two Oceans Cabernet Sauvignon Merlot, vanieljeroomys, kersies, bessies, kakaopoeier, donkersjokolade, melk en kersielikeur. 4 Skryf dit neer! Dié oulike swartbordhartjie is van Typo. R199,95. 5 Plett Lagoon Villa is deel van die Country Hotels SA-groep onder leiding van André Thirion. Dié luukse woonhuis op die oewer van die Keurboomsrivier naby Plettenbergbaai is die ideale bestemming vir ’n gesinsvakansie of romantiese wegbreek. Vyf luukse slaapkamers bied slaapplek vir nie minder nie as 17 mense! Die huis is pragtig ingerig met verskeie ontspan-areas, ’n swembad, stoomkamer en jacuzzi. Daar is ook braaiplek,…

1-minuut inspirasie vir vroue deur Stan & Linda Toler Hierdie boek beloof om weer die vonkel in jou vrouwees te sit. Die byna 80 kort, praktiese wenke in dié sakpasboekie sluit in: leer iets nuuts, gee vir iemand ’n drukkie, en bederf jouself. 1 minuut-inspirasie vir vroue is kragtige kort stukkies bemoediging vir die besige vrou wat haar sal help om die vrou te word wat sy graag wil wees. Die rakprys is R79,95, maar Lééf-lesers kry 10% afslag. Neem dié bladsy na jou naaste CUM-boekwinkel om te kwalifiseer. Soek die Lééf- keuseboekplakker. Geldig tot 30 April 2016. Lééf luister na... 3 CD Collection Passion Hier is ’n aanwins vir jou CD-versameling: drie Passion-albums in een! White flag (2012), Let the future begin (2013) en Take it all (2014) is…

Teken vandag nog in op Lééf – met hart & siel teen 30% afslag – dis slegs R 451,80 per jaar (posgeld ingesluit) – en jy kan ’n fantastiese geskenkpak met Esse- velsorgprodukte ter waarde van R5 000 wen! Die Esse Plus- reeks spog met ses nuwe produkte, en eksklusief tot dié reeks is die bestanddeel duiwelsklou wat in die Kalahari geoes word. Dié woestynplant is een van die kragtigste anti-inflammatoriese middels in die planteryk. Dit vertraag die verouderingsproses dramaties en beskerm kollageen en elastien – die boublokke van ’n jeugdige vel. Esse-produkte is streng organies en word glad nie op diere getoets nie. Vir meer inligting oor Esse, besoek www.esseskincare.com TEKEN SÓ IN Stuur ’n e-pos na leef_inteken@media24.com Gaan na www.leef.co.za  en teken aanlyn in…

Die kerk (Lééf met geloof bl. 58 ) Psalm 22:23Matteus 16:18Handelinge 20:281 Korintiërs 122 Korintiërs 13:13Kolossense 1:18, 23 Glo weer inwonderwerke (’n Kwessie van geloof bl. 60 ) Daniel 3Job 5:9Joël 2:21Matteus 24:24Lukas 18:35-431 Korintiërs 15:12-14 Kos is liefde (Lééf in verhouding bl. 72 ) Genesis 9:3Eksodus 23:25Job 36:31Psalm 78:24Psalm 111:5Spreuke 22:9Jesaja 21:14Matteus 14:13-20…

Louise Roets (59) van Klerksdorp is die April-wenner in ons Wys jou hart-fotokompetisie saam met Nikon in Suid-Afrika. Sy vertel oor haar inspirasie vir die kiekie: “My seun, Tertius, het hierdie hart met ’n flits ‘geteken’ in die tuin terwyl ek dit met ’n lae sluiterspoed afgeneem het. Hy het net daarna Ghana toe gevlieg vir werk. Dis vir my kosbaar!” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1 600. Die algehele jaarwenner kry ’n Nikon D3200 DSLRkamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto f300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240,…

‘Omdat Hy leef, kan ek die toekoms aanpak. Omdat Hy leef, is alle vrees weg…’BILL & GLORIA GAITHER ‘Maar uit dié aarde, dié graf, dié grond so grou, sal my God my laat opstaan, ek vertrou’WALTER RALEIGH ‘In die wêreld sal julle dit moeilik hê, maar hou moed: Ek het die wêreld klaar oorwin’JOHANNES 16:33 ‘Laat ons nie net sê “Christus het opgestaan” nie, maar ook “Ek sal opstaan” ’PHILLIPS BROOKS ‘Laat my weer die blydskap ervaar van iemand wat deur U verlos is, laat my U weer met toewyding dien’PSALM 51:14 Dagboek Die skip Logos Hope, wat bekendstaan as die grootste drywende boekverkoping ter wêreld, doen vir die eerste keer aan in die Durban-hawe. Logos Hope bring kennis, hulp en hoop aan gemeenskappe en lande in onder meer Europa,…

Onderbreek dié Paastyd die normale siklus van jou lewe om in verhouding met God te groei en saam met ander gelowiges deur die lewe van Jesus te reis tydens die Mosaïek Paasfest wat deur die Mosaïek-gemeente in Fairland, Johannesburg, aangebied word. Gedurende die Heilige Week (21-27 Maart) word daar elke dag om 12:00 en 19:00 ’n diens gehou waartydens Jesus na die kruis gevolg word deur middel van die beoefening van verbeeldingsgebed. Op Donderdagaand 24 Maart 2016 word “Die Laaste Avondmaal” herdenk met simbole en elemente uit daardie era. Op Goeie Vrydag, 25 Maart 2016 vind twee dienste (om 08:30 en 10:15) in die Teatro plaas waar Jesus se kruisiging herdenk word. Daarna is daar verskeie aktiwiteite vir die res van die dag met heerlike kos, drinkgoed en lekkernye wat…

Jy begin leef met ’n diep dankbaarheid en waardering. Jy sien seëninge in die doodgewone dinge… Die tinktinkie is ’n klein en onopvallende voëltjie. Party soorte het ’n grys strepie vere op die rug, soos die grysrugtinktinkie, of ’n effens langer wipstertjie, of ’n roesrooi ruggie soos dié van ’n vleitinktinkie. Hulle is maar doodgewone, onopwindende voëltjies. Jy sien hulle terloops raak, of dalk glad nie. Hulle spog nie met die uitklopkleure van papegaaie of die bloublink pronkvere van park-poue nie. Maar wanneer hulle sing, gaan staan jy stil. Hulle sing met oorgawe. Net daar waar hulle sit. Tussen die Outeniekwa se fynbos, of in die bossieveld van die uitgestrekte Klein-Karoo, of bokant landerye en grasvelde, of langs die water by riviere en vleie en damme. Hulle borrelnootjies of tjik-tjik-klanke…

Snit, kleur en kondisie is sleutelwoorde as mens oor hare gesels. Al drie aspekte behoort natuurlik perfek te wees, maar dit is nie altyd moontlik nie. Sou ’n mens moes kies, is kondisie die belangrikste. ’n Mooi bos gesonde, blink hare span die kroon en oorskadu ’n swak haarsnit of ’n kleur wat nie eksieperfeksie is nie. Selfs die mooiste kleur en snit beteken niks as jou hare soos ’n bol dooie gras op jou kop lyk nie. Dit is bitter moeilik om hare wat in ’n swak kondisie is weg te steek. Die gesondheid van jou hare kom van binne. As jy gesond is, sal jou hare en kopvel dit wys. Jou hare se grootste vyande is ’n swak dieet; ’n gebrek aan oefening, ontspanning en slaap; siekte; enige…

Waar jy nie by alle tipes kanker voorkomend kan op-tree nie, kan jy as’t ware optree om servikale kanker te voorkom aangesien ’n MPV-entstof reeds ontwikkel is. Twee variante is in Suid-Afrika beskikbaar – vra jou dokter oor Gardasil en Cervarix. Dit is skedule 4-medikasie en jy kan die inentings kry by jou dokter, ginekoloog of ’n geregistreerde verpleegster. Dis ook op voorskrif by sommige apteke beskikbaar. Volgens Kansa het die staat tans ’n inentingsprogram vir alle gr. 4-dogters (nege- tot tienjarige ouderdom). Só kry kinders die geleentheid om deur middel van die nasionale departement van gesondheid se MPV-inentingsprogram by alle openbare skole (ook die voormalige Model C-skole) die MPV-inenting te ontvang. Volgens hulle webtuiste bied hulle ook ’n implementeringsgids aan skole met die nodige inligting oor die inententing en…

Koeëlmerke teen die kruik dui op talle mislukte pogings van ywerige skuts in die verlede om die skatte by te kom V ir baie jare het slegs die inwoners van Wadi Musa (wat Moses se fontein beteken) geweet van die fabelagtige stad Petra, weggesteek tussen die barre rooi rotsbanke van die vuurwarm Jordaniese woestyn. Petra, wat “rots” beteken, is juis afgelei van die rooi of roesbruin rotsformasies waaruit die stad ontstaan het. Dit beteken letterlik “roosrooi-stad halfpad so oud soos tyd”, en op ’n helder dag lyk dit inderdaad of die stad in die son “gloei”. Soos dit ’n goeie toeris betaam, doen ek moeite met my vooraf leeswerk en google “Petra”. Ek klik op die talle foto’s van die stad wat op my skerm verskyn. Ek kyk na die…

Here, neem my lewe. Ek kan dit nie meer hanteer nie. Waar begin ek om dié swaarkry te verwerk?” Só het die 40-jarige Agnes van Nigerië die Here gesmeek in die maande ná die moord op haar man en seun. Sy en haar gesin het in ’n streek in Nigerië se Middel-Belt gewoon waar Christene ál meer druk vanaf Islamitiese ekstremiste ervaar. Dit het vir Agnes gevoel of die Here haar verlaat het. Sy wou nie meer leef nie, haar gesondheid het verswak weens haar smart, sy kon eenvoudig nie verstaan waarom die ekstremiste onskuldige mans kon doodmaak nie… Die Here het egter vir Agnes die weg gebaan om ’n Geopende Deure-seminaar by te woon waar sy vryheid kon ervaar. “Dit was asof ek tydens die seminaar net een woord…

Pelgrims loop elkeen hulle eie pad, luister na hulle eie voeteval en beleef self elke tree. Tog wéét hulle hulle medepelgrims is net hier agter, voor of langsaan. Pelgrims sorg ook vir hulleself. Hulle maak seker hulle beplan en vul hulle voorraad aan omdat hulle verantwoordelikheid neem vir hulle eie lewe. Daarom lewer hulle vanaand, wanneer almal saam eet, hulle bydrae; gee hulle net soveel as wat hulle uit ander se hande geniet. Maar pelgrims weet veral hoe om vas te byt en deur te druk – selfs wanneer die blase op hulle voete steekpyne deur hulle lyf stuur. Miskien omdat hy/sy weet daar sal vanaand ’n mede-stapmaat wees wat sal versorg en die pyn met liefde sal toevou. Miskien moet ek en jy probeer om meer soos ’n pelgrim…

‘En toe sê die tannie: “Nou ja, dis maar soos seuntjies is”’ My vierjarige snik: “My boetie was baie geniepsig met my.” “Het hy jou geknyp of gestamp?” vra ek sonder veel belangstelling terwyl ek met my naaldwerk aangaan. “Nee, hy het geniepsig met my gepraat.” “Soos wat?” vra ek, nou die ene ore. “Hy het gesê ek is sommer pieperig. Ek sal nooit so sterk wees soos hy nie.” “O.” “En hy sê ek is ’n tjankbalie… Mamma, dit breek my hart!” Ek glimlag binnetoe oor al die groot woorde wat uit die klein mondjie kom. Boeta sal vorentoe beslis moet rekening hou met hierdie parmant. Maar op die oomblik voel hy verneder en magteloos. Sy eer is gekrenk, en hy het nog nie die nodige vaardighede om vir…

Dié Noord-Kapenaar het reeds 13 titels op sy kerfstok, onder meer die Bybelromans Eksodus en Kanaän (Lux Verbi), twee Bybelse dagboeke en vyf Grootseun- bundels (almal Lapa) en ’n sekulêre roman, ’n Dorp soos Silver Streams (Tafelberg). In sy nuutste publikasie, Die ewigheid in my hart (Lux Verbi), het hy die 150 Psalms se uitbundige vreugde en diepe hartseer; worstelinge, onbegrip en onvermoë in 366 gebede omskep. “Ek het in ’n huis grootgeword waar daar huisgodsdiens gehou is. My pa het vir ons gelees en gebid, dikwels uit die Psalms. En dan het ons gesing, met Ma wat voorgevat het.” Barend is reeds 27 jaar lank die NG-predikant op Warrenton en het ook ’n gemeente in die delwersdorpie Windsorton, 40 km stroomaf met die Vaalrivier, waar hy elke Sondag ’n…

Miskien voel jy oorvol – jou kop, jou dagboek, jou huis… álles is vol – soms van suiwer, heerlike oorvloed; soms van swaar oorlaai. Miskien voel jy dolleeg – jou hart, jou verhoudings, jou lewe… álles is leeg – opgebruik en uitgeskink, tot die laaste bodem-druppel toe. Miskien voel jy vere? Kom skep dan asem by Lééf se retreat saam met die liedjievrou en storieverteller Annalise Wiid. Dit word gehou by St. Augustine’s digby Ladybrand in die Oos-Vrystaat. Daar is nét mooi én niks. Ruimte vir jou gees. Sagtheid vir jou siel. Ons tema, Vol, voller…? gaan jou laat drink uit verskeie kruike in die Bybel. Dit gaan jou hart raak en jou help om leeg te word van wat neerdrukkend en oorbodig is, en vol te word van wat…

‘As ’n mens liefhet, het jy groot arms’VADER FRANS CLAERHOUT ‘Dit verseker Ek julle: Wie iemand ontvang wat Ek stuur, ontvang My” (Johannes 13:20). Het jy al gewonder of die Here jou dalk roep vir Sy heeltydse diens? Lyk dit vir jou so wonderlik en romanties, so diep geestelik? Dalk ken jy nie die onhaalbare verwagtinge en eensame verantwoordelikheid wat baie leraars laat uitbrand nie. Gaan bid maar eers weer daaroor… Jy is immers reeds heeltyds in diens van God! Jesus het ons, Sy dissipels, reeds geroep en aangestel: Julle sal krag ontvang en julle sal my getuies wees… Elke kind van God het krag ontvang en is op ’n sending na die wêreld, wat natuurlik net hier om ons begin: in ons familie, werksomgewing en invloedsfeer. Is getuie-wees om…