Lééfの July 2016 の目次

Elke ding het sy vaste tyd… En so steek die winter sy koue neus een oggend deur die venster waarin ’n stil-vriendelike herfsonnetjie my nog die vorige dag hardop laat wens het dit kan vir ewig herfs bly. Dié nag begin die noordwes nukkerig aan die vensterrame pluk. Op die kusdorpie waar ons tydelik woon, beteken dit jy kan die volgende dag enigiets van gestroopte palmtakke tot slaaikoppe uit die bure se tuin te wagte wees. Of iemand vervaard sien soek na sy dakteëls wat verder af in die straat die pad gevat het. Saam met die reën meld ’n storm op see aan. Geweldige golwe snel kuswaarts waar ons dit nog twee weke vantevore in die koue water kon waag. Oral staan motors geparkeer van mense wat die skouspel…

Hoe nader grys kom aan swart, hoe meer dramaties en geheimsinnig word dit. En hoe nader aan wit, hoe meer lewendig en lig Grys. Die kleur van die winter, van grou steenkoolmyndorpies en mistroostigheid. Maar dis ook die kleur van sagte misreën, ’n paar pragtige sielvolle oë, ’n gladde rivierklip. Dis ’n kleur wat iemand moet verdíén; die lewe moet ’n paar draaie met jou loop voor jy kan spog met die waardigheid van ’n grys kapsel. Vervelig is dit nie – en hoe kan dit met soveel verskillende skakerings: die warm, lewendige grys van ’n bewolkte Hoëveldse donderstorm, of die koel, effens melancholiese grys van ’n Weskus-strand in die winter. Dis tyd dat dié neutrale kleur, met apologie aan Stef Bos, sy “grijse mantel” afgooi en sy regmatige plek…

‘Ons besef nie hoe groot God is nie. Hy het ons ’n buitengewone brein gegee en ’n sensitiewe, liefdevolle hart. Hy het ons geseën met twee lippe om mee te praat en ons emosies uit te druk, twee oë om die wêreld se kleur en skoonheid mee te sien, twee voete om die pad van die lewe mee te stap, twee hande om mee te werk, en twee ore om woorde van liefde mee te hoor’ MALALA YOUSAFAI…

Stoom jou vel self by die huis om dit silwerskoon te hou 1 Belê in ’n goeie vogroom en serum vir jou gesig en nek wat die vel voed. Probeer Avéne Hydrance Optimale Hydrating Serum en Rich Hydrating Cream SPF20 as jou vel droog en sensitief is. Filorga Skin-Absolute Day Ultimate rejuvenating day cream beskerm teen die tekens van die tyd. 2 Gebruik twee tot drie keer per week ’n masker wat die vel ekstra vog gee soos Bobbi Brown Skin Nourish of Clinique Moisture surge overnight mask. 3 Stoom self jou vel: Vul ’n skottel of die wasbak met kokende warm water, gooi ’n handdoek oor jou kop en laat jou gesig ’n paar minute oor die stoom rus. Die hitte en vog help om porieë oop te maak…

Maandag Ongenaakbare Regter? Ervaar jy dat jou sonde ’n skeidsmuur tussen jou en God is? Vrees jy Sy oordeel? Is jy bang om Hom dinge te vertel wat Hy in elk geval reeds weet? Lees Psalm 30:9: “Waarlik, Sy toorn duur net ’n oomblik, maar Sy goedheid lewenslank.” Bely jou sonde. Hy is regverdig en genadig. Hy sál jou vergewe. Dinsdag Onbetrokke en kil? Voel dit vir jou of God sonder erbarming op jou neerkyk? Dink jy Hy is ’n koue, afsydige God? Nee, God ken jou diepste angs en pyn. Gaan sit by Hom. Hy is getrou en barmhartig. Maak ’n lys van woorde uit die Psalms wat Sy erbarming toon. Woensdag Skuilplek Net soos God vir jou ’n beskutting teen die lewe se storms is, kan jy ook…

DIE GOSPELSANGERES ROUCHELLE LIEDEMANN (37) KYK HUMOR MET NA DIE LEWE EN LAAT HAAR NIE ONDERKRY DEUR UITDAGINGS NIE. Waar het jou pad met God begin? Ek het grootgeword in ’n Christen-huis waar my ma en pa die Here met oorgawe gedien het. Ek was 12 jaar oud toe die Here aan die deur van my hart geklop het. Een aand het ek pastoor Floris Kotze by die Lighuis hoor preek oor wat jy sal doen as dit jou laaste dag op aarde is. Ek onthou nog hoe vinnig my hart geklop het omdat ek besef het dis die Heilige Gees wat met my praat en ’n dieper verhouding met my soek. Jy’s ook die Kaapse korrespondent vir GrootFM se ontbytprogram Die Groot Ontbyt … Ek was…

Die statige huis met sy breë stoepe by H.F. Verwoerdstraat 105 word omring deur ’n lowergroen tuin vol prettige fokuspunte: bekraalde skapies, ’n enorme fontein en ’n ossewa vol plante. Die fontein is die handewerk van die ywerige eienaars, Dirk en Wena Kotze (albei 66), en stel ’n kruik voor wat oorloop met seën. “Dis bedoel vir alle verbygangers, dit herinner Heidelberg aan God se oorvloedige genade,” beduie Dirk. Die imposante woning is in 1903 gebou as die landdros se huis. Die glans van ’n vergange tyd leef hier voort in die gepoleerde houtvloere, kristalkandelare teen hoë plafonne en swaar oudhede – Wena se lewenslange passie. Binne en buite word jy omhels deur wit: wit mure, wit staandak, wit stoepmeubels, en wit vensterrame en stoepreëlings. Wit rose langs die wandelpaadjies.…

‘Wanneer jy nié die leier van die groep is nie, leer jy wat saamwerk werklik beteken’ Ek is tweede. En ek bedoel dit letterlik: Ek is die tweede van ’n tweeling wat ons ouers se eersgeborenes was. Ek is ook my man se tweede vrou. Ek is ons kinders se tweede ma. Op kantoor neem ek die tweede plek in. Ja, ek is tweede. “Inspirerende” aanhalings soos “Of jy’s eerste, of jy’s niks” en “Tweede plek is vir die ou wat eerste verloor” bevestig die algemene siening dat ’n tweede plek, of ’n ondersteunende rol om dit sagter te stel, minderwaardig is. Dis nie waar nie! Inteendeel, daar is altyd iemand in die agtergrond nodig. Wanneer ons sê ons is volgelinge van Jesus, moet ons ook aanvaar dat ons in…

Dié twee oudonderwysers wat onlangs Wiskunde – klein begin, groot gewin (Metz Press) die lig laat sien het, maak geen geheim daarvan dat hulle wenresep deels aan hul uiteenlopendheid te danke is nie. Marise (39) bedryf haar eie onderneming, Box ’n dice, wat wiskundehulpmiddels en -DVD’s vervaardig, sy gee naskoolse wiskundeklasse en is betrokke by ’n skool op Grabouw waar sy ondersteuning aan onderwysers en plaaskinders gee. “My passie het ontwikkel toe ek as onderwysstudent ’n gr. 5-leerder moes help. Dit was uiters bevredigend toe ek planne kon beraam om konsepte makliker oor te dra. Ek het gesien hoe sy oë ophelder toe hy beter verstaan.” Nicol (66) is deesdae vryskut-uitgewer met verskeie bydraes tot skoolhandboeke en onderwysergidse op sy kerfstok. “Die afgelope 20 jaar kon ek op verskillende maniere…

Die Here is jou toevlug (Goedvoel bl. 26 ) Numeri 6:24-26 Psalm 46 Psalm 125 Jeremia 30:10 Maleagi 4:2 Sagaria 12:8 Efesiërs 6:10-20 Winter-depressie (Leef gesond bl. 39 ) Deuteronomium 31:8 Psalm 9:10 Psalm 34:16 Jesaja 40:30-31 Jesaja 41:10 Filippense 4:6-7 Bid vir jou kind (Leef as gesin bl. 72 ) Spreuke 14:26 Spreuke 22:6 Johannes 15:7 Efesiërs 4:6 Kolossense 4:2 1 Tessalonisense 5:17…

Trisha Mostert (41) van Vredenburg is die Julie-wenner in ons Wys jou hart-fotokompetisie saam met Nikon in Suid-Afrika. Sy skryf: “Ek en my man, Willem, het ’n kompetisie gewen om Valentynsdag vanjaar in die wittebroodhuisie in ’n reservaat buite Paternoster te gaan bly. Ons het dié skulp op die strand gesien. Dit was die beste naweek nóg!” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1 600. Die algehele jaarwenner kry ’n Nikon D3200 DSLRkamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit…

  ‘Genie en deug word meer gereeld gevind in grys as in pou se blou’ VAN WZCK BROOKS ‘Kom hier! Kom saam met My, en Ek sal julle vissers van mense maak’ MATTEUS 4:19 ‘Smart is soos donderwolke: In die verte lyk dit swart, bo jou kop skaars grys’ JEAN PAUL ‘U heers oor die onstuimige see: as sy golwe opstaan, laat U hulle bedaar’ PSALM 89:10 ‘Die Here is goed. As swaar tye kom, is ’n mens veilig by Hom’ NAHUM 1:7 In die hartjie van die winter onthou ons dat ons aan alle kante deur Sy onfeilbare liefde beskut word Dagboek Julie is die maand van winterfeeste. As jy hou van teater, kuns, kultuur en kuier, pak jou tas vol warm klere en sit af na…

Mense hou van die egte Weskus-ervaring: Krewe wat op die rooster braai… potbrood, visnette, ruwe houttafels Wysheid kom saam met die ouderdom, sê hulle. Maar op 60 is die eienaar van die gewilde seekosrestaurant De Vette Mossel nog veels te jonk vir al die lewensraad, staaltjies en stories wat uit sy mond kom. Dié joviale man straal die opregtheid uit wat aanhangers met sy gemaklike restaurante vereenselwig. Hy is ’n aardse mens, sonder fieterjasies. Dit is ook hierdie gevoel wat klante by sy restaurante kry – dis plekke waar jy kan ontspan. Met braaivure wat gesellig knetter en onopgesmukte seedekor wat jou laat dink jy sit êrens op die strand – al is dit dan nou in die hartjie van die Vrystaat of in die Laeveld! (Buiten die oorspronklike De…

Moenie skaam wees om jou skoene uit te skop nie. Die klippe, sand en koue water gee jou ’n nuwe huppel in jou stap VERBRUIKERSGIDS Cotton On 011 268 3700 Spree www.spree.co.za Woolworths 086 002 2002…

‘Hou jou oë op die Sterre, maar jou voete op die aarde’THEODORE ROOSEVELT Meer vog! Chanel Hydra Beauty Flash Instantly Hydrating Balm gee jou moeë vel in ’n kits ’n hupstoot en help om die vogbalans te herstel. R855. Seemooi La Mer vier Internasionale Oseanedag op 8 Junie met ’n spesiale uitgawe van Crème de la Mer Blue Heart moisturizing cream (R5 200) wat in Junie wêreldwyd verkoop word. Loer by www.lamer.com en #LaMerBlueheart om meer oor die projek te wete te kom. Teeseremonie Jo Malone het pas hul Rare Teas Collection met van vars groen- tot eksotiese en speseryagtige geure bekendgestel. Dié ekstragroot bottels (175 ml) kos R4 200 elk. Slegs te kry by die tak in Hyde Park en die V&A Waterfront. Nuut op die rak…

Op pad na die kus, 35 km suid van Bloemfontein langs die N1, wag ’n oase vir die moeë reisiger: De Oude Kraal, ’n gastehuis en spa met ’n veelbekroonde wêreldklasrestaurant. Hier kan jy oorslaap of verkieslik langer vertoef om die vreedsaamheid, son en vars lug in te drink. Skud die stadsroet af en gaan stap in die ooptes op een van die wandelroetes, ry perd of skiet kleiduif of .22. As jy ’n voëlliefhebber is, kan jy jou verlustig aan die sowat 125 voëlsoorte wat hier voorkom – van reiers en swartkopreiers tot korhane, grysvalkies en dikkoppies. Die Skaap Kraal-winkel is vol skaaptemaprodukte soos skaapwol-pantoffels en skapie-oorbelle. Saans kan jy stil raak onder die ontsaglike helder melkweg. Al is dit nie ’n wildsplaas nie, kom hier swartwildebeeste, springbokke, bergrietbokke,…

Ek het ’n merkwaardige vriendin. Penny Shephard is vir my ’n voorbeeld van ’n vrou wat God se genade en genesing in haar lewe ervaar het omdat sy nooit moed opgegee het nie. Penny het as 13-jarige tiener geval en haar stuitjie gebreek. Sy het die volgende vier jaar aanhoudend pyn verduur. Wanneer sy soggens opgestaan het, het dit gevoel of iemand haar met ’n mes in die rug gesteek het. Sy kon nie lank sit of staan nie. Snags het sy met ’n yspak of warmwatersak geslaap, maar niks het regtig verligting gebring nie. Ná haar troue moes haar man haar dikwels soggens help om op te staan. Die pyn het haar oorweldig laat voel en depressief gemaak. Sy het gedurig met die vraag geworstel: Hoe lank moet ek…

Vir gelowiges is daar boonop die ekstra las: Wat sê dit van my verhouding met God as ek alleen voel? Beteken dit ek het misluk in my geloof? Dalk het die gange my aan my hoërskooljare herinner toe ek en my maats holderstebolder deur ’n see van gesigte in dieselfde uniform gevleg het om betyds by die volgende klas uit te kom. Dalk was dit bloot die gevoel van alleenwees wat ons almal soms ervaar, al is ons in die middel van ’n besige winkelsentrum, by die kerk of ’n reuse-konsert tussen ’n skare mense. Dalk was dit die besef dat elke ouer wat dié dag daar was, net die beste vir hul kind wil hê, maar dat ons buiten dié gedeelde ideaal nooit juis meer as ’n bekende gesig…

Pastoor Marielle de Vos het ’n passie vir Hebreeuse gebruike, veral die raakpunte daarvan met ons lewe as Christene vandag. Sy fokus veral op die identiteit van ons as gelowiges en geliefdes van God. In ons tyd saam gaan sy ons as bruid van Christus begelei deur die gebruike by die feestafel wat weekliks tydens die Shabbat (Sabbatsete) tydens die viering van dié geseënde Joodse gesinsmaal gevolg word. Jesus en Sy dissipels het weekliks in verskeie huise maaltye geniet. Ons nooi jou om te kom aansit as spesiale gas van die groot EK IS… by Sý tafel. Kom leer meer oor hoe God ons daagliks seën deur Sy 365 name en beleef Sy goedheid en guns ook in jou lewe. DATUM Vrydag 15 Julie 2016. TYD 09:30 vir 10:00-12:00. PLEK…

My ouers het my eendag vertel hulle het my kort ná my geboorte in ’n bondeltjie op my ma se bors neergelê, hulle hande op my gelê en vir my gebid. Hulle het gebid dat my lewe die regte rigting sal inslaan, dat ek my doel sal uitleef en dat my geloof in God gewortel sal wees. Hulle het gebid dat Hy in my behoeftes sal voorsien en my sal beskerm. Dié wonderlike wete het my deur die jare gedra, maar ek moet bieg dit het my later as ma ook met tye bitter ongemaklik laat voel… Ek is nie een van daardie ouers wat voortdurend vir hulle kinders bid nie. Ek ontmoet God meestal wanneer ek Bybelstudie doen of selfhelpboeke oor geloof lees. Gebed is egter ’n dissipline wat…

Elke liggaam onderneem ’n unieke reis, en elke sny, merkie en vel vertel ’n storie wat soos ’n padkaart gelees kan word ‘Onder ’n sagte hand groei jy; onder ’n harde hand breek jy.” Dié filosofie wys die rigting aan in die kunsklasse wat Ulricke Nelson (36) by haar ateljee in Moreletapark, Pretoria, aanbied. Ulricke lei elke student sagkens om sy of haar stem deur kuns te laat hoor – of dit nou ’n ma en seun is wat saam kunsklasse neem, ’n kunsstudent wat sy portefeulje onder haar leiding wil uitbrei, of die kleuters wat sy van die ou meesters leer. Ná haar kunsstudies aan die Universiteit van Pretoria het Ulricke agt jaar kuns doseer aan The Design School Southern Africa, waar sy haar liefde vir klasgee en passie…

‘In die begin het God die hemel en die aarde geskep…” Só leer ons God in Genesis 1:1-26 ken, as ’n Skepper met eindelose kreatiwiteit. En dan skape Hy die mens – na Sy beeld. God het dus kreatiwiteit in jou geplaas toe jy geskep is! Maar ons ervarings in ’n gebroke wêreld maak daardie kreatiewe stem stil. Met ’n visuele joernaal kan jy jou kreatiewe stem herontdek. Dis ’n plek om te speel en jou kreatiewe waagmoed te oefen met woorde, beelde, kleure en teksture – dit betrek feitlik al ons sintuie! Dit maak jou siel sigbaar en gee jou hart ’n kleurryke stem. Dit help jou om sin te maak van jouself, verhoudings en gebeure in jou lewe. Dis ’n plek waar jy jou trane kan stort in…

Leah van Niekerk (29), wie se stem op die klankbaan van Die sneeukoningin gehoor kan word, beskou haarself nie as ’n ware sneeukoningin nie. Gee dié sprankelende blondekop liewer son, see en saffier. “Ek is beslis ’n somermens, ’n sonskynkind. Ek is lief vir warm dae by die see, op die stoep sit en kuier tot laataand.” Leah het grootgeword as Leani Ekermans in die Kaapse voorstad Bellville met sy lang, nat winters en reën wat soms weke aanhou, maar dit is gewis nie haar gunsteling-seisoen nie. “Ek is vanweë werk nou dikwels in Gauteng en moet erken die Gautengse winters is makliker en ’n bietjie meer draaglik! Nie dat ek sommer maklik die Kaap vir Gauteng sal verruil nie.” Animasiebloei Afrikaanse rolprente beleef die afgelope paar jaar ’n bloeitydperk.…

hy omsluit ons van alle kante, al twyfel ons soms daaraan. al vra ons soms: waar is u dan? Vier mure teen die suidewind – my swartoogvrou, my blondhaarkind. Kareehoutstompe in die vuur, ketel en kaggel brons geskuur. My bont koei lê op koringstrooi, my swart haan roep die dagbreek rooi. Soet deur die lang dag sing die reën; moflammers sal ek vroeg-Mei speen. Die wendam stoot sy uitloop oor – blink breek my ploeg die middelvoor… Só lui G.A. Watermeyer se gedig Reën in die voorwinter. Die gedig teken ’n prentjie van ’n pa wat sorg. Sy gesin is beskut teen die suidewind. Die huis is knus en die diere versorg. God is vir ons vier mure teen die suidewind. In Sy teenwoordigheid vind ons beskutting teen die dinge…

Ek het die eerste keer van seisoenale depressie (SAD) gehoor toe ’n blonde bioloog Nissilä, wat herinner aan ’n Viking, die straal van ’n spesiaalontwerpte klein flitsie in sy oorkanaal afgeskyn het. Dit was tydens ’n werksbesoek aan Finland, een van talle Skandinawiese lande wat berug is vir hul kort somers en besonderse lang winternagte. SAD is ’n gemoedstoestand wat veral voorkom onder mense wat verder as 30 grade van die ewenaar af bly. Tot 9% van die inwoners van Amerika se noordelike state en tot 20% van Skandinawiërs kan daaraan ly. Die Yslanders het ’n tongknoper wat die toestand mooi beskryf: “skammdegisthunglyndi”. “Skamm” beteken kort, “ degi” dag, “thung” swaar en “lyndi” gemoed. Die simptome sluit in ’n gebrek aan energie, veranderinge in slaappatrone, ’n onvermoë om ’n normale…

In die Joodse tradisie word daar vertel van vier heilige stede, elk met ’n eie element of identiteit: Jerusalem (vuur), Hebron (aarde), Safed (wind) en laastens Tiberias (water). Dit is ter wille van Tiberias en die waters van die Kinneret (die See van Galilea) dat ek en my mede-Suid-Afrikaner bereid is om die Stad van Vuur vir ’n wyle agter te laat. Ná ’n busrit van om en by twee en ’n half uur deur wat voel soos die grootste deel van die moderne staat Israel, kronkel die pad af na ’n stad wat aan die een kant deur heuwels omring word en aan die ander kant tot stilstand kom teen die uitgestrekte watermassa waar soveel bekende oomblikke in Jesus se lewensverhaal hulself afgespeel het. Die stad is in die…

‘Om bymekaar te kom vir Bybelstudie is verbode in ons land,” verduidelik Nurah. “Ons sal in die moeilikheid wees as enigiemand uitvind ons het ’n Bybel. Maar lewens word verander wanneer mense saam met God begin leef. Dis so spesiaal om dit te ervaar!” Die Geopende Deure Dissipelskapopleidingsprogram strek oor drie tot vier jaar en deelnemers kom weekliks bymekaar. Nurah verduidelik waarom hierdie opleiding so belangrik is: “In Islam lees ons die Koran en maak dit weer toe. Daar word geen optrede vereis nie. Maar die Bybel is heeltemal anders. Dissipelskapopleiding help ons om situasies te hanteer waarmee ons elke dag gekonfronteer word. Deur Dissipelskapsopleiding leer my studente om onafhanklik te wees van my. Hulle leer om op die Bybel staat te maak en die waarheid vir hulleself te ontdek.…

Die meeste van ons het ’n dapper en blinkgepoleerde buitekant. Dit word immers van ons verwag. Ons wil tog nie iets van ons onsekerheid, vrese en broosheid vir almal wys nie. Vanaand as ons huis toe gaan en alleen in ons hartskelders ronddelf, wonder ons oor baie dinge. Dan lyk die sterk-wees-prentjie ’n bietjie anders. En dan wil ons tuiskom by iemand wat ons ware menswees ken en ons steeds liefhet. Iemand by wie ons nie ’n grootmens hoef te wees nie, maar sommer net weer kind kan word. Iemand by wie ons sonder vertoon net kan wéés. Hoe wonderlik dat ek en jy wel in ons Vader se hand kan gaan lê, onsself in Sy genade kan opkrul en kan weet: Alles is reg. Want by Hom ís ons…

Dit voel soos die dood, net erger, want jy weet jou eks gaan êrens daar buite aan met sy lewe Buite was dit donker en die lig was afgeskakel, maar ek kon tog die buitelyne van die rak met speelgoed uitmaak: ’n ruimteskip, dinosourus, renmotor… Hoekom, het ek beneweld gewonder, slaap ek in my kleinboet Jean se kamer? My hele lyf het gepyn, maar die ergste was hoe ek gevoel het. En toe onthou ek… So dís hoe ’n gebroke hart voel, dink ek. G’n wonder ’n mens kan daarvan sterf nie! Vyf maande tevore het ek die eerste keer iemand se “geliefde” geword, en skielik word ek wakker met ’n nuwe identiteit: dié van eks-geliefde. Ek moet bieg, dit was die donkerste nag van my jong lewe. En as…

‘Dis liefde,Ouma’ Ons gaan ’n paar dae saam met die kinders uitspan. Die vreugde klop-klop in my keel. Ek wil my arms wyd uitsprei. Ek wil sommer die wêreld met als wat mooi en goed is vir my geliefdes gee. Hoe kan ek tog vir hulle wys hoe lief ek hulle het? wonder ek. Ek val terug op die dinge wat vir my sigbaar liefde spel: boeke, eetgoed, klein verrassinkies. Ek maak my sak vol nuwe lekkerleesboeke vir die kleingoed. Dis vir soggens se vroeg inkruip by ons in die bed, of smiddae wanneer die son tussen die bome van ons kampplek kom hang en ons soos dassies ’n lêplekkie in die lougeel son soek. En dan is daar die spesiale boeke vir slaaptyd saans – die rustige stories sonder…

‘Jy kan ’n beter boodskap oordra met jou lewe as met jou lippe’ ANONIEM Ambisie: Goed of sleg? Kom ons dink vir ’n oomblik aan ’n wêreld sonder ambisieuse mense. Daar sou geen stede, lugvervoer, internet of wolkekrabbers gewees het nie. Ambisie op sy beste bring orde, skoonheid en oorvloed uit ons natuurlike reserwes na vore. Ambisie het egter ook ’n negatiewe kant wat sê gierigheid is goed en nodig, al maak dit dikwels mense seer. As jy vermoed dat jy dalk ’n baie fyn lyn loop met wat ambisie in jou lewe beteken, moet jy hierdie vrae eerlik beantwoord: Word my ambisie aangevuur deur iets wat buite myself lê, of hang my reputasie daarvan af? Dit vra of ons pogings iets sal nalaat in die wêreld wat…

1 Hertex se Atlantis-materiaalversameling sal kleur en warmte aan jou huis verleen. Vanaf R809,40 per meter. www.hertex.co.za 2 Dié oulike deurstopperklip met ’n hekelkombersie kan by Marcelle Prinsloo bestel word. R95 plus posgeld. prinsloomarcelle@gmail.com 3 Handgemaak kraai koning. Bestel jou gehekelde handsak by Yolande Roodt by 083 557 7023. R350 plus posgeld. 4 By Lace on Timber buite Pretoria (in die rigting van Witbank) kry ’n sober industriële voorkoms ’n romantiese Franse kinkel. Besoek die webwerf www.laceontimber.com vir meer inligting. 5 Wikkel jou toe in ’n gebreide katoenkombers (R999 elk) van Volpes. www.volpes.co.za 6 Dis mos nou treffend én modern. Dié hangende houtvuurherd is van Beauty Fires. Maak ’n draai by Sir Lowryweg 222 in Woodstock, Kaapstad, om die volledige versameling van nader te bekyk. Vir meer inligting en pryse…

Soos vlinders in die wind deur Lina du Plessis Voel jy soms so broos soos ’n vlinder in ’n dwarrelwind? Lina du Plessis se 50 humoristiese, inspirerende gedagtes wat met ’n gebed afgerond word, herinner lesers dat God se beskermende hand altyd daar is om ons meer te maak as wat ons ooit was. Ons moet net geduldig wag dat die dwarrelwinde gaan lê. Daar ís Iemand wat ’n sagte landing sal verseker. Die rakprys is R159,95, maar Lééf-lesers kry 10% afslag. Neem dié bladsy na jou naaste CUM-boekwinkel om te kwalifiseer. Soek die Lééf-keuseboekplakker. Geldig tot 31 Julie 2016. 101 Avonture saam met God deur Lizette Murray (Christian Art Kidz, R119,95) Op die eerste bladsy is ’n uitnodiging: “Die lewe saam met God is vol avontuur en ervarings. God…

‘Tyd het ’n manier om deur jou vingers te glip.Sonder God is tyd sinloos’STELLA SEZFFERT ‘Alles het sy bepaalde uur, en vir elke saak onder die hemel is daar ’n tyd.’ (Prediker 3:1). Dink ’n bietjie hoe tyd beleef is sonder horlosies, soos in Bybelse tye. Sekondes en minute het feitlik geen rol gespeel nie en van die ure was hulle slegs rofweg bewus. Niks het op ’n vaste uur begin nie – aktiwiteite het maar begin as almal daar was! Om te wag was algemeen, maar tyd was volop, die lewe stadig. Mense was eerder gesinchroniseer met die natuur: dag en nag, eb en vloed, volmaan en nuwemaan, winter en somer. Vandat ons tyd opdeel in sekondes en minute, het ons lewe totaal verander. Tyd is nou ’n kommoditeit…