SARIE June 2016의 목차

Hier is ons – halfpad deur 2016. Reeds is dit ’n jaar soos geen ander nie met die wêreld wat meer vrae bied as antwoorde. Ons staan soms net verstom oor die mensdom en sy dinge, en ons wonder: Is ons nou bo of onder? Verloor ons of wen ons? Maar ... ten minste het Leonardo DiCaprio sy Oscar gewen ná ses vorige benoemings. Die hele wêreld het saamgejuig. So pas is hy ook deur Time aangewys as een van die wêreld se 100 mees invloedryke mense vir sy rol in die bewaring van die planeet. Ons paleoantropoloog Lee Berger haal ook die lys vir sy ontdekking van ’n nuwe oermens, Homo naledi, hier op eie bodem. En net ’n paar weke gelede het SA se Branden Grace sy eerste…

DRIEKUNS VIR AFRIKAANS ’n Afrikaanse animasie-fliek van net 3 minute en 20 sekondes is vir ’n derde internasionale animasie-fees gekeur. Naomi van Niekerk se film van Ronelda Kamfer se treffende gedig, “’n Gewone blou Maandagoggend”, is uit 2 680 inskrywings van 86 lande gekies om vandeesmaand saam met 215 ander by die Annecy-animasiefees in Frankryk vertoon te word. Dis die storie van ’n meisie wat grootword op die Kaapse Vlakte. “Geweld is deel van haar daaglikse bestaan, wat vir baie mense onbekend is. Ek dink gehore word ook ingetrek deur die onheilspellende, hartseer toon,” sê Naomi. Die fliek was in 2014 deel van Filmverse, ’n ATKVproduksie saam met Diek Grobler. Filmverse 2 word in Augustus by die kykNET Silwerskermfees bekend gestel. SUZELLE NOU ’N TV-STER Sy het oornag ’n YouTube-sensasie…

SARIE is die mediavennoot van Sy Klink Soos Lente , wat van 30 September by rolprentteaters landwyd te sien sal wees. Hou SARIE.com  dop vir meer Met vanjaar se Oscar-toekennings was dit duidelik dat die jonger generasie nie vir meer ervare akteurs hoef terug te staan nie. Brie Larson, wat as beste aktrise aangewys is, is maar 26. Jennifer Lawrence en Saoirse Ronan, wat in dieselfde kategorie benoem was, is onderskeidelik 25 en 21. Boonop het Alicia Vikander op 27 die goue beeldjie vir beste ondersteunende aktrise gewen. En op die tuisfront is die millennials, oftewel generasie Y, ook besig om groot dinge in die vermaaklikheidswêreld te vermag. Al hoe meer Afrikaanse rolprente word deur ’n jonger geslag gemaak en hul vars idees en waagmoed…

Jou Fiësta-toekenning vroeër vanjaar vir jou spel in die toneelstuk Son. Maan. Sterre. was te midde van stewige kompetisie. Jy was ook by die KKNK vir ’n Kanna in dié rol benoem. Wat beteken dit vir jou? Dis ’n voorreg dat my harde werk raakgesien is. Bubbles, met haar tipiese Pretoria-aksent, is die een karakter tussen al die randfigure met wie die gehoor kan identifiseer. Sy glo in die goedheid van die mens. Dié flambojante kletskous maak geldige punte oor die liefde en verhoudings. Ek het eindelose respek vir gesoute aktrises Tinarie van Wyk-Loots, Wilna Snyman en Nicola Hanekom wat ook vir ’n Fiësta benoem was. Die toekenning motiveer my om nog harder te werk. Wat wag die res van die jaar? Suidooster hou my baie…

RAAD AAN ANDER ENTREPRENEURS Glo in jouself en moenie bang wees om ’n uitdaging aan te durf nie. Vra hulp of raad as jy dit nodig het. UITDAGINGS Om genoeg bottels te kry om ons bestellings volledig te kan afhandel. Ek moes al almal wat ek ken, smeek of self rondry en bottels optel! GROOTSTE SAKELESSE GELEER As jy glo in wat jy doen, sal ander mense ook. Praat met enigiemand oor jou besigheid – jy weet nooit watter deure dit kan oopmaak nie. EIENSKAPPE NODIG OM SO ’N ONDERNEMING TE LAAT SLAAG Verbeelding en uithouvermoë – as jy regtig glo jy kan iets doen, sál jy! www.allwomenrecycling.com…

Waar woon jy en waarom juis daar? In Sohar in die noorde van Oman. Oman lê aan die oostelike deel van die Arabiese skiereiland. ’n Skool hier het my genader en ek is nou ’n onderwyser by die Sohar International School. Ek bied biologie aan vir die seniors. Toevallig het ’n paartjie wat saam met my op Barberton in SA skoolgehou het, Jaco en Elaine Schutte, dieselfde tyd as ek Sohar toe getrek. Dit het die skuif makliker gemaak. Is jy alleen daar? Ek is enkellopend, maar van my familie het al kom kuier – net om te sien of ek soet is en hoe dit hier lyk. Hulle het dit baie geniet. My niggie, Lilly Otto, beplan om gou weer te kom. Sy is ’n pragtige blondekop en die…

Beeldskoon, maar ook sterk en vreesloos. So pas het sy die 2016-lys van Time se 100 invloedrykste mense gehaal en is sy bekroon as beste aktrise by die MTVrolprenttoekennings vir haar rol in die post-apokaliptiese aksiefliek Mad Max: Fury Road. Vir dié uitdagende rol as die heldin Furiosa, ’n vrouekryger, het Charlize wéér gewys, nes met die fliek Monster destyds, sy maak nie op haar skoonheid staat om Hollywood te verower nie. Vir Mad Max het sy haar blonde lokke afgeskeer omdat sy dié sterk karakter eenvoudig nie met ’n poniestert kon voorstel nie. Vanjaar het sy ook haar terugkeer gemaak as die bose koningin, Ravenna, in The Huntsman: Winter’s War. Charlize is al vir meer as tien jaar die gesig van Dior se J’adore-parfuums. Dié skoonheidshuis verstaan vroue is…

NUWE TREND KONTOER JOU HARE! Ons weet van contouring, die slim grimeertruuk waar jy met die skep van kontoere gelaatstrekke kan verbeter? Deesdae word ’n soortgelyke tegniek ook op hare gebruik – hair contouring! ’n Kombinasie van ligter en donkerder skakerings word noukeurig deur ’n haarstilis op spesifieke dele van die hare rondom jou gesig aangewend, sê Boyd Meilhon, meesterstilis en opleier van die haarsalon-groep Carlton Hair International. Die lig en donker dele skep die illusie van ’n gebalanseerde gesigvorm en kan selfs jou gelaatstrekke meer gedefinieerd laat lyk. Bekendes soos Sarah Jessica Parker en Jessica Alba het al dié tegniek gebruik om byvoorbeeld hul langwerpige gesigvorms breër te laat voorkom. PÊRELGLANS Die kleure van die Asore-eilande by Portugal is die inspirasie agter ’n nuwe reeks haarysters van ghd. Dié…

BEHANDELING VAN DIE MAAND 'n Dag by 'n mansalon Behandelings by ’n skoonheidsalon is ’n geskenk wat vroue al vir soveel jare vir hulself gee. Nou is daar ook plekke vir mans waar jy gemaklik voel en die behandelings kan geniet. Ek het ’n oggend deurgebring by Sorbet Man* in Sandton, Johannesburg, een van die Sorbet-salongroep se reeks mansalonne. Die salon was baie toeganklik: eenvoudig, meubels van swart kunsleer, barbierstoele … Geen tierlantyntjies nie. Ek het tuis gevoel. Die salon bied ’n ervaring en bederf jou met onder meer koffie en whiskey. Ek het drie behandelings laat doen, die Back Clipper Cut (jou rughare word effens geskeer), die Back Up Plan (dit is soos ’n gesigbehandeling vir jou rug – die terapeut skilfer jou rug af, stoom dit, maak die…

GEBRUIK SPATSELS KLEUR In die kombuis het hulle wit kaste gekies met Caesarstone vir die werkvlak. Die stoof (gas en elektrisiteit) is in die werkeiland ingebou. Die kinders het hul eie klein tafel en stoele waar Olivia (links) en Neve graag inkleur en eet. Vir ekstra pakplek het hulle oral rakke geïnstalleer. Die geel broodblik en draadhart aan die skottelgoedmasjien gee kleur aan die vertrek. Mari Groenewald en Alan Alston bly in die hartjie van Kaapstad. Op pad na die voordeur van hul huis is ’n groot ou boom wat heerlik skaduwee gooi oor die slim beplande klein tuin. Kompleet met ’n sandput waarin hul twee oulike kleuters, Olivia (3) en Neve (2), lekker speel. Die huis se vloeroppervlak is net sowat 96 m², maar bestaan uit ’n ruim oopplankombuis…

Beetsop en brood genoeg vir 6 BROOD SOP Verhit oond tot 180 °C. Meng meel, sout en kitssuurdeeg in ’n groot mengbak. Maak ’n holte en voeg beet by. Gooi genoeg water by om ’n stywe, kniebare deeg te vorm. Keer uit op ’n meelbestrooide werkvlak en knie vir 10 minute. Plaas in ’n bak wat met olie gesmeer is en maak toe met kleefplastiek. Laat rys 25 minute of tot dubbel die volume. Knie deeg af en verdeel in 8 balle. Plaas op gesmeerde bakplaat en laat rys weer 15 minute. Sny met ’n baie skerp mes ’n patroon bo-op die deeg. Plaas in warm oond en bak 30 minute. Haal uit en laat afkoel. Maak in…

BOTTERBONE Lekker vet bone wat ideaal is vir sousbone of as stysel in jou kerrie en bredie. Week oornag voor jy kook. LENSIES Dié bone hoef jy nie vooraf te week nie. Ideaal in stowegeregte en sop. Daar is verskillende kleure soos bruin, geel en swart. HEEL ERTJIES Week oornag voor jy gaarmaak. Ideaal vir sop, soos lam-en-ertjiesop. As jy min tyd het, kan jy split-ertjies koop – dit word vinniger sag sonder om te week. SUIKERBOONTJIES Met sy rooi spikkels is dit die mooiste droëboon op die rak. Week oornag voor jy gaarmaak. Lekker in bredie en kerrie, of as ’n puree vir bykos. WENK Moenie sout of iets suurs by bone gooi wanneer jy dit kook nie, dit maak die skil taai.…

A @home livingspace 0860 576 576 www.home.co.za Abode 072 261 3540 www.abode.co.za C Caesarstone www.caesarstone.co.za Cartier 011 666 2800 www.cartier.com Constantia Fabrics 021 761 9648 www.constantiafabrics.co.za Cotton On 011 268 3700 www.cottonon.co.za CTM 0800 010 810 www.ctm.co.za F Forever21 021 555 3324 Fossil Accessories South Africa 021 418 0045 www.watchrepublic.co.za G Green Cross 021 507 9700 www.green-cross.com H Habits 021 671 7330 www.habits.co.za H&M 021 826 7300 www.hm.com/za L Lim 021 423 1200 www.lim.co.za Lovisa 021 551 1051 Lunar 011 726 5558, 021 422 0401 www.lunarlife.co.za M Mango 011 783 7907, 021 418 0916 www.mango.com Max Mara 021 418 9447, 011 325 5760 www.maxmara.com Milestone Kitchens 076 949 5745 www.milestonekitchens.co.za Minima 021 788 2515 www.minima.co.za N Nespresso www.yuppychef.com P Pedersen + Lennard 021 447 2020 www.pedersenlennard.co.za Poetry 021 464 5800…

’n Hoed met houding Sinergie tussen die vroue en manne was lanklaas so lekker. Vandag skroom mans nie om, soos ons, die salon te besoek vir mooimaak-hulp nie; ook nie om ’n goeie geur en vogroom aan te skaf nie. En nou leen ons ook heerlik en stylvol uit sy klerekas: ’n oorgroot trui, dik serp, gemakshemp, onderbaadjie en vir seker ’n hoed met houding. Vilt-fedora (R650) van Tread+Miller. Meer inligting: www.treadandmiller.co.za Koffie is lewe! ’n Koppie koffie maak baie dinge reg. En so sê almal: Volgens die Internasionale Koffie-organisasie (ICO) het die mensdom in 2013 altesame 146,1 miljoen 60 kg-sakke koffie opgebruik. Net in Amerika word 400 miljoen koppies koffie per dag gedrink! Suid-Afrikaners bly nie agter nie en die bedryf het in 2014 met 7,8% gegroei.…

Ons is besig met ’n fotosessie. Die nuwe produksie se plakkate moet gedruk word. Daar is ’n geskarrel om die agtergrond reg te kry, dramatiese doeke word gedrapeer, my voete is dood van die nuwe skoene, Lyn poeier my kop, Clinton, die fotograaf, staan op ’n leer in ’n poging om vir my ’n kakebeen te vervaardig met slim beligting. Uiteindelik word die eerste foto geneem. Maak toe jou oë, sê Clinton. Haal diep asem, ontspan. Kom ons probeer weer. Nee, hy hang nog steeds. Wat hang? vra ek. Die een ogie, sê Clinton. Hy lyk moeg. Hy sit ’n bietjie laer as die ander een. Ek sê, hoe kan my oog laer sit? Ek is mos nie van klei gemaak nie. Dit het laas ook gebeur, sê Lyn. Ek…

WILSON DUNSTER, AKTEUR “Ek speel die rol van oom Fanie in die fliek, ’n kitaarspeler en die mentor vir die band . Dit was verrykend om saam met dié jong mense te werk. Corné [van Rooyen, regisseur] is my seun se ouderdom, maar ons het mekaar dadelik verstaan. Ek dink hulle gaan almal nog groot name in die bedryf word. Stiaan het ’n briljante draaiboek geskryf, almal is talentvol en hulle ken hul storie – en dit wat hulle nié ken nie, is hulle bereid om te leer. Dit was ook vir my wonderlik om te sien hoe goed almal oor die weg gekom het, en hoe toegewyd hulle aan die projek was. Dit maak my opgewonde oor die toekoms van Afrikaanse rolprente.” DANIE BESTER, VERVAARDIGER “Stiaan…

Daar’s baie dinge wat vir ’n vrou belangrik is. ( Jy sou dink jy’s een daarvan, maar dis nie te sê nie ...) As dit oor voorkoms gaan, is net twee dinge belangrik. Hare & gewig. Dis waaroor vroue die meeste tob, lees, gesels en kla. Natuurlik praat vroue ook oor parfuum, juwele, skoene en klere, huislike mooigoed, kinders, sake van die dag en ánder mense se sake van die dag, maar luister maar na enige gesprek waar twee of meer vroue bymekaarkom. Dit gaan nie oor grimering of bykomstighede nie. Party vroue dra nie eens grimering nie, hulle is mooi genoeg daarsonder. (Miskien net ’n titseltjie rooi op hul lippe wanneer hulle by die huis uitgaan ... en oorbelle, natuurlik.) Vroue wil immers goed lyk én voel. Hul hare…

Vrede en vertroue word oor jare opgebou, maar kan binne sekondes uitmekaar spatMahogany SilverRain, Amerikaanse skrywer Perfect Hideaways in South Africa PAUL DUNCAN (AFRICA PRESS, R359) Duncan glo Suid-Afrikaners het ’n hunkering na ’n eenvoudige lewe op die platteland, al is dit net om vir ’n naweek weg te kom uit die stad. In hierdie pragboek bekyk hy uiteenlopende wegbreek-huise in verskillende omgewings in die Kaapprovinsie. Hy besing die lof van die natuurprag, huise en omgewing op so ’n manier dat jy sommer onmiddellik in jou motor wil klim en daarheen reis! Die boek is ryklik geïllustreer met lieflike kleurfoto’s van die huise van buite en binne, asook uitsonderlike landskaptonele. ’n Lees- en kykboek wat ’n ereplek op jou koffietafel moet kry. SO SÊ Riette Rust OP SARIE.COM  oor haar…

Matroosstylbaadjie ( Reefer jacket ) Dra dié baadjie saam met ’n broek met ’n wyer snit, soos ’n culotte, en ’n paar hakskoene vir ’n selfversekerde, stylvolle voorkoms. Vlootblou baadjie (R1 500), NEXT, aanlyn te koop by die SARIEwinkel by spree.co.za / sarie  (SOEK Wool Blend Peacoat Navy). Wit hemp (R1 299), Habits. Vlootblou culotte met geruite patroon (R849,95), Jorge by South to South. Silwerkleurige hakskoene (R499), Zoom, aanlyn te koop by die SARIE-winkel by spree.co.za/sarie (SOEK Pointed Toe Stiletto Heels Silver). Vlootblou paisleypatroon-das (R269), River Island. Oorgroot hemp ’n Moeitelose, sexy styl met ’n gevoel van geleen by die man in jou lewe. Gestreepte oorgroot hemp van mengelstof met mandarynkraag (R999), Mango. Swart-en-kameelkleur wyerand-fedorahoed (R679), Topshop. Lospassende broek Ontspan in ’n oorgroot rolnektrui…

Om ’n duur vogroom aan jou gesig te smeer, vir manikure en pedikure te gaan en aan te klop by ’n estetiese kliniek, is lankal nie meer net ’n bederf vir vroue nie. Ja, daar was nog altyd ’n groep mans wat hul voorkoms ernstig opgeneem het – vroeër jare het ons hulle metrosexuals genoem – maar dié klein groepie goedversorgde here groei nou teen ’n vinnige pas. Die skoonheidsbedryf vir mans raak lonend. Kyk maar na al die nuwe produkte spesiaal vir mans op die rak, en barbierswinkels en mansalonne wat oral opskiet. Die manne maak hulself mooi! “Want die wêreld is mededingend en hulle weet hulle kan nie meer op beperkte kwaliteite staatmaak nie. Hulle moet ook goed lyk,” sê Lelanie de Jager, opleier by Sorbet se reeks…

HAARBEHANDELING VAN DIE MAAND Die oplossing vir jóú haarkwessies Ons almal se daaglikse haarroetine verskil. En só ook die skade wat jy jou hare aandoen. Kérastase se Fusio-Dose-behandeling bestaan uit ’n reeks konsentrate wat elk ’n aktiewe sterbestanddeel bevat. Om jóú unieke haarbehoeftes te behandel word twee van dié konsentrate gemeng, in jou hare gemasseer en ná ’n ruk uitgespoel. Omdat my hare vaal en leweloos gelyk het, is die Concentré Pixelisten Density Booster-konsentrate spesiaal vir my gemeng: die eerste bedek elke haartjie met mikroskopiese glinsterende deeltjies om hare weer glans te gee, terwyl die tweede een bestanddele bevat wat hare uitpof sodat dit dikker lyk. Ná die tyd het my hare dadelik voller gevoel met hope volume. Ek het ook weer komplimente oor my haarkleur gekry – en dít…

Grimering lyk die mooiste op ’n gesonde vel wat goed bevog is, glo die Amerikaanse grimeerkunstenaar Bobbi Brown. Haar gelyknamige grimeerhuis het daarom drie maskers ontwikkel om jou vel in top-kondisie te kry. Elke masker behandel ’n ander velkwessie – verstopte porieë, ’n vaal gelaat en ’n droë vel. Die verpakking is so mooi, jy gaan al drie wil koop! ’n Tipe kersie (acerola) van Brasilië is die skoonheidshuis Clarins se wapen teen pigmentasie. Dié soet vrug, wat in ’n nuwe serum gebruik word, is ryk aan vitamien C en het die vermoë om die vervaardiging van melanien (die kleurstof in jou vel wat donker vlekke kan veroorsaak) te verminder en jou vel se helderheid ’n hupstoot te gee sodat jou gelaat oor tyd meer eweredig lyk. Dié nuwe produkte…

Installeer ’n hanglamp in ’n klein ruimte om die oog na bo te lei (R2 800), Minima ’n Los kombuiskas (610 mm wyd x 430 mm diep x 1 730 mm hoog) kan ook in ’n leefarea werk (R8 327), Milestone Kitchens ’n Nuwe stuk lap sal jou vertrek ophelder (R289 p.m.), Constantia Fabrics Monteer die fietsrak (wat ook kan sluit) teen ’n gangmuur (R1 150), Pedersen + Lennard Die haak het baie arms om goed aan op te hang (R140), Abode Die eikehout-boekrak kan regop staan of plat lê (R6 290), LIM Maak lekker koffie binne minute met Nespresso se outomatiese Inissia-masjien. Dit kom in 4 kleure: rooi, room, wit en swart. Koop landwyd teen R1 650 Met beperkte ruimte kan jy gemaklik sit by ’n hoë toonbank op…

LAE-GI-BREDIE Maak jou winter gesonder met dié lae-GI-bredie* van lam en bone. Verhit oond tot 180 °C. Verhit 60 ml kanola-olie tot warm in oondbestande pot. Voeg 2 gekapte uie en 2 gekapte knoffelhuisies by en roerbraai tot begin verbruin. Voeg 1 kg lamsvleisblokkies by en braai nog 5 minute.Voeg 2 gekapte takkies roosmaryn by en braai nog 2 minute. Voeg 1 x 690 g-bottel tamatiepuree, 200 g tamatiepasta en 1 x 410 g-blik kersietamaties by. Meng deur. Voeg 1 liter lamsaftreksel by en meng deur. Geur goed met sout en peper. Plaas in oond en bak vir 2 uur of tot vleis sag is. Dreineer 2 x 410 g-blikke botterbone en meng deur. Krummel 4 wiele feta oor en skep 100 g basiliepesto oor. Sit voor. SPAAR KRAG Het…

Ma maak ’n movie. Só spot man en kinders my mos deesdae. Verstaan my mooi, dis nie asof ék my roman Dis koue kos, skat* in ’n rolprent verander het nie. Rolprentmaak is ’n spansport en ek was bloot ’n beskeie lid van ’n indrukwekkende span. Maar vir ’n skrywer wat gewoonlik in stilte en eensaamheid moet werk – want romanskryf is baie beslis nie ’n spansport nie – was dit ’n besonderse ervaring om ’n paar weke op die rolprentstel deur te bring. Om van agter die kameras te kyk hoe ’n wêreld wat tot dusver net in my eie kop bestaan het, voor my oë “werklik” word. Om te hoor hoe woorde wat ek op papier versigtig in die mond van denkbeeldige karakters gelê het, eensklaps…

Onthou jy toe jy jou baba die eerste keer gesien het? Jou hart wou bars van trots en vreugde. Nes jy altyd gewéét het dit sal voel om ’n ouer te word. Toe skop die werklikheid in. Slaaplose nagte. ’n Skreeuende, hulpelose suigeling wat konstant versorging eis. Rusies met jou wederhelf. Doodmoeg. Dan, ná ’n ruk, besef jy dinge het vererger. Jy het jou humorsin verloor, sien nie meer uit na iets nie en jy voel toenemend angstig en paniekerig. Nageboorte-depressie is ’n bekende toestand by nuwe ma’s. Maar: die webtuiste waaruit bogenoemde kom, is vir nuwe pa’s. Postpartummen.com word bestuur deur dr. Will Courtenay, ’n Amerikaanse psigoterapeut wat spesialiseer in nageboorte-depressie by mans. Want die nuwe generasie mans wat hard spook om hul beroep en ’n aktiewe rol in…

5 gelukkige SARIE-lesers kan elk die boek EEN pot/pan/bakplaat deur Callie Maritz en Mari-Louis Guy (Human & Rousseau, R280) wen. Dié boek bevat heerlike en moeitevrye resepte vir bees-, hoender- of varkvleis, asook wors, spekvleis en ham, frikkadelle en selfs vleislose geregte. Elk met ’n stysel en groente daarby vir ’n volledige gebalanseerde maaltyd – alles in een pot, braai- of oondpan gemaak. Nie net spaar dit krag nie, maar jy het sommer ook minder skottelgoed. Nog 5 gelukkige SARIE-lesers kan elk Dis koue kos, skat deur Marita van der Vyver (Tafelberg, R240) wen. Die verhaal ontvou in korrespondensie wat oor ’n dekade geskryf is – aan ’n ontroue man en vriendinne. Clara Brand se man, Bernard, verlaat haar vir Anaïs, een…

Wen 2 bottels parfuum (bl. 127) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryd namens Clarins as ’n diens vir haar lesers aan. Clarins voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy) en Clarins en hul reklamemaatskappye mag nie aan die wedstryde deelneem nie.…

Dis ’n groot woord: paradoks . Een van daardie woorde waarsonder ’n mens die lewe nooit sal kan verstaan nie. Waarsonder jy telkens op plekke sal kom dat dinge vir jou nie sin maak nie. Paradoks se werk is om ’n reisiger deur die lewe te help om te aanvaar dat jy nie alles hoef te verstaan nie. Dat jy alles trouens beter sal verstaan as jy weet jy kán alles nie verstaan nie. Want elke deel van die lewe is vol paradokse, vol oënskynlike teenstrydighede. Hierdie is nie ’n teologiese rubriek nie, maar tog kan ek dit noem hoe mense soms met my oor hul geloofskrisisse kom gesels. Wie is reg? Wat is reg? Op die een plek lyk dit asof die Bybel van God praat…

Die Swartland, my hartland . . . Ek lees Nataniël se rubriek in die Maart-uitgawe van SARIE, en ek word stil. Allerlei emosies wel in my op en ek dink “hy weet presies hoe ek voel”. Hy sê: “Haal asem”, maar al wat ek voel, is hartseer. Tog, hier diep binne my is daar dankbaarheid, want ek woon op ’n klein dorpie waar jy dikwels verwyderd voel van die wêreld om jou. ’n Plek waar almal, ongeag kleur, nog omgee vir mekaar, ag slaan op waardes en geloof en jy dikwels kan voorgee dat dit nog goed gaan met ons land. Ek weet ek klink soos ’n volstruis met sy kop in die sand, maar soms het ’n mens iets nodig om aan vas te klou, in te glo en…

Sy was een van dáái dogtertjies by die kleuresport – die een met die bokstert en gespierde beentjies wat los voor die ander kinders oor die wenstreep hol. Wenda Nel, vandag ’n voorste SA atleet, lag en vou effens verleë ’n blonde sliert agter haar een oor in. Vandat sy kan onthou, het sy aan atletiek deelgeneem. En toe die meneer haar destyds aan hekkies bekend stel, was daar geen keer aan haar nie. Sy’t haar passie ontdek. Wenda gesels oor ’n cappuccino tydens die SA senior kampioenskapsbyeenkoms op Stellenbosch, op die oog af heeltemal ontspanne, min gepla deur die media se verwagtinge van haar. Een koerantberig het haar selfs bestempel as “a time bomb waiting to explode”. Op Coetzenburg het sy weer los onder haar teenstanders uitgehardloop. Anneri Ebersohn,…

Jy is weer einde vanjaar met dié blyspel in Suid-Afrika – sien jy uit daarna? Ja, die vorige keer, in 2015 in Kaapstad, was die vertoning van twee weke uitverkoop. Watter ongelooflike gehore! Suid-Afrikaners is van die warmste mense op aarde. Ek is lief vir Kaapstad. Dit is my basis en waar my gesin woon. Hulle toer plaaslik saam met my, maar my drie seuns se opvoeding is belangrik. Hulle het die stabiliteit van ’n huis nodig en daarom toer ek internasionaal alleen. My seuns is my grootste aanhangers en as ek sien hoe my musiek húlle raak, word ek baie emosioneel. Buiten my gesin, mis ek biltong, Marmite en vissmeer oorkant die water. Is dit nie baie intimiderend om Whitney se skoene te moet vul nie? Natuurlik! Ek het…

RAAD AAN ENTREPRENEURS Begin net! Al het jy net ’n rowwe idee, gaan daarvoor. Jy sal nie weet of iets suksesvol kan wees tensy jy dit probeer nie. UITDAGINGS Dit verg baie energie omdat ons almal voltyds werk. Dis ook moeilik om elke keer die perfekte plek te kry om die mark te hou, omdat dit so vinnig groei. GROOTSTE SAKELESSE GELEER Delegeer! As jy wil hê jou onderneming moet uitbrei, kan jy nie alles self doen nie. Maar maak seker jy vertrou die mense wat jou help. EIENSKAPPE NODIG OM SO ’N ONDERNEMING TE LAAT SLAAG Omdat ons dit nie vir die geld doen nie, is dit tans grootliks ’n gemeenskapsprojek. Jy moet ’n omgee-mens wees wat goed met ander oor die weg kom om dit te laat werk.…

ONS EMOSIONELE VERBINTENIS MET GOUD KOM ’N LANG PAD. Reeds sedert die vroegste tye het dié glinsterende edelmetaal ons gefassineer. In antieke Egipte het Cleopatra glo goud as gesigmasker vir ’n foutlose gelaat gebruik en die ou Romeine het goue amulette as ’n simbool van vrugbaarheid gedra. Vandag nog verklaar ons liefde met goud, en in die skoonheidswêreld is net ’n tikkie goud nodig om ’n produk (of jou voorkoms) van gewoon na spesiaal te omtower. Dior is die skoonheidshuis van goud met ons eie goue meisie, Charlize Theron, die gesig van hul sprankelgeur Goud vir jou oë Gee jou voorkoms ’n bietjie glans met goue oogskadu. Wend ’n ligte goue skakering oor jou hele ooglid tot by jou wenkbroue aan en ’n donkerder goud op jou ooglid, gevolg deur…

Die voordeel van mansklere is dat dit nie so vinnig uit die mode gaan nie, daarom sal jy ’n item meer as een seisoen kan draMagdel Muller Mansklere is gewoonlik heelwat langer as vroueklere en dus ’n pluspunt vir langer vroue, of vir ’n vrou wat graag meer wil bedek Omdat veral oorgroot jasse en truie dié winter ’n sterk trend is, kan mansklere lekker vir jou werkAmaria Carstens Mansgroottes is anders as dié van vroue. Jy sal dus elke item moet aanpas om te sien watter grootte jy dra Manshorlosies is een van die maklikste items vir vroue om te dra, want die styl is tydloos NUUT! SARIE SE MODEKURSUS Is dit jou droom om ’n moderedakteur te word? Of het jy bloot ’n passie vir mode? Kom leer…

‘Bloedlemoen is sappig & watertandlekker’François Demachy, parfumeur van Dior J’adore Eau de Toilette Vars bloedlemoen is die eerste note wat jy ruik nadat jy dit aangespuit het. Die hart bestaan uit lemoenblomolie en roos en die dieper note is ’n kombinasie van vanielje en sandelhout. Dior J’adore Eau de Toilette (R1 810 vir 100 ml EDT), een van die ligste en sprankelendste weergawes in Dior se reeks J’adore-parfuums, is nou op die rak. (Sien ook bl. 62 en 63.) Alge en seewier in die produk trek die fyn vel rondom jou oë styf sodat dié deel onmiddellik meer gelig lyk. Oor tyd help die formule ook om fyn lyntjies uit te stryk. La Mer The Lifting Eye Serum (R2 700) word saam met ’n stokkie met ’n metaalkoppie verpak. Jy…

OP DIE STOOF Die tradisionele stoompot gebruik jy op die stoofplaat. Jy verhit die kos daarin tot kookpunt en laat dit dan stoom. Die pot reguleer self die stoom, maar jy moet dit van die hitte verwyder en die stoom uitlaat voor jy die pot kan oopmaak. 6-liter-drukkoker van Russell Hobbs, landwyd vanaf R3 199 ELEKTRIES Die moderne weergawe van die stoompot is 100% elektronies en werk op sy eie, weg van die stoof. Spesiale kontroles werk die tyd en druk vir jou uit. Sodra die stoomtyd verby is, word die stoom outomaties uitgelaat. Elektriese 6-liter-drukkoker van Salton, landwyd vanaf R1 199…

Liewe SARIE Ek is ’n predikant. Maar ek is ook ’n vrou wat soms saam met die tannie langs die oop graf wil huil oor haar man wat sy verloor het. En ek wil nie altyd die een wees met die regte woorde en wysheid nie, want as daar vyf massiewe mans voor jou staan en snik, wil jy eintlik net sê ek is so jammer, dis aaklig dat jul pa so skielik van julle af weggevat is. Mense besef dit nie altyd nie, maar ons as predikante rou saam met julle. Ek weet nie of dit professioneel is nie, maar ek is hartseer. Elke keer. Wanneer ’n gemeentelid wat ek week na week goed leer ken het, sterf, kom my wêreld ook tot stilstand. Dan moet die inspirasiepreek maar…

Watter regte het ek op my oorlede lewensmaat se boedel? Ek en my spesiale vriend, wat verlede maand skielik oorlede is, was vyftien jaar lank saam. Ons het nie kinders nie. Hy het nie ’n testament opgestel nie en sy broer maak nou aanspraak op alles wat hy nagelaat het, tot sy huis, wat in my vriend se naam geregistreer is. Sy broer wil my uit die huis uit sit en alles op ’n veiling verkoop. Wat is my regte? STEPHAN VAN DER MEER prokureur van Durbanville Saamwoon-verhoudings geniet in ons regstelsel nie dieselfde regte as dié van getroudes nie. Dít laat mense dikwels in ’n benarde situasie. Hóé lank julle saamgewoon het, beteken dus nié jy kry meer “regte” nie. Kortom: Jy het geen reg op jou gestorwe lewensmaat…

‘Hy sê hy het niks oor om te gee nie’ Hanna*, ma van twee en ’n onderwyseres “Ek het ná albei swangerskappe postnatale depressie (PND) ontwikkel. (My kinders is onderskeidelik 4 jaar en 18 maande.) My man het die leisels die eerste keer sensitief en sorgsaam vasgehou. Maar toe ek beter begin voel, het hy simptome van depressie ontwikkel en swaar op my geleun. Dit het met die neem van antidepressante gelig. Toe PND my die tweede keer takel, het dinge verander. Dié keer was sy houding byna afwysend oor my probleme. Hy sou sê ek moet bed toe gaan, dis makliker as hy nie met my ook moet sukkel nie. Hy het my soos ’n derde kind behandel, my glad nie vertrou nie. Ek dink dit het hom laat…