SARIE October 2016의 목차

Vir sestien dae in Augustus het Brasilië en die wêreld se beste atlete ons geïnspireer. Het ons saam met biljoene ander op die planeet gedeel in die emosies van wen en verloor, van ongekende vreugde en diepe teleurstelling. Van euforie en pyn. Kon daar ’n beeldskoner agtergrond gewees het vir 2016 se Olimpiese Spele as Rio? ’n Stad sinoniem met die sensuele samba en lang, lui strande soos Copacabana en Ipanema. Ook van rykdom, en uiterste armoede. Daar waar die Christus-beeld 38 meter hoog en met arms wyd uitgestrek dag en nag wag hou. Kortom, ’n stad “volmaak in sy onvolmaaktheid”, om die woorde van ’n BBC-video te herhaal. Het die “wonderlike stad” (Cidade maravilhosa) – hoeka Rio se temalied – ’n wonderlike sukses van dié 31ste Olimpiese “karnaval” gemaak?…

Net genade 25 September 2010. Ek staan met die foon in my hand om my dogter met haar 30ste verjaardag geluk te wens. Die foon lui skielik. Dis my dokter. “Jammer, mev. Joubert, jy moet dadelik inkom. Dis kolonkanker.” My wêreld wankel. Al waaraan ek kan dink, is my kind se spesiale verjaardag. En nou dit . . . Ek veg moedig deur al die swaarkry . . . 15 keer in een jaar hospitaal toe en 26 kg ligter. Dan is ek in remissie. 19 Februarie 2012. My seun se verjaardag. Ná ’n roetine-mammogram die oproep. Ek moet dadelik vir ’n biopsie gaan. Dis borskanker wat versprei het. Ek gaan weer eens deur dieselfde proses as die vorige keer. Ek lees 2 Konings 20 hoe die Here koning Hiskía…

D it is ses jaar sedert SARIE Voorbladgesig vir die eerste keer aangekondig is. Landwyd het die wedstryd onmiddellik opslae gemaak. Dis nie aldag dat lesers die geleentheid kry om op die voorblad van ’n glanstydskrif te wees nie. Steeds stroom die inskrywings met elke nuwe jaar in, want ’n voorblad bly vir baie ’n bietjie van ’n droom .. . Nog nooit het ’n SARIE-wenner teleurgestel nie. Inteendeel, die een boodskap wat die jare soos ’n goue draad bind, is dat hierdie vroue dalk moeiteloos mooi op ons voorblad lyk, maar leer jy hulle ken, is elkeen soveel meer. Dis vroue wat al ’n pad gestap het en ongeag ouderdom al werklik met die lewe kennis gemaak het. Dit is vroue met deursettingsvermoë en innerlike sterkte, met humor en…

Jou eerste album het pas goue status [15 000 verkope] behaal – wat is jou volgende doelwit? Ek mik vir platinum [30 000]. In my wildste drome het ek nie gedink ek sal eendag kan sê ek het ’n “goue” plaat nie. Alle eer gaan aan my Hemelse Vader, asook my span by Select Musiek omdat hulle in my geglo en my aangemoedig het. Vanwaar die titel van jou debuutalbum? Ek is baie lief vir Afrikaans, dit is my hartstaal en ek druk myself die beste daarin uit. Die album bestaan uit twaalf liedjies, waarvan twee uit my eie pen is. Daar is ook verwerkings van onder meer “Die spook van Uniondale” en “Ou Ryperd”, asook treffers van sangers soos Steve Hofmeyr, Johannes Kerkorrel en Koos Kombuis. Ek sing oor…

Jy kan nie die heelal verken as jy dink jy is die middelpunt daarvan nie Joshua Suya Pelicano Mzansi Zen ANTONY OSLER (JACANA, R240) In Suid-Afrika gaan alles nie elke dag ewe goed nie. Almal jaag teen ’n dolle pas om net te oorleef. Slegte nuus oor moord en roof, die ekonomiese insinking, werkloosheid en rassisme is aan die orde van die dag. Soms vergeet ons om net vir ’n oomblik stil te staan, diep asem te haal en weer tot bedaring te kom. Osler se boek is soos ’n vars bries. Dit dwing jou om stil te sit en sy woorde in te drink. Hy skryf met soveel deernis en wysheid oor hoe elkeen van ons onsself in iemand se skoene moet plaas, sodat ons begrip en empatie…

MODE AMARIA CARSTENS Assistent Magdel Muller Foto’s Justin Badenhorst van Supernova Assistent Aaron Burstein Hare en grimering Nandi Kai van Supernova Model Kirstie Bennett van Ice SKOONHEID CHARIS VAN DEN HEEVER Assistent Monica Pienaar KOS HERMAN LENSING Assistente Tanya Fourie ICA-student Philippus le Roux Foto’s Donna Lewis DEKOR ANITA ROSSOUW & LOUNETTE FOURIE Foto’s Henk Hattingh yster,marmer…

Geboue in die fabrieksvoorkomsstyl word vernuftig ingerig as leefruimtes. Onafgewerkte beton, staalraamvensters en -deure, loodgieterpype en elektriese kabels wat uit die plafon hang, is nou alles deel van die styl. Dit het ook ’n invloed op losstaande dekoritems. Beton, staal en ruwe hout vorm die ruggraat van dié multifunksionele leefruimte. Om die voorkoms te versag word bykomstighede soos skilderye, boeke en blomme gebruik. Die natuurlike kleur van hout dra by tot ’n warm gevoel. (Sien ook bl. 106.)…

Seekos-brijani genoeg vir 6 – 8 • 50 g botter • 1 ui, fyngekap • 500 ml (2 k) bruin saman van Spekko • 15 ml kerriepoeier • 30 ml geroosterde masala • 5 ml neutmuskaat • 1 knippie saffraan • 500 ml hoenderaftreksel • 125 ml klapperroom • 375 ml water • 300 g reënboog-forel, in stukke gesny • sout en varsgemaalde swartpeper • 15 ml gerookte paprika • sout en varsgemaalde swartpeper • 1 hand vol gekapte koljander Smelt botter oor matige hitte in ’n oondvaste middelslagpot. Voeg die ui en rys by en braai vyf minute terwyl jy roer. Voeg speserye by en braai nog vyf minute. Meng die aftreksel, klapperroom en water in ’n bak en giet oor die rys. Voeg die forel by en geur goed met sout en peper. Plaas pot in warm oond vir 25 – 30 minute…

MAAK JOU EIE TAFELBRAAI SO 1 groot klei-tuinpot (2 tot 3 gaste per pot) 1 houtplank waarvoor jy nie jammer is nie 1 meter foelie 1 sak kole en Blitz 1 ronde rooster wat op die pot pas Plaas houtplank op jou tafel om dit teen die hitte te beskerm. Frommel foelie op en plaas dit in die tuinpot. Die foelie maak die pot voller en bedek die gaatjie in die bodem. Maak vuur in jou buitebraai en wag tot die kole rooiwarm is. Pak dan die kole versigtig in ’n enkellaag in die tuinpot(te). Plaas rooster bo-op. Plaas die pot op die houtplank op jou tafel en gee vir elke gas sy eie braaitang, braaibroodjies en vleis. Geniet!…

Vergeet eers van contouring, die slim grimeertruuk waar jy met die skep van kontoere jou gelaatstrekke kan versterk, want die nuwe gonswoord is non-touring! Modelle soos Gigi Hadid en Rosie Huntington-Whiteley is aanhangers, en selfs die werklikheidster en kontoer-koningin Kim Kardashian erken dat sy nou eerder ’n stralende gelaat bo perfek-gedefinieerde wangbene verkies. Dink aan dié voorkoms as lig wat op jou vel geverf word. “Verligter word gebruik om die dele van jou gesig waar lig natuurlik val, glans te gee. Jy hoef nie jou hele gesig met onderlaag te bedek nie. Jy wil eintlik imperfeksies sien,” het Raine Tauber, senior grimeerkunstenaar van M.A.C, onlangs tydens dié grimeerhuis se tendensvoorskou vir somer gesê. “Dié grimeervoorkoms skep die illusie van ’n fermer vel wat jeugdig en gesond lyk,” sê Chris Williams,…

Die meeste van ons onthou ons skooljare seker met gemengde gevoelens. Daar was pret en prestasies en gawe maats, maar daar was ook onregverdige onderwysers, vervelige vakke, kinders wat jou geboelie of geterg het. Die hele ingewikkelde proses van grootword, van anders as die res voel, van niemand-verstáán-my-nie, van selftwyfel en skynbaar onmoontlike drome droom. Vir my was dit veral my laaste twee skooljare, as onwillige koshuiskind in die lieflike Laeveld, wat ’n holte in my maag agtergelaat het. Elke keer as ek dink aan die diefwering en die muskietnet voor die venster in die kaal koshuiskamer, die ysterkatel met die grys kombers en die lakens met TODTODTOD (Transvaalse Onderwysdepartement) daarop gedruk, het ek daardie hol kol in my binneste gevoel, iewers naby my derms. Dekades lank. Dalk sou ek…

ANNEMARIKE EN ANDRI GEE OOK DIÉ WENKE Gun jouself tyd om deur jou gevoelens te werk voordat jy op nuwe geleenthede en verhoudings fokus. Wees realisties. Elke verhouding het goeie én slegte tye – erken die redes hoekom jy in die eerste plek getrou het, maar werk ook daaraan om die redes vir die skeiding te verstaan en te aanvaar. Moenie tyd en energie mors deur te raai waarmee jou eks besig is nie. Dit het geen doel nie en dit kan jou net langer neem om te herstel. As jy vasgevang bly in woede en bitterheid, kry hulp. Kiés om aan te beweeg en gelukkig te wees in jou nuwe omstandighede – dit gebeur nie vanself nie. NAVRAE Synergy Psychological Services: 011 662 1196, synergypsych@gmail.com Stacey Lewis:…

Saterdagoggende op ons plaas Ouklip – my geboortegrond by Wallmannsthal noord van Pretoria – is kuiertyd saam met my ouma Willa Krause. Vir my as 15-jarige meisie, vroeg in haar hoërskoolloopbaan, is dit een van die hoogtepunte van my week, op my grootouers se stoep met die agtergrondmusiek vir haar wyse woorde die gekwetter van voëltjies. Vir my is daar niks so mooi soos die passie in iemand se oë wanneer hulle praat oor dit wat hul siel aan die brand steek nie. Emosie dans in my ouma se stem wanneer sy praat oor haar lewe. Die herinneringe is gegraveer in die sagte lyne om haar oë, en haar kromgetrekte handjies vertel van duisende ure se werk wat gelei het tot haar sukses. Nie net finansiële voorspoed nie, maar sukses…

Jy volg gedurig ’n dieet en probeer verwoed om meer tyd te maak vir oefening. En tog bly jy bang vir die skaal. Is jy desperaat om gewig te verloor? ’n Roetine wat jou langtermynsukses waarborg, pleks van dieetgiere en kitsoplossings, is beslis die moeite werd. Skop jou dag af met die volgende 5 maklike stappe – en jy sal sien hoe vinnig die skaal se naald in die régte rigting beweeg! STAP 1 Staan 30 minute vroeër op Stel jou wekker om ’n halfuur vroeër af te gaan – selfs al is dit dalk in die begin moeilik. Volgens navorsing aan die Northwestern University in die VSA, wat in 2014 gepubliseer is, het blootstelling aan vroegoggendlig die deelnemers se liggaamsgewig beïnvloed, asook hul sirkadiese ritme (die liggaam se interne…

5 gelukkige SARIE-lesers kan elk die boek Koukonap deur Johann Botha (Queillerie, R260) wen. Dit is die middel van die 20ste eeu. Net soos die Vaalrivier in vloed die dorpie Koukonap bedreig, bly die Fourie-gesin se lewens ook nie onaangeraak deur groter kragte nie. Lood en Lenie het hulle teësinnig hier kom vestig. Daar is hul seun Dries, wat gedurig die rivier in sy kano verken, en sy twee broers. Ênie Malmok en Japie Tarentaal van die Breipaal-lokasie. Oupa Sarel, wat dalk net ’n regte, egte Boereheld was. Die Davels oorkant die draad. Dik Dawid Daneel en Mank Manie Wolmarans en neef Boet Viljoen wat doedelsak speel in die kroeg . . . Die doen en late van gewone dog fassinerende mense, van die dorp se…

GENIET JOU TUIN Perfek! – ’n eie dag vir Suid-Afrikaners om hul liefde vir tuinmaak en die buitelewe te vier. Maak nie saak of jy op jou woonstelbalkon in potte in die grond vroetel, of dalk jou tuin in ’n paradys omskep nie, Sondag 9 Oktober is dit tyd om jou harde werk en kreatiwiteit te geniet. Nooi familie en vriende oor vir ’n koppie tee of ’n glasie vonkelwyn terwyl julle die kleure en geure van jou tuin opnuut waardeer. Vir ’n vars idee of twee vir jou Tuindag, gaan na info@gardenday.co.za . Vir meer sien ook www.gardenday.co.za SARIElipstiffies vir somer Dié maand, juis met twee wenlesers op ons voorblad, is daar by elke uitgawe ’n SARIElipstiffie gekies vir jóú. Jy’t een by dié…

Finaliste van ver wat na Johannesburg gevlieg het vir hul Voorblad-fotosessie, het in die hartjie van Rosebank in die Parkwood Boutique Hotel gebly. LekkeSlaap het die verblyf in hierdie huis-ver-vanjou-huis moontlik gemaak sodat elkeen uitgerus en blinkoog kon wees vir die dag wat voorlê. Al 10 die finaliste het die dag by die hotel begin met ontbyt saam met SARIE-redakteur, Michélle van Breda, waarna ’n vol program van fotosessies, onderhoude en video-opnames gevolg het. LekkeSlaap.co.za is die heel eerste en enigste Afrikaanse akkommodasie-besprekingswebtuiste. Hulle spog tans met meer as 13 000 lekker plekke die hele land oor. Daar is iets vir elke sak en smaak, en gaste kan sommer tjop-tjop ’n bespreking op die webtuiste maak. Dis lekker maklik en lekker vinnig! Hoewel alles aanlyn gedoen kan word, is…

Lekker slaap! LekkeSlaap is die verblyfborg vir SARIE Voorbladgesig 2016. Ons het tydens die top-10 Voorbladsessie in Johannesburg by die Parkwood Boutique Hotel tuisgegaan en met die gala-aand in die Kaap by Manhattan Suites and Conferencing in Century City. Alles moontlik gemaak deur LekkeSlaap. DIE GROOT PRYS 2 voorblaaie vanjaar, een vir elk van ons Voorbladgesig-wenners 2 KATEGORIEË, 2 WENNERS Elkeen kry R50 000 kontant en ’n LekkeSlaap-vakansiebederf ter waarde van R2 500 *Die 2 kategorieë is 18 – 30 jaar (matriek voltooi) en 31 jaar en ouer DIE 10 FINALISTE KRY ELK DIE VOLGENDE • ’n Geskenkpak van Max Factor & Clicks ter waarde van R1 500 • ’n HTC One M9-selfoon ter waarde van R7 500 • Een paar glansryke Spitz-skoene van R2 500 • ’n Bottel Azzaro Pour Elle Extrême Eau…

 Jy lê weg aan ’n salige stuk koek, want jy voel depressief, of knibbel (teësinnig) aan ’n vervelige slaaiblaar, want jy moet gewig verloor . . . Ek verteenwoordig die meerderheid vroue en is trots daaropGrammy-wenner Adele Dié dilemma, soos uitgebeeld in die nuwe rolprent O vet!, ken jy dalk maar te goed. Jy honger jou uit, net om jou weer aan kos te vergryp. Nooit die goue (en gesonde) middeweg nie. Dalk oorheers dit jou lewe, soos duisende ander vroue s’n. Bertha le Roux-Wahl, wat die hoofrol in die fliek speel, voer haar lewe lank ’n stryd met haar gewig. Ander aktrises is Karin van der Laag en Pulane Sekepe – ook vroue bekend vir hul gul kurwes. “Hulle was baie dapper om hulself so bloot te stel,” sê…

Hy lyk nog nes Orkney snork nie se Ouboet – dalk net met ’n bietjie minder hare. Maar Frank Opperman het daardie baadjie lankal afgeskud. Deesdae is hy ’n rugbyklub-president, ’n dominee en selfs ’n joernalis in sy eenmanverhoogstukke – almal geskryf deur die gewilde skrywer Dana Snyman. Saam het hulle al Fiësta- en Aardklop-toekennings ontvang vir hul vyf stukke tot dusver: Die uwe Pottie Potgieter; Wyk 14; Rooikaart; Die klaagliedere van ds. Tienie Benade en Hond, wat tans op die planke is en ook by Aardklop te sien is. Die toekennings pla hulle egter min. Vir dié twee gaan dit eerder oor die storie. Om ’n blik op die Afrikaner se lewe te bied – soms diep, soms ongemaklik, maar altyd vermaaklik en met ’n tikkie humor. “Ons wys…

Ons weet van partytjies waar van onderklere tot Tupperware en skoonheidsmiddels gesmous word. Maar platoniese drukkies? Aanraking is die natuurlikste ding op aarde, ja. Tog moet die vaardighede wat dit lekker en welkom maak, aangeleer word. (Kommunikasie, grense, om te vra en ook “nee” te sê.) Dis die uitgangspunt van die Cuddle Party (cuddleparty.com), wat fasiliteerders wêreldwyd het. Barry du Plooy van Kaapstad het ná ses maande se virtuele opleiding via Skype fasiliteerder #71 geword, die eerste in Afrika. Daar is wêreldwyd ’n oplewing in belangstelling en fasiliteerder #123 is pas klaar opgelei, sê hy. Hy bied self ook in ander lande kursusse aan. Wat jy kan verwag: Dis baie informeel, sê Barry. Jy trek gemaklike klere of nagklere aan en bring komberse, kussings en snoesige speelgoed saam. Dinge skop…

Aarbei-daiquiri-koek genoeg vir 1 groot koek Stroop Versiersel Vir voorsit Verhit oond tot 180 °C. Plaas eiers en suiker in elektriese menger se bak en plaas op pot met kookwater. Klits met draadklitser tot eiermengsel begin louwarm raak. Plaas bak in menger en klits by hoë spoed vir 8 – 10 minute tot dik skuimmengsel vorm. Voer intussen twee 18 cmlosboomkoekpanne met GLADbakpapier (sien foto onder) uit. Gooi botter en meel bo-op eiermengsel en vou versigtig in met slaplemmes. Verdeel mengsel tussen panne en bak vir 25 – 30 minute of tot goudbruin en gaar. Terwyl koek bak, bring bestanddele vir die stroop tot kookpunt. Gooi stroop oor koeke en laat afkoel. Klop bestanddele vir die…

Die Vogel-kroegstoel is van irokohout (R4 064,10). Die groot turkoois mandjie teen die muur (R2 150), grys mandjie (R2 965), geel mandjie (R1 690) en koraalkleur een (R1 120) is ontwerp en gemaak deur Moon en ook te koop by Vogel. Die gevlegde muurborde (vanaf R250) en geweefde plastiekmat (R950) is van Out of this World. Die muurkleur is Dulux 30YY 33/047.…

In Grasse in die suide van Frankryk groei een van die min rose wat vandag in parfuum gebruik word. Die meiroos word dit genoem, want elke jaar blom dit net gedurende Meimaand. Die geur is ryk en soet en het ’n ereplek in die skoonheidshuis Dior se geskiedenis. Stigter Christian Dior was so verlief op die meiroos dat hy velde vol daarvan rondom sy château naby Grasse geplant het. En toe hy sy eerste parfuum, Miss Dior, in 1947 geskep het, sou die meiroos vanselfsprekend deel van die samestelling wees. Vandag vorm die meiroos die hart van verskeie van die Miss Dior-weergawes op die rak, soos nou weer met die nuutste toevoeging tot die reeks . . . Soos ’n vars bos blomme Vir parfumeur François Demachy moes die nuwe…

Die kussingslope (vanaf R79,99), stortgordyn met blaarpatroon (R249) en donkergroen glas heel regs (R89,99) is van H&M. Die groen kaktus-vaas (R139,99) is van Mr Price Home en die ander een (R229) van Loads of Living. Die metaalsytafel (R3 995) is van Weylandts en die Haldane Martin-draadstoel (R3 345) van Leon at CCXIX. Die blaarpatroon-plakpapier (so R985 per 10 m-rol) en Phoebefluweelmateriaal (R1 185,60 p.m.) op die groot kunstenaarsdoek is van Hertex Fabrics. VERFKLEURE Die muurkleur is 30YY 33/047; groot kunstenaarsdoek: Dublin Bay 4; mediumgroot doek: Dublin Bay 2 en klein doek: Minted Glory. Almal is van Dulux.…

HOENDER-ENSAMPIOENSOP Die ideale somerkos: ’n geurige kragsop met vars groente en gestoomde hoender. genoeg vir 4 20 ml sesamolie 2 knoffelhuisies, gekap 1 cm vars gemmer, gerasper 15 ml miso (sien bl. 84 ) 2 liter hoenderaftreksel 80 g droë sjiïtake-sampioene 12 hoenderstukke, sonder vel 1 brandrissie, fyngekap 60 ml ligte sojasous 6 pak choi-koppe, oorlangs gehalveer 100 g suikerertjies 270 g ramen-noedels hand vol basilieblare 12 baba-sampioene Verhit olie in groot pot tot warm. Voeg knoffel, gemmer en miso by. Roerbraai 2 – 3 minute of tot geurig. Voeg aftreksel, sjiïtake-sampioene en hoender by. Roer deur en bring tot kookpunt. Kook vir 20 – 25 minute of tot hoender gaar is. Skep hoender uit en gooi aftreksel deur ’n sif – gooi oorblyfsels in sif weg. Vlok hoender…

Strepe-slooprok (R399), H&M. Goue leerhakskoene met uitsnywerk (R1 595), Tosoni by Spitz. Oorgroot palmhandsak van gevlegte strooi (vanaf R2 100), Pichulik. Stel van 4 ringe (vanaf R79,95), Bijoutique. GROOTTES Rok: 34 – 44 Wenk Dunner strepe – horisontaal en vertikaal – is die verslankendste streep…

PARMESAANMIELIEPAP Dié pap is ’n hele ete op sy eie. genoeg vir 6 950 ml water115 g (125 ml) botter190 g (300 ml) geelmielie-meel12 repe rugspek200 ml heuning60 ml asyn6 eiers100 g parmesaankaas, gerasper Bring water en botter tot kookpunt. Verlaag hitte tot stadige prut en gooi mieliemeel by terwyl jy aanhou roer. Roer oor lae hitte tot mengsel verdik. Maak pot toe en laat pap stadig kook vir 10 – 12 minute of tot gaar. Roer elke 2 – 3 minute om te keer dat die pap aanbrand. Maak die spek gaar terwyl die pap kook. Verhit kleefvrye braaipan tot warm. Sprinkel heuning oor spek en braai spek tot goudbruin en bros. Hou eenkant. Bring pot met sowat 3 cm diep water tot kookpunt. Voeg asyn by en verlaag…

KAAS-QUESADILLAS MET MIELIE-SALSA EN RAFELVARK Koop gaar rafelvark ( pulled pork ) by jou supermark om tyd te bespaar. genoeg vir 4 SALSA 2 geelmielies 1 hand vol koljanderblare, gekap1 rooi-ui, fyngekapsap en fyn skil van 1 suurlemoensout en varsgemaalde swartpeper QUESADILLAS 8 tortillas200 g mozzarellakaas, gerasper200 g cheddarkaas, gerasper2 rooi brandrissies, in skyfies gesny4 hande vol vars koljander, grofgekap VIR VOORSIT 500 g gaar rafelvark Salsa Kook mielies tot gaar en sny pitte van stronk af. Voeg 1 hand vol koljander, die fyngekapte rooi-ui, en sap en skil van suurlemoen by. Geur goed met sout en peper. Hou eenkant. QUESADILLAS Jy gebruik 2 tortillas per persoon. Meng mozzarella en cheddar. Plaas so 2 hande vol kaas op een tortilla, ’n bietjie koljander en ’n paar rissieskyfies. Sit…

Roomkleurige eenstuk van ponte met romp-detail (R775), Ginger Mary by Truworths. Vlootblou snyersbaadjie van mengelstof (R6 099), 2nd Day. Rooi hakskoene van kunsleer (R599), Foschini. GROOTTES Eenstuk: XS – XL Baadjie: S – L  JASON WU, KUNSDIREKTEUR VAN HUGO BOSS ‘My idee van ’n alfavrou is een wat taamlik hard en presies is, maar ook ongelooflik sensueel’ ( www.houseoflovejoy.com )…

WYS JOU SKOUERS ÉN JOU KURWES MET ’N NOUPASSENDE ROK VIR ’N ROMANTIESE AFSPRAAK. Wynrooi noupassende oopskouer-rok met ’n halternek (R550), Ginger Mary by Truworths. Nude opryg-hakskoene van leer (R1 695), Tosoni by Spitz. GROOTTES Rok: XS – XL DRA JOU OOPSKOUER-TOP KANTOOR TOE SAAM MET ’N BROEK OF POTLOODROMP. Geblomde bloes met kaal skouers (R129,99), Oakridge by Mr Price/ mrp.com . Vlootblou langbroek van mengelstof (R3 299), 2nd Day. Silwer platforminsteekskoene (R659), Zara. Stel van twee dubbel-oorbelle (vanaf R39,95), Bijoutique. GROOTTES Bloes: XS – XXL Broek: 32 – 42 #AITSA! BALANSEER JOU VALLE-TOP MET STERK STREPE VIR ’N GEMAKLIKE NAWEEKVOORKOMS. WIL JY LATER UITGAAN, KAN JY BLOOT JOU PLAT SKOENE VIR IETS HOËRS VERRUIL. Swart-en-wit halternektop van mengelstof met oop skouers (R629), Zara. Noupassende gestreepte midiromp van…

Met meer as 120 jaar ervaring in die maak van horlosies, kombineer die Switserse horlosiemaker Rotary vandag steeds uitstaande vakmanskap met die jongste ontwerptendense vir tydlose styl. Die ontwerp van die horlosie hieronder is vintage geïnspireer, en die Romeinse syfers weerspieël ’n tikkie tradisie, terwyl die roosgoud-vergulde afwerking ’n moderne gevoel daaraan verleen. Die Oostenrykse kristalle rondom die wyserplaat rond dit af vir ’n voorkoms wat pragtig sowel as prakties is. SMS die sleutelwoord ROTARY (geen leestekens) tesame met jou antwoord, naam, van en kontaknommer na 35409. (’n Tarief van R1,50 per SMS geld.) Sluitingsdatum: 31 Oktober 2016 Die wenners sal voor of op 11 November 2016 gekontak word. VRAAG Van waar kom die kristalle rondom die wyserplaat?…

Met haar groot groen oë, sagte skouerlengte blonde hare en ’n ligte blos op die wange lyk sy veel jonger as 39, maar Carina Diedericks-Hugo, jeugboekskrywer van onder meer die gewilde Thomas@-reeks, moes al haar kwota verliese – onvrugbaarheid en ’n moeilike egskeiding – hanteer. “Dit is maar eers die afgelope ses maande dat ek weer op my voete is. Ek skryf my eerste volwasse boek. Ek het einde verlede jaar begin werk as kommunikasiebestuurder by die Longridge-wynplaas naby Stellenbosch en ek het weer liefde gevind. Ek wil oud word saam met Bertus Osbloed van Niekerk. Hy laat my lag, is intelligent, hy droom groot en maak sy drome waar.” Dié twee werk nou saam aan ’n projek – “’n eerste tussen ’n skrywer en ’n wynmaker” – wat aanstaande…

A @home 0860 576 576 www.home.co.za 2nd Day, Day Birger et Mikkelsen 011 447 0839 B Bijoutique 011 886 9350 D Donna-Claire 021 938 1911 www.donnaclaire.co.za Dreamweaver Studios 011 262 4946 www.dreamweaverstudios.co.za E Edgars 011 495 6000, 0860 692 274 www.edgars.co.za F Forever21 021 555 3324 Foschini 021 938 1911 www.foschini.co.za G Green Cross 021 507 9700 www.green-cross.com Guess 011 883 8391, 021 421 0110 www.guess.com H H&M 0860 690 707 www.hm.com/za Havaianas 021 511 1182 www.havaianas-store.com Hertex Fabrics 0860 437 839 www.hertex.co.za Home etc. www.homeetc.co.za I Indigi Designs 021 447 0165 www.indigidesigns.co.za L Leon at CCXIX 021 447 1304 www.leonat219.com Lim 021 423 1200 www.lim.co.za Loads of Living 0861 565 565 www.loadsofliving.co.za Luxottica 021 486 6100 www.luxottica.com M Mango 011 783 7907, 021 418 0916 www.mango.com Max Mara 021…

Dis ’n mooi dag op Franschhoek, laatwinter, ’n kleurryke groep mense bondel saam onder ’n groot boom voor ’n bekende restaurant. Daar is tafels met blomme, glase en baie wyn, groot borde met pasteie, koeke en ’n reënboog van ander eetgoed. In die kombuis is van die land se bekendste kosname aan die woel, Reuben Riffel, Margot Janse, Hetta van Deventer, Carianne Wilkinson en vele meer. Daar is ook baie foto’s, in rame, teen mure, gemonteer op groot borde, foto’s van ’n legendariese lewe. Mense maal rond, sommige is geklee in boheemse kaftans, ander in die nuutste modes, ander formeel in swart, ander met hooftooisels van vere of blomme. Hulle beduie, gesels en lag kliphard. Die meeste het sonbrille op, dit lyk soos die gaste by ’n internasionale modeskou, sonbrille…

Verbloemer Colour Corrector Stick (R229,95) Dié nuwe stiffie verbloem merkies en ’n oneweredige gelaatskleur. WENK Wend verbloemer voor jou onderlaag aan. Skakeer eweredig met jou vingerpunte of ’n borseltjie deur dit liggies aan te tik. Moenie dit insmeer nie. Poeier Nuwe Creme Puff Pressed Powder (R135,95, beskikbaar in 4 skakerings) WENK Poeier is ideaal vir mense met ’n olierige of kombinasievel. Tik dit deur die dag aan vir ’n vars voorkoms. As jy onseker is van jou skakering, is deursigtig (translucent) die beste keuse. Op dae wat jy nie lus is om grimering aan te wend nie, kan jy dit net ná jou gesigroom gebruik. Maskara Voluptuous False Lash Effect Mascara (R199,95) Kry 5x meer volume vir oë wat oop en dramaties lyk. WENK Verwyder oortollige maskara van die borseltjie…

Dis daardie tyd van die jaar. Die son skyn, die voëltjies word vroeg wakker en raak luidkeels opgewonde oor niks en al die veld is vrolik. Dis tyd om vir haar blomme te koop. Vroue se reaksie op blomme is nogal voorspelbaar. Hulle is dadelik baie bly en sê vanselfsprekende goed soos: “Ooo, jy’t vir my blomme gekoop!” (Nou waarmee dink sy staan jy daar in jou hande?) Of: “O, is dit vir my?” (Nou sien sy enigiemand anders in die omtrek?) En of die blomme nou al effe verlep lyk: “Kyk hoe mooi! Ek sit dit dadelik in die water.” Daar’s baie te sê vir klein dankbaarhede. Rose is altyd ’n treffer. Dis min of meer ’n universele blom, dit werk oral. Enige plek, enige kleur. Solank daar kleur…

Hoe het dit gekom dat julle doen wat julle doen? Ons leef ons droom. Ons huis is op luukse seiljagte waarop ek as kaptein en Rica as sjef werk. Saam met een of twee bemanningslede neem ons gaste op luukse vakansies op die see. Meeste van die reise duur ’n week per keer en die res van die tyd doen ons instandhouding van die vaartuig. Ons is albei Kapenaars en het mekaar by my daknatmaakpartytjie in die Moederstad ontmoet. Ek was dadelik gek oor Rica en ons was gou ’n paartjie. Ons het dieselfde ideale gehad vir ons toekoms en ons het ons lewe in Suid-Afrika opgepak en die wye wêreld ingevaar. Waar het julle opleiding gekry vir dié soort lewe? Rica het nadat sy haar as skoonheidsterapeut bekwaam het…

Sy is die volle pakket: ’n Oscarbekroonde aktrise, ’n Harvardgegradueerde, ’n vegter vir diere-, kinder- én vroueregte, sy praat ses tale, en is boonop beeldskoon. Natalie Portman was skaars ’n tiener toe sy aandag getrek het in die fliek Léon: The Professional. In 1999 het sy aan Harvard gaan sielkunde studeer en ’n ruk lank minder toneel gespeel. Destyds het sy oor dié besluit gesê: “Ek gee nie om as my universiteitstudies my loopbaan [as aktrise] kelder nie. Ek is eerder slim as ’n rolprentster.” Nou het sy haar debuut as regisseur gemaak met die prent A Tale of Love and Darkness , ’n drama in Hebreeus. Die afgelope vyf jaar al is sy ’n gesig van die skoonheidshuis Dior en sprankel nou…

Teetafels wat kreun onder gebak met die geure van mengeldrankies is die voorspelling vir dié somer. Dink aan die soet smake van aarbei-daiquiri in ’n yskastert of die geur van mojito se lemmetjie en kruisement in koeke. Die internasionale kostydskrif Delicious. het in hul somer 2016-uitgawe vroeër vanjaar reeds ’n jenewer-en-tonikumtert (gin & tonic) op die voorblad gehad en die Britse tydskrif Olive het gespog met ’n mojito-tert op hul voorblad. Gee jou verbeelding vrye teuels en probeer nuwe geure en smake in jou gebak. Miskien kan koeksisters gedompel in lemoenbloeisel-en-brandewynstroop die nuwe Brandy Alexander op jou teetafel wees! MOJITO-KOEK Dié sponskoek gaan ’n treffer raak in jou huis. Jy kan sy geur aanpas met die stroop wat jy oorgooi. genoeg vir 1 koek 6 eiers 260 g (325 ml)…

Groen geblomde nekstrik-bloes van mengelstof (R729), Zara. Vlieënierstyl baadjie van linne met blinkers en kralewerk (R1 199), H&M. Vaalpienk potloodromp van kant (R859), River Island. Platform-brogues van leer (R1 899), Pesso. Kunsleerhandsak met slangvelmotief (R599), Luella by Foschini. Groot leesbril (R2 890), Prada by Luxottica. GROOTTES Bloes: XS – L Romp: 6 – 16…

VOLUME, VOLUME, VOLUME! Jy sou dalk al die woorde reverse hair washing (die omgekeerde haarwas-metode) êrens gehoor het. SARIE se skoonheidspan het reeds in 2014 op SARIE.com geskryf oor hierdie gier wat behels dat jy eers jou opknapper gebruik en daarna jou hare met sjampoe was. Dié tegniek beloof meer volume vir veral fyn, plat hare omdat jy enige oorblyfsel van die opknapper afwas. Jou hare is dus ligter en voller. As SARIE se skoonheidsredakteur het ek dié metode destyds getoets. Dit het gewerk! Máár my hare het meer statiese elektrisiteit gehad en dit was droër. Die haarsorghuis TRESemmé het dié gier bekyk en produkte ontwikkel gegrond op die omgekeerde haarwasmetode. Die nuwe TRESemmé Beauty-Full Volume-reeks het ’n spesiale opknapper wat ’n beskermende laag om jou hare vorm. Wanneer jy…

Goedgekeur deur die Hart-en-beroertestigting SA. www.florastrongheart.co.za 3-saad-granola Die geheim is om dit lank en stadig te rooster in jou oond tot goudbruin en vol geur. genoeg vir 1 kg Verhit oond tot 180 °C. Plaas heuning, water, kaneel en FLORA in middelslagpot en bring tot kookpunt. Laat kook vir 1 minuut terwyl jy met houtlepel roer. Plaas hawermout, amandels en sade in groot oondroosterpan. Gooi warm FLORA-mengsel oor en meng vinnig deur met houtlepel. Plaas in warm oond en rooster vir 15 minute terwyl jy elke minuut deurroer. Laat afkoel en sit voor met ongegeurde jogurt.…

MISODOUGHNUTS genoeg vir 6 – 8 30 ml louwarm water 125 ml louwarm melk 50 ml strooisuiker of heuning 80 g botter, gesmelt 2 eiers 1 x 10 g-sakkie kitsgis 350 g (625 ml) koekmeel, plus ekstra vir uitrol kanola-olie vir diepbraai BO-LAAG 260 g (500 ml) versiersuiker 30 g botter, gesmelt 60 ml kookwater 15 ml ligte-miso-pasta swart sesamsade vir oorstrooi (opsioneel) Plaas water, melk, suiker, botter, eiers, gis en koekmeel in elektriese menger se bak. Klits by hoë spoed met mengspaan (K-beater) tot deeg in een bal saamkom. Sit deeg in skoon bak. Bedek met kleefplastiek en laat rys 45 – 60 minute op ’n warm plek of tot dubbel die volume. Sprinkel meel op werkvlak, keer deeg uit en gebruik jou vingerpunte om deeg tot sowat 1…

Die grensverskuiwende ontwerper Yves Saint Laurent was bekend vir sy waaghalsige gees. Hy was die eerste wat ’n tuxedo vir vroue ontwerp het én het sy liefde vir Afrika met sy bekende safari-baadjie gevier. ’n Nuwe reeks van 5 luukse uniseksparfuums van die skoonheidshuis YSL bring hulde aan dié mode-items en ander, soos die kaftan en dubbelborsbaadjie ( pea coat ), eie aan Laurent. Probeer Yves Saint Laurent Tuxedo (R3 400 vir 125 ml EDP). Beskikbaar by Yves Saint Laurent Beauté Boutique in Sandton City, Johannesb Soethout ( liquorice roos, viooltjie en mirre is verleidelik in DKNY Be Tempted (R995 vir 50 ml EDP). Beskikbaar by Red Square Bloedlemoen en framboos word saam met blomnote gemeng in Avon Alpha for Her (R390 vir 50 ml…

Materiale (soos die agtergrond, Hertex Fabrics, R843,60 p.m.) lyk soos die oseaan op ’n stil dag. Die seilbootjie (R139,99) is van Mr Price Home. Die vissie-opdienbord (R180) en koffiebeker met ankerpatroon (R59,95), tapas-bakkie (R69,95) en kleinbordjie (R65) is van Woolworths. Die koraalkleur plekmatjie (R40) en klein koraalkleur bakkie (R55) is van Poetry en die diepblou bakkie met deksel (vanaf R149) van H&M. Ander items is stilis se eie. sandale PLAT SANDALE KLEURRYK PLATFORMS BLOKHAKKE…

DIE MODERNE AANSLAG Lugversorging DIE GEVOLG Droogheid Selfs al is jy nie met ’n droë veltipe gebore nie, kan jy steeds met hierdie probleem sukkel as jou vel aan ’n droë omgewing blootgestel word. Soos die seisoene verander, verander die voginhoud in die lug en kan jou vel by tye meer of minder droog wees. Daar is egter ’n sondaar wat op ’n daaglikse basis jou vel van vog kan stroop – lugversorging. Dít is ’n groot rede hoekom so baie vroue vandag met ’n droë vel sukkel, het Fabian Franz, seun van die stigter van die organiese velsorgreeks Team Dr Joseph, vroeër vanjaar tydens ’n besoek aan Suid-Afrika gesê. “Die natuur streef daarna om in balans te wees. As die omgewing droog is, word meer vog uit jou vel…

SJOKOLADEZABAGLIONE As jy sukkel om marsala-wyn te kry, kan jy ook iets soos muskadel of enige ander soetwyn gebruik. genoeg vir 6 80 ml room100 g donkersjokolade15 ml gelatien30 ml koue water8 eiergele 160 ml suiker 125 ml marsala-wyn springmielies vir voorsit kakao vir rol Smelt room en sjokolade saam oor pot met kookwater. Verdeel sjokolademengsel tussen 6 glase van jou keuse. Week gelatien in water vir 2 minute. Smelt oor kookwater. Plaas saam met res van bestanddele in skoon mengbak wat stewig pas oor pot met kookwater. Klits met elektriese handklitser oor kookwater tot skuim dik en romerig is, sowat 8 – 10 minute. Verwyder van hitte en hou aan klits tot koud. Skep mengsel in glase en plaas in yskas vir 1 uur. Rol springmielies in kakao en…

My vriende grap graag dat sielkundiges vrae met vrae beantwoord, en dat ’n mens wegstap sonder dat jy ooit regtig ’n antwoord gekry het. Ek vind goeie vrae met antwoorde baie nuttig, en hierdie hoofstuk met vrae kan dalk net jou opvattings oor sielkundiges verander. Dit is met groot versigtigheid wat ek algemene antwoorde op algemene vrae gee. Ek is nie gemaklik daarmee om die kundige oor iemand anders se lewe of verhouding te wees nie. Dit is regtig waar: As jy na jouself luister en naby aan jouself is, sal jy die antwoorde in jouself kry. Ek is ook ’n groot voorstander daarvan om eerlik te wees met jouself, want jy ken jouself die beste. My doel is om uit ander mense se lewenslesse en my eie ervarings te…

Leukemie is ’n kanker wat die beenmurg en ander bloedvormende organe affekteer en tot die oorproduksie van abnormale witbloedselle lei. Dié selle onderdruk die produksie van normale wit- en rooibloedselle en bloedplaatjies. Jy is dan meer vatbaar vir infeksies, anemie en bloeding. Beenmurg is die weefsel wat beskou kan word as die fabriek vir die produksie van rooibloedselle wat suurstof na die hele liggaam vervoer, witbloedselle wat infeksies beveg en plaatjies wat help met bloedstolling. Volgens die Suid-Afrikaanse Beenmurg-register (SABMR) kom honderde pasiënte met siektes soos leukemie op ’n punt waar hul enigste kans op oorlewing ’n beenmurg-stamsel-oorplanting is. Familielede is in 30% van gevalle geskikte skenkers, maar vir die res is die SABMR hul enigste hoop. Dis meestal bloed-stamselle wat oorgeplant (binneaars toegedien soos ’n bloedoortapping) word, nie werklike…

WEN ’n horlosie (bl. 109) Intekenaanbod (bl. 137) 1. Die eerste korrekte inskrywings wat getrek word, wen die pryse. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Die wenners sal telefonies verwittig word en hul name sal in ’n latere stadium op die webtuiste SARIE.com verskyn. 3. Die pryse is nie oordraagbaar nie en is nie vir kontant omruilbaar nie. 4. SARIE bied hierdie wedstryde namens Luxco Importers en L’Oreal Luxe SA as ’n diens vir haar lesers aan. Luxco Importers en L’Oreal Luxe SA voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van die pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy),…

Nataniël dek ’n tafel soos ’n tafel gedek moet word. Elke kers, elke servet, elke bord of lepel word deel van ’n kunswerk. ’n Kunswerk met ’n verskil omdat ’n mens nie net daarna kyk nie, jy word deel daarvan. Die kunswerk word beplan met jou in gedagte. Om onvoltooid te wees totdat jy opdaag. Om só met tafeldek te maak sê iets. Dit sê jy weet dat daar meer in die lewe is as die sogenaamde noodsaaklike en dringende. Wanneer jy met toewyding jou tyd en aandag en liefde gee aan ’n taak wat deur ander as moeite beskou word, praat jy met hulle wat so rondskarrel dat daar selde tyd is vir tafeldek met die hart. Jy sê vir hulle hulle verstaan nie wat regtig noodsaaklik en dringend…