Tuis Jun/Jul 2025의 목차

Daar is darem iets diep bevredigends daaraan as “like-minded” mense bymekaarkom. Die woordeboek vertaal “like-minded” as “eensgesind”, maar vir my beteken die woord meer as dit: gedeelde belange, behoeftes, belangstellings. Ganse van dieselfde dam. Toe ons in April vanjaar ons tweede Home Sharing-konferensie aanbied in vennootskap met Mr Price Home, sit daar ’n saal vol mense voor my met een gemene doel: hulle wil ’n sukses maak van hul Airbnb-eiendomme en hul gaste gelukkig hou. Almal entrepreneurs wat ’n ekstra geldjie wil maak en hul bates harder wil laat werk. En wie is dan nou nie in die huidige ekonomie lus vir ’n paar rand ekstra in die sak nie? Self het ek jare gelede al my eie huis laat afneem vir Airbnb, maar nog nooit so ver gekom om…

Plesierige pienk Petit Pineapple House-boetiekhotel is ’n fees vir die sintuie – ons kan nie genoeg kry van die eienaar, Lesley Sykes, se innoverende dekorplanne nie! Sy hou daarvan om kleure en teksture kreatief te gebruik, en hierdie lang gang is die toonbeeld van dié ontwerpetos. Hier het sy ’n bleek pienk op die mure gekombineer met donker vloere, lopers met goue rande en elegante hanglampe. Hou dit lig Die gereelde Tuis-medewerker en kunstenaar Kim Black is nie bang om kleur mildelik te gebruik nie. “Dié gang tussen die gasteslaapkamer en sitkamer is taamlik lank en ’n bietjie donker,” verduidelik sy. “Ek het besluit om ’n patroon op die muur te verf vir ’n interessante fokuspunt en om die gang ligter te laat lyk. Ek het min tyd gehad, so…

WIE WOON HIER Marian van Wyk, Louis Botma en hulle katte, Nebukatneser en SputnikWAAR Poortjies, PlettenbergbaaiGROOTTE 330 m² Op die sypaadjie was sy klaar smoorverlief op die huis. “Ek het lank net na die gewelfde dak gestaar, wat my aan die ikoniese argitek Gawie Fagan se woonhuis, Die Es, herinner het. Die pienk stoepdeur het die laaste bietjie grond onder my voete uitgeslaan,” vertel Marian. Die ingeboude banke in die leefvertrek het haar en haar man, Louis, finaal oorreed dat hierdie huis ’n drastiese leefstylverandering sou regverdig. Ná meer as twee dekades was Marian, kreatiewe redakteur van Tuis, en Louis, wat onlangs afgetree het, gereed om hulle Seepunt-woonstel vir dié huis op Plettenbergbaai te verruil. Marian is ’n avontuurlike seeswemmer. “Ek wou meer in die natuur swem en boonop het…

Stuur tuininligting en -vrae na tuine@tuis.co.za. Tuinmaak in die winter verskil baie van streek tot streek in Suid-Afrika, daarom is dit belangrik om jou tuintake aan te pas by jou omgewing. Terwyl sommige dele in die winter reën kry, is dit op ander plekke droog en kom ryp voor, wat natuurlik ’n heel ander benadering verg. Hier is wenke om jou tuin gelukkig te hou in die kouer maande ongeag waar jy woon. Winterreën Die Wes-Kaap, die kusgebiede van die Noord-Kaap en die suidelike kusgebied van die Oos-Kaap kry hul meeste reën in die winter. Dit het sy uitdagings. Volg dié wenke: Wortelvrot Aanhoudende nat weer kan wortelvrot veroorsaak by plante wat in grond groei wat swak dreineer. Verbeter die dreinering met organiese materiaal of plant in verhoogde beddings. Stukkende…

Ma se blom Abby soek oral ’n sonkolletjie. – Sandra Smit-Badenhorst, Fochville ‘Ek weet nie so mooi nie’ Sophie die mopshond dra Ouma se nuutste ontwerp. – Daleen Smith, Pretoria Dis planttyd ... en Joey grawe solank! – Marili Orffer, Durbanville Baie moeg Neelsie lê waar hy wil. – Lizka Potgieter, Kaapstad Dubbelbed-maters Wat sien Frikkie en Vlooi daar? – Jo-Anne Fourie, Caledon Só vaak Halo sal op enige plek slaap. – Isabella Mathysen, Durban WEN! Die eienaars van die diere op die foto’s wen elk ’n R500-geskenkbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science waar kundige winkelassistente jou sal help om die regte keuse te maak. Om koud te kry is vir niemand lekker nie, so maak seker dat…

WIE WOON HIER? Nico en Lizeth Coetzee, Katryn die Biewer-terriër en ’n paar gespikkelde Japannese bantamhoendersWAAR Dullstroom, MpumalangaGROOTTE Sowat 1 200 m²OUDERDOM VAN TUIN 16 jaarGRONDTIPE Klipperige rooigrond Op ’n leë erf wat oorgroei was met bloekom- en dennebome het Lizeth Coetzee, ’n voormalige musiekonderwyseres en steeds orrelis op die dorp, begin tuinmaak. “Hier was amper niks, net die bome en groot klipplate,” vertel sy. “Ons het begin deur al die bloekoms en dennebome te verwyder. Dit is nou buiten die drie groot denne in die voortuin. Hulle was net te waardig, ons kon hulle nie afsaag nie.” Lizeth het die ontwerp van die tuin self gedoen terwyl haar man, Nico, praktiese raad gegee het. “Eers het ek ’n ruwe plan vir die voortuin geteken, met boë, bankies en waterfokuspunte…

OP ’N KOSREIS Food Trail South Africa (R580, Penguin Random House) deur die Suid-Afrikaans gebore sjef en aanbieder van internasionale kos-enreisreekse, Warren Mendes, is ’n moet vir jou kosboekrak. Gaan saam met hom op ’n reis deur ons mooi land en herontdek plaaslike resepte – van sy gewilde bobotie tot ’n lieflike appelkoos-en-makadamiakoek met rooibosstroop. ’N LEKKER BYT Die bekroonde Banhoek Chilli Oil-maatskappy bly ons beïndruk met topgehalte- rissiedeurtrekte olie. Gaan eet iets by die BCO Taste Kitchen in die mooi Banhoekvallei of geniet ’n safarigeïnspireerde proe-sessie in die BCO Leopard Lounge. Vat vyf, Darling! Die vyf jaar oue Swartland Kitchen maak vyf verskillende soorte beskuit en ook ’n reeks lekker koekies, granola en fleur de sel (seesoutkristalle). Al die gebak gebeur by Evita se Perron in Darling. Die nuwe…

WENBRIEF Daar’s ’n toring in my gang Tania Bergh van Malmesbury skryf Ek is Parys-mal, of eerder, Eiffeltoring-behep. Almal wat my goed ken, weet my absolute droom is om eendag voor daardie toring te staan. Maar met die huidige rand teenoor die euro sal dit waarskynlik net ’n droom bly... Ek het toe besluit as Mohammed nie na die toring kan gaan nie, moet die toring maar na Mohammed gaan. Met die hulp van ’n plaaslike dekorwinkel wat vir my die foto op viniel gedruk het, het ek die toring op my gangkas se deure laat aanbring. Nou kan ek elke liewe dag as ’t ware na die toring toe stap, gratis en verniet. Erfgoed is oppasgoed Engela le Roux van Bloemfontein skryf ’n Erfstuk is nie noodwendig ’n duur…

WIE WOON HIER? Dawid Augustyn en Zane Stevens saam met Lilly die Engelse Pointer WAAR Tamboerskloof, Kaapstad GROOTTE 217 m² Dit sit nie in enigiemand se broek om ’n historiese huis op te knap nie. Van die verkryging van goedkeuring by Erfenis Wes-Kaap en die munisipaliteit tot onvoorsiene strukturele probleme en omgekrapte bure bly dit ’n ingewikkelde proses, ook wat ontwerp en koste betref. Dié Victoriaanse huis in Tamboerskloof, Kaapstad, is in 1904 gebou as een van ’n ry skakelhuise in ’n pragtige boomryke straat. Gelukkig was een van die stad se top-binneontwerpers, wat sy eie bourekenpraktyk het en ook die mede-eienaar van die huis is, aan die stuur van sake. Dawid Augustyn is al 18 jaar besturende direkteur van sy binneontwerp-onderneming, Establishment. “Ons hou dit klein en doen nie…

Biefskenkel-ragù Kook een keer dié stadig gekookte vleissous en eet ’n paar keer! Dit is perfek vir ’n pastapartytjie vir ses, of vries in porsies vir bederfkos op besige weeksaande. Roer eenvoudig die warm ragù deur gaar pastalinte met ’n strooisel parmesaan, of probeer een van ons pretplanne op bl. 112. Genoeg vir 6 saam met 500 g pastalinte • Voorbereiding: 30 minute • Gaarmaaktyd: 3 uur • 30 ml olyfolie• 1,5 kg beesskenkel-skywe met murg (of stowevleis, meer vleis as been)• 200 g dik spekrepe, in blokkies gesny (of pancetta, as jy luuks voel)• 2 uie, gekap• 2 wortels, geskil en in 1 cm-stukkies gekap• 2 selderystingels, gekap• 3 knoffelhuisies, gekneus• 60 ml tamatiepasta en ’n knippie suiker• 200 ml rooiwyn• 2 blikke (400 g elk) gekapte tamaties, elk…

Nou onlangs gaan soek ek doodonskuldig op die internet ’n nuwe rugsak om in die berge mee te gaan stap en beland via ’n vreemde kinkel van die algoritme in die massiewe neste van die wêreldwye web waar die Preppers uithang. En ek steek vas. Nog nooit vantevore eens gehóór van Preppers nie. Maar hier sit hulle, soos rysmiere onder die vloerplanke. En daar’s miljoene van hulle en hulle is georganiseerd en hulle is besig. Daar’s webtuistes en YouTube-kanale en norrings Reddit-gesprekke en Substackartikels. Tot winkels waar jy al wat ’n Prepper-katoeter is, kan koop. Wêreldwyd word die getal ernstige Preppers geskat op oor die 100 miljoen. Meer as die helfte woon in Amerika en Europa, natuurlik, maar selfs in China is daar ’n goeie miljoen of tien. Een en…

Ligspel K.Light se nuwe middelslag-LED-lampskerms van metaalringetjies (40 cm H x 14.6 cm D; klight.co.za) skep ’n artistieke wisselwerking van lig en skaduwee. Hulle is beskikbaar in Black (R1 260), Chrome (R1 330) en Gold (R1 330). VIR ’N GOEIE DOEL Al Romo se handgepluiste matte spog met die GoodWeave-etiket. GoodWeave is ’n organisasie sonder winsbejag wat daarop gemik is om te verseker dat geen kinder- of dwangarbeid in die vervaardiging van ’n gesertifiseerde produk gebruik word nie. ’n Persentasie van die koste van hul matte gaan na die ondersteuning van opvoedkundige en maatskaplike programme in Indië en Nepal. Ons is verlief op die Clarice-mat, wat hier in die Zinnia-kleurontwerp gewys word (prys op aanvraag). Om ’n toonlokaal naby jou op te spoor besoek romosouthafrica.com. Pragtige patrone Die Britse handelsmerk…

WIE WOON HIER? Sue McCoubrey en haar man met hul drie kinders, twee katte en ’n Jack RussellWAAR Constantia, KaapstadGROOTTE sowat 400 m2 Ons huis werk vir ons gesin – ek is nie so gepla oor hoe dit lyk nie; dit gaan meer oor hoe ons hier leef. – Sue Sue McCoubrey glo in meubels van soliede hout wat goed gemaak is en gebou is om te hou – en wat met die ouderdom verbeter. Sy het hierdie waardering geërf by haar ouers, Sibley en Lynn McAdam, wat byna 40 jaar gelede die meubelonderneming Block & Chisel begin het. Behalwe ’n paar spesiale items wat Sue op haar reise versamel het, is die meeste van die meubels in haar huis natuurlik van Block & Chisel. Sy lééf die handelsmerk as…

Stuur jou vrae na kenners@tuis.co.za Stilis se wenke Die hooffokus Baie kan met ’n fokusmuur bereik word, byvoorbeeld om ’n vertrek te verlewendig of om visuele plesier te verskaf. Dit is die ideale plek om kreatief te raak met kleur en tekstuur – en om pret te hê! Eintlik behoort elke vertrek ’n mooi fokuspunt te hê wat ’n stylstelling maak. Ons kreatiewe redakteur, Marian van Wyk, deel haar wenke hoe om ’n aandagtrekker te skep: Plakpapier bly gewild en gee soveel persoonlikheid aan ’n vertrek. Jy kan jou eie laat druk (probeer smartart.co.za of artlab.co.za) of bestel dit by ’n materiaalverskaffer of onafhanklike ontwerper soos Cara Saven Wall Design (carasaven.com). As jy nie baie handig is nie, bestel liefs by ’n verskaffer wat die installering vir jou kan doen…

VERSKAFFERS elevenpast elevenpast.co.za India Ink indiaink.co.za Morsø morsoe.co.za Mr Price Home mrphome.com Patio Warehouse patiowarehouse.co.za Poetry of Living poetrystores.co.za Potsak potsak.co.za Yuppiechef yuppiechef.com…

Ertjiesop met chorizo Onder R115 • Genoeg vir 4Bereidingstyd: 40 minute • Gaarmaaktyd: 35 minute • 250 ml droë-ertjies, gewas• 2 aartappels, geskil en in klein blokkies gesny• 1 liter water• 15 ml olyfolie• 1 chorizo (200 g), fyngekap• 2 preie, gekap• 3 knoffelhuisies, gekap• 250 ml bevrore ertjies• 1 blokkie hoenderaftreksel 1 Kook die droë-ertjies en aartappels in die water vir 30 minute of tot sag sonder om sout by te voeg. Skep enige skuim van die oppervlak af en gooi weg. 2 Verhit die olyfolie in ’n pan en braai die chorizo lekker bros. Skep die helfte uit en hou vir garnering. Skep die prei en knoffel in die pan en roerbraai tot geurig. 3 Roer die bevrore ertjies by sodra die droë-ertjies gaar is en maak fyn…