Tabla de contenidos para 2026-01-28 en Isolezwe

THEMBISA into yamehlo ngedili lomculo azobe ebonga ngalo abalandeli bakhe elizoba sePlayhouse, eThekwini, ngoFebhuwari 28, umculi ocula owokholo uJumbo Nyangiwe. UJumbo umemezele izindaba zokuthi uzoba nalo mcimbi lapho ezobe ecula khona izingoma zakhe kusuka aqala ukungena endimeni kuze kube manje. "Ngibone ukuthi sesifikile isikhathi sokuthi ngijabule nabalandeli bami abebelokhu bemi nami kule minyaka engu-10 ngangena emculweni. Kulo mcimbi ngizobe ngiqopha bukhoma zonke izingoma engake ngazikhipha. Lokhu ngikwenza ngenjongo yokuthi uma kukhona abazifunayo bazithole kalula, zizonke," kusho uJumbo. Uveze ukuthi yize kulo mcimbi kuzobonakala yena esiteji, kodwa uhlele ukuthi kube khona nabanye abaculi abambalwa abapika ezingomeni zakhe ezihlukene. "Kukhona abaculi umuntu asebenze nabo ezingomeni ezihlukene, njengoba ngihlele ukuthi abantu babone mina kakhulu esiteji, ngikhethe ukuthi kubona ngicele abambalwa ukuthi babe yingxenye yosuku lomcimbi. Ngeke kodwa ngibamemezele manje ukuthi obani abazoba khona,…

SEKUVELE ukuthi bangaphezu kuka-250 000 abafundi abangokufika abasezikoleni zakuleli phezu kokuba kunokubhekana ngeziqu zamehlo phakathi koMnyango wezeMfundo eyisiSekelo nezinhlangano ezichitha abokufika abangenazo izimvume. Akubona kuphela abafundi abangokufika abasezikoleni zakuleli kodwa kunothisha abangabokufika abangu-3 240. Lezi zibalo zivezwe nguNgqongqoshe wezeMfundo, uNksz Siviwe Gwarube, ngesikhathi ephendula umbuzo welungu le-IFP ePhalamende, uNksz Liezl van der Merwe. Leli lungu belibuze ukuthi bangaki abafundi nothisha abangokufika abebesezikoleni zakuleli, nyakenye? UNksz Gwarube uveze ukuthi bangu-253 618 abafundi abangokufika abebesezikoleni nyakenye. "Izibalo ziveza ukuthi iGauteng iyona enesibalo esiphezulu sabafundi abangokufika kuleli njengoba bebengu-128 054. Kulandela iWestern Cape, ngabangu-59 138. Endaweni yesithathu iLimpopo ngabangu-16 566 neKwaZulu-Natal ngabangu-14 929," usho kanje. Kothisha bokufika, uthe baningi eMpumalanga ngabangu-728, kulandele iGauteng ngabangu-717 naseKZN ngabangu-706. Kuvela lezi zibalo nje, isimo sishubile esifundazweni njengoba inhlangano iMarch and March, igasela esikoleni i-Addington Primary eThekwini,…

AYEDE Hlanga lomhlabathi! INdlulamithi yamakhosi, abaNtwana baseNdlunkulu, amaKhosi nabaDidiyeli beMpi yeSilo namaButho. Ngiyakhuleka kini nina beSilo. ISikhumbuzo seMpi yaseSandlwana siwuMgubho weNingizimu Afrika yonkana. UZulu akazinqobelanga le mpi yena njengoZulu kepha uZulu wanqobela zonke izizwe ezingaphansi kweNingizimu Afrika. Ngesikhathi seSilo sasoNdini, Inkosi uCetshwayo, uNkulunkulu wabonakalisa ukuthi iNingizimu Afrika ayikho ngaphandle kwesizwe samaZulu. Lesi Sizwe yisona kuphela emhlabeni jikelele esanqoba izikhondlakhondla zomhlaba, amaNgisi eMpini yaseSandlwana. Impi kaJininind' omnyama yayiholwa amafelankosi okubalwa kuwo uNtshingwayo kaMahole wakwaKhoza nezinye izikhulu zeMpi kaZulu. Namhlanje iNingizimu Afrika iyahlonishwa umhlaba wonke ngenxa yesizwe samaZulu. Ukubumbana kwesizwe samaZulu yikhona okwenza impi yaba namandla kakhulu. AmaButho kaZulu ayephethe izihlangu, amawisa nemikhonto. AmaNgisi wona ayedubula ngombayimbayi nemijojantaba kodwa uZulu waqopha umlando ngokunqoba le mpi. Izizwe zamakhosi ngokwehlukana kwazo, ikakhulukazi ezingamaNguni, kazibumbane zibe namandla okuthatha izinqumo ngezinhlelo ezithinta intuthuko nenqubekela phambili yazo.…

AMSOLA ngokuthi uzama ukudlala umacashelana nenkantolo owesilisa waseKoffie Farm, KwaNdengezi, okuvele eyokuthi uzoyohlolwa isimo sengqondo njengoba eboshelwe icala lokubulala umakhelwane. UMnuz Sibongiseni Mbhele nabanye, oMnuz Bongumusa Mkhonto noMnuz Sboniso Phungula - asolwa nabo ecaleni lokubulala umakhelwane ngesihluku - bebevele eNkantolo yeMantshi yasePinetown, izolo. Basolwa ngecala lokubulala uMnuz Kholwani Cele (34) okuthiwa wabulawa ngo-Okthoba 23, 2025, maqede wabelethiswa itshe, waphonswa emfuleni uMngeni. UCele ubelokhu ethathwa njengodukile kusukela ngaleso sikhathi kwaze kwaba uMbhele - ongumsolwa wokuqala - uyagonyuluka ngokumbulala esizana nasolwa nabo. Ngaphakathi enkantolo ummeli wakhe ozimele, wenze isicelo sokuthi ahlolwe ingqondo njengoba enomlando wokuthikamezeka komqondo. Owomndeni kamufi, uMnuz Sbonelo Cele, uthe babona sengathi uzama ukudlala umqondo umsolwa uma eveza eyokuthikamezeka komqondo. “Uyazenzisa nesikholwa ukuthi kuhambisana neqhinga lakhe ngakwenzile. “Ufuna ukuthi kubambezeleke icala, lize lisuke emehlweni omphakathi,” kusho uCele. Uthe kungamampunge ukuthi…

KUYAZIWA ukuthi sebebaningi abokufika kwelaseNingizimu Afrika. Kuyaziwa futhi ukuthi okubadonsela kuleli lakithi amathuba angcono okusebenza nokuphila. Kuyishwa ukuthi bangabagilwa ezinhlangothini eziningi kusukela emiphakathini abahlala kuyo nasemisebenzini abayenzayo. Kuyishwa futhi ukuthi nabo qobo lwabo bazigila bona ngobugebengu bokufika bengenamvume, futhi nokwenza obunye obuningi ubugebengu ezweni lethu. Asiqondile ukuthi laba bafowethu nodadewethu ngaso sonke isikhathi bamsulwa, nokuthi akufanele bachashazelwe yizehlakalo ezisiphethe nathi emisebenzini abaqashwe kuyo kodwa siqwashisa ngokuthi ukugilwa kwabo empeleni kakunasidingo futhi kudalwa ukungaqondisisi uMthethosisekelo nemithetho yezokuqashwa. Mhlawumbe lesi simo sidalwa nawuhlobo lwenkululeko esayiqoka thina nawubudedengu, nokuphosisa kwethu sonke siyizakhamizi nabanikazi bezwe lethu. Ngikusho lokhu ngoba uMthethosisekelo esethulweni sawo uthi: “Sikholwa wukuthi iNingizimu Afrika ingeyabo bonke abantu abahlala kuyo sibumbene, kodwa sidabuka ngokwehlukana”. Esigabeni 23 uMthethosisekelo abokufika ubavikela njengathi sonke lapho uthi “wonke umuntu unelungelo lokuphathwa ngobulungiswa emsebenzini.” Kuyaziwa ukuthi abaningi…

HEZU kokuba iMidlands Wanderers inqume ukudlalela yonke imidlalo yayo yasekhaya eMpumalanga Stadium, eHammarsdale, kodwa usihlalo uVincent “Masenti” Myeni, uveze ukuthi abanazo izinhlelo zokufudukela eThekwini. Ngemuva komdonsiswano phakathi kwaleli qembu elidlala kwiMotsepe Foundation Championship noMasipala uMsunduzi ngodaba lokunakekelwa kwenkundla, iHarry Gwala Stadium, eMgungundlovu, kubukeka sebuphelile ubuhlobo. NgoMsombuluko, iWanderers ikhiphe isitatimende iqinisekisa ukuthi isizoyidlalela eMpumalanga Stadium yonke imidlalo yasekhaya. Lokhu kulandela incwadi ebhalwe nguMasipala uMsunduzi, wazisa leli qembu ukuthi sekufanele liyikhokhele iHarry Gwala Stadium, ngeke lisayisebenzisa mahhala njengoba bekwenzeka phambilini. Kule ncwadi (leli phephandaba elinayo) kuvela uhla lwezindleko zokusetshenziswa kwale nkundla, kusukela ekuqashweni kwayo, i-VIP room, kuya ezibanini ezisetshenziswa enkundleni emidlalweni yasebusuku (flood light). Kufinyelela esambeni esingu-R38 070.00 sekuhlangeniswe zonke izindleko. “Le ncwadi esiyithole kuMasipala uMsunduzi isazisa ngalezi zindleko okudingeka sizikhokhe ukusebenzisa iHarry Gwala. Yiyo kanye eyenze sabona kufanele ukuthi singabe sisazihlanganisa…

BANCOME amakhono ayenawo ohlelweni lwasekuseni emsakazweni Ukhozi FM, uMandla "Njinji Wami" Magwaza (42) ongasekho, abasakazi balesi siteshi asebashiya, abebekhuluma ohlelweni lwantambama ngoMsombuluko. ULinda Sibiya, Zandile Tembe noSma Mathibeli bathe uNjinji washeshe waziveza ukuthi ngeke agcine enguphrojusa wemisindo kuphela, kodwa iphimbo lakhe lalisho ukuthi uya kude. Bebekhuluma noTshatha Ngobe ohlelweni iWoza Nabangani Bakho, nala bebekhumbula khona le nsizwa yaseJozini, edlule emhlabeni ngoMgqibelo ekuseni ngemuva kokugula isikhashana. UZandile owagcina engumphathi wezinhlelo kulo msakazo, uthe ngendlela ababezethemba ngayo beyithimba, baba nokumungabaza uMandla owafika engumfana omncane kakhulu kubo. "Wayengumuntu ongakukhonzile ukukhuluma, enza nje umsebenzi wakhe. Kwakuthi noma kukhona esingakuboni kahle kodwa uma sesikukhulumile sisodwa singophrojusa, simtshele umsakazi okumele akwenze, uma engakwenzi uNjinji wayevele asukume amkhumbuze esikushilo. UNjinji waveza amathalente amaningi emsebenzini wakhe futhi uhlelo lwasekuseni ngaleso sikhathi salubona lwenyukelwa abalaleli," kusho uZandile. USma uveze…

OMASIPALA baKwaZulu-Natal abathola ingxenye enkulu yesabelomali, iTheku noMsunduzi, bamdibi munye nemikhandlu yakulesi sifundazwe esengcupheni yokuphelelwa yimali. ITheku noMsunduzi basohlwini lwemikhandlu yaKwaZulu-Natal engenayo imali eyanele ukubhekana nezindleko zansuku zonke. Lokhu kuvezwe wuMphathiswa wokuBusa ngokuBambisana kanye neziNdaba zoMdabu KwaZulu-Natal, uMfu Thulasizwe Buthelezi, obekhuluma emhlanganweni wamakomiti asePhalamende, elibhekele ukusebenza koMnyango wokuBusa ngokuBambisana kanye neziNdaba zoMdabu kanye nelibhekele ukusebenza kwemali yomphakathi. La makomiti ahambele KwaZulu-Natal ukuzobhunga ngezinkinga ezikhungethe omasipala. ITheku noMsunduzi iyona mikhandlu ethola iqatha elinonile uma kwabiwa imali. ITheku linesabelomali esingu-R70 billion, uMsunduzi uthola isabelomali esingu-R18 billion. UButhelezi uthe iTheku, uMsunduzi nabanye omasipala baKwaZulu-Natal abangu-15 ngeke bakwazi ukukhokhela izindleko zabo uma bengase bangazitholi izabelo eziqhamuka kuhulumeni wesifundazwe nokazwelonke. Ngokwemigomo ebekelwe omasipala, kufanele babe nemali engakhokhela izindleko zabo zesikhathi esiphakathi kwenyanga nezinyanga ezintathu. "Iyakhathaza le nto esiyibonayo emikhandlwini. Omasipala kufanele babe nemali eyanele ukubhekana…

UMINCIWE njengoba uqalile umshikashika wokubhalisa labo abafikayo abazokwenza unyaka wokuqala ezikhungweni zemfundo ephakeme. Ngalesi sikhathi salo mshikashika sekuphenduke insakavukela ukuthi kuba nezibhelu, kuboshwe izitshudeni, kucekelwe phansi nempahla kwezinye izikhungo. Yisikhathi senjabulo nokuthuka kwabaningi abazoqala izifundo zabo, abanye kunezinyembezi ngenxa yokuthi abamukelwanga ezikhungweni ezehlukene. Kwabangamukelwanga, ithuba lisekhona, bangaya nakwezinye izikhungo ezizimele, inqobo nje uma bezozibheka ukuthi zibhalisiwe noMnyango wezeMfundo ePhakeme. Kwabasafuna izikhala abaqaphele ngoba baningi osomathuba abawaka abasuke belambele lezi zikhala, babathembise ngokubatholela inqobo nje uma bezokhokha. UNgqongqoshe weMfundo ePhakeme, uMnuz Buti Manamela, uxwayise abafuna izikhala ukuthi baqaphele abaqolayo, abazobathembisa izulu nomhlaba. UManamela unxuse abafuna izikhala ukuthi baxhumane nezikhungo ngqo ukuze basizakale. Nezikhungo zimatasa ziphunga labo somathuba, abathumela imiyalezo yokuthi zisekhona izikhala. Ezinye ziyayiveza ezinkundleni zokuxhumana imikhakha esanezikhala ukuze bangawakeki. Nezikhulu zoMnyango zike zakuveza ukuthi zibambe umoya ngoba ngalesi sikhathi ziyazi…

ILENGELWA yizembe iNhloko yoKlebe KwaZulu-Natal, uMajor General Lesetja Senona, esolwa ngokuba wubhululu kasomabhizinisi obhekene noxhaxha lwamacala, uMnuz Vusumuzi "Cat" Matlala. USenona uthole incwadi emazisa ukuthi uzoqondiswa ubugwegwe, aphinde ashintshelwe kwesinye isikhundla ngenxa yokuvela kwezinsolo zokuthi wayeputshuzela uMatlala ulwazi oluyimfihlo lwasemaphoyiseni. Lokhu kuvezwe uSenona izolo, ngesikhathi evele phambi kweKhomishini eholwa yiJaji uMbuyiseli Madlanga. Izinsolo zokuthi uSenona usondelene noMatlala zenziwa wuKhomishana wamaPhoyisa KwaZulu-Natal, uLieutenant General Nhlanhla Mkhwanazi. UMkhwanazi wathi indodana kaSenona, uThato Senona, isebenzisana noMatlala kwezamabhizinisi. USenona uvumile ukuthi bayazana noMatlala kodwa waphika ukuthi wayemputshuzela ulwazi oluyimfihlo. USenona uthe uthole incwadi emazisa ukuthi kuzophenywa izinsolo zokungaziphathi kahle kwakhe. "Lena yimizamo nje yokungisabisa. Namanje ngisazibuza ukuthi kungani le ncwadi ngiyithunyelelwe manje ngoba sekufanele ngizovela phambi kwekhomishini? Ngabe bonke abantu okubalulwe amagama abo kule khomishini nabo benziwa le nto engenziwa yona?" USenona uthe bahlangana…

INDLELA okuhamba ngayo kwi-log yeBetway Premiership kusukela kuqale isizini iwubufakazi bokuthi iKaizer Chiefs kayiphuphi emini uma izibala emaqenjini asemgqeni wokukhala emuke nesicoco seligi ekupheleni kuka-2025/2026. Lona wumbono ka-Aden McCarthy oyisitobha saMakhosi ngesikhathi ekhuluma nethimba lezindaba leChiefs ngaphambi kokubhekana neMarumo Gallants kwiBetway Premiership namuhla ngo-7.30 ebusuku eDr Petrus Molemela Stadium, eBloemfontein. Nakuba kuyiMamelodi Sundowns ne-Orlando Pirates ababalwa phambili kwangase agoduke nesicoco seligi kule sizini kodwa kunzima ukuziba ukuthi iChiefs ayikaze ixebuke kula maqembu athwelwe ngeqoma kusukela kuqalwe imidlalo yeligi ngo-Agasti. Empeleni iChiefs ike yahlala esicongweni se-log kulandela ukungehlulwa kwayo emidlalweni yokuqala emihlanu yesizini. IChiefs esidlale imidlalo angu-14 kwiligi, ibalwa namaqembu ayisihlanu aphezulu kwi-log. Inamaphuzu angu-27. IPirates esendaweni yesibili kwi-log nethishwa ukuba igudluze iSundowns ekukhonyeni ebholeni laseNingizimu Afrika kule sizini, ishiya iChiefs ngamaphuzu amabili kuphela. Ngokusho kukaMcCarthy, lokhu kuwubufakazi bokuthi neChiefs…

KUKHULA elandelwa yigama elibi likayise owayeyisigebengu esaziwayo emphakathini, kwamphonsela inselelo yokuzakhela igama elihle, u-Oswin Appollis, njengoba namuhla esephenduke isihlabani sebhola esingaconsi phansi kubalandeli be-Orlando Pirates neBafana Bafana. U-Appollis (23) odabuka eBishop Lavis, engelinye lamalokishi aseKapa, elidume ngobugebengu, waphekwa esikhungweni sabadlali se-Ajax Cape Town ngaphambi kokudlulela kwiSuperSport United. Ngemuva kokubolekiswa yiSuperSport kwi-University of Pretoria, wadlala isikhashana kwiPretoria Callies esigabeni seMotsepe Foundation Championship. Ugqame kwiPolokwane City kumasizini amabili edlule, asuke kuyo wajoyina iPirates ngaphambi kokuqala kwale sizini. Njengamanje wenza ezibukwayo kuleli qembu laseSoweto, asefike wanqoba nalo izicoco ezimbili, okungeseMTN8 neCarling Knockout, waphinde wangena eqenjini leBafana ebeliyibambe kwi-Africa Cup of Nations (Afcon) muva nje. “Impilo yayingelula ekukhuleni kwami kodwa ugogo nguyena owayehlale engikhuthaza nangenkathi sengiqalile ukudlala ibhola. "Ukuya kwami kwiSuperSport ngisemncane kwangivula amehlo. Ngaqala ngahlala e-club house yayo kodwa ngokuhamba kwesikhathi ngafuna ukuzitholela…

MHLELI: Ngicela ungivumele ke ngikulandise ngodaba lokufika kwami nabafowethu kuleli lizwe laseNingizimu Afrika. Ikhehla elizala ubaba lake lasixoxela udaba olwabe lubucayi futhi lubuhlungu kakhulu empilweni yalo nomndeni walo singakazalwa thina abanye. Ngaleso sikhathi, umkhulu wabe ehlala eSamungwa, eShowe. Uthi-ke wabe egulelwa aphinde afelwe ngabantwana kodwa engazi ukuthi babulawa yini. Kwathi uma ebona kuqhubeka lokhu, waqoka ukuthatha abantwana bakhe abayise enyangeni ukuze bathole ukwelashwa. Nebala lwafika lolo suku, wangena indlela ende nomndeni wakhe ekuseni kusempondozamnenke, njengoba inyanga okwakuyiwa kuyo yabe yakhe kude impela nekhaya. Kwathi uma efika eduze kwechibi elabe liseduze nendlela, wabe esebona indoda imile ithe phuhle ebumnyameni, igqoke umhuqa wejazi elimnyama njengoba kwabe kusebusika, kumakhaza. Le ndoda yakhuleka kuye, yase isihlala phezu kodaba lwayo. "Ngithunyiwe ngumuntu ofike ngesibonakaliso wazibiza ngoShembe. Uthe angize lapha ozodlula khona ngikulinde ukuze ngikuxwayise ngokuthi…