Tabla de contenidos para 27 March 2025 en Kuier

Sy is nie vir die Here kwaad omdat Hy haar kind op ’n jeugdige 40 kom haal het nie. Trouens, dis juis sy wat al by God gepleit het: “Here, as U nie die kanker by haar genees en haar laat opstaan as ‘n gesonde mens nie, moet haar asseblief nie lank laat ly nie.” Tog is dít inderdaad waar: ’n Ma behoort nie haar kind voor haar aan die dood af te staan nie. Hiermee stem Julia Roberts (alombekend as “Julie”), ma van die Arendsvlei-ster Crystal-Donna Roberts, heelhartig saam. Sy erken: haar senuwees hét geknaag toe sy daai hartverskeurende oggend by Crystal-Donna en haar man, Schalk Cornelessen, se blyplek in die Kaapse noordelike voorstede aankom. Sy het gewéét haar kind is weg. Maar die idee dat sy hierdie tragiese…

TRUIE Herfsmodes het als te doen met gemak. Daar is talle style, maar cable-knit-truie en polonecks is ’n moet. Dit kan lekker gemaklik met jeans gedra word, soos die aktrise en sangeres JENNIFER LOPEZ (55) hier wys. BROEKE Vir herfs is materiale soos wol, corduroy en swaarder katoen in, want dit bied warmte. Luiperdvelpatrone is in dié seisoen en talle bekendes is in broeke met dié motief gewaar. Gooi'n swart hemp en swart baadjie daarby en jy is reg vir die strate. ROKKE Rokke kan in koeler weer met tights en jasse gedra word. Jy kan lae skep deur ’n denimrok byvoorbeeld met ’n denimbaadjie te paar en ’n oulike belt en swart boots daarby te voeg, soos die mode-influencer VALENTINA FERRAGNI (32) hier wys by Paryse Modeweek BAADJIES Baadjies…

Meer oor ‘muistepels’ Ek het ’n hele paar klein vleismoesies – in my nek, onder my arms – en dit het my nie gepla nie, maar toe word een ál groter. Hoekom kry ‘n mens dit? En wanneer is dit ’n goeie idee om dit te laat verwyder? FRANCIS Antwoord BESTE FRANCIS Die mediese term vir ’n vleismoesie (skin tag/klein poliep/”muistepel”) is ‘n akrokordon. Dis ’n klein, sagte, niekwaadaardige vrat wat met ’n steeltjie aan die vel geheg is, en veral voorkom by persone wat oorgewig of vetsugtig (obese) is. Dit is gewoonlik velkleurig of hiperpigmenteer, en kan voorkom as ’n oppervlakkige nodule of papilloom (’n nie-kwaadaardige gewas op die vel, in die mond of in die keel) op gesonde vel. Die meeste akrokordons wissel in grootte van 2-5 mm…

NR. 189 aanbid afkeur amuseer bearbei bedrieg bekragtig blokkeer desentraliseer eerbiedig eksamineer fietsry filosofeer fluister getuig grootword handhaaf herdenk huisves immigreer inhandig jodel jubel knetterkraak kontekstualiseer kruisondervra leun liefkoos luister meng metamorfoseer nael onderteken ooreenkom parkeer patrolleer prikkel rangskik rinkink rolskaats sitstaak skrikmaak snork tjommel tuinmaak uitnooi ululeer vermaak verslank wysmaak zoem OPLOSSING VERSKYN IN DIE UITGAWE VAN 10 APRIL 2025. SOEK VIR DIE SPELETJIENOMMER.…

Terwyl ek in die spesialis se kantoor sit, spoel die vrees oor my soos die woorde “. . . deur jou baarmoeder versprei . . .” in my gedagtes weerklink. Dis ’n harde herinnering aan die werklikheid wat my in die gesig staar – ’n jaar gelede is ’n toestand genaamd adenomiose by my gediagnoseer. Dis wanneer baarmoederweefsel in die spierwand van die baarmoeder groei. En nou hoor ek dit het versprei – en nie die endometriose waarmee ek al langer as 10 jaar sukkel nie. Ek het teruggedink aan die hordes doktersafsprake, eindelose vrae, en die indringende prosedures, die pyn, die konstante moegheid, en om soos ’n vreemdeling in my eie liggaam te voel. Dis ’n reis wat soos ’n ewigheid voel, en een wat ’n tol geëis het…

“Ongekende pyn oor verlies van sy ‘Queen of the Seas’”, 27 Feb. Sterkte aan Romero Hector. Ons sal nooit ophou bid dat jy en Tristan die antwoorde en geregtigheid kry wat julle en Gillian verdien nie. ALGENITA Sterkte, meneer Hector. Mag u mooie vrou se siel in vrede rus. YOLANDI Hoekom vat als so lank wanneer die staatsdiens enige inligting moet deel? Hou moed, Romero Hector. Jy‘s nie alleen nie. BENICIA “Wat die hart van vol is”, 27 Feb. Shereen Adams se rubriek oor die “goeie ou dae” het my getref. Ek is ’n 62-jarige ma van twee dogters. Hulle wil gehoor wees. Hulle is vreesloos en vrymoedig. Hulle is wie hulle wíl wees. My trots is my kinders. En hiermee word ek vandag ’n intekenaar van Kuier. Dankie vir…

VINETTE EBRAHIM Toe ek haar ontmoet op 7de Laan, het ek al van haar gehoor. Ons bedryf is klein en dinge versprei vinnig. Sy was’n passievolle, vurige stukkie mens met baie talent. So klein soos daai lyfie was, so groot was haar gees. Toe sy gediagnoseer is, het sy aangehou werk! Onselfsugtig en liefdevol tot op die einde. Ek dink die feit dat haar man, Schalk, moes mense vra vir privaat tyd met haar, is’n bewys van die liefde wat haar vriende vir haar het. Almal wou naby haar wees tot op die einde. Die dag toe ek haar in die hospitaal gaan sien het, so moeg soos wat sy was, het sy haar arms oopgemaak en my naam geskree! My hart het twee beats geskip, want ek kon sien…

Dapperheid is aansteeklik. Daarvan is Nuraan Adams (54) ’n klinkklare bewys. Dié maatskaplike werker van Worcester glo vas hierdie einste drie woorde weerspieël haar ganse lewe, en dit het haar staande gehou deur die lewe se woeste storms. Dié lewensleuse het haar op ’n rype 35 jaar aangespoor om matriek te voltooi. En, selfs later, haar graad in maatskaplike werk. Daarby was sy boonop ’n semi-finalis in die Mev. SA-kompetisie. In haar binneste het Nuraan net geweet: Dis haar plíg om ander te inspireer. “As maatskaplike werker sien ek daagliks hoe mense hul swaarkry oorkom en ’n positiewe verskil maak. Wanneer een mens dapper is, steek dit ander aan om ook te glo in hul eie vermoëns.” Vanjaar is sy en manlief Ridwaan (55) 34 jaar getroud. Hy is haar…

Dié Kapenaar is g’n vreemdeling op die kassie, planke óf silwerdoek nie. Hy het in Mei 2018 sy TV-debuut gemaak as Earl in die gewilde dramareeks Sara se Geheim. Daarna was hy te sien as die kelner Luke in die telenovela Arendsvlei, en meer onlangs as die skurk Warren in Skemergrond. Op die verhoog het hy al sy hart uitgespeel in teaterproduksies soos Kinnes en Vrou van Orde, en dan was daar sy verskyning in bekroonde kortflieks soos Soldaat en The Funeral. Maar dit is vir sy jongste rol as die skobbejak Elroy in die e.tv-reeks Kelders van Geheime waarvoor die akteur Dustin Beck (31) weer pal op almal se lippe is. Kykers het onlangs die donker kant van verhoudings gesien toe sy karakter ’n obsessie met sy eksmeisie, Debbie-Lee…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 16 April 2025. SMS/R1,50. Die oplossing verskyn in die uitgawe van 8 Mei 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 16 APRIL 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

In haar geliefde ouma se kombuis het ’n liefde vir kook ontstaan wat haar eindelik sou lei tot die posisie van hoofsjef van Afrika se beste restaurant. Só vertel Charné Sampson (30) van Durbanville in Kaapstad. “In my ouma se kombuis was RSG altyd aan in die agtergrond. Sy was gewoonlik besig om iets te bak of kook. Ek het alles dopgehou en geproe, maar ek het nooit gedink aan hoeveel meel of suiker sy ingegooi het nie. Ek wou net die bak uitlek. “Ons het gelag en saamgesing met die random-ste songs. Dit was oomblikke wat soos kuns gevoel het, ” vertel Charné, wat vandag die hoofsjef is van die restaurant Epice in Franschhoek. Dié eetplek is laas jaar by die World Culinary Awards in Dubai nie nét as…

Daar is iets boy-next-door omtrent hom. Dalk is dit omdat hy van die Wes-Kaapse dorpie Beaufort-Wes daar teen die N1 tussen die Kaap en Joburg is. Of hoe sy oudsteseunskap deurskyn in die vertelling van sy verhaal ná sy pa, David, se afsterwe. Dalk is dit hoe Daylin Mitchell (39) sagkens sy ryk grootwordjare (met die min van gewone werkende ouers) met soveel trots oorvertel. Of miskien is dit omdat, wanneer dié speaker van die Wes-Kaapse regering jou in die oë kyk en iets sê, jy weet hy bedóél dit. Oop en eerlik, só gesels hy tydens ons onderhoud in sy kantoor in die provinsiale wetgewer in Kaapstad. Dit sou aanvanklik gegaan het oor Daylin wat sedert Desember 2022 die jongste provinsiale speaker ooit geword het, en oor sy kantoor…

FRENCH TOAST-BAKKIES Lewer 6 bakkies BESTANDDELE 12 snye witbrood, korsies verwyder 12 repies bacon 6 eiers 2 koppies melk 1 teelepel kaneel sout en peper 3-4 eetlepels suiker Vir voorsit piesangskyfies gouestroop METODE Voorverhit die oond tot 180°C. Bespuit 6 holtes van ’n diep muffinpan goed met kossproei. ■ Druk ’n sny brood in elke muffinholte. ■ Maak slegs die helfte van die bacon gaar en kap dit op. Sprinkel ’n bietjie hiervan oor die brood in elke muffinholte. ■ Plaas nog ’n snytjie brood bo-op. ■ Rol die oorblywende helfte (ongekookte) bacon-repies op, en sit ’n bacon-rolletjie bo-op elke broodbakkie. ■ Klits die eiers en die res van die bestanddele saam en giet oor die broodbakkies. Laat staan vir 30 minute en bak 20-30 minute lank, of tot die…

Bars uit oor klein goed Vraag BLOED KOOK GOU Antie, ek is ’n jong man in my 30’s en het ‘n probleem: Ek kry extreme woedeuitbarstings vir die kleinste ongerief. Of dit iemand is wat my verkeerd verstaan, verkeerde directions gee of te lank voor my neem in die queue vir groceries of petrol. Hoe kan ek dit stopsit? Ek wil nie my feistiness verloor en dat mense oor my loop nie, maar ek oorreageer nogal baie. Help! ALVIN Antwoord BESTE ALVIN Hierdie makro-aggressie oor mikro-dinge kan dui op erge onderliggende woede of dinge waaraan jy nog nie enige aandag gegee het nie. Dis heel moontlik iets wat jy onderdruk wat uitkom in dié episodes. Dis dalk iets in jou verhoudings, persoonlik of professioneel, wat die uitbarstings trigger – dalk…

Alles was klaar gereël vir hul groot dag. Sy moes net haar trourok aantrek, kansel toe stap en ewige trou aan haar toekomstige man sweer. Maar presies ses dae voor Caitlyn* se sprokiestroue het haar lewe in duie gestort toe haar verloofde, die liefde van haar lewe, haar onverwags tydens ’n geselligheid vra of die troue uitgestel kan word. Sy rede? Daar is ’n derde party betrokke en hy voel nie meer dieselfde as ’n paar jaar gelede nie . . . “Ek het gehuil en was depressief. Ek het die heeltyd gesê ek sal nooit weer ’n man trust nie, omdat hy my so seergemaak het,” vertel sy. “Ek het myself afgesonder en wou niemand sien en met niemand praat nie. “Ek het sy nommer erase en die foon…

Die lewe is onvoorspelbaar, maar die een ding wat seker is van die lewe, is die dood. Dis ’n donker onderwerp om in die derde maand van die jaar aan te pak, maar die dood van die aktrise Crystal-Donna Roberts het my opnuut tot stilstand geruk en laat besin oor die lewe en hoe ek dit aanpak. Doen ek genoeg met die geskenk van lewe wat ek kry elke oggend wanneer ek my oë kan oopmaak? Crystal-Donna is luidens berigte in haar slaap dood, wat beteken sy het haar oë toegemaak om te slaap en net nooit weer wakker geword nie . . . Sy was siek – sy’t ’n stryd teen kanker gestry – en ek dink haar familie was dalk haar dood te wagte. Maar as iemand wat…