Tabla de contenidos para February 1, 2016 en Lééf

‘Want dis immers die soet, eenvoudige dinge in die lewe wat saak maak’Laura Ingalls Wilder ‘Die lewe is kort en net jy kan dit soet maak’Sarah Louise Delaney ‘Liefde het ’n roos geplant, en die wêreld het soet geword’Katharine Lee Bates ‘Hoe aangenaam is U woord, soeter as heuning in die mond’Psalm 119:103 ‘Laat alles by julle in liefde geskied’1 Konrintiërs 16:14 Dagboek 1 Die Wildlife Photographer of the Year-uitstalling vind by die V&A Waterfront in Kaapstad plaas. Dié wildlewefotografie-kompetisie word jaarliks deur die Natural History Museum in Londen aangebied en is al langer as 50 jaar een van die mees gesogte in sy soort. Vanaf 09:00 (tot die 29ste). Kaartjies kos R120. Bespreek by www.webtickets.co.za 1 Die bekroonde musiekblyspel Singin’ in the Rain word by die Teatro by Montecasino…

‘Vir my gaan glansrykheid daaroor om elegant en stemmig te bly’KATE WINSLET…

Ek was nog altyd bang. My kleintyd was deurspek met vrese. Ek was bang ek word nie aanvaar nie, bang vir hoogtes, bang vir die “gevaarlike” pretritte by die jaarlikse skou, bang die gety trek my die wye oseaan in as ek in die see sou swem. Ek het geweet God is in beheer, dat Hy my al gesien het toe ek nog ongebore was, al my lewensdae opgeteken in Sy boek nog voordat ek gebore is (Psalm 139:16). Ja, ek het dit alles geweet, maar steeds het ek in vrees gelewe. As volwassene het my vrese in volskaalse angs ontaard. Ek sal nooit my eerste angsaanval vergeet nie. Ek was 21 jaar oud en saam met die man met wie ek sou trou in sy motor op pad. Skielik…

Maandag Bid met ’n dankbare hart Memoriseer die woorde van Filippense 4:6: “Moet oor niks besorg wees nie, maar maak in alles julle begeertes deur gebed en smeking en met danksegging aan God bekend.” Laat jou gebedsgesindheid een van dankbaarheid wees. Wees dankbaar dat jy jou behoeftes aan ’n Almagtige God kan bekend maak en dat jy kan weet dat Hy luister én sal voorsien. Dinsdag Bid in afhanklikheid Bid in die wete dat nét God werklik kan help. Jou planne is dalk fyn uitgewerk, maar God beheer die uitkoms van alles. Erken Sy Almag en jou onvolmaaktheid. Vra Hom om jou te help om met ’n gesindheid van afhanklikheid te leef. Woensdag Bid opreg Waak teen ’n meerderwaardige gesindheid. God ken jou hart. Jy hoef Hom nie te probeer…

GOD SE LIEFDE IS GROTER EN WYER EN HOËR AS WAT ONS OOIT SAL KAN BESEF Sy het oorkant my gesit in die restaurant. Haar skouers het gehang en ’n mens het onwillekeurig gedink hierdie vrou dra ’n swaar las, al was dit nie met die eerste oogopslag duidelik wat dit presies is nie. “Regtig, ek probeer!” het sy gesê. “Maar weet jy, dis so al asof dit eenvoudig nooit genoeg is nie.” Ek het net instemmend geknik. Hoeveel keer het ek nie al dieselfde woorde gehoor by vroue oor die wêreld heen nie. Ek sien dit as ek ’n e-pos-boodskap oopmaak. Ek hoor dit wanneer hulle in my oor kom fluister nadat ek as spreker opgetree het. Ek hoor dit in my werk as lewensafrigter. En natuurlik het ek…

In ’n huis met ’n rooi teëldak, ’n blou motorhuisdeur en ’n hoektuin waarin die somerblomme bont baljaar en die klimop getrou teen die heining rank – ’n gewone huis – bly ’n egpaar en ’n dogtertjie wat saam ’n Koninkryksavontuur leef. Hulle buurt in Bellville, Kaapstad, is omsoom deur ’n lappie wingerd wat dié tyd van die jaar swaar hang aan druiwetrosse – uitgeswel, songebak en gereed vir pluk. In Carel (43) en Inge (41) Wandrag se hart speel plant en pluk ook ’n wesenlike rol, en die kontoere van die landskap waarin hulle vandag saam werk, is gevorm lank voordat hulle in 2010 getroud is. Die Here het ’n gesamentlike roeping op dié paartjie se huwelik geplaas: om brugbouers tussen bevoorregte en minderbevoorregte mense in Suid-Afrika te wees…

Ek loop die seuns in die donker gang raak waar hulle met groot oë aan mekaar vasklou. Dis momenteel helder lig om ons voor die donderweer ’n harde hou laat val. Buite val die reën nou hard en reguit grond toe – groot druppels seën om in ons dorre aarde lewe te bring. Pa Jan staan hande gevou voor die venster en kyk. “Dankie, Here,” prewel hy dankbaar en ons nestel teen hom aan om die aanskoulikheid gade te slaan. Dis al diep in die nag toe die hemele om ons oopmaak met die welkomste van alle gawes hier waar ons in die reënskaduwee van die Swartberge sit. “Ek dink die rooiwater gaan loop, Pappa,” laat Darius ernstig hoor. “Sal dit nie wonderlik wees nie, Boeta?” sê die boer sag.…

Dis ons kinders se eerste vliegtuigrit. Ons oupa is skielik oorlede en vlieg is die vinnigste manier om ’n groot gesin van die Vaaldriehoek af Kaap toe en terug te kry, sonder om te veel buitemuurse bedrywighede, sportverpligtinge, eisteddfods, toetse en selfs ’n kleuterpartytjie te mis. Dis ’n ietwat oorweldigde, verdwaasde bondeltjie seuns wat die onbekende wêreld van lang toue passasiers, bagasie inweeg, vlugaankondigings, metaalverklikkers, instapkaarte, vietse lugwaardinne met oornagtassies op wieletjies, vleesen-bloed-vlieëniers en vliegtuie betree. Die gewone grappies is weg. Hulle bekyk die nuwe avontuur wat onverwags op ’n gewone Dinsdagoggend oor hulle pad gekom het eers versigtig vanuit ons sitplekke in die lang vertreksaal. Dan begin die grootsheid van die oomblik deurbreek. Die besef: Ons gaan régtig vlieg! Die opgewonde afwagting borrel oor. Hulle vuur mekaar aan. “Kyk…

In Holland loop ek ’n gediggie raak met die opskrif Tegendraads. Die woorde laat my glimlag: “Iedereen gaat richting zee. En ik ga lekker niet mee.” As ’n mens luister wat die kunstenares Jonel Scholtz oor haarself te sê het, weet jy sommer dadelik dit is hoe sy aanmekaar gesit is. Tegendraads. Iemand wat vasgekeer voel as dinge te voorspelbaar of beperkend word. Iets in haar beur instinktief stroom-op; sy leef bevraagtekenend en kan nie konformeer net omdat “hulle” sê jy moet dit doen nie. Sy en haar jeugliefde, Jacques, boer al agttien jaar met beeste op ’n plaas in die Lichtenburg-distrik, ver verwyder van die internasionale kunsgalerye van New York, Amsterdam en Monaco waar van haar skilderye hang. Haar werk het al verskeie toekennings ontvang soos dié van Women…

Met My kreatiewe Joernaal-Bybel kan jy mediteer oor die waarhede in die Bybel terwyl jy die spesiaal ontwerpte woordkuns-teksverse inkleur en die Woord van God só in jou hart koester en versterk. Die volgende kenmerke verseker ’n unieke ervaring: Die volledige teks van die Nuwe Lewende Vertaling in enkelkolom-uitleg. Lesersvriendelike 8.65 punt-lettergrootte. Breë kantlyne met lyntjies spesiaal vir gedagtes, gebede, notas en ander persoonlike inskrywings. Ongeveer 400 woordkuns-teksverse om in te kleur, elkeen spesiaal ontwerp. Indeks van woordkuns-teksverse. My kreatiewe Joernaal-Bybel is ’n bron van vrede, vernuwing en inspirasie. Skep ’n eiesoortige kleinood met jou persoonlike stempel wat jy en jou geliefdes nog lank sal koester. R599,95 (Luukse leer-sagteband, regs bo) R499,95 (Luukse hardeband, links onder) Beskikbaar by CUM-Boeke en ander toonaangewende boekwinkels. Skakel CUM-Boeke se nasionale telefoonnommer 0860 110…

“Of julle eet en of julle drink of wat julle ook al doen, doen alles tot eer van God” (1 Korintiërs 10:31). Dis wonderlik hoe die Jode met seënbedes deur die dag gaan: Hulle het ’n seëngebed vir opstaan, hande was, brood breek, wyn skink, ’n kers aansteek, op reis gaan en vele meer! Die meeste hiervan begin met Barukh ata Adonai Eloheinu, melekh ha’olam – “geseënd is U, Here ons God, Koning van die wêreld…” Om op hierdie manier deur die dag te gaan skep ’n wonderlike bewussyn van God. Ons lewe is soms so gesplete dat ons ons werkdag kan deurgaan sonder om een keer aan die Here te dink, maar vanaand by die selgroep weer roerend kan bid. Waarom sal ons nie deur ons dag heen ook…

Juanita Oosthuizen (45) van Centurion is die Februarie-wenner in ons Wys jou hart-fotowedstryd saam met Nikon in Suid-Afrika. “Ons het al moed opgegee om die kameelperde in die park te sien, maar so ’n kilometer voor die huis, staan dié enetjie toe daar – reg langs die hartjieboom. Asof hy wil sê: ‘Hier is ek!’” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1 600. Die algehele jaarwenner kry ’n Nikon D3200 DSLRkamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit jou volledige…

Melinda Bam daag effens uitasem maar stralend by die eetplek op. Haar pienk rok vertoon ’n slanke figuur en kontrasteer met haar helder bruin kykers. Die gerf ligbruin hare is mildelik met blonde strepies deurklief, nes sonstrale. ’n Lenteblom wat pas oopgegaan het. Sy bestel gemmer-appelsap. “Adriaan se vergadering draai ’n bietjie lank, maar hy’s op pad,” maak sy verskoning en vertel ademloos van hulle huweliksherdenking in die Schlosshotel Kronberg, ’n kasteel digby Frankfurt, Duitsland, waar die jong egpaar weer hulle huweliksbeloftes vir mekaar gelees het. Die voormalige Mnr. Suid-Afrika (2011) het die voormalige Mej. Suid-Afrika (2011) om haar hand gevra in die wêreld se hoogste gebou, Burj Khalifa in Doebai. In November 2014 is hulle op Oakfield Farm by Muldersdrift getroud in ’n buitelugkapel tussen bome waar driehonderd bykomende…

Ons ervaar almal die een of ander tyd hoe sterk en onmiddellik en allesoorheersend reuk kan wees. Die Bulgaarse skrywer Maria Popova skryf van ’n treinrit waarop haar reisgenoot twee lemoene uit haar sak haal en begin afskil… herinneringe van wintervakansies in ’n geliefde huis met ’n geliefde persoon het eensklaps ongenooid en helder voor Maria kom staan. Die Franse skrywer Marcel Proust vertel in sy beroemde novelle In search of lost time hoe die verteller ’n madeleine, ’n bekende Franse soetkoekie, in ’n koppie tee doop en dan onmiddellik na ’n ander tyd verplaas word. En dan vra hy: Wat is dit aan geure en reuke wat ’n mens se herinneringe in ’n oogwink so intens lewend maak en jou weer na ’n bepaalde plek en tyd meevoer? ’n…

Wat is ’n droë olie? Moenie dat die woord “droë” jou verwar nie. Dié nuwe skoonheidsolies is bloot ligter en minder olierig as ander olies wat aan die vel gesmeer word. In plaas van ’n blink lagie, laat dit ’n satynagtige mat lagie agter en word vinniger geabsorbeer. Droë olies word soos serums saam met jou vogroom gebruik en is vir alle veltipes geskik, ook ’n olierige en sensitiewe vel, en kan soggens en saans aangewend word. Plantaardige olies soos argan, maroela, pamplemousse, roosbottel (rosehip), soet-amandel, klapper, avokado en roosmaryn word in die samestelling van droë olies gebruik. Plantaardige olies is ryk aan vetsure, proteïene en vetoplosbare vitamiene (soos A en E) wat die vel beskerm en voed. Die meeste van die olies bevat ook ’n bestanddeel genaamd cyclymethicone, ’n…

Die Pienk Huis op Potch . . . dit sê sommer lekker! En vir die inwoners van dié universiteitsdorp in Noordwes proe die eetgoed hier ook so. “Aanvanklik wou ek net ’n koekwinkel oopmaak waar klante kolwyntjies, snye koek en heel koeke kan koop en huis toe neem” vertel Jacqueline Marais, boorling van dié dorp. “Maar die mense van Potch het ander idees gehad – soos klante ingekom het, wou hulle sit en tee drink saam met hulle stukkie koek”. Jacqueline (37) vertel sy was nog altyd lief vir bak en sy het elke maand aan die plaaslike mark, en later ook aan die mark net anderkant die Vaalrivier in Parys, soetgoed voorsien. Sy het besluit om werk te maak van die koekwinkel-idee en het in Desember 2014 “’n oulike…

Ek was jare lank in ’n kerk, maar het nooit besef dis verkeerd om my pa te haat nie. Ek het geglo ná alles wat hy aan my gedoen het, verdien hy dit. Ek het nie geweet hoe dit voel om sonder skuld en skaamte te leef nie. Ek het nie vrede of vreugde geken nie. Satan het my beroof. Jesaja 42:22 (Die Boodskap) lui: “Maar sy volk is beroof en kaal gesteel. Hulle sit almal in gate en in tronke opgesluit. Toe daar op hulle toegeslaan is, was daar niemand om hulle te red nie.” ’n Mens kan nog klaerig en knorrig wees as jy ’n ongelowige is, maar nie as jy ’n Koningskind is nie. Dit klop nie. Ek wou op ’n keer desperaat by God weet: “Wat…

Ons is so geneig om woerts-warts verby mekaar te hardloop. Elkeen vasgevang in sy eie wed-loop van die lewe of blindelings gefokus op sy eie móét-doen-dinge. Dan gebeur dit so maklik dat ons met ons tekkies, hoëhakskoene of sommer ons plakkies seer spore in mekaar se harte trap. Soms is ons die trappers, ander kere is ons die een met die seerkry-spore. Miskien is dit waarom die Woord so dikwels sê ons moet ons eie belang en selfsug eenkant skuif en in ander se skoene klim, dat ons ’n paar kilometer daarin moet loop sodat ons saam met daardie mens kan beleef. En dalk kan verstaan. Kan liefhê, ongeag. Natuurlik is dit nie maklik om iemand anders se uitgetrapte vellies, puntskoene of sokkies met gate aan te trek nie. Maar…

Jou alleentyd saam met jou Vader sal bepaal hoeveel jy bereid is om in jou huwelik te belê Voel jy of jou huwelik meer plig as plesier is? Doen jy wat God, jou man, jou kinders en die samelewing van jou verwag, en dít ten koste of in plaas van jou gevoelens teenoor die man aan wie jy ewige trou gesweer het? Pligsbesef is soos om onder die wet te leef – jy doen iets, maar voel geen passie of geneentheid tot dit wat jy doen nie. Daar is vele gelowige paartjies wat vasgevang voel in hulle huwelik omdat hulle getrou wil bly aan die beloftes wat hulle voor God afgelê het, net om teleurgestel en oorweldig te voel deur die eise van hulle huwelik. Dit kan ook wees dat…

‘Ons moenie luister om te kan antwoord nie,eerder om te kan begryp’ONBEKEND Vriendskap wat herskep  In sy boek The four loves definieer C.S. Lewis vriendskap as die oomblik wanneer twee mense besef hulle deel ’n liefde vir iets. Met tyd ontwikkel hierdie onmiddellike verbintenis tot iets meer. ’n Vriendskap gegrond op gedeelde belangstellings word die kans waarin mens daardie belangstelling kan verfyn. Jy kan groei en verander danksy die ander persoon. Dit is hierdie transformatiewe aard van vriendskap wat dit ’n beduidende deel van ons lewe as gelowiges maak. God gebruik vriendskappe nie net om ons te verander nie, maar ook om ons meer soos Hom te maak. Dít, sê Dallas Willard in The divine conspiracy, behels om mense met hulle hele wese te laat glo in die kennis wat…

God fluister jou naam  deur Cherie Hill God fluister vandag en elke ander dag jou naam. Maar hoekom fluister God as Hy kan roep? Omdat Hy naby genoeg is dat jy Hom kan hoor. God fluister jou naam is ’n volkleur-dagboek met 365 uitnodigings om te luister na God en die persoonlike boodskap wat Hy met jou wil deel. Laat Hom toe om jou geloof te versterk wanneer jy hoor hoe Hy jou naam fluister. Die rakprys is R169,95, maar Lééf-lesers kry 10% afslag. Neem dié bladsy na jou naaste CUM-boekwinkel om te kwalifiseer. Soek die Lééf- keuseboekplakker. Geldig tot 29 Februarie 2016. Lééf luister na... Manne wat glo 2 Leon Ferreira, Dewald Gouws, Willie Joubert en Jan de Wet Dié vier manne het in 2014 hulle eerste CD saam…

’n Spesiale ‘boekmerk’ vir jou! Mag dié Skrifgedeeltes rondom temas in vandeesmaand se uitgawe jou lewe verryk. Geur (Die geur van onthou bl. 32 ) Esegiël 20:43 Psalm 45:9 Hooglied 2:13 Johannes 12:3 2 Korintiërs 2:14 Filippense 4:18 God seliefdegaweaan ons (Sy liefde bo alles bl. 62 ) Eksodus 20:6 1 Kronieke 16:34 Psalm 23:6 Johannes 15:9 Romeine 8:35 Efesiërs 2:5 Dissipelskap (Bouers van brûe bl. 68 ) Psalm 128:4 Markus 10:43-45 Lukas 14:27 Johannes 12:26 1 Korintiërs 9:16 2 Timoteus 4:2…

Verby die afdraai na Jerigo, na raming die oudste bewoonde stad in die wêreld, ry ons eenkeer noordwaarts in die Jordaanrivier-vallei op. Ons Israelivriendin lei ons na ’n bestemming weg van die gewone toerismeroetes af. Ons stop by ’n waterbron. Die water vloei skoon en glad in ’n skakering van blou waardeur die lig gloei soos in die delikaatste porselein. Dit laat ons gryp na ons swemgoed. Ons stroop ons so vinnig as wat ons kan van ons sweterige klere en glip in die bloutes in. Dis eers ná ons luilekker swem dat ons ’n ent verder langs die water af stap. ’n Vreemde toneel wag ons in. ’n Keiser in die Romeinse ryk, Marcus Aurelius, het al gesê dis ’n verspotte, onrealistiese mens wat verbaas is oor enigiets in…

‘’n Vrou van God is eerbiedig voor die Here. Sy ontwikkel natuurlik in haar God-beskikte doel. Ja, daar gaan moeilike tye wees, maar ’n vrou van God seën hierdie wêreld met haar sensitiwiteit, insig en skoonheid. ’n Vrou van God kweek rose van die lewe se dorings. Sy weet hoe om die messtof – die seer en die swaar van die lewe – te neem en rose daarmee te plant. Sy maak haar tuin met die sade van Sy Woord en bewerk die grond van haar hart met lofprysing en dankbaarheid’ JOYCE TILNEY…

Ter wille van die liefde Revlon Love is On Eau de Toilette kombineer die geur van roos, magnolia, Italiaanse suurlemoen en vanielje om ’n onvergeetlike geur te skep. R399 vir 50 ml. Vlekloos  Chanel Les Beiges Healthy Glow Foundation (R875) sorg dat jou vel vlekloos en glansend gesond lyk met die hulp van gevorderde optiese filters en bestanddele. Physician’s Formula Nude Wear Touch of Glow Stick (R200) het ’n satynsagte tekstuur vir ’n egalige vel. Dis goud werd! Die Black Pearl Lux Perfection Treatment is ’n uitsonderlike gesigbehandeling wat onder meer die krag van 24 karaat-goud inspan om die vel mee te behandel en vertroetel. Die Black Pearl 24 k Gold Cleopatra Mask (R5 100) met goudstof word tydens die behandeling aangewend om die vel te vernuwe en veroudering teen…

IN SY BYBELSE NAAMGENOOT HET HY ’N ROLMODEL GEVIND, SÊ DIE AKTEUR DAVID KONRAD, DR. HERMAN DU PREEZ IN BINNELANDERS. Hou jy van jou TV-karakter? Herman is ’n dokter en ’n prokureur, ’n baie regverdige ou wat glo aan reg en verkeerd. Dit pla hom nie as mense nié van hom hou nie. Herman skroom nie om stelling in te neem nie. Hy wil nie ’n gawe ou wees nie, maar hy’s ’n goeie ou. Hy staan vir wat reg is – daar’s nie ’n middeweg nie. Was jy vroeg reeds bewus van God? Ek kom uit ’n Christelike huis. Ek was omring deur godsdienstige dinge. My beste vriend was die dominee se seun – en ons was lekker stout! Ons predikant het sterk gefokus op verhoudings en het nie…

1 Waardeer mekaar. Onthou Spreuke 3:27: “Liewer ’n eenvoudige ete saam met mense wat mekaar liefhet as baie lekker kos waar mense mekaar haat.” 2 Bou jou man op in liefde. Komplimenteer hom minstens een keer per dag. Hy móét weet dat jy sy sterk punte raaksien. Hy het ook sagte woorde nodig! 3 Bid – saam en vir mekaar. Ge-bed is ’n kragtige wapen in enige huwelik. Die Woord sê immers ons moet bid sonder ophou (1 Tessalonisense 5:17). 4 Onthou: “Wat God dan saamgevoeg het, mag ’n mens nie skei nie” (Markus 10:9). Jou huwelik bly tot in ewigheid ’n heilige verbond voor God.…

Ken jy die seer van egskeiding en alleenwees? Vier Valentynsdag op 12 Februarie met ’n bederfoggend vir geskeide vroue en enkelma’s saam met redakteur, Christine Ferreira. Koester jouself op dié heerlike kuieroggend by LééfSPA. Dit behels ’n informele werksessie saam met Christine waartydens ons God se liefde vir ons, Sy bemindes, opnuut gaan ontdek. Jy sal bederf word met ’n sielsalige uur lange kop-tot-toon-vollyfmassering, ’n sessie in die stoom- en stil-kamer, en ’n heerlike spa-middagete. Elke gas kry ’n eksemplaar van Jacelize de Waal se boek Salf vir jou seerkry – Die pad van genesing ná egskeiding met komplimente van Lux Verbi waarin sy die verhaal van haar egskeiding en haar genesingspad met Jesus Christus vertel. DATUM Vrydag 12 Februarie 2016 TYD 10:00-13:00 PLEK LééfSPA, Malibongwerylaan 77, Linden-uitbreiding KOSTE R575…

Die titel van die kosskrywer Phillippa Cheifitz se nuwe resepteboek, The supper club, is geïnspireer deur die groepie kosliefhebbers saam met wie sy droomgeregte skep. “Ons is vier paartjies wat vier keer per jaar bymekaar kom; elkeen stel ’n spyskaart voor en dan stem ons en besluit ons saam op een. Elke paartjie berei dan ’n gereg en kies ook ’n gepaste wyn.” Phillippa, wat Kaapstad en Paternoster huis noem, het reeds 12 resepteboeke die lig laat sien. Die eerste een, Cooking for compliments, is destyds uitgegee as geskenk saam met ’n nuwe reeks stoofplate wat in Suid-Afrika bekendgestel is. Haar jongste dien ook ’n bepaalde doel, buiten natuurlik om gaste met heerlike kos te bederf! “Ek glo dié boek sal lesers inspireer om self ’n kookklub te begin, om…

Dit is moeilik om te glo die voormalige navorsingsielkundige en skrywer van Liefde is ’n sprokie (H&R) het aanvanklik haar brood met syfers verdien. Toe neurosistiserkose in 2009 by Santie (48) gediagnoseer is, het sy haar syfervaardigheid én haar loopbaan verloor. “Die parasiet het groot skade aan my linkerbrein aangerig. Ondanks twee jaar van intensiewe arbeidsterapie het sekere van my breinfunksies nie herstel nie. Wat wonderlik is, is dat my kreatiewe regterbrein ontpop het toe die analitiese linkerbrein beskadig is. Ek het my hand aan allerhande kreatiewe goed gewaag, ook aan skryf. Die eerste tydskrifverhaal wat ek ingestuur het, het ’n prys gewen! Ek het ’n kinderboekskryfkursus gedoen en van toe af skryf ek. As dit nie vir die siekte was nie, twyfel ek of ek ’n skrywer sou word.…

TEEN 35% AFSLAG EN JY KAN DIÉ SKILDERY TER WAARDE VAN R10 000 WEN! Teken vandag nog in op Lééf – met hart & siel teen 35% afslag – dis slegs R34,20 per uitgawe (posgeld ingesluit) – en jy kan dié oorspronklike skildery (76 x 91 cm) van Jonel Scholtz ter waarde van R10 000 wen! Jonel se bekroonde werk is al in onder meer Amsterdam, New York en Monaco uitgestal. Sy besit sedert 2012 haar eie galery op Lichtenburg, waar haar man, Jacques, met beeste boer. Haar styl word beskryf as ekspressionistiese impressionisme. “My werk is eenvoudig en sonder pretensie,” sê Jonel. Besoek www.jonelscholtz.co.za  vir meer inligting. Lees die artikel op bl. 88. TEKEN SÓ IN Stuur ’n e-pos na leef_inteken@media24.com Gaan na…

Op dié Donderdag gaan ek alleen na dr. George toe. Hy vind dit glad nie vreemd dat ek sonder hond of kat daar opdaag nie. “Sarah?” vra hy. Ek knik woordeloos. Sarah, wat maande tevore al haar sestiende verjaardag verbygesteek het. Wie se ou liggaampie nie meer wil funksioneer nie. Wie se beentjies haar nie langer kan dra nie. “Diere het ook waardigheid,” herinner hy my, wat nie kan opkyk nie. “Mens moet dit in gedagte hou…” Ons hou dit in gedagte. En ons besluit op die onvermydelike. “Bring haar môre,” sê hy. Maar ek skud my kop. “Laat my eers die naweek van haar afskeid neem.” Hy swyg effens, sê dan: “Jy doen nie een van julle ’n guns nie. Jy sal sien…” En ek sien. Want toe ek…