Tabla de contenidos para June 2016 en Lééf

‘Hoop is om steeds die lig te kan sien ondanks al die duisternis’DESMOND TUTU ‘Leer in saaityd, onderrig in oestyd, geniet in die winter!’WILLIAM BLAKE ‘Jy het klein en eenvoudig begin, maar in die toekoms sal dit met jou baie goed gaan’ JOB 8:7 ‘As jy krag en geduld wil leer, soek die geselskap van bome’HAL BORLAND ‘Ook bid ek dat julle liefde al hoe meer sal toeneem’FILIPPENSE1:9 Dagboek 1&6 Saamwees is ’n interaktiewe leerervaring vir enige paartjie wat aan hul verhouding wil bou. Leer jouself en jou maat op ’n nuwe manier liefhê en ontdek die vreugde van saamwees by die Mosaïek-kerk in Randburg, Johannesburg, van 18:45 tot 21:00 op albei dae. Besoek www.mosaiek.com 2–5 Kom proe wyne uit die Robertsonwynvallei en geniet buitelugavonture, musiekuitvoerings, fynproewerskos en volop vermaak…

Bibbertyd hoef nie binnebly te beteken nie, veral nie as jy lieflik kan kontrasteer in grys weer nie…

'Alles aan jou is mooi my liefling, aan jou is niks verkeerd nie' HOOGLIED 4:7 Die meeste vroue voel skoonheid is buite hulle bereik, dat dit net ander beskore is, dat hulle nooit mooi of goed genoeg sal voel nie. Maar in God se groot liefde wys Hy ons in Sy Woord dat presies die teenoorgestelde waar is: As jy deur Sy oë na jouself kyk, kan jy nie anders as om jou eie skoonheid raak te sien nie. Tydens ons Mooi soos ’n Beminde-naweekretreat lei Christine Ferreira, Lééf se redakteur en skoonheidsredakteur, ons om saam-saam God se liefde vir ons as vroue opnuut te ontdek en beleef. Ons gaan op nuwe maniere na onsself leer kyk en boonop heerlik bederf word met onder meer gesigbehandelings en grimeersessies. Daar gaan…

Party mense lyk altyd vol hoop en verwagting. So asof hulle deur niks omgestamp kan word nie. Dit lyk altyd of hulle glo dinge sal beter wees en dat hulle dit sal kan hanteer. Dan wonder mens: Waarom kan ék nie ook so dapper en vol vertroue en hoop wees nie? Tot jy op ’n dag besef ander gaan ook deur tye van vertwyfeling en moedeloosheid, maar dat hulle dan kíés om steeds die volgende tree op die onherbergsame pad te neem en steeds boontoe te kyk. Dis dan wanneer jy besef hoop is ’n kaalvoet-ding: Dis om met gestroopte eerlikheid te erken jy is bang, maar ondanks dié vrees vorentoe te beweeg. Dis om sonder pretensie te sê die donker maak jou blind, maar om dan aan te hou…

Op hulle plaas naby Marquard, digby die grondpad wat lei na Excelsior, woon Sanet van Rensburg (43) en haar man, Gordon (51), met hulle spannetjie seuns: Markus (18), Ian (16), Sebastian (10) en Simon (9). Daar, met ’n stukkie Korannaberg wat op ’n mooi dag sy gesig deur haar kombuis wys, het Sanet se storie begin. “As ek soms na die belowende donker wolke kyk wat reën bring, doer van Spidersnek se kant af, wonder ek hoe ek dit tot hier gemaak het. “Ek sou regtig ’n fantastiese dogtertjie-mamma gewees het, maar dit was nie God se plan vir ons nie, en daarmee het ek vrede gemaak. “Toe ek met ons derde seuntjie swanger was, het ek met God begin onderhandel. Sommige mense sal dalk dink dis arrogant, maar as…

‘Wat vir ander rommel is, kan ek dalk weer mooi maak. Ek moet met ander oë na dinge kyk’ Wanneer jy deur ’n oudhedewinkel drentel en ’n meubelstuk soek, moet jy fyn luister, sê die antiekwarehandelaar Arthur Khourie. “As jy na ’n stuk kyk en dit práát met jou, is dit vir jou bedoel,” sê Arthur, wat die afgelope sowat dertien jaar sy winkel, AJ’s Antiques, in Greymont, Johannesburg, bedryf en al meer as dertig jaar oudhede versamel. Van die vele antiekwinkels in Greymont is AJ’s nie die mooiste nie. Maar Arthur lei ’n mens doelgerig deur die doolhof gangetjies; weet in watter vertrek om na watter oudhede te gaan soek; praat deernisvol van die mense in die ou foto’s teen die mure en vertel laggend van sy passie vir…

Dis op pad werk toe dat die vrou die seuntjie een oggend in 1984 naby Pinelands se elektrisiteitstorings gewaar. Daardie dae vloei die verkeer op die N2 Kaapstad nog redelik vinnig en sy is verbaas om die klein kind op die middelmannetjie van dié besige pad te sien hardloop. ’n Groot vuilgoedlorrie kom van die teenoorgestelde kant af aangery. ’n Ruit word blitsig afgedraai en ’n man skiet ’n sokkerbal (waarskynlik deur iemand weggesmyt) deur die venster na die kind toe. “Sonder om op te kyk of ’n oomblik te aarsel begin die seuntjie die bal ál skoppend behendig beheer en daar gaat hy! Al op die middelmannetjie met sy sokkerbal wat uit die hemel geval het voor sy hardlopende, dartelende voetjies uit. “Met die vullislorrie lankal uit die prentjie…

Zane lyk en klink soos ’n pa. Lank en imposant, met ’n ingebore rustigheid en wysheid in sy houding wat jou vertroue wen en veilig laat voel. Sy vaderlikheid straal ook deur in die rolle wat hy speel: Neville in 7de Laan en in sy eie fliek met die gepaste titel Father. Hy beplan ’n opvolg, Father 2. Zane beliggaam die rol van ’n pa in sy professionele én private lewe. Vaderskap is iets waaroor hy daagliks strategies besin en beplan, ’n onderwerp waaroor hy sale vol mense toespreek. Hy is getroud met Megan, ’n bemarkingsbestuurder van Sandton City, en hulle is die trotse ouers van hulle eie drie kinders – Campbell (22), Conner (19) en laatlam Micah (7) – en ’n aangenome tweeling, Leah en Liam (3). ’n Groot…

Op Groentemarkplein in Kaapstad pak ’n straatverkoper sy houtbeeldjies in rye op ’n grondseil uit. Die donkerbruin hout glim in die vroegoggendson. Wanneer ek nader staan, glimlag die vriendelike jongman met witter-as-wit tande. Hy kom van Malawi af, vertel hy. Die Kaap is ’n goeie plek om dié tipiese Afrika-houtsneebeeldjies te verkoop. Nee, hulle word nie in ’n fabriek gemaak nie, lag hy. Elkeen word met die hand gekerf. Die ronde skurwe kop, die diep oogkaste, hoë wangbene, gladde lyne van neus en ken, sterk boarms, hande en voete. Elke beeld is uniek. Hy tel een op. “Kyk, hier het ek my naam en die naam van die beeldjie uitgekerf.” Hy draai die glansende beeld om sodat ek die voetstuk kan bekyk: Mokwala. Old Shepherd. 14.03.11, lees ek. Met die…

Nie almal hou van soet en vrugtige blommegeure of ’n swaarder speseryagtige Oosterse geur nie. Vir sulke mense is ’n vars groen of chypregeur eerder sprekend van hul styl en smaak. Groen geure is vars en sprankelend van aard en word gemaak van die geur-ekstrakte wat van die wortels, bas, blare en blomme van plante afkomstig is. Wit blomgeure soos jasmyn, tuberroos, katjiepiering en lemoenbloeisel kom dikwels as geurnoot in groen geure voor. Sitrusgeure soos lemmetjie, suurlemoen en pomelo word meestal as geurtoon in groen geure gebruik. Houtgeure herinner op hul beurt aan mos en die klam geure van ’n woud. Die chypre-geurfamilie kombineer sitrusgeure met mos, hout en muskus as basisnoot en word as warm, droë geure beskryf. 1 Tom Ford Oud Fleur Eau de Parfum kombineer die geur…

Vas beteken om jouself kos te ontsê of jouself tot ’n karige dieet te beperk, verduidelik die skrywer Elmer L. Towns in sy boek wat fokus op die Daniël-vas. Ons vas om ’n geestelike doelwit te bereik, skryf hy. In die Ou Testament het die Israeliete die opdrag ontvang om een keer per jaar te vas (Levitikus 16:29). Hierdie spesiale vas het op die Groot Versoendag (Jom Kippoer) plaasgevind. Vandag leef ons as Christene onder die genade van God en daar word nie meer van ons verwag om te vas nie. Hy sê die doel van vas is nie om jou godsdienstige toewyding aan God uiterlik aan almal te vertoon nie, maar eerder om ’n persoonlike verbintenis tussen jou en God te vestig. Hy beskryf vervolgens nege soorte Bybelse vas:…

Maandag Koue Soms wanneer jy soggens opstaan, lê jou swaarkry en bekommernis reeds soos ’n stuk ys op jou gemoed. God is by jou in hierdie wintertyd van jou lewe. Hy wil jou beskut en die koue met Sy warm liefde verdryf. Gaan sit by Hom, al wil jy nie. Deel jou pyn met Hom. Dinsdag Lente in die winter Op die grysste winterdag stuur God soms ’n stukkie lente vir jou. Hou jou oë oop daarvoor. Her-inner God aan sy Bybelse beloftes. Memoriseer Jesaja 62:6 se woorde: “Julle wat die Here aan Sy beloftes moet herinner, julle moenie stilbly nie.” Die Here wil jou seën. Oefen om Sy seën raak te sien! Woensdag Laat die son binnekom! Op jou beurt kan jy vir iemand ’n bietjie sonskyn bring op…

Wie was jy as jongmens? Ek en my tweelingbroer, Marcel, is in Johannesburg gebore, maar sedert ons ouers geskei is toe ons vyf jaar oud was, het ons vreeslik rondgetrek. Ons het al in Pretoria, Limpopo, Bloemfontein en Kempton Park gewoon. Ek was ’n skaam kind en het dit gehaat om voor mense te praat. Op hoërskool was ek onseker van myself en ’n taamlike rebel wat geen verhouding met die Here gehad het nie. Maar nadat ek aan die einde van graad 11 my hart en lewe vir die Here gegee het, soek ek Hom daagliks, in elke seisoen, goed of sleg, en sonder ophou. En deesdae? Ek woon tans in Bloubergstrand naby Kaapstad. Daar is ’n klompie spesiale mense in my lewe, maar ek is ver van trou…

Die pastorie langs die kerksaal in die boomryke Vyfdestraat is ’n netjiese huis met ruim kamers, hoë bedrukte plafonne, glimmende houtvloere en ’n toegeboude kaggel. ’n Hanetree agter die huis staan ook die ou pastorie in Kaaps-Hollandse styl wat in 1918 gebou is. “In 2018 vier die kerk sy eeufees. Ons beplan iets groots, dalk ’n eeufees-basaar,” beduie Ben van Tonder geesdriftig. Die predikantspaar van die NG gemeente Delmas is aanvallig, twee aantreklike mense wat meer as ’n dekade jonger as hul jare lyk: Ben is 48 en Sanet 40. Albei is ’n tweede keer (en baie gelukkig) getroud. Sanet is die kunstebestuurder wat met die kerk se bedieningspanne werk. Sy hanteer onder meer al die kerkblaadjies, vertoonborde, skerms en sosiale media, soos die kerk se Facebookblad. Voorts studeer sy…

“Jy moet hom eintlik só vashou. Onthou, hy is ’n baba! En praat só met hom. En speel dié speletjies met hom. Voer hom tog net soos ek jou gewys het hoe…” Die reëls wat ek vir my arme man neergelê het oor hoe hy ons seuntjie moet versorg en met hom moet speel, was ’n hele boek vol. Nie dat ek enigsins bewus was van hoe ’n groot pyn ek eintlik is nie. Ek was maar net opgewonde om alles wat ek geleer het met hom te deel – en seker te maak hy doen dinge rég… Ek het hard gewerk om seker te maak ek is die beste moontlike ma, en ek was nie van plan om op die kantlyn te staan wanneer dit by my man se…

‘Vandag is die vrug van gister – dit is ook die saadjie vir môre’JACOB M. BRAUDE Leef só met meer vreugde Rachel Lee-Stafford skryf in haar boek Hands free mama oor sewe gewoontes wat sy haarself aangeleer het om die lewe makliker en met meer vreugde uit te leef. Dankie vir gejaagde oggende! Dis in die naarstige soektog na skoene, biblioteekboeke en rugsakke dat ek dankbaar is vir stadige Saterdae. Ek sal beslis meer aandag skenk en waardering hê vir die stadige, rustige Saterdag. Dankie vir ’n deurmekaar huis. Ek kyk na gekreukelde lakens, spatsels tandepasta en vergete sokkies en ek weet ek kyk na ’n huis waarin daar gelééf word. Ek sal aandag skenk en dankbaar wees vir ’n huis waarin daar geleef word. Dankie vir ouer word. Ek…

1 Soos ’n klassieke kunswerk. Bedien Nederburg The Winemasters Cabernet Sauvigon 2014 saam met gebraaide skaap of geurige kaasgeregte. R80. 2 De Hoek Country Hotel is in die omgewing van Magaliesburg geleë, slegs ’n uur se ry van Johannesburg af. Die hotel bied vyfsterweelde met luukse verblyf en vyfgangmaaltye. Vind meer uit by www.dehoek.co.za 3 Loop ’n draai deur Deltapark in die hartjie van Johannesburg. Dié reuse-park grens aan Blairgowrie, Victory Park en Craighall Park en is ’n lushof vir wandelaars, drawwers en fietsryers. 4 Dié rooi kussing is van Volpes en kos R195. Bestel joune aanlyn by www.volpes.co.za 5 Kloovenburg Barrel Fermented Chardonnay 2014 is gemaak van druiwe uit die ryk grond van die pragtige Riebeekvallei. R82. 6 Neethlingshof The Owl Post Pinotage 2014 het ’n boeket van ryp…

‘In die begin het God die hemel en die aarde geskep…” Só leer ons God in Genesis 1:1-26 ken, as ’n Skepper met eindelose kreatiwiteit. En dan skape Hy die mens – na Sy beeld. God het dus kreatiwiteit in jou geplaas toe jy geskep is! Maar ons ervaringe in ’n gebroke wêreld maak daardie kreatiewe stem stil. ’n Visuele joernaal is ’n instrument om jou kreatiewe stem te herontdek. Dit bied ’n plek om te speel en jou kreatiewe waagmoed te oefen. Dit bevat woorde, beelde, kleure en teksture – dit betrek feitlik al ons sintuie! Dit maak jou siel sigbaar. Dit gee jou hart ’n kleurryke stem. Dit help jou om sin te maak van jouself, verhoudings en gebeure in jou lewe. Dis ’n plek waar jy jou…

Engela le Roux (52) van Bloemfontein is die Junie-wenner in ons Wys jou hart-fotokompetisie saam met Nikon in Suid-Afrika. Sy skryf: “Ná ’n lang droogte het die reën gekom waarvoor ons gebid het! So verskyn dié paddastoeltjie en ek besef om geestelik te kan groei, het ons ook geestelike reën nodig. Dan kan ons Sy liefde uitstraal.” WEN! Stuur vir ons jóú mooiste foto van enige hart! Elke maandwenner wen ’n COOLPIX L320 van R1 600. Die algehele jaarwenner kry ’n Nikon D3200 DSLR-kamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit…

Bespreek nou! Slegs 40 plekke beskikbaar! Fotograwe met ’n aanvoeling om treffende buitelugfoto’s te neem kan saam met ons kom leer hoe om nóg beter te vaar. Dié opwindende dag sluit in wildritte en teorie- en praktiese sessies aangebied deur die internasionale fotograaf Stephen Segal, waar jy al die vrae kan vra waaroor jy nog altyd gewonder het. La Wiida Lodge en Konferensiesentrum is Gretha en Francois Wiid se lieflike wildsplaas aan die voet van die Schurweberge, ’n klipgooi van Johannesburg en Pretoria af. Hier vind jy ’n groot verskeidenheid voëllewe, asook kameelperde, koedoes, blesbokke, sebras en blouwildebeeste. DATUM 18 Junie 2016 PLEK La Wiida Lodge TYD 06:30 tot 17:00 KOSTE R650 per persoon. Dit sluit in koffie/tee,’n ligte middagete en ’n Lééf-geskenkpakkie. TEMA Wenke vir natuur- en wildlewefotografie VORDERINGSVLAK…

Wilde sampioene is niemand se speelmaat nie Dit voel dalk vir ons soos ’n Europese tradisie, dié beeld van ’n deurwinterde ou man in ’n tweedbaadjie en waterstewels wat met sy hond aan sy sy en ’n houtkrat oor die skouer die woud se skatte gaan oes. Cape Winelands Cuisine, ’n kookboek wat deur die Franschhoekse landgoed La Motte uitgegee is, is propvol navorsing oor die Europese setlaars in die Kaap en wys dat sampioene ook hier aan die suidpunt van Afrika in vanmelewe se resepte gebruik is. Suid-Afrika spog miskien nie met die verskeidenheid sampioene wat in ander wêrelddele voorkom nie, maar as jy weet waarna om te soek, kan jy ná ’n stappie in die Tokai-woud, die Bolandse berge of selfs die laer hange van Tafelberg ’n hele…

Dit maak nie saak wie jy is nie – ’n sakevrou of almal ’n tuisblyma – het hulle probleme. Weet net jy is nie alleen nie; daar is nog ’n vrou daarbuite wat deur presies dieselfde situasie gaan, of dit reeds ervaar het. Wanneer die lewe se branders ons heen en weer ruk, is elke hier God by ons. Hy sien traan wat uit jou pragtige lief oë vloei. Hy is vir jou en wil hê jy moet gelukkig wees. Hy wil net goeie dinge vir jou hê. Hy wil jou wonde geneesen jou vrymaakANONIEM…

Klassieke skoonheid Isabella Rossellini is pas weer as muse vir die huis van Lancôme aangewys. Isabella (63) word steeds as een van die mooiste vroue ter wêreld beskou. Vreugde, welstand en ’n positiewe ingesteldheid is ’n vrou se beste vennote as dit kom by die stryd teen tyd, glo dié ikoniese Italiaanse aktrise wat in 1983 die eerste keer vir Lancôme model gespeel het. Bederfplek Dr. Gobac Cosmeceuticals het ’n eksklusiewe Medisalon in Morningside, Johannesburg, geopen waar Dr. Gobac-produkte gebruik word om die vel te vernuwe. Dié produkreeks bevat ’n kombinasie van Bioboosters en plantekstrakte wat die dermis diep binnedring om die vel van binne te behandel. Probeer ook die Dr. Gobac Needle-Free Facial – ’n reeks van ses behandelings oor ses weke word aanbeveel. Lees meer by www.drgobac.com of…

Net ’n klipgooi van Durbanville se sakekern nestel die winkeltjies Chisel & Chalk en Flowerheart knus langs mekaar. Die vier vroue wat dié dekoren blommewinkel besit – Dale Niehaus en Marina Smith, en Marlize en Charlotte Boonzaaier – deel ’n onuitblusbare passie vir die mooi dinge in die lewe. Dale (46) en Marina (44) het in 2015 hulle werk in die mediabedryf vaarwel toegeroep om hulle droom van ’n kreatiewe loopbaan na te jaag. “Daar is in 2013 by ons strandhuis op Kleinmond ingebreek en álles is gesteel,” vertel Dale. “Eers het ons gehuil, maar toe besef dis ’n fantastiese geleentheid om die plek oor te doen” Nadat die strandhuis spiekeries gemaak is, het die twee vriendinne agtergekom hulle kan geld maak uit sulke projekte. “Eers was ons bang, maar…

Ons ketting ons hart vas aan dinge wat net tydelik is. Ons jaag na plesier, vermaak en sukses; ons kyk ure lank sport op televisie; ons probeer ons lyf fiks hou. Die wêreld verlei ons hart met dié valse belofte: Hoe meer dinge jy besit, hoe gelukkiger sal jy wees. Jy verdien dit! Jy hoef dit nie eens regtig nodig te hê of te kan bekostig nie, want daarsonder kan jy nie volkome gelukkig wees nie. Jy móét dit hê en jy moet dit nóú hê. God waarsku ons om nie die wêreld te lief te hê nie. Ons lees in 1 Johannes 2:16: “Maar onthou dit: Die aardse dinge is net tydelik. Daarom is al die begeertes daarna ook maar net ’n gejaag na wind. Maar die pad van…

Die oomblik toe sy aan Jesus se kleed raak, het sy geweet sy is genees... In Lukas 2:41-52 kry ons ’n kykie in die lewe van Jesus as ’n jong seun wanneer Hy Sy familie as’t ware afskud om Homself in die tempel te gaan tuismaak. Ná drie dae, wat soos ’n ewigheid moes voel, roskam Maria haar kind nadat hulle Hom uiteindelik weer vind: “Hoe kon jy so iets aan ons doen? Ons is al dood van bekommernis oor jou. Dae lank soek ons oral na jou!” (Die Boodskap). Jesus se reaksie? “Waarom het u na My gesoek?” Hy was ’n doodgewone tiener, totaal onbewus van die kwesbaarheid en angs wat deel is van ouerskap. Maar dan sê Hy iets wat nie noodwendig uit enige 12-jarige mond sou kom…

‘God se plan is dat kinders deur hulle biologiese ouers grootgemaak word.” Ek was in my vroeë twintigs toe ek eendag saam met ’n vriend in die park naby my woonstel gaan stap en hy uit die bloute dié uitlating gemaak het. My hart wou breek. Min het hy geweet sy woorde het ’n wond oopgekrap wat ek al jare met my saamdra. Ek het aanhou stap, versigtig om nie te wys hoe hard sy woorde my getref het nie, maar in my binneste was dit asof die wêreld tot stilstand gekom het. Dit was asof sy uitlating ’n regstreekse aanval op my identiteit én my teologie was. Ons ken mekaar al jare lank; hy het tog geweet ek is as baba aangeneem. Hy het ook baie goed geweet ek…

‘Dit stoot op in my keel en gaan lê loodswaar in my voete. My kind is weg’ Die hele oggend is ek doenig met reëlings vir ons gemeente se jaarlikse basaar. Dis ’n groot gedoente. Ek is die sameroeper van die pannekoektafel. Ek bel. Vra helpers. Soek panne en gasstofies en spane. Ek ry om afdrukke van my pannekoekresep-vir-honderd by die kerkkantoor te gaan maak. My kroos bly tuis by my huishulp. Sy sien soos ’n ouma om na hulle behoeftes. Ek kry dit reg om selfs die rokspantklouertjie oor te haal om tuis te bly. Net-net. “Noena gaan vir julle koekies bak,” belowe ek toe hy betraand by die voordeurtralies staan en waai toe ek ry. Die oggend vlieg verby. Dis nie elke dag dat ek sonder ’n gevolg…

Die internasionaal bekroonde akteur en regisseur se openhartige outobiografie Dis nie luck nie – net genade (Lux Verbi) wat hy in samewerking met Danny Fourie geskryf het, is net so merkwaardig soos sy lewenspaadjie die afgelope 62 jaar. “Baie mense het my aangeraai om ’n boek oor my lewe te skryf omdat daar soveel staaltjies en wonderwerke is, maar ek het gewonder wat maak mý lewe so besonders? Toe bel Susan Jordaan van NB Uitgewers en vra of ek belangstel. Dit het my laat besef ek is reeds geseënd met ’n uitgewer én ’n geleentheid om te getuig. Tog sou die boek nooit sonder Danny gebeur het nie. Ons het net begin gesels. Oor alles. Die skryfproses was seer én helend. Ek dink die herleef van alles – die goed…

Dink en eet jouself slim deur dr. Caroline Leaf Ons besef nie altyd hoe sleg ons moderne leefstyl vir ons koskeuses (en ons liggaam!) is nie. In Dink en eet jouself slim help die skrywer jou om jou kennis oor kos en kospraktyke te verbeter en jou gesindheid oor kos, gesondheid, genesing en voedingswaarde te verander. Sy sluit af met 21 resepte wat jou nuwe leefstyl ’n goeie hupstoot sal gee. Die rakprys is R249,95, maar Lééf-lesers kry 10% afslag. Neem dié bladsy na jou naaste CUM-boekwinkel om te kwalifiseer. Soek die Lééf- keuseboekplakker. Geldig tot 30 Junie 2016. Lééf luister na... Afrikaanse Worship Volume 2 Verskeie kunstenaars Liefhebbers van Afrikaanse aanbiddingsmusiek sal verheug wees oor dié album – ’n versameling oorspronklike lofliedere deur van ons land se gewildste aanbiddingsleiers…

Die wenner kry ’n splinternuwe Bernina 330-naaldwerkmasjien ter waarde van R22 670 plus ’n Winon-Fortune II-stomer ter waarde van R2 590! Die twee naaswenners wen elkeen ’n Winon-Fortune II-stomer ter waarde van R2 590 asook ’n Clarinsbederfpak ter waarde van R4 205. Daar is ook 7 troospryse van ’n Winon-Fortune II-stomer op die spel. Kyk die pryse! BERNINA 330 Met 17 praktiese, 19 dekoratiewe, 3 kwiltsteke en ’n perfekte knoopsgatmaker is dié stewige model die antwoord vir enige naaldwerker. Direkte kontroles beteken maklike en vinnige verstelling en die skuifspoedreguleerder, semi-outomatiese naaldbedrader en afsluitsteek-funksie spaar boonop baie tyd. Die WINON-FORTUNE II-STOMER sal jou stoomtake baie vergemaklik. Die Fortune II neem net een minuut om gereed te wees en kan aandrokke, gordyne, manspakke en stoffering kafdraf. Elke CLARINS-pak bevat ’n Body Lift…

Om te vas (Leef gesond bl. 38 ) Levitikus 16 Daniël 10:3 2 Kronieke 7:14 Esra 8:23 Matteus 6:16-18 Matteus 9:14-17 1 Korintiërs 9:27 Net een pa (Wees heel bl. 68 ) Eksodus 20:12 Psalm 68:5 Psalm 103:13 Spreuke 3:11-12 Matteus 23:9 Johannes 10:28-30 Uit goeie hout gesny (Goedvoel bl. 26 ) Job 24:20 Spreuke 26:20 Esegiël 37:7 Lukas 3:9 Romeine 11:16 1 Korintiërs 11:16 Openbaring 2:7…

‘Dis mos kitsch?” vra my seun terwyl hy ’n voorwerpie op sy hand na my toe uithou. Ek neem dit haastig by hom. “Nooit! Dis al wat ek vir myself in Jerusalem gekoop het. Dis silwer!” Hy lag. “Mens kry silwer-kitsch ook, nè” Wanneer hy weg is, bekyk ek die piepklein katjie met lief-de. Beswaarlik sewe sentimeter hoog tot die punt van sy regop stert. Egte silwer. Swaar. Ek het die katjie by die Israel-museum gekoop en hy was inderdaad duur. Maar onweerstaanbaar. Versigtig sit ek hom weer voor Bernice se geskenk neer: twee kosbare glaskershouers met die donkergroen, pers en wynrooi uitbeelding van Jerusalem se Ou Stad-silhoeët daarop. Onmiddellik tel die silwer dié skakerings op. In die lig wat deur die groot raam agter val, glans kleur uitbundig oor…