Tabla de contenidos para January 2017 en Lééf

‘God is my redding en my krag. Hy is my rots, my sterkte, God is my toevlug’ PSALM 62:8 Vandag is gepas ’n grys en bewolkte dag. Die voëls in die bome voor die venster is stil. Tot laatnag nog het bemoedigende boodskappe van vriende en geliefde kollegas my foon laat piep. Ek self het gesukkel om aan die slaap te raak, want gister het ons finaal verneem dat Lééf nie langer as hierdie uitgawe sal bestaan nie. Vir my voel dit soos die afstaan van ’n geliefde aan die dood en ek beleef die fases van rou in die bestek van ’n enkele dag. Lééf was vir meer as 11 jaar die middelpunt van my daaglikse doen en late. My opstaan en my slaap is dikwels deur die ritme…

Nooit alleen Ons verdwaal so maklik in die chaotiese wêreldgebeure en situasies wat ons lewe ruk. In die verwarring voel dit of ons soos ’n veertjie in ’n sikloon rondgeslinger word. Dan word “weet” en “vertrou” ’n vae herinnering wat in die verskrikking van onsekerheid verlore gaan. Maar as die gemene wind van siekte, ’n stukkende huwelik, finansiële sorge, opstandige kinders of gebroke verhoudings jou hare pietsend in jou oë waai, is dit tyd om weer vir ’n oomblik stil te staan en te onthou hoe belangrik dit is om terug te kyk na God se geskiedenis en Sy ontwyfelbare teenwoordigheid in jou lewe. Om die jotas en kleinste tittels van Sy almag in oënskou te neem en Hom weer vars en nuut te herontdek en vertrou! Mag God se…

iets om weg te gee Skenk dít wat jy in jou huis het (en wat in ’n goeie toestand is), maar wat jy nie laas jaar gebruik het nie. iets om te skryf Skryf ’n gedig aan jou geliefde of ’n beste vriendin – nie per e-pos nie, maar met pen op papier. iets om raak te sien Enige onverwagte besoeker wat jou kom herinner hoe naby die ryke verskeidenheid van die natuur is. iets om te onthou Blaai deur ’n foto-album van ’n reis na ’n plek met besonderse betekenis vir jou. iets om te doen Gaan stap deur die buurt en leer ken jou omgewing. Dit bly die allerbeste oefening. iets om te eet Smul aan garnale of seekos met aartappelskyfies en ’n ligte groenslaai – ideaal vir…

VERBRUIKERSGIDS Big Blue 012 346 4717 Cotton On 012 346 8745 Milk & Honey 012 346 3733 The Space 012 346 3984…

Somergeure Jo Malone Basil & Neroli Cologne is vars en somers. R815 vir 30 ml. John Varvatos Artisan vir mans ruik na sitrus en hout. R1 395 vir 125 ml. Raad met pigmentasie Ek het onlangs ’n professionele afskilferingsbehandeling met kosmetiese Dermaceutic-produkte probeer en was beïndruk met die resultate. Die terapeut Ingrid Katz van Pure Aesthetics Skin*Health beveel ’n reeks Mela Peel-behandelings aan vir almal wat met pigmentasie sukkel. Dit versterk die vel en help om pigmentasie te beheer deur die produksie van melanien te onderdruk. Deur die boonste vellagie af te skilfer word bestaande pigmentasievlekke ook verminder. Skakel 011 485 2887 vir meer inligting. ‘Iemand wat nie omgee vir komplimente of blaam nie, het vrede in sy hart’THOMAS À KEMPIS Modelwenke Die model Caroline Murphy (42) is reeds meer…

DIE SANGER EN AKTEUR MARNO VAN DER MERWE GLO DRIE DINGE SORG VIR SY SUKSES: GELOOF, GENADE EN AANHOU. Jy het onlangs eers jou debuutalbum uitgereik, maar is al ’n geruime tyd op TV, in flieks en in produksies te sien. Hoekom die lang wag? Ek het nog heeltyd opgetree, geskryf en ook na die regte klank vir my liedjies gesoek. Alles het in 2014 bymekaargekom toe die vervaardiger Harshn Reddy my genader het om saam met my te werk. Die laaste twee jaar was egter van my besigstes tot nog toe met TV-werk in Roer jou voete, Sterlopers, Varsity sing en en flieks soos Modder en bloed. Ek het ook ’n voltydse krav maga-kursus in die Kaap gedoen (’n gevegskuns van die Israeliese weermag met tegnieke van judo,…

‘Ek kan nie dink met skoene aan nie. My brein brand’ Varsbabatjietyd het my oudste reeds sy vuisies uit sy komberskokon gewriemel en sy voete uit sy babasokkies gewoel. Wanneer hy homself uiteindelik oopgeskop en met sy arms en tien waaiertoontjies uitgesprei buite sy kombers gelê het, het daar ’n uitdrukking van geluksaligheid oor hom gekom. Dan het sy steungeluide in ’n vrolike gekweel oorgegaan. Dit was duidelik: Hierdie mannetjie wou nie vasgedruk wees nie. Ek het van vroeg af geweet skoene is nié vir hom nie. Tog het ek probeer. My eer was immers op die spel. Wanneer ons Sondae kerk toe gaan of as gesin ’n openbare plek besoek, het ek gepor: “Daardie nuwe kerkskoene gaan so mooi by jou donker broek lyk.” Of: “Almal gaan skoene aanhê…

‘As jy dit nie vir ’n honderd kan doen nie, doen dit vir een’ MOEDER TERESA ‘Een vir een gaan dit oor die hóé eerder as die hoeveelheid’ LINDIE STRYDOM Ek is ’n bietjie-van-alles-mens. Ek geniet die variasie en afwisseling waar nie een dag soos ’n ander een verloop nie. Tog is dít die einste ding wat jou in honderd rigtings gelyk laat hardloop! Dis dodelik vir iemand soos ek wat vir seker ’n mate van aandagafleibaarheid het. Met duisende stemme wat skree om aandag en ’n hart soos Paulus s’n, wat in die naam van die Evangelie vir almal wil wees wat hulle nodig het, ly ons almal maar aan ’n mate van dwalende aandag en fokus. Ek maak nie die voorneme vir ’n eenvoudiger lewe ná ’n vakansie…

‘Ons missie is om sover moontlik elke deel van dier en plant te benut’ Gebruik jy net sekere dele van kosprodukte en gooi die res weg? Met die inspirerende resepteboek Tasty WasteNOTS (Human & Rousseau) wil Sally-Ann Creed en Jason Whitehead ’n nuwe era van kosmaak inlui waar elke kriesel van alle voedselbronne en bestanddele sinvol en smullekker gebruik word – en niks vermors word nie. Die boek bevat resepte vir ontbyt, voorgeregte, soppe en slaaie en hoofgeregte (vir vleiseters en vegetariërs). Daar is ook allerlei versnaperinge, smoothies, pastas, pesto’s, doopsouse en nageregte, asook ’n afdeling oor braai. “Dit gaan oor die basiese beginsels: om enkelbestanddeelkosse te eet, egte kos, of soos ek daaraan dink, eerlike kos,” verduidelik Sally-Ann, ’n voedingsterapeut, skrywer, spreker en produkontwikkelaar. “Kos wat jou ouma sou…

Soetloop deur E. Kotze (Kwela Boeke, R285) Waar klein Kattie onder die kombuistafel sit, luister sy fyn na die familiestories van haar vele broers en susters oor hoe hul voormense deur bloedfamilie beroof is… In Soetloop keer die skrywer terug na haar geliefde milieu: die Weskus. Nes in Hoogty kry ons meelewende insig in ’n huwelik wat nie altyd maklike keuses bied nie. Op vlerke van geloof deur Riekert Botha (Christian Art, R250) Die skrywer is ’n tentmaker-leraar en was voorheen predikant van die Baptistegemeente op Vredendal in die Wes-Kaap. Riekert is die skrywer van die bekende Pleisters van die siel-reeks. Sy bundel dagstukkies bied vars insigte oor hoe om jou geloof eenvoudig en kragtig uit te leef asook inspirasie vir ’n doelgerigte lewe. ‘Al is dit Afrikaans, verstaan Emily…

‘Ons kan nie die teenwoordigheid van God vermy nie. Die wêreld is gepak met Hom’C.S. LEWIS ‘Onthou, Ek is by julle, al die dae…’ (Matt. 28:20) Ek bly mos by die see. In die somer stap ek graag soggens strand toe – dis net twee blokke weg. Eers koel ek in die water af en dan gaan bak ek droog in die son – vyftien minute aan ’n kant! Dis al. Daarna maak ek my handdoek, hemp en plakkies weer bymekaar en stap terug. Dis my ritueel. Ek lees boek as ek so lê of ek luister net na die gebreek van die golwe of die gekrys van die seevoëls. Ek vóél hoe voel die warm sand, ek rúík die seereuke! As mens lank genoeg na die wolke of die…

Ek wil my hoop op U gevestig hou, U, my Sterkte, want U is my veilige vesting!’ PSALM 59:10 Wat is jóú gunstelingwoord in die Bybel? In samewerking met afrikaans.com, waar Afrikaans gevier word, vra ons lesers om hul gunsteling- Afrikaanse Skrifgedeelte of woord in die Bybel te deel. Vandeesmaand se woord is hoop. hoop s.nw [geen mv] 1 verwagting: vooruitsig; iemand hoop gee; goeie hoop hê. 2 dit waarvan mens iets goeds verwag: vertroue dat jou verlange/verwagting werklikheid sal word; jou hoop op sukses stel. Die hoop beskaam nie: heel dikwels kry ’n mens waarop jy hoop. (HAT, 6de uitgawe, Pearson 2015) Lees meer op afrikaans.com of sê jou sê op ons Facebookblad, www.facebook.com/leef.tydskrif…

Die geliefde, ou kelim voel bekend onder my hande toe ek dit uit die stoorkamer gaan red. Alles om my in ons nuwe woonplek is nog woes en leeg. Maar die uitrol van die mat help. Ek is skielik meer tuis, ’n Bedoeïen wat ná ’n lang dag op ’n kameel se rug met sonsondergang weer haar eie mat onder haar voete voel. ’n Mens moenie vaskleef aan jou goed óf jou verlede nie. Maar die kelim laat loop my kop soos ’n bok op sy bekende paadjie water toe. Ek is skaars tien toe Ma die dag ons al vyf in die kar bondel om te gaan mat koop in die Kaap. Die vooruitsig om in die stad te kom, is genoeg om my die vorige nag omtrent nie…

‘Ek bekommer my nie te veel oor die toekoms nie. Ek is gelukkig, ek voel of al my drome waar word’ Christia Visser is ’n verkleurmannetjie wat ewe gemaklik Shakespeare vertolk en gehore kan laat skater in ’n romkom. Sy is jonk, vol energie en reis lig. Ander jonges wik en weeg nog oor hul toekoms, maar op 24 ry die talentvolle Christia die golf van sukses. Dié bekroonde aktrise laat haar nie kniehalter deur vyf- en tienjaarplanne nie. Daarvoor is sy veels te jonk, te sorgvry en tans ook heeltemal te besig. “Ek het nog niks vasgemaak vir die nuwe jaar nie, maar die regte ding sal op die regte tyd kom. Ek bekommer my nie té veel oor die toekoms nie. Ek is so gelukkig, want ek voel…

Orden en versog daadie hartsgoed waarvan jy nie ontslae kan raak nie só dat hulle blywende, sigbare vreugde kan verskaf een van die versugtinge wat gereeld aan die begin van ’n nuwe jaar gehoor word, is: Vanjaar gaan ek rustiger lewe. Ek gaan nie my dagboekblaaie so volstop nie. Ek gaan leer om nee te sê. En ek gaan my leefruimtes vereenvoudig. Als wat onnodig is, moet weg! Ek gaan plek maak in my kop, my hart, my gees, my klerekaste, op my tafelblaaie en my agterstoep. Ek wil asemhaal. Ons skop die jaar af met die Groot Skoonmaak. Ná ’n maand steek nie een van die edel voornemens om te orden en minimalisties te leef meer onder die stapels lessenaarpapiere uit nie. Klere word weer haastig in die kas…

...jy kán ’n verskil aan die voorkoms van selluliet maak deur jou lewenstyl aan te pas Hoekom sukkel ons met selluliet? Selluliet is vetweefsel wat onder die boonste laag van die vel saampak en die oppervlak onegalig laat lyk. Vroue is meer geneig tot selluliet te ontwikkel vanweë ons biologiese samestelling. Selluliet ontwikkel dikwels tydens puberteit, swangerskap en menopause. Navorsing toon hoewel jou hormone ’n groot rol speel, is daar ook ander faktore wat tot sellulietvorming lei. Stres, swak bloedsomloop, ’n ongebalanseerde dieet en gebrek aan oefening vererger die voorkoms daarvan. Die goeie nuus is, jy kán ’n verskil aan die voorkoms van selluliet maak deur jou lewenstyl aan te pas. Jy moet dit egter elke dag behandel. Sellulietbehandeling is ’n voortdurende proses wat deel van jou daaglikse skoonheidsroetine en…

Maandag Staan op! In Filippense 3:13 sê Paulus: “Ek maak my los van wat agter is en strek my uit na wat voor is.” Maak jou los van die ou jaar. Sit ’n kaartjie met die woorde “Strek my uit na wat voor is” in jou beursie. Wanneer jy vir iets betaal, en die kaartjie sien, onthou dat God jou nooit alleen sal laat op jou reis deur 2017 nie. Dinsdag Dink nuut! Dit help nie jy maak lysies met Nuwejaarsvoornemens nie. Skryf “Laat God julle verander deur julle denke te vernuwe” (Romeine 2:2) op ’n kaartjie. Sit dit ook in jou beursie of handsak. Vra die Here om jou hart en denke te verander. Dan sal jy nuut begin leef. Woensdag Liefde maak nuut Kyk nuut na jouself. Jy…

1 Roep uit “Ek roep na God, die Allerhoogste, na God wat my sal help” (Psalm 57:3). Dalk het jy ook al ’n laagtepunt in jou lewe bereik en gewonder: As God alles weet – ook wat in my hart en gedagtes aangaan – waarom moet ek dan nog bid? Hy kan tog sien waardeur ek nou gaan! Ja, God weet wat in ons hart en gedagtes skuil en Hy kan selfs die sagste fluistering van Sy kinders hoor. Maar wanneer ons desperaat genoeg is om tot Hom uit te roep, doen ons dit in nederigheid. Dan gebeur iets kragtigs: Ons Vader gryp in en red ons. Hiervan getuig die een ná die ander gebeurtenis in die Woord. Die volk van Israel roep uit dat God hulle tog net sal…

‘Dit was asof my verhouding met myself verby was,” sê Lisa-Jo Baker, skrywer van Surprised by motherhood: Everything I never expected about being a mom, oor die uitdagings van ma-wees. “Daar is immers dinge omtrent myself en my ou lewe waaroor ek mal was: laatmiddagslapies, spontane fliekaande, om rustig te kan sit en eet sonder dat iemand my aandag opeis! “Maar dan maak kleingoed hul opwagting en keer jou lewe op sy kop. Dit kan ’n reuse-ontwrigting wees en ’n mens het tyd nodig om weer jou voete te vind en te aanvaar dat jou verhouding met jouself soos jy dit geken het, verby is.” Dis die werklikheid van ouerskap. Saam met die vreugde, seën en liefde betaal jy ’n hoë prys: emosionele uitputting, stres, frustrasie en ’n verlies aan…

Die groot loodglasvenster, ’n visioen in fabelagtige bloue wat die vooraansig van Renette Buitendag se huis in Waterfall Country Village Estate oorheers, vul mens met verwondering. Renette se opdrag aan die loodglaskunstenaar Jeanne Dalton van Centurion was om haar eie weergawe te skep van Marc Chagall se Stam van Reuben uit sy Venters van Jerusalem-reeks, wat in die Abbell-sinagoge van die Hadassah Universiteit Mediese Sentrum in Jerusalem pryk. Tydens die konstruksie van haar nuwe tuiste het Renette besluit om ’n weergawe van die Reuben-venster in ’n ander vorm te laat maak. Renette het Jeanne opdrag gegee om al die elemente van Chagall se Reuben-venster, soos die voëls, visse, son ensovoorts, te herverdeel in agt vensterpanele en om die Chagall-gevoel te behou. In Mei 2016 het Jeanne begin met die tekeninge…

In die shul met Rosh Hashanah ’n paar weke gelede lig die leier die tallith van sy skouers af oor sy hoof. Hy druk die tzitzit wat die Allerhoogste se Naam bevat vir ’n oomblik teen sy lippe. Toe neem hy die shofar op en die evokatiewe klanke stuur ’n siddering deur ons. Die jaar 5777 is ingelui. Met die verskyning van hierdie uitgawe staan ons ook by 2017. As ek na die wêreldgebeure rondom my kyk, is dit kompleet asof ek die natrilling van die ramshoring in my binneste voel. Koudheid wil my hart omvou. Tog, het Yeshua dan nie gesê as ons hierdie dinge sien gebeur, moet ons bly wees omdat ons verlossing naby is nie? “Here, maak my bly!” prewel ek. Ek gaan sit op my geliefde…

Die Gees van die Here my God het oor my gekom; die Here het my gesalf om ’n blye boodskap te bring aan die mense in nood, Hy het my gestuur om dié wat moedeloos is, op te beur, om vir die gevangenes vrylating aan te kondig, vryheid vir dié wat opgesluit is, om aan te kondig dat die tyd gekom het waarop die Here genade betoon, die dag waarop ons God sy vyande straf maar almal wat treur, vertroos, die dag waarop Hy vir dié in Sion wat treur, eer gee in plaas van smart, vreugde in plaas van droefheid, blydskap in plaas van hartseer. Hulle sal genoem word: Bome van Redding. Die Here het hulle geplant om sy roem te vermeerder. JESAJA 61:1-3…

Loop en vra Op Kimberley het mense gereeld aan ons voordeur kom klop vir hulp. Ons het nooit geld gegee nie, maar ná ’n werkie sou ons help met kos, klere, komberse, ’n warm bad en soms ook skoolgeld betaal. Een vrou bly my deur al die jare by. Sy het gereeld kom vra en geduldig met die tuinvurkie onder die koelteboom gesit en onkruid uithaal terwyl ons vir haar tee gemaak het. Soms het ek by haar gaan sit en gesels en my verwonder aan haar lewenstorie en wyshede. Die alkohol het geleidelik sy tol begin eis. Een oggend staan sy weer daar en sê: “Ek is net iemand wat loop en vra.” Van toe af sou “Loop en vra” sonder die tuinvurkie onder die koelteboom sit, haar tee…

Dagboek 2 Januarie is Tweede Nuwejaar, ’n tradisie uit die slawetyd. Dans saam met die Kaapse Klopse in Darling-, Adderley-, Waal- en Rosestraat in Kaapstad. 26-29 In midsomer kan jy salig op die Breederivier dryf en musiek luister by die Up the Creek-musiekfees in Swellendam. www.upthecreek.co.za 28-29 Delheim-wynlandgoed se Begin van die Oes-fees is terug ná ’n verwoestende brand op die Simonsberg in 2015. Druiwetrap, vatrol-resies, kosfees. R100 p.p. en R80 vir kinders. Bespreek by 021 888 4607. tot 30 April SA se eerste drywende waterpark is ’n speelplek met hindernisse van opblaasbare glybane, kussings, springmatte en brûe. StokeCity, Wakepark in Midrand. 011 314 3589 www.stokecity.co.za ons gee om Daar is kinders wat nie kan glimlag nie. Smile Foundation is ’n Suid-Afrikaanse nieregeringsorganisasie met ’n omvattende gesondheidsvisie vir kinders wat…

‘Geliefde, gee jou heelhartig oor aan Jesus Christus, want Hy het jou lief. Soos jy drink uit die diep put van die Woord, sal die Here jou verkwik en jou reinig, Hy sal jou vorm en herskep deur sy Lewende Woord. Want die Bybel is immers die asem van God, wat ewige lewe gee aan dié wat Hom opsoek’FRANCINE RIVERS…

Glo is nie om altyd met sekerheid te leef en nooit te wonder nie. Veel eerder is geloof ’n seereis na die onbekende waarop jy soms duidelike kompastye beleef, maar ook dikwels onseker ronddobber. Met tye is mens bang vir die oorweldigende lewensgolwe en die donker van die nag. Ander kere wonder jy selfs skuldig waarom jy dan nie altyd onwrikbare sekerheid het dat Hy daar sal wees nie. Maar juis omdat geloof ’n verlede en toekoms het, is vorentoe gaan soms… om terug te kyk. Dis om vir ’n oomblik anker te gooi, jou teleskoop vir ver kyk uit te haal en weer te sien waar jy vandaan kom. Dis om terug te dink aan al die vorige twyfeltye en veral te dink aan hoe onbeskryflik groot die genade…

Dat kinders grootmaak uitdagings bied, is nou maar eenmaal so, maar jy kán voorkom dat dié uitdagings ’n huwelik met spanning, woede, bitterheid en onopgeloste konflik vergiftig. Só kan jy goed wees vir jou kinders, jou huwelik én jouself: 1 Weet wanneer is genoeg genoeg Moenie ’n supermens probeer wees nie, al vra ouerskap dit soms van jou! Erken jou beperkings en gee voorkeur aan slaap, oefening en gesonde eetgewoontes sodat jy meer jouself kan wees. 2 Wees getrou Fokus op die rol wat God jou geroep het om te vervul eerder as op die uitdagings. Om getrou te wees aan jou roeping beteken jy is suksesvol, al voel dit nie noodwendig so nie. Herinner jouself in moeilike tye ook dat jy en jou man in dieselfde span is en…

‘Alle probleme is illusies van jou gedagtes’ECKHART TOLLE Om vrylik en waarlik te aanbid Elke kind van God wil Hom vrylik en met oorgawe aanbid. Maar soms is dit asof iets voor jou gedagtes inskuif en net daar bly vassteek. Hoe nou gemaak? Bid. Vra God om die ding te verwyder wat jou gedagtes gevange hou. Sien hoe jy dit aan Hom oorhandig. Vra Hom om vir jou helderheid te gee. Wees net. Dikwels is ware aanbidding die stille wete dat Hy alles is. Dis om te ervaar dat Hy wat ryk is, jou arm gees vol maak. ALIZA LATTA, (in)Courage Moenie van feesvier vergeet nie Nehemia 8:11 sê: “Gaan eet ’n lekker maaltyd en drink soet drankies. Deel ook van die kos met mense wat niks voorberei het…

‘Dit verg 'n groot hart om klein mensies te help vorm’ Anoniem Daar word deesdae baie klem gelê op voorkoms en status. Kleuters sien dit by volwassenes en val daarby in. Kinders wat nie by die groep inpas nie, word maklik uitgestoot. Die gevolg is dat daar van vroeg af reeds baie druk op jong kinders is oor klere, hare en selfs die soort kosblik of skooltas. Leer die kinders dat voorkoms of besittings nie bepaal wie jy regtig is nie. Prys kinders oor niemateriële dinge – wanneer hy of sy ’n maatjie troos, of ’n maat help om ’n skoenveter vas te maak. Hou jou oë oop vir die skaam en eenkantkind. Betrek hom of haar by aktiwiteite of spesiale opdragte. Oppas dat jy nie self ook kinders oordeel…