Tabla de contenidos para November 2015 en Lééf

Teken nóú in op – kry 30% afslag én wen dalk ’n geskenkpak van Beaucience ter waarde van R2 000! Teken vandag nog in op Lééf – met hart & siel en kry 30% afslag – dis slegs R36,30 per uitgawe (posgeld ingesluit). Jy kan ook een van vyf gelukkige lesers wees wat ’n Beaucience- geskenkpak ter waarde van R2 000 wen! Elke pak bevat ’n grimeersakkie, Botanical Cleanser, Botanical Exfoliator, Botanical Toner, Natural Serum, Botanical Masque, Botanical Day & Night Moisture Cream For Dry Skin, Botanical Day & Night Moisture Cream For Normal To Combination Skin, Botanical Eye Rescue Gel en Botanical SPF 15 Day Cream. Beaucience is ’n trots Suid-Afrikaanse velsorgreeks wat fokus op organiese bestanddele sonder enige parabene. Besoek www.beaucience.co.za en Beaucience se Facebookblad: Beaucience, of skakel…

Sy is die mens-ma van ’n hele kaboedel diere: altesame 16 jagluiperds, 6 luiperds, 5 leeus, 6 rooikatte, 5 vlakvarke, 15 wildehonde, 52 bobbejane, en ’n stinkmuishond. Voeg haar driebeenjagluiperd, Lucky, van Volkswagen Polo-advertensiefaam by, en haar dierekroos trek by 107. Verder praat sy die Ju/’oansi-dialek van die San-mense vlot, speel op 39 nog vir Namibië netbal en ruil oor e-pos gesinsfoto’s met die aktrise Angelina Jolie uit. Google haar, en die soektog spoeg resultate uit soos “The Cheetah Wisperer” en “The Lion Girl”. Marlice van Vuuren, heuningblond en bruingebrand, is die glansgesig van bewaring soos haar beroemde vriendin die glansgesig van Hollywood is. Kykers het vroeër vanjaar in die omgewingsprogram Groen: Namibië op kykNET nader kennis gemaak met die bewaringswerk van Marlice en haar man, Rudie (43). Die 13…

Ek is klein. Ek staan langs my ma in die kerk en ons sing: “Soos ’n hert in dorre streke, skreeuend dors na die genot van die helder waterbeke, skreeu my siel na U, o God.” Ek hoor die noodkreet en smagting en wanhoop in die orrelklanke en woorde van die psalm, al verstaan ek nie wat ons sing nie. Die lied loop aan en aan, tot by die slotwoorde: “Hoop op God, in Hom weer rustig! In Sy lof sal ’k my verlustig.” Al het ek eers veel-veel later in my lewe begin verstaan wat die Psalmdigter met dié woorde wou oordra, het ek daardie oggend reeds iets ervaar van veilig en versorg en beskut wees in die Teenwoordigheid van die Almagtige God. Die skrywer van Psalm 42 was…

Die skoonheidswêreld het die laaste dekade in twee dramaties verskillende rigtings beweeg. Aan die een kant is ’n strewe om suiwer organiese produkte te vervaardig; aan die ander kant tegnologies gevorderde superprodukte en -behandelings wat help om die vel se jeudige voorkoms te bewaar. Aan die natuurlike kant word die krag van botaniese ekstrakte ingespan, sommige hiervan so oud soos die mensdom self. Al hoe meer vroue stel deesdae in natuurlike velsorgmiddels belang wat ook daarop ingestel is om nie die omgewing skade aan te doen nie. Vir aanhangers van ’n natuurlike leefstyl is organiese kos en huishoudelike skoonmaakmiddels sonder chemikalieë maklik bekombaar en daar is ’n ál groter verskeidenheid groen skoonheidsprodukte om van te kies. Dié produkte bevat geen skadelike bestanddele nie en word in herwinbare verpakkings verkoop. Natuurlike…

Strome drawwers het op 29 Augustus SuperSportpark in Centurion in pienk getooi tydens die 2015 SPAR Women’s Challenge. Vanjaar se tema was #SteppingFor. “Gemeenskapsbetrokkenheid is vir ons baie belangrik,” sê Jerome Jacobs, bemarkingsbestuurder van SPAR North Rand. “Vanjaar het dit daaroor gegaan om van jou eie behoeftes te vergeet en in te tree vir iemand minderbevoorreg.” En dit het die Pretorianers gedoen! Meer as 25 000 mense het aan dié been van die SPAR Women’s Challenge deelgeneem. Die SPAR Women’s Challenge is bekend as die gewildste en mees inklusiewe padwedloop in die land, waarin van Olimpiese atlete tot jan alleman saam draf om ’n verskil in die gemeenskap te maak. ’n Persentasie van die wins is tussen SPAR se begunstigdes verdeel: die Chrysalis-stigting, Cupcakes4 Kids With Cancer, die Hanna-stigting, HelpNet,…

Maandag Die aarde behoort aan Hom God het die hele wêreld geskep. Alles behoort aan Hom. Van ewigheid tot ewigheid is dit Syne. Kyk met nuwe oë na Sy Skepping. Word stil. Laat toe dat God jou leer deur dít wat om jou is. Dinsdag Die aarde wys Sy grootsheid Gaan stap ’n entjie. Kyk rondom jou op die grond. Wat sien jy? Klein miertjies? Groen sprietjies tussen randstene? Mossies op die sypaadjies? Besies en spinnekoppe en kewers? Dalk ’n skoenlapper? God het álles gemaak. Geen mens kan dit doen nie. Dink daaroor na: Dit is die handewerk van die God wat jy aanbid. Woensdag Luister fyn! Stap veld toe. Of na ’n parkie. Of see toe. Luister na die natuur. Hoor die stilte. Die wind. Die geluid van ’n…

Jy het onlangs van Johannesburg na Knysna getrek. Wat het jou dié besluit laat neem? Ek het getrek om gelukkiger te wees. Dis mos maar die ou vraag: Wat gaan my gelukkig maak? Ons dink ons gaan gelukkig wees as ons ons doel op aarde vervul. Ons probeer dag in en dag uit ons doel vind – gefokus op die eindbestemming. Maar ons doel is nie ’n plek nie – dis ’n reis. Ek het besef ek moet ophou lewe vir môre. Ek wil vándag gelukkig wees, nie eendag nie. Ek dink daar waar liefde is, is ons gelukkig. Die berge, see, wolke en bome is beelde van God se liefde en dis wonderlik om daarmee omring te wees. Dit maak my ’n beter mens en gee my inspirasie vir…

Onlangs swaai ek in by ’n plaashek in die Karoo. Agter die klipmure wag ’n verhaal. Een wat ’n paar jaar gelede begin het toe ’n man en vrou, albei jare lank stedelinge, een dag by die einste plasie in die Karoo ingedraai het. Vir Karel en Heleen de Haas was dit die begin van ’n droom, een wat hulle glo die Here in hulle hart geplant het. Daar is mense met ’n gawe of roeping om plekke op hierdie aarde te skep wat jou gelukkiger, gesonder en vryer daar laat uitstap as toe jy daar ingestap het. Hulle doen niks vreemds nie. Iets van wat hulle is, laat bloot dít wat jou in ’n soms onherbergsame wêreld steur, vir ’n wyle vervaag. Die vrede wat hulle met hulle saambring,…

1 Dié reeks pragmateriale in aardse skakerings is uit Hertex se Futuro-reeks. www.hertex.co.za 2 Plaisir de Merle Cabernet Sauvignon 2011 proe na donkerrooi vrugte en ’n tikkie swartbessielikeur. R175. 3 The Nutcracker Country Retreat is ’n lieflike onthaalplek op die plaas Schurwedraai, 15 km buite Parys in die Vrystaat. Dit is ideaal as jy graag ’n landelike troue wil hê. Daar is ’n pragtige onthaal- en opelugarea en ’n kapel. Verblyf is ook beskikbaar. www.thenutcracker.co.za 4 Old Town Italy in Umhlanga is ’n mekka van eg Italiaanse kos met ’n kombinasie van kosstalletjies, deli-toonbanke en hoekies om te sit en eet en kuier. www.oldtown.co.za 5 Strandveld Suikerbekkie 2012 is ’n edel, ietwat droër as gewoonlik, laatoeswyn uit die Elim-distrik. R210. 6 Yonder Hill Inanda 2013 is die perfekte pasmaat vir…

In die donker put  deur Johan Smith Johan Smith vertel hoe hy en sy gesin deur sy seun Dirkie se stryd met depressie geraak is en hoe sy eie uitbranding hom voor sy menslikheid te staan laat kom het. Hy stel ook ander aan die woord wat hulle verhale deel en raad gee. Die boek sluit af met praktiese wenke om depressie en uitbranding te herken, hanteer en oorkom. Die rakprys is R139,95. Lééf- lesers kry egter 10% afslag. Neem jou November-uitgawe na jou naaste CUM-boekwinkel om te kwalifiseer. Kyk uit vir die Lééf-keuseboek-plakker. Geldig tot 30 November 2015. Lééf luister na... As Family We Go Rend Collective Die Ierse folk-rock troebadoere is terug met ’n vyfde aanbiddingsalbum – so opreg én jolig as wat ons aan gewoond geraak het…

So goed soos ’n ouer In 2010 was Hesti Fourie (35) – nou Afrikaans-onderwyser aan die Hoërskool Rietvale in Ritchie in die Noord-Kaap – op die rand van uitbranding en het sy besluit om uit die onderwys te bedank… Aan die begin van 2013 het sy egter haar CV afgestof en na die enigste hoërskool op dié dorpie gery. “Vandag weet ek my ‘skielike bevlieging’ om weer onderwyser te word was eintlik die innerlike oortuiging van die Heilige Gees. God het vir my ’n plekkie by Hoërskool Rietvale voorberei waar Hy my wou gebruik. “Die aanpassing om van ’n stedelike uitblinkerskool ná ’n sogenaamde ‘onderpresterende’ skool te skuif, was glad nie maklik nie. My oë het oopgegaan vir die realiteite waarmee landelike skole en gemeenskappe elke dag moet saamleef. Armoede…

Intekenaar van die maand  Anne-Marie van Heerden (55) van Krugersdorp “Ek het die voorreg gehad om vir jare my passie vir kinders in die onderwys uit te leef, maar ek het in April uitgetree om meer tyd aan die voete van Jesus deur te bring.” VOLTOOI DIE SIN: LÉÉF IS MZ GUNSTELING-TZDSKRIF, WANT… die kleur en skoonheid van elke foto, die inspirerende verhale, en die artikels spesiaal vir vrouwees voed my siel en laat my toe om in my huis die skoonheid van vrouwees uit te leef. WAT WAS DIE GROOTSTE LEWENSTRZD WAT JZ MOES OORKOM? Ek is getroud met ’n wonderlike man en God het my met twee kosbare seuns geseën, maar my lewe het onherroeplik verander met die dood van my oudste kind op 26. WAARIN VIND JZ…

Teken nou in of hernu jou intekening (ook digitaal) en jy’s dalk die gelukkige intekenaar wat in Maart 2016 saam met Lééf gaan toer – ’n fantastiese prys ter waarde van meer as R33 000! Ons trek tot Desember 2015 elke maand die naam van een nuwe intekenaar. Uit die nege finaliste (April tot Desember) wys ons ’n wenner aan wat saam met Lééf in Israel gaan toer. Die sluitingsdatum vir die agste finalis: 15 November 2015. Wedstrydreëls op bl. 105.…

Erdekruike Kleintyd het hulle ons geleer om te sing: “Ek’s ’n dapper muis. Kyk hoe stap ek deur die huis. Daar is niks waarvoor ek skrik nie.” ’n Liedjie waaraan ek en die res van my uittand-maatjies lustig kon meedoen. Daar was immers ’n soet binnekring vir ’n minder brawe muis: ’n ma se skoot waarin sy haar gesig kon verberg as ’n rolprenttoneel iets uitbeeld wat vae vermoedens oor ’n minder vriendelike wêreld bevestig het. Die wêreldgeskiedenis is vol mense met heldemoed, emosionele soldate wat op die oog af sonder gly of val tree vir tree teen winter en ontnugtering kon bly voortbeweeg. Die res van ons is minder goed in die sukkelveld. Ons doen die sissie-ding en koes sover ons kan vir seerkry. Ek het as kind vir…

‘Skoonheid is deur God geskep vir ’n doel: Om ons in verwondering te laat. En verwondering is bedoel om ons te lei na die hoogste menslike uitdrukking en voorreg: aanbidding van God. Skoonheid is ’n geskenk én ’n padkaart – ’n padkaart wat geniet moet word en met lofprysing en dankbaarheid gevolg moet word na die oorsprong van alle skoonheid’STEVE DEWITT…

Sonskyngeur Tommy Hilfiger Woman Flower Marigold Eau de Parfum ruik na gousblomme en vul jou dag met sonskyn. R725 vir 50 ml. Jo Malone Mimosa & Cardamom Cologne is ’n soetsagte, boheemse geur met die reuk van mimosabloeisels, kardemom, damaskusroos en sandelhout. R1 480 vir 100 ml. Uit die natuur Team Dr. Joseph High Tech Natural Cosmetics is ’n splinternuwe reeks skoonheidsprodukte wat die krag van plante en gevorderde tegnologie kombineer om jou vel te versorg. Die produkte is afkomstig uit Italië en word gemaak van suiwer plantekstrakte. Om uit te vind waar dit te koop is, kontak Renate@futurethis.co.za. Lees meer op die webwerf www.teamdrjoseph.com Nuut op die rak 1 Slim sonsorg. Babor Anti-Aging Sun Care Sun Cream SPF30 bevat ’n kragtige teenverouderingskompleks. R597. 2 Spalicious Muscle Relief streel seer…

“Die omgewing se plantegroei en aardse kleure was die inspirasie vir baie van my interieurkeuses,” vertel Julie. “Alles hier staan in die teken van eenvoud en tog is dit so spesiaal.” “Daar is baie dinge wat bepaal hoe ’n mens ’n plek of ruimte ervaar. Ons het vooraf op ons omswerwinge ’n studie gemaak van wat ander op ons stoepe welbehaaglik en versorg kan laat terugsit.” Karoo View Cottages is ’n varslugervaring, ’n plek waar jy soggens die son oor die Swartberg kan sien stort sodat jy die stadige, stil gang van dinge kan beleef tot die son in die laatmiddag weer in roomkleure begin groet. Dit het egter bloedsweet geverg voordat Richard en Julie uiteindelik ’n eie Karoo-uitsig kon bewerkstellig. “Ons het in 2009 ons karavaan hier kom parkeer…

Leef vandag in die lig! Psalm 18:19 sê: “O Here, U is die lig in my lewe. As U by my is, verdwyn die donker” (Die Boodskap). Het ek dit maar vroeër geweet! Ek het 25 jaar lank my donker verlede net daar gehou – in die donker. Ek het gedurig oor my ouers en my kinderjare gejok! Niemand moes ooit uitvind dat ek seksueel gemolesteer is nie. Ek het die vyand se leuens geglo en was in sy wurggreep: “Skaam jou! Dis alles jou skuld. Jy is ’n swakkeling. Jy is nou ’n tweedehandse meisie. Niemand sal jou liefhê nie.” In my onkunde het ek geglo ek kon wegstap van my pyn en skaamte toe ek my ouerhuis verlaat het, maar dit was steeds in my siel vasgevang. Ek…

as mens die media glo, sal jy dink omgewingsbewustheid is ’n politieke saak – en boonop een waaroor daar gereeld en vurig gedebatteer word. Oënskynlik is dit ’n geval van die wêreld teenoor geloof. As jy in ’n sekere politieke kamp is, behoort jy enigiets wat “groen” voorkom te vermy of selfs te verwerp. As gelowiges vorm ons natuurlik nie ons menings op grond van wat die wêreld ons wil wysmaak nie. Ons waardes is gegrond op die vaste fondasie van God se Woord – en die Bybel se boodskap oor hoe ons met die aarde moet omgaan, is duidelik en ondubbelsinnig. Die hele wêreld is God s’n Hy het die aarde gemaak en dit behoort aan Hom (Genesis 1:1). God word daardeur verheerlik (Psalm 19:1). God onthul homself daardeur…

As gelowiges kyk ons anders na geldsake as die wêreld, waar welstand dikwels aan sukses, voorspoed en geluk gekoppel word. Psalm 49:12-13 waarsku dat selfs rykes verganklik is. In Prediker 5:9-10 maan die wyse Salomo: “Hy wat geld liefhet, kry nie genoeg van geld nie, en wie rykdom liefhet, nie van inkomste nie; ook dit is dan tevergeefs.” Tog verwag God van Sy kinders om die rykdom waarmee Hy hulle seën verantwoordelik te bestuur, want alles is van Hom afkomstig. Ons is slegs die rentmeesters van Sy oorvloed, aangestel om aardse welvaart oordeelkundig en biddend te bestuur en uit te deel. Uit die woorde van Romeine 11:33 is dit duidelik dat alle ware rykdom en wysheid in God te vinde is. Christelike rentmeesterskap vereis van gelowiges om met oorgawe te…

Het jy al ooit gevoel jy wil net wegkruip vir die wêreld, regtig wegkruip op ’n plek waar niemand jou sal pla nie? Ek onthou só ’n dag toe alles eenvoudig te veel geword het. En die motorhuis was die enigste plek waar ek nie in die middel sou staan van die klein oorloggie tussen my twee spruite nie: “Maar ek wíl nie!” “Maar jy het gesê ek mag!” “Sy het dit gebreek, dit was nie ek nie!” En die laaste strooi: “Sy het haar vingers gelek en aan my rok afgevee!” Ek onthou ek het nie eens omgegee dat die motorhuis se vloer vol oliekolle was nie. Ek het eenvoudig gaan sit met my knieë tot teen my ken opgetrek en gebid: “Here, ek moet wegkom van dié mense!”…

Ingelegde Kakamas-perskes en pere, moskonfyt, goeie port van Calitzdorp vir kook, Joseph Barry-brandewyn van Barrydale… Dís maar van die enkele moet-hê-bestanddele in ’n Klein-Karoo-kombuis wat sy sout werd is, glo Beate Joubert, skrywer van Proe die Klein-Karoo (Struik Lifestyle), wat saam met haar man, Meyer, die boetiek-kelder Joubert-Tradauw en die Alfresco Deli digby Barrydale besit. Dié ma van vier beskou haarself as ’n “Babette”, na aanleiding van die Franse hoofkarakter in Karen Blixen se kortverhaal, Babette se feesmaal. “Ek wil mense se lewe verryk deur goeie, egte Klein-Karoo-kosse voor te sit saam met ons Joubert-Tradauw-wyne, hier in die pragtige Tradouw-vallei.” Dis ook juis in die eenvoud van die Franse kookkuns waar sy van haar grootste inspirasie vind, vertel Beate. Kleinwild soos springbok-carpaccio, jersey-pastei en maalvleis vir haar Alfresco Deli-burger is…

Hulle woon dalk in onderskeidelik Port Elizabeth en Bloemfontein, maar Colyn Scheltema (73) en Naomi Haupt (45), skrywers van Baviaanskloof – ’n Kultuurhistoriese oorsig, se harte het saam in hierdie ongerepte stukkie van die Oos-Kaap agtergebly. Colyn, wat ná 32 jaar by die Landbouvoorligtingsdiens afgetree het, vertel: “Ek is op die plaas Doringkloof gebore en het elke skoolvakansie by my oupa en ouma Scheltema deurgebring.” Naomi, wat aan die Nagraadse Skool van die Universiteit van die Vrystaat verbonde is, se voorgeslagte het reeds in 1850 hul opwagting gemaak. “Die Kloof het sy eie hartstaal, karakter en skoonheid. Daar is geen selfoonontvangs nie. Vier van my geslagte se grafte, bloed, sweet, trane en drome lê daar. Ons is, soos Colyn altyd sê, almal aan mekaar vasgelap en weer losgetorring!” Omdat Colyn…

Easy Walks in the Cape Peninsula deur Mike Lundy (Tafelberg, R160) Hunker jou hart na ’n lang, sorgvrye safari, maar jou werkslading hoop net op? Danksy Mike Lundy se onbaatsugtige nalatenskap van onder meer dié 52 goed nagevorste roetes kan jy die watervalle, grotte, inheemse blomme en asemrowende uitsig in Kaapstad se eie “agterplaas” ontdek op minisafari’s van so min as 20 minute op ’n keer. Soos hy graag gesê het: “Laat jou spiere werk en kyk hoe jou gees ontspan!” Bestel by 0800 220 224. Een God, een plan, een lewe deur Max Lucado (Struik Christelike Media, R159,99) “As God ’n biljoen sterrestelsels kan maak, kan Hy mos goeie dinge laat kom uit ons slegte ervarings of sin maak uit ons weifelende lewe? Natuurlik kan Hy. Hy is God!”…

DATUM Saterdag 14 November 2015 PLEK Pretoria-dieretuin, Boomstraat 232 TYD 07:00-13:00 (meld asseblief reeds 06:30 by die ingang aan) TEMA Wenke vir natuur- en wild-lewefotografie. Ook hoe om foto’s in die vroeë oggend en laeligsituasies te neem. KOSTE R500 per persoon. Dit sluit in toegang tot die dieretuin, ’n Nikon/Lééf-geskenkpak en versnaperings. VORDERINGSVLAK Beginner tot gevorderd. AANBIEDER Stephen Segal. BESPREKINGS Yolandé 011 888 5898 of yolande.roodt@leef.co.za NET 15 PLEKKE BESKIKBAAR! WEN! Een gas wat die dag bywoon, kan ’n Nikon Coolpix S2800 in swart met 5x optiese zoemlens, eenvoudige kontrole en slim outomatiese tegnologie, ter waarde van R1 742 wen.…

Herlaai jou batterye (Kry jou energie terug bl. 44 ) Genesis 18:4 Eksodus 34:21 Spreuke 15:15 Jesaja 40:29 Johannes 6:27 Efesiërs 5:29 Woorde wat heelmaak (Waar woorde leef bl. 68 ) 2 Samuel 7:28 Spreuke 16:23 Prediker 9:17 Markus 13:31 Lukas 10:5 Tessalonisense 4:15-18 Wees geldslim (Werk wys met jou geld bl. 72 ) Deuteronomium 8:17 Psalm 49 Spreuke 12:9 Prediker 5:9 Matteus 25:16 Lukas 12:15…

Die somer is hier en dit beteken swemklere, sandale en ligte rokkies. Kom wees deel van ’n inspirerende oggend propvol wenke oor wat jy dié somervakansie moet aantrek om met selfvertroue jou beste voetjie voor te sit! Hoor wat sê die modekenner en mede-aanbieder van ons Vollyf-werksessie, Jeanine Rademan: “Kom leer hoe om dit wat in jou klerekas is te gebruik om sentimeters van jou voorkoms af te skud. Daar is soveel teenstrydige raad wat die voller figuur betref. Ek nooi jou om nuwe maniere van aantrek te probeer, om nuut na jou lyf te kyk, fantasties oor jouself te voel en om goed te wees vir jouself. “Ons gaan jou leer om jou intuïsie te volg en stylvol aan te trek. Kom ontdek jou beste self by hierdie oggend…

Dagboek 3–6 By Markgoed se Kersfeesmark by die Forest 44-troulokaal langs die R44 tussen Somerset-Wes en Stellenbosch wag ’n magdom stalletjies met allerlei bekostigbare hartsgoed – van die lieflikste moderne handwerk tot antiekware. Toegang is R20. Skakel Sonette by 082 774 1077 of Jean by 072 376 4935 vir meer inligting, of stuur ’n e-pos na markgoed1@gmail.com 7 Die Irene Village Market by die Smutshuismuseum in Pretoria bied meer as 250 besonderse stalletjies met plaaslike produkte. Liefhebbers van oudhede kan heerlik kom snuffel in ’n deel van die mark wat spesiaal hiervoor afgebaken is. Verskeie kunstenaars sorg vir vermaak, en die heerlike tuisgemaakte eetgoed is iets om oor huis toe te skryf. 012 667 1659; e-pos irenemkt@mweb.co.za; www.irenemarket.co.za 8 Die doelwit van die Amazing Grace-projek is om wêreldwyd soveel gelowiges…

Ilzé Saunders, Mej. Aarde SA 2014, speel vir ons model. Mej. Aarde SA is ’n skoonheidskompetisie met ’n verskil. Een wat jong vroue wil bemagtig om ’n volhoubare verskil te maak en ons natuurlike erfenis te beskerm. ‘Ek wens ek kon iets soos blou denim uitdink – iets waarvoor ek onthou sal word’ ANDY WARHOL…

So ’n tyd gelede het ’n vriendin haar vonkel verloor. Waar jy haar voorheen sou beskryf as iemand met aansteeklike energie, het beurtkrag ook by haar ingetree. As enkelma met ’n veeleisende beroep was haar lading bloot te veel om te dra. Sy het uitgebrand en dit het haar lank geneem om haar energie te herwin… Dié tyd van die jaar, wanneer almal op die laaste dampe brandstof funksioneer, word ’n mens se dagboek volgepak met die laaste gebeure, take en planne voor ’n nuwe jaar aanbreek. Dis juis nóú dat jy op jou hoede moet wees vir die volgende tekens van uitbranding: Jy het voortdurend ’n gevoel van totale tamheid, selfs ná ’n goeie nagrus. Jy sukkel om gesond te word van ’n siekte wat jou vir langer as…

Min skrywers kan die leser so meevoer na die land van die Bybel soos Marzanne Leroux-Van der Boon. Haar Israel-reeks (uitgegee deur Lux Verbi) het begin met Granate bloei in Jerusalem en het aanhangers gaande met sy geliefde karakters wat hul geloof in die hedendaagse Israel uitleef. Nou is die agtste aflewering hier: Tikkun Ha’olam – Herstel die wêreld! Kom smul aan ’n tradisionele Israeliese ontbyt met lekkernye soos olywe, egte Joodse brood en meer. Christine Ferreira, Lééf se redakteur en gasvrou vir die oggend, sal ook met Marzanne oor haar jongste boek gesels. Die oggend word aangebied in samewerking met die Andrew Murray-gemeente in Johannesburg. Elke gas kry ook ’n geskenkpakkie van Lux Verbi en die nuutste uitgawe van Lééf. DATUM Saterdag 14 November 2015, 08:30 vir 09:00 PLEK…

God wil deel wees van jou lewe. Hy wil bemoeienis maak met jou as mens: met dít wat vir jou belangrik is, jou vreugde, uitdagings, groei, jou menswees. Hy wil saamleef in die manier hoe jy oor Hom dink, in jou verhoudings met ander en hoe jy oor jouself voel. Want om Sy kind te wees gaan oor ’n persoonlike verhouding met die Een wat jou so onbeskryflik liefhet dat Hy gedurig met jou besig wil wees. Vir Hom gaan geloof nie oor ’n gedwonge stilsit in die kerk nie, maar oor die vreugde en vryheid van saamwees met Hom. Hy gee nie aan jou doen-soos-Ek-sê-voorskrifte nie, maar bied jou ’n naby verhouding waarin Hy jou wil lei om te groei en dieper en meer volledig mens te word, om…

Ons sit om die kombuistafel terwyl die reën saggies neerstuif. Elkeen se hand rus op die wit vel papier voor hom terwyl hulle hulle beurt afwag. Elke jaar trek ek die grootte van die seuns se hande op papier af – sien ek hoe sagte plomp babahandjies in sterk seningrige seunshande verander. Ek neem die warm hande in myne. Hande wat nie te lank gelede nie sleutels en vingers en sagte speelgoed met groot konsentrasie na ’n kwylende mondjie gebring het. Handjies wat met groot genot aan ’n string hare kon vasklou en sou skaterlag as ek kerm. Hande wat moes leer vát lank voordat hulle verstaan. Pa Jan werk so behendig met sy hande. Ek sien hoe die seuns inleun om af te kyk as Pa iets beethet. Self…

Dis verjaardagtyd. Ná die partytjie maak die verjaardagman sy geskenke oop en tel noukeurig al die geldjies. Hy is wipperig van opgewondenheid, want hier is nou sy kans om die ruimte-Lego-stel te koop wat hy al so lank begeer. Nadat hy sy somme gemaak het, kondig hy aan: “As daar geld oorbly nadat ek my Lego’s gekoop het, wil ek Mamma skiet vir ’n roomys.” Daar hét toe geld oorgebly. Nie baie nie, maar genoeg om in sy nuwe blou beursie te klingel. Ons maak ons tuis in die eetplek op die hoek wat bekend is vir pienk-pienk melkskommels en blou roomys en bakke vol gekleurde balletjies en sjokoladesnippers om oor die roomys te strooi. “Ma kan kies.” My kind se oë blink. Ek kies ’n enkelroomys met ’n wafelbeskuitjie…

Die dag toe Stuart McHattie besluit het om ’n lewe van eenvoud op te soek – weg van die Moederstad en die wêreld van mode- en handelsfotografie – het hy op Pringlebaai ’n holte vir sy voet gevind. Op dié Overbergse dorpie kon hy ook voltyds terugkeer na sy eerste liefde: die ongereptheid van die natuur. Boonop is die inheemse plantegroei wat sy nuwe tuiste omring, ’n treffende fokus vir sy kunsfotografie. “Ek strewe na pretensieloosheid in my werk. Die klem moet val op die onderwerp, gestroop van onnodige detail,” sê dié boorling van Pietermaritzburg. “Eenvoudig, skoon, vars. Beligting is die sleutel tot ’n goeie foto. En fokus – jy gaan nie wegkom met swak fokus nie.” Stuart (42) se gunsteling-blomme is swaardlelies en Watsonia borbonica, maar hy bieg dat…

Die Bybel – met Grassroots-oordenkings deur Angus Buchan Angus Buchan se boodskap is duidelik en op die man af – en dit kom reguit uit die bladsye van die Bybel. Die Bybel – met Grassroots-oordenkings kombineer die volledige teks van die Nuwe Lewende Vertaling met Angus se insig in 366 uitgesoekte oordenkings. Sy eenvoudige, praktiese voorbeelde sal lesers uitdaag om te groei en na God se wil te leef. Lesers kan nou saam met Angus deur die Bybel stap. Dié Stiltetydbybel bevat ’n Bybel-leesplan vir een jaar, teksverse vir bepaalde behoeftes en ’n lys Bybelse beloftes wat jou sal help om God se beginsels vir die lewe te verstaan. Die Bybel – met Grassroots-oordenkings help gelowiges om terug te keer na dié beginsels uit die Woord, daar waar die belofte…

‘Die Woord het mens geword en onder ons kom woon” (Johannes 1:14, Die Boodskap). Hier en daar het iemand nog ’n Hooghollandse Voortrekkerbybel, beter bekend as die Statenbybel, met die pragtigste ou illustrasies. Voorin is afdelings vir geboortes, huwelike en sterftes met dikwels ’n hele familie se name ingevul. Die Skrif hoort inderdaad daar voor in die wakis van jou lewe, om jou geestelik op koers te hou as jy die onbekende in-trek. Soos ons immers elke dag doen, of hoe? Dit is ons anker, ons kompas. Hoe leef mens sonder so ’n riglyn? Anker jy maar aan jouself? Besluit jy wat die ware noord is vir jóú? Nee, die Skrif hoort daar op ons bedkassie, voos gevat, goed gelees, afgesak tot diep in die hart, deel van ons denke,…

1 Sondag SIEKES WORD GESOND U doen wonders, Here. U het soveel siekes gesond gemaak! Ek lê nou my hand in geloof op hierdie siekte en vra genesing, in Jesus se naam. Amen. 2 Maandag STORMS WORD STIL U doen wonders, Here. U het eens ’n storm beveel om te gaan lê. Ek vra nou dat U hierdie storm in my lewe sal stilmaak. Dankie, Here. Amen. 3 Dinsdag DUIWELS WORD VERDRZF U doen wonders, Here. U het die Bose telkens met ’n magswoord verdryf. Ek neem nou ook gesag en sê: Vyand, uit my lewe uit, in Jesus se naam! Amen. 4 Woensdag DOOIES WORD OPGEWEK U doen wonders, Here. U het selfs mense uit die dood opgewek. Ek wil ook nou lewe verklaar, in Jesus se naam, oor…