Tabla de contenidos para December 2015 en Lééf

Teken nóú in op teen 35% afslag en jy kan 2 Lux Verbi-boeke wen! Teken vandag nog in op Lééf – met hart & siel teen 35% afslag – dis slegs R34,20 per maand (posgeld ingesluit) – en jy kan een van 50 lesers wees wat elkeen twee pragboeke van Lux Verbi ontvang. Mara is ’n roerende verhaal wat in 1931 in Nederland afspeel. Die 16-jarige Maria word deur haar stiefpa, die dorp se predikant, verban na haar tante in die platteland. Die rede: Maria is swanger, en dit moet tot elke prys weggesteek word om haar familie se naam te beskerm. Met die immergewilde skrywer Nina Smit se Gebede vir elke vrou sal jy die regte gebed vind vir elke situasie: Dit maak nie saak of jy…

K om word saam met ons stil en ontdek jou eie kreatiwiteit. Word geïnspireer en gelei om ’n kroniek van jou lewensverhaal te begin. ’n Visuele joernaal kombineer woorde, kleure en beelde en is ’n sleutel om jou kreatiwiteit te help ontsluit. Ons gaan skeur, knip, plak, verf en skryf. Kunstenaar, musikant en opvoedkundige sielkundige Anél Stricker-Bessinger sal die kreatiewe groepsessies lei, maar daar sal ook genoeg tyd wees vir stil word, oordenking en gebed in die natuurskoon van die Origins-retreatsentrum. DATUM Saterdag 21 November 2015, 7:30 tot 16:30 PLEK Origins-retreatsentrum, Wieg van die Mensdom, Sterkfonteingrotte-pad, Kromdraai (net buite Krugersdorp) KOSTE R650 per persoon (sluit koffie/tee, verversings, ’n ligte middagete en ’n Lééf-geskenksakkie in) BESPREEK BY yolande.roodt@leef.co.za of 011 888 5898…

Die geleentheid om die stad agter te laat vir die wydtes anderkant Alberton is nie te versmaai nie. Boonop nooi Jacques de Villiers (28), ook bekend as die sanger Joshua na die Reën, my binne soos ’n broer wat ná ’n lang reis tuisgekom het om die stof van sy voete af te skud. By die etenstafel neem ma Isabella (52), Jacques se vrou, Danél (27), en sy jongste broer en tromspeler, Jean (22), die laaste happe van ’n laatontbyt. Jacques en Danél se eenjarige Anán knip ’n uiltjie. “Het jy al geëet?” wil Isabella gasvry weet. Met die wete dat die groot pak nog voorlê voordat Jacques saam met sy orkes en gesin oor minder as vier uur vir optredes Nederland toe vertrek, wys ek die aanbod van die…

Ek vra onlangs my sesjarige seuntjies se hulp om die tafel mooi te dek vir ’n spesiale ete. Dis net familie wat kom aansit, maar wat, ons vier die naderende einde van ’n dol jaar. So duik die een in Ma se lappekas en kom met ’n arm vol bont shweshwe-vierkante te voorskyn: plekmatjies. Die ander een bring ’n takkie bloedrooi bessies wat ons langs die pad opgetel het. Piepklein bloemiste-voëltjies word bo-op elke bord neergesit. En voor ek kon keer word ’n troppie helderkleurige kleidiere wat ons die vorige week gemaak het tussen alles staangemaak: ’n kameelperd, twee skilpaaie en ’n akkedis. Gits. Ek het die bontspul so staan en bekyk… en toe besef: Man, dit lyk eintlik fantasties! Kinders hét dit net – daardie ingebore drang om te…

1 Lipstiffie verleen die finale afronding aan jou grimeervoorkoms deurdat dit kleur by die gesig voeg. Rooi is treffend, trek onmiddellik aandag en spreek van selfvertroue. Dit gee ook summier woema aan jou voorkoms. 2 Daar is talle rooi skakerings om van te kies. Kies een wat jou gelaatskleur komplementeer en wat ook by die kleur van jou uitrusting pas. Bepaal of jou vel ’n koel of warm ondertoon het en kies jou skakering hiervolgens. Primêre rooi pas by die meeste velkleure. 3 Jou lipvorm bepaal die diepte van die kleur wat jy behoort te dra. As jou lippe dun is, moet jy liefs wegbly van té donker skakerings. Kies eerder ’n koraalrooi in ’n glansformule wat jou lippe voller sal laat lyk. 4 Bly weg van rooi skakerings wat…

“Die landgoed as ’n bestemming is glad nie ’n kommersiële onderneming nie,” sê Rick. “Ons ontmoet self alle voornemende besoekers vooraf óf hulle word deur vriende aanbeveel.” Die Melvills probeer een keer ’n maand tyd op Prynnsberg deurbring. En die Vrystaat se aantrekkingskrag? “Ooptes, skoon lug , plat-op-dieaarde mense, heerlike kos, flou internetverbinding, ’n blink sterrehemel, en blesbok-biltong!” sê Rick. 'Die poloveld herinner liefhebbers van diésport hoe gelukkig mens is om die lewe te kan geniet' Met ’n geskiedenis wat oor 130 jaar strek, is Prynnsberg ’n plek met die wonderlikste stories, vertel Rick. En soos dié stories het die landgoed baie verskillende fasette. “Dis ’n voorreg om net in die St. Saviour’s-kerkie te kan stil word . Die poloveld is natuurlik ’n groot trekpleister. En die biljartkamer (waarvan die…

Jou grootste geskenk Vrede… die wêreld smag daarna. Elke kind van God moet ’n lewe kan geniet wat vol vrede is. Dis ’n vrede wat anders is as wat die wêreld wil voorgee. Dis nie net ’n lekker gevoel wanneer dit met jou goedgaan nie. Dis ’n ander vrede. Dit gee nie pad voor storms nie. Dis nie te koop nie. Dis verniet; dis joune. Jesus sê: “Julle hoef nie bekommerd te wees nie. Ek los ook vir julle ’n geskenk wanneer Ek weggaan: vrede! Moet dit egter nie verwar met die oppervlakkige vrede van hierdie wêreld nie. Dit is vrede wat iemand net by My kan kry. Daarom hoef julle nie gespanne of selfs bang te voel oor die toekoms nie” (Johannes 14:27, Die Boodskap). Leef jy met Jesus…

Vroue géé. Hulle gee hulle tyd, energie, goedheid en liefde aan elkeen wat dit nodig het. Hulle nooi ander om in hulle takke nes te maak en bied soos ’n sterk stam ondersteuning aan almal wat broos is. Hulle deel hulle diepste menswees onselfsugtig uit… totdat hulle op ’n dag besef hulle eie wortels kry nie meer genoeg water nie. Desember is ’n rusmaand. ’n Gee-maand. Volmaaktyd. Ontvang-tyd. Ja, ook vir jóú, die vrou waarop ander leun, is dit ’n tyd om terug te sit en te ontvang. Want jy mág jouself met mý-tyd bederf. Jy mág maar die goeie wat ander wil gee sonder skuldgevoelens geniet. Jy kan jouself veral toestemming gee om in die Kersboomtyd sommer net weer die toegdraaide pakkies genade onder jou Vader se boom van…

Die son skyn warm op ons gesig, die veld beur teen die Karoo-hitte. Rose pronk in hulle kleurryke glorie en knoppies perskes en appelkose swel entoesiasties tot rype wasdom. Maar van al dié mooi sien ek min raak… ek voel net hoe die tyd druk om goed klaar te kry voor die jaar vir oulaas groet. Daar’s lysies en dinge wat gedoen moet word en ek’s ongeduldig en, wel, angstig. Oral praat mense al oor hulle vakansieplanne en die salige dae van lekkerkry en rus en feesvier. Ek dink aan Kersfees. My realiteit is anders. Die kinders tel nou reeds die dae af na Kersdag. Dan tel ons weer af na die Nuwejaar, en dan begin alles weer van voor af! Vir die dae wat omgewens word sodat Kersdag kan…

‘En wat wil jy vir Kersfees hê?” vra ek my kleinkind. “Ek soek ’n brief, Ouma.” ’n Brief. Nie ’n huilpop of ’n skootrekenaar of CD’s of ’n raket nie. Ook nie klein geskenke soos ’n inkleurboek en kryte of skoenlapper-haarknippies nie. Nee, sy soek ’n brief. ’n Brief kos nie geld nie. Dis nie in ’n winkel te kry nie. Jy hoef nie jou voete deur te loop op soek daarna nie. ’n Brief is iets van jouself en kom uit jou binneste. Dit vra dat jy gaan sit en dink oor die kind aan wie jy die brief rig. Jy kan nie net so bolangs van die weer en die honde wat snags aanhoudend blaf skryf nie. Jy moet gaan sit en dink waar die roering in haar…

In die hart van Potchefstroom, in ’n stil straat met groot, ou eikebome vol voëls, woon Annalise Janse van Rensburg (43) en haar tienerseun, Neil, in ’n ou huis met plankvloere, ’n bal-en-klou-bad, metaalplafonne en ’n stoep met pilare. Haar tuisateljee is klein met net een venster sonder ’n wafferse uitsig, twee tafels en rakke, ’n pottebakkerswiel in een hoek, teëlvloer en hope afvalklei wat in die ander hoek lê en wag om verwerk te word, ’n radio, vele CD’s, inspirerende woorde en foto’s teen die mure. “Ek het potte begin maak as stokperdjie en myself geleer,” vertel Annalise. “Terwyl ek besig is om ware te maak gebruik ek sommer enigiets om dit mee te versier – ’n knoop aan my trui, ’n stukkie kant wat ek by iemand gekry…

Jou voetpad na vrede deur Milanie Vosloo God wil hê Sy kinders moet deur Hom vervulde mense wees. Die 366 dagstukke in Jou voetpad na vrede bespreek temas soos hoop, eerlikheid, nuut glo, geluk en jy kan maar net jý wees. Milanie se gebed vir jou is dat jy sal besef God sal jou nooit uit Sy hand laat val nie. R189,95 Jy is Myne deur Nina Smit In Jy is Myne word die leser se aandag gevestig op God se liefde wat jou daagliks omvou. Die 366 dagstukke neem jou op ’n wonderlike reis van genade, en in swaarkrytye bemoediging by die Een aan wie jy behoort. Maak Jy is Myne deel van jou stiltetye en ervaar God se koesterende liefde. R189,95 Jou God is…

‘Ek bring vir julle ’n goeie tyding van groot blydskap wat vir die hele volk bestem is” (Lukas 2:10). Verbeel ek my of word Kersfees nie meer behoorlik gevier nie? Is daar minder Kerssangdienste met brandende kerse in doilies (en voorvalle van vlamvattery)? Is daar minder Kersspele met herders in kamerjasse en vadoeke op die kop? Gaan sing die “jeug” nog Kersaand by ouetehuise? Kersfees het gladder – meer geolie – geword, maar armer, mensloser en Christusloser: ’n TV-Kersfees. Daar is ook Christene wat nie Kersfees vier nie omdat dit dalk ’n heidense oorsprong het. Dié standpunt is deesdae gewild, maar die wetenskaplike bewyse is maar skraal. In vroeë kerkgeskrifte oor die regte datum is daar geen verwysing na die “oorname” van enige heidense fees nie. 25 Desember is onder…

Intekenaar van die maand Elodi Naudé (37) van Johannesburg “Ek en my man, Pieter, het twee seuntjies, Kian (6)en Eduan(2). Ek is ’n verhoudingsbestuurder vir ’n internasionale trusten-batebestuursmaatskappy en in my vrye tyd bou ek aan my eie besigheid.” HOE VIER JULLE KERSFEES? Ons het nie ’n Kersboom nie en hou die geskenke klein – ons wil fokus op die regte betekenis van Kersfees. Oukersaand lees Oupa uit die Bybel en ons gesels en bid saam. OP WATTER MANIER HET GOD JOU VANJAAR GESEëN? Op so baie maniere! Met klein dingetjies, soos my gesondheid en my kinders se lag. En met groot dinge soos gebede wat Hy verhoor het en nuwe sielsvriendinne wat Hy oor my pad gestuur het. WAT IS JOU KERSBOODSKAP AAN ONS GEBROKE WêRELD? Ons leef in…

Verwonderd Die koning Dawid in hierdie weergawe van Psalm 8 klink asof hy hom iewers in die misterie van ’n sterbelaaide Karoo-nag bevind het: “As ek, o Heer, U magtelike hemel daarbo aanskou, die tint- en glansgewemel; hoe, deur U toeberei, die skugter maan met stille gang oor sterrevelde gaan.” En dan vervolg hy, oorweldig deur wat hy sien, met: “Wat is die mens dan dat U hom gedenk het, die mensekind wat U so ryk beskenk het!” Soms wonder ’n mens of dit nie dalk makliker was vir ’n herder as vir ons vandag om te sien “orals blink U Naam en majesteit” nie. Dis of alles om ons meeding om ons verwondering oor die Skepping en die Skepper daaragter verdwerg. Die Engelse digter Wordsworth het destyds al gesê:…

Maryke Visagie , vryskutjoernalis van Somerset-Wes Vir Maryke (38) is Kersfees, behalwe vir die ware betekenis daarvan, ook ’n geleentheid om uiting te gee aan die byna kompulsiewe manier waarop sy altyd met haar hande moet bly peuter. “Dekor is my groot belangstelling en ek kan in elk geval nie stilsit nie; ek is altyd besig om iets te maak,” vertel sy. “Dis soos ek grootgeword het. My oorlede ma, Rika, het maar altyd haar breiwerk byderhand gehad terwyl my pa weer gereeld in die motorhuis besig was om iets te sweis of te saag. Hoe ouer ek word, en veral vandat ek self kinders het, heg ek ook ál meer waarde aan iets wat ’n mens self maak as ’n gebaar van omgee vir ander.” Hierdie voorbeeld van haar…

‘Ons lewe is maar ’n kortstondige flits in ’n nimmereindigende heelal. Die wêreld word oorheers deur oppervlakkigheid, voorkoms en materialisme,oral maar ons moet dié norm verban. Skoonheid is om ons, liefde is en vreugde vloei uit ons alledaagseeindeloos bestaan. Omarm dit. Onthou, elke dag hou eindeloseliefhê passiepotensiaal in – gebruik dit. Jy moet en met soveel leef dat wanneer die dood kom, daar vir hom niks oor is om te neem nie’DOMINIC OWEN MALLARY…

Die gawe van geur Bederf ’n geliefde dié Kersfees met ’n fyngeur. Thierry Mugler Angel Vertical Star Eau de Parfum. R1 525 vir 100 ml. Giorgio Armani Si Huile de Parfum. R1 395 vir 30 ml. Aramis Black (vir hom). R705 vir 60 ml Alien Essence Absolue. R775 vir 30 ml. Son & saffier Clarins Aquatic Treasures Summer 2015-grimeerversameling is deur die kleure van die oseaan geïnspireer en is vir ’n beperkte tydperk beskikbaar. Vanaf R250. Skitter soos ’n ster Bobbi Brown vind die inspirasie vir haar jongste grimeerreeks, die Starry Nights Collection, onder die sterrehemel van die Suid-Afrikaanse Bosveld. Wees ook op die uitkyk na ander beperkte uitgawe Kersaanbiedinge van dié skoonheidshuis. Van links is Bobbi Brown Greystone Eye Palette (R895) en die Bobbi Brown Starry Nights Eye Shadow…

Vertel ons van toe jy tot bekering gekom het. Toe ek jonger was, het ek baie met die Here vasgesit oor dinge wat ek nie verstaan het nie: Hoekom is ons hier? Hoekom is Christus die Een en nie die ander gelowe nie? As daar ’n God is, hoekom sukkel soveel mense? Mense het my van die Here vertel, maar ek het Hom nie belééf nie. Ek is 18 jaar gelede die eerste keer gedwing om aan Iets vas te hou wat omgee, Iemand wat groter is as ek. As ek dit nie gedoen het nie, sou ek nie vandag hier gewees het nie. Tog het ek Christus steeds nie verstaan nie – maar genoeg om kop bo water te hou. In 2011 tydens my deelname aan Survivor South Africa…

Die onlangse uitstalling in Johannesburg van sy werk het opnuut die kollig laat val op die lewe van die skilder Bill Chalmers. Sy dogter Felicity Bell (52) se vroegste herinneringe aan haar pa is juis waar hy voor sy esel staan en skilder (maar nie in ’n ateljee nie, want in sy lewe kon hy eers by sy aftreehuis in Bathurst in die Oos-Kaap sy eie een bou). “Ek onthou hoe intens hy na sy huidige werk gestaar het in ’n handspieël wat hy langs sy gesig gehou het.” Dit was ’n manier om sy skilderye uit ’n ander hoek en perspektief te sien, homself te kontrolleer. Sy onthou ook hoe hy werk toe gestap het as ’n meester in “Classics and Divinity” by St. Andrew’s College in Grahamstad, sy…

‘Op die ouderdom van sewe het ek my eerste brein-operasie gehad. Ek het een oggend wakker geword met dubbelvisie en ná verskeie toetse is ’n omleiding (shunt) in my brein geplaas – sodra die drukking in jou brein ’n sekere vlak bereik, lei dié toestel die vog met ’n pypie na jou buikgedeelte toe. Daarna was my skooljare normaal en ek het op 13 jaar my hart volkome aan die Here gegee. As student in bedryfsielkunde aan die destydse Randse Afrikaanse Universiteit (RAU) was ek lid van die studenteraad. Ek was 22. Eendag kon ek skielik nie meer opdragte onthou nie en ek het vergeet wat ek die vorige dag gedoen het. Toetse het getoon daar was ’n nie-kwaadaardige sist op my brein. Ná ’n operasie van tien uur en…

Die Bybel met Grassroots-oordenkings deur Angus Buchan Die volledige teks van die Nuwe Lewende Vertaling met 366 uitgesoekte oordenkings waarin Angus jou uitdaag om in jou geloof te groei. ’n Bybelleesplan vir een jaar, teksverse vir spesifieke behoeftes en ’n lys Bybelse beloftes sal jou help om God se beginsels te ervaar. Die belofte van ’n Geesgevulde lewe begin hiér. Die rakprys is R459,95 (hardeband) of R559,95 (luukse leer). Lééf-lesers kry 10% afslag. Neem dié bladsy na jou naaste CUM-boekwinkel en kyk uit vir die Lééf-keuseboek-plakker. Geldig tot 31 Desember 2015. Lééf luister na...  OPEN HEAVEN / River Wild Hillsong Worship Dié 24ste jaarlikse aanbiddingsalbum van die Australiese megakerk is by hulle 2015-konferensie in Sydney opgeneem. ’n Ateljee-weergawe van die eerste snit, O Praise the Name (Anástasis), is vroeër vanjaar…

1 Dinsdag LOF IN LEë KRALE Ek kies vandag vreugde in Jesus se Naam. Ek kies om te juig! Selfs in hartseer en teëspoed sal ek my verheug in die God van my heil. Ek prys U! Amen. 2 Woensdag GESKENK VAN OMGEE Ek kies vandag, in Jesus se Naam, om liefde te bewys. Hoewel ek self liefde nodig het, sal ek aan ander die geskenk van deernis, omgee en opbou gee. Amen. 3 Donderdag BRON VAN KRAG Ek kies vandag, in Jesus se Naam, om vrede te beoefen. Selfs in die storm sal ek my gedagtes stilmaak en my hart op U rig. Maak my storm stil, Here. Amen. 4 Vrydag TZD BZ HOM Ek kies vandag, in Jesus se Naam, om vir God ruimte te maak in my…

Vollyf, volrond & volwaardig vrou in die somer – ’n oggend spesiaal vir 16+ grootte vroue. Die somer is hier en dit beteken swemklere, sandale en ligte rokkies. Kom wees deel van ’n inspirerende oggend propvol wenke oor wat jy dié somervakansie moet aantrek om met selfvertroue jou beste voetjie voor te sit! Christine Ferreira, redakteur van Lééf, sal die oggend aanbied saam met modekenner Jeanine Rademan. “Leer hoe om dít wat in jou klerekas is te gebruik om sentimeters van jou voorkoms af te skud. Probeer nuwe maniere van aantrek, kyk nuut na jou lyf, voel fantasties oor jouself en wees goed vir jouself. Ons gaan jou leer om jou intuïsie te volg en stylvol aan te trek. Kom ontdek jou beste self by hierdie oggend vol inspirasie en…

Dagboek 1-18 In Kaapstad oor die Kerstyd? Maak gebruik van die Tafelberg-kabelkar se spesiale skemeraanbieding. Volwassenes betaal R120 en kinders (4 tot 17) R57,50 vanaf 18:00 vir ’n kabelrit berg op en weer af.www.tablemountain.net; 021 424 8181 5 Gaan maak ’n draai by Bloemfontein se Boeremark in Boerneefstraat, Langenhovenpark. Met vars produkte, van kaas en jogurt tot beskuit, vleis en groente. 06:00-14:00. Maak seker dat jy sommer vroeg daar is! 5-6 Sluit die jaar op ’n hoë noot af met Franschhoek se jaarlikse Cap Classique-en-Sjampanjefees by die Huge-note-museum. Vanjaar se tema is “Swart en Wit met ’n titsel blink”. Van 12:00 tot 17:00. Kaartjies R200 per per-soon. Bespreek by www.webtickets.co.za 6-20 Hillsong SA bied vanjaar hulle jaarlikse Kersskouspel in drie stede aan. Johannesburg: Alexander-teater, Braamfontein, 6 Desember, 15:00 en 18:00.…

Elkeen van ons is op die naam geroep, sê die Skrif. Jou naam dra betekenis en krag. Annerika se naam beteken “genade van God” of “God se geskenk van genade”. gawe Annerika is ’n skoonheidsterapeut. Sy glo haar gawe is om mense te laat goed voel oor hulleself. Sy is ’n omgee-mens met ’n dienende hart. Haar passie is om in die salon vroue te bedien en daardeur mense nader aan God te bring met haar hande wat genesing bring. kleur Vir haar kies ek smaraggroen, die kleur van die vierde fondasie van die Nuwe Jerusalem, wat dui op vrugbaarheid en oorvloed. Dit beskryf iemand met ’n dankbare hart en verwys ook na iemand wat bereid is om hulle sondes te bely en om vergifnis te vra. Die kleur is…

Dis daardie tyd van die jaar waarna almal opgewonde uitsien. Die einde van die jaar is in sig. Die harde werk is afgehandel en uiteindelik kan jy ’n slag asemskep. Of kan jy? Die feestyd is ook die tyd van die jaar wat die meeste ma’s met angs vul: Die skole het gesluit. Almal is saam, ja, maar die héle tyd en gewoonlik in één huis! Dan is daar boonop gewoonlik te veel geskenke, te veel soetgoed, te veel kans vir misverstande en humeure om op te vlam. Te veel kans vir ’n gekerm en gekla. En ’n huis vol familie wat nie noodwendig langs dieselfde vuur sit nie. Gooi hierby te min slaap en jy het ’n resep vir ’n Kerstyd wat niemand se gemoed goed doen nie… Die…

Maandag KeN jy RégTig ViR IMMaNueL? Christus word Immanuel genoem: God met ons. Ken jy hierdie Christus? Hý wat mens geword het en tussen ons kom woon het? Of is dit bloot akademiese inligting? Christus wil in jou lééf en werk. Dis waarom Hy aarde toe gekom het. Jy hoef nooit weer sonder Hom te wees nie. Dinsdag Maak jou Deur oop ViR HoM Nooi Jesus in jou lewe. Laat Hom toe om die middelpunt van jou dag te wees. Wees bewus van Hom – in jou huis, by die werk, in die lang ry by die verkeersdepartement, waar jy kinders aflaai of gaan haal, waar jy en jou man by die tafel sit en julle geldsake uitwerk. Woensdag Is Hy jou MiDDeLPuNT? Maak ’n punt daarvan om in die…

‘mense lees graag Lukas 2:1-20 oor die Kerstyd – dit vertel immers die verhaal van Jesus se geboorte. Daar is ’n kort stukkie in hierdie storie wat baie sê oor die wese van God en die Evangelie. Die deel wat vir my die meeste uitstaan, is deur die engel gesê wat Jesus se geboorte aan die skaapwagters verkondig het. Hy het gesê “…kyk, ek bring vir julle ’n goeie tyding van groot blydskap wat vir die hele volk bestem is.” Jesus en vreugde gaan altyd hand aan hand. En dis nie sommer gewone vreugde nie – dis gróót vreugde. “Goeie nuus” is die vertaling van die Griekse woord “euangelion”. (Die Nuwe Testament is oorspronklik in Grieks geskryf.) Dié Griekse woord word ook soms vertaal as “evangelie” of “preek” en is…

Otto wil nie kerk toe gaan nie. Otto is my tienjarige seun, en terwyl sy pa voor in die kerk as aanbiddingsleier die gemeente lei om op God te fokus, beweeg die outjie langs my se lippe nie eens nie. Ek moet bieg dit het my aanvanklik amper tot waansin gedryf. Ek wou hê mense moet sien my kinders hou by die reëls en dat hulle aan die erediens deelneem – mét ’n glimlag! Ek wou hê mense moet na ons kyk en sê: “Dís nou die perfekte gesin!” In my gestoei met dié gevoelens het ek egter besef hoe verkeerd ek is. Soos die bekers en borde waarvan Jesus in Lukas 11:39 praat, wou ek aan die buitekant blink sodat ek ander kon beïndruk. Maar om nie my seun…

Die vraag wat ’n mens vir Seline en Leandri van der Wat, die “sussies” van M-Net se Masterchef SA, wil vra, is natuurlik: Wat is op hulle Kerstafel? “Sjoe, Seline is pas getroud; dit was net troue, troue, troue. Ons het nog glad nie hieroor gedink nie,” sê Leandri. “Ons eet elke jaar gerookte ham, slaaie met bestanddele wat ons in daardie stadium inspireer, en ’n paar lekker souse, soos heuningmosterd-, suurbessieof soja-en-koffiesous om saam met aartappels en ander vleis op die tafel te geniet.” Seline en Leandri het onlangs hulle eerste resepteboek, Two, bekendgestel. Dis ’n baie gepaste naam vir dié twee wat so saamsaam in die kombuis aan’t “suiker” en “spesery” is. “Ons gee mekaar ruimte wanneer ons bak en kook,” sê Leandri. “Ek sal die sous begin…

Dié 51-jarige predikant van die Fontainebleau Gemeenskapskerk is ’n bekende berader en aanbieder van werksessies en landwye retreats wat veral fokus op die inoefening van ou geloofs- en lewensgewoontes wat stadsmense nuut oor hulle lewe laat nadink. Sy het reeds drie titels die lig laat sien – Was my lewe maar ’n somervakansie, God en jou lewe en God gee die môrester – en het bydraes vir die Leefstylbybel vir vroue gelewer. Al dié boeke is deur Lux Verbi uitgegee. Oor haar nuutste boek, Woestynwysheid (ook Lux Verbi), vertel sy: “Ek dink die saadjie is geplant lank voor ek in my moederskoot gevorm is! Hoe meer ek oor geloofsgewoontes geleer het, hoe meer het ek geweet, ek móét hieroor skryf. “Daar was beslis ’n Gety wat my ál meer in…