Tabla de contenidos para Feb 2026 en Tuis

Vyf jaar gelede neem ek ’n hond aan, ’n tengerige dingetjie wat deur iemand raak gery en (genadig!) afgegee is by ’n dierehospitaal. Dié weldaad het sy lewe gered, maar dit blyk toe later die telefoonnommer wat die persoon gegee het, is vals, en so beland die hond by ’n dierereddingsorganisasie – met ’n kruppel agterpoot en geen huis nie. Tot ek een Sondag deur George ry, die mannetjie ontmoet en hom aanneem. Hy heet Knapie, en hy is ’n stoute kalant. Werklik onhebbelik. Met ornamente vir ore. Geen persoonlike ruimte nie. Op sy gelukkigste as hy bo-op of -oor jou lê, of met sy boude op jou sit. Hy maak my woedend, maar hy vermurwe my hart! En ek vergewe hom als. Vir die vakansie moes hy en sy…

’N STROOISEL SPEELSHEID Die Sprinkles-versameling deur Popstrukt is beskikbaar in drie speelse kleure en sluit in ’n kanttafel (hier in die kleur Kiwi Fizz; R2 999, popstrukt.com), laaikas en dubbele sluitkas. Die reeks is “besprinkel” met prettige elemente soos bonkige handvatsels, ’n skulprandafwerking binne en sjarmante hoekdetail! KLEURE BY DOSYNE Elke stuk in die nuwe Rainbow Glass-reeks deur K.Light (vanaf R1 555, klight.co.za) is ’n kunswerk uit eie reg. Dit bestaan uit vier afsonderlike hanglampontwerpe wat elkeen spog met sy eie kombinasie van sagte kleure. Komaan, sonskyn! Atelier Annika het ontstaan danksy ’n liefde vir ontwerp, reis en die skoonheid van buite leef. Die skulpturele sambrele, sonbedkussings en strooikussings word almal spesiaal gemaak met materiaalstowwe wat duursaam en waterwerend is. Én hulle is ontwerp om te hou in die son.…

DIE PRYSE Die wenner in elke kategorie ontvang R30 000. Die naaswenner in elke kategorie ontvang R10 000. B&V’s geld. 1 SO MOOI! Hier is ons finaliste in elke kategorie (in geen spesifieke volgorde nie): WIE Inance van der MerweWAAR KroonstadWAT Hele huis WIE Kendal en Justin PrinsWAAR KaapstadWAT Hele huis WIE Paul en Kate CoetzeeWAAR SwellendamWAT Hele huis 2 UIT DIE BOKS WIE Cenette en Stéfan KoekemoerWAAR Somerset-WesWAT Badkamer WIE Yentl BruwerWAAR RobertsonWAT Woonwa WIE Hettie LourensWAAR KlerksdorpWAT Tuiskantoor 3 SELF GEDOEN WIE Emma PenfoldWAAR PlettenbergbaaiWAT Kombuis WIE Chris von WiellighWAAR PaarlWAT Buitekuierarea WIE Petro en Fanie KrugerWAAR KaapstadWAT Kombuis Wil jy graag die ander inskrywings in elke kategorie sien? Skandeer die QR-kode hieronder en klik op “ENTRIES” bo-aan die bladsy.…

E-pos jou vrae na kenners@tuis.co.za. ’n Wen-ontwerp! In ons Maart | April 2025-uitgawe kon lesers Milestone Kitchenskombuiseenhede ter waarde van R100 000 wen in die jaarlikse Dream Design-kompetisie. Lesers kon hul droomkombuis ontwerp, alles uitmeet, hul gunsteling-items aanlyn by milestonekitchens.co.za kies, en uiteindelik met hul ideale ontwerp vorendag kom. Die gelukkige wenner is Karen Ridge van Pringlebaai in die Overberg! Haar ontwerp en motivering waarom Milestone Kitchens se vrystaande eenhede perfek sou wees vir haar nuwe huis, het haar afslag van R100 000 op haar droomkombuis besorg. Karen skryf Toe ek en my man, Derek, in 2023 van Pietermaritzburg af Pringlebaai toe trek, het ons besluit om te bou, sodat ons genoeg plek sou hê vir my ma, Irene Cook. Die helfte van die huis behoort aan haar en die…

Eerste skooldag van die nuwe jaar en my buurt hier aan die voet van die Stellenboschberg bruis van die nuwejaarsenergie. Ek en die hond is op ons oggendwandeling en ons loop verby trosse uitgelate skoolkinders in kraakvars uniforms op pad skool toe. Alles glim en blink, tot die water in die leivore wat ekstra jubelend see toe kabbel. By die voorhek van een van die groot huise spook ’n buurman om sy vier woelige seuntjies onder beheer te kry sodat daar in vrede skool toe gestap kan word. Sy vrou waai soentjies van waar sy by die voordeur op krukke leun, een voet in ’n stut. Ek stop en verneem besorgd na haar besering. “Ontmoet die produk van een van die grootste Krismis-clichés,” sê sy en lag. “Kan nie wees…

WENBRIEF Tuis bly die beste Suzette Nortjé van Henley-on-Klip skryf Ek weet ons almal het Pinterest-borde, maar niks kom by Tuis nie. Ons het laas jaar ’n huis met ’n massiewe erf op Henley-on-Klip gekoop, en alles kort aandag. Groot was ons verrassing toe die somer kom en die spitsdak met die plafon teenaan (ek noem dit sommer die katedraalplafon) dit so ondraaglik warm gemaak het dat ons meer buite as binne was. So blaai ek deur my ou Tuis-tydskrifte en soek ’n oplossing. In ’n 2021-uitgawe stel ’n argitek voor ons moet ’n dakverf met keramiekballetjies genaamd Ceratech gebruik. Ek google en maak kontak. Ses kanne verf word van die Kaap af gekoerier. Ons het die dak wit geverf en hier amper in die helfte van November is die…

WIE WOON HIER? Marie en Eric Droomer, Floyd die staffie, en die twee beagles Lea en ThymeWAAR Breëriviervallei, tussen Worcester en WolseleyGROOTTE 240 m² (motorhuis, binnehof en stoepe uitgesluit) Humansdorp, 1983. Ek is amper 15 en verwonder my aan ons cool nuwe 25-jarige buurvrou, Marie, se sitkamer. Marie leer my klere maak met ongebleikte linne, soos sy dra. Skandinawies is nog nie deel van my woordeskat nie, maar die gedempte palet van wit en sampioen skakerings en die andersheid van die dekor (ek het toe nog net generiese sitkamerstelle geken) is vir my mooi. Teen 1987 skei ons paaie; Eric en Marie vaar die wye wêreld in met hulle tweejarige Mieke. Ons verloor kontak. Plettenbergbaai, 2025. My Tuis-vriendin Retha Alberts vertel van ’n Eric en Marie wat van Uruguay teruggekeer…

WIE WOON HIER? Karin Orzol en haar aanneemhond, Seun WAAR Vishoek, KaapstadGROOTTE 134 m² KREATIEF MET BOEKE Karin het ’n groot boekversameling, maar nie ’n enkele boekrak nie. Sy pak haar boeke graag op ongewone maniere: klein stapels op ’n toonbank in die kombuis, ’n toring op die eetkamervloer, en in ’n treffende ry op die muur om die trapskag, soos op hierdie foto. “Ek wou nie die rugkante se kleur deel van my dekor maak nie. Dis vir my heerlik om ’n boek uit te trek en om te draai; ek weet altyd dadelik of ek dit drie keer of net een keer gelees het.” KYK OP! Danksy ’n ekstra hoë plafon is proporsie en hoogte deel van Karin se geheime dekorarsenaal. “Hoekom sou mens alles op dieselfde hoogte hou?”…

E-pos jou opknapprojek aan opknap@tuis.co.za. WIE WOON HIER? Paul en Kate CoetzeeWAAR SwellendamGROOTTE 157 m² (huis en motorhuis) Die erfenishuis in Swellendam se “ou dorp” het met die eerste oogopslag hulle harte gesteel. Dit het hulle herinner aan ’n regte klein pophuis. En Paul en Kate Coetzee was dit eens: Dié afgeleefde kothuis kort net ’n bietjie liefde – iets wat hulle meer as bereid was om te gee. Daarom het hulle die huisie opgeraap en B’s Cottage gedoop met hulle tienjarige dogtertjie, Brigita, in gedagte. Die idee was om eers nuwe lewe in die kothuis te blaas en dit dan te verhuur. Die egpaar, wat vier jaar gelede uit Komani (Queenstown) in die Oos-Kaap na die Overberg verhuis het, wou lig, warmte en gesellige samesyn skep in hulle nuwe eiendom,…

E-pos jou vrae na troeteldiere@tuis.co.za. Soveel plesier met ’n dier! Waag dit net! “Dis net ’n speelding, maar hy’s mýne,” sê Zara. – Ri-Ellen Kemp, Jeffreysbaai ’n Bietjie lafenis Gryskat weet waar om te gaan afkoel in die hitte. – Johan Meyer, Montagu ’n Kat in die sak Checkers Sixty60 het pas vir Archie afgelewer.– Mi-Jeanne de Villiers, Bredasdorp Die een is soos die ander … … maar Diego is die ware Jakob! – Ali Lorenz, Kaapstad Sááálig Xara bak graag in die sonnetjie. – Kayla Roodt, Somerset-Wes My beker loop oor Karel Kat kyk wat gaan aan in die gieter. – Elisca van Zyl, Lutzville WEN! Elkeen van die eienaars wie se troeteldiere op dié bladsye verskyn, wen ’n geskenkbewys van R500 van Petshop Science (petshopscience.co.za). Nou is die ideale tyd om vir…

WIE WOON HIER? Anton en Hanli SmutsWAAR Silwerstrand-gholflandgoed, RobertsonGROOTTE VAN TUIN 400 m²OUDERDOM VAN TUIN 3 jaarGRONDTIPE Kleigrond “Toe ons hier begin bou het, was dit ’n stowwerige en dorre stuk aarde met klipharde grond. Daar was nie ’n boom of erdwurm in sig nie,” vertel Hanli oor haar nou veel kleiner, maar steeds blomryke tuin. “Ons het in November 2022 hier ingetrek nadat ons 36 jaar lank op ’n vrugte-en-groenteplaas buite Robertson gewoon het. Ek was gewoond aan ’n pragtige groot tuin met gevestigde bome en struike wat ek by my skoonma geërf het. Die sproeiers het feitlik heeldag geloop met water uit die Breërivier se besproeiingstelsel. Maar ek en Anton het albei besluit ons is reg vir iets kleiners, en omdat hy van sy tienerjare af hier gholf…

Bevrore piesang-en-bessiejogurt Bevrore piesangstukkies wat in ’n voedselverwerker verpulp word, verkry die tekstuur van roomys, sonder die byvoeging van suiker of suiwel. Dollie dan dié piesangbasis op met vrugte, versoeters, selfs sjokoladesplinters of grondboontjiebotter, en jy het wat “nice cream” genoem word. Dié resep is my gunsteling-kombinasie, maar eksperimenteer gerus tot jy joune vind. Ek snipper en vries graag oorryp bessies en sagte vrugte in porsies, reg vir gebruik. Genoeg vir 650 ml • Voorbereiding: 5 minute, plus vriestyd 4 piesangs, in stukkies gesny en gevries 350 g bevrore bessies 45 ml grondboontjiebotter 15 ml heuning, of na smaak sowat 200 ml romerige ongegeurde jogurt Sit al die bestanddele in ’n bekerversapper (een wat opgewasse is om ys fyn te maak) en verwerk saam tot glad. Die tekstuur moet verkieslik…

Steak-aartappel-en-fetaslaai Onder R195 • Genoeg vir 4 • Voorbereiding: 40 minute Gaarmaaktyd: 25 minute • Oondtemperatuur: 200 °C 500 g baba-aartappels, gekook tot net gaar 30 ml olyfolie ’n groot klont botter 300 g beenlose kruisskyf 200 g kersietamaties, gehalveer 80 g gemengde slaaiblare (cos en roket saam is heerlik) 30 ml bros uievlokkies (“crispy onion sprinkle”) SLAAISOUS 100 g fetakaas 60 ml dubbelroomjogurt 30 ml gekapte platblaarpietersielie ½ knoffeltoontjie, gerasper 15 ml vars suurlemoensap 1 Voorverhit die oond. Druk die gaar aartappels op ’n gesmeerde bakplaat plat met die onderkant van ’n glas. Verf die bokante met ’n bietjie olyfolie, stip met botter en geur na smaak met sout en varsgemaalde swartpeper. Bak vir sowat 25 minute of tot goudbruin en bros. 2 Sny enige oortollige vet van die…

Beskut en kalmerend “Kleur verander alles,” is Craig Watson se kommentaar oor dié binnehof in Vishoek, Kaapstad. Saam met sy sakevennote, Adam Lange en Albertyn Smit, het hy nuwe lewe geblaas in die buiteruimte van hierdie erfenishuis. Die mure, wat in ’n ligte roosskakering geverf is, laat die helderpienk bougainvillea wat stadig maar seker besig is om die agterste muur te bedek, omtrent uitstaan. Die vloer, met plaveisel in sirkelpatrone, is ’n knipoog na die hemel daarbo. “Ons wou die effek van verskietende sterre kry,” verduidelik Adam. Elke sirkel is met gewone bakstene gevorm wat haarfyn gesny en gepak is. Op hulle beurt word die mure gekomplementeer deur die klassieke strepe op die kussings, wat ’n speelse, tydlose gevoel skep. Kelkies, kleur & kurwes Vir hierdie projek is die hulp…

WIE WOON HIER? Matt en Natalie MacLeod en hulle seuns, Leo (12) en Shay (10)WAAR Kaap St. Francis, Oos-KaapGROOTTE 172 m2 MATT SE WENK OM PLAFONNE TE VERF “Wanneer jy ’n wit of baie ligte kleur kies vir die mure, maak dit sin om die plafon in dieselfde skakering te verf. Anders sien jy ’n duidelike oorgang waar jy staatgemaak het op ’n verwer se bestendige hand om ’n perfek netjiese lyn te verf. Wanneer daar geen oorgang van kleur is nie, is die voorkoms naatloos.” Branderplanke en visstokke wat vasgemaak is op die dakrak van hulle Kombi, met twee jong kaalvoetseuns by hulle … dít is waarskynlik hoe jy vir Matt en Natalie sal raakloop sedert hulle uit Gqeberha verhuis het na die branderryparadys Kaap St. Francis. So ’n…

Aan mý kant VOEG PERSOONLIKHEID BY MET ’N DEKORATIEWE KANTTAFEL OF STOELTJIE Voel verlig WEES WAAGHALSIG AS JY ’N NUWE HANG- OF STAANLAMP KIES VERSKAFFERS EN KONTAK Bash bash.com Bespoke Home bespokehome.co.za Block & Chisel blockandchisel.co.za Builders builders.co.za Cash Tiles cashtiles.co.za Cielo cielo.co.za Douglas & Douglas douglasanddouglas.co.za Hertex Haus hertexhaus.co.za Iconomy iconomyonline.com Incanda incanda.co.za Karin Orzol instagram.com/karinorzol K.Light klight.co.za Mr Price Home mrphome.com Patio Warehouse patiowarehouse.co.za Plascon plascon.co.za Poetry poetrystores.co.za Rialheim rialheim.co.za Skinny laMinx skinnylaminx.com Woolworths woolworths.co.za Yuppiechef yuppiechef.com…

DIE UITDAGING Hoewel die buffetkas met sweefrakke bo nog funksioneel was, het dit maar effens oes begin lyk. Teen die liggrys fokusmuur – in die donker eetkamer – het die grys deure en donker blad die ruimte outyds en vaal laat lyk (sien inlas onder ). DIE OPLOSSING Nuwe roospienk melamiendeure en-sypanele, geborselde goue handvatsels, ’n blad met ’n marmerafwerking wat deur rakke van dennehout gekomplementeer word, ’n geteëlde spatmuur en ’n blospienk verfkleur teen die muur dra alles by tot ’n stylvolle, moderne opkikkering. TEËL SÓ DIE SPATMUUR Jy benodig INKOPIELYS KitKat-teëls in twee kleure  bindmiddel (keycoat)  gekoopte sementmengsel  mosaïekgom  voegbry GEREEDSKAP waterpas  maatband  troffels  emmers vir mengwerk  verfkwas spons  handwerkmessie  skraper  voegbryskraper (“grout spreader”) SEËL SÓ DIE HOUTRAKKE Jy benodig Woodoc Water-Borne Interior Clear Matt-seëlmiddel  skuurmasjien met 80-…

Stuur tuininligting en -vrae na tuine@tuis.co.za. Klein tuin, groot hart In Suid-Afrika se stedelike gebiede betaal jy dikwels ’n fortuin vir huise met groot erwe. Tog kan selfs die kleinste balkon, stoep of binnehof met die regte benadering ’n welige toevlugsoord word – én dit kan baie bevredigend wees. Dit gaan alles oor kreatiwiteit, vindingrykheid en om seker te maak elke vierkante meter tel. KIES PLAASLIKE HELDE In ’n klein tuin moet elke plant sy plek verdien deur goed te lyk en te floreer in jou plaaslike klimaat – en ideaal gesproke ook voordelige insekte of voëls lok. Vir moeitevrye struktuur, kies inheemse plante soos dwergaalwyne, spekboom (Portulacaria afra), wildeknoffel (Tulbaghia violacea) of klein agapantvariëteite. Hulle is droogtebestand, verg min onderhoud en lyk heeljaar mooi. Vir kleur en om bestuiwers…

WIE WOON HIER? Gertie PretoriusWAAR Boskruin, JohannesburgGROOTTE VAN TUIN 80 m2OUDERDOM VAN TUIN 5 jaarGRONDTIPE Sanderig, verryk met kompos Pienk is ’n kleur wat my gelukkig maak,” sê Gertie Pretorius. En geluk, sê dié sielkundige, was die belangrikste oorweging toe sy haar piepklein tuin onder hande neem. Gertie was pas deur ’n egskeiding; die huis was hare en sy kon nou die tropiese tuin vervang met een wat haar smaak en persoonlikheid beter weerspieël. Maar omdat sy ’n professionele mens is met min vrye tyd, het Gertie besef sy het nie die tyd óf hulpbronne om die toevlugsoord te skep wat sy in haar kop gehad het nie. Daarom het sy Debbie Smit van Foxgloves Landscape Design om hulp genader. “Ek het aan Debbie verduidelik ek wil baie rose hê,…

Genoeg vir 4 • Voorbereiding: 40 minute (braai van eiervrugskywe en kook van sous ingesluit) Baktyd: 25-30 minute • Oondtemperatuur: 180 °C 3-4 middelslag-eiervrugte 125 ml koekmeel 3-4 eiers, geklits groenteolie vir braai 8 skywe mozzarellakaas, elk sowat 5 mm dik 300 ml fyngerasperde parmesaan- of pecorino-kaas TAMATIESOUS 1 ui, gekap 45 ml olyfolie 3 knoffeltoontjies, gekap 3 ansjovisfilette, gekap (opsioneel) ’n knippie gedroogde rissievlokkies ’n knippie gedroogde tiemie 2 lourierblare, vars of gedroog 2 blikke (400 g elk) gekapte tamaties 5 ml suiker ’n hand vol vars basilieblare, gekap, plus ’n paar ekstra blaartjies vir garnering 1 Maak eers die tamatiesous Braai die ui in 30 ml olyfolie tot glansend en sag. Roer die knoffel, ansjovis, rissie, tiemie en lourierblare by en braai tot geurig. Voeg die tamaties by,…

Superster Drew Barrymore se Beautiful-reeks klein kombuistoestelle is nou in Suid-Afrika beskikbaar! Makro en die splinternuwe Walmart-winkels in die Clearwater- en Fourwaysmall verkoop ’n verskeidenheid ketels, versappers, broodroosters, staanmengers en lugbraaiers wat verrigting met ’n mooi voorkoms kombineer. Gaan na makro.co.za of laai die Walmart Africa-app af om joune te kry. Die sjef Amori Burger se fabelagtige somerspyskaart by Upper Union in Kaapstad is omtrent ’n viering van die seisoen se kleure en teksture. Boonop word elke gang voorgesit in ’n spesiale keramiekbak deur die kunstenaar Refiloe Seduke, stigter van Studio Verdée. Die keramiekware is ’n verlengstuk van die kulinêre ervaring en word spesiaal gemaak om elke gereg te komplementeer én ’n fees vir die sintuie te wees. Bespreek jou tafel by upperunion.co.za. TJORTS! Die Alvi’s Drift Signature Selection-reeks het behoorlik sy…