Huisgenoot

1 ‘EK IS BLY EK HET NOOIT OPGEGEE NIE’ Zinhle Jiane vier haar matrieksertifikaat nadat sy 16 km per dag skool toe en terug moes stap. Sy is die eerste in haar familie wat matriek slaag Welgedaan Zinhle! Ek het sommer baie respek vir jou. En ek is so bly dat al jou harde werk toe beloon is, dis net wat jy verdien. Mag dit net baie goed gaan met jou in die toekoms en die loopbaan wat jy gaan aanpak. HESTER Wow, baie geluk. Dit wys net weer op die waarheid van die ou gesegde: Aanhouer wen. So trots op jou. Mag jy nog vele hoogtes in jou lewe bereik, en mag jou getuienis ander aanspoor om ook bo hul omstandighede uit te styg. MALINDA Jy is ’n engelkind en ek salueer jou met die…

DIE kinderprentjie laat jou onwillekeurig glimlag. Dit wys ’n gelukkige stokmannetjiegesin wat ’n dag van waterpret in somerweer geniet. Maar daar is nog ’n element in dié vrolike toneeltjie: ’n rooi hartjie wat lyk asof dit van die gesinnetjie af opsweef na ’n enkele wolk langs die groot, geel son. Die pappafiguur is Erik Rautenbach (35) van Riebeeckstad in die Vrystaat, wat op 22 Januarie in ’n fratsongeluk by die Aldam-vakansieoord naby Ventersburg verdrink het. En die kunstenaar is klein Zonike Rautenbach (6), wat daardie dag probeer het om haar pappa te red. Erik het verdrink toe sy arm vasgesuig is deur die uitlaatgat van ’n kragtige pomp in die plonspoel van die waterglybaan by Aldam. En Zonike het desperaat probeer om haar pappa uit die suigkrag te bevry. “Ek kon nie dat my…

WANNEER ’n mens jou kop by die Van Vuurens se spitsdakhuis in Langeberg Ridge, Kaapstad, insteek, verwag jy half om ’n vrolike meisie-laggie te hoor. Maar dis tjoepstil en die skoolboeke op ’n werktafel is al teken dat ’n graadeentjie hier woon. Ná ’n rukkie loer ’n blonde koppie sku by ’n kamer in die gang uit. Dan kom klein Lara (6) agter ons kyk vir haar, en die koppie verdwyn weer vinnig. “Sy is vreeslik menssku,” sê haar ma, Jean-Mari van Vuuren (42). “Ons probeer regtig hard om haar ’n bietjie beter te kry tussen vreemde mense, maar sy sukkel.” Die Van Vuurens weet al dis beter om Lara tuis te los wanneer hulle winkel toe gaan en om kuiers by vriende te beperk. Maar dis vir hulle geen opoffering nie, want…

RAAI raai riepa: Wie is die karikatuurtjie met die magie en bokbaard wat net van die neus af ondertoe sigbaar is? “Dis Appel!” probeer Facebook-gebruikers in die kommentare. “Dis nie ek nie!” skerm Appel. Dan kom die waarheid uit: “Dis ek!” sê die sanger Fatman. Dis ’n speletjie wat hom nou elke paar dae herhaal. Die illustreerder en storieverteller Martin Schwella (34) sit op sy Facebook-blad, Schink Caricatures, ’n stuk van ’n karikatuur wat hy van die een of ander beroemde geteken het, en die wêreld kan raai wie dit is. ’n Persoon in ’n swart top wat ’n kitaar vashou? Dis mos Karen Zoid! ’n Kêrel met lang grys hare en ’n growwe baard? Dit kan net Anton Goosen wees. Karikature kan soms ’n wrede kunsvorm wees wat met mense se voorkoms die draak steek.…

Ek is so beïndruk met Martin se karikature dat ek vra of hy my ook sal skets. Gedurende ons onderhoud wys hy my die buitelyne. Dit voel omtrent asof ek in ’n spieël kyk. Nie net teken hy nogal akkuraat van ’n selfie wat hy van my aanlyn gevind het nie (geneem in die lente, kompleet met ’n blom in my hare); hy sit ook ’n ietsie by om meer oor my te vertel. As joernalis kry ek ’n notaboekie by, nes die een wat gewoonlik in my handsak lê. Ek lyk in my element. In die joernalistiek kry ons dikwels te doen met soveel hartseer – die vrolike karikatuur herinner my om nooit te vergeet dat ’n mens die mooi ook moet sien nie.…

SOMS skop die lewe jou wéér wanneer jy reeds broos is. Hy was nog besig om die dood van sy pa, die musieklegende Johnny Clegg, weens pankreaskanker te verwerk, toe die tweede ondenkbaar pynlike slag die musikant Jesse Clegg tref. Sy beminde, die ma van sy kind, het ook uitgevind sy het kanker – en toe sy sterf, moes Jesse alleen agterbly om te sorg vir hul piepklein dogtertjie terwyl hy self rou oor die dubbele dood van sy geliefdes. Baie mense sou in so ’n situasie gaan lê en hoop verloor – en wie sou hulle kwalik neem? Maar Jesse het besluit om die pyn te verwerk op die enigste manier wat hy ken: Hy het sy hartseer in musiek omskep. Toe ons die 34-jarige sanger aantref in die ateljee by sy huis…