Idees January/February 2022

KONTAK MY BY • terena@ideasfactory.co.za • instagram.com/terenaleroux Ek span nou seker die wa voor die osse, maar ek voel ek moet in hiérdie brief iets sê en nie eers volgende keer nie. Volgende keer sal ek báie sê, maar hier wil ek net noem: Toe ek vyf jaar gelede ons Nuwejaarsbrief geskryf het, was dit om julle te groet. Seker die ergste brief wat ek nog ooit moes skryf, trane in die oë en my vingers bewerig op die sleutelbord. En hier sit ek nou nog, vyf jaar se briewe later, en gesels steeds met julle, dié keer met ’n ligte hart en hand. Dankie aan almal van julle! Dalk daarom dat hierdie uitgawe vir my so ’n lekker mengsel van kreatiwiteit, positiwiteit en aandagtigheid daarin het. Soms gebeur daar net iets tussen die…

GESKENKE MET ’N GROEN HART Waarom bederf jy nie vanjaar jouself of jou geliefdes met somerbykomstighede wat ook Moeder Natuur se belange op die hart dra nie? Die Wêreldnatuurfonds (WWF SA) verkoop ’n reeks plaaslik vervaardigde, volhoubare produkte waarmee jy hulle bewaringsinisiatiewe ondersteun en wat jou terselfdertyd aanmoedig om Suid-Afrika se natuurskoon te geniet. Al die produkte in die WWF SA-aanlynwinkel is op etiese of volhoubare gronde gekies en word van herwinde of herwinbare materiale gemaak. Dit sluit in stylvolle strandsakke, T-hemde van herwinde plastiek, silikoonstrooitjieswatjyooren oor kan gebruik asook kleurvolle herbruikbare waterbottels soos dié. Koop dit by shop.wwfsa.org.za. KOSGIERE VIR 2022 Groente en gesonder koskeuses bly ’n groot kostendens in die nuwe jaar. Ook om kos te eet wat goed is vir jou, maar meer volhoubaar en beter vir die aarde is.…

‘Omtrent ses jaar gelede het ’n ou vriend uit my ‘O kinderdae ons vir Sondagmiddagete genooi. Dit was laat agtermiddag, ons het langs ’n tafel onder die bome uitgespan, die gasheer het pas ’n groot beker limonade voor ons neergesit en die kinders het gaan perdry terwyl die son stadig oor die see sak. Dit was die absoluut volmaakte prentjie en ek het na my vrou, Angela, oorgeleun en gesê: “Dís mos waaroor die lewe gaan,”’ vertel Justin Gomes. Justin, die eienaar van ’n advertensieagentskap, sê uit daardie Sondagmiddag van landelike vreedsaamheid is hul droom gebore: ’n plek waar hulle selfvolhoubaar die soort lewe kon leef wat hulle nog altyd wou, naby genoeg aan hul drie kinders se skole. Met sy groot kostuin, perdekampe en -stalle en ’n joga-ateljee wat gebou…

MODERN-FRANS Hier is ’n vermenging van twee dekorstyle wat wonderlik werk: Die steenkleurige muur en hortjies voor die venster neem jou na die Franse platteland, maar in plaas van die kafeestyl staaltafeltjie en -stoeltjies wat jy verwag, staan daar twee moderne ronde stoele waarin jy heerlik kan wegsak. Die stoele is van duursame politeen en polipropileen en sal nie buite verniel nie. Saam met die muur skep die dek van ligte hout die ideale agtergrond vir ’n prentjie wat jy na hartelus kan inkleur, hier met eenvoudige geel en groen kussings en potplante in houers met interessante vorms. Die boompies is perfek rond gesnoei om by die stoele te pas. MEDITERREENSE MOOI Ons sal nooit moeg raak vir hierdie dekorstyl nie, en as jy reeds die klipmure en -vloer het, staan niks in…

SLIM IDEE: Rond jou kroeg af deur ’n gekleurde LED-lig aan die binnekant vas te sit. Niemand sal die kroeg kan miskyk nie! BEDKASSIE MOEILIKHEIDSGRAAD: redelik maklik TYD: halfdag JY BENODIG ♥ bedkassie (of ’n ander meubelstuk) ♥ spuitverf in die kleure van jou keuse ♥ papierontwerp van jou keuse ♥ A1-velle wit papier ♥ modge podge ♥ handwerkkwas ♥ handwerkmes en snymat ♥ staalliniaal ♥ breë lint ♥ drukspykers SO MAAK JY 1 Berei eers die kassie voor: Trek enige laaie uit en skroef die laaien/of deurknoppe af. Skuur die kassie liggies af indien nodig (dis sodat die papier beter kan kleef) en vee dit met ’n klam lap af. 2 Werk op ’n drupmat en spuitverf die kassie se pote in die kleure van jou keuse. Laat dit heeltemal droog word. 3 Kopieer die papierontwerp…

MOEILIKHEIDSGRAAD: medium TYD: 2-3 dae JY BENODIG MATERIAAL ♥ diagram op bladsy 46♥ laaghout (ons het berkehout-laaghout gebruik) – 500 mm x 330 mm x 3,5 mm dik (dele 1 en 3)♥ jelutong (of enige ander ligte hout) – 250 mm x 330 mm x 40 mm dik (deel 2)♥ versinkgeelkoperhoutskroewe, 3 mm x 12 mm♥ houtlym (ultra)♥ skuurpapier: 80-, 150-en 220-grint♥ ’n string van 100 warmwit LED-feetjieliggies (deel 4) GEREEDSKAP ♥ staan-of handboor♥ 6,5 mm-en 2 mm-boorpunte♥ versinkboorpunt♥ draagbare uitsnysaag, bandsaag of kurwesaag♥ gleufskroewedraaier (klein) SO MAAK JY KAKTUSDELE 1 Sien die diagram van die dele op bladsy 46 vir die afmetings. Of skandeer die diagram in en druk dit op ’n skaal van 200% uit. 2 Lym dele 1 en 3 op die berkehout-laaghout vas; lym deel 2 op die 40 mmjelutong vas. 3 Saag die dele met…