Idees

Die ink was skaars droog op die Italiaanse regering se besluit om hul grense vir Suid-Afrikaanse toeriste oop te maak, toe is my kaartjie bespreek. Ek soek immers al meer as ’n jaar lank aanlyn vir ’n plekkie daar en nou kon ek uiteindelik gaan kyk. Laatmiddag op die Donderdag kom ek by my hotel aan en Vrydagoggend is die agent voor die deur. Tien huise later kom ek stokflou terug in my kamer aan. Die Noorde se bergdorpies is nie vir sissies nie. Die naweek, met die eiendomsmark so toe soos die winkels tussen 12.30 en 3 op enige dag, kom ek op ’n wonderlike kosmark af. Soveel verskillende tamaties! Dis mos hoe dit moet wees. Nie net grotes en kleintjies wat almal wonderbaarlik ses maande in die yskas hou nie,…

SPYS EN WYN Bring die beste in jou winterkos na vore met die jongste uitsoekwyne van Stellenbosch Hills. Die 2021 Chenin Blanc (R63) en 2018 Merlot (R94) het albei ’n sterk geurprofiel wat dit die ideale pasmaat maak vir kos. Die vrugtige karakter en vars surigheid van die chenin blanc sal dadelik help om die rykheid van ’n heilsame sop of oondskottel te neutraliseer. Die bekroonde volronde merlot spog met geure van bessies en ryp pruime met sweempies eikehoutspeserye en kruienaeltjies. Probeer dit saam met sampioensop of rooivleisgeregte. Die wyne is aanlyn te koop by stellenbosch-hills.co.za of by goeie wynhandelaars landwyd. POËTIESE SAMEWERKING Die Sera Holland-en-Poetry-produkreeks het ontstaan as ’n uitvloeisel van die fynbosgeïnspireerde blombakke wat Sera verlede jaar ontwerp het. Die oorspronklike reeks het bestaan uit bakke wat met die hand op…

As kind was Ingrid Nuys mal daaroor om plaashuise te teken met hortjies, strooidakke en diere wat in die grasveld wei. ‘As dogtertjie het ek altyd daaroor gedroom om “buite” te leef, iewers landelik, verkieslik in ’n plaashuis met knus hoekies, hortjies wat jy kan toemaak in ysige weer, en ’n paar hoenders en skapies op die werf.’ Dié droom is sewe jaar gelede bewaarheid hier agter die dyk in die dorpie Lekkerkerk in die suide van Holland. Die huis was al vir ’n jaar op die mark teen die tyd dat Ingrid en haar man, Jeroen, daarna gaan kyk het. ‘Alles aan die binnekant was groen – van die plafon tot die bad. Ons het gedink dis lieflik! Die atmosfeer was outentiek met talle oorspronklike elemente wat behoue gebly het,…

MODERN IN SWART Hierdie kombinasie van gedempte swart en grys skakerings, skoon lyne en ligte hout werk baie goed in ’n werkruimte. Veral mense wat van netheid en orde hou, sal lekker hier werk. Bring interessante tekstuur in deur die muur ’n growwe pleisterafwerking te gee en verf dit in ’n steenkoolkleur sodat dit die fokusmuur van die vertrek is en die vertrekpunt van jou dekorvoorkoms. Die moderne swart staalraammeubelstukke, metaalrakke en -ligte pas goed in by die algehele voorkoms, maar versag dit met elemente van ligte hout – hier by die tafelblad en stoel, die liasseerkabinet, kratte en rame. ’n Paar potplante help verder om die vertrek lewe te gee. KUNSTIG EN BOHEEMS Hierdie heerlik besige spasie is vol kreatiewe idees. Jy kan die voorkoms jou eie maak sonder om te veel…

VIR DIE POTE MOEILIKHEIDSGRAAD: uitdagend TYD: 2 uur JY BENODIG ♥ 4 voorafvervaardigde pote (ons het ons s’n by Gelmar gekoop)♥ 2 houtlatte (battens), in die lengte van jou boekrak gesny♥ 2 houtlatte, in die breedte van jou rak gesny♥ 8 skroewe (dubbel die breedte van die rak se basis, of selfs ’n bietjie langer)♥ kramgeweer♥ boor SO MAAK JY 1 Die meeste ysterwarewinkels sal die hout vooraf sny volgens die mates wat jy verskaf. Vra hulle om die punte te verstek (mitre) en gidsgaatjies te boor waardeur jou skroewe kan gaan. (’n Verstekvoeg is ’n voeg wat gevorm word deur die twee dele wat saamgevoeg moet word, teen ’n 45º-hoek te sny sodat dit saam ’n perfekte 90º-hoek vorm.) 2 Pak die houtlatte in ’n reghoek op ’n plat oppervlak. Maak seker die verstekhoeke is in…

SWARTBEK-BOONTJIESOP MET ROKERIGE HAM Met ’n bak van hierdie dik, voedsame sop kan jy de laaste honger maag in die gesin vul! Genoeg vir: 4-6 Bereidingstyd: 40 minute, plus oornag weektyd Gaarmaaktyd: omtrent 21/2 uur ♥ 250 g droë swartbekboontjies♥ 1 ml koeksoda♥ 15 ml olyfolie♥ 1 groot ui, gekap♥ 1 middelslag-wortel, geskil en in blokkies gesny♥ 2 selderystele, in dun skyfies gesny♥ 1 knoffelhuisie, fyngedruk♥ 500 g gerookte varkblad (ham hock)♥ 2 liter tuisgekookte of aangemaakte hoender-of groenteaftreksel♥ 1 lourierblaar♥ 15 ml paprika♥ 1 ml gerookte paprika♥ gerasperde skil van 1 suurlemoen, om voor te sit♥ 30 g platblaarpietersielie, fyngekap, om voor te sit 1 Plaas die bone in ’n groot bak en bedek dit met koue water. Roer die koeksoda by en laat dit eenkant staan om oornag te week. 2 Verhit die olyfolie in…