Idees August 2016
By Idees gaan alles daaroor om jou wêreld mooi te MAAK. Met hope kreatiewe inspirasie, vars idees, maklike projekte en stap-vir-stap-aanwysings is hierdie die moet-hê-gids vir handwerkers, naaldwerkers, makers, kokke en selfdoen-huismooimakers.
nesta edição
van die redakteur
Ek was selde in my lewe al so kniediep in verfkaarte, muurmates, ligkatalogusse, meubelwebtuistes, toonkamers en inspirasieborde soos vanjaar. In elk geval selde terwyl daar absoluut níks in my eie huis gebeur nie. Eers was dit my vriendin wat nog altyd gesweer het sy koop níks as daar enige werk aan gedoen moet word nie, wat verlief geraak het op ’n bergerf met die allermooiste seeuitsig. Al wat gekort het, was ’n bouer en ’n klompie idees. En so het ek langafstand help bou, uitsoek, kleure kies en raad gee totdat ek uiteindelik teen die berg kon gaan kuier in ’n splinternuwe huis wat terselfdertyd baie bekend gevoel het. Enkele maande later en ek is weer daar. Dié keer was ek en Carin al die pad Cullinan toe waar ons ’n klompie…
jou kalender vir augustus
MARKTE • Century City Natural Goods Night Market Dié mark word op 26 Augustus (en op die laaste Vrydag van elke maand) tussen 4 nm. en 9 nm. gehou by die Intaka Island Eco-Centre by Century City in Kaapstad. Maak ’n draai vir fynproewerskos, glühwein, boetiekbier, musiek en sitplek in tente. • Besoek facebook.com/CenturyCityNaturalGoodsMarket/ vir meer inligting. • Market @ 84 Koop teddies, serpe, leergoedere, juweliersware en klere by 84 On Main, Walkerville, Gauteng. Die mark word elke Saterdag van 9 vm. tot 2nm. gehou. Daar is ook vars produkte, fyngebak, samoesas, kerrie en boereworsrolle te koop. Die mark het ’n tuinafdeling en speelplek vir die kinders. • Bel Ariel by 078 223 9238 vir inligting, of stuur e-pos na marketat84@gmail.com. Gauteng 6 Augustus Die Teddy Bear Fair word van 9 vm. tot 2.30 nm. by…
dís in seisoen in augustus
GROENTE: Aartappels, aspersies, beet, blaarkool, blaarslaai, blomkool, boerbone, broccoli, brusselse spruite, ertjies, jong aartappeltjies, komkommer, kool, pampoen, patat, preie, radyse, rape, sampioene, seldery, skorsies, spinasiebeet, sprietuie, tamaties, uie, witwortels, wortels. VRUGTE: Appelliefies, avokado’s, grenadellas, kiwivrug, koejawels, lemmetjies, lemoene, lukwarte, nartjies, papajas, piesangs, pomelo’s, pynappel, suurlemoene. KRUIE: Grasuie, kappertjies, laventel, lourierblaar, marjolein, meerjarige basilie, ment, origanum, perdeblom, pietersielie, roket, roosmaryn, salie, sitroengras, suring, tiemie, vinkel. BLOMME BESKIKBAAR IN AUGUSTUS: Affodille, anemone, angeliere, aronskelke, baardangeliere, banksias, barbertonse madeliefies, bergbruidjies, blombosse, erikas, freesias, gipskruid, goudroede, gousblomme, heide, Ierse klokkies, inkalelies, irisse, kantblomme, knopbos, krisante, leeubekkies, orgideë, papierblomme, patrysbosblomme, pronkertjies, pronkridderspore, proteas, ridderspore, sintjosefslelies, soetemaling, speldekussings, sterretjies, stokrose, strelitzias, tjienkerientjees, tolbos, tulpe.…
leesgoed vir augustus
HANDWERK & LEEFSTYL Ribbon embroidery & stumpwork – Di van Niekerk (Metz Press, R220) Dié boek is geskik vir mense wat hul kennis van sekere borduurtegnieke wil opknap met duidelike aanwysings, foto’s en ’n gids oor die naalde, gare en lint wat jy nodig het. Leer hoe om talle verskillende blomme, blare en klein skepseltjies op ’n blommeborduurlap te maak. Dié tegnieke kan ook gebruik word vir laslapwerk, kwilts, kaartjies, deksels vir kartonbokse en klere en bykomstighede. The complete book of chalk lettering – Valerie McKeehan (Workman, R326) Hierdie boek sal jou help om die ABC van letterwerk en basiese letterstyle soos serif, sans serif en skryfletters onder die knie te kry. Vervolgens leer jy hoe om ’n ontwerp uit te lê, verskillende style in een samehangende ontwerp te kombineer en dimensie by te…
blogs van die maand
joythebaker.com Joy Wilson is ’n selfopgeleide bakker wat in ’n professionele bakker, kosfotograaf en kookboekskrywer ontpop het. Sy leef, werk, eet, drink en baljaar in New Orleans … ‘diep in die Franse buurt, waar die mense, kultuur en diepgebraaide soet beignets my inspireer’. Haar blog is propvol soet en sout seisonale resepte, ’n paar lekker planne vir skemerkelkies en die boeke en lipstiffie waaroor sy mal is. Kos, die lewe … en nog kos! theinspiredroom.net Melissa Michaels weet hoe knap almal se begroting deesdae is, maar glo dit beteken allermins jou huis moet sonder goeie ontwerp klaarkom. Sy en haar man is besig om ’n ou kothuis op te knap en deel hulle wenke vir bekostigbare dekor en allerhande onderwerpe soos hoe om weer geïnspireerd te voel as jy dalk in ’n dekordepressie…
nuwe dinge
DEEL JOU NUUS! Nuwe winkels & handwerk: Dala Watts (dwatts@media24.com) Kos: Louisa Holst (ideasmagazinefood@gmail.com) Dekor & mode: Carin Smith (carin.smith@media24.com) Juwele met ’n kinkel Liandri Fouché is die kreatiewe dryfkrag agter hierdie eklektiese reeks juweliersware wat NANA gedoop is. Bestellings kan volgens individuele behoeftes aangepas word. • Kontak Liandri by 084 252 4194 of besoek freidesign.co.za. Lekker vir laatwinter Is jy lus vir iets soets om die laatwinterblues te laat wyk? Maak ’n draai by Marcel’s-winkels landwyd en probeer hulle nuwe vuurwarm wafels wat voorgesit word met twee bolle van enige Marcel’s- bevrore jogurt van jou keuse. Maak dit nóg meer dekadent met ’n verskeidenheid ekstra bolae of souse. MEKKA VIR MOOIMAKERS Die nuwe The Beautiful Life Store in 4de Laan in Parkhurst, Johannesburg, is propvol interessante mooigoed – van keramiek tot servette – vir jou eie huis of ’n…
