Table of contents for 2026-04-14 in Isolezwe

BAPHATHI abasha benkampani yakwaMultichoice, iCanal + bayaqhubeka nokwenza izinguquko kule nkampani njengoba sekuvela izindaba zokuthi sebeqedile ngesivumelwano sokuba yingxenye yomcimbi omkhulu iDStv Delicious Festival. Kuvele ukuthi bathe umcimbi awubasizi ngalutho. Lo mcimbi obudonsa amehlo abaningi kuleli nase-Afrika yonkana, udonsa izinsuku ezimbili futhi kusuke kuboshelwe abaculi bakuleli, abase-Afrika nabaphesheya kwezilwandle. Umthombo weSolezwe ongaphakathi, uziqinisekisile lezi zindaba ezisabalale ngempelasonto wathi ziningi izinguquko ezizozwakala njengoba iCanal+ ihlela ukunciphisa izindleko zemali ephumayo kule nkampani. "Okwamanje iCanal+, ekufunayo wukuthi amakhasimende ayo abukele izinhlelo ngezindleko eziphansi ukuze akwazi ukuthenga ama-decoder futhi aqhubeke nokujabulela izinhlelo ezehlukene zethelevishini. Bafuna kubuye amakhasimende amadala azokwazi ukukhokhela ukubuka izinhlelo, kunokuthi balahlekelwe akhona manje abambe le nkampani ukuthi ingawi bhu phansi," kusho umthombo weSolezwe. Bathe bakhethe ukungabi yingxenye yabaxhasa lo mcimbi ngenxa yokuthi udla izindodla zemali. "Miningi imicimbi iDStv engeke isaba yingxenye…

ISAZI sezomthetho wokusetshenziswa kwezinkundla zokuxhumana, uNkk Emma Sadleir, simile ekutheni indodakazi yomholi weMKP, uMnuz Jacob Zuma, uNkk Duduzile Zuma-Sambudla, yayilokhu iyiphehlile eyodweshu ngesikhathi sezibhelu zango-2021. Sikusho lokhu izolo, ngesikhathi sifakaza eNkantolo eNkulu eThekwini, lapho ummeli kaNkk Zuma-Sambudla, u-Advocate Dali Mpofu, ekhale ngokuthi lo ngoti ufakaza ngaphandle kombiko ofanele, obizwa ngokuthi i-expert report. Lo ngoti ubehlonywa ngemibuzo ngobufakazi bakhe abethula phambilini, abuqoqa enkundleni yokuxhumana i-X, wase ebhala i-memorandum ngalokho akuthola. Wabe esenikezela ngombono wakhe ngokuziphatha kukaNkk Zuma-Sambudla. UNkk Sadleir utshele inkantolo ukuthi umqulu awusebenzisile ukwethula ngawo ubufakazi bakhe i-memorandum, akuwona umbiko (expert report). Uthe lokhu kwenzeka ngesizathu sokuthi abophiko loKlebe abeza kuye ukuzomtshela ukuthi kudingeka acubungule okwakubhalwe ezinkundleni zokuxhumana, abazange babuye kuye ukuzomtshela ukuthi ahlanganise lo mbiko ngoba uzoba wufakazi enkantolo. Uthe wathi uma esebizelwa enkantolo, waphoqeleka ukuthi athule ubufakazi bakhe…

BUHOLI beNdlu yobuHoli boMdabu KwaZulu-Natal, busishayela ihlombe isinqumo soMnyango wezokuBusa ngokuBambisana neziNdaba zoMdabu KwaZulu-Natal, esisuse imibuzo sokunika amakhosi izimoto ezingu-30. IPhini likaSihlalo weNdlu yobuHoli boMdabu esifundazweni, Inkosi Zwelinzima Gumede, lithe kufanele amakhosi aKwaZulu-Natal, anikwe izimoto ngoba amakhosi akwezinye izifundazwe ayanikwa izimoto. Inkosi ibikhuluma nabezindaba eThekwini, izolo. UMnyango wanika amakhosi angu-30 izimoto zohlobo lweSUV namaveni anezicabha ezine ngenyanga edlule. Emakhosini ahlomula yilawo ayingxenye yesigungu esiphezulu eNdlini yobuHoli boMdabu KwaZulu-Natal, kanye noSihlalo namaPhini oSihlalo balesi sakhiwo. Ukunikwa kwamakhosi izimoto kwaqubula imibuzo emaqenjini i-DA neMKP. I-DA yabhalela uMphathiswa woMnyango, uMfu Thulasizwe Buthelezi, imcela ukuthi akachaze ngokuthengwa kwalezi zimoto. I-MKP yona yakhala ngokuthi uButhelezi wakhetha iphela emasini ngesikhathi aba izimoto. Kepha uGumede uthe akuqali ngamakhosi aKwaZulu-Natal ukuba anikwe izimoto wuhulumeni wesifundazwe. "Amakhosi ayanikezwa izimoto ezifundazweni ezifana neMpumalanga ne-Eastern Cape. IKwaZulu-Natal ibisisele yodwa ngaphandle. Besilokhu…

OMUNYE wabalingisi abangaconsi phansi emdlalweni we-etv othi Isitha: The Enemy, uThobani Nzuza usememezele ukuthi nonyaka uzokhuza ibuya ngomdlalo wakhe weshashalazi othi, Boy Ntulikazi, okuyiwona aphendla ngawo intuba kwezokulingisa. Lo mdlalo weshashalazi agqama ngawo esaqeqeshelwa ukulingisa eDurban University of Technology ngo-2015, nanqoba inqwaba yemiklomelo ngawo, uzokhonjiswa eSeabroke Theatre, eDurban High School, eThekwini ngoMeyi 1 kuya ku-3. Engxoxweni neSolezwe ngalo mdlalo awubhale ngokuhlanganyela noKagiso Tsimakwane, uThobani uthe uqoke ukuwubuyisa kulo nyaka ngenxa yokuthi bese kuyisikhathi eside agcina ukuwenza njengoba wagcina ukuba khona ngo-2019. Uthe ubengasitholi kahle isikhathi sokugxila kuwona ngenxa yokuthi ubehlale exinwe kakhulu yimidlalo yethelevishini asebenza kuyo. “Ngikuqondanise nokuthi kulo nyaka kulo mcimbi kuzobe kutholakala nencwadi yawo lo mdlalo, esikwenzele ukuthi kube lula ukuqonda indikimba yawo ebantiwni abakhonze ukulandela imisebenzi yokubuciko ngokufunda izincwadi,” usho kanje. Eqhuba uthe lo mdlalo uqukethe indikimba…

SIBANGE sisalalelwa izolo, eNkantolo eNkulu yaseThekwini, isicelo sombango wamafa ophakathi kowayeyiphoyisa likaMasipala weTheku, uMnuz S'bu Mpisane nowayengunkosikazi wakhe, uNksz Shauwn Mkhize. Bekulindeleke ukuthi inkantolo ilalele isicelo sombango wamafa kulandela isehlukaniso somshado esakhishwa yinkantolo ngoNovemba 2024. Nokho kwagcina kungafinyelelwanga ekutheni bazohlukaniselana kanjani amafa. UMpisane ufuna kubuyekezwe izinto ezimbalwa mayelana nokwahlukaniselana kwamafa njengoba babeshade umshado owahlanganisayo. UMpisane obeswenke ngesudi emnyama enemikhono emfishane, ubonakale efika enkantolo ngethemba lokuthi udaba lwakhe luzolalelwa. Nokho ubonakale eqhwetshwa ebizelwa ngaphandle ngabameli bakhe, ukuyongqumuza okuthile, okuthe emva kwesikhathi babonakala bephuma behamba. Ubebukela ezikhululekele ebusweni, engakhombisi kudinwa noma kuphatheka kabi. Isolezwe lithole ukuthi abameli bakhe belulekwe ngokuthi bambhalele incwadi uNksz Mkhize, emphoqa ukuba abekhona enkantolo uma sekulalelwa isicelo sikaMpisane. Ngaleso sizathu icala lagcina lingahlalanga, kwangacaca nokuthi lizophinde lihlale nini. Ngokwamaphepha asenkantolo, uMpisane ufuna kubuyekezwe isigaba sesibili sencwadi yesehlukaniso, ukuze…

MHLELI: Ngivumele ngiphawule ngodaba oluphume kwelakho lwango-Ephreli 10, 2026, obelumayelana noMengameli we-IFP, uMnuz Velenkosini Hlabisa. Ngifisa ukuqondisa ukuthi akuzwakali kahle uma isihloko sodaba sithi "anginqwahile". Leli gama likhanda isithombe sokuthi nguMengameli we-IFP othatha isinqumo eyedwa siqu sokuthi iba nini ingqungquthela yeqembu. Empeleni, lesi sinqumo sithathwa yi-NEC ne-National Council yeNkatha, bese uMengameli elimemezela usuku egameni lethu sonke. Engifisa umhlaba wonke ukwazi ukuthi ekuqaleni konyaka ka-2024, uMengameli weNkatha, uHlabisa wayelokhu ebeka kuyona yonke imihlangano yangoMsombuluko, nyangazonke, udaba lokuthi akuvuselwe ubulungu kugcotshwe amaziko ukuze kuzobizwa ingqungquthela yokhetho - elokhu eyiphela endlebeni. Waqhubeka ngokwenzenjalo nango-2025. Akukho okungaphezulu kwalokhu ayengakwenza uma eseyihlahlile indlela njengoMengameli kodwa isivinini sokugcoba amaziko sihamba kancane. Nakulo nyaka nguye uMengameli obize umhlangano oyisipesheli wokudweba uhlelo lokuyogcoba amaziko awu-600 angakagcotshwa, okufanele agcotshwe kungakashayi uMeyi 30, 2026, ukuze kulungiselelwe ukukhetha izinhlaka ezingaphansi -…

KUBA mnandi uma kuhlangene imindeni, izihlobo nabangani kudliwa izibiliboco, kugeleza neziphuzo. Sikuphathele imicimbi ehlukene exoxwa ngezithombe. Uma ufisa ukuthi izithombe zomcimbi wakho zishicilelwe kuleli khasi, zithumele nge-email ethi: isolezwe@inl.co.za. Bhala kafushane ukuthi bekuwumcimbi kabani, umayelana nani futhi ukuphi. Uma esithombeni kukhona abayisihlanu kuya phansi, sicela nibhale amagama nezibongo zomuntu ngamunye. Izithombe zemicimbi sezishicilelwa njalo ngoLwesibili.…

MBANGO wesicoco seligi kwiDStv Diski Challenge (DDC) ufana ncamashi nalo oqhubeka kwiBetway Premiership lapho i-Orlando Pirates neMamelodi Sundowns bemisene khona kabi bese kuba yiKaizer Chiefs elwela ukuqeda isizini ilele endaweni yesithathu kwi-log. Lokhu kufana nezithupha ziya egwayini nakwiligi enkulu yaseNingizimu Afrika lapho umdonsiswano ngesicoco seligi uphakathi kweDowns neBucs bese kuthi Amakhosi adlalele eduze nendawo yesithathu. Ukuwina kwePirates ngo 1-0 kwiRichards Bay FC ngeSonto eChatsworth Stadium, eThekwini kuyibeka esicongweni se-log ngamaphuzu angu-63 emidlalweni engu-26. Lokhu kuyenza ibengcono ngamaphuzu ayisithupha kwiSundowns esendaweni yesibili kodwa esele ngomdlalo. Ngesikhathi iPirates izama ngakho konke enakho ukunweba igebe esicongweni, iSundowns ayizibekile phansi kwazise nayo iwunqobile owayo obunzima kwiStellenbosch FC ngempelasonto. ISundowns enamaphuzu angu-57 inethuba lokuhhafula isibalo okuhamba ngaso phambili iPirates kube amaphuzu amathathu uma inqoba lo mdlalo esele ngawo. Kumqoka nokho ukuqaphela ukuthi iPirates neSundowns…

MUNYE wabadlali beMamelodi Sundowns obehlula bonke ngezicoco naleli qembu laseChloorkop, uDenis Onyango, ulixwayise ngobungozi bokubuswa wumphumela eliwuthole emdlalweni womlenze wokuqala wowandulela owamanqamu weCaf Champions League ekuhambeni, bese lizitshela ukuthi seliwuphothulile umsebenzi. U-Onyango lokhu ukuveze enkulumweni ayenze nabezindaba kulandela ukuwina ngo 1-0 kweSundowns wegoli likaBrayan Leon kwi-Esperance Sportive de Tunis yaseTunisia, ngeSonto ebusuku, eRades, eTunisia. Ngale wini iSundowns izisondeze nethuba lokuwuqedela ekhaya umsebenzi ngempelasonto ezayo nokuzolandelwa wukungena emdlalweni wamanqamu njengoba kwenzeka ngesizini edlule. ISundowns izokwamukela i-Esperance ngoMgqibelo ngo-3 ntambama kowomlenze wesibili eLoftus Versfeld Stadium, ePitoli. Ngesizini edlule, iSundowns yabhajwa emdlalweni wamanqamu weChampions League ngesikhathi ishaywa yiPyramids FC yase-Egypt. U-Onyango obesebhentshini eTunisia, ujabule ngomphumela ababuye nawo ekuhambeni futhi uyakholelwa ekutheni uzobenza baye ngomfutho kulo mdlalo okungangatshazwa ukuthi bazobe bephume ngobuningi abalandeli beSundowns. “Isijabulisile iwini yasekuhambeni kodwa ngabe usenga ezimithiyo uma kukhona kithina…

IBISIYIBONA indlela yayo ingwazi yeLadysmith Black Mambazo, uMdletshe Albert Mazibuko, edlule emhlabeni ngeSonto eledule, emuva kokugula njengoba igcizelele kumfowabo isesibhedlela ukuthi ifuna ukufihlwa kuphi ngaphambi kokuthi kuyenele ngakusasa. UMazibuko (77) ushonele esibhedlela esiseThekwini, emuva kokugula isikhashana. Umfowabo u-Abednigo Mazibuko, oke wacula kwiMambazo ngaphambi kokuthatha umhlalaphansi, uthe uMazibuko wazisholo yena ukuthi ufuna ukufihlwa kubo eNtabamhlophe, Estcourt. “Ubengaqali, wakusho futhi kudala ukuthi uma ehamba ufuna ukuya ekhaya. Nakulokhu esegula ngiyombona esibhedlela kuwuMgqibelo, kanti uzohamba ngeSonto, washo wathi ningibeke eceleni kukamfowethu. Niyabona ngapha eduze kwesango. Ngadumala ngoba mina nginethemba lokuthi lo muntu uzophila, wase ekhuluma amagama anzima asinda kangaka. Wathi ningibeke ekhaya impela, ngifuna ukuya ekhaya eduze kukamfowethu. Usethuse kanti usekhuluma okokugcina,” kusho u-Abednigo. U-Abednigo ubekhuluma esithangamini nabezindaba eClermont, izolo, emzini womsunguli weMambazo ongasekho, uJoseph Shabalala. Uthe umfowabo ugule isikhathi esincane kodwa kwamqinisa…

INGXENYE enkulu yomholo wephoyisa elisolwa enkohlakalweni, uSergeant Fannie Nkosi, iphelela ekukhokheleni umuzi walo. UNkosi kuvele ukuthi unomuzi kaR1.5 million, awukhokhela u-R7 500 njalo ngenyanga. UNkosi uhola u-R16 500 ngenyanga. Le mininingwane uyinekele inkantolo ngesikhathi ecela ibheyili eNkantolo yeMantshi ePitoli, izolo. UNkosi akazange aveze ukuthi ikhona yini enye imali ayithola eceleni ngaphandle komholo. Usolwa ngokusondelana kanye nokwamukela imali kosomabhizinisi ababhekene namacala, uMnuz Vusumuzi 'Cat' Matlala, noMnuz Katiso 'KT' Molefe. UNkosi uboshelwe icala lokuphula imigomo yokugcinwa kwezibhamu, ukutholakala nezinhlamvu ezingekho emthethweni, ukutholakala namadokodo amacala asavalwa, ukutholakala neziqhumane kanye nokuphazamisa ukusebenza kwengalo yomthetho. Uwaphikile wonke amacala abekwa wona, wasola uMbuso ngokumbophela amanqina enyathi. "Ngiyawaphika wonke amacala engibekwa wona. Zonke izibhamu engatholwa nazo zazisesisefweni. Kungamampunge ukuthi ezinye izibhamu zatholwa embhedeni." Encwadini efungelwe, uNkosi uthe izinhlamvu atholwa nazo yizinhlamvu azinikwa emsebenzini. "Awukho umthetho othi kufanele…

IZIMPAWU zokuqaqeka kwezinto kwiKaizer Chiefs kazisho ukuthi abaqeqeshi bayo sebezothambisa isandla bavumele ukuthi abadlali benze intando yabo ngoba bayalwazi usizi lokucindezelwa wukungayitholi imiphumela encomekayo. Nakuba ukunqoba kweChiefs kwiGalaxy bekungokokuqala eminyakeni emihlanu edlule kuyona yonke imiqhudelwano kodwa omunye wamabamba abaqeqeshi kuyona, uCedric Kaze, ubeshumayela ivangeli lokungavuvukalelwa ngamakhanda njengoba kungathi isimo semiphumela sesijikile. Iwini yeChiefs kwiGalaxy bekungeyesine kulandelana kwiligi nokuyisondeza nephupho layo lokubuyela kwiCaf Confederation Cup ephume kuyona emidlalweni yamaqoqo kule sizini. “Isikhathi esikusona nomuzwa esiwuzwayo uyasiphoqa ukuba singabe sisathambisa kulokhu esikwenzayo ngoba kusobala ukuthi kusinika izithelo,” kusho uKaze kwabezindaba emuva komdlalo. “Esizokwenza wukusiqinisa nakakhulu isandla kubadlali ngenhloso yokususa kubona umqondo wokuthi izinto sezilungile ngoba luselude ukhalo okusafanele siluhambe ngaphabi kokusongwa kwesizini,” kuqhuba yena. Kunezikhathi lapho iChiefs ebibukeka khona sengathi ihlehla nyova okugqanyiswe yimiphumela emine eyithole ilandelana emiqhudelwaneni ehlanganisa iBetway Premiership nokukhala…

SIYABONGA Mafuleka weNRB Harriers Athletics Club ungomunye wabagijimi abazobe bedlana imilala emjahweni iZululand District Marathon (ZDM) webanga lika-56km ozogijinywa kusukwa oLundi, usongwe KwaNongoma, ngeSonto. Lo mjaho oxhaswe nguMasipala wesiFunda iZululand oholwa yiMeya uMichael "Mkhonyovu" Khumalo, ogcine ukugijinywa ngo-2019. Ukhuza ibuya nonyaka ngenhloso yokusiza abagijimi basesifundeni iZululand namaphethelo ukuwenza izikhathi zokuzibekisela indawo kwiComrades Marathon ezogijinywa ngoJuni 14, eThekwini, kuphelelwa eMgungundlovu. I-ZDM yanonyaka okulindeleke igijinywe nangabagijimi abanohlonze bakwezinye izifundazwe nabangaphandle kweNingizimu Afrika, izogijinywa ngokusuka eMangosuthu Buthelezi Airport, oLundi, isongwe eKing Bhekuzulu High School, KwaNongoma. UMafuleka (32) waseJozini, KwaMhlabuyalingana, ongaphansi kweNRB Harriers Athletics Club, usebenzise umjaho uMhlathuze Crocs Marathon yebanga lika-42km obuseMpangeni, ngoMashi 21, lapho elale khona isibili ngesikhathi esingu-2:30:25, ngemuva kukaSicelo Mkhwanazi odle umhlanganiso ngo-2:28:43. Nyakenye, udle umhlanganiso kwi-Best of the Best Marathon yebanga lika-42km, walala endaweni ka-13 kwiPrince Mangosuthu Ultra…