Table of contents for March 2016 in Lééf

Wenbrief! As ons saam bid As boervrou sien ek die natuur se kom en gaan; hoe die seisoene hulle afdruk op plant en dier maak. Ek sien ook hoe God vir elke lewende wese sorg en mense weer nader aan mekaar bring. Met die droogte het ek gesien hoe plaasdiere doodgaan. Ek het ook aanskou hoe my tuin sy laagste punt ooit bereik. Dis egter die minste om oor bekommerd te wees. Boere kon nie plant nie en ek het geweet daar lê ’n baie moeilike jaar voor. Maar ek weet ook God het ’n plan. Ek het gesien hoe mense hande vat en saam bid, hoe trane van dankbaarheid oor boere se wange rol toe ander boere met lorries vol voer aangery kom – daardie omgee vir mekaar wat…

J are gelede het die koms van die eerste verkeerskonstabel ’n ligte beroering op ’n plattelandse dorpie veroorsaak. Die groot vraag op almal se lippe was wat ’n sekere oom nóú gaan doen… Almal op die dorp het geweet jy hou maar wyd om oom Jassie as hy sy motordeur met ’n esdraai en skreeuende ban-de laat toeklap. Dit was sy oplossing vir ’n jigprobleem wat gemaak het dat hy die deur nie op die gewone manier kon toekry nie. Maar wat sou die spíétkop hiervan sê? Die uiteinde van die verhaal het nooit my ore bereik nie. Ek weet net my pa se koms as eerste tandarts op ’n windverwaaide Weskus-dorpie het jare gelede ook ’n paar mense se gedragspatrone kom versteur. Die seun van die hoteleienaar op die…

Stedeling, skep moed! As jy nie kan wegbreek na groener weivelde nie, is daar nou vele wonder-like plaasmarkte in jou omgewing. In al ons groot stede is daar deesdae sulke ouwêreldse handelsplekke met vars, gesonde en outentieke produkte in oorvloed. Jy voel jou tussen vriende. Die stalletjies word beman deur gawe mense, dikwels produsente, koskenners, kunstenaars en selfs sjefs. Plaasmarkte is ’n groeiende tendens wat ’n sin van gemeenskap bou, meen Sheryl Ozinsky van die Oranjezicht City Farm. “Dit skep ’n lewendige openbare vergaderplek waar gemeenskapstrots en samehorigheid gedy.” Isabella Niehaus, organiseerder van die Palms-mark in Woodstock, Kaapstad, stem saam. “Dis mos lekker om op ’n Saterdag na die mark in jou buurt te gaan, jou week se kos te koop, ietsie te eet, dalk ’n glasie wyn te drink…

"As jy jou andersheid vier, sal die wêreld dit ook doen. Mense glo presies wat jy vir hulle oor jouself sê: deur die woorde waarmee jy jouself beskryf, die dinge wat jy doen om na jouself om te sien, en die keuses wat jy maak om jouself uit te druk. Basuin dit vir die wêreld uit dat jy ’n unieke mens is wat gemaak is om verwonderd te wees en om vreugde uit te deel… en dit sal so wees"VICTORIA MORAN…

Om te luister speel ’n sleutelrol in ons geloof – ons maak staat op die feit dat God sal hoor wanneer ons ons behoeftes en begeertes aan Hom bekendmaak. Navorsing toon jy kan vanaf 50-jarige ouderdom geringe gehoorverlies begin ervaar Jesaja 65:24 sê inderdaad: “Voor hulle nog roep, sal Ek antwoord, terwyl hulle nog praat sal Ek hulle gebed verhoor…” En in Psalm 94:9 staan: “Sou Hy wat vir ons ore gemaak het, self nie kan hoor nie?” God bevestig Sy getroue oor, terwyl ons weer Sy almag in die Skepping rondom ons hoor: die geluid van uile wat roep, die krag van die wind en branders, die gelag van ons kinders… “Sodra jy een van jou seëninge waardeer, een van jou sintuie, jou gehoorsintuig, dan begin jy om sig…

Maandag Draai na binne! Dis nou die Vastyd, ’n seisoen vir nabetragting. Dink in hierdie weke voor Paasfees na oor jou lewe. Word stil voor die Here en vra Hom wat daar in jou verhouding met Hom is wat moet regkom. Verootmoedig jouself voor Hom. Bid dat Hy in elke vertrek van jou huis die Heerser sal wees. Dinsdag Bid sonder ophou Begin met ’n gebedsritme. Bid wanneer jy tande borsel, of wanneer jy die bed opmaak. Bid vir jou huismense as jy hulle wasgoed ophang of skoolbroodjies smeer. Bid wanneer jy ’n ambulans hoor, of wanneer jy ’n straatloper sien. Bid voordat jy ’n e-pos stuur. Doen alles in die gees van gebed. Woensdag Lees jou Bybel Lees jou Bybel soos jy ’n boek sal lees. As jy verskillende…

Dis in die middel van die somer, skryf Marcella Zwart (skuilnaam). Ek en my man kom aan in ’n klein ou stofdorpie aan die kus van die Rooisee. Ons staan voor die woonstelgebou waarin ons gaan bly. Daar is geen hysbak nie en die woonstel is op die vyfde verdieping. ''Ek kon baie keer die fisieke Teenwoordigheid van die Here in die sel aanvoel'' Ons sleep ons swaar tasse teen die vyf stelle trappe op. Die sweet tap ons af. Die humiditeit is 80% en dit voel of ’n mens wil verstik en nie asem kry nie. Dis ongetwyfeld die moeilikste stel trappe wat ons nog ooit in ons lewe geklim het. Ek weet nog nie die trappe is simbolies van die bediening wat op ons wag nie… In die…

'Vertel vir my ’n storie, Ouma,” sê my kleinkind, “maar dit moenie ’n besige storie wees nie. Ek soek ’n storie met min goeters in. Sodat ek kan dink terwyl Ouma vertel.” Dikwels is dít die versugting van ons hart: dat die storie van ons lewe eenvoudig sal wees, met genoeg tyd vir asemskep en werklik lééf. Die werklikheid lyk egter dikwels anders. Januarie se skoon, oop dagboekblaaie bult teen laatherfs met afsprake en doendinge en opdragte wat eenvoudig bly ophoop. In ons haastige, oorgekompliseerde lewe moet ons gaan sit en bestekname doen, ons moet aandag gee aan ons hart en gees, as’t ware ons tuin regruk om plek te maak vir nuwe groei. Ons moet onsself afvra: Hoe het dit gebeur dat ek nie tyd het vir die heel…

‘Ons wil die restaurant gebruik om ’n verskil te maak… Dis tog hoekom ons hier op aarde is...’ Lizen Goussard (33) en Lianti Loubser (28) is mooitjies uit een stuk lap geknip. Dié twee vriendinne en mede-eienaars van die restaurant Twaalf in die Eikestad is hartstogtelik lief vir kos en mense en het lank gedroom oor ’n eie onderneming. “Ons het altyd vir mekaar gesê ‘wanneer ons eendag ons restaurant oopmaak…’ ” vertel Lizen, “en op ’n dag het ons het besluit: Wat keer ons?” Lizen en Lianti het eers ander draaie geloop voor Twaalf gebore is. Lizen het op De Doorns grootgeword en aanvanklik by Maties in die regte studeer, terwyl Lianti, wat op Humansdorp grootgeword het, in ’n moderigting studeer en ook as au pair in Amerika en…

558 dae… ’n ware verhaal deur Yolande Korkie Vyfhonderd-agt-en-vyftig dae van hel. Twee siele verenig in liggaam en gees. Een almagtige God. Dit is die verhaal van die ontvoeringslagoffers Yolande en Pierre Korkie, soos vertel deur Yolande self. Pierre het dit nie oorleef nie. In hierdie rou en eerlike vertelling herleef Yolande hulle ontvoering en gewelddadige skeiding van hulle kinders en die lewe soos hulle dit geken het. In 558 dae deel sy alles wat sy gedurende dié afskuwelike tydperk ervaar het – van die oomblik van hulle ontvoering tot haar vrylating en uiteindelik Pierre se mislukte reddingspoging. Dit is ’n ware verhaal van ’n liefde wat min paartjies ooit ervaar; van geloof wat sterker word deur lyding en van vergifnis wat kragtiger is as menslike grense. Ingesluit…

Diere MANIERE Ons lesers het in November laas jaar hope pret gehad by die Pretoria-dieretuin tydens Nikon se werksessie oor buitelug-fotografie. 1 VAN LINKS Marselé Prinsloo, Hanneri de Wet, Hennie Snyman, Ester Snyman, Tilla Dormehl; Johanna Venter, Juan Gerber, Henry Eybers, Rudi Dreyer, Corné Zaayman, Joanita Smit, Herman Conradie, Bernadet Bronkhorst 2 Corné Zaayman, Natalie Goetsch 3 Michelle van der Walt, Linza van Aswegen, Natalie Goetsch 4 Elaine van den Berg 5 Hennie Snyman, Marselé Prinsloo, Juan Gerber, Natasha Beyers, Herman Conradie, Hanneri de Wet, Joanita Smit, Tilla Dormehl…

JOU KAARTJIE GEE JOU VOLLE TOEGANG TOT: 30 DAE VAN KOS & DEKOR WORD TROTS AANGEBIED IN SAMEWERKING MET Kies die oggend of die namiddag Oggend: 08:30 - 13:00 Namiddag: 14:00 - 18:30 9 kos-, dekoren selfdoendemonstrasies per oggend- of namiddagsessie Kaartjies is beskikbaar by www.30days.co.za of by Computicket • Ontmoet jou 9 gunsteling-redakteurs en 11 celebs • Koop na hartelus by verskeie opwip-winkels • Eet en drink by die tydskrif-kostrokke en Graham Beck se wynkroeg…

‘Ek soek U, o God, my God, ek dors na U; ek smag na U soos in ’n dor en droë land, ’n land sonder water’Psalm 63:2 ‘Vereer die Here met offerandes uit al wat jy besit en met die beste uit jou oes’Spreuke 3:9 ‘Jy kan nie vir ander tot hulp wees as jy nie jouself voed nie’Alexandra S toddard ‘Die saadjies van geloof is altyd binne ons – soms het ons net ’n krisis nodig om dit te laat groei’Susan L. Taylor ‘Om vir sukses te strewe sonder om hard te werk, is soos om te oes waar jy niks geplant het nie’David Bly Dagboek 5-6 Expo for Brides nooi alle bruide om idees te kom kry vir hulle groot dag. Meer as 120 spesialiste gaan hulle produkte…

By Affi Lande, Adri en Leon Swart se padstal, restaurant, spa en troulokaal op die plaas Die Lande langs die R26 tussen Bethlehem en Fouriesburg, wys geil populiere die pad aan: Draai hier af, skep asem, kom pluk ’n bossie vrede. En as iemand dié uitnodiging kan rig, is dit dié twee oud-Gautengers wat in 2013 hulle droom nagejaag en self ’n stukkie vrede hier in die uitgestrekte landskap van die Vrystaat kom opsoek het. Adri (58) was jare lank ’n onderwyseres aan die Oos-Rand, gevestig in ’n suksesvolle loopbaan, maar tog met ’n brandende begeerte in haar hart om meer van God se vrede te ervaar. “Ons maak elke dag ’n inskrywing in ons aardse boek van die lewe,” vertel sy vandag oor die geloofspaadjie wat haar hierheen gebring…

Reeds in antieke tye is melkbaddens gebruik om die vel te versag. Cleopatra se skoonheid word dikwels aan hierdie gebruik toegeskryf. In haar boek The new joy of beauty (Vermilion) skryf Leslie Kenton hoe jy deur twee koppies droë laevetmelkpoeier in jou badwater te gooi die vel goedkoop en maklik kan versag. Voeg hierby ’n paar druppels roosmalvaolie vir geur en siedaar! “ Dit help om vog binne die vel te hou, dit beskerm teen veroudering, dit kalmeer inflammasi, dit herstel sonskade...” Met die verloop van tyd verloor die gesig volheid en definisie. Volgens die skrywers van The anti-ageing beauty bible (Kyle Cathie Limited), Josephine Fairley en Sarah Stacey, kan jy jou vel jonk en mooi hou deur daagliks ’n glas organiese en hormoonvrye volroommelk te drink. Dié gesonde gewoonte…

Hoog op teen Schapenberg net buite Somerset-Wes troon Waterkloof-wynplaas uit. Met ’n uitsig oor Valsbaai kan jy jou skaars ’n meer asembenemende prentjie voorstel. Maar met die oog op die horison is dit natuurlik maklik om die anderste boerderypraktyk op dié stuk golwende groen aarde mis te kyk, want hier op Waterkloof word geglo dat biodinamiese boerdery die beste alternatief vir die tradisionele manier van doen is. Sedert 2004 stap die eienaar, Paul Boutinot, die wingerdbouer en plaasbestuurder, Christiaan Loots, en die wynmaker, Nadia Barnard, ’n nuwe, meer volhoubare paadjie – veral danksy Paul se geloof in biodinamiese landboumetodes. Om besoekers meer te leer oor die wat, waarom en die hoe van dié manier van boer bied Waterkloof ’n Circle of Life-staproete aan “vir enigiemand wat ’n passie het vir…

Net soos die Israeliete slawe was in Egipte, is ons slawe van sonde. God het vir die Israeliete ’n redder gestuur: Moses. En vir ons het Hy ook ’n Verlosser gestuur: Jesus Christus. Die Israeliete het lank gehoor van die Beloofde Land, maar toe die verspieders uiteindelik uit Kanaän terugkeer, het die volk se vrese en ongeloof veroorsaak dat hulle teen Moses en Aäron in opstand gekom het. Hulle het gekla: “…as ons maar eerder in Egipte of in die woestyn doodgegaan het, dan was dit baie beter!” (Numeri 14:2, Die Boodskap). Josua en Kaleb het tevergeefs by hulle gepleit: “…die Here is aan ons kant” (Numeri 14:9). Ons lees in Numeri 14:11 van God se woede: “Hoe lank gaan hierdie volk aanhou om die rug vir My te draai…

Niemand hou van negatiewe emosies nie. Daarom is dit vir die meeste van ons natuurlik om die dinge wat jou omkrap, eenkant te probeer skuif en te maak of dit nie bestaan nie. Maar dis nie altyd die beste manier om vrede in jouself te vind nie. Ons vind juis vrede wanneer ons dapper genoeg is om sáám met die Gees daarmee te stoei en hand aan hand ’n bietjie dieper in die donker van ons siel te stap. Dit lê in die bereidwilligheid om Hom in die toesluitkamers van ons hart toe te laat sodat Hy nuwe vensters van perspektief in ons kan oopmaak. Dit lê in die koue gange van selfondersoek waar Hy die vuur van liefde aansteek en ons onvergenoegdheid met tevredenheid vervang. Dis in die saamstap…

Die pette hang laag oor die oë, voete omhoog op die bank wat skynbaar oornag te klein geword het vir twee seunslywe. Sy aan sy lê hulle so en kyk na die kinderprogram-held wat in die buitenste ruimte op ’n volstruis se rug rondvlieg. “Ek is hy!” Dawid se vinger wys begeesterd na die held en sy oë blink helder. “Nee, ék is hy!” kom die antwoord vinnig en ek hoor die stryd is aan die gang. Oomblikke later hardloop hulle met flappende skouermantels oor die grasperk, arms uitgestrek soos Superman terwyl hulle omkyk of die mantel na agter opbol. Hulle vlieg, hulle red, hulle bestorm en hulle word die superhelde wat die hele wêreld se probleme in ’n middag oplos. Die aand met slapenstyd sit ek met die heldeboek…

1 Lees Spreuke 14:12. Ken God in al jou keuses – hoe gering dit ook al mag lyk. Elke besluit bring ons nader aan of verder weg van God. 2 Hy is ’n God van verhoudings. Kies dus ’n verhouding met Hom en mense bo dinge, werk, sukses, en soms ook ontspanning. 3 Bereken telkens die koste van jou lewenskeuses. Lukas 18:42 vertel van ’n bouer wat eers uitwerk hoeveel die bouwerk hom gaan kos… 4 Bekyk jou wêreld uit verskillende hoeke. Wat kry jy uit ’n spesifieke keuse? Wat verloor jy dalk? Wie word daardeur geraak, en hoe?…

‘Keuses: die sonde en seën van die menslike bestaan’UIT ALICE IN WONDERLAND Staan díe mites in die pad van jou roeping? Mite #1: Dit gaan alles oor jou. Die proses om jou roeping te verstaan vereis dalk ernstige introspeksie, maar moenie ’n fout maak nie: Dit gaan nie regtig oor jou nie. Roeping is nie selfverwesenliking nie. Roeping is onderwerping aan en die vervulling van God se wil vir jou lewe. Baie mense ervaar die genoegdoening wat kom wanneer jy jou Godgegewe talente en passies uitleef, maar daardie genoegdoening is ’n byproduk wanneer jy jouself in God se wil bevind. Dis nie die doel nie. Mite #2: As dit ongemaklik is, kan dit nie jou roeping wees nie. Om jou roeping te ontdek is nie die antwoord vir ’n gemaklike…

1 By die Old Farmer’s Deli op Bathurst kry jy nie net delistyl- en gerookte vleis nie, maar ook die lekkerste Engelse varkpasteitjies en tuisgebakte brood. 2 La Coco Food Purveyors is ’n bakkery, toonkombuis en deli in Lynnwood Village, Pretoria. Vir hulle is kos een van die vreugdes van die lewe wat gedeel moet word. Lees meer oor hierdie eetplekkie by www.foodpurveyors.co.za 3 Perfek vir kuier op die stoep: Dié lantern is by Coricraft- winkels landwyd beskikbaar. R495. www.coricraft.co.za 4 Kies die geurige Crosse & Blackwell Tangy Mayonnaise om kool- en aartappelslaai mee op te kikker. R22,99-R25,99. 5 Dis pure appelkoos! All Gold Chunky Apricot Jam bly ’n familie-gunsteling. R14,95. 6 Probeer gerus Mrs. Balls Sweet Chilli Sauce om ’n boereworsrol ekstra byt te gee. R16,99-R21,99. 7 Proe die…

Liefde, seks en verhoudings deur Anniéria McFarlane Was jy al verlief? Is dit regtig die moeite werd om te wag met seks? Is Bybelse beginsels ou reëls vir ’n moderne tyd? Anniéria McFarlane bekyk seksuele versoekings waarvoor meer as 20 Bybelse karakters te staan gekom het en wys jou wat jy uit hulle situasies kan leer sodat jy die regte besluite kan neem. Die rakprys is R89,95, maar Lééf-lesers kry 10% afslag. Neem dié bladsy na jou naaste CUM-boekwinkel om te kwalifiseer. Soek die Lééf- keuseboekplakker. Geldig tot 31 Maart 2016. Lééf luister na... Live at The Knight John Mark McMillan In 2002 het John Mark McMillan sy eerste album uitgereik, maar dié talentvolle liedjieskrywer en aanbiddingsleier het eers in 2005 werklik aandag getrek met sy tweede album en veral…

Gehoor (Die wonder van gehoor bl. 39) 1 Konings 8:28 Psalm 66:5 Spreuke 22:17 Jesaja 35:3-5 Romeine 10:17 Openbaring 13:9 Vervolging (Die Boodskap is alles bl. 58 ) Psalm 119:157 Psalm 119:161 Matteus 5:10 Sefanja 3:19 Matteus 5:44 2 Korintiërs 4:9 Vrede (Vrede in die gewone bl. 68 ) Psalm 34:15 Spreuke 19:11 Jesaja 59:8 Markus 9:50 Titus 3:2 Romeine 13:3 2 Timoteus 2:24 Jakobus 3:13-18…

Anet Potgieter (57) van Tsumeb in Namibië is die Maart-wenner in ons Wys jou hart-fotowedstryd saam met Nikon in Suid-Afrika. “Ek het hierdie wilde sonneblommetjie in die veld afgeneem met sy haartjies wat sommer duidelik omkring is. God wys sy liefde vir ons tot in die kleinste stuifmeelhartjie.” WEN! Stuur vir ons jóú mooiste foto van enige hart! Elke maandwenner wen ’n COOL-PIX L320 van R1 600. Die algehele jaarwenner kry ’n Nikon D3200 DSLR-kamera plus 18-55mm VR-lens en kamera-opleiding van R7 100. Tweede en derde plek wen elk ’n Nikon COOLPIX P520 van R4 000. SÓ NEEM JY DEEL 1 Stuur jou foto (300 dpi) per e-pos na foto@leef.co.za of pos dit na Lééf/Nikon-wedstryd, Posbus 785240, Sandton 2146. 2 Sluit jou volledige kontakbesonderhede by jou e-pos in. 3 Vertel…

Dis glad nie maklik om Erica Wessels vas te pen vir ’n onderhoud nie. Fliekpremières, openbare verskynings, oudisies en terugkeer vir finale oudisies hou haar dagboek vol. Maar in ’n bedryf berug vir onvoorspelbaarheid sê dit juis iets van hierdie veelsydige aktrise. “Ek weet nou dat ek eintlik niks weet nie en ek voel vryer as ooit...” “Ek is geseënd met werk, regtig. Ek dink dit het dalk iets te doen met die feit dat ek heeltemal tweetalig is, ’n obsessie het met aksente en juis daarom in sowel plaaslike as internasionale produksies toneelspeel en stemwerk doen.” Erica (37) is in 2016 in ’n hele reeks uiteenlopende projekte te sien. Trouvoete, ’n romantiese komedie, het laat verlede jaar begin draai. Sy is ook in ’n ernstiger rol teenoor haar goeie…

Stoepe bring mense bymekaar. Gesinne. Families. Vriende. ’n Stoep nooi mense om nader te staan, om diep in ’n leunstoel in te sak en deel te word van die ruim, gasvrye hart van die stoep. Die pioniers op afgeleë plase in die binneland het huise met breë stoepe gebou, soms reg rondom die huis. Hier kon hulle ná versengende dae op die lande in die koel aandbries sit en oor die dag besin. Die stoep was ook die plek waarvandaan die plaasmense die plaaspad kon bespied vir ’n klein stofwolkie in die verte – die teken dat besoekers op pad is. Wanneer ek aan stoepkuiers dink, herroep ek fliektoneeltjies van jolige families by lang stoeptafels onder groen priële. Die kos is eenvoudig. Brood en vrugte en kaas. Wyn. Bekers yskoue…

Sien net die mooi , drink net die soet… los die kaf en vat die koringRALPH WALDO EMERSON Blomvars Michael Kors Rose Radiant Gold Eau de Parfum is ’n romantiese blomme-en-muskusgeur. R1 045 vir 50 ml. DKNY Be Desired Eau de Parfum is ’n sensuele groen blommegeur met die reuk van lemoen, viooltjie en Turkse roos. R900 vir 50 ml. Vir jou oë Met Smashbox Double Exposure 14 Shadows that uniquely transform into 28 kan jy jou oë elke dag anders inkleur. Kleure kan gemeng-en-pas word en as jy jou grimeerkwassie in ’n bietjie water doop, kan jy selfs die intensiteit van die kleure verdiep. Dit is ideaal om van ’n natuurlike tot ’n dramatiese grimeervoorkoms te skep. R995. Nuut op die rak 1 Dermalogica Overnight Retinol Repair vernuwe ’n…

Honderd-vier-en-sestig kilometer noordwes van Port Elizabeth en negentig kilometer oos van Willowmore lê die Oos-Kaapse dorpie Steytlerville. Die Karoolandskap vou soos die blaaie van ’n tydskrif weerskante van die grys stippellynteerpad oop. Dit lyk asof die windpomp en dammetjie sy aan sy poseer vir ’n foto. Of die klossiesgras op hulle dun steeltjies spesiaal in wuiwende rye op die smal grondstroke langs die teerpad bymekaargekom het om die besoeker ál dieper in die vallei in te lok. Asof die oranjebruin rotsformasies tot teenaan die pad geskuif het, sodat die reisiger elke fyn stofgrys boomwortel wat in die rotsgleuwe aan yl klippertjies klou, soos deur ’n kameralens kan sien. En wanneer die motor deur die laaste poort tussen die amber rotse ry, lê Steytlerville in die laagte daar ver voor. Stil…

Jy het die titelsnit van jou nuwe CD, Nogtans sal ek sing , self geskryf. Wat was jou inspirasie? Dit kom direk uit my hart, lyf, emosies en denke rondom die onherstelbare pynskade wat ek ervaar weens trigeminale neuralgie en hoe my siel daarop reageer. Dis die naaste wat ek in ’n liedjie kan kom aan wat ek beleef het en hoe ek glo. Ná die mislukte operasie in 2007 het jy gedink jy sal nie weer op die verhoog wees nie. Was jy kwaad vir of teleurgesteld in God? Toe ek die omvang van die skade begin besef, het dit ’n ruk lank gevoel of die Here my verlaat het. Ek kon nie glo so iets kon met my gebeur nie… Ek het dan die prosedure…

Amala*, ’n Christenstudent, het nie onraad vermoed toe ’n familielid van ’n studentevriend vir haar ’n drankie aangebied het nie. Dié gebaar het Amala se lewe egter onherroeplik verander: Tydens die donkerste ure van haar lewe is Amala deur haar studentevriend verkrag. As slagoffer van verkragting in ’n Moslemkultuur, soos in die geval van Amala van Irak, verloor ’n vrou dikwels haar sosiale aansien en word sy vir haar familie ’n skande. In die nadraai van verkragtings bied die verkragter dikwels aan om met sy Christenslagoffer te trou – mits sy ’n Moslem word. Hierdeur word haar sosiale aansien en haar verhouding met haar familie op ’n verwronge wyse herstel. In die meeste Afrika- en Midde-Oosterse kulture vertolk vroue die rol van geestelike opvoeder in die gesinskonteks. Op hierdie wyse…

‘...wanneer ’n mens sónder met wieletjies ry, moet jy in jou kop dink aan daai wieletjies...’ Opgewonde bel ’n kleinkind. Hy het verjaar. ’n Volle drie jaar oud. En hy het ’n fiets gekry. “ ’n Bloue met wieletjies, Ouma,” jubel hy. “En kan jy al ry met hom?” vra ek. “Ja, Ouma, hoe dom is Ouma dan nou! Dis sommer maklik! Hy het mos wieletjies,” antwoord die kêrel gesteurd. “Ouma moet kom kuier. Dan wys ek vir Ouma.” Ons gaan toe kuier. Ek hardloop al langs die fiets terwyl die verjaarsdagman ry. Ek hou my asem op. Hy klim vol bravade op die fiets, wikkel sy sitvlak ’n paar keer om sy sit te kry, en dan buig hy effens vooroor, sy kneukels wit op die handvatsels. “Hie-ha!” Hy…

Barbara Joubert, bekende kosskrywer van Sarie, erken dat die skryf van jaar jongste resepteboek, Kostalgie – geure van my lewe, inderdaad ’n nostalgiese reis was. Dié boek is nie net ’n versameling heerlike resepte soos net Barbara dit kan uitdink en deel nie. Kostalgie (Coppersmith) is ook op visuele vlak ’n treffer en deel iets van ’n wêreld waarmee die skrywer goed bekend is. “Elke dag wat ek en Mickey Hoyle, fotograaf en uitgewer, aan die boek gewerk het, was ’n plesier,” sê sy. Vra ’n mens haar om die geure van haar lewe in ’n sin te beskryf, sê sy: “As ek iets ruik soos vandag weer die geur van vars pruime, laat dit my aan Kersfees in die Karoo dink.” Dit was juis ’n familieplaas in dié deel…

‘Ek glo nie ons is ter wille van onsself geskape nie’ Dié 57-jarige voormalige eienaar van ’n drama-ateljee se Ware verhale van hoop, Ware verhale van geloof en Ware verhale van vergifnis het van 2009 tot 2012 soos ’n stil, sterk golf deur ons land gespoel. Helena se nuutste boek, Flentermens word heelmens (ook deur Lux Verbi), gebruik ook ware verhale, maar wil ook lesers bemagtig om ná ’n moeilike lewenservaring onafhanklik te staan. “Ek glo nie ons is ter wille van onsself geskape nie. Ons moet leef om ander te inspireer om ondanks hulle uitdagende omstandighede weer sin uit die lewe te maak en ’n rede te kry om te leef. Ons moet hulle bewus maak dat God hulle belangrik ag en dat hulle net een tree op ’n…

TEEN 30% AFSLAG EN JY KAN EEN VAN 5 PLACECOL- GESKENKPAKKE TER WAARDE VAN R1 065 ELK WEN! Teken vandag nog in op Lééf – met hart & siel teen 30% afslag – dis slegs R36,30 per uitgawe (posgeld ingesluit) – en jy kan een van 5 Placecol-geskenkpakke wen wat spesiaal vir jou saamgestel is. Elke pak bevat produkte uit die plaaslike skoonheidshuis Placecol se Illuminé-reeks wat spesifiek vir vroue ouer as 40 geformuleer is. Illuminéprodukte bevat 27 kragtige aktiewe bestanddele wat ’n droë vel se vogvlakke verhoog, jou vel se tekstuur verbeter en die vel se beskermingslagie versterk. Skakel 0860 11 22 22 of besoek www.placecol.co.za vir meer inligting. TEKEN SÓ IN Stuur ’n e-pos na leef_inteken@media24.com Gaan na www.leef.co.za  en teken aanlyn in Bel 087…

‘Paasfees is die Nuwejaarsdag van die siel’ A.B. SIMPSON ‘En as Ek van die aarde af verhoog is, sal Ek almal na My toe trek” (Johannes 12:32). Christene oor die wêreld heen berei hulle weer voor om Paasfees op hulle tipiese maniere te vier. By ons behels dit Paasbolletjies, Paaseiers (eiers was reeds uit die Jodedom al deel van die Paas-simboliek) en die Paashaas (wat nie so ’n eg-Christelike oorsprong het nie). Om tydens die Vaste (of Lent, die 40 dae voor Paasfees) van klein luukses soos koffie, soetgoed en wyn te vas is vir my geestelik geweldig waardevol. Dan is daar die wonderlike Paasbyeenkomste: Palmsondag, die Tenebrae (“Diens van Duisternis”) wat dikwels op die Donderdagaand voor Paasfees gehou word, Goeie Vrydag se somber byeenkoms en Sondag se jubelende klokke,…

Ons wag reeds in Marianne se lugtige woonkamer as sy aankom: Henya glimlag, slank in wit, met spatseltjies ysblou patroontjies op haar hemp. Ongelooflik hoe sy, byna blind weens makulêre distrofie, altyd feilloos daarin slaag om haar klere en juwele perfek te kombineer. Henya word 90. Sy is ons kompleks se eie oorlewene van die Holocaust en ons vyf vriendinne het vir haar ’n intieme teepartytjie gereël voor die familie toeslaan. In sy Night-trilogie skryf Elie Wiesel oor sy Holocaust-jare: “…As iemand wat oorleef het, moes ek die een of ander betekenis gee aan dié oorlewing.” Vandat ek Henya vier jaar gelede ontmoet het, het dié woorde my bygebly. Waar ek oor Marianne se fraai teetafel na haar kyk, is dit moeilik om te glo dat hierdie grasieuse vrou soveel…